وللنساء في قلبي اكثر من بطينين و هن عندي قيمة تعلو علي مقدمات الجماع و مايخرج من السبيلين و في هذا انا لا آبه عادة بإعلان المبادي او حقوق الانسان .. استمسكـ فقط بحبل المحَنه المُبين فأنا من لحم و دم ,, وهن قيمة تتنفس و تحب و مابتخاف الله فينا.
هذا البوست ليس فيه من امر (حقوق المرأة) من شي .. لذا وجب التنويه.
يبدو ان فايروس حب محمد علي (الامي) قد اصابني , فـ للمرات الكثيرات اجد نفسي نائحا به , منقبا عن الشجن المخفي بمهارة خلف ذاكـ التجهم .. لماذا اخفي (الامي) كل تلكـ الرقه خلف قناعه الاصم وكيف خرجت من تحت قفاطينه النديات تلكـ الحمائم و الاقمار .. طب عليكـ الرحمه مني حياَ و ميتاَ في الخالدين .
تحذير رسمي .. هذا البوست برعاية قلبي .. فترفقو
____________ اسمعني نشيدكـ نشيد محمد علي عبدالله (الامي) صوت طارق ابوعبيدة
Post: #2 Title: Re: اسمعني نشيدكـ كيفما اتفق Author: هاشم أحمد خلف الله Date: 04-05-2008, 11:57 AM Parent: #1
Quote: وللنساء في قلبي اكثر من بطينين و هن عندي قيمة تعلو علي مقدمات الجماع و مايخرج من السبيلين و في هذا انا لا آبه عادة بإعلان المبادي او حقوق الانسان .. استمسكـ فقط بحبل المحَنه المُبين فأنا من لحم و دم ,, وهن قيمة تتنفس و تحب و مابتخاف الله فينا.
الله عليك يا خدر ده ما الجن الكلكي ظاتووووووووووووووووو
لو الايام لديارنا تعيدك ليتها يا طارق او خدر لا تلعب الاسماء دورا الان فقط هذا اللحن المشحون هذا الصوت الذى نبهنى له ابن خالى لاول مرة تخفى عنى الايام صوتا ما كنت التقط الاصوات من اول شرودها فى الاثير لكنى ما التقطتك وحزينة ربما لانى كنت خارج تغريد الاثير هذه المرة لكنى سعيدة انى التقط الان لحنك وصوتك وانسانيتك فعذبنا بنشيد الامى وصوتك الممتد فى كل خلية الان
Quote: وكيف خرجت من تحت قفاطينه النديات تلكـ الحمائم و الاقمار
و كيف بيبتق صوتك حنين يا ود الذين .. كيفن الغنا يفرهد أزمنة و نساء بوارج و جدعات يد و قدلات قدلات و روايح غميسة .. و قيامات رابطة ؟؟ غتيت الغنا المدوعل سماحة زي ده يا مولانا .. و بيعوق .
الله يكسبك إنت و شيخنا الرئيس الأمي .. رجيت الله عليكم .
عماد يا صديقنا في الحياة و نبينا في الكتابة بأي غصن تكتب !! او كما قالت (تمادر) تعال لنكتب لها لتعود اختنا في ادم و الفنون تمادر شيخ الدين جبرين اظن البورد يحتاج بعضا من قصصها المتوسطة و تعليقاتها الما بتشبه اكتب لها لتعود و ابق هنا و لكـ من (الامي ) السلام
بالله !!! وغد و الاوغاد قلائل خدر ياخ اختا البحر ده .. صدقني موجو عااااااااالي و قيفتو هشة .. سهر الليالي ما هو هوين !! بعدين الكهرباء بتجي من وين من البحر صاح !! بتطقكـ .. بتطقكـ يا وغد
سلمي يا اختنا في الحَنان لا عليكـ يا (ستنا) فأنا حظي مصنوع من غار لم اتسرب الي اذنيكـ لانشغالي بقضايا اظن انها مصيرية و ليس من بينها الغناء غبي موش كده ؟ انا سعيد انكـ هنا يا سلوم و فرحان بي ودخالتكـ برضو
هجرت الكتابه يا خدر و عندما انهكتني الحياه عدت لسودانيزأونلاين و اكتفيت بالقراءه فقط أجبرني متوكل توم للتداخل و ها أنت تجبرني لمرة أخرى يا شين. . . . خدر مجرد سؤال يجول بخاطرى "إنته بتعمل كده لييه ياخ؟؟؟"
Quote: وللنساء في قلبي اكثر من بطينين و هن عندي قيمة تعلو علي مقدمات الجماع و مايخرج من السبيلين و في هذا انا لا آبه عادة بإعلان المبادي او حقوق الانسان .. استمسكـ فقط بحبل المحَنه المُبين فأنا من لحم و دم ,, وهن قيمة تتنفس و تحب و مابتخاف الله فينا.
من زمان و أنا عاوز أقول الجمله دى لكن صدقني فشلت في التعبير عنها ووجدت ضالتي عندك . . . أسمح لي بالبوح في محرابك هذا فقد ضاقت بي الأرض بما رحبت و لم يبقي سوي الأسافير سأعود .
Post: #9 Title: Re: اسمعني نشيدكـ كيفما اتفق Author: saif massad ali Date: 04-05-2008, 02:01 PM Parent: #8
اسمعنى نشيدك (متفق عليه ) اخرجها طارق ابوعبيدة لزمانات تاتى اسمعنى نشيدك ورينى كمان فى الفن تجديدك يا حمام الدوح اسالنى افيدك عن حالى البى واحسبنى شهيدك يا حمام الدوح لو ايدى فى ايدك البس روحى ياحمام فى وريدك اسمعنى نشيدك اترك تهديدك يا ساجع الدوح خلينى اريدك سارح فى هجيدك لو لى جناح انا كنت وازيدك رحماك فى صعيدك اندب حظى وادينى بعيدك يوم عيدى وعيدك لو الايام لديارنا تعيدك اسمعنى نشيدك ورينى كمان فى الفن تجديدك يا حمام الدوح
عليكن الله عاينو الزول دا قال شنو ؟ البس روحى يا حمام فى وريدك على راى عماد انى امنت بالله
عبدالرحمن والله يا ود عمي ما طالبني حليفه الاغنيه قاعدة بس الله ينعل الكسل لكن وعدي قائم .. بعدين كيف انت والاهل بي هناكـ
سلمي والله انا مبسوط جدا انو الحياة و الناس عاندوا عمنا (الامي) عشان هم يشوفوا زعلو منهم و من تصاريف الاقدار و نحنا نستمتع بكل هذه الاريحية و الحب (الامي) فنان يا سلوم ياخي
يا انعام ما مشفر ولا حاجة دا مافى زاتو حركة من خدر عشان قلنا ليهو معجبين شفتى كيف ؟ وحلات قال كاتبا بالبنط الكبير ياخ امشى ياخ وبطل حركات الفنانين ورسل لينا اللنك
Post: #30 Title: Re: اسمعني نشيدكـ كيفما اتفق Author: انعام عبد الحفيظ Date: 04-05-2008, 10:14 PM Parent: #20
Quote: يا انعام ما مشفر ولا حاجة دا مافى زاتو حركة من خدر عشان قلنا ليهو معجبين شفتى كيف ؟ وحلات قال كاتبا بالبنط الكبير ياخ امشى ياخ وبطل حركات الفنانين ورسل لينا اللنك
سلومة ما تزعلي قدر دا ياخ وتفكي آخرك ليهو
خدر بجي يخت لينا لنك الحفظ وبعد ما يختو قولي كلامك سمح
خلينا هسه في الشكر وكدا وبعدين نقول ليهو (أمشي صوتك ولا سمح ولا حاجة)
ود الجيران قبضتكـ لمن شفت صورتكـ الاسابيع الفاتت ويين انت و الدنيا عملت فيكـ شنو !!
ممكونة الممكون شكلو مسافر ربنا يعيد كا الناس لحبانها
ودعدلان صاحبي خليها تندلع ياخي .. إنشاء الله ما تتلتق قدر ما بزرني الحنين في الركن شيلوا شيلتكم و شكلي حا نديها نيويوركـ في الصيف تلفوني في البروفايل .. خليننا نتضارب
واحد صاحبنا قال لى الليلة سمعت اغنية طارق دى زى تمانية مرات كدا ..قال لى الزول دا غناى ليه مايرجع السودان؟!..قاليك(حقوق الملكيةمحفوظه لودالبشرى) لو رجع حايقبض الجو من الفنانين الهناك كلهم..
اسمع ماتصدق كلام زى دا .. الزول دا عايز يورطك ورطه لاليها اول لاآخر ..انت غنى ونحن بنسمع ليك ..ولو عملت كاسيت بتلقانا زبائن دائمين ..غير كدا اوعك ..
Quote: فاتني أن أهدي هذا (النحيب) إلى الهيئة القومية للكهرباء وخسوساً كبير مهندسي الكهرباء
تيسير .. من امس و انا كايس التخارجني من الضحكـ كيفكـ انت !!
Quote: لما تغني (بس)
الفيكـ اتعرفت و كتاب الله قطع شكـ ما بناباهو
Quote: واحد صاحبنا قال لى الليلة سمعت اغنية طارق دى زى تمانية مرات كدا ..قال لى الزول دا غناى ليه مايرجع السودان؟!..قاليك(حقوق الملكيةمحفوظه لودالبشرى) لو رجع حايقبض الجو من الفنانين الهناك كلهم..
ود عبدالرحمن قول لي صاحبك_ ومنو العتدو قلب لي المناهدة دي تاكسي ماشي و تاكسي راجع خليني هنا معاكم احسن لي و احسن ليكم و سلم لي عليهو و اشكرو ياخي
Quote: وللنساء في قلبي اكثر من بطينين و هن عندي قيمة تعلو علي مقدمات الجماع و مايخرج من السبيلين و في هذا انا لا آبه عادة بإعلان المبادي او حقوق الانسان .. استمسكـ فقط بحبل المحَنه المُبين فأنا من لحم و دم ,, وهن قيمة تتنفس و تحب و مابتخاف الله فينا.
هذا البوست ليس فيه من امر (حقوق المرأة) من شي .. لذا وجب التنويه.
خدر التافه.. والله قدر ما ناس طارق عبد اللطيف وصديق الجيو كلمونى عنك وقالوا لى ده زول عوير ساكت ما اتخيلتك بالشكل ده.. ياخى ترفق نحن برضو من لحم ودم...
محمد المرتضي والله شيتاَ تجي من تالاي ما ظنيتها مناطق آمنة انا الجواي ده لمن يمرق بمرقني معاهو و نصفنا الآخر ده ما بخاف الله فينا ما بخاف ما بخاف ما بخاف يا ود المرتضي
ودالجمام اشرب ساي و ماتنسي تسلملي علي حيطان معهد المزيكة في زيارتكـ و علي قلوبنا الخليناها هناكـ فيهو
أترك تهديدك يا ساجع الدوح خلينى أريدك لو ليّا جناح أنا كنت أذيدك يا حمام الدوح أسمعنى نشيدك..
رحماك فى صعيدك اندب حظى ودينى بعيدك
يا حمام الدوح يوم عيدى و عيدك لو الايام لديارنا تعيدك
الروب ... الروب
خدر ياخ بتبالغ عديل.. انا مع سيف مساعد مصــــدر سعادتك دا ح نقعد ليك منتظرنك فى البوست دا لمن تجيب لنك الحفظ المـــظبوط بالمناسبة انا كان جيت مره أُوتركت... لكن ما بعرف زول هناك انتا فيها؟.
شكرا ليك يا سيد و الشكر موصول لعمنا الامى الناس ديل برضهم كان رهاف خالص.
عاين يا طارق هوي انا من ما نزل البوست ده جيت تاوقت و الغنية ابت تشتغل لي قلت استنى لنك الsave اها جا اللنك و برضو ابا لي اها يا طارق قدر ما قلت مافي داعي داعي اشيل حال لابتوبي المسيكين ده لكن غايتو بعد الكلام البيقولو في الناس ديل تشوف ليك صرفة تسمعني ليهو أكان تجيب لي تذكرة توديني ليييي هولندا
خدر ....انت عارف فى كلام كده لو ما معانا اخوات عزيزات ووليدات بمروا على البورد ده.. ولو ما بكرى برفد الزول البقول نوع كلامى الكنت عايز اقولو ده كان قلتو ليك... لكن اقول ليك: : لو لى هـ....انا كنت ا...... عديل كده وده اقل شىء يا خدورى تصدق؟؟؟
Post: #38 Title: Re: اسمعني نشيدكـ كيفما اتفق Author: Balla Musa Date: 04-06-2008, 04:43 AM Parent: #37
هاك دى هدية منى لصوتك الحلو وكلامك الأحلى..
أقبلها منى على علاتها, فأهلنا قالوا عيب الزاد ولا عيب سيدو..
تصدح ياخدر كالبلبل الفى الدوح وموسيقاك تضوع شذى من لماك يفوح وحة قلبى وافكارى العماها النوح صوتك تانى عاد ليها النفس والروح
Quote: كما قالت (تمادر) تعال لنكتب لها لتعود اختنا في ادم و الفنون تمادر شيخ الدين جبرين اظن البورد يحتاج بعضا من قصصها المتوسطة و تعليقاتها الما بتشبه
لو الايام لي ديارنا تعديها
Quote: اكتب لها لتعود
اطلق حمام الغناوي يا خدر ستعود يحفها رفيف العطر ومحبتنا
بالله دا كلام دا بالله يا خدر الصباح كنت بداوي في نص اجبِّر فيهو ويتشدش بس تعرف لمن تكون عرقان بي المحبة وديشك طالع النص بتلولو كلو كلو مرات يطلع ومرات ينزل ما تعرف تجيهو من وين
فيما يتفتق من النزق اسميته وبدأته أن باسم الحب
لامرأتي مدارُ النورِ، والعرشُ الذي ما اهتزّ، من صلفٍ، ولي في غارِها عُشبٍ
.. . طبعا ما بتقدر تطلب ليك .. يد أغنيه ساكت . أو على الأقل ودها ما لم تلقى ليك سرسار ..شعاع قول .. تطلع بيهو , تتشعلقو لي فوق . أها .!! . فوق تلقى الشنطه .. الكان بشيله عمك المبارك ابراهيم وهو ماشى او جاى من دار الاذاعه . عشان اقدم البرنامج .. اتواطؤا الناس الشاهدين للرحله .. المباركيه .. علي تسمية البرنامج . بالشنطه ديك .. برنامج الحقيبه .. . اها بعد الشعلقه ديك للشعاع .! كان ما عندك مفتاح حبيبى زيما بقول .. سلوم . ياك َالجيت نازل بى صمة خشمك . ياخى دى قصه تقوم النفس .. .بس . .
تتزكر غرفتنا الفي البيت ديكـ يا خطاب !! زمان و انا صغير .. تلفزيون السودان اتحفنا بي حلقة مع عمكـ البنا تسجيل حي .. ابيض و اسود اظنو و البنا يحكي و يغني .. لم يخذله صوته
جننني نغمات القمري و خلني مُحتار في امري
انا اظني كنت كان 6 كان 8 سنوات .. المنظر لي الليله ما راح من خيالي الاغاني طلب يدها صعب ياخي و مروقا اصعب و السودانيين فنانين في إطلاق الاسماء ايضا كيفما اتفق
ياخي بمناسبه كيفما دي .. قرمانيين والله ونسه حيه موش علي الهواء و اصدقاء ولمه و زكريات شكرا كتير يا فنان
Love is like the sun coming out of the clouds and warming your soul
Post: #54 Title: Re: اسمعني نشيدكـ كيفما اتفق Author: Salah Abdulla Date: 04-06-2008, 06:21 PM Parent: #51
يا طارق
رعى الله ايامك ونضّرها ياخي
صورتك الفوق دي أعادتني لأيام خوالي جميلة ، وأكمّلت السَمَع .. نفس الصوت ( الغيم ) .. أتاريك ممكون وصابر .. الغريبة أنو الناس دي كلها زيّك كده ( ممكونة) وجوا طوالي جري على ( النشيد ) بس مُكنَتهم غير ،، والله باين عليهم ،، ده ما ياهو الـ(Home sickness ) زااااااااتو .. كيّفتني والله ، وأنا زول ( كيفي ) قاااااسي ..
بالله كل مرة جيب ليك حاجة زي دي ، وتعال أكتلنا زاتو أصلو نحن صرنا بقايا وأشلاء..
Post: #55 Title: Re: اسمعني نشيدكـ كيفما اتفق Author: Ahmed al Qurashi Date: 04-06-2008, 06:57 PM Parent: #54
الأخ العزيز / طارق ابوعبيدة
حقيقة انك صاحب صوت جميل ودافئ وملئ بالتطريب والشجن ... فكأنى استمع لهذه الاغنية لاول مرة لانك اضفت لها الكثير من التطريب ولقد أسرني صوتك واطربنى وتربع في دواخلي ..... وأيضا اختيارك للأغنية كان موفقا ... لك الشكر عزيزي خدر على هذا الإبداع ... تعرف يا خدر الشاعر عمر البنا وابوصلاح دائما ما يذكرون النسيم كثيرا في أشعارهم ويجعلونه مرسالا للشوق والغرام أما شاعرنا الكبير محمد على عبدالله الامى مغرم بالطيور والحمام ودائما ما يستدعيها في أشعاره فمثلا يقول اسمعني واشجيني وبذكرة الأحباب بلاهي ناجيني وغرد يا الحمام
وله أغنية أيضا صدح بها شيخ طه يقول فيها.. حمام الأيك ناجيني بذكرى ليلى اشجيني
وحتى في أغنية هواي وهواك بى جاروا لم ينس أن يستدعى الحمام ... حمام الأيك حن مره تعال اسمعني نبراتك
وله أيضا ... يا حمامه ذكريها خبريها في علاها
وأيضا له أغنية يقول فيها ...
اشجيني نوح ياحمام علمني الحان الغرام
ولا ننسى رسالة شوق .... يا حمامه هاك أعذب غناي اهديه لي كعبة مناي
يازول والله الهوم سكنس هين القاسي حنانكم ده انا ممكون من زمان و زي ما قال ابونا العبادي ببكي و بنوح و بصيح .. لي الشوفتن بتريح و لي اسه وحات خوتكـ .. لا نحن ارتحنا ولا هن. عجبني عجبكـ وسلامتكـ من الاشلاء يا فنان
والله يا ود القرشي و ما طالبني حليفه .. البشوفكـ في الجامعة بتناقش و تخاطب .. اصلو ما بقول جواكـ الفنان ده متابعكـ في المنبر من جيتكـ و ماعرفتكـ و صورتكـ كلتني اخيرا و قالت شُفناهو شُفناهو يازول جبت الفن ده كلو من ويين ؟ انت مكانكـ هنا والله (قالها و اشار الي قلبه)
الود بيني و بين عمنا الامي موصول من زمن .. علني اشبهه او اتشبه به فما عاناه من ظلم حفي ان يجعل منه صديقا للكائنات و يفضلهن علينا لم يجد كتفاَ ليبكي عليه ولا صدراَ ليحتمل نشيجه فأودع الحمام اسراره و طار بها الحمام الينا اللهم ارحم عمنا الامي قدرما جمل ايامنا و اصابنا بالشجن
Quote: عماد الطيب كتر خيركـ كتير ياخي والمدحة فوق .. اخر ما تم إنجازة من مديح
خدر سلامات شكرا علي المدحه .. انا كنت بتكلم ليك علي صوتك مع الاغنية.. وانغماس الروح في الوريد ..بعد عتقت .. روحي من خرطوم البعوض ..الي اكثر افقا.. وهو الوريد .. وتعرف انت جيّد روح لمن تتنقل من مرحله الي اخري ماذا يحدث لها..؟ تحياتي
Post: #62 Title: Re: اسمعني نشيدكـ كيفما اتفق Author: حمد فتح الرحمن Date: 04-06-2008, 09:58 PM Parent: #1
يتملكني إحساس العاجز و الخجلان من حبكم و حنانكم لم اكن اتخيل ان يصيبكم من (النشيد) ما حدث. ليس لي من الامر شئ .. فأنا هنا مجرد ناقل (امين مخلص) كما ورد في كتب التاريخ الصفراء ,, ليس لي من الفضل سوي ذاكـ .. تلقيت عدد من الاتصالات الحميمه من بعضكم و اطنان من (الحَنان) من الصعب ان يحتملها قلبي
انا هنا الان لاسألكم الدعاء لـ ابونا (الامي) مسلمين و نصاري و اهل كتاب و فنانيين .. دعونا نرتكب حماقة أننا (حَمام) و نترحم علي عاشق لاقي ربه مطمئناَ .. جزلاَ
صابحني ماسيني يا جالب الافراح .. لا تبقي ناسيني سجعكـ بواسيني و رجاي فيكـ يا حمام .. كان مت ترثيني
اظنها كانت كما إكتمال الـ حِس لديه و ربما كانت أضغاث احلام صَبيه لكنه و في كُل .. حَملها وصيته و ذهب لملاقاة وجه رب كريم و نحن الآن عجين (الحَمام) الحائر أمره بين وشم أقدامه وحرص (الامي) و سلاسل العَبسي والعفيف و صكوكـ القبيلة
ارحموني من شجنكم يرحمكم من في السماء فأنا لا اقوي علي حَمل الهوي وحدي .. او كما قال .
خدر ... الله يرحم أبونا محمد على الامى بقدر ما حمل فى قلبه من حب، محنّه و طاقة اٍبداعية لا قِبل لنا بها ياخ... و الله الراجل دا حِنين شديد لمن فايت الحد زاتو. أسالنى افيدك عن حـــــــالى البيّا و أحسبنى شهيدك يا حمام الدوح خدر تعرف غناء الناس القدام ديل بخرّب على نظريات مقتنع بها بانو الجنس البشرى بمشى لى قدام فى حال من التطور و التقدم فى السلوك. يعنى انا قصدى ان الناس بيعلو عندهم الحس الانسانى و بتسمو عندهم القيم و المشاعر تجاه بعضهم البعض بمرور الزمن و الاجيال... لكن يجى زول زى عمنا محمد على الامى لم تسمعوا يقلب عليك نظريتك و يخرمجا ليك راسا على عقب. خدر اخوى عمنا محمد على الامى راجل مرهف شديد و شعورو حى بدرجه ما معقولة و قل ان تجد مثل هذه الحميميه والموده للحبيب مصوره بهذا الشكل فى ايام ديل. اها يا اخوى عاجبك الحال دا الناس ديل يخربوا على ركائزى النظرية فى الشوف بالطريقة دى. يوم عيدى و عيدك... لو الايام لديارنا تعيدك
خدر عطّلتا على قرايتى علطه شديده بالاغنية دى، أنا مصقار المنبر و البوست من يومين، خدر الله يجازى محنك، و يديك الفى مراك و أنا كان جيت تانى هولندا بجيك فى البيت و بسمع عندك غناء بالعود الله يرفع القدم و يسهل الطرق و يرزقنا بى حَجّه.
عماد الطيب انا كنت فاهمكـ لكن والله بس اختشيت من كلامكـ السمح و شفت روحي اقل منو نضمكـ عن الروح سمح عجبني وصف دقيق و جميل شكراَ علي الاطراء و الاتصال يا صديقي الجديد
والله فعلا صاحب دكين يعني البوست ده كلو يا حمد ما عجبتكـ فيهو إلا الصورة _ شفت الكواليتي دي كيف يا حمد؟ والله انا بفاخر بيهم ناسي ديل .. وانت معاهم بالمناسبه شكرا يا صاحب
Quote: طارق الله يقدرك على (الحمل) زى ما حملت الناس
يا اخونا امسكوا مني الموج ده
Post: #66 Title: Re: اسمعني نشيدكـ كيفما اتفق Author: الملك Date: 04-07-2008, 06:44 AM Parent: #1
اسألنى أفيدك عن حالى البى ,,!! وأحسبنى شهيدكـ يا حمام الدوح .. ..
كلما الملم فيها تتشنتل حتة حتة في حتات غميسة..كان بي جوة كان بي برة بس بتروح وين.. مرة بشوف لي شي زي شوفاتك دي يا القلييص من جنب الجنابيب من أصلو ما بتوصف في داك الوقت بس شيتاتك بتجي طايرة زي كأني نجار في آخر عمرو أدواتو المبعثرة ديك كأنو مربطة بخيوط لكن خيوطك ما كتيرة وطويلة وحريرية في أنامل.. بترسلها ولا بتمدد تلقاها راكبة افكارك تطير معاها هو في سنو!!
Post: #71 Title: Re: اسمعني نشيدكـ كيفما اتفق Author: منصور الطيب على Date: 04-07-2008, 09:36 AM Parent: #68
المتالق خدر شكرأ على الصوت المسكون بالابداع طارق ابو عبيده شوية معلومه لو سمحت عن طارق ابو عبيده مودتى
Post: #72 Title: Re: اسمعني نشيدكـ كيفما اتفق Author: منصور الطيب على Date: 04-07-2008, 09:41 AM Parent: #68
المتالق خدر شكرأ على الصوت المسكون بالابداع طارق ابو عبيده شوية معلومه لو سمحت عن طارق ابو عبيده مودتى
انت ياخوى زول بتحب الحفر,, يوم بلقوك ميت ليك فى اكسير دهب او بئير بترول,, وتقوم تجى امريكا تقول هى اكتشفتك لكن بنحلف طلاق انك مننا صحى زولك دا امى ولا متخفى فى ثوب الامم
المسافر هو انت فضلت شي اقولو ؟ ياخي حنانيكـ والله ده وصف عجيب تحت تحت مشتاقين طلاتكـ
منصور الطيب جبرالله خاطركـ ياخي طارق ابوعبيدة .. موسيقي مقيم في هولندا فنان و ملحن كسلان درس علي يد يوسف الموصلي مزيكه في معهد المزيكة و المسرح و خرج للعلن ايضا من تحت يديه و درس علي يد اخرين لم يكن الامي اخرهم لكنو قطعا كان اولهم الاسم الحركي مولانا خدر الباسوورد yr40bs
اوووووو قنبلة الحب شخصياَ يا زول انا منكم تب و اسأل عم يوسف ده ناس البلاد البعيده ديل كان كسرو رقبتم ما بقدرو يقول غير Wonderfull ده كان سِخو و جبروا خاتركـ
_ الامي .. كان مجود للقرآن اها باقيلكـ ده زول امي ؟
Post: #74 Title: Re: اسمعني نشيدكـ كيفما اتفق Author: عز الدين عثمان Date: 04-07-2008, 10:06 AM Parent: #72
طارق ..! صاحب الصوت الشديد الدفء .. والحميميه مّررت فى الجسد رعشه وفى الاصابع ثقل على الكتابه وأنا اقرأك من قبل ينتابنى شعور أنك لست ببعيد ياطارق .. قريب شىء ما من الدم الأن بعد ماهّزنى صوتك وأخترق مسام جلدى حد نخاع العظم.. ثم طالعت ملامحك بشىء من حميميه بت أوقن أن بيننا عمر ياطارق .. وزمن أكثر من بهى ..! ياه ياطارق ..؟ ست سنوات وأكثر من المتوسط ثم المقرن ومابينهما ياصديقى .. وقتها لم تكن تنادم العود والغناء .. دوما كنت الأجمل والأكثر شفافيه .. وصدق دمت دوما ذات الرجل النخله ياطارق ..! ما أسعدنى بك اليوم ..
ابوبكر .. والله عمكـ (الامي) يحميكـ القراية و ينسف ليكـ نطرياتكـ كلها الزول ده فنان ياخي سمعت زول قال البس روحي ياحمام في وريكـ !! نحن والله مع ثورة الاتصال و سوق الله ده مشاعرنا بقت في السهله و ودر مننا راس الخيت مابنقدر نقول زي ده تاني
الملكــ فضل فيها مولانا مع (مولانا الامي ) شكراَ كتير علي الخريطة المصاحبه (مصاحبه منو!! )
هبيتو ما هباني
Quote: تراااك رابط ليك (كوز) في حنجرتك ووحلان في قيزان لاهااااي ونحن تب مو عاااارفين ومو خابرين!
غايتو ما بتفتش ليهو اصلكـ وانا برضي والله بحبكـ في الله ده
Post: #76 Title: Re: اسمعني نشيدكـ كيفما اتفق Author: سيف اليزل الماحي Date: 04-07-2008, 10:18 AM Parent: #1
.
العزيز طارق يا حلو النغمات .. يا مناهل (؟) وينك انت ... أديك في حنانك؟
أنا مفتون بمديح أولاد حاج الماحي (جدنا طبعا، ولو كره الشايقية)، فعندما كنت في حضرة القوم هناك في أرض الكاسنجر حول قبة الشيخ، إطمأن القلب وطفرت الدموع ( الدم ما بحن يابن العم)
وإنت عارف ، أخوك من المناصير ( والمعنى من المناصرين لقضايا المرأة ) وإمعانا في ذلك الحنان كنت كلما تسربل القلب من فرط المشاوير في مشهادهن ، وجدتني أقول: ويح قلبي ولو قد من صوان، إن كيدهن جميل!
أهلنا بيقولو: فلانة ترمي في الشوك، عارف زمان كانت تحدثني النفس الأمارة بالحب (وقيل الزواج كمان) أن لا أقطع كباري الخرطوم طلبا ليد حسناء ، ولأن الجزاء من جنس العمل طلعت المدام من بحري، فقطعنا الكبري، وعند مراجعة مكان الميلاد طلعت المدام من مواليد مدينة عطبرة فأسقط في يدي، فقلت : عطبرة عاصمة الحبيب والنار!
وما بين (عذبني وتفنن في الوان عذابي) و ( أغالط نفسي في إصرار أقول إمكن أنا الماجيت) يقوم أكثر من بطينين في قلوب شعراء الحنان المساكين، وربك ما يقطع عشم اهل المشاعر.
و ...
سيف اليزل
Post: #77 Title: Re: اسمعني نشيدكـ كيفما اتفق Author: الملك Date: 04-07-2008, 11:20 AM Parent: #1
http://www.sudaneseonline.com/v1/7mamPsJsDoTmp3 لحفظ الأغنية أضغط بيمين الماوس .. وإختار save target as ... بعد الحفظ سيظهر الملف على شكل Text Document ... تضغط مرة آخرى بيمين الماوس على فتح الملف open with وتختار windows media وتفتح الملف ...
كونكا نخب للاصدقاء القدامي نخب للجباة و نخب لوجودكـ هنا
هيرو مالكـ عاوز تعمل لي سمعة ياخي انا قريت مدارس اجنبية و لسه ما دخلت الجامعة اظنكـ ملخبطـ بيني و بين دكين هيرو جهجهتني والله اظهر و بان عليكـ الامان و ذكرني الايام الحلوة و شكري طبعا بلا حدود علي الاطراء يا صديقي القديم
سيف بشير كنت متيقن من مروركـ علي حدائق الامي القليب والله فتر اظنو انت قلبكـ كيف !!
Post: #86 Title: Re: اسمعني نشيدكـ كيفما اتفق Author: خضر حسين خليل Date: 04-07-2008, 02:47 PM Parent: #1
عماد براكة و قلبي تألم معاكـ وييييييييييييييين يا شطة غناء البنات يا صديقي اضحي وبالنظر للحركات المصاحبه للاغاني (تحرش) عديل ( كيتاَ في الجندرية ) تقدر تقول معاي البغله في الابريق ؟
Quote: عشان ما تنساك عندنا كتبنا باسمك..
__________ براكة .. بطل حركات
Post: #93 Title: Re: اسمعني نشيدكـ كيفما اتفق Author: منى على الحسن Date: 04-08-2008, 08:29 AM Parent: #1
Quote: اسالنى افيدك عن حالى البى واحسبنى شهيدك يا حمام الدوح لو ايدى فى ايدك البس روحى ياحمام فى وريدك اسمعنى نشيدك اترك تهديدك يا ساجع الدوح خلينى اريدك
شكرا لصديقتي التي نبهتني لهذا الشجن
وانا في خلوتي واصابعي ودواخلي التى تجافي الكيبورد احيانا
لقاء كل ما ازوغ منها و اجي اتابع البوست و الكلام السمح الفيهو تجي تتلصق و تقول لي وينو عمو ؟ نقوم نجيب صورتكـ تاني تقول لي وين عمو ابلاوش (كيكي) البنيه عاجبا شعرك و تصفيق كيكي و اريتو ابصلعة طاير
ود عم عبدالرحمن والله اصبحنا و امسينا مستمسكين بحبل المحنة المتين انت كيفنكـ ؟
اسامة عبدالجليل تاني والله تجي بلدنا و ما تصلني إلآ اضاربكـ خلاص الشكلة انتهت كيفكـ ياخي .. مشتاقين
مني الحسن في الاول تعظيم سلام لي صاحبتكـ و شكر خاص و شديد عشان سمعتنا و عشان جابتكـ لينا راجعه يا مني يا اُخيه و الله فعلا الروح خنقت و الاكسجين بقينا نباصرو مباصرة القصه دي آخرها وين ؟ ربكـ يهونها بس و عاجز عن الشكر انا بكل تأكيد علي كلماتكـ و صديقتكـ الانيقات
فقد دلنى عليه منذ أمد مديد أخونا بكرى الأحمر من أولاد مدنى القطينه قطر كالقرى لكن الشئ المحير االبنات السمحات وقويات ديل كسرتهن فوق بوستك دا كيف...يا خوى سكرك دا سكر شرق...ياخ أصحابى لبنانيه شبكونى يابى شو الحلا.
رائع ياخدر فنان من كلو
منصور
Post: #130 Title: Re: اسمعني نشيدكـ كيفما اتفق Author: HAMZA SULIMAN Date: 04-10-2008, 06:46 AM Parent: #116
الملكـ الحافظ لسر بهاء التاج شكرا كتير علي الدعوات الطيبات ولكـ مثلهن يا فنان .. شاغلنا بي تلفون ياخي او اجدع تلفونكـ نشاغلكـ خلي المحَنه تطوف
منصور كنز المعرفه شو الحلا انت والله ياخي ويا منصور مالكـ علي داير تجيب لي تهمة ده كلو من (الامي) والله البنات السمحات الشايفن ديل كلهن جابن هو الله يسعدنا بيهو و يسعدنا بي مروكـ انت و اصحابكـ
حمزة صاحبي .. يا المشتهنكـ وبالنا بيكـ ضُمة انشغل وينكـ يا فنان ؟ الشوق الشوق بيناتنا
Post: #132 Title: Re: اسمعني نشيدكـ كيفما اتفق Author: Baha Elhadi Date: 04-10-2008, 07:37 AM Parent: #116
الأخ : خدر أو أبوعبيدة أو كما ترصدنا ولبد لنا ساعة بطين وأذين يريد هلاكهما معا .
أنا جديد في البورد وقديم في المتابعة من زمان مباري رياحك العاتيات ( ماعارف حتوصلني وين)
المهم :
هنا أسمعني نشيدك ( البحر )
ومن هناك مريا ومحمد المرتضى ( البحر والجبل )
المقصود : نقبل وين ؟؟ هو قلب واحد وقد أترع من هذا الفيض الخرافي .
يوم ستجدوا من انفرط قلبه هنا المسؤولية على من ؟؟؟
أشهد ألا نساء إلا نساء بلادي وكفى بهاء
Post: #134 Title: Re: اسمعني نشيدكـ كيفما اتفق Author: صلاح أبودية Date: 04-10-2008, 10:45 AM Parent: #116
يا خدر
بطريقتك دى بتقتل ليك مغترب
Post: #154 Title: Re: اسمعني نشيدكـ كيفما اتفق Author: Ahmed El Gasim Date: 04-13-2008, 09:43 PM Parent: #116
خدر و منعمشوف... شكيتكم علي الكلاكلة التي انجبتكم... بسمع بمزااااااااااااج..وكفي.. خدر يا اخي "اريدك".. انت..حتي حمام اخر... بجيك هولندا اسمع وارجع...سمح يا كعب... وتحيات عبد الخالق سلم علي الاسرة
احمد القاسم بجيكـ يا الله و تسألني يازول انا و الكعوبيه الثرا و الثريا .. كدي تعال زي ما قلت و شوف براكـ يا صديقي والله لازلنا نحتفل بأخباركم كمن عثر علي كنز .. و ننفق ساعات في إجترار ذكريات ليتها تعود تحياتي لعبدالخالق و لكـ و للاسره
الاغنية كائن شائك و مركب بقدر تركيب مفهوم الحلول عند المتأملين - ابن عربى و الحلاج .... او هى لحظة وجوديه تسمو على احداثيات الزمان .. المكان .. الزاكره .. الحب .. الخوف .. الرحيل .. وذلك الاحداثى المستحيل (المرأه) او ربما هي حقل الغام
بغض النظر عما يمكن ان تكونه الاغنيه -- كل الذى كان هو ان ساقتنى اقدارى ودخلت بوست بعنوان "اسمعنى نشيدك كيفما اتفق" فى موقع سودانيزاون لاين ثم كان التداعى الذى لا يمهل .. فلماذا بالله عليك؟
اكاد احس بالحالة التى انتجت هكذا بوست .. ربما لمرورى بحالات جذب مشابهه فى الفكره لكن ما استغربه حقيقة هو أن تعيش الجذب .. تعبر عنه احرفا ثم تاتى و ترسله غناءا شفيفا لا يعرى و لكنه يفضح .. هل تعلم انك متصوف .. اذا كانت الاجابة -لا- فلتدعنى اخبرك بان خدر فى هذا البوست كان كامل التصوف .. بكمال الانغماس فى حالة ما .. وتمام الانقطاع عما سواها - جملة اعتراضيه - الحالة المعنيه قد تكون دين .. مادية جدلية .. وله .. او وجد وحنين مبهمين .. والاخير هو ما رايته فى جبة المتصوف خدر
انا من الحريصين على تفادى الاغنيات الالغام .. الاغنيات التى تعبر الحد ما بين الوجود .. الحنين .. و البصيره ... اغنيات بعينها اعلمها .. بالطبع انا اقصد الاغنيات عندما تكون فى حالة محدده .. بطريقه محدده .. بصوت محدد .. فى ساعة محدده .. و اقدار محدده
يا اخى رجاءا ضع ما يفيد حتى اتحاشاك في المقبل من حياة
خاتمة
اياكم و اغنيات ك
سحابات الهموم -عود
املنا الباقى - عود
ادينى احساس بالامل - عود
و بوستات ابونا القطب خدر - عود
ثم
هل هناك علاقة بين خدر .. نبي الله الخدر .. اضابير زاكرتى السريه .. وهذا الوجد .. نعم هناك علاقه ما
ايضا
شكرا لهذا الحريق
عذرا للاقتحام - بكرى ابوبكر لم يترك لنا سوى التسول
المشاركة اعلاه ارسلها صديقي امجد العطا حابي يشارك نشيدك يا طارق
يا معتصم .. انت ما جَياب السمحين دايما ياخي .. فشكراَ
اما انت يا امجد فما عارف اقول ليكـ شنو يا فنان لكن في العموم شُفت الفنون دي بتمرق الفنانيين كيف و اهلنا زمان قالوا الدم بحِن وانت دمكـ حَن و جانا دافق اقول ليكـ شكراَ علي تكبد المشاق !! قطع شكـ ما بتكفيكـ ولا بتوفيكـ فياخي الله يجبر بي خاطركـ و يذيدكـ كتابه فنانه زي دي
شايفة سيد البوست برضو ماقصر وتحت التهديد ختى اللنك الصاح **** خدوري انتو كان ما التهديدات كان مرقنا منكم بكل الغنائم دي ؟ عالم متربية على الدكتاتوريات والتهديد ****
تاج السر الملك
الشجن قتل العجوز( مثل يمني )
الشمار ما عندك لكن
بكلمك لمن تنزل بوست منفصل فيه عشرين صورة من صورك العجيبة ديك عالم اصلان ما تطلع منهابي حاجة الا تحت التهديد
*** ابو مهيار ود امي وحياة محبتك ما دخلت وسمعت الا وكنت حاضر وكنت متيقنة انو رادارك ما حيفوتها يفوتك السمح وين يا ود امي انت.
جيبولي بس قلبي الوِدِرْ.... يا خوانا في (غنوات) خِدِرْ
أرجو أن تتقبل تحيات وإعجاب ودعوات أخوك المُريدْ محمود ..
براكة حلج ليك الدنيا كلها كيفما اتفق؟؟؟
غايتو عوج دينا ساكت أنا قايل..
Post: #106 Title: Re: اسمعني نشيدكـ كيفما اتفق Author: عمران حسن صالح Date: 04-08-2008, 08:48 PM Parent: #105
خدر انت زول جميل .. الجمال في الاختيار.. في بحة الصوت .. في رنة العود .. أحي أنا من العود يا خدر ... يوماً ما والدنيا (دُعاش) ..والسماء قريبة إلى أهل البلدة الطيبة التي كنت فيها .. سماء لونها أزرق حقيقي ... وبساط أخضر ممتد بامتداد بصرك .... اسمها (سفاوا) يا خدر ... 108 كيلو من القضارف ... فيها يلتقي نهري سيتيت وبا سلام ... بلد زراعة .. يبدأ المطر فيها من شهر أبريل ولا يتوقف إلا في شهر نوفمبر بيوتنا (درادر) * وحوشنا (صريف)* قش ... عندما تأتي السابعة مساء .... تحس بالحاجة إلى الصراخ .. والنداء إلى أشياء تحتاجها في تلك اللحظة .. همبريب يا خدر .. تحس به في أرنبة أنفك .. يدغدغ كل أحاسيس الحنان التي فيك ... كانت ملاذاتنا وملذاتنا (مٌتعددة) ... كان العود أهمها .... في وسط ذلك الهدوء كانت (الرنة) تُصيب في مقتل .. من كان واعيا منا .. ( أو لاهياً ) ..... وكانت أسمعني نشيدك واحة لراحة غريبة ... أصًوات متداخلة ... ليس فيها جمال ... الكورال الارتجالي كان (يُحِسن) أدائنا ... نغنيها بذات اللحن ... وبكلمات جديدة في كل يوم ... والعود رفيق في كل الأحوال .... نستمر في ذلك حتى الملل من التكرار .. فنكرر اللحن بالعود .. عن حالى البى واحسبنى شهيدك ...... عن حالى البى واحسبنى شهيدك ... عن حالى البى واحسبنى شهيدك والكل في استماع بمتعة وحنين وقليل من البكاء والأنين الصامت .. كانت غربة داخل الوطن ( لصعوبة الحركة وسط الوحل الطيني اللزج )... ولكني أردد الآن ما أحلى الغربة داخل الوطن ... فمكوناتها ليست (الأسفلت والأسمنت والنيون ) ... بل دندنة عود ... ورفقة حسنة .. وقليل من اللهو ..... لو الأيام لديارنا تعيدك ... لو الأيام لديارنا تعيدك ... لو الأيام لديارنا تعيدك ...
... أحبك يا بني آدم .......... ورفقاً أنت بقلبك ....
Post: #107 Title: Re: اسمعني نشيدكـ كيفما اتفق Author: أبو ساندرا Date: 04-09-2008, 05:52 AM Parent: #1
Quote: صابحني ماسيني يا جالب الافراح .. لا تبقي ناسيني سجعكـ بواسيني و رجاي فيكـ يا حمام .. كان مت ترثيني
الكتراااابة
ذات غفلة ، دخلت هنا وكان البوست يافعآ أو طازجآ داهمني الصوت المترع حنين وردني إلى عهد موغل في الحنان وكان القلب صبي
صدقني يا طارق لم أملك غير ان الوذ بالهروب حتى أحافظ على الوحيدة الرويحة لأنها ممكن تروح في حتات زي دي مافي حاجة ممكن تخليني أفطس غير الحنية والحنية شكلت صوتك ويراعك وروحك
هربت ، وعند باب الخروج لمحت أمل قدورة تحجل نادتني ومارديت فالكل كان مشغول بأمر يعنيه أو بالأحرى أن كان مشغول بتولة والبقاء امل قدورة لاتيأس ابدآ فضلت ورائي تزين لي النار
وها أنا في أوج اللهيب
Post: #108 Title: Re: اسمعني نشيدكـ كيفما اتفق Author: Ahmed Yousif Abu Harira Date: 04-09-2008, 06:46 AM Parent: #107
يا حاج خدر كيفنك ياخوي انا فترت من المساسقة ومتابعة هذا البوست من بدايتو. وللاسف كل اللنكات التي توفرت والارشادات التي تطوع بها الشباب لم تفلح معي. وحيث انني حريص على سماع الاغنية بصوتك ارجوك رسللي حقي صرة وخيط مع هذا الساعي: [email protected]
عمران همبريب و صريف و الامي و كمان صحبه حسنه ده اسمو انتحار جماعي يا صاحب رفقنا بقلوبكم و بنا من الذكريات البتعجل بالاجل دي انت قايل نويحي ده من ويين ؟ من من فراق الصحاب و تشتتنا في البلاد البعيدة حاسب علي قلبكـ هنا منطقة مرور متكرر
يا بركات هو انت غير المَحنه الفيكـ دي تاني فيكـ شنو ؟ لمن اتلاقينا في الدوحة قلت ليهم بركات ده انا شكلي بعرفو من زمان .. قلبو ده انا شفتو قبل كده كتير لمن السودانيين الجد جد كانو قاعدين و امل قدورة الله ما يحرمنا من محَنتا ولا من قلبها الحلو ولا من استشعارها الملهم
Post: #109 Title: Re: اسمعني نشيدكـ كيفما اتفق Author: نزار عثمان السمندل Date: 04-09-2008, 09:55 AM Parent: #1
" لو ايدى فى ايدك البس روحى ياحمام فى وريدك " ..
يا لها من عبارة . تشبه الخرافات الحزينة التي ترعرعت على هامش أرواح العشاق الكبار منذ أزمان سحيقة . وحين يحدث مرضٌ في الروح فإن الدواء هو التأمل الذي سرعان ما يعيد العاشق الى ذروة الطهر والتوهج .. لا شيء يفسد العشق سوى الفلسفات ، لا سيما المادية منها ، التي تحدثُ ثقباً أسود في الرؤيا . لكن الروح ليست عود ثقاب يتوقــّد لينطفئ ، إنها تتلألأ هنا كما لو أنها الصدى المحمول في وريد حمامة .. والحمامة ـ كما رأيتها هنا ـ ليست "شخصاً " أحمق .. إنها ذاكرة الجيولوجيا الروحية المتزلزلة بفنائها في المعشوق ، وحيث قناديل الأزل تضاءُ تباعاً في قلب العاشق ..
أودية ، وصلوات ، وأزمنة .. في تلك السفوح التي قدتنا إليها بصوتك ، يا خدر، وأنت تنشد واحداً من "أناشيد الزنادقة" .. أدهشني الشعر، وأدهشني الغناء . ولم يحدث ذلك صدفةً ، فقد كان نتاج صفقة عبقرية ، أو تقاطع عبقري ، بين النص وغنائك له بهذا التطريب المعذِّب والشجن العريض الذي أحسّه يتمشـّى في وريدي أيضاً ..
هذا "البوست" الذي أخرجني من صمتي ، كما لو أنه يدعونا إلى أن نجعل العالم عاشقاً (خاصة في السودان ، وبالأخص في سودانيز .. ) .. وحينذاك ، لا يعود ضجيج المقابر ، ولا ضجيج الايديولوجيات المصنّـعة هو الغالب .. بل اننا نكتشف أن أرواحنا التي أُرغمت على الأنين على ضفاف المستنقعات ، يمكن أن تقودنا ، حيناً ، إلى السنابل ، وحيناً إلى الينابيع ..
هذا هو الغناء، عارفك من زمان ( راجل غنان ) جدا لمن قلت :بحالي البيا ... تنفست روحي وانشرحت خواطر المتعبين من العشاق والسابلة، فقلت : الله يلعن شيطان غناك ياطارق أبوعبيدة، دي جبتها كيف؟
ياخ شنفت أذن السمع، وجلوت سراميك الروح، من صدأ الغناء الماسخ المضرس وصنوف الأذى الجسيم لبعض المغنين علي قارعة القنوات السودانية، مثل قناة : هروني ورموني. آمنا .. وحقا إن بعد الضيق فرج حتى في الغناء الوطني.
عارف.. الواحد داير يشكر روحو.. لأنها عرفت تجي بهنا..و لأنو الورد بيقدر يمرق روحو من وحل التواطؤ..و يتشابى لضي الشمس.. و شكر تاني لمطامير المحنة محل ما تكون و كيف ما تكون.. لأنها الوحيدة البتقدر تدي الكون توازن برغم الزعيق الهالك المستهلك.. اترك تهديدك.. و سلام للأمي في السمحين.. و سلام ليك يا خدر.. مش لأنك بتعرف بتغني و تكتب بس.. لكن لأنك برضك بتعرف كيف تلضم ليك عقيد محبة بأرواح الناس الطيبة..و تديهم رحمن ذات كمان..
بعد اذنك.. سلام مخصوص لبراكة..و اخبرونا ، أنه حتى في الصمت يمكن أن تزهر اشجار الحديد..
يا نزار يا سمندل يبدو اني سأصادق صوتي من جديد بعد ان هجرت امره زمنا صوتي اهداكم لي و صوتي اعادكـ الينا ياخي يا نزار في ذمتكـ قلمكـ السنين ده نحن موش محتاجين ليهو برضو ؟ ياخي والله اريتني بعرف ازغرد ارواحنا يجب ان تجلس في الرف ارواحنا هنا .. في تواصلنا و تبادل تجاربنا سعيد انا بي وجودكـ هنا يا سمندل
سيف عليكـ الله ما تغيب كتير لو عاوز تعرف ليه بقول ليكـ كده اقراء كلامكـ الاخير لي ده تاني و حا تقتنع المحبه المابتغبا ابواهلكـ زاتو
يا كبر يا اخونا في الحَنان ما شفت سمندل قال شنو قال والله ارواحنا بخير بس نحنا البنجني عليها الله ينعل الرفوف و قسا الايام انت و براكة برضكم في السمحين الراجل اينع و اثمر و نال من البنون (سرمد - تساب) و لاذال يعلفهما من حنانو الانت عارفو غايتو فضل ليهو الطاحونه بعد ده خلي قلبكـ هنا معانا يا كبر
ويبدو كذلك ان فيروس محمد علي (الأمي) الذي أصاب طارق ابوعبيدة قد اصابني فها أنا للمرات الكثيرات اجد نفسي نائحا به (مترنماً), منقبا عن الشجن المخفي بمهارة خلف ذاك التجهم ...
أذن فالأمر فايروس ! يصيب الجميع بالنوح ، كُل من دخل هنا فهو نائح ، وأكيد الاصابة برعشة ومشجنة وحنين وشئ في قلبه يشبه حالة تكون الدموع ...
... ...
قبل ساعتين ضرب لي واحد من الاولاد الملاعين ،اصحاب اليمين ، من لندن ، قال لي : ياقرمبوز أسمعني الكرت ده قرب ما يكمل لكن داير اقول ليك شنو ياخ صاحبكم الإسمو ابوعبيدة داك : ابوعبيدة منو يازول؟ ابوعبيدة ياخ الفي هولندا الزول الظريف داك البغني ! ايواااا قصدك طارق ابوعبيدة ، اها مالو ؟ (والله شلت هم )
قال لي : عامل ليه غُنية بتشرط عديييل ! ضربت ليك قت تسمعوا !!!
تخيل ، تلفون من لندن الخرطوم ، لا فيه ويستيرن يونين ولا تحويلة لا اكسجينج ولا مشتاق ولاناس بينكم ولا اي حاجة ، بس ياحمام الدوح أسمعني نشيدك ...
... ...
ياطارق : بالجد جد شكلي عييت بالحكاية دي العيا الواحد حق الحُمى داك !
ياجماعة الموهوب او الموهوم ده الى الان ينبح او يصدح هنا؟؟ تشابهت علينا البقر فى زمان الغث الاسفيرى هذا.. طارق انا فاكر براى السكنت فى الخيط المسكون ده لقيت الممكونين كثر... طارق فتحت علينا طاقة الغنا الانسدا.. وشهيتنا ابو حمار.. الله لاتاجرك... والمصحف يا طارق واسال ناس الرياض اظن طقس الرياض قد تجاوب معك.. مع اننا مفروض نكون فى صيف الرياض الحارق... الا ان اليوم صار يبدا بصباحات بارده وينتهى بعشيات مستفزه غيم ومطر.. ليس بالرذاذ ولا هو بالوابل ..بل كان بين ذلك قواما كل ذلك يغرى بالنزق... ولكن خمسين قصرت علينا الخطىء.. عموما عليك وزر ما نفعل عند ملامسة غناك الشغاف.. وفى ذكاؤنا من هم بعمل سئية،،،
انت يا قرمبا في فايروس الامي ولا في كتابتكـ الطاعمه يا قول عاصم و العجب في القرقراب .. اقراء و اضحكـ شي اكسجين و شي اكسجينج و ويسترن يونيون
Quote: (والله شلت هم )
ليكـ حق تخاف .. العميري زمان قال
ليكي مليون حق تخافي جبت ليكـ شبط هدية واصلي طول العمر حافي
يا قرميبا ياخي والله نحن اعظم شعب في العالم في الحَنان تخيل ؟ و اهو الحمدلله انو بقينا متميزين في شي صاحبكـ ده قول ليهو لو قطعت البحر و جيتنا بنغني ليكـ لمن تدفق وانت ذاتكـ كان جيتكـ قريب بغني ليكـ لمن تضعف
Quote: وشهيتنا ابو حمار..
يا موج .. هجير الرياض مشا لي جو بديع و رزاز تقول لي ابوحمار ؟ امال الكنابس دي يشربوها متين؟ يا فنان .. نوعكـ ده انا بعرفو مافي خمسين بتوقف حنانو و حبو للناس و الحياة .. فياخي خليكـ في جنكـ البنريدو نحن ده .. لانو الذ مافيكـ المسدار قال رمضان الكريم شِن قدركـ بي صومو اكلي و اشربي و باكر بشيلكـ لومو اها يا موج (انزق ) ساي
براكة و عصام وراء بعض يا لطيف يا لطيف شنو يا فنانيين خلاص نويتو علي الدمار الشامل ؟
حسن يا اخانا الكبير في ارميكا كيفكـ ياخي و كيف العيال الكبروكـ و كبرو و كيف نذير و اولاده قول ليهو طارق قال ليكـ فضل ليكـ اليافطه الكبيره بتاعت النذير و اولاده و ماشاء الله يا ابوعلي خليكـ معانا دايما ياخي نحن لاقينكـ ويين
Post: #125 Title: Re: اسمعني نشيدكـ كيفما اتفق Author: حسن الطيب يس Date: 04-10-2008, 01:06 AM Parent: #1
أظن هذة المقولة خرجت من افواه الكثيرين ذي عمكم حسن و الشاب االظ يف لؤي أبو اللول كما يحلو لإهل الممبر دعوته الف كتر خيرك يا طارق و الشبل خدر عودا حميدا صديقي لؤي والجميل انا دخلت البوست اشاغل شقيقي الصغير عماد الطيب واحي الصغير ايضا طارق ولكن عاوز صورة معاهم الامورات والسيد سرمد والف مبرووووووك يا طارق المعاك في الصورة [QUOTE]هذا "البوست" الذي أخرجني من صمتي ، كما لو أنه يدعونا إلى أن نجعل العالم عاشقاً (خاصة في السودان ، وبالأخص في سودانيز .. ) .. [/QUOTE]
Post: #126 Title: Re: اسمعني نشيدكـ كيفما اتفق Author: حسن الطيب يس Date: 04-10-2008, 01:28 AM Parent: #1
أنا سمعت الأغنية الجميلة هذة منذ فتح خدر البوست اكثر من الف مرة ويا دوب فكرت ارد ده اكيد هو القالو زمان بيكتل عديل
Post: #129 Title: Re: اسمعني نشيدكـ كيفما اتفق Author: Ahmed Yousif Abu Harira Date: 04-10-2008, 06:06 AM Parent: #126
شكرا (لا ليهو حداً ولا ليهو عد) يا طارق وصدقني لو علم الأمي انك ستظهر في زمنا ده لاودع النشيد دار القضاء العالي باسمك ، واوقف على حراسته شدادا غلاظ مع عبارة يسلم إليه يدا بيد عند بلوغه سن الرشد. الملف ده تميمة طرب تجلبه عندما يعز الطرب، بسويهو "حُجاب" وادرعو في ضراعي "ياعملات صديق ود اشيقر".
الحبيب خدر أدخل لهذا البوست واسمع هذه الأغنية مرات ومرات في اليوم حفظك الله ، شغل ممتاز وعزف وصوت ماشاء الله عليك يا خدر بالله أجدع لينا الأغنية على الإيميل دا SIDDIQRAH(at)GMAIL.COM ونستاذنك في نشرها عبر موقع كسلا لو لا مانع لديك
هلا أبو اللول والله جد يا لؤي الموقع عندو طعم خاص برجعتك دي ياخ الصومال شنو ؟؟؟ والله انا لو عندي سلطة أطلعها في بوركينافاسو وكوالا لامبور وأوزعها على بائعي الكوسة والباذنجان وحتى الرجرجة والدهماء
معليش يا خدر الأخدر فرحانين بغنيتك وبرجعة لؤي الحلوة دي
ابو اللول والله جيتكـ المنبر فعلا إضافه نوعيه و ردة روح .. ياخي زي ما قال عصام ابق هنا .. طويلا وبلاش تفارق
صديق رحمة المكتوب بطرفكم الان و يا سيدي عن نفسي شيلوني انا ذاتي ودوني كسلا بس شوفوا عمكم (الامي) رايو شنو فرحي انا برضو بيكم كتير يا صديق
بارعة مع اني كلمتو ما يباري الشفع ديل براكة ده يوم غايتو بصبح الصباح يلقي روحو قندران كدي النسألكـ متين كتبتي هنا انت ؟ اليوم كلو ما شفتكـ فتحتي كمبيوتر
دفار يا صديقي .. بس .. قبضتكـ يا شباب و يا شابات ضيوف البوست الداير غنا لي مونا خدر يقبض في جمال سعيد ده عندو غنا لي انا ذاتي ماعندي
المعجون بماء الفن خدر.. ياخي كل يوم بفتح البوست مع جبنة الصباح والسجاره اسمع وأعد في الناس الكانت مافي وجات راجعة دي؟ ياخي في ناس اناقريت ليها وفي ناس أول مره اشوفم؟ رغم أني متابع البورد من 2005؟
علي النعيم يازول انتو الحنانكم و رهافتكم قطعت كبدي الله يديكم العافيه كلكم
ممدوح يا فنان ياخي حرام عليكـ توهط لي بت سمحة قدر ده في صدري يازول داير تكتلني اظنكـ
والله انا ما عاجبني في البوست ده يا ممدوح إلا الضيوف الفيهو ياخي ديل ضيوف فنانين كلهم بكري ابوبكر زاتو الصباح شفتو رادي اخر زول و فتشت ليهو مالقيتو الغايبين رجعتهم مفرحاني لكن اظنهم إلا نلغم ليهم الصفحة الاولي بالاغنيات عشان يقعدوا معانا شكراََ ليكـ و ليهم يا ممدوح
في غنية مصرية مطلعها بيقول : عاجبني فيك أوي، حاجات كتير أوي.( سيبك منها)
عارف يا طارق ما يعجبني في صوتك ..أنه يأتي طازجا دون محسنات أو لوازم بناء الكتروني، كما يفعل الكثير من حبرتجية الغناْْء ممن برعوا في إستخدام أساليب الضغط على الأسنان والأنف ... والأذن والحنجرة، وقيل إسلوب الضغط على المستمع زاتو!! لكن رغما ذلك تجد(أمورهم) الغنائية ماشه: سهرات، لقاءات تلفزيونية، بوسترات، وكاسيت ومعجبات، وانت سيد العارفين فالبنات السمحات طبعاجنهن مجاملات ، وده الحايضيع البلد!
اعدت ترتيب الطبيعة فهناك قلبي و هناك عصفورة للانتباه
و نافذة
تعلمك الهديلا
تعرف يا صاحب
كل يوم بالليل بجى براى ... معاى كباية فيها سائل اصفر تعوم فيهو تلجات ... اعلق السماعات في اضنى و بي صوت منخفض .... اسمع ...
لا ادرى لماذا يحتل الماضي الفؤاد
اسمعنى نشيدك
تجى اناشيد و صور ... اماكن و جوه و روائح و لا شئ
تختلط وتتداخل ... يختفي الفارق ما بين لمة في جخنوب الجلاد المهدم بلا كهرباء او اضاءة في الحاج ... و انفرادتنا في بلكونة معز ودعمك في جنيف النضيفة (تقول ولدوها الليلة)....
اسمعنى نشيدك
اترك تهديدك
بل اترك انت "فارغاتك"
و اقعد "اسمعنى نشيدك"
هل ستلتزم بلقاءنا الموعود في بشائر مايو؟
ل "تسمعنى نشيدك"
كيتا في : الاصحاب و نوبي (والاعور الجنبو) و .... دينا زاتو
تعرف يا عصام .. منذ ان نزلت بأرض الابيضين ( اللبن و الزبادي) هذه , لم احظ بنوم عميق كما حدث في ليلة جنيف تلكـ .. كانت كما انكـ نائم و حولكـ تحوم انفاس كل الاصدقاء تحرسكـ . وانا قادم الي هنا تناقشنا ودالمجذوب - الجلاد و انا حول لماذا اسافر الان بعد ان قطعت معهم معظم الشوط قلت حُجتي ,, كانو يستمعون مُطرقين ,, وافق الجلاد لان ذاكـ خياري و همهم المجذوب رافضا و علا صوته محتجاَ وسافرت ,, تسبقني تمنياتهم لي بالسلامة لم يمر علي ذاكـ اللقاء عام حتي باغتني ميسرة بنباء رحيل (ودالمجذوب) كان الخبر صاعقا .. الم تكف غربة الروح و البرد و صديقة ثرثارة في ليل امستردام الطويل !! نحن ياصديقي خرجنا علي عجل ,, كان يجب ان نحمل معنا ليالي الداخليات و الحبيبات و الاصدقاء و الاقرباء و كورة الشراب و خلافات الطفولة و كراسات الاملاء و اساتذه شداد غلاظ يتبعهم سدنتهم الاربعة الكبار بكل مراحل التعليم السوداني (ناس كنبة وراء) الذين حملوناعلي وهن و سياط الاساتذه تحاول بجهد تقويم ما اعوج من سلوكنا وفق فقة التربية و التعليم او كان يجب ان ننسي خلفنا كل ذاكـ و نحن يا صاحبي وسط هذين الخيارين يغور و يخورن جرحنا و النصل يغوص اعمق طوال 720 يوما حتي كانت ليلة جنيف ,, و تسألني الان لماذا اغني بهذا الشجن ياوهم ؟ ملحوظة.. شكراَ علي تلكـ الليله التي اعادت لي ما غاب من عطر الاصدقاء
____ الكلام ده كلو بنكرو باكر لو جبت لي سيرتو .. فأنا قادم من صلب شعب يخجل ان يعبر عن دواخله بهذا الوضوح نتلاقا في مايو يا وغد
Quote: شوفي لي سلمي مشت ويين برضو تمادر ما منها خبر يا اخوانا
سلمى كنت حتوقف ليها قلبها عديل بس ربك ستر ، والدكتور قال ليها اوعى اشوفك حايمة بهناك وتماضر حنيييييينة ما بتقدر على جنس دا لكن اختك المصفحة ، كلللللللل يوم تفتح وتقعد تعيد وتجر في الحتة بتاعت لو الايام لي ديارنا تعيدك وفي البال تماضر الحبيبة يارب تجمع لي بيها
والله جبت خبر يا صادق لكن لي يومين بقراء في سودان إنكـ و كأنني مُمتحن مبروكـ يا صديقي تلكـ الاصدارة عمل جميل شكلا و موضوعا و سعيداَ كنت بمتابعة صاحب (الماء إذا تنفسَ)
شكرا يا صادق يا رضي و اريتا حسادتكـ حسادة الحبايب
Post: #166 Title: Re: اسمعني نشيدكـ كيفما اتفق Author: Ahmed musa Date: 04-16-2008, 06:15 PM Parent: #1
(خدر) صدقاً انا أحب صديقي الغالي الصادق الرضي حين يشعِر .... لذا جئت بعده مباشرة ...... وطارق أبوعبيدة حين يُغني وتهاني عبدالله حين تُمثّل .... .......... ......... ..........
المسئوليه علي بنات بلادنا ديل جهجهو الامي و الليه بجهجهو فينا نحن دي سماحة شنو ياخي دي ؟
يعني نقوم نلملم ونرجع ليهن؟؟ ياخي دي سماحة شنو ؟؟ سهر لوجه الفجر و( أسمعني نشيدك)و(هي بين الكلمات واللحن تنسَّل إلى الوتين والشوق) اين المفر منها وقد صحت على هذا الملائكي المنهمر منك جنونا فنانا وينهمر الحنين ، والنشيج، والنهنهة وما بعيد نخجي وبكا قريب ياخي أنا مارق ماقدرت على دا كلو صباح الخير بهاء
Post: #173 Title: Re: اسمعني نشيدكـ كيفما اتفق Author: محمد مكى محمد Date: 04-17-2008, 05:08 PM Parent: #1
خدر سلامات أيوه كده..كتر من الحاجات الحلوه دى..بالمناسبه عندى ليك كم تسجيل بالاضافه للعمل ده.. الغريبه ناقشت أعمال مع أصدقاء(سودنين وخواجات) قبل حتى ماتسمع رأيي..وأعجبوا خالص ولك التحيه.. (فى واحده خواجيه كسرت تلج عديـــــــــل كده وقالت الزول ده لازم اسمعوا liveوأشوفوا )
يا رحمابي ياخي والله بالغت كمان نحن هنا ياخي ما حلقومنا انشرط عدييل بنتهاتي بيكـ كمان جاي تلوم في الجندرية عفيت منكـ يا اماني .. اصلو ما تكلميهو عشان يجي بقعد معانا هنا و يبادلنا الحنان و الكتابه ياخي ماتبقي بخيل يا رحمابي ياخ .. فاقدين كتاباتكـ تعال راجع
في غنية مصرية مطلعها بيقول : عاجبني فيك أوي، حاجات كتير أوي.( سيبك منها)
عارف يا طارق ما يعجبني في صوتك ..أنه يأتي طازجا دون محسنات أو لوازم بناء الكتروني، كما يفعل الكثير من حبرتجية الغناْْء ممن برعوا في إستخدام أساليب الضغط على الأسنان والأنف ... والأذن والحنجرة، وقيل إسلوب الضغط على المستمع زاتو!! لكن رغما ذلك تجد(أمورهم) الغنائية ماشه: سهرات، لقاءات تلفزيونية، بوسترات، وكاسيت ومعجبات، وانت سيد العارفين فالبنات السمحات طبعاجنهن مجاملات ، وده الحا يضيع البلد!
الحبيب مولانا خدر وليس كما يناديك الوغد دكين انا وكما تعلم ممدمن لصوتك العذب الطروب ولاختيارك الجميل لاغنياتك المرهفة ولا امل الاستماع اليك ابدا ولكني دائما التفت متاخرا لبوستاتك هل لسوء حظي ام لانك تملك تواضع الكبار
احبك يا رجل زيدنا وفقك الله
Post: #181 Title: Re: اسمعني نشيدكـ كيفما اتفق Author: على احمد النعيم Date: 04-24-2008, 09:31 AM Parent: #180
اساسي طيب ما تصوت لينا ياخي في الانتخابات الجاية دي
Post: #190 Title: Re: اسمعني نشيدكـ كيفما اتفق Author: على احمد النعيم Date: 05-27-2008, 10:49 AM Parent: #189
الاخ الرائع خدر
عليك الله قَطِع باقى كُبادنا ديل برائعة اخرى لله درك.
تحياتى لك بلا حدود
Post: #191 Title: Re: اسمعني نشيدكـ كيفما اتفق Author: حسين محي الدين Date: 05-27-2008, 11:08 AM Parent: #1
مررت من هنا!
فطاب لي الجلوس
خدر ما أحلاك يا صديق
Post: #192 Title: Re: اسمعني نشيدكـ كيفما اتفق Author: حسين محي الدين Date: 06-03-2008, 10:30 AM Parent: #191
هذا البوست: سبب رئيسي لطلوع الروح.. وفي رواية دخولها،،، لم تراعي فيه أدني شروط السلامة (نار وزيت) وأشياء أخري مشتعلة،،،
خدر تاني .. وبطل تهميشك ده..
تعرف انا جني وجن الحوامة لكن "البوست" ده عمل فيني عمايل عجيبة أسمعني نشيدك .. لحن بدخلك توووش وبسكنك وبخلي الزول يعيش نفس (حالتك) ديك .. أشبه ما تكون بحلقة ذكر عظيمة أو دق الزار..
للطيش
