Post: #1
Title: دعوها .. فإنها مأمورة
Author: خدر
Date: 07-26-2007, 08:12 PM
Parent: #0
زوجتي الجميلة
عندما قدمت الي هذه البلاد لم يكن في نيتي ان التقيكـ و لم اكن احلم حتي ان افعل .. كانت بوصلتي مشحوذه بإتجاة هجرة
خلتها ستطول و قد حدث .. لكن .. التقينا و سبحنا نحو جبل يعصمنا من الماء .. نجحنا في كثير و فشلنا في كثير ..
انجبنا وغدان جميلان و مزعجان قليلا
لقاء
السن: عام و 7 اشهر
المهنة: طفلة
خالد
السن: شهران
المهنة: طفل حديث الولاده
إذن اصبحت انت يا(صديقي) آخر البلاد التي حججت اليها و آخر غزواتي المباركات التي بعدها نكست اعلامي و سرحت
جيوشي و تبرعت بخيلي للمجهود الحربي و نصحت جنودي بالهجرة الي الخليج .
الان وانت ترتبين حياتنا جميعا في تصميم و جسارة .. اعلن لكـ
-اني لازلت احبكـ
-إنكـ عندي اغلي الكائنات
يتبع
|
Post: #2
Title: Re: دعوها .. فإنها مأمورة
Author: Mustafa Mahmoud
Date: 07-26-2007, 08:17 PM
Parent: #1
for your wife and your kids
|
Post: #4
Title: Re: دعوها .. فإنها مأمورة
Author: النذير حجازي
Date: 07-26-2007, 08:28 PM
Parent: #2
Quote: لقاء
السن: عام و 7 اشهر
المهنة: طفلة
خالد
السن: شهران
المهنة: طفل حديث الولاده
|
 والهواية لخالد رضع البزة، والأكلة المفضلة اللبن
وتحياتي لك ولزوجتك وطفليكما، وأمنياتنا لكم بدوام السعادة والهناء
|
Post: #16
Title: Re: دعوها .. فإنها مأمورة
Author: خدر
Date: 07-27-2007, 08:51 PM
سلامات يا دكتور
شكرا علي الورود و الامنيات و لكـ مثلها يا صديق
النذير حجازي
لووول والله يادوب انتبهت انا كاتب شنو
ياخي الكتابه دي زي الرصاصة تأثيرها بنشوفو متأخر
مودتي يا احباب
|
Post: #3
Title: Re: دعوها .. فإنها مأمورة
Author: Abubaker Ahmed
Date: 07-26-2007, 08:24 PM
Parent: #1
| Quote: نحو جبل يعصمنا من الماء |
| Quote: آخر البلاد التي حججت اليها |
| Quote: آخر غزواتي المباركات |
Quote: سرحت
جيوشي و تبرعت بخيلي للمجهود الحربي |
سلام يا خدر يا صاحبي
قلتا النهظر معاك شويه!!!!
الايام دي قاعد اقرا كتاب اسموGreat speeches ، الكتاب بياخد مقتطفات من خطابات الرؤساء و بحلل طريقة تفكيرم و نتائج حكمهم في القرن العشرين انا قلتا اعمل معاك كده 
حقيقي والله كلام جميل ومنسق و ربنا يسعدك اكتر مع اسرتك
|
Post: #17
Title: Re: دعوها .. فإنها مأمورة
Author: خدر
Date: 07-27-2007, 09:05 PM
Parent: #3
ابابكر
خطب عظيمة مره واحده ؟
الله يجبر بي خاطركـ ياخي
مشتاقين و متوحشنكـ ياقول محسن
|
Post: #5
Title: Re: دعوها .. فإنها مأمورة
Author: بارعة
Date: 07-27-2007, 01:33 AM
Parent: #1
كلمات عشق تتردد
انفاس حب تتمدد
قطرات من العرق وبقايا ادمع
قلت احبك
قال
يا قادمة من كون ا لراائعين
يتبع
|
Post: #6
Title: Re: دعوها .. فإنها مأمورة
Author: jini
Date: 07-27-2007, 01:36 AM
Parent: #5
الله يحفظهما ويديمكا عليهما
جنى
|
Post: #7
Title: Re: دعوها .. فإنها مأمورة
Author: خدر
Date: 07-27-2007, 08:53 AM
Parent: #6
|
Post: #8
Title: Re: دعوها .. فإنها مأمورة
Author: حيدر حسن ميرغني
Date: 07-27-2007, 08:56 AM
Parent: #7
حفظهماالله لك
وحفظك لهم
|
Post: #9
Title: Re: دعوها .. فإنها مأمورة
Author: Amira Elsheikh
Date: 07-27-2007, 09:27 AM
Parent: #8
Quote: اني لازلت احبكـ
-إنكـ عندي اغلي الكائنات |
ما اجمل بوحك يا خدر..
لكم صادق الامنيات..
وتحياتى للاوغاد الاتنين ..
|
Post: #10
Title: Re: دعوها .. فإنها مأمورة
Author: saif basheer
Date: 07-27-2007, 01:44 PM
Parent: #9
دي "حركات" جديدة وللا شنو؟؟
(تتذكر قصة البرلوم الريفي لما رجع في أول اجازة للقرية أبو قال ليه شنو في اول صباح يلتقيه!)
تحية واشواق ليكم الاربعة
سيف
|
Post: #11
Title: Re: دعوها .. فإنها مأمورة
Author: Tumadir
Date: 07-27-2007, 02:32 PM
Parent: #10
لا يعنى مسافة تكتب البوست ده ..
مش كان ممكن تغير ليك كم "دايبر" كده ..وتجهز ليك كم بزة...؟؟
ولا "دورك هو أن توفر لهم الحياة الكريمة" ؟؟؟
ههههههههه
مشتاقين يا خدورى وبارعة والصديقة لقاء ...خالد ده لسه ما بنعرفو ..
لكم تحياتنا جميعا ...من "نادى المراهيق"...والعقبال عندكم قريبا.
|
Post: #22
Title: Re: دعوها .. فإنها مأمورة
Author: بارعة
Date: 07-28-2007, 01:58 AM
Parent: #11
Quote: لا يعنى مسافة تكتب البوست ده ..
مش كان ممكن تغير ليك كم "دايبر" كده ..وتجهز ليك كم بزة...؟؟
ولا "دورك هو أن توفر لهم الحياة الكريمة" ؟؟؟
ههههههههه
مشتاقين يا خدورى وبارعة والصديقة لقاء ...خالد ده لسه ما بنعرفو ..
لكم تحياتنا جميعا ...من "نادىالمراهيق "...والعقبال عندكم قريبا. |
ههههههههههههههه بالغتى عديييل فى النادى
تماضر العسل سلامات
سمعتى الغنية دى!!
شفتى عليك الله جنس الشتارة دى
الغنية كلها فراق
صحبك متجرس
من قعدتنا مع ماما
وتوفير الحياة الكريمة:
بالمناسبة.........
خالد دة طيب خلاص
وبيخش فى الناس بي سرعة :
|
Post: #19
Title: Re: دعوها .. فإنها مأمورة
Author: خدر
Date: 07-27-2007, 09:13 PM
Parent: #9
بت الشيخ .. شكرا علي التحيات الذاكيات
و الاوغاد بطرفنا يردون بأحسن منها
قبلاتهم لكـ
سيف بشير
مشتاقين يا وغد
|
Post: #18
Title: Re: دعوها .. فإنها مأمورة
Author: خدر
Date: 07-27-2007, 09:10 PM
Parent: #8
جني و حيدر
ولكم من تلكـ الامنيات مثلها و عرفاني
النساء (وفق نظرية النصف الممتلي من الكوب) يشربن من كلماتنا هذه
بعيدا عن التمثيل الضوئي و الملح الحافظ لورود ذابلة
هكذا الحياة بخيرها
الله لا ورانا شرها
|
Post: #12
Title: Re: دعوها .. فإنها مأمورة
Author: Ahmed musa
Date: 07-27-2007, 03:21 PM
Parent: #1
خدر , بارعة , لقاء , حتي خالد
كلام في السر ؟!!
(بكيت علي مرحلتين , دمعات نزلن غصب وقلبي تجاوز نبضه الطبيعي)
كلام في الجهر
منك
من كلماتك
النفس الروحي الطالع من بارعة
روح الوغدين !!!
من كل ذلك شعرت بشيئين
1.
إني احب زوجتي وأوغادي الثلاث
الإسم : بهجة
العمر : سنوات لقاءنا
المهنة :حبنا
الإسم : معمر
العمر: 9سنوات وحب
المهنة: طالب ـ الهواية الشعور بالمسئولية مبكراً
الإسم عمر
العمر:5سنوات
المهنة: نهائي روضة ـ الهواية : مغالطتي !!!
الإسم : مستهدي
العمر: 10شهور(حلم إنو الارض مسجونة في موية وكل الناس مراكبية)
المهنة : طفل ـالهواية المشي
2.
كل من قرا هذا البوست او سمع به احب زوجته شوية زيادة
باااااااااااالغتها !!!!
|
Post: #13
Title: Re: دعوها .. فإنها مأمورة
Author: الطاهر ساتي
Date: 07-27-2007, 03:34 PM
Parent: #1
ربنا يسعدكم ..
|
Post: #14
Title: Re: دعوها .. فإنها مأمورة
Author: Emad Abdulla
Date: 07-27-2007, 03:58 PM
Parent: #13
يا عين يا عنية ..
أتبع .. و عقّب و زيد .
|
Post: #30
Title: Re: دعوها .. فإنها مأمورة
Author: خدر
Date: 07-29-2007, 02:17 PM
Parent: #14
الطاهر
شكرا علي التمنيات
ود التوم
صاحبكـ عندو فيدوكلب جديد لنج و خطير
مشتاقين ياخي والله
تحياتي للعيال
|
Post: #15
Title: Re: دعوها .. فإنها مأمورة
Author: bukhary el amin
Date: 07-27-2007, 04:31 PM
Parent: #1
دا بوست أجمل من جميل ....
نجلاء سيد أحمد الشيخ
العمر : مختلفين في تحديده
المهنة : بث المستطاع من الوعي وخصوصا في وسط النساء
البنات والابناء :-
الاسم : لارا
( أسماها صديقنا عماد الامين )
لارا محاولة لبدء الغائب الاتي
وشمسا قد انجبتك رفيقة تهوي مغازلة الدروب
العمر : تسعة سنوات
المهنة : طالبة
الهواية : تذكيري الدائم بأن النظام بالمنزل مهم من حيث وضع الاشياء في مكانها
الاسم : يارا
( أسماها صديقنا محمد عايس )
يارا الجدائلها شقر
فيهن بيتمرجح عمر
( طبعا شعرها عادي جدا بس طويل شوية بفعل شرب اللبن والغسيل مرة في الاسبوع وبي رشوة كمان )
العمر : ستة سنوات
المهنة : طالبة بجامعة الروضة كما تسميها
الهواية : لها هوايتان الاولي طلب التاكيد الدائم مني علي انها الاجمل في الكرة الارضية والهواية الثانية العمل بكل جهد لفض اي ونسة بيني وامها
الاسم : أمين بشري
( أسميتها أنا لكي يطلع علي أمين بشري صديقي .. يأكل النار ويعز اصدقاءه )
العمر : شافع ساكت
الهواية : له هوايتان الاولي اصدار ازعاج متواصل اناء الليل واطراف النهار والهواية الثانية البحث باكرا عما تبقي من ونسات معز معنا ....
هوايتهم جميعا : الازعاج كقاسم مشترك وفيض من الاسئلة المتواصلة ......
ما ببقي اسمه القمر
لو ما الهلال اكتمل
من اجلهم نحتمل
ما ليس بالمحتمل
|
Post: #21
Title: Re: دعوها .. فإنها مأمورة
Author: الشفيع عوض شوشتا
Date: 07-27-2007, 09:29 PM
Parent: #15
ابو (خالد) و (لقاء)
لك ولهم كامل الامنيات ..
|
Post: #20
Title: Re: دعوها .. فإنها مأمورة
Author: DKEEN
Date: 07-27-2007, 09:15 PM
Parent: #1
| Quote: الان وانت ترتبين حياتنا جميعا في تصميم و جسارة .. |
مرة تُحسد عليها بصراحة...
لطالما تمنيت امراة ترتب لي جوطة دنياي..
هواك خليجي ياخدر من زمان بس انتا ماك عارف..
حبابكم قواسيب قواسيب
|
Post: #23
Title: Re: دعوها .. فإنها مأمورة
Author: خدر
Date: 07-28-2007, 08:46 AM
Parent: #20
بخاري الامين
احمد موسي
ياسلام ياسلام عليكم .. شكرا علي شجاعتكم في الحب علي الملاء
خلونا نخلي البوست ده منبر لتحية الزوجات و الاخوات و الامهات
البديروا في الجياة دي بي صبر و حكمة و شجاعة
بعض من إعترافنا بالجميل و رساله لهن اننا نري و نسمع و نقدر
واصلوا يا فنانيين
عليكم الله عاينو مرتي دي انا اخت صورتها الصباح تجي تسحبها بالليل
دي مرة ولا بوليس دي ؟
_______
حكمة اليوم : لاتنسي تسجيل الخروج من المنبر حتي وانت في بيتكـ
|
Post: #24
Title: Re: دعوها .. فإنها مأمورة
Author: fadlabi
Date: 07-28-2007, 08:53 AM
Parent: #1
أصلو كان ما سافروا و خلوكم عزابة ما بتعرفوا قيمتهم
عافي منك يا بارعة
و يا خدر إتجرس يا زول
دي الحتة الوحيدة الجرسة الرجال فيها سمحة
|
Post: #25
Title: Re: دعوها .. فإنها مأمورة
Author: samo
Date: 07-28-2007, 09:13 AM
Parent: #1
خــدر ..
ليتك تعلم كم انت جمـــــــــيل في قلبي ..
لك الود ..
ولحبيبتك مثله ثقلان ...
|
Post: #31
Title: Re: دعوها .. فإنها مأمورة
Author: خدر
Date: 07-29-2007, 02:29 PM
Parent: #25
شوشتا سلامات
اخوكـ بكل فخر ابولقاء
خالد كمان عِرفة من متين ؟
دكوني
تعرف يا حبيب زمان كده في نص التسعينات غامرت و مشيت السعودية
غايتو مرقنا منها بي كرامة البليله
ياخي انا قاعد شهرين لم اشاهد من النساء ألآ كعوب اقدام تتجول في السوق
و ياما تخيلت نساء من كعوبهن
ياخي السعودية دي اهم شي فيها موش البترول .. نسأءها يارجل
باقي الخليج لا إعتراض عليه و جندي سعيد هناكـ الان
دكين .. انت قواسيب دي يعني شنو ؟
فادلا
عندنا صديقنا بقول المابخاف من مرتو ماراجل
يبدو انكـ من حزبو
تحياتي لـ مدينة
سامو
والله لو تعرف انت اسه اسرتني كيف ؟
ياخي انا من الليله صاحبكـ في المحبة
ولكـ مني مالي لاخوتي
|
Post: #26
Title: Re: دعوها .. فإنها مأمورة
Author: الصادق صديق سلمان
Date: 07-28-2007, 09:54 AM
Parent: #1
ياخدر
نسأل الله لك وعائلتك السعادة الدائمة
وأن يكفيكما شر الحاسدين والغيرانين.
أبوفتحية
|
Post: #27
Title: Re: دعوها .. فإنها مأمورة
Author: محمد البشرى الخضر
Date: 07-28-2007, 10:06 AM
Parent: #26
من شدة البوست دا جميل
خيل إلي إنو انا فاتح بورد تاني
|
Post: #28
Title: Re: دعوها .. فإنها مأمورة
Author: bukhary el amin
Date: 07-28-2007, 01:11 PM
Parent: #1
يخسي عليك يا فاضلابي ما بتسلم علينا ....
|
Post: #29
Title: Re: دعوها .. فإنها مأمورة
Author: Osman Musa
Date: 07-29-2007, 04:21 AM
Parent: #28
لكم اكاليل الورد
تحياتى
|
Post: #32
Title: Re: دعوها .. فإنها مأمورة
Author: خدر
Date: 07-30-2007, 05:47 PM
Parent: #29
(يسألونك عن الأنفال)
ملاكـ في ظلالو متهني
رشيق ذو قامة متثني
إذا استقبلنا محياهو
جذب أفكارنا بي حياهو
سحر أنظارنا بي ضياهو
أنا الـ بي حبو شاغلني
كيف لا أعشقو و أغني
و أذوب من لطفو و أخلاقو
من ظفر منكم بذات الدين تربت يداه وكذا الذي ظفر بذات بساله و دم نبيل .. دماَ لم تعبره
خيول القنوات الفضائية و حكومةالانقاذ و الكوكاكولا .. دم ينضح كرماَ صاحت منه جزالينكم
ساعة تسرب الدنانير الي صاحب الكنتين السعيد.
فالنساء يا اصدقاء كما الانفال فتخيروا خفافاَ .. أنفالكم و إحتفوا بهن ففيهن ذادكم .. ولا
تنسوا ان قلوبهن كما نبل المقاصد و عواطفهن تحتاج الي السُقيا .
مرضني و ما سال عني
أحبو و برضو يجهلني
فنيت أفكاري في فني
و شبت مع صغر سني
و مهما يكون صارف عني
أحبو و قلبي يشتاقلو
و من يوم ما بقى فراقو
منامي و طرفي ما إتلاقو
والاوغاد الكِبار يوقعون إتفاقية مياة النيل .. دوت في سماء ابوروف صرخة لـ طفل اسمر جميل قُدر
له ان يساهم في صياغة تاريخ شعب اسمه السودانيين (محمد بشير عتيق) تتلمذ .. (خلاوي و دوبيت
و كاجوال) كان أندادة آنذاكـ بالمدرسه الاوليه رهط من قادة الرأي السوداني محمد احمد محجوب
واحمد بشير العبادى و مهدى دوليب وعبد الله عبد المحمود ابو شامة ذهبوا جميعا الي ملاقاة وجه
رب رحيم و تركوا لنا الاف المراجع و المقالات و التلاميذ و تركـ لنا عتيق هذا الذي نسمع ..
عليكـ رحمة الله يا عتيق
|
Post: #33
Title: Re: دعوها .. فإنها مأمورة
Author: خدر
Date: 07-31-2007, 04:11 PM
Parent: #28
ابوفتحية
آآآآآمين يارب
ودالبشري
| Quote: خيل إلي إنو انا فاتح بورد تاني |
عثمان موسي
كيفكـ ياقريبي .. فاقدكـ والله
و مستمتع معاكـ بي بوست ع.ع. المقالح
|
Post: #34
Title: Re: دعوها .. فإنها مأمورة
Author: ترهاقا
Date: 07-31-2007, 04:18 PM
Parent: #33
خدورى
الاغنية دى إتقطعت فيها عديل وتجديد جميل بس الشغل داير ليهو اوركسترا سنينة
ولكما الود
|
|