لو كنت مكاني يا بكري ابوبكر تعمل شنو ؟

كتبت بوست قبيل الظهر بخصوص عنصرية جورك بوك Deng القذرة ضد تمبس . خرجت لقضاء مشاغل و تلقيت أثناء ذلك العديد من التلفونات تخبرني بإعتذار دينق لتمبس في البوست المعني . عدت الي المنزل و فتحت المنبر لقيت البوست إتسحب , مشيت لمكتبتي حتي افهم اسباب سحب البوست فلم اجد البوست ( جرت العادة حين سجب بوستات انو تركنها في مكتبة صاحبها) . إتصلت عليك و لم ترد , لعلك مشغول او بعيد من تلفونك فقررت مخاطبتك هنا. تعودنا يا صديقي ان نكون عقلانيين و منطقيين و حقانيين في علاقتنا و تعودت انت مني ان اساند لوائح المنبر حتي لو كانت ضدي .

لو كنت مكاني يا بكري ابوبكر كنت حا تعمل شنو ؟






مُرفقات
صورة من عنصرية دينق الكريهة ضد تمبس



صورة اخري لدينق بدون القناع الذي يشتم الاخرين من خلفه



في إنتظار ردك .


اخوك خدر الشهير بطارق ابوعبيدة

Quote: اخوك خدر الشهير بطارق ابوعبيدة

The other way around.
___

Quote: لو كنت مكاني يا بكري ابوبكر تعمل شنو ؟

أكيد حيغني ويطربنا..

بالهنا والشفا يا مولانا!

ياسر و ود الصايم

بلاهي ده مش الهم البّضحك ؟ بوست ماشي كويس و دينق بي كل صلفو إعتذر فيهو عن عنصريتو القذرة ضد تمبس
يتسحب ؟ مسألة محيرة فعلا.

وصلتني الان نسخة مكبشرة من البوست المسحوب

شكرا جزيلا شرفاء سودانيزاونلاين

الي الزميل الذي ارسل لي البوست المسحوب كاملا و مكبشر , الكابشر النولو الزميل عبدالعزيز حسين عبدالرحيم وصلني صورة غير مُفعلة
رجاء ارسل لي كوتات الزميل عبدالعزيز منفصلة حتي يكتمل عندي البوست .



لاذلنا في إنتظار رد الاخ بكري

سأواصل الردود علي المشاركين في البوست المسحوب هنا حتي يرد بكري

بت الشيخ - عصام جبرالله - احمد الامين

ده موقفكم المعروف عنكم و ما مشكورين عليهو و ياريت منبرنا يواصل ضد العنصرية

النجيضة .. كلام عصام جبر الله ما فهمت منو أي حاجة!

الاخوة هانوف و باكتاش

الحكمة من إعادتي للبوست ليست كما تعتقدون انها تصفية ثأرات بيني و بين دينق , علي العكس تماما , لا ثأرات بيني و بين دينق .. خلافي مع دينق كما تابعتم حول الدبل إستاندر بتاعو فيما يخص إطلاق يدو في شتم و التمييز في الاخرين و الحجر علي تشكيلي المنبر حتي في مجرد في إعلان تعاطفهم مع اللون الاسود . البوست الإتمارست فيهو عنصرية علي تمبس للاسف الشديد اول مره اشاهدو بعد نزلو علاء الدين في البوست الاخر محل الجدل , لن أعتذر طبعا عن ان سودانيزاونلاين ليست اولي اهتماماتي الحياتية فأنا مواطن لدي واجبات حياتية و إلتزامات اهم من المنبر العام لسودانيزاونلاين و القذارة التي تحدث فيه مثلما ترون بعاليه. القضية يا رفاق ليست مع من نقف القضية الاساسية هل نحن فعلا ضد العنصرية ولا ما نقول به مجرد فصاحة و طق حنك او كما قال خضر حسين , تهمة العنصرية لا تسقط بالتقادم. اتمني ان يكون موقفي و اضحا و ان اري موقفكم انتم في عضم البوست المحذوف , إهانة و سب دينق لزميلكم بالمنبر تمبس.

يا عمي خدر سلامات... عشان نفك ليك الزعلة هاك النكتة دي. واحد في الخرطوم موبايله اتسرق. اتصل على الموبايل لقاه مفتوح. ردّ عليه السارق قاليهو أيوا شلنا منّك. عاوز شنو؟ قال ليهو: الموبايل ما عاوزه بس الشريحة مهمة لأنها تحتوي على كل الأرقام. والناس بتضرب لي فيها. قال الحرامي لصاحب الموبايل: أنا في الحاج يوسف. لكن إنتظرني في الكنب العلي شارع النيل. لمن تصل هناك أضرب لي. صاحب الموبايل المسروق قام مشى على الكنب القدام البحر في شارع النيل. إتصل بالحرامي وقال ليهو انا وصلت الكنب ومنتظرك.
الحرامي قال ليهو: شايف قدامك شنو؟ صاحب الموبايل المسروق قال: شايف البحر قدامي. ردّ عليه الحرامي قائلاً: طيّب ما تقع فيهو. هههههههههههه. وبقول ليك يا خدر ما تقع في الخور وتجيب البوست راجع. يا زول أضرب الهم بالفاقة وانسى البوست وحنانه. لك الود.
كبـّـاشي الصـّـافي

(العوج راي والعديل راي)