Post: #1
Title: قصيدة للشاعر علاء الدين الفليحى ..اهداء لكل البورداب
Author: merghani hamza
Date: 12-07-2003, 01:11 AM
علاءالدين الفليحى الشاعر يمتلك ناصية الشعر يطوع اللغة ..مرهف الكلام ..رشيق الحروف..تمتلئ قصائده ..بالحزن ..الفرح..الجنون ..لكم اهدى نص له ..
لمينى مرة ..ف..طرحتك..
ادينى مفتاح ..فرحتك...
..خلينى فى صخر الزمن
اغرس ملامحك ..انحتك..
يومى بدخل ..فى ..الامل..
دنيا من ..عينين ..وساع...
فى ذاتى بيعرش ...وجل ...
..خطواتى هدّاها ..الصراع ...
..النظره مدخل ..للغزل ...
..وانا من سنين مراكبى ما رفعت شراع
الريح شمال ...والريح يمين...
..والبحر متعة ..والتياع ..
...فى دهمة الرهق ..ال..أنين ...
..يا نحلة آه ..عسلك ..شعاع ...!
.............
الخطوة لهفة لزول هناك ...
معنى الصباح ..لحظة ..لقاك
..جواى ..براك
..علشان بخاف ..اقعد ..معاك
..........
..........
طول ..يا طريق ...
..انا تانى ما ..عايز رفيق...
..كل الورود خائنة رحيق..
..لكنى بس..
..زى ..أى زول..
..محتاج ..صديق..!
علاءالدين الفليحى
بداية 2000
|
|