Post: #1
Title: يا قديس , الرومانسية قطعاَ عائدة
Author: خدر
Date: 11-16-2008, 00:09 AM
Parent: #0
عفواَ يا قديس,
شغلتني عن ذكري رحيلكـ تصاريف علمها عند رب رحيم
هاشم ميرغني , قائد فيالق الرومانسية العائدة و نصير إبن الملوح , قِر عيناَ و طب مقاماَ فالواقعية اورثت البعض يأساَ
و اثقلت كاهل آخرين , حتي اضحينا و كُل كتابه بيمناه يصيح عاشت الذكريات و الآحلام و الي الجحيم ثورة التكنلوجيا و اللِقاحات
.
طب مقاما مع الصديقين و الشهداء و المُحبين يا قديس
كما ,
و
اغفر لي تجاسري علي كنوزكـ الثمينات.
__
الحان هاشم ميرغني
شعر عزمي احمد خليل
آداء طارق ابوعبيدة
|
Post: #2
Title: Re: يا قديس , الرومانسية قطعاَ عائدة
Author: حنين للبلد
Date: 11-16-2008, 00:12 AM
Parent: #1
في داعي لي نواح الليل
الله يهديك ياخدر ده شنو الوجع الرميتوا لينا ده انت وطارق ابوعبيده
رحم الله الفنان هاشم ميرغني بقدر ما عبر عن اوجاعنا وخيباتنا واحاسيسنا المهزومة.
|
Post: #9
Title: Re: يا قديس , الرومانسية قطعاَ عائدة
Author: خدر
Date: 11-16-2008, 11:57 AM
Parent: #2
غناء القديس كان مرآه لما حدث و يحدث لنا يا حنين , كان إستعراضاَ لتأريخ ملئ بالخيبات و أنصاف الحلول ,
فنحن جُبلنا قانعين بماتيسر من فتوحات و لاذلنا مبدعين في إيجاد تبريرات لهزائمنا المتكررة حتي في شأن العشق العام
القديس ليس مسؤلاَ عن خيابة تأريخنا او عن غدر الحبيبات و خيانة العاشقين
هاشم ميرغني كان حادي العشق و الحادي لا يقرر ما سيحدث
الحادي يغُني ما حدث يا صديقة
و معكـ اقول
رحم الله الفنان هاشم ميرغني بقدر ما عبر عن اوجاعنا وخيباتنا واحاسيسنا المهزومة.
|
Post: #44
Title: Re: يا قديس , الرومانسية قطعاَ عائدة
Author: ibrahim kojan
Date: 11-23-2008, 01:31 AM
Parent: #9
************************
|
Post: #3
Title: Re: يا قديس , الرومانسية قطعاَ عائدة
Author: ابو مهند
Date: 11-16-2008, 00:15 AM
Parent: #1
دائما تدهشني بادائك
بس راكن نفسك لاشياء تعرفها لوحدك
ورحم الله الانسان الفنان هاشم ميرغني
|
Post: #4
Title: Re: يا قديس , الرومانسية قطعاَ عائدة
Author: Hussein Mallasi
Date: 11-16-2008, 08:39 AM
Parent: #3
رحم الله هاشم ميرغني و أمد في أيامك يا خدر.
|
Post: #10
Title: Re: يا قديس , الرومانسية قطعاَ عائدة
Author: خدر
Date: 11-16-2008, 12:05 PM
Parent: #4
ابو مهند
رحم الله هاشم ميرغني
أظن الوقت لم يحن بعد يا صاحب حتي اتخلص من كسلي الملازمني
تسلم يا حسين
ربنا يمد في ايامكـ و حِبانكـ انت كمان
و يتقبل هاشم في عليين
|
Post: #5
Title: Re: يا قديس , الرومانسية قطعاَ عائدة
Author: سيف اليزل الماحي
Date: 11-16-2008, 08:45 AM
Parent: #1
.
طارق .. مشتاقين
يا فردة تعيش وتتذكر .. وتغني،
أصلو الوفاء من طبع السنابل ولذلك أنا أحب صوتك الطازج الأنيق،
وكما قال إبن المقفع : الرومانسية مالها؟ عيبوها لي!
ياخي إتحفنا بتلفون، فالدنيا دي كتيرها وقليلها رايح
ألف رحمة على قبر الراحل هاشم ميرغني
سيف اليزل
.
|
Post: #6
Title: Re: يا قديس , الرومانسية قطعاَ عائدة
Author: Yassir Tayfour
Date: 11-16-2008, 08:59 AM
Parent: #5
والله يا قريبي عندك صوت!
إنا لله يا قول عمدة
__
رحمه الله وغفر له ذنوبه..
|
Post: #11
Title: Re: يا قديس , الرومانسية قطعاَ عائدة
Author: خدر
Date: 11-16-2008, 01:31 PM
Parent: #6
سيف سلامات ياخي
قطع شكـ حا اتصكـ تلفون رنان جدا و نتونس الونسه إياها
لكن ياخي (ابن المقفع) مالكـ بالينا بيهو
اريتو لو كان رومانسي علي الاقل رقبتو كانت قعدت في مكانها 
طيفور يا حلو
تسلم يا سيدي
لكن والله انا كنت عشمان في مداخله شحمانة منكـ
عن العشق و الرومانسية
نزل القزاز ياخي و غني عاوزين نسمعكـ
|
Post: #7
Title: Re: يا قديس , الرومانسية قطعاَ عائدة
Author: Tabaldina
Date: 11-16-2008, 09:08 AM
Parent: #1
..
.
رحمه الله رحمه واسعة
__________
شكراً يا طارق (خدر) فى التذكير
|
Post: #8
Title: Re: يا قديس , الرومانسية قطعاَ عائدة
Author: Dalal Ezzaldin
Date: 11-16-2008, 11:55 AM
Parent: #1
وقفت اجلال وتقدير للفنان الخالد باعماله هاشم ميرغني
ووقفت احترام لي شخصك ياخدر وانت حقيقي فنان
|
Post: #12
Title: Re: يا قديس , الرومانسية قطعاَ عائدة
Author: حسين محي الدين
Date: 11-16-2008, 01:37 PM
Parent: #8
خدر
تسلم يا فنان
وربنا يديك العافية ياخ
|
Post: #13
Title: Re: يا قديس , الرومانسية قطعاَ عائدة
Author: خدر
Date: 11-16-2008, 01:40 PM
Parent: #8
ربنا يرحم هاشم و يرحمنا جميعا يا تبلدينا
وشكرا ليكـ انت كمان يا سيدي
ربنا ما يقطع خيرا ليكم يا سودانيين
الله يجبر بخاطركـ يا دلال
و لهاشم الرحمة إنشاء الله
ربنا ما يقطع خيرا ليكم يا سودانيين
|
Post: #14
Title: Re: يا قديس , الرومانسية قطعاَ عائدة
Author: انعام عبد الحفيظ
Date: 11-16-2008, 03:51 PM
Parent: #1
رحمه الله فنان يمتعّك بغنائه وتطرب له وقتما سمعته
شكراً يا خدر
وبالمناسبة صوتك جميل شديد
|
Post: #15
Title: Re: يا قديس , الرومانسية قطعاَ عائدة
Author: خدر
Date: 11-16-2008, 09:02 PM
Parent: #14
حسين و إنعام
جبر الله كسركم و كسر الغنا في القديس
هسه خايف من فراقك لما يحصل ببقى كيف
زي ورد في عز نداه خوفو بكره يزوره صيف
من عرفتك كنت حاسس الزمن لي ما بيسيبك
كنت حاسس رغم ريدي إني زي الما حبيبك
والحنان البيننا ولف لا نصيبي ولا نصيبك
والزمان عارف مصيرنا حقو لي ما كان يجيبك
زي فرح في دربي عارفو أصلو ما بيطول كتير
زي غمام في سماي عدى سابني في عز الهجير
كم فراش عي ورده طل أصلو ما قايلا بيطير
فات وراح شايل هناها خوفي من نفس المصير
وحقو يا عيني توالفي الصبر قبال فراقه
و انتي عارفه الجاي بكره وبرضو تغرقي في اشتياقه
كم عيون في الريده غرقت والزمن من ريده سقاه
ما كتير القلبه حبه ياما كم في هواه لاقا
يازمن علمني أنسى المحال نسيان عيونه
حتى لو أيامي طالت ما أظني أعيش بدونه
ما أظن أيامي تاني زي حنانه تكون حنونه
انت خوني زماني كله الا أوعى في يوم تخونه
|
Post: #16
Title: Re: يا قديس , الرومانسية قطعاَ عائدة
Author: Emad Abdulla
Date: 11-16-2008, 09:30 PM
Parent: #15
يا أرحم الراحمين ..
تولاه برحمتك و غفرانك و حنانيك .
و يا حليلو الغنا الذي أدخِل بيت الحبس و لم يخرج لي يوم الليلة .
؟؟
....
يا صاحب ..
تقول الرومنسية ؟؟
حسبتها ضربٌ - صارت - من ضروب التخلف ( أو هكذا أوحيَ إليّ ) .. فتامل حال مخاليق القرن المتعولم الجديد ؟
ثم أنك شليق شليق .. و تعرف كيف صوتك يلزمني الجابرة و يخششني فيما لا تحمد عُقباه ..
فأكثر منه بارك الله فيك ..
و أمنحنا اليقين بأن السراطين يستقيمان .. شوية واقعية/ شوية رومانسية .. حبة من هنا , حبة من هناك ..
فلقد تستفنا لأبو عيننا من كدوب الواقعية .. حتى صرنا خِلاقة يا صاحب .
عارف ..
أمس شِق الصباح سمعت شيئاً فريا ..( فرياً لأنه ما عاد من يسمع و يتصنت و يستعدل روحو بإذن ربها ) ..
قال الغناي : ( طريت برق الفويطر الشال و سال دمعي البكب وشال ) و .. انبهلت حزم الجمال .
قلت يا سبحانك .. يدخل الكلام من بين فرثٍ و دم الحال " الواقع " .. فيصيب البني آدم في مقتلٍ ..
و ليس للبني آدم من أمر الفواطر التي تشلع برقاً شيئاً .. لا و لا في التور و لا الطحين ..
لكنه الكلام المموسق الموضب في اللحن التمام و الصوت الأتم .. و الوحشة الكبيرة الجوانية في غربة العالم أب كادوق .
فآمنتُ بالله .
الغناْ شفاء يا ابن خالتي .. هكذا أعرفه و كذا يجب ان يكون .
فاشفنا ساعة بعد ساعة .. الله يرضى عليك .
....
ياخي شكراً ..
هذا , و التحيات للآنسة التي عندك ..
و رهطكم الكريم " الباقي " .
|
Post: #17
Title: Re: يا قديس , الرومانسية قطعاَ عائدة
Author: Osman Musa
Date: 11-17-2008, 04:49 AM
Parent: #16
يا سلام
يا سلام ياخدر
دايما نقف حين يسرف الموت .
نقف.
نقف معاك حدادا) على شرفات القديس . يا خدر
.. هنا يكون الحزن للجميع
والفرح للجميع .
نبكى
نفرح
نشد وتر الأغانى
ونسير فى موكب الحب نترحم على القديس
...
عليه الرحمه ..
|
Post: #18
Title: Re: يا قديس , الرومانسية قطعاَ عائدة
Author: خدر
Date: 11-18-2008, 08:17 PM
خايف من فراقكـ
لنكـــــــــ الحفظ يا باشمهندس
|
Post: #19
Title: Re: يا قديس , الرومانسية قطعاَ عائدة
Author: Ishraga Mustafa
Date: 11-18-2008, 08:33 PM
Parent: #18
جيت اقول ياخدر انى مشتاقة ليكم والله
وفقدتكم كتير
انت وناس بيتك الحلوات
لقاء وام لقاء...
اما هاشم ميرغنى فدى حكاية...
واما الرومانسية- ياحليلها- كفنوها وشيعوها لمثواها الاخير
اها حسع ابكى قديسها
ولاّ صوتك وغناك اللى بهابو فى ليل الشتاء تحديدا
ولاّ الرومانسية
ولا.. ولا...
يعنى يبقى على كلو؟ حرام والله - مافى رحمة يعنى
|
Post: #26
Title: Re: يا قديس , الرومانسية قطعاَ عائدة
Author: خدر
Date: 11-19-2008, 09:32 PM
Parent: #19
يا سلام يا سلام يا عثمان
اوصفت كما ينبغي , وصف محكم و بليغ
شكرا يا تربال يا فنان يا حلو
اشراقة صديقتنا التي نشتاق
في سيرتكـ نحن و قطعا بالخير و مشتهنكـ
قربي التواصل و طمنينا عليكـ و علي اخبار الوالده
يا اشراقة معقولة بس كفنوها و رفوف المكتبات الصوتية من زمن (الرباطابي ) و لسه مستفه
بالكلام المُرتب و الخيال البديع و الاشواق و الشجن
يا اخوانا قولوا كلام تاني
الحقنا يا قديس
|
Post: #25
Title: Re: يا قديس , الرومانسية قطعاَ عائدة
Author: خدر
Date: 11-19-2008, 09:26 PM
Parent: #16
ودالتوم
3 يوم كادت ان تصير ( اسبوع تمام) اقراكـ و القي الكلام ماداير يمرق من قلمي فاقراء و استمتع و اعود الي ما كنت عليه
ياخي فعلا بأي غصن تكتب ؟
بعجبني فيكـ لغتكـ و ريشتكـ و الفوكابليري الخاص بيكـ كماذون أساسي افلح في تزويج السودانية
بالعامية بالفصحي .. ياخي النبي فيكـ عقب (اعمل شدة في العين )
الكلام كتير و انا و ( إن) قلبت الهوبه مدادي لن يستطيع لحاق نعال مدادكـ و قطعا لن اغامر
خليني اشوتكـ تلفون .. فنحن يا صاحب قرمانيين
سلام لمن بطرفكم من العاملين عليها و ابناء السبيل .
طارق ابوعبيدة
|
Post: #20
Title: Re: يا قديس , الرومانسية قطعاَ عائدة
Author: انعام عبد الحفيظ
Date: 11-18-2008, 08:44 PM
Parent: #1
ياخي دا بوست جميل شديد ياخي
ـــــــــــــــ
غايتو إستحملنا يا خدر
|
Post: #24
Title: Re: يا قديس , الرومانسية قطعاَ عائدة
Author: elsawi
Date: 11-18-2008, 09:23 PM
Parent: #20
لا ادري لماذا احس بأن اسعد لحظات حياتي هي تلك اللحظات التي ترتفع فيها معدلات الحنين والطرب و والإنبهار في آنٍ واحد بالرغم من الم الروح والقلب المصاحب لتلك اللحظات و الناتج من التهاب المشاعر وتحرق الوجدان ..
لا اودعك سراً يا صديقي ان قلت لك انك ليس فقط قادر على دفعي الى داخل حلقات تلك اللحظات السعيدة بل وقادر ايضاً على (تخدير) القلب والروح تحسباً للأوجاع المصاحبة، فلك الشكر من قبل ومن بعد وللقديس في علياءه رحمة من رب كريم ..
Quote:
الله يهديك ياخدر ده شنو الوجع الرميتوا لينا ده انت وطارق ابوعبيده |
عشان كده قلنا ليك وش خدر اللابسو ده اجدعو عشان تبقى طارق لكل الأبواب المؤصدة وليس فقط ذوات الطلاء (الأخدر)
الصاوي
|
Post: #27
Title: Re: يا قديس , الرومانسية قطعاَ عائدة
Author: خدر
Date: 11-19-2008, 09:37 PM
Parent: #24
إنعام .. اولا , يجبر بخاطركـ يا رب
اتنين , البوست بوستكـ و كلنا ضيوف القديس
تلاته , لو ما جيتنيا تاني بنزعل منكـ و ما بنجي نحنا زاتو
يا كمنجاتي
ياخي تلكـ لحظات التوحد و مواجهة الذات , فعلا هي من اصدق اللحظات
او قل لعل الم الروح و يغسل ما يصاحب من آلام و تخرج لنا مشاعرنا في مواجهة نادرة الحدوث
فنفرح و تتأكد إنسانيتنا
انا فرحان بي كلامكـ و جيتكـ يا صاوي و حا ارجع اتم معاكـ الونسه الجميلة دي
|
Post: #21
Title: Re: يا قديس , الرومانسية قطعاَ عائدة
Author: حنين للبلد
Date: 11-18-2008, 08:51 PM
Parent: #1
| Quote: غايتو إستحملنا يا خدر |
استحملنا ياطارق...
صوتك جميل يااخي
للفنان الراحل هاشم ميرغني الرحمة بقدر ما اطربنا واشجانا
ولك الشكر لإيقاظنا من سبات الاحاسيس
|
Post: #36
Title: Re: يا قديس , الرومانسية قطعاَ عائدة
Author: خدر
Date: 11-20-2008, 08:44 PM
Parent: #21
حنين
انا فرحان بي زياراتكـ و ياريتها تطول
المره الجاية حا نقفل منكـ الباب عشان ما تمشي مننا
شايف يا قديس !!
كل الجمال و الحنان يتوفر حين تكون
طب مقاما مع الخالدين
رواية
جبرالله كسركم و كسرنا في القديس
و في الخالدي
الاحزان دي حدها ويين ياخي ؟
|
Post: #22
Title: Re: يا قديس , الرومانسية قطعاَ عائدة
Author: تيسير عووضة
Date: 11-18-2008, 09:14 PM
Parent: #1
الرومانسية ؟
حمامة بيضاء
كانت تشرب موية السكر من هاشم ميرغني ..
وتجي تقيف على طرف أكتافنا
تغني معانا
ونبكي شوية
حالياً نايمة ..
شكراً طارق إنك صحيتا !
ــــــــ
شغل حلو "كالعادة" ..
|
Post: #23
Title: Re: يا قديس , الرومانسية قطعاَ عائدة
Author: Ishraga Mustafa
Date: 11-18-2008, 09:21 PM
Parent: #22
Quote: الرومانسية ؟
حمامة بيضاء
كانت تشرب موية السكر من هاشم ميرغني ..
وتجي تقيف على طرف أكتافنا
تغني معانا
ونبكي شوية
|
نحو اختبار للرومانسية ياتيسير..
لو لسه بتبكى او قادرة تبكى والدموع ما اتحجرت
ولو لسه قادرة تغنى ودموعك فى عيونك
ولو الغنوة كسرة ناشفة تبلى بها العبرة والغبينه وتواصلى الغنا
ولو رقصصصصصصصصصصصصصصصصصصتى لمن كرعين الشوق وجوعو روحك
يبقى تحمدى الله اذ انك مازلتى تشربين جقمة رومانسية او معلقة يوتويبا
انتى ذاتك انا مشتاقة ليك- نقعد نوزع فى الشوق الليلة كدى كان يكمل ونرتاح!!
|
Post: #28
Title: Re: يا قديس , الرومانسية قطعاَ عائدة
Author: خدر
Date: 11-19-2008, 10:04 PM
Parent: #23
يا قديس في فنان حلو مات
منعم الخالدي يا قديس لحق بكـ اليوم
و فجيعتنابي فقدو كبيرة و حزن الاصدقاء كبير
إنا لله و إنا اليه راجعون
|
Post: #29
Title: Re: يا قديس , الرومانسية قطعاَ عائدة
Author: Rawia
Date: 11-19-2008, 10:11 PM
Parent: #28
وانطبق الحزن بفقد الخالدي
____________
خدر... تعيش وتفتكر
|
Post: #30
Title: Re: يا قديس , الرومانسية قطعاَ عائدة
Author: طلال عفيفي
Date: 11-19-2008, 10:35 PM
Parent: #29
يا سلام عليك يا طارق ،
الله يفتح عليك ..
الله يفتح عليك .
|
Post: #39
Title: Re: يا قديس , الرومانسية قطعاَ عائدة
Author: خدر
Date: 11-21-2008, 07:04 PM
Parent: #23
اشراقة
الرومانسية قاعدة جوة اي زول سوي و طبيعي
ضغوط الحياة بتغيبها شوية لكنها مع اول سانحة بتمرق
اتخيلي في كم بني آدم ببكي من مشهد مؤثر في مسرح او تلفزيون او سينما؟
فتشي في كم ممثل شاطر و اضربي الناتج في ملايين
ده غير ناس القديس الحسسونا بي آدميتنا بي اصواتهم و افكارهم
__
انت بالذات رومانسية انا عارفكـ .. تنكري ؟
|
Post: #38
Title: Re: يا قديس , الرومانسية قطعاَ عائدة
Author: خدر
Date: 11-20-2008, 09:01 PM
Parent: #22
يا تيسير
هاشم فات و اهدانا الحمام و الحنان و موية السُكر
ياريت الحام يفضل نايم علي اكتافنا و ما يسافر تاني
شفت يا قديس المكان ببقي جميل اكتر لمن تجي سيرتكـ كيف ؟
رومانسية و حنان و سكر و حمام
في الخالدين يا هاشم
__
تيسير ,, خليكـ قريبة
|
Post: #31
Title: Re: يا قديس , الرومانسية قطعاَ عائدة
Author: الملك
Date: 11-19-2008, 11:54 PM
Parent: #1
"الفرح فى دربى عارفو...اصلو ما بَطول كتير"
..
الله يرحمه يا طارق
..
ويخليكــ,,,بى صوتكــ وعودكــ,,,ديل
|
Post: #32
Title: Re: يا قديس , الرومانسية قطعاَ عائدة
Author: أيزابيلا
Date: 11-20-2008, 00:09 AM
Parent: #31
اييييييييييييك
الرومانسية دى جات نابلة من وين؟
دى حتى لفرط غربتها بقت نبذة
نبذة والله يا خدر
ــــــــــــــــــــــــ
شكرا لكما فى ليلنا هذا
|
Post: #33
Title: Re: يا قديس , الرومانسية قطعاَ عائدة
Author: Salma Daoud
Date: 11-20-2008, 01:43 AM
Parent: #32
يا طارق..
".. دي غنوتك وسط الجموع
تهز قلب الليل فرح
تداوى جرحى اللى انجرح
ترقص.. أرقص
غصب عنى أرقص
ينشبك حلمك فى حلمى
ولا انهزام ولا انكسار
ولاخوف ولا حلم نابت فى الخلا
على صوتك بالغنا لسه الأغاني ممكنه.."
ثانك يو 
|
Post: #34
Title: Re: يا قديس , الرومانسية قطعاَ عائدة
Author: Marouf Sanad
Date: 11-20-2008, 04:24 AM
Parent: #33
يا خدر شكرا
يا أيها المبدعون الجميلين
أدونا معاكم فرصة نموت
|
Post: #41
Title: Re: يا قديس , الرومانسية قطعاَ عائدة
Author: خدر
Date: 11-21-2008, 07:13 PM
Parent: #34
البنات السمحات ظاهر و باطن ديل ذاتهن جن نابلات من ويين ؟
ايزبيلا و سلمي
زارتنا البركة والله
انتو إلا نكوركـ في الحلة ( رومانسية .. رومانسية ) جتان تتاوقن
عاشت الرومانسية والله و عشتن يا جميلات
يا معروف إنشاء الله طويل عمر ياخي
و مبدعيينا طويلين عمر و فن
بعدين انا مشتاق ليكـ ياخي .. اظهر
|
Post: #40
Title: Re: يا قديس , الرومانسية قطعاَ عائدة
Author: خدر
Date: 11-21-2008, 07:07 PM
Parent: #31
طلول
الله يخليكـ يا سيدي
و ربنا يفتح علي برضو بي شوفتكـ تاني في امستردام ياخي
ياريت والله
الملكـ ناجي
الفترة الاخيرة اخباركـ انقطعت مني
بقيت تتدسا ولا شنو ؟
بطل الغتاتة
|
Post: #37
Title: Re: يا قديس , الرومانسية قطعاَ عائدة
Author: حنين للبلد
Date: 11-20-2008, 08:50 PM
Parent: #1
Quote: حنين
انا فرحان بي زياراتكـ و ياريتها تطول
المره الجاية حا نقفل منكـ الباب عشان ما تمشي مننا |
خدر
اسجني في الاحساس
شدد حراسة علي
"طبعا مابنقدر نقول الأغنية زي مابغنيها تاور"
تحياتي لأسرتك الكريمة
وعليك الله بطل كسل.....
في ناس هنامنتظرين...
|
Post: #42
Title: Re: يا قديس , الرومانسية قطعاَ عائدة
Author: خدر
Date: 11-21-2008, 07:22 PM
Parent: #37
رواية يا جميل
والله كتر خير الشباب , رغم اني ما عضو في الفيس بوكـ وما بعرف بتصفحوهو كيف
لكن امانة في ذمتكـ يا رواية , تشكريهم لي علي رابطتهم الانيقة
و إنشاء الله ربنا يقدرني اكون قدر الشرف ده
و قولي ليهم ياخي سجلوني عضو معاكم انا ذاتي
تستمتعوا بي براكم و انا ما استمتع بيكم
الوصية امانة يا راوية و شكرا يا ستي
يا حنين
قطع شكـ حا اسجنكـ سجنه مسئولة جدا
و سيتم تعيين حراسه مشددة
لمن تقولي الروب
اقعدي عافية يا ستهن
|
Post: #43
Title: Re: يا قديس , الرومانسية قطعاَ عائدة
Author: ibrahim kojan
Date: 11-22-2008, 00:23 AM
Parent: #42
وجدت هذا البوست اللعين وصوتك لعنات الله والاشتياق عليه ... وجدته الان وقرات وسمعت
رايته الان في اعين كل المتداخلين (اجملهم) في هذا الاسفير فقام نفسي ولم يهبط حتي سكبت عليه حريق العنب الاحمر فخمدت .. وتاهت في
دروب التوهان
وقال رومانسيه وانا منها بعيد مدهون ببقايا اشياء اجارك الله منها .. وعصيه .. هي الكلمات الان معي اظنك ستعيدني اليها ..
ولو بعد حين وللذره وجع...
وللذره عصير..........
وللذره رائحه.....
اخرجتها يا خدر...
اخرجتني( ووحشة اصابعها التي تتجول بالقرب من وجه السماء وتتساقط بين اصابعي غناءا حنينا حتي صباحات الانين الذيذ مني
ولي من التوبه امام عينيها مقدار بحجم ذره!!)
صوتها.... يتسلقني كلما داعبت شفتاي رائحة البن
عليك اللعنه في كل بهائها
بجيك راجع ايها الموجع..........
|
Post: #45
Title: Re: يا قديس , الرومانسية قطعاَ عائدة
Author: طارق جبريل
Date: 11-23-2008, 01:54 AM
Parent: #1
يا الللللللللللللللللللللللللله يا طارق
مالك علينا في الوجع دة ياخي
الله يرحمه ويصطفيه
|
Post: #46
Title: Re: يا قديس , الرومانسية قطعاَ عائدة
Author: سيف اليزل الماحي
Date: 11-23-2008, 07:20 AM
Parent: #1
.
والخالدي في الخالدين ..
فماذا تبقى من صحو الغنا
آه من يتم الغناء .. ورهافة الحس!
لكأن التطريب صك يخصه وحده .. أحببناه ونحن بعد صغارا
وتعلقنا به ونحن في معية الصبا .. فتحصنا للأبد من مغبة الغنا الرخو والنشاذ
وتلك نعمة لا تدانيها نعمة> في بلد يسرح فيها أكثر من مليون مغني، حتى قيل كذب المغنون ولو صدقوا ..
ياخدر لو عندك تسجيل لواحدة من أعمال الخالدي (بصوتك) .. أفترع لينا بوست على صفحة هذا الحزن
فستجدنا إن شاء الله من الصابرين .....
سيف اليزل
.
|
Post: #47
Title: Re: يا قديس , الرومانسية قطعاَ عائدة
Author: خدر
Date: 11-24-2008, 06:31 PM
Parent: #46
كوجان
الله يسعدكـ يا رب و يلم شملكـ
بالنظر الي تاريخ مداخلتكـ و ساعتها
اتضح انو انا ضارب ليكـ في نفس اليوم
في ده 2079429366
ما رفعت ليه ؟
يا ودجبرين
ربنا يتقبلوا قبولا حسن بي بركة دعاكـ يا حَنين
سيف والله الوجع ما خلي فينا جَنبة عديلة
بتمو معاكـ بي هناكـ و سلم لي علي العَقاب
|
Post: #48
Title: Re: يا قديس , الرومانسية قطعاَ عائدة
Author: انعام عبد الحفيظ
Date: 11-25-2008, 08:52 PM
Parent: #1
Quote: تلاته , لو ما جيتنيا تاني بنزعل منكـ و ما بنجي نحنا زاتو
|
اها انا جيت انت وين؟؟
ــــــــــــ
بالله خليك معانا وما تغيب عن البوست الجميل دا
|
Post: #49
Title: Re: يا قديس , الرومانسية قطعاَ عائدة
Author: خدر
Date: 11-30-2008, 07:05 PM
Parent: #48
نعومة
كل ما العجاجة تقوم في المنبر الغناء بهرب طبعا
كيفكـ انتي ؟
|
Post: #50
Title: Re: يا قديس , الرومانسية قطعاَ عائدة
Author: طارق عمر مكاوي
Date: 11-30-2008, 08:59 PM
Parent: #49
انت ممكن تكون مصطفي سيد احمد اخر
بس بطل كسل
اعجاباتنا !!
|
Post: #51
Title: Re: يا قديس , الرومانسية قطعاَ عائدة
Author: خدر
Date: 12-11-2008, 10:45 AM
Parent: #50
طارق مكاوي
شكرا كتير علي التقريظ ياخي
لكن الكسل ده الله يرفع القدم بس
ضيوفنا الكرام شكرا علي المرور و تذكر القديس
لا تنسوه من صالح الدعاء رجاء في ايام العيد المباركات
تلفزيون السودان اتحفنا بي تسجيل قديم ليهو اليوم صباحا
فشكرا تلفزيون السودان
و شكرا لمرروركم
|
Post: #52
Title: Re: يا قديس , الرومانسية قطعاَ عائدة
Author: تيسير عووضة
Date: 12-11-2008, 02:18 PM
Parent: #1
ـــــــــ
white dove
من أعمال الرسامة Beverly Goodrum
|
Post: #53
Title: Re: يا قديس , الرومانسية قطعاَ عائدة
Author: Muna Khugali
Date: 12-11-2008, 03:12 PM
Parent: #52
كل سنه وانت طيب يا خدر..
عارف كل ما اسمع هاشم ميرغني أتسائل..
ليه قنان جميل قدر ده مالقي كل النجاح "البيستحقه"؟؟
رحمه الله قدر رومانسيته وحزنه في الغناء..
.........
.........
وريني لو ماشي الخرطوم بين ديسمير ويناير..
سلام لبارعه والعيال..
|
Post: #54
Title: Re: يا قديس , الرومانسية قطعاَ عائدة
Author: خدر
Date: 12-20-2008, 03:12 PM
Parent: #53
تايسا
مشتاقين يا صاحب
مني
مع الانفلونزا دي ما اظن امشي السودان قريب
لكن لو ضروري .. نمشي يا مني ياخ
انت قرري بس
|
Post: #55
Title: Re: يا قديس , الرومانسية قطعاَ عائدة
Author: Ishraga Mustafa
Date: 12-20-2008, 07:15 PM
Parent: #54
يعنى الزول اصلو مايجى يهوب بهنا ولا شنو القصة ياخدر؟!!
غايتو الله يغفر ليك بس
|
Post: #56
Title: Re: يا قديس , الرومانسية قطعاَ عائدة
Author: abdallah Abushawarib
Date: 12-21-2008, 01:50 AM
Parent: #1
اواه من ليل تطاول عهده
ليل حرمت الذكر في محرابه
يا بهجة القلب المفعم بالاسي
شأن المحب العفو عن احبابه
رفقا بقلب محب ابلاه الجوي
رام الوصال،،،،
ما نال غير سرابه
الاخ خدر
تحية واحترام
هل مزيد لايقاظ الاحاسيس النائمة
كان الله في عونكم
|
Post: #57
Title: Re: يا قديس , الرومانسية قطعاَ عائدة
Author: خدر
Date: 12-28-2008, 10:42 AM
Parent: #56
شروق
انت براكـ قلبكـ قاعد علي الهبشة
ما تسويها فيني انا
ع.الله ابوشوارب
يديكـ العافية و تابعونا في الدورة الجديدة
و مذيد من الانسانية و الوفاء و الغناء
__
الاصدقاء .. كل أرشفة و انتو بخير
|
|
