Post: #1
Title: ين ماثيو شول يا واعي
Author: خدر
Date: 06-18-2009, 06:53 PM
Parent: #0
ين ماثيو شول و بروفسير غندور في برنامج (بلا قيود) الان علي تلفزيون امدرمان
نقاش حول قضايا الحريات في شمال و جنوب السودان
الدعوة موجهة للسيد ح و ودالباوقة 
تابعوا معانا
|
Post: #2
Title: Re: ين ماثيو شول يا واعي
Author: بشري الطيب
Date: 06-18-2009, 07:03 PM
Parent: #1
خدر سلامات..
للأسف أنا بعيد من أي تلفزيون، لكن متأكد تماما إنو ين ماثيو قادر يكشف كل عورات هؤلاء القوم إن أتيحت له الفرصة متساوية مع محاوره فالرجل خطيب محنك ومتمكن من اللغة وفوق كل هذا وذاك يمتلك فهما متقدما حول مشروع السودان الجديد ولا يعرف المجاملة، وقد إشتغلت معاهو كمية من الأركان المشتركة بين مؤتمر الطلاب المستقلين وطلاب ANF. فله التحية وهو يقدم نموذجا لشباب الحركة المهموم بقضايا الوطن
بشرى
|
Post: #3
Title: Re: ين ماثيو شول يا واعي
Author: Hassan Makkawi
Date: 06-18-2009, 07:07 PM
Parent: #2
أخونا خدر
بس حاجة واحدة حيرتنى!!!!
|
Post: #4
Title: Re: ين ماثيو شول يا واعي
Author: خدر
Date: 06-18-2009, 07:08 PM
Parent: #3
بالغت يا ين ياخي
تلفزيون السودان الفرص فيهو بتتقلع
أدب الحوار بتاعكـ ده ما بنفع مع الناس ديل
|
Post: #5
Title: Re: ين ماثيو شول يا واعي
Author: خدر
Date: 06-18-2009, 07:12 PM
Parent: #4
وضح جليا ان ابراهيم غندور عن المؤتمر الوطني حريف حوارات
حول الندوة بقدرة قادر الي سرد إنجاز المؤتمر الوطني فيما يخص القوانيين
اقلع يا ين ماثيو ياخي , ما تخليهم يسوقوكـ
|
Post: #6
Title: Re: ين ماثيو شول يا واعي
Author: خدر
Date: 06-18-2009, 07:17 PM
Parent: #2
بشري سلامات
الراجل ادهشني جدا يمكن لاني طولت من السودان , محاور لبق و خطيب مفوه و صاحب حُجة مسنودة بقرائن و أدلة
طالب علي مدي الحوار البشير بتشكيل لجنة تقصي الحقائق حول الحريات في الجنوب و طرح اسئلة شجاعة جدا
حول تكميم الرأي الاعلامي في الشمال بعكس الجنوب و كذب حديث بروف ابراهيم عندور كادر المؤتمر الوطني حول
حرية الصحافة في الجنوب و حول خطاب البشير بهذا الصدد في البرلمان
فعلا مدهش و مُبشر و واعي لي انو عاوز شنو و هدفو منو
بس لو خلي الادب الذائد ده و قلع الفرص كما كان يفعل غندور كان حا يطربنا اكتر
|
Post: #7
Title: Re: ين ماثيو شول يا واعي
Author: خدر
Date: 06-18-2009, 07:19 PM
Parent: #6
ياتا يا حسن مكاوي
|
Post: #8
Title: Re: ين ماثيو شول يا واعي
Author: Hassan Makkawi
Date: 06-18-2009, 07:49 PM
Parent: #7
أنا فى بوستك وعلى أرضك
أدينى الأمان!!!
|
Post: #9
Title: Re: ين ماثيو شول يا واعي
Author: Zakaria Joseph
Date: 06-18-2009, 07:54 PM
Parent: #8
خدر,
سلامات,
الحكاية دى جابت لك دينكافوبيكز.
|
Post: #10
Title: Re: ين ماثيو شول يا واعي
Author: Hassan Makkawi
Date: 06-18-2009, 08:09 PM
Parent: #9
| Quote: الحكاية دى جابت لك دينكافوبيكز. |
أوووووووو ختمتة العلم يا نابغة
غايتو فى السنة دى كان ما عملتة ليك عربية
فيها بيرقين وقدامة مواتر...وجيت التلفزيون بى بدلة نفس الشى
تكون ضيعتة عمرك!!!
بس غير شوية فى الألوان...وكدة
ما بارينى
|
Post: #11
Title: Re: ين ماثيو شول يا واعي
Author: Zakaria Joseph
Date: 06-18-2009, 08:29 PM
Parent: #10
حكاية ضياع عمر مسالة نسبية, يعنى لو خرجت من المولد بدون حمص فدى مشكلة تخصك و لو عندك مشاكل حول المسائل البتخرخر بها دى, فدى بتخصك لواحدك كمان و حتى بينج دينكافوبيك دى مشكلة تخص اصحابها. تبكى و تصرخ و اتهمشت عند تريانجل بتاع حمدى دى مشكلتك كمان, . عربية و لا كارلو, Who cares kidd!!!! هو طالما الناس عندها قضية و تؤمن بها و بتعرف صلحيها من عدوها, شنو البخليو يحملو حقد ضد قبائل بعينها. و انت قائل نفسك كمان من النادى? لا و الف لا يا اخى الاصغر, اصحاب النادى ديل فى الغالب مهذبين و بيحترموا انفسهم و لان المعيشة جبارة, فهم مجبورين على استخدام التائه مثلك للقيام بالغمل الوسخ.
حقيقة, ما سمعت واحد دنقلاوى و لا شايقى و لا جعلى فى المنبر دى بيكره دينكا, اللهم الا من التصق بهم بدون حياء.
|
Post: #12
Title: Re: ين ماثيو شول يا واعي
Author: قرشى محمد عبدون
Date: 06-18-2009, 09:51 PM
Parent: #11
| Quote: محاور لبق و خطيب مفوه و صاحب حُجة مسنودة بقرائن و أدلة |
ين ماثيو خريج الجامعة الامريكية بيروت- مقارنة الاديان (comparative religions)
قال لنا فى نادى اليونسكو ذات مرة ان ترجمتها يجب ان تكون تسامح الاديان بدلا عن مقارنة الاديان..
رجل متواضع ومثقف جدا.. يحب كل الناس..التقيته كثيرافى جامعة السودان ونادى اليونسكو..كلمة حق منى
الى الامام يا ين ماثيو
|
Post: #13
Title: Re: ين ماثيو شول يا واعي
Author: خدر
Date: 06-18-2009, 10:38 PM
Parent: #11
زكريا سلامات
تعرف انا فعلا زعلان جدا انو ما عرفت ين ماثيو قبل اليوم
ما عندي علم قبيلتو شنو فأنا عادة لا اهتم من اي قبيلة هم الجيدين
يكفيني انهم جيدين فقط يا صديقي.
|
Post: #14
Title: Re: ين ماثيو شول يا واعي
Author: Deng
Date: 06-19-2009, 09:03 AM
Parent: #13
الاخ خدر.
ين ماثيو من الشباب الواعي بجنوب السودان فهوا يعرف خصمه جيدا .
الطريق أمامه مازال طويلا. ويجب على قيادة الحركة الشعبية أن تكلف الشباب الجنوبي بمثل هذه المهام دائما.
دينق.
|
Post: #15
Title: Re: ين ماثيو شول يا واعي
Author: Deng
Date: 06-19-2009, 09:09 AM
Parent: #14
الكوز العنصري حسن مكاوي.
شايفك بتحاول أن تسد الخانة اليومين ديل في غياب بعض العناصر الكيزانية والعنصرية بالمنبر.
أنت تسلك دربا لن تسطيع السير فيه طويلا . عنصريتك وقرفك ده أمشي ألعب بهما بعيد يا صبي .
|
Post: #16
Title: Re: ين ماثيو شول يا واعي
Author: Zakaria Joseph
Date: 06-19-2009, 03:29 PM
Parent: #13
الاخ خدر,
و الله انا ما عندى بقبيلته كمان و القبيلية و العنصرية من الاشياء التى ابغضها و لا احترم اى عنصرى, جنوبى او شمالى.
عذرنى يا اخى على كلامى الغريب دى فهو ليس موجه لك ابدا.
تسلم.
و بعدين, شوفت صاحبك البروفيسور لمن انزنك قال لم ياتى للسجال, طيب مشى هناك علشان يرنم ترانيم المحبة مع ين ماثيو. شئ غريب.
|
Post: #17
Title: Re: ين ماثيو شول يا واعي
Author: abubakr
Date: 06-19-2009, 07:55 PM
Parent: #16
بن ماثيو استمعت اليه في لقاء خبري عبر الهاتف المرئ وكانت المرة الاولي التي اشاهده فيها وتحدث بفهم وثقة وهدوء وتعبيرات واضحة بينما كان ممثل الطرف الاخر متشجنا غاضبا .. لغة الجسد لماثيو ولغته وتعابيره وهدوءه تجعله متحدثا رسميا من القلائل الذين يمكلون مقدرة عالية لا توجد في مناطقنا الا فيما ندر ...
|
Post: #18
Title: Re: ين ماثيو شول يا واعي
Author: Hassan Makkawi
Date: 06-19-2009, 08:05 PM
Parent: #17
Quote: الكوز العنصري حسن مكاوي.
شايفك بتحاول أن تسد الخانة اليومين ديل |
شاويش دينق
الزعلك شنو؟؟؟
|
Post: #19
Title: Re: ين ماثيو شول يا واعي
Author: سيف اليزل الماحي
Date: 06-20-2009, 09:29 AM
Parent: #18
.
أخونا خدر
تحايا
بالأمس شاهدت برنامج على قناة النيل الأزرق "وما أدراك ما قناة النيل الأزرق"
كان ضيفه د. لام أكول بأعتباره مؤسس حزب جديد، لكن يبدو أن فكرة البرنامج كانت
مبنية على الهجوم على الحركة الشعبية، مع تصوير المؤتمر الوطني حملا وديعا في خريف
السياسة السودانية .. مقدم البرنامج ينفذ في سيناريو الاعلام الإنقاذي
الموجه لفئات من المشاهدين، يخصونها بالخطاب باعتقاد أن عقلها في أذنيها
ولذلك فمن حق "مقدم البرنامج" أن يشكر المتداخلين من خارج الاستوديو، ولو
كان المتصل الوحيد شخص أطلقوا عليه لقب "محلل سياسي" والذي جاء حديثه
بفكرة وحيدة تقول: بأن حزب لام أكول سيسحب البساط من تحت أقدام الحركة الشعبية
.......... الخ الخ
والحركة الشعبية لا ترغب في الإنتباه وبالصوت العالي لما يحدث ويجري في الإعلام
وتعجز عن تأسيس قناة فضائية .. وفي هذا أرى أن الحركة الشعبية أيضا أصيبت
بداء "الدروشة" السياسية ... ولا حول ولا قوة إلا بالله.
ولذلك يبدو الحديث عن مساهمة لمتحدث في قامة ين ماثيو شول، كما الحرث
في البحر .. وسط هذا التكويش والاستنكاح الاعلامي المفضوح!
يا مان دي قصة طويلة ..
سلامي
سيف اليزل
.
|
Post: #20
Title: Re: ين ماثيو شول يا واعي
Author: خدر
Date: 06-20-2009, 09:31 AM
Parent: #18
Quote: أنا فى بوستك وعلى أرضك
أدينى الأمان!!! |
Got it hassan
|
Post: #21
Title: Re: ين ماثيو شول يا واعي
Author: Hassan Makkawi
Date: 06-20-2009, 10:15 AM
Parent: #20
أخونا خدر
من اين أتى السيد ين ماثيو
بهذا الجاكيت العجيب؟؟؟
ملابسة التى ظهر بها خالية من اى تناسق
طبعاً أقول هذا لأن المظهر يعتبر فى غاية الأهمية بالنسبة للسياسيين (والجميع)
مظهر السياسى يلعب دور كبير فى قبول الشخصية!!!
فى إعادة المقابلة قمت بإيقاف صوت التلفاز
كان الأمر أشبة بمسرح عرائس!!!
مع ذلك أعجبت بشخصية الشاب ين ماثيو وثباتة
ارجو ان تجد الحركة الشعبية مستشاراً يساعد
فى ان يظهروا بالملبس اللآئق.
____________________________
شاويش دينق ممكن يساعد لكن البنجوس زكريا جوزف
زوقو واضح من كتابتو الغير مفهومة
|
Post: #22
Title: Re: ين ماثيو شول يا واعي
Author: خدر
Date: 06-20-2009, 12:48 PM
Parent: #21
حسن مكاوي سلامات
تخيل عرفتكـ حا تعلق علي البدلة , عارف لية لانو ذوق الشماليين مختلف تماما من ذوق الجنوبيين
لكني خليني اقول شهادتي في الموضوع ده لانو انا تابعت موضوع اللبس ده كتير هنا في اوربا وسط
كوادر الحركة الشعبية و الجنوبيين عموما
عارف لو في فائدة واحده تُُحسب لقانون المناطق المقفولة بتاع الانجليز الزمان داكـ فهي تُحسب
لصالح ثقافة الجنوبيين في اللبس (ده بعيدا عن الطقص )
عارف الجنوبيين بقدموا نموذج جيد جدا للشماليين في إحترام المناسبة و المكان بلبسهم (مؤتمر -
لقاء تلفزيوني - ... الخ ) و المصيبة انو الشماليين بتندروا علي القصة دي و بقولوا
ياخي بدلة في الحّر ده ؟
الحر الينفخ روسينكم ديل , ده ما ذوق فاسد ده اسمو إحترام لكل مقام مقال
و كيتاَ عليكـ لا اخفي إعجابي ببدلة ين ماثيو المتماشية مع الموضة , ياخي خطيب و محاور
مهذب و بارع زي ماثيو و فوق ده أنيق
دايرين شنو نحن تاني ؟
___
عاجباكـ جلابية بروف غندور يعني (التقول بتكلم في تلفزيون آيرلندا الحكومي )
|
Post: #23
Title: Re: ين ماثيو شول يا واعي
Author: ممدوح أبارو
Date: 06-20-2009, 01:13 PM
Parent: #21
Quote: ملابسة التى ظهر بها خالية من اى تناسق
طبعاً أقول هذا لأن المظهر يعتبر فى غاية الأهمية بالنسبة للسياسيين (والجميع)
مظهر السياسى يلعب دور كبير فى قبول الشخصية!!!
|
عجبي !!!!!!! أو كما قال
|
Post: #24
Title: Re: ين ماثيو شول يا واعي
Author: abubakr
Date: 06-20-2009, 04:04 PM
Parent: #21
| Quote: ملابسة التى ظهر بها خالية من اى تناسق |
يا قريبي ان كنت تقصد ما شاهدته انا اي بدلة مخططة طوليا ابيض وازرق وكرافته زرقاء وقميص ابيض فعلي العكس لباس متناسق وفق موضة حديثة وربما تقصد انها غير التي شاعت ونمطية ما نشاهده يوميا .. للامانة الاخوة الجنوبيين والذين اعرفهم ( وبعض منهم منذ عقود جاوزت الثلاث في الجامعة والمدرسة )والذين اشاهدهم في التلفاز وكثير من الصور يتفوقون علي الكثيرين في الشمال لبسا انيقا واختيارا لما يلبسون واهتمام بنظافتها وكيها يوميا احيانا في ذاك الزمان حين كانت الملابس قليلة مع الجميع ومعهم بالذات لاسباب اقتصادية من جراء الحروب والتشتت .. اختيارهم للالوان وفق ذوق مناخي يسود المناطق الاستوائية والجزر عموما وهي تعكس الوان الطبيعة الغنية في مثل هذه المناطق وتشاهد ذلك في مناطق افريقيا التي تجاور السودان الجنوبي وجزر شرق اسيا وجزر بحر العرب والمحيطات ...
ان معرفتنا نحن الشمال الجغرافي بالجنوب في ثقافته وارثه وانسانه قاصرة وهذا سبب اساسي فيما نالهم من عسر بسبب تسلط من حكومات مركزية في الشمال وسياسات خاطئة في حقبتيين اساسيتين من تاريخ السودان (فترة المناطق المعزولة جغرافيا واجتماعيا قبل الاستقلال وفترة مناطق تحت ويلات حروب جعلتها كذلك معزولة بعد الاستقلال)...عموما القصور في معرفة بعضنا البعض شائع بين كل اطراف السودان والقبائل والمجموعات التي تتجاوز مئات ولولا بعض تنقل بين هذه المجموعات ( والشكر لسكك حديد السودان والنقل النهري منذ مطلع القرن الماضي ) وبعض تصاهر وتجارة لما حدث حتي التعرف الهامشي الموجود حاليا وخصوصا بعد سياسات التمكيين التي انتشرت لخلق جهوية متسلطة قاهرة لديها المال والسلاح تتحكم بهما في مفاصل البلاد وتجعل العباد في كد وملاوعة طلبا لرزق حلال وعلاج وتعليم وهكذا زاد التشتت وكاد عقد كان يحاول ان يتماسك في ان ينفرط والايام شواهد ...ما زالت اغانيناالشعبية والحماسية تمجد بنت وبن القبائل اكثر مما تمجد او حتي تشيير الي بنت وابن السودان ( فالاغاني من معينات تماسكنا حتي الان لدرجة كبيرة ).......
مودتي
|
Post: #25
Title: Re: ين ماثيو شول يا واعي
Author: قرشى محمد عبدون
Date: 06-20-2009, 04:20 PM
| Quote: [عاجباكـ جلابية بروف غندور يعني (التقول بتكلم في تلفزيون آيرلندا الحكومي )] |
|
Post: #26
Title: Re: ين ماثيو شول يا واعي
Author: Deng
Date: 06-20-2009, 04:33 PM
Parent: #25
صبي الجبهة.
كده أنت أنظر لصورتك المعلقة في بروفيلك دي بعدين تعال أتكلم على لبس الاخرين.
أنت لابس لك جاكيت بتاع برد وبفنيلة بيضاء مايلة على جنب فيما يدل على رخصتها ، وشعرك
غير مقصوص وغير مهذب رغم المحاولة الفاشلة بتاعت الفوتوشوب .
كما قلت لك من قبل سيب قلة الادب والعنصرية البتعمل فيها دي أحسن لك.
|
Post: #27
Title: Re: ين ماثيو شول يا واعي
Author: Hassan Makkawi
Date: 06-20-2009, 07:37 PM
Parent: #26
Quote: صبي الجبهة.
كده أنت أنظر لصورتك المعلقة في بروفيلك دي بعدين تعال أتكلم على لبس الاخرين.
أنت لابس لك جاكيت بتاع برد وبفنيلة بيضاء مايلة على جنب فيما يدل على رخصتها ، وشعرك
غير مقصوص وغير مهذب رغم المحاولة الفاشلة بتاعت الفوتوشوب .
كما قلت لك من قبل سيب قلة الادب والعنصرية البتعمل فيها دي أحسن لك. |
الشاويش دينق
دى صورتنا وختيناها كما هى...
ولابسين من عرق جبينا...
أين صورتك أنت؟
ولا لابس كاكى مدفوع القيمة من ضرائب الأمريكان؟
_______________________________
وتتهمنى بقلة الأدب يا من لم يسمع بالأدب؟؟
وتهددنى أيها الشاوش بجملة احسن لك؟
ويحك أيها الشاويش المتهالك المتقاعد...إختشى
|
Post: #28
Title: Re: ين ماثيو شول يا واعي
Author: Hassan Makkawi
Date: 06-20-2009, 07:51 PM
Parent: #27
| Quote: كما قلت لك من قبل سيب قلة الادب |
تذكرت حمار الأوزون دااااااك
|
Post: #29
Title: Re: ين ماثيو شول يا واعي
Author: Hassan Makkawi
Date: 06-20-2009, 08:09 PM
Parent: #28
عيش وإتذكر
كوتة سكر
نطط لينا واعمل عنتر
من قطية طينة تنكر
فى الأوزون قعد وإتحكر
وطار امريكا بقى ود عسكر
الزول جنة بقى يتنكر
عاش اللحظة فكة السنتر
شمة العافية بقى يتمختر
أنحنا شداد تب ما بنسكر
_______________________________
روق اللعب يا شاويش
|
Post: #30
Title: Re: ين ماثيو شول يا واعي
Author: Deng
Date: 06-20-2009, 08:26 PM
Parent: #29
حرقك طبعا الكلام وطرشت كم هائل من العنصرية.
الاوزو ن ده يا صبي الجبهة زيو زي اي قهوة عادية . المشكلة في مستجدي النعمة العاملين ليهو شنة ورنة في الفاضي . كوتات السكر دي انتفعوا بها من امثالك اولاد تجار الجنوب . تعليقي على لبسك حرقك شديد وهو المقصود تماما يا صبي وغلام الجبهة . الكرور اللي كنت مندس من خلفهم غير موجودين بالبورد . كلما تتعنصر وتقل ادبك ح تلقاني قدامك . احترم نفسك علشان الناس تحترمك .
|
Post: #31
Title: Re: ين ماثيو شول يا واعي
Author: Hassan Makkawi
Date: 06-20-2009, 08:38 PM
Parent: #30
Quote: حرقك طبعا الكلام وطرشت كم هائل من العنصرية.
الاوزو ن ده يا صبي الجبهة زيو زي اي قهوة عادية . المشكلة في مستجدي النعمة العاملين ليهو شنة ورنة في الفاضي . كوتات السكر دي انتفعوا بها من امثالك اولاد تجار الجنوب . تعليقي على لبسك حرقك شديد وهو المقصود تماما يا صبي وغلام الجبهة . الكرور اللي كنت مندس من خلفهم غير موجودين بالبورد . كلما تتعنصر وتقل ادبك ح تلقاني قدامك . احترم نفسك علشان الناس تحترمك . |
لقد (طرش) الشاويش الحيزبونى........
وهو فى طريقة إلى ( النفوق )
________________________
شيل دمورية دة ودى أنزازا جيب بيرة!!!
|
Post: #32
Title: Re: ين ماثيو شول يا واعي
Author: Akoy Deng
Date: 06-21-2009, 00:09 AM
Parent: #31
حسن مكاوى
افتح اذنك كويس , واسمع كلامى دا
اولآ طويل اللسان فى كلام فارغ ماتمام
تانيآ التعالى والشقشقة ماكويس
تالتآ نحن دينكا ونوير وشلك وقبائل الجنوب كلهم اخوة .انت مالك ومالنا
اخيرآ اقول .... لك انو استاذ دينق رجل يعرف كيف يصبر وكيف يعفو وكيف يرتفع عن الصغار ويعرف ايضآ كيف يضع للهزل حدآ وقد فعل.
|
Post: #33
Title: Re: ين ماثيو شول يا واعي
Author: Hassan Makkawi
Date: 06-21-2009, 06:06 AM
Parent: #32
Quote: حسن مكاوى
افتح اذنك كويس , واسمع كلامى دا
اولآ طويل اللسان فى كلام فارغ ماتمام
تانيآ التعالى والشقشقة ماكويس
تالتآ نحن دينكا ونوير وشلك وقبائل الجنوب كلهم اخوة .انت مالك ومالنا
اخيرآ اقول .... لك انو استاذ دينق رجل يعرف كيف يصبر وكيف يعفو وكيف يرتفع عن الصغار ويعرف ايضآ كيف يضع للهزل حدآ وقد فعل. |
قوم لف...
|
Post: #34
Title: Re: ين ماثيو شول يا واعي
Author: Hisham Ibrahim
Date: 06-21-2009, 07:14 AM
Parent: #33
دينق ومن شايعه
الفي قلبو حرقص براهو بيرقص
أنتو لو الواحد قال ليكم حاجه بس طوالي : تيك اوي لي العنصرية !!
لو النصيحه جات من واحد طوالي لي كوز !
عرفت النضال بتاعكم ليه ماشي موية بس ! والوطنيه عندكم الحرابة مع الجلابه !
إيقنت تماماً من إنك رجل فارغ لا تحوي شيئاً !
معرفة الأعداء من أهم مقومقات النصـر ! والا دي ما درستها في .....
إنت مقاســـك ما عارفو ؟ غريبه !!
كل سوداني هو لنا اخ وشـقيق ! وود ام !! ( اها قول دي عنصرية !!)
تقبل النقد بروح رياضية ومقارعته الحجه بالحجه - يرفع من مكانتكم أسمى وأعلى
حتى عند اعدائكم الذين لا تعرفونهم حقاً !
أريتك تفهم دي ،،،،
هشام
|
Post: #35
Title: Re: ين ماثيو شول يا واعي
Author: ريهان الريح الشاذلي
Date: 06-21-2009, 08:48 AM
Parent: #34
بعيدا عن اعلاه..
سلامات خدر وللاسف فاتني البرنامج ..
_ الليلة زقاق الشاي فاضي ليه ؟؟
_ ين ماثيو شغال ركن لل ِANF (او احمد ضؤ البيت للمستقلين)
_ ارح نلحق..
التحية للمناضل ين ماثيو سمعته في اركان النقاش والندوات مهذب حد التهذيب ومحنك حد الحنك ومحلل حد التحليل ، كانت اركانه جاذبة لمختلف الافراد كنت بشوف بعض العاملين من اداريين وعمال في الجامعة يقالعون الاماكن ملتفين هو ين ماثيو الكادر اللبق ، كنا نحزن لمن ينتهي الركن ونلتف حوله لنناقشه وكان يقيف وهو عطشان وتعبان مبتسما يناقش ويحاور ويعزم الناس للشاي ...
كنت اسمع من والدي عن ندوات عبدالخالق محجوب وعمر مصطفي المكي وكبج وحكاويه عن اسلوب مبارك زروق كنت اري اشخاصهم في شخص ين ماثيو واحمد ضؤ البيت (رد الله غربته) اتمني ل ين ماثيو مذيد من الالق وكثير من المهام ..
له التحية اينما حل ...
|
|