فترت من السواحل ديل و غشوني المراكبية وكنت بلملم الضحكات و حاجز في البياض نيه ولما غلبني ريح الليل وفضلت براي عود واهي غلبني اساوم الرجعه و نزفت جروحي زي ما هي و ما اتلومت لو شُفتي ده ليل الغربة متناهي فيهو الغربة بعدو الغربة و الافق الرقد ساهي أمد ايدي بس لي ويين !؟ أقاوم كيف زمن لاهي !؟
انا اعلم ان الجديد عادة يأتي دون ذاكرة و ما يأتي من دون ذاكرة في ثقافتا السودانية هو فعل يستوجب الحذر هكذا نحن ولا راد لامر الله , انا هنا الان لاطالبكم بلا حق يُذكر سوي الحَنان بوضع اليد , أعطوا ارواحكم دقائق, أنصتوا فيها لما أفعل هنا .. اخشي ان اكون قد (إتلومت) مع عميري و معكم
فمهلاَ, سادتي دعونا لا نخاف من الجديد
قديماَ قالوا الجديد شديد وقد يأتي غير شديد ايضاَ (إمعانا مِنا في الامانه او جلد الذات) حينها لن يكفينا شرف المحاولة و سنعاود الهجوم من جديد و للاهميه, الحرب هنا ليست خدعه
يا قمر بوبا كلامي ده بناء علي تجربه هنا في ارض سودانيزاونلاين و خارجا الاعمال المسموعة بتلقي رواج سريع عند القراء و الاعمال الجديدة بتحتاج وكت اطول لحدي ما ذاكرة المستمتع تتعود عليها للاسف المنبر برضو عندو ادوارو الاخري و هو قطعا ليس (راديو) يمكن ان يداهمك في منزلكـ وانت منهمك في إنجاز امر ما انا قصدت هنا انو كل عضو بدخل يسمع ما يطلع الا يكتب لينا رأئ طارق ده جاب جيد ولا مقبول ولا أعد ؟؟
عبدون يا صديقي اسيا كان ليها دور مهم في العمل ده القصيدة لحنتها زمان بس كانت ناقصة و فضل إكمالها يرجع لي اسويه (المرجع الرسمي لتلكـ الحقبه )
Post: #7 Title: Re: غشوني المراكبية Author: خضر حسين خليل Date: 02-11-2009, 06:20 AM Parent: #4
بعدين معاك
والله ياخدر أنا بالجد حقيقي حقيقي علي قول المثقفين الثوريين أنا متكيف من صوتك دا ! بعدين جديد شنو البتلاوز منو إنت ياخينا حتي الخامس قام ! والله الواحد لو عندو صوتك دة كنا من دربنا دة كنا وقعنا مع صالح كامل ولا الوليدعشان ننجز لينا كليب كليبين ينفعونا في الزمن العلينا دة ياخ ! الظروف ياخدر بقت تافهة شديد
ياخ شكراً لصوتك يازول يافنان
ــــــــــــــــ
ومادام طار جنا الوزين ياداب قل نوم العين
Post: #8 Title: Re: غشوني المراكبية Author: محمد الطيب يوسف Date: 02-11-2009, 06:46 AM Parent: #7
وتعيد المقطع : اكون كضاب لو اترددت شان استقبلك جواي
الـ (واو) حرف العطف هنا، هل هو جزء من النص الأصلي؟ أم إنك (اتصرفت) لدواعي اللحن أو لزوم الإتكاء عليها كمدخل ضروري لعبارة ( أكون كضاب ) التي يغلب عليها شي من الصعوبة اللحنية .. والمباغتة كما في بعض الروايات التي تبدأ بالخاتمة ..
سيف الجامعة غنى : أجيك من وين .. وانا اللاحاسي لا شايف بقيت بعدك عدوالخاطر وانت مشيتي في الدنيا العريضة سؤال ..
هل إحتاج صاحبنا سيف الجامعة أن يقول : واجيك من وين وانا لاحاسي لاشايف
سيف الجامعة يغني جميلا بصوته المحبب المتفرد .. لكنه يصر على غير عهدنا به أن يشركنا في الاستماع لاغنيات عادية ... ده موضوع تاني !
المهم انسياب اللحن هنا مريح .. وعفوي .. وطريف .. ودرامي .. وتعبيري حين يجسد اللحن عبارة : الدنيا العريضة سؤال؟
عندك ياللخو - اجد ( تعسم) لحني لو جاز التعبير أكون .. كلمة يصعب مدها( هل كان زيدان إبراهيم هو الشخص الوحيد الذي استطاع ان يمد كلمة أخونك .. الله أعلم) - إترددت .. هل هناك فرق بين التشديد والقوة في الكلمة؟ المعنى ياللخو اني أراك هنا قد تحاملت على هذه الكلمة .. تقول: اترد دت تا شان .. ات رد دت دت تا .. مع أنها ياولداه تفيد الضعف وعدم اليقين .. لكنك بقدرة قادر تنفحها بقوة لا حكت ولاكانت .. يا طارق أراك تعصر زيتها
أنا أقترح أن تبدأ المقدمة بعبارة :
صحيح قبلك..
شراع الدهشة ماصفق
ولا كان العِرِق وداي ..
بعدين يا اللخو هداي .. هداي .. تكرارها بتلك الطريقة فيه بعض من الرتابة (وجهة نظري طبعا) وعشان ما تقول انا متحامل عليك ... ليه ما جرجرت كلمة ساي؟ عارف ليه ما لحقتها الجرجرة؟ ببساطه لأنها من حيث الملودي اللحني نزلت كبس يعني ظبطت معاك .. وانت عارف اللحن لمن يجيك في الخط ما عندك تاني طريقة للملاواة ..عندك وردي في محاوراته اللحنية العجيبة لمن قال : ورجعت خليت الدموع .. يرتاحو .. يرتاحو مني وينزلو فعلا يقنعك بأن الدموع عشان ترتاح وتريح يجب ان تنزل على هذا النحو .. لكن المعنى اللحني البليغ هنا في الإشارة لراحة تعود للمتحدث وشفاء روحه من فجاعة غربتها وشجونها.. وليس راحة الدموع .. هي الدموع مجردة كده شن طعمها!!
عودا ًواهيا ًكان لذا غلبه الريح الليلى وهذا ما اراده الشاعر هُنا ..
Post: #9 Title: Re: غشوني المراكبية Author: هاشم أحمد خلف الله Date: 02-11-2009, 06:57 AM Parent: #1
الله يسعد صباحك ياطارق أخوي صوت جميل ولحن رائع وكلمات فوق الوصف وعبرك نترحم على روح الراحل المقيم العميري
تخريمة :-
عارف يا طارق أنا عندي أعمال خاصة غير النزلت هنا في المنبر كلماتي والحاني وبحاول أسمعك ليها بس لوسمحت رسل لي إيميلك يمكن تعجبك واسمعها بصوتك الحلو ده أو خد إيميلي ده وجرب
Quote: الله يسعد صباحك ياطارق أخوي صوت جميل ولحن رائع وكلمات فوق الوصف وعبرك نترحم على روح الراحل المقيم العميري
شحتفتو روحنا والله أنا أبا يفتح معاي ضُمة ؟!! واحدين قالوا الصوت مخشخش
حتى مخشخش ذاتو ما لميت فيهو ؟!
انجدنا وافزعنا يا ود ابوعبيدة .
و ياريت كمان لنك الحفظ يا خدر عشان نستمتع مع البقية ونستمع للغنا السمح جد .
ورحم الله العميري :
بس داير أقولك يا أصيلة .. لو تعب فينا التمني .. وإنهتك وتر المغني .. لو تسدِّي علينا طاقات البشاير .. بنهزم يوم التجني .. وأجيك لا هماني شي .. عندك وقفت من المشي .. وغرقت في ضوء النهار ..
يا خدر، لم أسمع بهذه الأغنية من قبل ولي أذن محصَّنة ضد كل الجديد في الغناء السوداني وتطور (الوضع) إلى رفض بل إلى مقاومة صريحة ، لا أستمع إلى أي أغنية (صُنعت) في تسعينيات القرن المنصرم سوى بضع أغان لا أرى من اللياقة ذكرها، لكن غنيتك دي مريحة وسأسمعها مرة ومرة لأعود (خاطري) عليها ، أترى لأنها من نَفَسِ العميري الفنان الشامل أم لأنه صوت المؤدي الندي الصديق؟
الله يديك العافية كلام جميل وصوت اجمل .. انا هسه قلت اشوف غش المراكبية ده كيفنو كمان اول مرة اسمع بيه .. لكن الحمدلله الدخلت غايتو لقيته غشه سمحة شديد .. تسلم ياطارق انشالله انت من كل شــر ..
تعرف الغريب يا خدر انو نتفق فى اختيار نفس الجزء من القصيدة مع اختلاف الرؤى والبنية اللحنية طبعا. فى اعتقادى انك محتاج تقعد عشان توضح اللزمات الموسيقية فى الاغنية وهذا لا يقلل اطلاقا من جمال اللحن على ماهو عليه الآن. ما عارف لو بصح ان اضع الرؤية اللحنية بتاعتى لنفس العمل هنا ام افتح بوست خاص لتناول العملين لنفس القصيدة وقد اسميتها شراع الدهشة , وأخَرت (اكون كضاب) لتظهر ضمن سياق اللحن فى إنتظار اجابتك . وعندها يمكن ان أُعدَل المداخلة فى حالة الموافقة يا صاحب البوست. الف رحمة ونور على المبدع عبد العزيز العميرى وشكرا خاص لآسيا ربيع لمدنا سويا بهذا العمل ضياء ميرغنى
Post: #24 Title: Re: غشوني المراكبية Author: سلمى الشيخ سلامة Date: 02-12-2009, 01:53 AM Parent: #23
اكون كضاب
لو اترددت شان استقبلك جواي
-- ولو قاومت حد السيف بريقو يلخبط الهداى
-- صحيح قبلك شراع الدهشه ماصفق
ولا كان العرق وداي
-- دي حتى الأغنيات قبلك
حروف ابياتا كانت ساي –
بس الحاصل بدورك تسمعي شويه
-- فترت من السواحل ديك
وغشوني المراكبيه –
وكنت بلملم الضحكات
وحاجز فى البياض نيه –
ولما سالنى ريح الليل
وكنت براى
اعود واهى
غلبنى اساوم الرهبه
ونزفت جروحي زى ماهى –
وماتلومت لو شفتى
ده ليل الغربه متناهي --
حدودو الغربه بعدو الغربه
فيهو الغربه والأفق الرقد ساهى
-- امد ايدي بس لي وين
واقاوم كيف زمن لأهي
لانفع التودد فيهو لا جاياهو حنيه –
شتت املي في الموجات
وكثر في العشم جيه –
ده كلو من السواحل دي
ومن ظلم المعديه
وانا البعت الفرح لليل
وغشوني المراكبيه –
وفجا صحيت من الحاصل
افتش غنيه فى زمن الصحا
دايشه المفردات جواي
والكان اتمحى –
هاك باقى روحى تغنى ليك
عشمانا فيك
تريح –
بس اوع من
رحلا تتوه انا تاني قاسى اصابحها –
وادينى سمعك فى الاخير
انا عمرى مافاضل كتير
شالوه منى الامسيات
الضايعه
فى الوهم الكبير
والدنيا ماتمت هنا –
لسه فاضل ناس تعاشر
وناس تضوق طعم الهنا –
بكره اجمل من ظروفنا ولسه جايات المنى –
بس شيل مع شنطك معاك
حبة حزر فتح عيونك
وخلى بالك في الصبر –
انا ليسه في ايدي
بواقي من الكتابات والحبر
داير اسمعك شايل سواقيك السبر –
تسقى الجروف وتمشط الارض الحزينه
تبنى من عرقك
مواني
وتصنع القادوس مدينه –
واكون ميت انا
وعايش على السهله الفرايحيه --
انا البعت الفرح لليل
وغشوني المراكبيه ومن الذى لم يغشه المراكبية الله عليك الله عليك
واكون كضاب لو اتردت في لقياك امازج الضوء خفوت لونك وامرجح قلبي بين دنياك صحيح القلب لما طراك وقف عصب الضلام غناك وباقي نجوم شحب لونا من الخجل الاظنو غشاك
ياصديق تعرف انو كل المحاولات للحضور لزواج الصديق بكري عبدالوهاب بهولندا ستدخل في قلبي السرور وبعد هذه الاغنيه الشجيه الطروبه علي بالاجتهاد حضورا اليكم للقاء الجميل فهل شاء لي ان اصلكم بي فرحتي دي زاتا ماعايز اقول يابورداب هولندا وكلام العامه خليها كده لتصبح فرحتيين وكلنا تاميين كلنا تامين
واكون كضاب لو اتردت في لقياك امازج الضوء خفوت لونك وامرجح قلبي بين دنياك صحيح القلب لما طراك وقف عصب الضلام غناك وباقي نجوم شحب لونا من الخجل الاظنو غشاك وياريت العشم يغشاني
يا طارق المراكبيّة ديل قبل كده عزموا ليهم زول وأكل معاهم؟ ما حصل، يعزمو سااكت، العيزومة زيها وزي السلام..
رحم الله العميري وعمّر الله قبره بالمحبات.. ___ صاحبك بتاع الإسكيتنق، ترك لي مسج، صوتو معسّم، زي الواقع على صفحتو ولّ كمان ضربو برد.. عليك الله المرة الجايّة لحِن الونسة..
Quote: ياصديق تعرف انو كل المحاولات للحضور لزواج الصديق بكري عبدالوهاب بهولندا ستدخل في قلبي السرور وبعد هذه الاغنيه الشجيه الطروبه علي بالاجتهاد حضورا اليكم للقاء الجميل فهل شاء لي ان اصلكم بي فرحتي دي زاتا
ده اجدع كلام يا صاحب والله انا ذاتي فرحتا اسه يلا اسرع تعال نحن مشتهنكـ في عضمكـ يا عليش ياخي
Quote: صاحبك بتاع الإسكيتنق، ترك لي مسج، صوتو معسّم، زي الواقع على صفحتو ولّ كمان ضربو برد.. عليك الله المرة الجايّة لحِن الونسة..
شروق و ماجده اعفو لي الخلعة المراكبية ديل غشو الناس كلهم و شكرا علي الاستماع و جبر الخاطر شروق لنكـ الحفظ في الاسفل
ضياء سلامات و ازيدكـ من الشعر بيت حمزة سليمان برضو لحن نفس القصيدة شفت عميري بلم الناس كيف ؟ بصدد المقارنة شوف يا سيدي ما عندي اي مانع انك تنزل لحنكـ هنا لكن لحنك ما حا يتسمع لانو الفايل الصوتي بتاعي بشتغل اوتوماتيكـ بمجرد فتح الصفحة فأنا شايف انو تفتح بوست منفصل و ننزل فيهو العملين بحيث انهم يتفحوا بالضغط و التشغيل اتفقنا ؟
سلوم ندهناكـ فوق محتاجين حكيكـ عن شعر عميري احكي عليكـ الفن و حبانكـ و الله
Quote: يا خدر، لم أسمع بهذه الأغنية من قبل ولي أذن محصَّنة ضد كل الجديد في الغناء السوداني وتطور (الوضع) إلى رفض بل إلى مقاومة صريحة ، لا أستمع إلى أي أغنية (صُنعت) في تسعينيات القرن المنصرم سوى بضع أغان لا أرى من اللياقة ذكرها، لكن غنيتك دي مريحة وسأسمعها مرة ومرة لأعود (خاطري) عليها ، أترى لأنها من نَفَسِ العميري الفنان الشامل أم لأنه صوت المؤدي الندي الصديق؟
حديث راقي ,, شكرا يا محمد و طبعا ما عندي إجابه علي سؤالكـ الاخير (وش غامز)
شكرا ليكـ انت يا ابوحوه اخي و عوافي والله عوافي
والله يا تنقو شكيتكـ انا وين انت يا مواطن مختفي ؟ ووين لحن الخميس ياخي ؟
الوليد سلامات زي ما قلت لي ريهان فوق انو عميري واحده من مميزات شعرو استخدامو لي العامية في قصايدو و توظيفها بي سهولة تحولها من كلمة الي جزء متحد من نص كامل حتي من الصعب انكـ تميزها ودي ميزة العِظام من اهل الفنون بتزكر انو عندو قصيدة تانية بقول فيها ليكـ مليون حق تخافي جبت ليكـ شبط هدية واصلي طول العمر حافي شفت كيف ؟
ياريت يا الوليد يحضرونا خطاب حسن احمد سلمي سلامة اسيا ربيع و يدونا إضاءات مفيدة حول الكلمة في شعر عميري فهم اقدر و اجدر مني في ذلكـ
يا خدركه يا صاحب انا ما ملاوز انا داير اتونس مع الملاوزين و اقول ليهم لو ادينا روحنا دقايق الجديد ببقي مقبول
يا ام الاء صباح الخير القصيدة في الحقيقة طويلة جدا بتنتهي بي اديني سمعكـ في الاخير انا عمري ما فاضل كتير شالوهو مني الامنيات الضايعة في الوهم الكبير حتي آخر القصيدة
يا ريهان خطاب حسن احمد و عكري وظفوا كلمات عامية و احيانا (رندوكـ) في قصائدهم و اتلحنت و طلعت اجمل من جميل شفت الفنانيين ديل فنانيين كيف ؟ اما فيما يخصني انشاء الله كل ما تسمعي ربنا يعلي الدرجات
تعرف لو الكلمات ما كتبها العميري تشعر انها كلمات العميري
ان كلماته بصمة
شكرا يا (ندي)
اوعي تقراها غلط (ندي ) دي
Post: #37 Title: Re: غشوني المراكبية Author: أبو ساندرا Date: 02-13-2009, 10:48 AM Parent: #34
كتب خضر هسين هليل:
Quote: بعدين جديد شنو البتلاوز منو إنت ياخينا حتي الخامس قام !
شالت فيك مكنة الملاوزة دي يا خضر ما تقع في شرك المتلاعب ده ويعمل ليك فيها ( اكون كضاب ) ومستهبل كمان الزول ده عارف نفسو وطول نفسو والحنية الكامنة في صوتو وعارف ح يجهجه حنانا ذاتو
شكرآ يا مولانا خدر
Post: #38 Title: Re: غشوني المراكبية Author: الملك Date: 02-13-2009, 10:48 AM Parent: #34
خليل بصمة فهمناها ندي دي منو؟ الله يستر حا يجوا ناس ودجبرالله يشيلوا حالنا و نبقي في تلاتل
يا ابوساندرا حا نحرمكـ من لقب كاتم السر بقيت ثرثار يا زميل ده غير انو مشتاقين و تلفونكـ شكلو اتغير ولا انت و عماد متفقين ؟ ما تحيرونا و افتحوا البتاعات دي
يا ناجي طيب ياخ ما تصالحني بهناكـ ؟ 74 وش ضاحكـ و معاهم جيش عيون غامزه
Post: #44 Title: Re: غشوني المراكبية Author: الملك Date: 02-13-2009, 11:22 AM Parent: #41
Quote: يا ناجي طيب ياخ ما تصالحني بهناكـ ؟ 74 وش ضاحكـ و معاهم جيش عيون غامزه
فعلا انا غلطان انو اغني غناء الاخرين ما عندي اي سبب مقنع ما غني بيهو اغنياتي الخاصة مبسوط و سعيد في الحياة ابداء يومي بنسكافية دافي و اتابع اخبار المزيكة في المجلات المتخصصه ثم اجري بعض الاتصالات لتنسيق بروفات المساء و حجز الاستوديو و لقاءت مراجعة الترتيبات الاخيرة لحفل الكونسرت خباو القادم ثم اتناول افطارا خفيفا( علي قول عدلان ع.ع) و اذهب في قيلولة قصيرة اصحو بعدها لاجري بعض التمارين علي آلتي العود و تمارين الصوت و اتناول غدائي و اذهب الي البروفه
يا عصام اقول ليكـ لي 13 سنه ما غنيت او صفرت وانا بستحمي تقول لي اقعد في الواطة و اشتغل فيها ؟
يا طروق بس انت بطل تحكي لينا بالقطارة و تشحتفنا اوعدكـ انجضكـ نجاض فلانة
يا اميرة وحات امي زينب الاغنيات قاعدة ولي شعراء يسدوا عين الشمس القدال - خطاب - عاطف - ابراهيم سلوم - امين صديق - الكتيابي- شعيرية الي اخر العقد الفريد
وسلا م للحبيب الكل ما بعدت سنينو بيقترب وهو القائل فى بواكير تفتق شاعريته
.. اصلو عُمُرنا جدول شوق ..وحبة ذكرى ما اكتر
. .
وحين رحيله غناه ُ شاويش من كلمات تماضر شيخ الدين
.. . باقى الوهج الفضل منك . انور مية سنه ضوئيه
.. حاضرين وحياة الخوه بس كُنا بنتاوق ساي .. ....
ساعود ولكل من رأى سؤالى عن العميرى فأنا سكرتيره الخاص منذ رحيله ذاك القيامه .. كما قال القدال .. بداية الحيف والظلم والفوضى
فى 30 يونيو1989 وحتى الاّن ..
..
لقد ولد صديقكم الفنان يوم 20 فبراير 1954 بمدينة الابيض
.
وهذه اجمل تحيه تقدمها له يا طارق ابوعبيده يا ضياء ميرغنى يا هيبه ويا همزه سليمان ومن لم يتنامى الى علمى اشتغاله على هذا النص بعد فهو نص شعرى محرض على الابداع
مش دي وامونة سمعناهن قبل خمسة سنين ـ ولا هن كم سنة ـ اول ما سمعناك ؟ وقومن علينا الظار اجيب اللنكات هسي دي ؟ بطل حركات وامرق بالجديد ياخ بعدين اكون كضابة لو قلت ليك انه صوتك دا لو قحيت ساكت ما بنقدر غير نستقبلو جوانا أماالكلام عن تجربة تلحينك دي ما خلاص افتوناناس شيخي الموصلي ، شن نفرنا نحن كمان؟
نور الهادي يا قلب إشتهينا طلتكـ علينا والله ابقي طيب
اماني ياخي انتو نفركم بكملنا و بكمل شيخنا الموصلي بالمناسبة الاغنية دي مفروض تكون حقتو و هو ناسي (وش غامز) الحاصل يا ستي لقيت مجموعة شرائط قديمة فيها كتير حا يعجبكـ المراكبية واحده منها
خدر سلام ..اله يديك العافية.. دون اشعر ..ساقتني الروعة. لازمان بعيدة .. وحسيت بالطرب بعد عزوف دام طويل ..وفطرتنا .. بعد صيام ..من الالحان ةالكلمات الرائعة. تسلم من كل بلاء
الشعر لدى العميرى كان احد محطاته اذا علمنا انه ممثل اذاعي وتلفزيونى ومسرحى ومخرج تلفزيونى ومسرحى وكاتب دراما ومطرب ، نضيف الى كل ذلك الشعر كتجربة لها فرادتها وخواصها متنقلا بين العامية والفصحى ، بين السرد الحكائى والتداعى القصصى متخفيا فى ذكورية الخطاب باتجاه الحبيبة مفصحا عنها فى احايين اخرى ( علية ، ايمان )متفاعلا مع الحياة التى احبها دائما .. رغم حلولية السفر ، الموت داخل المتن الشعرى لعبد العزيز العميرى الحس القصصى حين تطالع قصيدة العميرى فى ديوانه الوحيد غير المسمى، المتوفر على جمعه عبد الرحمن العميرى (ود رقية ) تحس ان ثمة حوار دائربين الشاعر والاخر (انا- هو) وتجلى ذلك فى قصيدته ( سعاد )حيث يقول : انا يا سعاد ود الجرف ود السواقى النايمة فى ساعة المقيل الواهبة خيرا مع القصيد تدى وتشيل يعرف هويته وانتماؤه ومكانه وزمانه فى ايجاز محكم وجمل شعرية واضحة المعالم .. فى لحظة اخرى من القصيدة يود ان يؤكد انتماؤه لذلك المكان : ـ والله يا ست البنات لو ماكده انا كنت روحت المدينة لتجئ اجابة سعاد غاضبة باتجاهه ـ اريتك بمعنى ليتك تفعل .. لكنه لا يجاريها فى القول ، بل تجئ الاجاية متاففة من ذلك الفعل الذى بالقطع سيترتب عليه : ـ كنت خليت الجداول باكية نشفانة وحزينة ـ طيب تعال وتعال هنا تعنى فى تصورنا ان ثمة حوار كان يدور بينهما قبل كتابة هذه الابيات فى مخيلة الشاعر فليس من مجانية هنا تفرض هذه المقولة ( طيب تعال ) لولا ما اشرنا اليه حيث نجده من ناحيته رافض لفكرة الذهاب للمدينة فالطقس هنا حميم ولذلك فكرة التخلى عنه غير واردة كنت سبت حنان وعشه وقعدة البيت الحنينة وريحة القهوة وصوت الفندك الرز البدفق شوق وزينة ونحس بانو اللحظة ديك ش.و.ب يا سلام جقمة بكر وانا اه من الحلة وسنينا وفى سياق قصيدة سعاد نجده يروى عن اهل الحلة من زرع ؟ ومن ( قرع ) من تزوج ومن رفض موحيا لاهله ان الحياة تبدأ من هناك وسرة العالم تبدأ هى الاخرى وتنتهى هناك لا يود مفارقة الهنا الى الهناك حيث يومئ لمن يود العيش هناك بقوله مبروك عليك صخب المدينة مبروك عليك ضوء الكهارب والستاير لونا زينة وانا سيب لى جرفى وشقاى خايف تضيع نى المدينة فهل اضاعته المدينة ؟بل سحره الريف حيث نراه اكثر ارتباطا بالريف نمشى الحقل زراعة نعدم تانى مجاعة نمشى نشيل العمل اليومى نلحق ركب الزمن الضوئى نوصل قبله ساعة ولعل انضج تجاربه الشعرية هى ما خطه عن اكون كضاب
اكون كضاب لو اترددت شان استقبلك جواي ولو قاومت حد السيف بريقو يلخبط الهداى صحيح قبلك شراع الدهشه ماصفق ولا كان العرق وداي دي حتى الأغنيات قبلك حروف ابياتا كانت ساي بس الحاصل بدورك تسمعي شويه فترت من السواحل ديك وغشوني المراكبيه وكنت بلملم الضحكات وحاجز فى البياض نيه ولما سالنى ريح الليل وكنت براى اعود واهى غلبنى اساوم الرهبه ونزفت جروحي زى ماهى وماتلومت لو شفتى ده ليل الغربه متناهي حدودو الغربه بعدو الغربه فيهو الغربه والأفق الرقد ساهى امد ايدي بس لي وين واقاوم كيف زمن لأهي لانفع التودد فيهو لا جاياهو حنيه شتت املي في الموجات وكثر في العشم جيه ده كلو من السواحل دي ومن ظلم المعديه وانا البعت الفرح لليل وغشوني المراكبيه
وفجا صحيت من الحاصل افتش غنيه فى زمن الصحا دايشه المفردات جواي والكان اتمحى هاك باقى روحى تغنى ليك عشمانا فيك تريحا بس اوع من رحلا تتوه انا تاني قاسى اصابحها
وادينى سمعك فى الاخير انا عمرى مافاضل كتير شالوه منى الامسيات الضايعه فى الوهم الكبير والدنيا ماتمت هنا لسه فاضل ناس تعاشر وناس تضوق طعم الهنا بكره اجمل من ظروفنا ولسه جايات المنى بس شيل مع شنطك معاك حبة حذر فتح عيونك وخلى بالك في الصبر انا ليسه في ايدي بواقي من الكتابات والحبر داير اسمعك شايل سواقيك السبر تسقى الجروف وتمشط الارض الحزينه تبنى من عرقك مواني وتصنع القادوس مدينه واكون ميت انا وعايش على السهله الفرايحيه انا البعت الفرح لليل وغشوني المراكبيه
شكرا كتير يا سلمي عندي سؤال حتي عودة خطاب حسن احمد بالمذيد من البشارات قصيدة المراكبية Dialogue ولا monologue ؟
فى تصورى انها منلوج لانه حديث الذات للاخر اكون كضاب لو اترددت شان استقبلك جواي ولو قاومت حد السيف بريقو يلخبط الهداى صحيح قبلك شراع الدهشه ماصفق ولا كان العرق وداي دي حتى الأغنيات قبلك حروف ابياتا كانت ساي بس الحاصل بدورك تسمعي شويه فترت من السواحل ديك وغشوني المراكبيه لان الحديث هنا للاخرى وليس الاخر مؤنثا كامل التانيث
الحوار بين الاناوالاخرى لذلك يقع فى خانة المنولوج الذى يشرح همه للاخرى ويبداه عن نفسه اكون كضاب الى اخر المقطع لان خصائص الديالوج تختلف حيث يتم حوار بين الاخر والاخر او بين الانا والاخر
الحبيبه سلمى عودتينا دائما ً الكتابه عنا كأروع ماتكون فالى جانب الرفقه الممتده والود الباين .. هنالك وجهة نظرك النقديه وحسك العامر بالجمال .
ما كان يحاوله عبدالرحمن واعتقد حتى الاّن .. هو محاوله لتجميع اعمال العميرى الشعريه القصائد تلك الموزعه بين صحاب ومعارف العميرى والتى لا يدرك عددها وتواريخ انجازهااحد وذلك لان للعميرى مداراته الخاصه والتى يتورط فيها شعريا فى اي لحظه فعميرى يكتب القصيده هكذا .. دفعة ً واحده .. طلق مباغت مثل الصفعه , لا وجع صناعى ولا يحزنون وهذا .. بحكم علاقتى التى امتدت منذ تعارفنا فى العام 1974 حتى رحيله المفاجئ فى الرابع من يوليو 1989
اذا فشعر العميرى لم يُحصر حتى الاّن .. اقول ذلك لان انتاج العميرى لقصيده لم اسمعها منه .. فاجأنى كثيرا ً ومازال .. لذا هذا التجميع يحتاج نفيبرا من كل المعارف الاصدقاء والمتلقين وجموع المحبين للرجل .
اقول ان ما قام ويقوم به عبدالرحمن بمساعدة الشاعره والصديقه ايمان محمد الحسن , بعد سفر الاستاذه تماضر شيخ الدين بداية تسعين وشخصى خارج السودان فى العام1996 .
( لقد ضاع المجهود الاول نتيجه لغفله او خطأ غير مقصود .. تم بدار نشر جامعة الخرطوم التى كان ان تبرع مديرها اّنذاك د. زهير حسن بابكر والصديق الفنان سيف الجامعه بنشر كل ما له علاقه بالعميرى , وذلك فى زيارتهم لمنزل السيده منيره العميرى بابوروف بحضور شخصى ولقد بدأت معهم بالبوستر الذى قمنا بتوزيعه بالعاصمه عقب عودتنا من الابيض
للأسف ضاعت الماده الشعريه المجمعه بضياع الكمبيوتر المخزنه فيه .. )
سافر سيف الجامعه الى القاهره بعد فصل مجموعه من دار النشر
اكتشفت بعد سفرى للقاهره .. ان المجهود لم يضع كله وان كراسة الشعر الرئيسيه او التى تحمل اّخر كتاباته كان يحتفظ بها لحسن الحظ الفنان سيف الجامعه .. وانه قام باطلاع الصديق الفنان الراحل مصطفى سيداحمدعليها وهم يناقشون الغناء والشعر .. فما كان من مصطفى الا الانقضاض عليها بحجة انسيف قد تضيع منه اما .. هو .. اعنى مصطفى فلا يسمح بذلك . ولم لا يعرف مصطفى وهذا الموقف ليسأل عنه الاصدقاء الشعراء الاصدقاء حميد قدال قاسم يحيى على سبيل المثال والصديق الفنان يوسف الموصلى
اذا فلقد وضع مصطفى يده على الكراسه الاساسيه للشعر الذى كتبه العميرى ولقد ربط بين العميرى ومصطفى الكثير من العلائق الغنيه .. ولولا تصاريف الزمان الغريبه .. لانجز هذا الثنائى الخلاق قصير العمر عجائبا.. لكنها الحياه , وتصاريفها التى لا يعلم الحكمة فيها الا الذى فطر الكون
يفتتح العميرى حفل زفاف مصطفى سيداحمد للسيده بثينه محمد نصر اُم سيداحمد وسامر بعد ان يغنى الاغنيه الاولى ويطلب من العريس الصعود الى منصة الغناء ليفاجأه العميرى بالطلب منه الغناء يغنى مصطفى اغنيه فى حفل زفافه يغنى العريس فى حفل زفافه
ما اروع هذه العلاقه الخلاقه ..
العميرى مصطفى او العكس .. من تلك الكراسه التى توفرت لمصطفى تخرج مُغتاة ً
الممشى العريض ..
واغنيه اُخري يلحنها لسيف الجامعه ..
واطارد انا تلك الكراسه .. مُطارده اقرب للتحرى البوليسى
لاكتشف انها تربض , ضمن المقتنيات الشخصيه لمصطفى والتى هى
بحوزة السيده بثينه محمد نصر وفق افادة قريبه بشير
الذى لازم اسرة مصطفى سيد احمد
.
نعود للعميرى .. ومجموعته الشعريه الكامله
.
الديوان الاول ..
الكتيب الصغير الحجم .. كثيف الدلالات
..
بعيد يا اخوانا بتذكر
.
Quote: انا يا سعاد ود الجرف ود السواقى النايمة فى ساعة المقيل الواهبة خيرا مع القصيد تدى وتشيل
- بعدين واو العطف دي من راسك الكبير ده ولا من النص الاصلي فقد قلت في مرة: أكون كضاب وفي الثانية قلت: واكون كضاب لأنو المسألة بتفرق، وأنافي ظني الفني الذي لايخلو من غشامة موسيقية وجدت بعضا من التعسم قد حاق بالمقدمة ... وياويلي من كلمة ( ات رد ددت تا ) وانت تشدد عليها وتضغط على حروفها .. وهي ياولداه تفيد ضعف الموقف وعدم اليقين
- بعدين ياما تكرار كلمة هداي .. أداني احساس بالاستنكاح الفني والاستكترات اللحني والاستكياش المعرفي الموسيقي ... وحاشاك ان تكونن من دعاته!!
- ياخ ممكن تجرب (ليك) المقطع الذي يقول :
صحيح قبلك شعاع الدهشة ما صبا (ولا ماصقف) ولا كان العرق وداي ..
كمقدمة لهذا العمل، بديلا للمقدمة ( أكون كضاب )
- هل من ثمة فرصة للمغني أن يعيد ترتيب النص وفقا لفكرة لحنية، يخالف فيها رؤية الشاعر في ترتيبه لأبيات النص الشعري؟
- بعدين مالك ما جريت كلمة ( ساي )او كررتها؟ عارف ليه؟ لأنها نجحت من حيث القيمة اللحنية ولم تحتاج لطبطبات، أنظر كيف تجرجرت كلمة هداي ... هوي يا طارق غني صاح وما تستنكحنا باقي نحنا ناس أضانا تقيلة .. وبنسمع ويتني هيوستن لي عمناول!!
غايتو يا ابن زي يزل اشتغلت معانا بالكيلو ؟ كمونية هي ؟ شرطت لي لحني كلو الله لا كسبكـ المهم يا سيدي فيما يخص المقدمة قناعتي دائما ان النص و خيالو في راسي المدوقس ده هو البفرض علي وجود مقدمة (طويلة/قصيرة) من عدمو يعني قواعد و قوالب التأليف بتاعت (استهلال/عضم/خاتمة) ديكـ ما بتدخل جرابي بي مليم احمر ولا اتبعها مالم يفرضها علي النص نفسو في ايقاعو او إحساسو
واو العطف الكبيرة دي من راسي و عميري ليس مسئولا عنها يا سيف ياخي الفارييشن ده ما كويس , خايفين منو ليه؟ بعدين انا هنا ما مؤدي لي لحن انا ملحن و مغني و مؤدي كمان يعني دافع عديييل
التأكيد في اترددت يا سيف انا قاصدو لانو اصلا جوهر نص الاغنية هو نفي النفي و في ذلكـ يا سيف حرفنه و عبقرية شعرية و انا اكملت ماخُيل لي انه مقصد العميري , يمكن ان تقول ان البيت (قسم عاشق) لحبيب ينتظر شرح حالة الحب .. لازم يتأكد يا فنان و إلا بِضعف موقف الشرح و القسم , ولا شنو ؟
Quote: - هل من ثمة فرصة للمغني أن يعيد ترتيب النص وفقا لفكرة لحنية، يخالف فيها رؤية الشاعر في ترتيبه لأبيات النص الشعري؟
والله يا سيف بي تجربتي في شعراء بفوضوكـ تعدل و في اخرين اذا ما اقنعتهم ما بخلوكـ تعدل لو كسرت عودكـ و منهم خطاب حسن احمد ده عن نفسي اميل لأداء الاغنية كما هي و بنفس الترتيب الشعري
سيف دي ردود سريعة و انا مستعجل (شرح حال) شكرا علي الزرزرة الجيدة و تعال راجع انت قايلني خايف منكـ (وش مستعجل و ضاحكـ)
Quote: يا ابوساندرا حا نحرمكـ من لقب كاتم السر بقيت ثرثار يا زميل ده غير انو مشتاقين و تلفونكـ شكلو اتغير ولا انت و عماد متفقين ؟ ما تحيرونا و افتحوا البتاعات دي
إن كنت تعني بالبتاعات ، التلفونات فإن تلفوني مفتوح طوالي لكنه كان محتل ابان غيابي في الخرطوم محتل من قبل السيدة حرمنا ، يطراها الله بالخير حيث تتسكع الآن في كوالا لامبور ورقمه بالمفتاح 009745052880 الرقم ده ليك ولآمال وما تسألني : آمال منو ؟ عشان ما ح اجاوبك
أما لو كنت بتقصد بالبتاعات حاجات تانية حامياني فهذه ما بنقدر نفتحها كده ساكت أعذرنا يا أخو
بعدين تاني ماتلمني مع المدعو عماد عبدالله ده في سلطة ما بتلاما ولا في سطلة
- يالـئيم .. الواو تصلح فعلا أن تكون ( قسم عاشق )، لكني أفضل أن تكون واو عطف .. لمعطوف عليه هو جملة /عبارة : ( صحيح قبلك شعاع الدهشة ما صفق ولا كان العرق وداي ..... دي حتي الاغنيات قبلك حروف ابياتها كانت ساي .. ) والتي يمكن ان تكون مقدمة لهذا العمل في شكل رمية ، ( في شكل وردة )
- إنت عميري ربنا يرحمو .. بكون فكر في القول : ولا كان العرق (دساس) .. وبعدين استعاض عنها بكلمة (وداي) ؟
- سيف الجامعة الله يطراهو بالخير غنى : أجيك من وين وأنا اللاحاسي لا شايف بقيت بعدك عدو الخاطر وانت مشيتي في الدنيا العريضة سؤال
لكنه لم يجازف أي مجازفات بأن يضع واوا وهو يردد القول : أجيك من وين .... يعجبني في سيف وزيدان سلامة ووضوح مخارج المفردات وما يصبغانه على الحروف من طلاء وطلاوة وتذهيب ... إنت ياطارق عامل راسك البراحه ده ماشي في السكة دي تمام .. بس ( إت رد دت تا ) دي ماهيلك !! لأنو سامع لي فيها جيتارات كهربا تسوي في جنس تنق تنق تنقا ... تنق تنق تنقا .. تنق تنق تنقا
ولا رايك شنو انت ؟
الليلة الله يمرقك مني ساكت! وانا ما جيتك لسا للحتت الفيها نشاف صوتي ... وحاشاي أن أقول نشاز، لأنو حسب علمي الموسيقى الضعيف والمتردد مافي أصلو صوت نشاز صحي الكلام ده؟؟
على قدر الشوق .. الشوق ما يمد مديت .. وعلي قدر ..غناوي الريد غنيت
هسي أسلو الواو الفي المقطع التاني ده من أصل النص ولا من بدايع فنو؟ عارف يامان .. يبدو لي الواو هنا واو ضكر .. لأنه يبدو مرتاحا في الحضور ومندغما في انسياب اللحن الحيوي المبين .... للموصلي ولا أخفيك فهذا اللحن محبب عندي .. وأنا للآن لا أعرف كون هذا اللحن البديع (المشحتف) انتهى على هذه المقطع الوحيد أم أن هنالك بقية ...؟ الموصلي حقو يفتينا في ذلك؟
عارف عندنا خالنا (وأظنه من أصدقاء الموصلي زمان) قال لي : الموصلي غناي لكن جنو يتفلسف! فقلت قطع شك الموصلي أضاف الواو ده فلسفة ساي، لكن طلع ختت معلم حتي أنه ترك لنا إمكان أن نتوقعه جزءا من النص ونتوقعه إضافة بديعة من ناحية أخرى ...
عصام قصة لقمان الحكيم مع اولادو في كتاب المطالعة بتاعت (في الاتحاد قوة) اها في عمكـ كده برضو عاوز يكرر الحركة البايخة دي نادي اولادو و هو في سرير مرضو و قال ليهم كل واحد يجيب عصاية جمع العصايات و اداها ليهم عشان يكسروها كل واحد فيهم جرب ما قدر يكسرها اها ولدو الصغير كان غليد و ضارب لبن تمام مسكـ العصايات و كش كسرها الابو قال لي اولادو (يا اولاد كان اتجمعتو ولا اتفرقتو مادام معاكم الجنا اب عكفة ده عوجة تب ما بتجيكم)
فكاها عصام جبرالله بي مداخلتو المصطوله ديييييييييك
وانت ما ضربت (يضربك الباري ويجعلك أنصاري قول امين)
Post: #76 Title: يامان جازف لو بتقدر .. Author: سيف اليزل الماحي Date: 02-15-2009, 05:18 PM Parent: #1
.
يا جبر الله ..
عارف زمان لمن يقولوا في الميكرفون يا شباب لو سمحتو : الغنية الجاية للعريس والعروس، كنا بندخل مع ضربة الدم .. تووووش .. لأننا كنا عارفين إنو الكلام ده بيتقال للمطوفشين وسابلة المناسبات والبرجعو من الحفلة بدون عشا .. وقيل بدون ميعاد!
يا طارق ... كوم شنو البدونا ليهو ناس عصام خلف الصيوان .. انت الله ما ليك!! كان عندنا صاحبنا لمن نسرح مع تفاصيل حفلة العرس اياها .. بقول لينا: ياشباب ما تنسوا نحنا ناس عشوائيين ساكت في الحفلة .. والمعني إنو نحنا ناس عشا ساكت في المقام الأول .. عشان كده لمن يجينا واحد يسألنا يا شباب اتعشيتو ؟ يجيهو الرد : والله وقفنا كلاب عرس!
عندنا واحد صاحبنا حاسد مشينا حفلة والعروس كانت شديدة شدة (سعاية بيت) بس، صاحبنا بقى مكجن ليك العريس .. وقال : ياشباب انتو العريس مخلوع كده مالو أول مره يعرس ..عامل راسو البراحة ده!؟
هوي يا عصام جبر الله قالوا الواو تلتو ولا كتلتو ... عارف تلت الواو شنو ؟ ماتكلم زول
ولسا
سيف اليزل
.
Post: #77 Title: Re: يامان جازف لو بتقدر .. Author: عبداللطيف حسن علي Date: 02-15-2009, 05:54 PM Parent: #76
Quote: فترت من السواحل ديل و غشوني المراكبية وكنت بلملم الضحكات و حاجز في البياض نيه ولما غلبني ريح الليل وفضلت براي عود واهي غلبني اساوم الرجعه و نزفت جروحي زي ما هي و ما اتلومت لو شُفتي ده ليل الغربة متناهي فيهو الغربة بعدو الغربة و الافق الرقد ساهي أمد ايدي بس لي ويين !؟ أقاوم كيف زمن لاهي
الاختيار موفق ما عشان العميري ، رغم ان العميري فنان شامل ومسؤول
، ولا يمكن ان يكتب عمل هو نفسه غير راض عنه .
لكن الاغنية ما شغالة وللاسف لم نحظي بسماع اللحن والاداء ، وصوتك معروف
لكن عايزين نسمعه من خلال الاغنية ، لان لكل اغنية اداء صوتي مختلف
فهل لنا بذلك؟
Post: #78 Title: Re: يامان جازف لو بتقدر .. Author: محمد عبد الماجد الصايم Date: 02-15-2009, 07:42 PM Parent: #77
يا عمكـ
سافر زمان ما عملت ليها تسجيل بالعود؟
تيب! ما تباصيها لينا ياخ!
Post: #79 Title: Re: يامان جازف لو بتقدر .. Author: سلمى الشيخ سلامة Date: 02-15-2009, 07:49 PM Parent: #77
يا طارق
هيبة العميرى صوت ينتزعك عنوة ويدخل بك الى عالم الاستماع سهرت ليلى يا جميلى سامرت نجمى الفى مدارك فى انتظارك فى انتظار رؤية خلالك يتخلل مسام الروح ويبقى
صوت شاب هاجر الى كندا
يا حبيبى ياالفى خيالى ياالماك خيالى وباقتناعى بهديك قولى ولحن اشواقى الموسيقى ومساحتى الحقولا ياحبيبى فى انتظارك فى انتظار رؤية خلالك كلما استمعت اليه ازدادت عندى رسوخا مقولة ان الولد "خال" فهو ابن اخت الراحل العميرى، لكن ما يميزه انه لم يراهن على صلة القرابة ، بل راهن على الغناء الجميل واختيار الكلام الذى يلامس اوتار السامع ما مخير وما داير ابقى فيك مخير كم زمن منك بعانى ياتو يوم جيتك مغير ؟
فهو ملحن الى كونه مغنى
باقى لسه معاى زادى دربى منتهى ولا بادى ؟ مانى عارف حتى ما بعرف مرادى
رغم تشابه الصوت الذى ربما هو ناتج من معرفة عميقة بالعميرى ، لكنه متفرد وله لونية خاصة به ، فهو يتفرد على عبد العزيز العميرى انه ملحن وعازف على العود ، حيث لم يكن عميرى يعزف لنفسه قط
ياحنانى ، يازمانى ، يا مكانى ، يا صباى الاولانى لا انا فلان الفلانى ولانى من فوق ساس جاهى بانى عندى بس حبة امانى عندى حزمة من اتنين اغانى لما يضحكوا لى عيونك بشتعل من تانى وابدا اعيش زمانى
فلتعش يا صديقى زمانك فها انت ترى ان :ـ
لسه فاضل ناس تعاشر وناس تضوق طعم الهنا بكرة اجمل من ظروفنا ولسه جايات المنى ياصاحية بالحاصل على يا نايمة من فقرى العنيد سميت منافيك وطن يا وطن وانا فى سقالة الشوق قدح البصيرة تقيل ادينى سمعك فى الاخير انا عمرى ما فاضل كتير شالوه منى الامنيات الضايعة فى الوهم الكبير بس لسه فاضل ناس تعاشر وناس تضوق طعم الهنا بكره اجمل وما اجمل باكرنا فى رحاب غناء مستمد من ارواحنا ، من شرايين الكلام الجميل
سقت هذا النص الى هنا لاشهدك على ان هذه الكلمات "اكون كضاب لعبد العزيز العميرى " فيها تكمن عبقرية ما والا فلماذا تنتبه لها انت وضياء وهيبة؟ لكم جميعا محبتى اتمنى ان اجد فرصة اكبر لمتابعة غناك يا خدر الوقوف عليه نقديا من خلال اختيار الكلمات ممكن ترسلا لى فى الايميل ونتفاكر حولها محبتى
عزيزي القارئ شفت المقدمة الطويلة البديت بيها بوستي بتاعت الخوف من الجديد و اعطاء الاذن فرصة للسماع انت قايل عزيزي القارئ انا قلت كده ليه !؟ عشان سيف اليزل ده
عليكـ الله عزيزي القارئ شفت الزول ده بداها لي بي الواو ضكر و مرقها اسه في نشاف
النبي فيكـ عزيزي القارئ سيف ده اسوي فيهو شنو ؟
عبداللطيف سلامات لكن كمبيوتركـ لوم شديد لومكـ معانا يا سيدي الفايل شغال تش و لنكـ الحفظ موجود في الردود الفوق مرتين كدي اسمع و ربنا يجعل لينا القبول معاكـ
Post: #83 Title: Re: يامان جازف لو بتقدر .. Author: محمد عبد الماجد الصايم Date: 03-07-2009, 07:54 PM Parent: #81
نكرر الطلب عسى ولعل!
Quote: يا عمكـ سافر زمان ما عملت ليها تسجيل بالعود؟ تيب! ما تباصيها لينا ياخ!
يا شوف لينا طريقة يا خلينا نتخارج ياخ! الواحد لو كان طالب ليهو صحن فول هسي كان بقى سماد طبيعي واحتمال بترول كمان!
Post: #84 Title: Re: يامان جازف لو بتقدر .. Author: خدر Date: 03-14-2009, 11:38 AM Parent: #83
ود الصايم سلامات و عذرا علي التأخير سافر زمان موجوده بالعود بالاضافة لي انو التوزيع الاخير بتاعها ( اوركسترا) اكتمل بس للاسف حصل حريق في استوديو اخونا هيثم موسي ضيع كل الداتا العندنا قديم علي مشاريع جديدة كارثة بكل المقاييس حا نرجع للاسف نبدأ من زيرو
عليكـ الله يا ود الصايم كلم لينا بكور يرجع كودات فايلات الصوت
)
