Post: #1
Title: السُترة و الفضيحة متباريات يا بكري
Author: خدر
Date: 10-20-2008, 07:26 PM
Parent: #0
يا بكور حمدلله علي السلامة
و يا زملاء و اصدقاء المنبر حمدلله علي السلامة و جبرالله كسركم فيما حدث من تهكير
اما بعد
نظراَ لصداقتي و الحبيب (سيد الحوش) بكري و لثقتي في قدراته الحاسوبية و الخارقة , لم يراودني مجرد طيف انني سوف افقد
بعض اعضائي الحميمة او دعوني اقل درئاَ للشبهات و إبعاداَ لطابور المتحذلقة و المتكئين علي تآويلات اللغة العربية من اصدقائي الاوغاد
, انني سوف افقد بعضاَ من مكتبتي .
مكتبتي التي كتبت فيها كل ما عن لي خلال الـ6 سنوات المنصرمة من عمري الاسفيري بينكم , طالعت مكتبتي اليوم فوجدها اشلاء
مبعثرة في غياهب السيرفا المهولة ,
- ماذا يفعل الفونسو في البرازيل ببوست لي يتحدث عن تجربة عاطفية فاشلة ؟
- ماذا يضير بنجامين لو اعاد لي بوستي عن غدر النساء و اغنية (دمعة الشوق) لمصطفي بطران بصوتي تتردد في جنبات البوست و بنجامين
مذهولا من تلكـ الموسيقات الغريبة و اللغة الغير مفهومة ( قطعا بنجامين يستخدم Windows XP) ؟
تبعثرت كلماتنا و ارواحنا و اغنياتنا في سيرفا العوالم الاخري حتي انها ساهمت في تأكيد إنفصال جويل عن صديقها فرانكو لانها وجدت
صور الجندرية و اشراقة و دينا خالد تحتل صدر his document و قديما قالوا السُترة و الفضيحة متباريات
كتبت قبلا في مكتبتي بوستا مهمة كان اهمها علي الاطلاق وصيتي التي اودعتها ارشيف صديقي بكري و اوصيت ابنائي بمراجعة ذلكـ
الارشيف بعد رحيلي , لم يكن ذلكـ التهور ثقة في العولمة و تقنية المعلومات قدرما كان ثقة في بكور و قيامة علي توثيق و حراسة تلكـ الوصية
كبيدق رائد في عالم الانترنت السوداني
اليوم
و وصيتي ليست هناكـ , و الدمع يطفر من عيني لا يسعني إلا ان اشكر المولي عز و جل ان احياني حتي اري المنبر يتهكر و تُتاح لي
فرصة كتابة وصيتي من جديد لكن قبلها ينتصب امامي سؤال رئيس
كيف كانت ملامح وصيتي السابقة ؟؟؟
كيف سأعيد كتابتها الان و قد مر عليها 4 اعوام ؟؟
لكل ما سبق
التمس من سيد الحوش إرجاع مكتبتي كاملة غير منقوصة بما فيها وصيتي , إضافة الي اخبار المعركة الاخيرة مع الهكر حتي يتسني لنا
كتابة ما حدث. كما و انوه الي انني سوف اُضمن وصيتي اخبار المعركة الاخيرة و كيف ان بكري قاوم الهاكرز خاليا من الاسلحة لا يحمي جسده
سوي خبراته التكنلوجية و أنتي فايروس فيرشن 2005
__
عقلي انشغل
كلمات مصطفي بطران
الحان الامين برهان
اداء طارق ابوعبيدة
|
Post: #2
Title: Re: السُترة و الفضيحة متباريات يا بكري
Author: محمد عبد الماجد الصايم
Date: 10-20-2008, 07:32 PM
Parent: #1
خدر يا عمكـ
أخباركـ وأولادكـ ووين الغيبة؟
برفيو سريع كدا للأحداث: القصة لسع جايطة يا عمكـ وما عارفين الماسك الدركسون زاتو منو هسي
وبكري مطنش الناس دي كلها لا عاوز يرد في البورد ولا الإيميل ولا التلفون زاتو
فيا عمكـ
خلي موضوع الوصية دا شوية كدا
يمكن تفتش ليكـ مكان تاني عشان تكتبو فيهو
كن بخير
|
Post: #3
Title: Re: السُترة و الفضيحة متباريات يا بكري
Author: خدر
Date: 10-20-2008, 07:41 PM
Parent: #2
الصايم يا فنان
معقولة بس ؟
يعندي قصدكـ الهاكر اسه رجع ليكم المنبر عشان تمسحوا المسنجرات اياها ؟
ياخي ده هاكرز اصلو ولا ناشط في حقوق الانسان ؟ 
ثم يا قول ودعبدالله كيفنكـ
و إنشاء الله عقابكـ زين
اليومين ديل و حسب إفادة ودالصايم حقو الواحد للإحتياط يعنون بوستاتو لي بكور و للهكر 
__
نسأل الله العفو و السلامة
|
Post: #4
Title: Re: السُترة و الفضيحة متباريات يا بكري
Author: محمد عبد الماجد الصايم
Date: 10-20-2008, 07:46 PM
Parent: #3
يا عمكـ
لسع ما رجعوا .. تصدق
قبل شوية عمكـ الهكر زاتو كان فاتح ليهو بوست
المهم سكيناهو ليكـ لمن البوست اتلحس .. كيف ما عارف!
المهم
أخد ليكـ ساتر من الغبار دا!
|
Post: #5
Title: Re: السُترة و الفضيحة متباريات يا بكري
Author: خدر
Date: 10-20-2008, 07:56 PM
Parent: #4
ماعرفتوا بكري معتقل وين يا الصائم ؟
وهل اتعرض لتعذيب ؟
__
|
Post: #10
Title: Re: السُترة و الفضيحة متباريات يا بكري
Author: rosemen osman
Date: 10-21-2008, 11:21 AM
Parent: #5
طارق أزيك ياخى
ربنا يرفع عننا البلاء وترجع كل حاجاتك الحلوة
|
Post: #6
Title: Re: السُترة و الفضيحة متباريات يا بكري
Author: esam gabralla
Date: 10-20-2008, 07:58 PM
Parent: #4
دى قوية يا ود الصايم
نظام دوريات و كده!!!!!
| Quote: المهم سكيناهو ليكـ |
|
Post: #7
Title: Re: السُترة و الفضيحة متباريات يا بكري
Author: حسين محي الدين
Date: 10-20-2008, 08:07 PM
Parent: #6
Quote: ماعرفتوا بكري معتقل وين يا الصائم ؟
وهل اتعرض لتعذيب ؟
|
خدر
ننادي ناس SOAT
ولا نستني شوية
نتمنى عودة المكتبة وجميع المكتبات
سالمة غير منقوصة
وحقيقة أخشي على ملفات الصوت من الضياع
محبتي يا صديقي
|
Post: #8
Title: Re: السُترة و الفضيحة متباريات يا بكري
Author: Ashraf el-Halabi
Date: 10-21-2008, 05:09 AM
Parent: #1
ما طالبني حليفة يا خدر
في كل العتمة والضبابية ديل جا صوتك ليعيد لي قليل من الاطمئنان
ممكن أهدي؟
أهدي غنية "عقلي انشغل" للباشمهندس في معتقله
|
Post: #9
Title: Re: السُترة و الفضيحة متباريات يا بكري
Author: عامر تيتاوى
Date: 10-21-2008, 10:39 AM
Parent: #8
Quote: ما طالبني حليفة يا خدر
في كل العتمة والضبابية ديل جا صوتك ليعيد لي قليل من الاطمئنان
|
تسلم ياخدر يافنان ومثلك نتساءل عن مصير كل المداد الذى اهرق هنا عبر
سنوات مضت
|
Post: #11
Title: Re: السُترة و الفضيحة متباريات يا بكري
Author: عبد المنعم سليمان
Date: 10-21-2008, 11:34 AM
Parent: #9
Quote: قبل شوية عمكـ الهكر زاتو كان فاتح ليهو بوست
المهم سكيناهو ليكـ لمن البوست اتلحس .. كيف ما عارف!
|
مطارادات شديدات
|
Post: #12
Title: Re: السُترة و الفضيحة متباريات يا بكري
Author: shammashi
Date: 10-21-2008, 12:06 PM
Parent: #11
خدر
مكتبتك ياتا يا زول البترجع تاني
يا زول قالوا ليك تسونامي ميكافيللي بعد شوية حيضرب مكتبة الكونغرس ذاتا.
أما صديقك بكور فقالوا آخر مرة شوهد على قناة الجزيرة في شريط تم تسليمه لهم من جهة مجهولة. وقد شوهد بكري بجلابية مقطعة وسفنجة نخرتا مقطوعة والصلعة لحقت الفقرة 33 في ضهرو وقد تحدث لمدة ثلاث دقائق وأوضح بأنه محتجز في مكان ما خارج الولايات المتحدة ويطلب من الأعضاء جمع فدية تعادل 1 مليون يورو للهكرز. يشيلوا منها خمسمية دولار تترسل مصاريف لوليداتو عن طريق شخص مضمون.
|
Post: #14
Title: Re: السُترة و الفضيحة متباريات يا بكري
Author: shammashi
Date: 10-21-2008, 12:49 PM
Parent: #12
خدر
بكري قال ليك أعلن (بكسر اللام) حالة الطواريء وحظر التداخل في البورد اعتباراً من الساعة 24 بتوقيت الخرطوم ونط فيها طوالي قبل ما ملاسي يجي ناطي.
بعد تنط فيها قال ليك شكل مجلس تسيير للبورد من بين من تأنس فيهم الكفاءة والأمانة. والأمانة دي قال ليك ركز عليها شديد وأوعك يغشوك الناس العندهم مليون وش ديك.
مارشات عسكرية
|
Post: #15
Title: Re: السُترة و الفضيحة متباريات يا بكري
Author: rosemen osman
Date: 10-21-2008, 01:02 PM
Parent: #14
Quote:
بكري قال ليك أعلن (بكسر اللام) حالة الطواريء وحظر التداخل في البورد اعتباراً من الساعة 24 بتوقيت الخرطوم ونط فيها طوالي قبل ما ملاسي يجي ناطي.
بعد تنط فيها قال ليك شكل مجلس تسيير للبورد من بين من تأنس فيهم الكفاءة والأمانة. والأمانة دي قال ليك ركز عليها شديد وأوعك يغشوك الناس العندهم مليون وش ديك. |
shammashi
عليك الله ما لقيت غير شيخنا خدر دا يعمل أنقلاب
كدى أسمع صوته تااانى برواقة كدا 
|
Post: #22
Title: Re: السُترة و الفضيحة متباريات يا بكري
Author: خدر
Date: 10-21-2008, 06:48 PM
Parent: #11
يا شباب .. سامحونا
شماسي عمل انقلاب و احتل البوست و ضحكنا وخلانا لخبطنا الردود
روزا سلامات و مشتاقين
كيف اخبار مكتبتكـ إنشاء الله تكون امينة
حسين
ملفات الصوت هينة الجندرية عندها ارشيف اضمن من ارشيف بكري
وصيتي القاها كيف ؟
يا حلبي الله يجبر بي خاطركـ يا حلو
و ربنا يفكـ اسرانا .
تيتاوي
ده الماغسني في كل الهيصة دي
شوية وليدات يلعبوا لينا بي مجهود عمرو 6 سنوات
عصوم و بيجو
ود الصايم ده ما تعصروا عليهو شديد
خلوهو يأخد راحتو
انتو فلاحتكم في ود الصايم و عينكم للهاكرز حايمين في المنبر ؟؟
|
Post: #13
Title: Re: السُترة و الفضيحة متباريات يا بكري
Author: تيسير عووضة
Date: 10-21-2008, 12:42 PM
Parent: #1
Quote: أما صديقك بكور فقالوا آخر مرة شوهد على قناة الجزيرة في شريط تم تسليمه لهم من جهة مجهولة. وقد شوهد بكري بجلابية مقطعة وسفنجة نخرتا مقطوعة والصلعة لحقت الفقرة 33 في ضهرو وقد تحدث لمدة ثلاث دقائق وأوضح بأنه محتجز في مكان ما خارج الولايات المتحدة ويطلب من الأعضاء جمع فدية تعادل 1 مليون يورو للهكرز. يشيلوا منها خمسمية دولار تترسل مصاريف لوليداتو عن طريق شخص
مضمون. |
|
Post: #16
Title: Re: السُترة و الفضيحة متباريات يا بكري
Author: shammashi
Date: 10-21-2008, 01:19 PM
Parent: #13
دعم لوجستي من تراجي
خدر...
قفل كباري بحري كلهن . النيل الأزرق، المك نمر، المنشية.
اتغدى بيهم قبل يتعشوا بيك... فقد شوهد بعض المتآمرين بالقرب من سلاح المظلات ببحري
|
Post: #17
Title: Re: السُترة و الفضيحة متباريات يا بكري
Author: shammashi
Date: 10-21-2008, 01:35 PM
Parent: #16
خبر عاجل
تم نسف بعض بوستات تراجي، المجمر، بكري الصايغ عن طريق الخطأ بواسطة نيران صديقة
بعض قوات الباشبوزق شوهدت تتحرك من موقع الأورق والأوفلاين.
سيتم التصدي لها بعنف
|
Post: #18
Title: Re: السُترة و الفضيحة متباريات يا بكري
Author: خدر
Date: 10-21-2008, 05:54 PM
Parent: #17
يا شماسي
الانقلاب هين لكن صاحبي ده لو رجع باقيلكـ بقدر ارجع ليهو المنبر ؟؟
اها بتبقي علي السترة و الفضيحة ذاتها
اضحككـ شوية زي ما ضحكتني بي بيانات إنقلابكـ ده
زمان في فرقة (ساورا ) تم استدعاء اعضاء الفرقة طارق و الهادي
فذهبا معا لمكاتب الامن معا و لم يعودا معا
عاد طارق اولا فهجمنا عليه بقلق متسائلين .. وين الهادي ؟؟
قال لينا بطرافتو المعهودة
( الهادي ده اخر مرة شفتو كان مدقوق و كارينو من شعرو بالواطة )
طبعا الهادي عاد مساء و لم يحدث شيئا مما تبرع به طارق مختار الكارثة
|
Post: #19
Title: Re: السُترة و الفضيحة متباريات يا بكري
Author: Emad Abdulla
Date: 10-21-2008, 06:11 PM
Parent: #18
ههههههههههههأأأأووو ..
سيبك من مكنة مكتبتي و وصيتي و طيارتي ..
كل شيقن إنكشفن وبان ..
لومك بي يا أصلي ..
باكر بعد باكر كرورك كلو في ضهر بكس و
: جايبينو بالهكارة و بايعنو بالقطارة ..
- أنا غايتو حاجز زكيبة غنا .. و سر سرين كده ما بطال معانا -
.......
تاني وصيتك خليها في الذمة ..
الدنيا ما معروفة .
( وصيتي قال .. !! قصة عجيبة ياخ ) .
|
Post: #21
Title: Re: السُترة و الفضيحة متباريات يا بكري
Author: Nazik Eltayeb
Date: 10-21-2008, 06:25 PM
Parent: #19
خدر كتر خيرك
شايفاك شايل هم الفونسو و صاحبة منو اللقت الصور واخيراً وصيتك
غايتو
لينا الله
بس
عجبني البوست
لكن من زمان عايزة اعرف الاغاني دي بتخلوها تصاحب البوست كيف
وريني عشان ربنا يجمع ليك بمكتبتك
|
Post: #25
Title: Re: السُترة و الفضيحة متباريات يا بكري
Author: خدر
Date: 10-24-2008, 05:59 PM
Parent: #21
نازكـ سلامات
القصة بتاعت الاغاني دي دايرة ليها مسنجر عدييل و شرح و نديكـ نماذج تحفظيها عندكـ
بس وين مع الهاكرز ديل
لمن تنقشع الهرجلة بتاعت اليومين ديل حا ارسل ليكـ التفاصيل مسنجريا
و لحدي الوكا داكـ إنشاء الله يكون الفونسو و حبيبتو اتفقو
|
Post: #20
Title: Re: السُترة و الفضيحة متباريات يا بكري
Author: 3mk-Tango
Date: 10-21-2008, 06:22 PM
Parent: #1
سلام خدوري
الاغنية شديده بس ما ما كاملة بتقيف بعد اول دقيقة
عالج القصة دي واجدع لنك الحفظ علي قول الجندرية
ودي
|
Post: #23
Title: Re: السُترة و الفضيحة متباريات يا بكري
Author: خدر
Date: 10-23-2008, 07:05 AM
Parent: #20
يا للهول .. شخصياَ
واخرجت الارض اثقالها الجميلة
شكرا يا هاكرز
|
Post: #24
Title: Re: السُترة و الفضيحة متباريات يا بكري
Author: الجندرية
Date: 10-23-2008, 11:38 AM
Parent: #1
واصبحت كل صباح يزاد انيني
ينصر دينك ياخ
لكن انت يا خدوري
مسعول من الخير
مش الارشيف دا محتاج تحديث
ولا نقعد نرسل ليك كل تلاتة شهور
لنك اغاني لارشيفي ؟
غايتو احمد سيدي
غنيمتي كبيرة
بس الطمع نسوي معاه شنو؟
ومن خلى كمبيوتري مطمورة
كل غنا خدر اكبو فيها
|
Post: #26
Title: Re: السُترة و الفضيحة متباريات يا بكري
Author: خدر
Date: 10-28-2008, 06:14 AM
Parent: #24
عذرا للغياب يا اصدقاء
|
Post: #27
Title: Re: السُترة و الفضيحة متباريات يا بكري
Author: DKEEN
Date: 10-28-2008, 07:38 AM
Parent: #1
العزيز طروق
لا ازال اسمع في انتباه كامل ورواقة لاغنياتك المسجلة بسودانفور اوول
المهيرااااااااااااا عقد الجلاد انتي ..... تم ترم تم تم
البارح في المنام البارح في المنام جاني....ترم ترم ترلم..
وهكذا ادمنت الصوت الاتى من عضم الغنية ذاتو..
ياخي الله لاودر ليك ريكورد ..
Quote: كيف كانت ملامح وصيتي السابقة ؟؟؟
كيف سأعيد كتابتها الان و قد مر عليها 4 اعوام ؟؟ |
ياخي الوصية بي ماسوف ياتي مستقبلا لاتجوز
انت حين اوصيت لم تكن تملك شيئا ...
ولازلت لاتملك شيئا..
فما فرقت ..وماتعمل لينا هيلمانة..
وحنجرتك مزيان حسانتك وهي معك تلازمك..
حفظها الله ..فانجز بها واطربنا..
ودم في امان المولى بلا وصية..
|
Post: #28
Title: Re: السُترة و الفضيحة متباريات يا بكري
Author: خدر
Date: 11-22-2008, 11:34 AM
Parent: #27
عذراَ للغياب يا اصدقاء
عقلي إنشغل
تنقو
القصة دي شغالة معاي تمام .. ما بتقيف
لكن ده لنكـ الحفظ و انت اتصرف
اماني
والله اللوم غتانا تب
فعلا يجب تجديد الارشيف
اديني اضانكـ في المسنجر و فالكـ طيب
يا وغد
بدل ما تقاتل معاي من اجل وصية عائدة
جاي تقنعني منها
فعلا وغد
مشتاقين بالمناسبة اجدع لي تلفونكـ في الايميل
|
Post: #29
Title: Re: السُترة و الفضيحة متباريات يا بكري
Author: فتحي الصديق
Date: 11-22-2008, 06:53 PM
Parent: #1
ما مشكلة ضياع المكتبة يا طارق مادام صوتك موجود.وقدراتك العالية في نبش الدرر موجودة.. حتبني مكتبتك تاني و حنستمتع.. الله يحفظك .
|
Post: #30
Title: Re: السُترة و الفضيحة متباريات يا بكري
Author: فتحي الصديق
Date: 11-22-2008, 06:57 PM
Parent: #1
يا نسيم مابالك
تثني قامة البان
ممكن؟؟؟
|
Post: #31
Title: Re: السُترة و الفضيحة متباريات يا بكري
Author: إيمان أحمد
Date: 11-22-2008, 09:27 PM
Parent: #30
.
ياخدر شوف طريقة أعمل لي مكتبة من تسجيلاتك دي، ولا برسل ليك الهاكر حسه دي!
وهذا مني للإعتماد
إيمان
|
Post: #32
Title: Re: السُترة و الفضيحة متباريات يا بكري
Author: Ishraga Mustafa
Date: 11-23-2008, 08:14 PM
Parent: #31
وصيتى:
لو يوم مت بيكون غناك ده السبب ياطارق ياخ
حرام عليك
خلى بالك انو معانا ناس معوقيين شديد
وانا اولهم
صبرك يارب
صبرك من هذا الانين
|
Post: #33
Title: Re: السُترة و الفضيحة متباريات يا بكري
Author: ibrahim kojan
Date: 11-23-2008, 10:33 PM
Parent: #32
حاجه عجيبه يازووووووووووووووووووووووووووووووووووول
ثم صمتت
وتنحنحت
فاتتني القيامه عارية!
ربنا يجمع ؟؟
ما تبكي
|
Post: #34
Title: Re: السُترة و الفضيحة متباريات يا بكري
Author: Adil Isaac
Date: 11-24-2008, 00:34 AM
Parent: #33
ياااااسلااااام يا ولدنا ياخى, لكن بصراحة طولنا من الLive shows من النوع دة ولازم تشوف لينا صرفة
.........
|
Post: #35
Title: Re: السُترة و الفضيحة متباريات يا بكري
Author: خدر
Date: 11-24-2008, 06:39 PM
Parent: #34
يا فتحي
والله ضياع المكتية حار ياخي
لكن الله غالب
اتوقع يا نسيم بطرفكم قريب
يا ايمان
يعني الهكر جايباهو يتم الناقصة
حرام عليكـ هي المكتبة كلها بقت علامان استفهام
اجدعي لي مسكول, السيلفون بتعاي في البروفايل
عشان نتفق علي المكتية بدون هاكرز و قومة نفس
يا دكتور
لكن يسوو ليكم شنو
شابكننا امستردام بعيدة
صاحبكـ اتصل قبل فترة و قال لي تعال ضروري
(بعد ما رجع من السودان)
قلت ليهو ماعندي طريقة اسه مزنوق خالص في شغل , تعال انت
قال لي ..
قلت ليهو (الهاكم التكاثر )
مبروكـ عليكم و علينا زكريا بالمناسبة
|
Post: #36
Title: Re: السُترة و الفضيحة متباريات يا بكري
Author: خدر
Date: 11-24-2008, 06:42 PM
Parent: #33
كوجان
شفت اشراقة دي بتدخلني في حساب الله كيف ؟
يا بت امنا , إنشاء الله طويلة عمر و صحة و عافية
لمن ترقصي في عرس مرافي
بعدين يا كوجان
يا الطال غيابكـ سنة و زيادة
اوفوا بالعهود يا وغد
|
Post: #37
Title: Re: السُترة و الفضيحة متباريات يا بكري
Author: Adil Isaac
Date: 11-24-2008, 07:25 PM
Parent: #36
Quote: لكن يسوو ليكم شنو
شابكننا امستردام بعيدة
صاحبكـ اتصل قبل فترة و قال لي تعال ضروري
(بعد ما رجع من السودان)
قلت ليهو ماعندي طريقة اسه مزنوق خالص في شغل , تعال انت
قال لي ..
قلت ليهو (الهاكم التكاثر ) |
loooooool
والله يا خدر من التكاثر إضطريت أشيل من الزول دة منصب منسق البرامج الإجتماعية, و رسل لى فى المسنجر تلفونك الشغالأنو المعاى دة قديم الظاهر, وخلينا نحاول من جديد, ولكن البرنامج الجديد دة يكون فظيييع...وبمجرد إنتهاء مراسم ذكريا وعودتة المظفرة للمنزل !!
|
|