(Sudan forall) حَيلاَ خّف و عرقاَ جَف

هذا البوست يا اصدقاء تحرسه جنود و ارواح مُجندة , القصد منه تحايا و وداع لاصدقاء عرفتهم بمنبر سودان
للجميع (Sudan forall) و ايضا شكر لإدارة منبر سودانفوراوول علي طولة بالها في مُدة إستضافتي ,
(وِفقا لضيقها من إستضافتي الذي كررته كثيراَ مؤخراَ).

سودانفوراوول عرفت فيها زميلات و زملاء سعدت بمعرفتهم لكن للاسف لايمكنني بعد الان التواصل معهم
عبر صفحات موقع الحوار الديمقراطي فقد تم فصلي اليوم حتي دون خطاب فصل او حفل وداع او حتي
إحترام لقيمة انني عضو سابق و استحق بوكيه ورد قيمته 15 EURO
و حتي لا تفعل بكم التكهنات فعلها حول أسباب فصلي , السبب هو انني كتبت
في بوست بوست بشري الفاضل هاتوهم ..صورة متخيلة

Quote: متابعة و أتفق مع بشري الفاضل في وجهة نظره

جراء ذلكـ تم سحب المُداخلة و سحب باسووردي , ارسلت للادارة ايميلين أتسائل عن سبب سحب باسووردي ولا
حياة لمن تنادي و فُصلت بتهمة الإتفاق مع بُشري الفاضل في وجهات النظر.
الشرح السابق حتي تعلموا (ماجري) و تجدوا لي العذر في الغياب و العذر لإدارة الموقع في فصلي .
اتمني ان نلتقي في منابر اُخر و تتواصل المودة و الحَرابة و الاختلاف بطرائق تحترم كرامة الانسان.


تحياتي
طارق ابوعبيدة
آخر مفصولي منبر الحوار الديمقراطي بتاريخ 3 يوينو2009


___
ارجو ان لا يحدث في بوستي هذا اي شتم ضد إدارة فوراوول كأفراد .انا مع نقد السياسات و ضد شتم الافراد.

كدي قول خير يا زول
إمكن ما فصلوك...

Quote: ارجو ان لا يحدث في بوستي هذا اي شتم ضد إدارة فوراوول كأفراد .انا مع نقد السياسات و ضد شتم الافراد.

ده الكلام ياخدر
..............
بس والله قصَرو معاك تب
طيب إسمو منبر حوار ديمقراطي ليه









_
نقول غير كده .. يقوم يرسمونا

ولا يهمك

move on


تحية لك و تحية لهم

خدر...

اها قول بكرى فصلك من سودانيز اونلاين(يعنى مثلا مثلا) اها

ناس نحن حتودعنا وين?

الاخ خدر
تحية طيبة
بعد قراءتى لخبر فصلك رجعت للبوست المعنى فى سودان للجميع ولم اجد طبعا مداخلتك بحكم انك قلت انهم سحبوها .
لا تعليق لى على ما حدث ولكنى فقط اشيد بروحك الرياضية فى تقبلك لقرار الفصل
اتمنى ان تراجع ادارة المنبر المذكور القرار فانا من قراء ذلك المنبر من آن لآخر
واجد فيه احيانا بعض الاشياء التى افتقدها فى سودانيز اون لاين واعتقد ان هناك تباين بين هذا المنبر ومنبر سودان للجميع هو لمصلحة القارىء فى النهاية

نور الهادي - حيدر - كوستا - اميرة
مافي حزن يا اخوانا (راجع عنوان البوست) ,
البوست ده تحية و وداع لاصدقاء و صديقات عرفتهم بسودان فوراوول
و انا غرضي إنقضي قبل ما باسووردي يتسرق بليل
السلام للصحاب هناكـ تاني و نلتقي.

ويا اميرة بكري ما بفصلني و لو فصلني اوعدكـ انو
انا بكون عارف قبلو انو فاصلني ليه علي الاقل

ولا يهمك

move on


تحية لك و تحية لهم

سلامات يا خدر
حسن موسي شغال دور الجنرال في المعاش والمزيرة

واصلا البورد اتعمل للحاجة النفسية "لريسة" والله لا تدي الكديسي ريسي

مثل شايقي

عندما يسخر حسن موسى من الناس ويدورم في جهنمه
لا يختلف ابدا عن ناس البلطجة في في اي بورد سوداني
فلا يخادع نفسه بانه باستخدام الطرف والملح يجعله افضل من الاخرين
السخرية الاستهزاء لا تختلف من شخص الى شخص
على حسب من يمارسها


في واحد كدا قال المقارنة بين السودان للجميع(وش مبتسم)
وبوردنا دا ذي فرق الكرمل والدار
بس ما ميز الدار ياتاو الكرمل ياتو...

في النهاية حتكون الحقيقة السافرة
ان سودان فور اول بورد باير
من ناحية القراءة.
لا يسهم في اي تغير ولم يلعب اي دور ثقافي او انساني غير انه يكرس لعظمة الجنرال في مزيرته
لمة رجال عجائز غنايهم مات وزمنهم فات واولاد منبهرين
انهم مع العجائز ديل لاغير,,

ويا خدر انت مكانك هنا بس
وهم الخسرانين خسروا نجم شباك سايبري
محبوب..

حيلا خفّ وعرقا جفّ !
من متين؟؟؟
بعد مارفدوك دون جريرة إرتكبتها؟؟؟
والله حقارين وعجبني ليك، لو ما الوقت متأخر كان هسي الواحد أخد راحتو بالتلفون، لكن ما مشكلة، الويكند بعد بُكرة..
وتعال هنا إنت من الزمن داك داخرنّك ليه؟ من بوست النمل، رفاقتك كلهم أدوهم الصالح العام في كشف واحد، وعلى ظهر نملة..
___
لو كان منبر تاني غير فول أوول أكان إتضامنا معاك، وخرجنا في مظاهرات تنديدية عسى ولعل تجيب مريسة تامزينو، لكن ناس فور أوول ديل بحررو للزول شهادة وفاة عديل كده عشان تسقط عضويته بصورة مستدامة وطبيعية، وينتهى العزاء بإنتهاء عملية "رايت كِلِكْ، دِليت، يّسْ"، لا يغلِت عليك ولا يوسِخ إيديك..

...

وا شماتة ( أبلة ظاظا) فيك

أبلة ظاظا مين ؟

أبلة ظاظا ... حسين ملاسي



.....

مع التحايا ... ليك وليهو

خدر

سلامات

ياخ انا زيك مبسوط جدا من د. بشرى الفاضل، رايي فيه من قديم مازال هو، له الاحترام.

بس ليه حسن موسى صاقع في الناس "اراذل" ما جميلة منه!

كتر لينا الابداع بجاي.

من بوست النميري عرفت الواطة ما حتمغرب عليك

و لمن جاك النابغة قال ليك

عايز تنمل بالبورد تاني

ههههههههههههه

افو ............
بقيت ترضي الحقارة ؟؟؟

بالحيل حَيلاَ خّف !!!!

_________
"YourAttitudeDetermineYourAltitude"

Quote: حيلا خفّ وعرقا جفّ ! من متين؟؟؟ بعد مارفدوك دون جريرة إرتكبتها؟؟؟ والله حقارين وعجبني ليك،

يا ابتِفة , عمكـ الحاردلو قال
المهدى هداكـ ولداً قدل فوق عزة
عُقب ود البصير دخلنا فى طيز وزة

لكن يا اخوي الحيل بَخِف و العرق بِجِف لامن تقول كلامكـ تب
و الناس تابهو , اسه في ذمتكـ كان جيتكم صاد (مستقيل) كان ريحتوني ؟
إذن في كلا الاحوال الوزة محمداني , فيا حاقد ود شعيت قال
إن غرق الجرح وخافولو من عفنان
بتفولو البصل بملوهو زي ما كان
وقع ليكـ ؟ الله ينعلكـ و ينعل وزتكـ الساكيني بيها دي

____
انا قاعد في الوييك اند , اضرب و اشمت بي راحتكـ

Quote: الله ينعلكـ و ينعل وزتكـ الساكيني بيها دي

هههههههههههههههههههههههههههههههههههههههههههههههههههههه

و الله يا طارق متخيلو جاري وراك طابق الوزة و ساكيك

شكرا يا طلعت
الماقادرة تفهمو إدارة فوراوول انو انا و غيري من مفصولي صالح سودانفوررال العام
ماعندنا أحقاد او حساسيات ضد الموقع و بالتالي من الطبيعي تقبل قرار ادارتو
و فيس الحياة متسع للجميع , مافي مرارات يا طلعت ولا احتقانات و ده طبع العمل العام



كوستاوي
بتدفر مالكـ ياخ ؟ كل شوية شابكني موف اون موف اون لمن داير ترميني
انا اصلا يا خردة موف اون من ايام النمل البخاف منو حسن موسي.
تعرف
الايام الفاتت في اصدقاء كانو متابعين الشمطة الاخيرة دي , و في كل تلفون كان في رهان جديد انو الباسوورد
حا يتسحب بتاريخ كده , طبعا فشلت كل توقعاتهم و توقعاتي و اتسحب الباسوورد في الوكت الما في زول اتوقع
انو حا يتسحب فيهو, شفت حرفنة (فوراوول ) دي كيف ؟
خسروني الرهان و فوق البيعة عشاء لي 3 من عتاولة هولندا في مطعم 4 نجوم.

نجاة سلامات
حسن موسي ده مواطن فقير و قليل حيلة لانو اسهل شي عندو ان يشتم الاخرين .
قبل ما اُفصل , حسن بكـ موسي كتب لي يا نجاة ما معناهو انو
بوستي ده هو (بوست النمل 2) و استرسل و كتب مهددا النمل
لو ما عاجبك منبرنا امشي سوي ليك منبر تاني (ابكي فيهو علي جعفر نميري).
شفتي الايحاء اللئيم ده ؟

رديت عليهو بالتالي


و طبعا كان رده عبارة عن عاصفة من الشتائم طالتني و سودانيزاولاين معا
حتي انو إدارة الموقع نفسها خِجلت من رده و سحبت البوست كلو

الزول - بدر الدين - النورس - نيزو
بشري في تقديري رجل شجاع و انا مُتفق تماما معاهو في تحليلو بالبوست المعني
و يا النورس انت اتاريكـ متابع , يبدو انكـ الوحيد الكسب الرهان.

بيان و الحسادة

غايتو أنا شخصيا مبسوط من كون إني واحد من الصغار المبهورين بالعجايز ديل

عجايز السرور

آريتني وقت أعجز أعرف قدر العارفينه

و كفارة ليك ياخدر

ندين و نشجب

و برضو تقول لي رفتوك لمداخلة اتفاقك مع بشرى .. حتى و إن تلت

نجاة و بولا
طالبوا بفصلي لأنني عنصري حسب زعمهم
نجاة كتبت بوست استماتت فيه مع بكري ليقصيني و يُسكِت صوتي
كانت تدعي أن ذلك لعنصريتي (المزعومة)
ثم فضّلوا الإنسحاب من الأون لاين حينما لم يُحقِّق بكري رغبتاهما
قاموا شتتوا براهم و مشوا عملوا الفور أوول
يعني ناس الفور أوول ديل مفروض يدفعوا لي لأنو بقيت سبب لتأسيس منبر
لكن مفروض يقاضوني لأنو منبر دكتاتوري خصماً على منابر الحوار السودانية
ياخ والله عنصريتي أخير مليون مرة من دكتاتورية خرقاء

يا زول انت بصحك .. أوعك تكون مفتكر ناس عصام أبو القاسم
و مؤيد شريف و الوليد يوسف و نحوهم من تمامة العدد عضوية.

كيف الامور

انت الحجل بالرجل ضرب اسلاكك و لا شنو
تااااااااانى الموضوع ده

طبعآ احسن نصيحة لكنها متأخرة هى الكتبا كوستاوى
move on
و ده الفرق الكبير جدآ , بين زول و ناس عاوزين تو موف اون و بين زول و ناس ما عاوزين تو موف اون, حتى في العودة لاشياء قديمة يمكنك ان تعود لها ليس لاجترارها لكن من موقع جديد, بي شوف جديد او متحرك

قبل ما تمشي في الكلام كتير يا صاحبي, سؤال:
عاوز تتكلم في الموضوع ده من موقع السكون و لا من موقع الحراك ?
لان كل ما قرأته هنا و هناك هو من موقع السكون باستثناء بعض اشارات بشري

قول لينا في الأول عشان نشوف نخش المفاهمة دى و لا نعمل حاجة تانية افيد

وكما تعلم : انك لا تسبح في النهر نفسه مرتين

في البركة الساكنة ممكن

الخيارات عندك

حركات إدارة "الفور ثري" البتشبه حركات
رامبو - أول أيام الإنقاذ - أصلو ما حيخلوها.

Quote: و الوليد يوسف

و و و و و و و و و و و وب

شكرا يا فادلا

ملاسي الله جاب الله اخد و الحمدلله

علاء الدين
ما حسب زعمهم , انت فعلا عنصري و كتبت في الوكت داكـ كلام عنصري و قبيح جدا
و كلنا اعترضنا عليهو في حينو , و دكتاتورية إدارة فوراوول و عنصريتكـ
احمد و حاج احمد . ما عشان رفدوني حا ابرر ليكـ عنصريتكـ او اقيف معاها.
دي مواقف مبدئية يا علاء ؟

عصام سلامات و عذرا الاسبوع الفات كان زحمة شديدة جدا , لكن متوقع تلفونكـ المساء
يا سيدي مافي سكون ولا حراكـ , فوراوول موضوع قديم متجدد
وانا في البوست ده قلت العاوز يناقش يناقش , لا استطيع ان امنع الحوار في بوستي
عن نفسي انا ما اتعودت اضيع زمن في قضايا لا استطيع المساهمة في تغييرها من داخلها
وفوق ده كلو ماعندي ضغائن كما تعلم لانو اصلا القضية كلها مافيها مواقف حقيقية
مثلا
حسن بكـ زلابية قال انك طامح لاعتلاء مقعد سكرتارية الحزب الشيوعي في المؤتمر الرابع
عبر مشاركاتكـ في سودانفوراول و تكشف الايام كذبه بأنكـ اصلا ما كنت مشارك في المؤتمر
ناهيكـ عن مركزية او سكرتارية و حسن عاااارف الكلام ده لكن دي كانت طريقة يُجلط ليكـ فيها
تهمة لمجرد إختلافكـ معاهو . زول زئبقي زي ده معقول تتوقع منو موقف حقيقي ؟

العرجاء لى مراحها

انت قايل نفسك مثقف ..؟؟؟!!!!!!

...........................
بعدين انت الوداك هناك شنو اساساً؟
خليك هنا في حوش بكري... فسيح ومريح

وكل حاجة بعشرة جنية..واي حاجة بعشرة جنية

علينا جاي

..........................
وش مهاتر وشمتان




______________
مشتاقين ياطارق

Quote: ارجو ان لا يحدث في بوستي هذا اي شتم ضد إدارة فوراوول كأفراد .انا مع نقد السياسات و ضد شتم الافراد.

Quote: حسن بكـ زلابية

Quote: زول زئبقي زي ده معقول تتوقع منو موقف حقيقي ؟

شنو يا معلم .. تحمي الناس و تردم براك

Quote: شنو يا معلم .. تحمي الناس و تردم براك

شوفت كيف ياحسين عايز يخم البيض براهو

ياخي كان تخليني اردم معاك إن شاء الله يرسموني ماسك بطة ذاتو

هسه الواحد يتضامن معاك كيف ياخدر من غير ردم؟

خدر إنت ياداب طردوك?

أرجو من المطرودين تسجيل أسمائهم وأسباب طردهم..

بلة موسى مطرود بسبب أنور كنج..

عادل عبد العاطى مطرود بسبب دفاعه عن حق بلة موسى فى التعبير عن نفسه..



السيناريو واحد لكل المطرودين..

أنور كنج فتح مشروع بوست مستنكرا الجدية الأكثر من اللازم أو نحو ذلك..
أنا جيت قلت ليهو نقلبا قهوة شعبية..
جانا حسن كيماوى زفانا بمداخلة..
فتحت أنا بوست لحسن كيماوى إتلحس..
فتحت واحد تانى للقوة الثلاثية بعنوان( محك الديمقراطية ومماحكة الديمقراطيين) إتلحس..
وطبعا جات نجاة دعمت حسن كيماوى وبعدها بولا بنفس مداخلته لخدر عن الإزراء بالآخر(مداخلة بولا دى يخيل لى محفوظة فى كمبيوترم وبرزعوا بيها أى مخالف)..

بعدها سحب الباسورد دون إححححم..

قال أوباما رضى الله عنه: (لاتطالب با لديمقراطية وانت خارج السلطة ثم تحرم منها غيرك عندما تصل الى السلطة) .

Quote: بيان و الحسادة غايتو أنا شخصيا مبسوط من كون إني واحد من الصغار المبهورين بالعجايز ديل عجايز السرور آريتني وقت أعجز أعرف قدر العارفينه و كفارة ليك ياخدر ندين و نشجب

فاضلابي حسادة عديل كدي؟

الزول بحسدالناس الاحسن منو ويتمنى زوال نعمتهم
بما انه ولا واحد منهم او غيرهم احسن مني يبقى مافي حسادة خالص..
ولا انت شايفهم بتحسدو وكدا؟

خت في بطنك بتيخة صيفي..يا ولدي

والما عنده لسان شقي وفلسان..

واتمى لم تعجز تبقى ذيهم عندك مزيرة كمان..
ويجو ناس اشرف ولدي
ياعمو الفضلابي شوف القصيدة دي
يا عمو كلامك صاح ارفد لقاء طارق
جابت النمل
ياعمو لا يوجد اعظم منك في العالمين
ياعمو نحنابنعبدك عديل كدا ولا فاضلابي الا فاضلابي
هو فاضلابي...
بتك تجي تهرش ليك قبيلة المنملين
( طبعاالعرق السوداني المسقفاتي
بتاع التكبر والتجبر والنفخة الكذابة مبني فيها باي ديفولت)
تقوليهم لوما عاجبكم امشو اعملو مزيرتكم بلا كرور
دي مزيرة بابا...

انت زول لذيذوالله..

Quote: ما حسب زعمهم , انت فعلا عنصري و كتبت في الوكت داكـ كلام عنصري و قبيح جدا و كلنا اعترضنا عليهو في حينو , و دكتاتورية إدارة فوراوول و عنصريتكـ احمد و حاج احمد . ما عشان رفدوني حا ابرر ليكـ عنصريتكـ او اقيف معاها. دي مواقف مبدئية يا علاء

والله يا (طارق) خدر لو انا بولا ارجعك وازيدك في البيعة ملاسي بقشيش

البوست الاساسي المُحذوف



و هنا دفاعي (المسحوب) عن بوستي المسحوب اعلاه



هاتوهم ..صورة متخيلة صفحة 2

لعناية المتحاورين ببوست هاتوهم ..صورة متخيلة2

بصدد سحب مشاركاتي بالموقع
بوستاتي موجودة بين اضابير منبر سودان للجميع لكن الملاحظ إختفاء بوست النمل تماما الاستاذة نجاة هي من قام بحذف بوست (النمل) من ارشيف الموقع نهائياَ بعد مرور عام علي نشره و اخبرتني بذلكـ بنفسها , حدث هذا رغم إعتراضي علي حذفه في حينه و موافقة الادارة وقتها علي ذلكـ( طالب الوليد يوسف بحذفه في الصفحة السابعة و رفضت اناالحذف بدعوي ان البوست مؤشر جيد لإختلاف وجهات النظر - فيه اعتراضنا علي طرائق إدارة المنبر و فيه تم رسمنا كنمل و حشرات , اي ان البوست لا يضيف لي مجدا بل فيه (سخرية و إزراء و مَضحكة) بي و بزملائي من قبل حسن موسي ضلع الادارة. ورغم ذلكـ تم شطب البوست نهائيا من الارشيف.


___
لم اجد حتي الان مُبرر موضوعي لشطب بوست من ارشيف موقع بعد مرور عام علي نشرة و ذهابه نهاية الجدل حوله.

Quote: والله يا (طارق) خدر لو انا بولا ارجعك وازيدك في البيعة ملاسي بقشيش

غايتو الزول دة و بولا و نجاة شبهينا و تلاقينا

Quote: ما حسب زعمهم , انت فعلا عنصري و كتبت في الوكت داكـ كلام عنصري و قبيح جدا و كلنا اعترضنا عليهو في حينو , و دكتاتورية إدارة فوراوول و عنصريتكـ احمد و حاج احمد . ما عشان رفدوني حا ابرر ليكـ عنصريتكـ او اقيف معاها. دي مواقف مبدئية يا علاء

يا خدر مباديء شنو و بطيخ إيه البتتكلموا عنها
عنصريتي ديك حسبما أسميتموها كانت عندي عبارة عن ردود أفعال تجاه بول رودا و قرف بِنيّة
و أحذيتهم و مداساتهم اللي مافي زول فيكم وقتها قال فيها تلت التلاتة كم
الحيرني وقتها إنو بولا و نجاة ما أزكمتم ريحة بول رودا لييييييييييييه!!؟
ولا ما متذكر بوست البول داك
أما مسألة المباديء دي فمافي داعي ليها
لأنو المباديء لا تتجزأ فتقيف عند رودا و أشباهها و تشتغل مع علاء و عنصريتو
تعرِف أنا جاااااااااااااهز لباب عنصرية جديدة لو إتفتح الباب القديم تاني
و حأكون فخور بيها جداً جداً عنصريتي
بعدين المباديء دي مش الديموقراطية فيها ولا ما فيها
أها ديموقراطية بولا و نجاة معاك كيف
تقول لي مباديء برضو!!!؟

Quote: و فيه تم رسمنا كنمل و حشرات

ولقد نِلتُ (شرف) ذلك قبل قليل

يا حسن بكـ زلابية

اظنكـ ما ناسي كلامي ليكـ بخصوص انو مواطني قبيلة الفنون يمكنهم جميعا تسخير مواهبهم و مايبرعون فيه لخدمة افكارهم
الغاضبه للسخرية او التقليل من شأن المُختلفين معهم في (الرأي) و بناء عليهو عملت فيكـ غنوة ما بطاله تمسخر بيكـ و تضحّكـ فيكـ
خلق الله و الحشاش يملأ شبكتو.
اها, انا الغبيان جيت و إتراجعت عن فكرتي بمحض ارادتي بحجة انو ما حا اخلي الغضب و الحنق و الانفعالات السلبيه و حسن موسي معا
يحددوا و يديرو خلافاتنا و رجعت تاني لمربع التسامح و العقلانية مطمئناَ.
شايفكـ قبل شوية بديت ترسم تاني و تسخر حتي من اعضاء منبركـ و ده معناتو انكـ في غيكـ سادر و لذا و تماشيا مع موجه
الكراهية السائدة في موقع فوراوول اعد القراء و المتابعين بأغنية (حسن موسي كوم برا) في الايام القادمات.

مقاطع من الاغنية
قلنا ليكم باركوها ابيتو ما تباركوها
الله ينعل ابوها و إنشاء الله ما تتلتق

يا رئيسي الاسفيري تعال قرر مصيري
انت موتكـ سريري و المَتلي ما بتهدد

شفت موتكـ سريري دي فيها حمولة كراهية كبيرة كيف ؟

___
بكري رجع لينا كودات الاغاني , مغرودين فيها في راديو حسن موسي للكراهية ده.

حسن موسي كوم برا

قلنا ليكم باركوها ابيتو ما تباركوها
الله ينعل ابوها و إنشاء الله ما تتلتق

يا رئيسي الاسفيري تعال قرر مصيري
انت موتكـ سريري و المَتلي ما بتهدد

طلب مساعدة
أغنية الكراهية اعلاه تحتاج الي تطويرها و ضبط سياقها و تضمينها الكثير من الصور البلاغية
و كما تعلمون يا سادة اخوكـم ما شاعر , انا مجرد مغني و ملحن.
امثلة الكلمات الواجب تضمينها القصيدة
الظرافة
النمل
شركـ اللئام
جيوبولتيكـ
إسفاف
إزراء
الخ من قاموس الزلابية الثقافية,


- ترسل المشاركات علي الايميل( [email protected] )
- انبه الي ضرورة مراعاة الوزن و القافية .
- اي إقتراجات بقصائد مشابهة جديدة اعد بتلحينها فورا و بثها علي الهواء في راديو الكراهية.


__
ملاسي و حيدر , دفعت ليكـم حسن بكـ زلابية , اردموا ساي

Quote: ولقد نِلتُ (شرف) ذلك قبل قليل

والله يا محمد , اللابتوب بتاع الشغل الفيهو كل برامج الصورة و الفيديو باظ
غايتو جازفت ليكـ دي بي Paint

تنفع ؟

كتبت نجاة هذا:

Quote: طيب يا بشرى، إذا فيه كل هذه المصائب "وغير هذا كثير"، ففيمَ هو منبر ديمقراطي؟ إلا إذا عندك تعريف للديمقراطية غير التعريف المصطلح عليه. ولا تنس يا بشرى أن تضيف إلى هذه الديمقراطية العجيبة، أن هناك أعراض تتعرض للتدنيس، وشرفاء يتعرضون للإساءات المجانية، وأن صاحب المنبر من الممكن أن يسحب باسوورد شخص دون أن يكون هناك سبب واضح يعرفه الأعضاء، بل ودون أن يعرفه العضو المعني (ولا أظن أن ذلك خافٍ عليك)، وأن الأعضاء يتوسلون لصاحب المنبر في مهانة وإذلال عجيبين ليعيد لفلان باسوورده، وصاحب الموقع لا يرد عليهم، إلى أن يجود الله عليه بإعادة كلمة السر دون توضيح. يا بشرى، أعتقد أن بكري أبو بكر نفسه سيندهش من وصفك له بالديمقراطي وبالمعارض للنظام. فبالله عليك لا تكن ملكياً أكثر من الملك.

انت يا زولة جادة؟

Quote: سلام يا منى والله كان ناس الإنقاذ متكلين على "الإعلاميين" الشفناهم في الصور المنتشرة في الأسافير، واطاتهم أصبحت. نساء مبهرجات بالأساور والحنة والتياب التي رأينا بعضهن يستبدلنها في استعراض ملفت للأنظار، ورجال في جلاليبهم اللامعة وعممهم المطرزة وربطات عنقهم المختلفة الألوان (ويا جماعة أنا ما قاصدة منى، فقد رأيتها بسيطة في أناقتها).

والله طلعتي مرة بالله واحد بكل ذلك المعنى الذكوري,,

قال تياب وحنن...

يا خدر سلامات ..
أتفق مع الرأي القائل بأن فصلك من منبر سودان فور أول تم بقرار يتسم بالعنف خاصة لو أن الموضوع متوقف
على بوستك "النميري .. التأخير فوق كم" , أو ما شابه,
لكن في نفس الوقت أعتقد أن فكرة البوست في حد ذاتها ما كانت ملائمة , أنا لو محلك بكتب بوست بطرح فيهو
أفكاري حول تجربة حكم النميري و بترك حق المشاركة لمن يرغب , بعدين هل كنت تطمح في آراء بولا و نجاة و حسن
كأفراد أم كإدارة للمنبر ? .. في الحالتين تظل الفكرة غير ملائمة و فيها نوع من الجرجرة لكن ليه ما عارف !

من ناحية تانية , و مع أن ليس كل ما يقوله حسن موسى حول بعض السلوكيات الموجودة هنا في س.أونلاين خطأ طالما
كنت أنا شخصيا ممن افترعوا بوستات من قبل و ليس بوست واحد في محاولة للجم القباحات زي ما عملوا ناس كتار ,
إلا و أني أتعجب جدا من نفس حسن موسى التي لا تردعه و هو يملأ فمه بالإساءة القبيحة لأكثر من خمسة ألف شخص معظمهم
لا علاقة لهم بالأشياء و الأفعال الذكرها لبشرى الفاضل .. من أين لحسن موسى بهذه المجانية دون أدنى تردد أو إنضباط , ب
مين قال لحسن موسى أنه لا توجد إعتراضات و تحفظات على الأشياء الذكرها لبشرى حول هذا المنبر و هل يا ترى يوجد أفضل
مما رد عليه به بشرى ( و طبعا هنا حسن موسى لا أتوقع أن يكون عنده اعتراض على إغلاق المنبر خاصة إذا ما تم هذا الإغلاق على يده )!

أعتقد أن حسن موسى نفسه ضحية للعبط الكتير المتفشي في الأسافير بأنواعها و المتمثل في تشجيع شراء بضاعة التظارف
و الإضحاك حتى و لو وصل مرحلة التجاوز و التلاعب بمشاعر الآخرين و حقوقهم , يعني إيه الفرق بين النكتة العنصرية و
و استفذاذ المشاعر الدينية أو القبلية أو الفردية أو إساءة مجموعة من البشر , حسن موسى دا مش نهر الجماعة قبل كدا
و قال ليهم " أسمعوا يا صفوة إنتو , إنا الفي إنا لله و إنا إليه راجعون دي راجعة لمنو , كان راجعين أرجعوا براكم نحن ما
معاكم إلي آخر كلامه" .. طيب هسة النزعة دي فرقها شنو من النزوع لتقريع الإنسان بسبب لونه ولا عرقه ولا شكله ,
مش كان عنده كامل الحق في أن يفتح بوست و يناقش فيه شمولية إنا دي ويفيد و يستفيد !

موضوع كون بكري عنده "خور" هنا مقابل " الكرت الأحمر " الموجود هناك أعتقد تمت مناقشته بما يكفي لكن من الفوارق البادية
في المقارنة بين الوضعين أن بكري رغم أنه مدير فرد إلا أنه إدارته خالية من تناقض هام جدا و هو أنه لا يشارك بالكتابة
و لا تصدر عنه إساءة لأحد مما يتيح لشريك له في الإدارة أو أكثر "لا يوجد" الطعن في ممارساته أو أسلوبه أو أقواله
حين يتوجب وزن الأمور لغرض إصدار قرار ما بحق عضو أو بوست , ترى هل يتم تدول الـcases فيما بين القائمين
على إدارة س.فور أوول بصورة ديمقراطية سليمة و عادلة بحيث تحسب مساهمة حسن موسى أو نجاة أو بولا في الـcase
المعني قبل التقرير في الموضوع ? .. هل يستفذ بولا "مثلا" بعض آداء حسن موسى أو لغته أم هل أن الأطراف الثلاثة بالضرورة
عبارة عن شخصيات متطابقة في تقبل أو رفض الأشياء , في الفكر و المنطق و الأسلوب إلخ, أم أن روح النقد و النقد الذاتي
متوفرة in between , "ما ندري"!

المعز سلامات
(دحين انت ما المعز الكان اسمو بالانجليزي ؟ ) و ما علينا يا قول حسن موسي لانو شايف الموضة في فوراوول الفترة الفاتت
كل زول بكتب بي إسلوب حسن موسي , حتي الوليد يوسف ( صاحبي ) إتبرع بي قدراتو و مكونو الحَياتي كلو لصالح دعم ذاد
المُجاهد الاسفيري حسن موسي حتي انو صار بين ليلة و ضُحاها يُفتي فيما لا قِبل له به, يا وليد ياخي انت فنان , عارف
يعني شنو فنان ؟؟؟؟ الله يهدينا ويهديكـ يا صاحب و يوسع ماعونكـ.
يا المعز عشان ما ندخل حسب قولكـ في ( لكن الجرجرة ليه ما عارف ؟ ) اتمني ان تعيد قرأة البوست المعني و اتمني ايضا ان تحفظ
لي حقي في كتابة البوستات حتي المشاتر منها , ياخي (انا من تراب و ماء) زي ما قال احمد مطر , خليتو المِحن الفي
الدِنيا كلها و بقيتو علي مُلائمة فكرتي ؟ و ليه ؟
انت بتعرف قدر شنو انو حسن زلابية بحط من قيمة الاخر ؟
بتعرف قدر شنو هو شاطر في شنو ؟
يا ناس , (انا و معي آخرون) , من تراب و ماء و ولدتنا امهاتنا احراراََ
ما يجيني زول هنا تاني يقول لي حسن زلابية, والله و تأ الله ما اراعي فيهو الحديث الشريف بتاع (في كُل كبد رطبة أجر).
( شُايف اسلوب حسن زلابية في الكتابة ما داير ليهو درس عصر كيف يا المعز ؟ )Fullstop

يا المعز انا سيد البوست ده اسه في ورطه تاريخية , فتحت البوست لاخطر اصدقاء علي الضفة الاخري ان رصاصة غادرة
اطاحت بي و بمستقبل ايامي معهم و قِيل ( الحقوق لـ حسن زلابية ) تاريخي كلو بفوراوول. بإيملي الان العشرات من الرسائل
من اصدقاء و أغراب لا اعرفهم يتحدثون بلسان عربي مُبين , بعضهم يشطط في مذهب باركوها يا جماعة و بعضهم ناصح مُخلص
امين, حتي إن بعضهم ذودني ما استطاعت قريحته من الشِعر المُبين, شفت المقلب ؟ اصدقاء و شُمات و مابينهما و حسن زلابية
المطرطش (ما عارف الحوت فاسِي وين) و انا بين نفسي و قناعاتي و غضبي و بينكم فاغراَ فاهي.
ياخي انا ما اخوكم , اغضب مثلكم و اشطط في الخصومة و قِيل أيضا ألتزم الحِياد زي الترتيب, فما تحملوني اكتر من طاقتي ,
دي ما كانت غنوة دي.
اعذر حِدتي يا معز و راجع مداخلاتي السابقة , القضية ليست لماذا بوست (جعفر النميري التأخير فوق كم ؟ ) القضية اكبر مني و
منكـ وياريت القي عندكـ مُخارجة للورطة الانا فيها.
هل العب دور الجلاد و أخسف ببرستيج الوغد حسن زلابية الارض ؟
هل أنحاز لنفسي و انفض يدي من هذه الصبيانيات ؟
ام ماذا ؟؟
انصحني يا معز بدلا عن توبيخي حول بوست النميري .

فائق مودتي

وصلني عدد من المساهمات الشعرية المُقدرة سوف أُوالي نشرها تباعا و نبدأ من النُص


4
حسن موسي كوم برا

قلنا ليكم باركوها ابيتو ما تباركوها
الله ينعل ابوها و إنشاء الله ما تتلتق

يا رئيسي الاسفيري تعال قرر مصيري
انت موتكـ سريري و المَتلي ما بتهدد


ياسيد السفينة يا الشاقاك غبينة
لابس فكرة شينة و مخك جّد مقدد

لو عاينت لينا ما حا تلقى فينا
حتراب من ضغينة يالككو الممدد


يا لؤمك يا أشتر
حرابتك ديمة شينة
دكتاتور مقشر نياشينك ضغينة

نملة حَريصة علينا
أحسن لى بلدنا من رسام موتّر
زى عادم التركتر

ريشتك زى عقارب
للمخالف بيها ضارب
نشفت المضارب
و الكتابات الكهارب




و نواصل

و عشان غلاط حسن زلابية وشِيعته , دي نسخة حَارة من الفرن للإيميل الرابع بصدد تنقيح القصيدة



و طبيعي انو احتفظ بي مصادري عشان كده أخفيت اسماء و ايميلات المُرسلين

العزيز طارق ابوعبيدة

سلامات وكيف الاحوال عموم ،

من المؤسف فعلا ما يحدث احيانا في سودانفوراول من فصل وتجاوزات ادارية افقدت الموقع بعض من افضل من كانوا به ،

بالنسبة لي انا غير مشترك بالموقع المذكور وان كنت اغشاه مرة مرة فهو لا يخلو من الفائدة خاصة في مجلة احترام ،

الكلام دا انا بكتبو وفي بالي المهاترات الموجودة في سودانيزاونلاين والتي تفوق ما يحدث بالمنبر المذكور بما لا يقاس من المرات ،

فالحاصل يا سيدي انو دا واقعنا كسودانيين للأسف ، الاسف بيكون اكبر علي الموقع داك كونوا انو حاول يختط خط ثقافي خلاف سودانيز

والمواقع التانية المنوعة لو صح التعبير ،

المهم ، قلت انك

Quote: فتحت البوست لاخطر اصدقاء علي الضفة الاخري ان رصاصة غادرة اطاحت بي و بمستقبل ايامي معهم

لكن يا صديقي فيما يبدو لي البوست بدا ياخد اتجاه تاني خصوصا في مداخلاته الاخيرة ،

ودا حسب فهمي ما واحد من اغراض فتح البوست ،

من الاكيد انو من حقك تسوق البوست للاتجاه الانت عاوزو وستجد من يعينونك علي ذلك ،

لكن يا طارق قصة الصورة الجبتها دي ما جميلة حتي لو كان حسن موسي بيعمل اسوأ من كدا وقصة القصيدة المنجورة دي برضو ما جميلة أقله

في نظرتنا للشعر والجمال .


مودتي التي تعلمها يا طارق .

يا مازن سلامات
وليد ده ياخي ماتعصر عليهو شديد
وليد ده و بالرجوع لي ايام حقيقية بيني و بينو , بني أدم عاقل و عقلاني
إنمسخ اسه مع حسن موسي و ده طبيعي بفعل الديسابورا و القرصنة الدولية قبل طويل
العمر اوباما, يلحقنا و ينجدنا.
وليد ده جّد مواطن ممتاز (حسب معلوماتي الناقصة أبديت) فما تحملو ياخي اكتر من طاقتو.

Quote: الكلام دا انا بكتبو وفي بالي المهاترات الموجودة في سودانيزاونلاين والتي تفوق ما يحدث بالمنبر المذكور بما لا يقاس من المرات

سلامات

منبر يه 10 انفار ومنبر فيه 5 الف نقر منبر فيه نجاة المرة والنسوان ورا( قلت لي التياب و الحنن)

تخلي حسن موسى يشتم الناس وتمسك يدهم
لازم يكون عدد الشاتمين واحد نفر بس
لكن شوف المشتومبن اها دي مافي منبر يفوت مزيرةالجنرال
شتم جماعي لكل الكيانات والجماعات..
في بوردنا دا شكلة بين اتنين
هناك شكلة لكل العالم..مي اقنست ذا ورلد
دا الفرق..

والله يا خدر انت رجل تمام والف ام واب يتمنى انك تكون ابنها/ه
عمي عندو ولدو الكبير مباريهو ومصاقرو اليوم والليل كلو
وهاك يا شاي احمر وبي لبن ومسلسلات مع ابوه
يوم عمي زهج ليك منو قال ليهو:
يا ولدي دا شباب شنو؟ لا جيتني يوم مفلوق في شكلة، لا جو اصحابك يوم رموك بي فوق البوابة سكران طينة، ولا جاني بوليس هنا يوم يسال منك، ولا جيتني مفصول من منبر حوار ديمو قراطي.

* والله لو ما عديلي ما بقرا القريتو دا ، ياخي اتعبتنا بالجد
صفحات طويلة في الحرب الباردة بين حسن موسيى وبشرى الفاضل
وفي النهاية لم نجد -طبعا- مداخلتك، والدنيا ليل ، والبلد ديك بعيدة، وفرنسا ما تشاد زي ما قال حسن، ونحن طارت عصافيرنا زي ما قال بشرى

* ياخي يا انت كذاب اشر
يا هم يكونو سحبوها بالجد
وفي الحالتين سودان فور اول نقصت واحد
يعني اختل الاسم

Quote: وصلني عدد من المساهمات الشعرية المُقدرة

ما تستعجل يا خدر .. انتظر حتى يبعث لك أسامة الخواض
بالقصيدة المطلوبة؛ بدون توقيع و من ايميل مجهول المصدر.

Quote: يا ولدي دا شباب شنو؟ لا جيتني يوم مفلوق في شكلة، لا جو اصحابك يوم رموك بي فوق البوابة سكران طينة، ولا جاني بوليس هنا يوم يسال منك، ولا جيتني مفصول من منبر حوار ديمو قراطي

طارق العزيز

مع انك ما اشتغلت بكلامي لكن اهو البوست بتاعك بقي ماشي في الاتجاه القلتو ليك ....


خفف الابنص شوية !

وصلتني رسالة الصديق حسن الجزولي اعلاه في الايميل و انا بدوري سألتقط القفاز الذي القاه بشري الفاضل في وجه عضوية
سودان فور اوول و ادعو هنا بدروي عضوية سودانيزاولاين و علي وجه الخصوص (عصام جبرالله , محسن خالد, طلعت الطيب ,
قاسم محمد صالح,ابراهيم علي ابراهيم,متوكل توم و حسن الجزولي نفسه صاحب المبادرة) للحوار حولها , لان الورقة شملت نقطة
جوهرية في تقديري , محاربة اللؤم بالتسامح في المنتديات السودانية و خارجها.
الي اي مدي ده ايجابي و الي اي مدي هو خصم علي إنسانيتنا و حقنا في الحياة بكرامة (حسن موسي نموذجا) ؟.

للمتداخلين من خارج المنبر , اقبل المساهمات الجادة علي الايميل [email protected]

Quote: مع انك ما اشتغلت بكلامي

بالعكس يا وليد , ما انت الوحيد المارديت عليهو قبلكـ في زملاء و اصحاب تانيين لسه ما رديت عليهم برضو
الكت كعب يا وليد و ممحوق . لكن في العموم اتمني انكـ تساهم برضو في نقاش ورقة حسن الجزولي و وضح لينا
ليه الرسمة بتاعتي و الغنوة الفي الطريق ما موافق عليهم , قصاد عنف حسن موسي ضد عضوية منبرو و سودانيزاولاين.

حسن الجزولي .. وكت انت فالح قدر دا في المناصحة مالك ما ناصحت حسن و نجاة!!

يا خدر سيبك من ترهات حسن الجزولي .. اعكف على
تلحين الهجائيات؛ فذلك باب مطروق و مشروع منذ القدم.

سلام يا طارق
انا متابع حسب الظروف و التساهيل النقاش الدائر هنا و هناك و لدى ما أود قوله و جزء منه اتقال في مداخلتى اعلاه.
يا طارق اقرأ كلام الوليد ده تانى, و نفس الكلام قلتو ليك في ونسة و فوق برضو , صحيح انك لا تستطيع و لا تريد منع أحد من الكتابة و التعليق, خاصة من هم في جلاطة ملاسي, لكنك تستطيع بل يجب ان تحدد انت بتكتب من ياتو موقع و ماشي في ياتو اتجاه, و دى ضرورية جدآ.
ناس كتار حيجو شايلين غبائنهم و تعقيداتهم العامة و الخاصة زى ناس ادارة فور أول نفسهم شايلين نفس المحن, ده ما مسئوليتك, مسئوليتك تورى انك بعد كل ما دار من قبل النمل - مشكلة عادل و انور و بله و اسامه و أيمن الخ - الى لحظتنا دى انو ده كلو هل قريتو بي عين و عقل مفتوحات مش بس على "أخطاء" و مشاكل و ازمات الطرف الآخر بل ايضآ على "أخطاء" و مشاكل و ازمات الطرف الانت فيهو , و ده البيعمل الفرق بين السكون و الحركة, و أصلآ الطرفين - اذا قبلنا التقسيم ده اساسآ لانو هم مش كومين يمكن تحديدهم بالدقة دى, بل داخل كل القصة دى في اطراف متعددة جدآ و متنوعة مهم الواحد يقدر يشوفا كلها - اذا سمينا الموضوع ازمة هم شركاء و مساهمين فيها مع اختلاف مستويات و نوع المسئولية و المساهمة.
المهم في ما جرى و يجرى ليس مواصلة تعداد و حساب مظاهر الازمة دى, بل الانتقال لما بعدها, لي شوف ما وراءها, جذورها , اسبابها, تعميمات و استناجات حولها

طبعآ بولا و حسن موسي ممكن يكونو مفيدين جدآ جدآ في مساهمات زى دى , لولا ان الأمر يتعلق بذواتهم ..

لى بعدين

انظروا للناصح عصام جبر الله .. انت نسيت
يا عصام البذاءة الكتبتها لنجاة هنا بعد رفتك.

انقز و دق طارك يا ملاسي
ضري عيشك زى ما عاوز ...

تلقاها عند الغافل .... ببح يا جليط يا فهلوى

سلامات يا طارق

يا عزيزي انا لا أعرف لا حسن موسي ولا نجاة ولا عبدالله بولا معرفة شخصية ، قرأت لحسن موسي بعض الكتابات في سودانفوراول عن الجسد

العربسلامي او ما شابه ذلك ووجدتها كتابة جيدة ولست في مقام التقييم لها ،

عبدالله بولا قرات له مخطوطة أو بحث في كون الغول الاسلاموي لم يهبط علينا من السماء ووجدتها من الكتابات الجيدة والمكتوبة بحرفية عالية ،

في مقابل ذلك انا اعرف طارق ابو عبيدة معرفة اظنها جيدة او كافية من خلال سودانيزاونلاين ومن زمن طويل ،

اها انا البهمني هنا علي الصعيد الشخصي هو طارق ابو عبيدة ،

يعني انا ما رضيت ليك تستخدم اساليب ما بتشبهك علي حسب معرفتي الاسفيرية بيك ،

في النهاية من حقك تستخدم الاسلوب البتراه مناسب لكن اجبني يا صديق :

لو انك واصلت في مشروع الاغنية المرتجاة وقمت بتلحينها وأداءها : فما هو المردود من ذلك ؟ التشفي ؟ لا أظن المقابل مناسبا هنا .


دا للأسف بيدخلنا في التباس قوي جدا عبر عنو الاستاذ حسن الجزولي بالفكرة الموضوع تحتها خط في الرسالة بتاعتو ، اي الحتة بتاعت : انك

قد اهديت .... الخ .

يا طارق في ناس كتار هنا عندهم راي في الحاصل في سودانفوراول بعضهم اوضحوا في بعض البوستات وبعضهم قام بالهجوم عليهم ، اها يا زول

انا كواحد من عضوية سودانيزاونلاين لا شأن لي بهم وما حصل دخلت لي زول فيهم وقلت ليهو كدا والا كدا ،

انا أدخل هنا عمدا وقصدا لصالح طارق ابو عبيدة وليس لغرض اخر .

كنت عارفك حتبلع لسانك يا عصام؛ فتناسيك للبذاءة السوقية
التي وجهتها لنجاة عقب رفتك لا يعني أنها و أننا قد نسيناها.

و رغم انو ده ما الموضوع, لكن اطلاقآ ما وصفت نجاة محمد على بكلمة بذيئة, اى نعم قلت كلام حاد و ربما سخيف لكن بذئ لأ. و انت كذاب
البذاءة دى موفرا لى نوعك ده عند الضرورة , محتاج جرعة و لا حاجة?

Quote: و رغم انو ده ما الموضوع, لكن اطلاقآ ما وصفت نجاة محمد على بكلمة بذيئة, اى نعم قلت كلام حاد و ربما سخيف لكن بذئ لأ.

كضاب يا عصام.

يا خدر .. سيبك من الكلام الباهت
بتاع وليد أمين أو أياً كان أسمه.


______
أعظم الفنون هي تلك
المتولدة من رحم المعاناة

يا جليط
الأرشيف قدامك
يا جيب الكلام يا غور
بعدين الموضوع ده شايفو شغلك شوية عن تقديم خدماتك المجانية لسيدك الجديد الصادق و أولادو ... بزعلو منك ياخ

و الله يا طارق طريقة كلام القرادة معاك دى تخلى الواحد يعيد النظر في صحبتك

اكشط القرادة ده خلينا نتفاهم في المهم
من اي بقر اتى هذا القراد

Quote: يا جليط الأرشيف قدامك يا جيب الكلام يا غور

أرشيف شنو يا بتاع الارشيف؛ أنت تكتب دون وعي
و عندما يتم توجيهك تقوم بالتعديل .. يا كضاب.

قلت كده? خلاص عفيتك

يلا يا طارق و الوليد و من يهمهم الامر نواصل

حاضرين يا عصام

فقط لنر ما يود طارق قوله ثم نواصل .

عفوا للتكرار


حذف

من الارشيف
/
/
/
لاهوت الوردة
/
/
/

كفارة يا طارق .....

وتستاهل .....

انا زمااااان قلت ليكم انّو سودان فور اول دا منبر ما ديموقراطى ولا يحزنون*

Quote: منبر فيه نجاة المرة والنسوان ورا( قلت لي التياب و الحنن)

بالمناسبة: مين بالضبط "نجاة محمد على"؟ (عشان نكون معاكم فى الصورة! لأنو "نميرى" معروف كرئيس انقلابى سابق)


________________
*: يحزوونون سجنال!!




.. المهم ....

يا وليد انا داير ارد ليك على نقطة محددة ...

Quote: المهاترات الموجودة في سودانيزاونلاين والتي تفوق ما يحدث بالمنبر المذكور بما لا يقاس من المرات

هامش الديموقراطية المتوفر فى سودانيزاونلاين - رغم المهاترات - هامش محترم نسبياً (لولا تجاوزات غبية زى رفدة "تمبس" المسبوقة بى رفدة "هبّانى") حتى أن تجاوزات المنبر فى حق الأعضاء لا تنسى بسهولة ....

أمّا فى سودانفوراول فإن الإقصائية تبدأ من التسجيل، وتستمر مع مقص الرقابة على الآراء مروراً بالتلويح بالفصل من باب التهاتر (واتخيل لى كإشتراك شهرى لكل الأعضاء) ثم الفصل التعسفى والمعبّر عن فكر إقصائى متخلف وعادةً يكون الفصل بسبب اختلاف الرأى ....

يعنى مقارعة الحجة بالمهاترة بتفضح ضعف الطرف الآخر فى الفكر والموقف ...

لاكين مقارعة الحجة بالإقصاء واغتيال الشخصية .... والرفد .... اضطهاد عديييل .... ويمنعو الغانون الدولى .......

المهاترات حبابا .... والفكر العميغ حبابو .... لاكين الرفد واللِّغصائية واللِّطِّهاض ..... دا بقى الشغل الدوموغراطى الصحى صحى والما حبابو هو والحزب بتاعو .....







.... المهم .....

شمتان عدييييل كده

يا تبارك شكرا لاهتمامك بالرد والتعليق

اتفق معاك في مجمل ما ذكرته ،

وانا لما كتبت الجملة المشار اليها لم يكن في نيتي تبرير سلوك الفصل هناك ،

لكن الفكرة انو التهاتر الهنا اكتر ودا قد يرجع لحجم العضوية كما اوضحت د. نجاة محمود ،

انا التأسي بتاعي كان علي مآلات سودانفوراول باعتبارا منبر اختط لنفسو خط ثقافي واجتذب في البداية عدد مقدر من الانتلجنسيا السودانية ،

للأسف ما صار اليه الامر هناك لا يسر .

Quote: مسئوليتك تورى انك بعد كل ما دار من قبل النمل - مشكلة عادل و انور و بله و اسامه و أيمن الخ - الى لحظتنا دى انو ده كلو هل قريتو بي عين و عقل مفتوحات مش بس على "أخطاء" و مشاكل و ازمات الطرف الآخر بل ايضآ على "أخطاء" و مشاكل و ازمات الطرف الانت فيهو , و ده البيعمل الفرق بين السكون و الحركة, و أصلآ الطرفين - اذا قبلنا التقسيم ده اساسآ لانو هم مش كومين يمكن تحديدهم بالدقة دى, بل داخل كل القصة دى في اطراف متعددة جدآ و متنوعة مهم الواحد يقدر يشوفا كلها - اذا سمينا الموضوع ازمة هم شركاء و مساهمين فيها مع اختلاف مستويات و نوع المسئولية و المساهمة. المهم في ما جرى و يجرى ليس مواصلة تعداد و حساب مظاهر الازمة دى, بل الانتقال لما بعدها, لي شوف ما وراءها, جذورها , اسبابها, تعميمات و استناجات حولها

يا عصام لو تابعت البوست ده كويس و انتبهت لي النقلات الحصلت فيهو حا تفهم موقفي كويس , بوست بشري في الفوراوول
فرض علي البوست ده الاستمرار موش عشان أجرم فور اوول او احصد تعاطف الاخرين ضد إدارة فوراوول , لا يا عصام
الاستمرار كان دعم لتيار بشري الفاضل الداعي للتسامح و وقف العنف و لو انتبهت لي كلامي القلتو مع ورقة حسن الجزولي حا
تلقي موقفي واقف في السهلة
انا طالبت بيكم ما عشات تشتموا فور اوول انا طالبت بحضوركم لنقاش قضية تخصنا جميعا كمجموع بنحترم الانسان ده,
يعني يا عصام و الوليد انا تساميت و قفزت اعلي من دكتاتورية فور اوول و طالبت بنقد ارواحنا و قناعاتنا اولا و ختيت
ليكم في صينية واحده أغنية (حسن موسي كوم برا) و رسالة حسن الجزولي .

وصلتني رسالة الصديق حسن الجزولي اعلاه في الايميل و انا بدوري سألتقط القفاز الذي القاه بشري الفاضل في وجه عضوية
سودان فور اوول و ادعو هنا بدروي عضوية سودانيزاولاين و علي وجه الخصوص (عصام جبرالله , محسن خالد, طلعت الطيب ,
قاسم محمد صالح,ابراهيم علي ابراهيم,متوكل توم و حسن الجزولي نفسه صاحب المبادرة) للحوار حولها , لان الورقة شملت نقطة
جوهرية في تقديري , محاربة اللؤم بالتسامح في المنتديات السودانية و خارجها.
الي اي مدي ده ايجابي و الي اي مدي هو خصم علي إنسانيتنا و حقنا في الحياة بكرامة (حسن موسي نموذجا) ؟.

للمتداخلين من خارج المنبر , اقبل المساهمات الجادة علي الايميل [email protected]

والله يا عصام جبر الله الله يديك العافيةطالع لك في ككر
كبير
الولد بقول الكلمة الاخيرة

تعرف نوعيتك دي الكرهتنا"السقافة" بانواعها

ما انت الا زول اكثر من عادي
شخصيا سمعتا بكل مسقفي بلادي النص كم والكامل

من الفاتح مطيع اىلىىىىىىىىىىىى الانورمحمد صالح
مرورا بكل مسقفاتية عقود السبيعنات والثمانيات والتعسينات ناس الستينت دي تخصص عديل كدا

ما سمعتا بيك الا هنا في حوش بكري..


حركة تجي تعمل لينا الختمة دي حركة قرع ساكت..
علان دا ناقشو وعلان دا خلو وعلانة دي كلامها فارغ مبرطع مع ام سراميس ذي الما حاصل شئ
واسع عامل فيها ابو عاقلة


الفوقية والنفخة الكاذبة انتهت زماااااااااان
حوا وااااالدة..

وزمن النضال الوهم انتهى خلاص..والاحتكار انتهى وسادت حضارات ثم بادت

واكب يا عمك....
وبطل البتسوي فيه دا..

يا طارق ...

لو باريت "استنارة" سودانفوراول دى .....

حتفوّت على نفسك فرصة "تشويه" خطابك الثقافى ... بشىء من "الحرية" (الله يكرم السامعين) .....

حافظ على دوغما "الإستنارة" .... تسلم .....





(وعاش - ولامؤاخذة - الشرفاء)

Quote: لو باريت "استنارة" سودانفوراول دى ..... حتفوّت على نفسك فرصة "تشويه" خطابك الثقافى ... بشىء من "الحرية" (الله يكرم السامعين) .....

الله الله عليكـ يا تباركـ يا واعي
بتعجبني جدا انت
اتمني انو المحاورين ( الماجونا لحدي اسه لا هنا ولا لي بشري الفاضل هناكـ ) ينتبهوا لي نقطتكـ دي.


يا شباب
ردودي في البوست لا علاقة لها بالتسلسل و ارجو ان لا يُفهم اني أتجاهل بعض المداخلات
البوست لا يهدف لحصد صفحات كثيرة قدرما اتمني انه يحظي بنقاش حقيقي و ثر حول ورقة حسن الجزولي.

Quote: الله الله عليكـ يا تباركـ يا واعي

يا طارق داير تجيب لى الهوا مالك؟

انا ظلاااااامى احمد الله .... هسّى يسمعوك يعدّوك معاى ....







... المهم ....

يعني الكيزان مابراهم الإقصائين.




______________
تحياتي ياطارق.

اول مرة اعرف انو خدر اسمو طارق ابو عبيدة !
بدليل انو نجاة ست المنبر قالت ليهو: اسمع يا طارق ابوعبيدة هنا!

بس ما عرفت علاقة اسمع بـكلمة هنا شنو في الاسبكون سودانيز
تكون listen here, Tariq
لكن يبدو انو فيها "اموية" عالية جدا ، على وزن أبوية

Quote: والله يا عصام جبر الله الله يديك العافيةطالع لك في ككر كبير الولد بقول الكلمة الاخيرة تعرف نوعيتك دي الكرهتنا"السقافة" بانواعها ما انت الا زول اكثر من عادي شخصيا سمعتا بكل مسقفي بلادي النص كم والكامل من الفاتح مطيع اىلىىىىىىىىىىىى الانورمحمد صالح مرورا بكل مسقفاتية عقود السبيعنات والثمانيات والتعسينات ناس الستينت دي تخصص عديل كدا ما سمعتا بيك الا هنا في حوش بكري.. حركة تجي تعمل لينا الختمة دي حركة قرع ساكت.. علان دا ناقشو وعلان دا خلو وعلانة دي كلامها فارغ مبرطع مع ام سراميس ذي الما حاصل شئ واسع عامل فيها ابو عاقلة الفوقية والنفخة الكاذبة انتهت زماااااااااان حوا وااااالدة.. وزمن النضال الوهم انتهى خلاص..والاحتكار انتهى وسادت حضارات ثم بادت واكب يا عمك.... وبطل البتسوي فيه دا..

دكتورة نجاة
سلام
أول أمر: لو عندك معاى غباين في حتة تانية تعالى بي خشم الباب عديل, انا لم افعل اكثر من كتابة رأى, الناس يقبلوهو او يبولو فوقو ده يحصهم.
تانى أمر: لو لقيت زمن و أولوياتى سمحت - لأنى ما متفرغ للأنترنت و قدر الزمن البلقاهو للانترنت عندى فيهو بالفعل اولويات تخصنى وحدى- احتمال ارد على تهجمك و عدوانيتك في كتابتك دى.

سلام

سلام يا طارق
ياخى انا لا إتهمتك لا أدنتك, انا منتبه للنقلات - او بحاول اكون منتبه ليها - , انا قصدى التنبيه لينا او لمن يهمهم امر تمتين و بناء اسس راسخة للحوار و الاختلاف و احترام الآخر ( نفس ما يردده حسن موسي و بولا و نجاة و مشايعيهم) التنبيه لأن لا نمر على التجربة دى بالذات مرور الكرام, كشكلة في الاسافير و فصل و باسوورد و ادارة, و ان لا نسمح لاى متعطل عقل او ضهبان فكر او متسكعة معرفة بالخرمجة و السواطة فيها, ده ما واجب ثانوى او هامشي بل مسئولية, ما لأى سبب غير انها فعلآ مهمة للغاية, مهمة بسبب المرحلة العايشنها انحنا كأفراد و كتيار لنسميه الآن اليسار يعيش أزمة عميقة للغاية من عناوينها الرئيسية جدآ "الحوار و الاختلاف و احترام الآخر" , و مهمة ايضآ لأنو المواعين التانية او المختلفة التى تدور فيها امتدادات او صراعات مماثلة , بما فيها الحزب الشيوعى , هى مواعين غميسة و معقدة و تآمراتها و منطقها الداخلى اصعب, عشان كده النقاش الفي الهواء الطلق ده يستحق اهتمام يليق به. امر أخير و مهم للغاية - و ما تشتغل باى نكران و سربعة تجى من طرف حسن موسي - انو اطراف (ركز في اطراف دى, لأنو حسن و بولا رغم الاتفاق الحالى في "المعارك" الدائرة الان هما ما طرف واحد بل ذاتان منفصلتان و ما تهتم بمحاولات حشرنا في طرف واحد لاننا برضو ذوات متعددة و مختلفة لحسن الحظ ) اطراف في الحوار او الصراع الحالى ده هم عبدالله بولا و حسن موسي, لو شاءوا او أبوا و لو شئنا او أبينا فهما من أهم الكتاب و الباحثين و النقاد الأسهموا في ولادة جنين فكرة التفكير النقدى الجسور من مواقع اليسار , و هنا انا بتكلم عن مجمل مساهمتهم من الستينات و السبعينات و حتى اللحظة و مفروض تكون عيون عليها و عيون تانية على نقدها بما فيه كل ما حدث بعد انشاء موقع سودان فوراول.
انا عارف انى بكتب بعد مرور زمن طويل على "مفاجآت" ما بعد اين بوست عثمان حامد و النمل و ما تلاها, مفاجآت تعبير ملطف لفجائع , و أعلم انى حينها كنت اكتب تحت تأثير هذه الحالة ايآ كانت, و أعلم انك رغم كل ما خبرته و عايشته حينها فأنت تجربه الآن في جلدك زاتو, و هو أمر مختلف ...

و برضو الاسئلة بتظل قائمة, هل سنواصل فيه - بعد كل الكلام الفات ده بتاع الكم شهر ده - كمرارات شخصية و ازمات خاصة ام نخرج منها - رغم المرارات المفهومة - لان تصبح تجربة عامة مهمة للغاية قابلة للتدارس و المفاهمة و وجهات الشوف و القراية المتعددة و المحتلفة الممكن تودينا خطوة لقدام.

محبتى التى تعرفها يا صاحب

ده توثيق ساكت الدنيا ما معروفة

الليلة السبت - زى الخميس في السودان, حفلة و رقيص - الساعة 12 و نص بالليل

Quote: شهادة وعُرضحال: طالبنى الصديق بشرى الفاضل ،ضمن آخرين، بأن أوضّح رأيى فيما حدث حول ايقاف الأخ طارق ابو عبيدة (صاحب الصوت العذب). وقد حدث أن لامنى بل وعيّرنى بعضُ العيِّّرين (والعيِّّرين هم العاطلين فى نضمى أهلنا الحمَر) فى سودانيز من عيار الثقيل من مدة (بحكم فرضية لا تخلو من فساد أخلاقى وتهافت التهافت –حسب ابن رُشد- ومن باب ثقافة المحاباة وأخلاق القطيع الحزبى) وذلك حتى أساند مزاعمهم وأهواءهم وأجندتهم وترّهاتهم الشخصية وقد بلغنى من أصدقائى أنهم خمّروا مِحاياتهم (المحاية هى خليط السكن والرماد نصنعها للكتابة فى الخلاوى وقد كنت أحد روادها) وبروا أقلامهم لتصنيفى فى خانة المتصالح مع هذا وذاك0فتأسفت وتأسيت ثم تجاوزت ولن انفك عن تلك الصغائر (لأن المشروع التحررى الذى أتصّور مساهمتى فيه أكبر من تلك الصغائر). أود توضيح رأيى فيما يدور وهو أننى "لا أزعم بإمتلاكى دليلا" (مستعيرا تعبير مازن أعلاه فى هذا الشأن) فى هذه المعتركات ولا أرغب فى ذلك مطلقا إلا بقدر ما تتعدى تلك النقاشات ماهو "معقول" حسب فهمى للسياق والسياغ والصياغ والصائغ (والصايغ –السايق- هنا "الإدارة" ،ادارة هذا المنبر المملوك لإدارته).... وهذا هو المحك والحك الذى يجيب الدّبَر (بفتح الدال وليس ضمها) والدم وسط من يدّعون بأنهم ينتمون لمنبر وحركة وطنية ديمقراطية ويعتركون فى غير معترك وليست لى رغبة ولا زمن فى متابعة سياق وداوفع تلك المماحكات غير المنتجة. ذلك لأن لدى أولويات مثل الجميع تتعلق بالوطن- السودان- والدائرة الجغرافية فى اونتاريو وربك وشئوون الأسرة الصغيرة والكبيرة والحزب ومنظمة حقوق الإنسان والقراءة والكتابة الخ ، هو كلّو ربع كيلو يحوق وين ولا وين كما يقول صديقى عدنان زاهر. وربما شملت عبارة "الخ" المرور بنُخام وتلوَث "الإدعياء المستعجلين و المخربين و المثبطين و الثرثارين و المحبطين و الحجامين المتكلمين في الثورة و الحيارى و السكارى و المتمجمجين اليتامى في شعاب الأسافير" كما قال حسن موسى (وماذنب اليتامى ؟ اليُتْم على كل حال يستحق الرعاية والمؤآزرة، ألم يجدك يتيما فآوى؟؟) بالنسبة لى فان أمر الدواس هنا بسيط كونه ملخَص فى عبارات حسن موسى الحاسمة التالية (بمثابة: اليوم أكملت لكم لائحتى) التى لا لبس فيها ولا يحزنون وهى: "أظن أن لإدارة المنبر ـ على إطلاق الإدارات ـ الحق في سحب ما تعتبره مجافيا لروح المساهمات التي صمم(نا) المنبر لأجلها.و لهذا تبذل الإدارات لائحتها التنظيمية على المساهمين.و إن كان سحب المساهمات هو حق تعرّفه الإدارة لنفسها في مقام سيادتها التنظيمية ـ في المدلول اللينيني للسيادة التنظيمية ـ ينطرح سعي الإدارة لتسبيب وشرح ملابسات سحب المساهمة المعنية في مقام المسؤولية الأدبية تجاه جملة المساهمين فيه. و قد حرصنا في كل مرة اضطررنا فيها لسحب مساهمة لا تتناسب مع روح العمل العام الذي ننظمه هنا، حرصنا على شرح الإسباب التي دفعتنا لسحب المادة، أو لسحب الباسويرد ، عند مقتضى الأمر.و في نهاية التحليل أذكـّر الجميع ـ ربما للمرة الرابعة ـ بأن منبر الحوار الديموقراطي ليس برلمانا و لكنه أداة عمل عام جشمنا إليها عرَقْ القِرْبة فهيأناها و تعهدناها بالرعاية لتصبح قادرة على المساهمة في دفع قضايا الديموقراطية و التنمية في بلادنا. و سنعمل كل ما في وسعنا لحمايتها من الإدعياء المستعجلين و المخربين و المثبطين و الثرثارين و المحبطين و الحجامين المتكلمين في الثورة و الحيارى و السكارى و المتمجمجين اليتامى في شعاب الأسافير. و في نهاية التخليل ـ و هي أزرط من نهاية التحليل ـ أظن ـ غير آثم ـ أننا نحتاج لأن نتعامل مع الكتابة في منبر الحوار الديموقراطي باعتبارها حظوة كبرى، كون الكتاب هنا ـ كل الكتاب بدون فرز جمالي ـ ينعمون بقراءة قراء كرام بواسل يحصون كل حرف و كل حركة، و يبذلون للجميع تفاكيرهم النقدية و مافي حاجة مجانا.أها يا مازن ،" الحظوة الكبرى "دي أنا مستكترها على الناس الما منتبهين ليها. شايف؟" قال ذلك حسن موسى من قبل ولكن عواطف ميتافيزيائية تجتاح البعض وتتخفّى خلف خطاب الديموقراطية والثقافة والتحرر ومعاداة الإستعمار والإمبريالية والكيزان . قال برلمان (برل أمان ، بر الأمان!!) قال .. قالوا ليكم برلمان بتاع فنيلتكم؟؟!! وهذا كلام للعالمين لا لبس فيه: المنبر دا ليس بتاع الحركة التقدمية والديموقراطيين وليس برأمان(برلمان) للمناضلين بى طريقتهم وإنما هو بيبى (آى... رضيع) ناس قالو ليكم انحنا متطوعين لوجه قناعتنا الطليقة وغير الطليقة.ودى أجندتنا ونحن مادايرين شركات تدفع لينا فكّة إعلانات ولا "ك.....أُم".... ودى قوانيننا ونحنا فنانين عاصين وضد "الإستاتص كو" والحظوات والقداسيات. ورغم عوزنا المادى عندنا حظوة وحذوة كما الحديد والحديد شديد البأس. ناس زى ديل من منطلق موقفى الأخلاقى وشغلى السياسى واليومى فى مكان العمل واللعب بتعامل معاهم كمنبر يتناسق مع مسعاى. ولكنى حر أتحرّى جميع المصادر المختلفة كما أود ومنها سودانيز اونلاين وسودان تربيون وسودانايل والقران الكريم وحكاوى مريم بت المدنى وحاجة آمنه ونكات المجانين وحِكم المساطيل. ولو سودان فور اول توقّف بكرة –لاقدّر الله- (شفتو القدرية دى عالية كيف عندى؟؟) حسن موسى وبولا ونجاة سيستمروا فى "الصراع" بطرق أخرى حسبما يروا . ووضع الصراع بين قوسىْ الحكمة هى كون الصراع يتضمن الجمالى والطبقى وهذا مايجمعنا (فليقل منقو- لا عاش من يفصلنا) فلتتعدّد أدوات الصراع وجبهاته واستراتيجياته ومنطلقاته وأجندته الواضحة. وأول الحكمة هى وضع حدود وخطوط حمراء لكل عمل عام. مربط الفرس عندى وجوهر النقاش هو إن هذا المنبر "ليس برلمانا" ولذلك لدىّ برلمان حزبى يخصنى أصوّت فيه وأقول رأئى وأرتضى برأى الأغلبية فيه والحمد لله. ولى منظمات مدنية أفتخر بشغلى النضالى اليومى فيها وأصدقاء وصديقات أنتقيهم وأنتقيهن ونساهم معا فى صياغة بعضنا ونتعلّم من بعض حتى نعيش مرفوعى الرأس والكل شاف والكل دِرا والكبير الجمل... وال ما عندو أجندة نركّبو فى ركشة (ولات ساعة حمير أو جمال) ولما الركشة تلاقى القندران وجها لوجه يتصرّف. برضو مودة ورحمة للجميع الفاضل الهاشمى

ياطارق
الناس ديل شكلهم محترمين
لكن
حركاتم ماحلوة

(الوشوش الضحاكة لاتعمل)

غايتو يامولانا خدر بعد السلام خوفى يكون انت الـــ (حَيلاَ خّف و عرقاَ جَف) مش سودان فوراوول
وسبب المدخل كلامك دا ......
ارجو ان لا يحدث في بوستي هذا اي شتم ضد إدارة فوراوول كأفراد .انا مع نقد السياسات و ضد شتم الافراد.
معقول بس ياخ انت هدف قاصدوا وسعيت ليهو بكل وضوح -اعنى فتح البوست - تجى تقول ارجو ان لايحدث ؟ !!!!!
بعدين - نحن مابينا الصراح- ماتسميهو قصيدة فى هجاء د. حسن موسى بالجد قمة الاسفاف حاجة كدا بالنسبة لى
زى طارق دخل بالباب ومرق بالشباك زول تانى .
كدى بالله عليك وبالمحبة التى تعرفها راجع بوستك دا وقول لى كان لقيت وقت .
تحياتى

ارجو ان لا يحدث في بوستي هذا اي شتم ضد إدارة فوراوول كأفراد .انا مع نقد السياسات و ضد شتم الافراد.


!!!!

أخونا خدر سلام
يا أخونا ناس فور أول ديل من أول يوم مرقو من سودانيزاونلاين دي ، قالو ماشين يعملو ليهم منبر ديمقراطي للإنتلجنسيا و الناس المثقفه ، كل الشافو في نفسهم الكفاءه إسجلو بهناك ، و من أول يوم منبر الجماعه ديل ما عندو علاقه بالدمقراطيه لا من قريب و لا من بعيد تفتح خشمك بيدوك في عينك ده كان ما رفدوك، لا بحترمو الناس و لا بعرفو غير يدافعو عن بعض ، و حسن موسي يرسم الواحد مرات في شكل جزمه ، مرات زرافه و مرات حشره و بكل بجاحه وقله أدب يتكلمو ليك عن الأدب و إحترام النفس و الناس .... لكن لو في حاجه أنا محترمها في الناس ديل : وضوحم و صراحتم ، يعني بشتموك و يرفدوك و يطلعوك إنت الغلطان ! الكلام ده عمرو ما إتغير عشان نلقي ليكم عذر و نقول و الله كانو كويسين و حسي إتغيرو !!
أي واحد فيكم يرفدو هناك ، يجي هنا يفش غباينو في الناس ديل و يطلعم أسوأ من مشو علي قدمين في أسافير الله الواسعه دي !! في حين إنهم هم هم ما إتغيرو و لا إتبدلو ، ديل هم و دي طريقتهم ، يبقي العيب أصلا ما في سودان فور أول ، العيب في الناس الراضيه بالوضع ده و ما بفتحو خشمهم إلا يترفدو !!!!
ثقتي كبيره أنك ما حا تاخد مداخلتي دي بصوره شخصيه !!!!

Quote: لكن لو في حاجه أنا محترمها في الناس ديل : وضوحم و صراحتم ، يعني بشتموك و يرفدوك و يطلعوك إنت الغلطان ! الكلام ده عمرو ما إتغير عشان نلقي ليكم عذر و نقول و الله كانو كويسين و حسي إتغيرو !! أي واحد فيكم يرفدو هناك ، يجي هنا يفش غباينو في الناس ديل و يطلعم أسوأ من مشو علي قدمين في أسافير الله الواسعه دي !! في حين إنهم هم هم ما إتغيرو و لا إتبدلو ، ديل هم و دي طريقتهم ، يبقي العيب أصلا ما في سودان فور أول ، العيب في الناس الراضيه بالوضع ده و ما بفتحو خشمهم إلا يترفدو !!!! ثقتي كبيره أنك ما حا تاخد مداخلتي دي بصوره شخصيه !!!!

امين سلامات
ياخي قلت بتحترم في ادارة فوراوول طريقتها دي ( قصة احترم فوراوول دي شايفها موضة اليومين ديل)
طيب ياخي ما تحترم لي انا موقفي و ما تقولني كلام انا ما سويتو ؟
وين انا في البوست ده فشيت غبايني علي ادارة فوراوول ؟؟
و ويين مرقتهم اسوأ من يمشي علي اقدام؟؟
شفتني جبت سيرة بولا او نجاة او حتي شتمت الادارة كمجموع ؟
خليكـ امين يا امين

الفنان طارق أبوعبيدة

أضم صوتى للذين طالبوك بعدم تلويث صوتك وفنك..

وأطالبك أنا الشقى الذى شتمت وهجوت نثرا وشعرا أن تكف عن هذا الباب حتى لاتلوث إنسانيتك..

لقد كتبت هجاء مقذع فى أشخاص شتموا أمى وزوجتى وأختى ولكن بعد إنقشاع نقع الغضب تألمت لشتمى لهم أكثر من شتمهم لى وهذا إحساس لايعرفه إلا المنزلقون الى بالوعة الهاوية دون تبصر بمشعل الكظم والعفو..

كان يمكننى أن أفرح بانزلاقتك أو قل بدايتها لأسلى نفسى بأننا السابقون وأنتم اللاحقون وبترهات أننى لست وحدى, ولكن آثرت أن أجنبك الإحساس بالخزى والصغار عند مواجهة نفسك ببشاعة مافعلت فى مشاعر الآخرين وكرامتهم مهما فعلوا بك وسيفعلون..

زيادة على الميزان (وهو الأهم) أن حسن موسى ونجاة حديدى اللسان وحاضرى الذهن ولكنهم يلعبون داخل خطوط لاتتخطى نخوة الأنا التى ترفض الإنكسار والهزيمة. وهذه من آفات برمجة الدماغ الذى يركب صاحبه ويعير بدلا أن يركبه صاحبه بشكيمة التفكير الواعى الفاحص المبتعد عن قياسات الربح والخسارة ونشوات النصر ومرارات الهزيمة..

حسن موسى ونجاة أبعد من الشتم والإساءة ولكنهم أساتذة من عهد العصا لمن عصى..
عندما تكتب يقرءونك من البروفايل كم عمرك و ماهى مؤهلاتك ومانوع الكتب التى قرأتها ومن هم أقرانك وماذا قالوا عنك..

ومن هنا يتحدد وضعك إن كنت تلميذا أو زميلا ولايوجد فى تصنيفهم أستاذ..

وإن كنت تلميذا فالضرب ينفعك والعلم يرفعك لولا مخافته لن تحفظ (الأدبا)..
وإن لم يعجبك شوف فصل تانى..
وإن كنت زميل فحق الزمالة هو رعاية حق الملكية واتباع رأى المالك..
وإن لم يعجبك فافتح مدرسة أخرى واتخذ زملاء وتلاميذ..

وفى كل, المنابر ليست أوطان وإنما مساحات مملوكة لمالكيها إن طاب لك نظامهم شاركتهم وإن طبت لهم أفسحوا لك المجال حتى تتململ من عطيتهم فينزعونها منك وتخرج..

من حقى وحقك سرد حكايتنا دون زيادة أو نقصان ونضع عنوانها نحكيها كى لاتحاكيها وعندها يتعظ السعيد بغيره أما الشقى فمن يتعظ بنفسه..

فهل إن أسس المرء صالونا أدبيا ودفع كهربته وماءه وايجاره وطرد منه الأديب زيد والفنان عبيد سنطالبه بإرجاعهم باسم فاتورة الحرية والديمقراطية أم لدينا موقف واحد يمكن أن نفعله وهو أن نرحم أعجازنا من الجلوس على مطارف اللئام!!

Quote: معقول بس ياخ انت هدف قاصدوا وسعيت ليهو بكل وضوح -اعنى فتح البوست - تجى تقول ارجو ان لايحدث ؟ !!!!!

اعدل يا فجراوي ياخي
كيف سعيت ليهو ؟
البوست ده مالاقاكـ في اولو فووووق انو انا فلان الفلاني اترفدت و جايي اودع الاخوان و ماشي ؟
عصام جبرالله ده لمن كان بزرزر فيني و رديت عليهو بي وضوح اني زاهد عدييييل في نقاش حالة فوراوول ما قريتو ؟
وبعدين ويين انا شتمت يا فجراوي ياخي ؟ ياها الغنوة اللسه ما نشرناها ليكم دي ؟
اعدل يا فجراوي , تعودنا عليكـ حقاني

الملك يا تاج السر، لكن الوِزة ما عوامة خلاص.. الجماعة في الفيس بووك بيهناك دايرين يسكوني بي وزتي، شفت المحن يولِدْنّ بعضهن كيف، لكن زي ما قال المثل وِزتنا ولا نمل الناس، وما حكّ ظهرك غير وِزّك، ونملّك ألطّف، إن كان من فصيلة "الرِتيلا"، والعياذ من قرصتها..

بعد رجوعنا لمنبر سودان فور ثِري، وبعد المطالعة -الغير شامتة- وجدت أنّ أخانا - ياقول حسن ذاتو- طارق أبوعبيدة ظُلِم ظُلم الحسن أو الحسين، ما الإتنين معاً، بقصد الترصد؛ لأنّ البينات المعروضة بعد تجميل دكتور بولا وتلحين وليد يوسف لها، لاترقى لفصل نملة حقيقة دبّت بمنبرهم تسعى لحتفتها برضاها، ناهيك عن زول فنان كطارق..

وحملة - تحريش- حسن موسى للكتاب المشتركين بسودان فور ثري وسودان بكري، بأن يهجروا التانيَّة، عمليَّة وضيعة لم أعهد حسن بها؛ وعلى كلٍ، سودان فور فور ( سودان بكري + سودان فور ثري) منابر مملوكة لأربعتهم، لهم فيها الأمر والنهي والمِنة والمِحنّة؛ فمن شاء منا فليداهن - والبوهيّة من وليد- ومن شاء فليدافِس -غير آمن على باسووردِه-، وكل مسخر لما خُلق له، ولكن الحديث عن الديمقراطية كزريعة لمعاداة سودان بكري، عمليَّة محمد فرح ذاتو ما بيعملها بعد بوست الكهرباء والمرحومة ناديّة..

امومية يا استاذ ابراهيم .... امومية ...

وبعدين انت عديلك دا .... ما عارف اسمو بالكامل ولاّ شنو ....

*المهم



-------------------------

*شكلك نسيتا قلنا النلحقا ليك...

الجيلى ....

السكران فى ذمة الواعى .....









.... المهم ......

ارجو ان لا يحدث في بوستي هذا اي شتم ضد إدارة فوراوول كأفراد .انا مع نقد السياسات و ضد شتم الافراد.


الفكرة غريبة
يعنى انتا تحرد منتدى الصفوة
وعايز ناس سودانيز اون لاين تحنسك

فقد تم فصلي اليوم حتي دون خطاب فصل او حفل وداع او حتي
إحترام لقيمة انني عضو سابق

Quote: ياطارق الناس ديل شكلهم محترمين لكن حركاتم ماحلوة (الوشوش الضحاكة لاتعمل)

اضحكتني يا الجيلي اضحك الله ايامك ..
يلعن بكري ودين سنينو - على القراء مراعاة فروق الوقت -
الخرطوم يالليل
منعم سليمان

Quote: حسن موسى ونجاة أبعد من الشتم والإساءة ولكنهم أساتذة من عهد العصا لمن عصى..

غايتو يا بله الله يسامحك علي كلامك ده !!!!

Quote: أول أمر: لو عندك معاى غباين في حتة تانية تعالى بي خشم الباب عديل, انا لم افعل اكثر من كتابة رأى, الناس يقبلوهو او يبولو فوقو ده يحصهم. تانى أمر: لو لقيت زمن و أولوياتى سمحت - لأنى ما متفرغ للأنترنت و قدر الزمن البلقاهو للانترنت عندى فيهو بالفعل اولويات تخصنى وحدى- احتمال ارد على تهجمك و عدوانيتك في كتابتك دى.

من منطق الرجل والكراع
البخلي كلامي انا عدوانية و انت وجهة نظر تكتبها في زمنك الغالي المقتطع شنو؟
طبعا انا مفرغني ناس الامن بدوني ذي 500 دولا ر في الشهر عشان ارد على مناضلين الكيبورد

واسع ماكتبته لك وجهة نظر يا تاخدها يا تبول فيها قشة ما تعتر ليك..انا ما شغالة في البلدية
ولا كاتبة ممنوع البول يا حمار

اولوياتك بالتأكيد بتخصك انت انت قايلني منو؟

وتبقى وجة نظري انه كل ما تكتبه كلام فوقي يثير الضحك.. ...كبير والبلد ضيقة

وكان رديت رديت كان ما رديت ما رديت

طالما إستمتعنا بتصاوير وكتابات حسن موسى عن الأصحاب وغيرهم، المصداقيَّة تُحتِم علينا تشجيع طارق أبوعبيدة لأخذ حقه كامل بأدوات الفنان؛ وحسن موسى ذاتو على حسب -ظني- به، لا يُمانِع- وإن ملك حق المُمانعة- إنو طارق يرسمو بالغُنا؛ فيا خدرنا واحد بلدياتك، ما بيرضى الحقارة، قال لي: قووووول - فجر الواو جراً جراً :)، حتى ظننته تور بيتصعلّق على البقر- قول لي طارق خلي حقك للنسوان ما تخلي حقك لي حسن..
__
إنت غني ونحن بنصفِق.. والحشاش يطرب جمهورو..

Quote: ارجو ان لا يحدث في بوستي هذا اي شتم ضد إدارة فوراوول كأفراد .انا مع نقد السياسات و ضد شتم الافراد. الفكرة غريبة يعنى انتا تحرد منتدى الصفوة وعايز ناس سودانيز اون لاين تحنسك

افتكر يا الجيلي انو آن الاوان انكـ تكتب كلام واضح و أفهمو عشان اقدر ارد عليهو

منو القال ليكـ انو انا حردت منبر الصفوة ؟ (انت بتقراء مداخلة و تفط مداخلة ولا شنو ؟ )
و ناس سودانزاولاين تحنسني في شنو ؟
كدي فهمني عشان اعرف ارد عليكـ عدييييييييل و استعدل ليكـ الفكرة الغريبة

وانا اقترح عليك ياطارق مواجهة الأمر بجدية
لأن الإدارة التى قامت برفتك فعلت ذلك مع غيرك ولأسباب
مشابهة ,
خطابك فيه استرضاء ولغة راضية , ولم تعمل فيه اى نقد
للموقع ووضعت مبضعك جانبآ مكتفيآ بمسك العصاة من المنتصف..

هل ستعود ياطارق لمنتدى الصفوة إذا أعيدت لك كلمة المرور??ù

اهجهم بالغناء يا خدر و لا تلتفت للمثبطين؛
الهجاء دا فن ما يقعدوا ينظروا ليك ساكت.

عزيزي خدر
نعم أنا ياني elmuez ال بالإنقليزي
بعدين و لا توبيخ و لا حاجة يا صديق, لكن علي أن أعكس ليك كامل انطباعاتي بصدق أحاول أن لا أبدله
ثم أن قصدي من عدم ملائمة بوستك محل نقاشي كان بغرض الإشارة لأنك ربما تكون قد أخطأت في حق
نفسك قبل أن تخطئ في حق الآخرين , إلي أن جاء توضيحك إلي في ردك على مداخلتي و .. حاشاي التوبيخ
و لك العتبى ..

نعم , حسن موسى أنا قريت ليهو الكثير في س.فور أول و تحفظت كثيرا على أسلوبه في مخاشنة الناس و لو كنت
أملك عضوية هناك لكنت فتحت بوست خاص بي في نقده بي طريقة مارادونية تجنبني الكعبلة إلا داخل الصندوق !
إنت برضو واضح من أسئلتك لي أنك لم تقرأ مداخلتي بتركيز كاف ,

تحياتي لكم ,
---------------
تحياتي لبشرى الفاضل على صموده الwise في مواجهة (الإستجواب) و رفضه الhonest  لقرار إستئصالك

الاجابة لا يا الجيلي ( ارجع اقراء البوست ده تاني)

لكن انت برضو لسه ما جاوبت علي سؤالي

Quote: منو القال ليكـ انو انا حردت منبر الصفوة ؟ (انت بتقراء مداخلة و تفط مداخلة ولا شنو ؟ ) و انا عاوز ناس سودانزاولاين تحنسني في شنو ؟

اللهم لا نسألك رد القضاء لكن اللطف فيه:

Quote: سلام للجميع فيما يبدو أن الفنان المبدع الخلاق د.بشري الفاضل ونظراً لغربتة القسرية التي أضطرته للعيش في واقع الغربة الجبرية في وسط أجتماعي أستثنائي تسوده روح التضامن والتكافل الأجتماعي الشعبي بقصد المحافظة علي الثوابت الثقافية او الراسخ منها في مواجهة صعوبات الغربة و ألأغتراب عبر مؤسسات وتنظيمات أقتضتها ظروف الأغتراب والتغرب مثل تنظيمات الجاليات والجمعيات الجهوية والأقليمية التي تعج بها "مدن الملح" والذهب الأسود وبالتحديد في المملكة العربية السعودية وبتحديد أكثر مدينة جدة حيث يعيش، مضافاً لذلك الخلفية القروية الريفية التي يتحدر منها الكاتب الأديب وغير ذلك من عوامل لربما أتحدت جميعها علي بلورة هذه الأفكار وألقت بظلالها وأثارها القوية في تحديد مسارات هذه الوجهة وساهمت علي نحو "فاعلي" في تشكيل هذه الرؤية التي ينطلق منها د. بشري في أستيعابه فكرة العمل العام عبر وسائل النشر الجديدة بكيفياتها المختلفة ومنها المنابر الحرة علي شبكة الأنترنت المكونه علي شكل (لحم الرأس ) ونجدها تعج بالمشاركين المتحدرين من مستويات فكرية واجتماعية متباينة ومتعددة علي نحو منقطع النظير، نعم ...فيما يبدو أنه ومن خلال تاثيرات هذا الوضع السائد الذي ما انفك يمارس سلطته ويحكم سيطرته علي الهم اليومي المعيشي في حياة المفكر المبدع الخلاق، لربما كان هو السبب في صياغة معظم خواطره أفكاره ومحاوره الأساسية حول هذا الشأن موضوع النقاش التي بذلت في هذا السجال الخلاق في تقديري الخاص علي كل حال. أثناء تفكيري المستمر في هذه الموضوعة التي تشغلني علي نحو خاص هذي الأيام وأنا اقلب صفحات كتابها وأجهها المتعددة والمقاربات والنماذج التي قام بطرحها د.بشري ومحاوريه الأساسيين والمعلقين طفأ فجأة علي سطح الذاكرة الكتاب او الكتيب الصغير في حجمه وعدد صفحاته، الكبير في قيمته الفكرية الخلاقة، الكتيب الشهير للمفكر بل المنظر السوداني المهم جداً (الشيخ محمد الشيخ) هو ذلك الكتاب الموسوم بـ ( "الإنسان والتحليل الفاعلى – تحليل الشخصية السودانية من خلال موسم الهجرة إلى الشمال وعرس الزين ") الذي تطورت فكرته فيما بعد وصار كتاباً بل نظرية كاملة نشرت في كتابه الموسوم بـ (" التحليل الفاعلى – نحو نظـرية حول الإنسان ") وفيما أري أن شخصية د.بشري في تلك المنابر التي تسيطر عليها بني الوعي السائدة، تمثل لي او تلعب دور شخصية "الزين " وفق نظرية التحليل الفاعلي" كما جاء في كتاب (التحليل الفاعلي..... الخ ) أي الشخصية الخلاقة التي تنتمي أستثناْءً أو طفرةً الي "بنية الوعي الخلاق" نتيجة ظروفها الذاتية التي اعتمدت علي علاقات تطورها الذاتي المستقل اي طورت نفسها بنفسها داخل منظومة بنية الوعي التناسلي ولكن بعيداً عن سيطرتها ، لكن ونسبة لعمل فاعليات بنية الوعي السائد أو بنية الوعي التناسلي الذي يعيش فيه والذي يتحدد قدر المرء فيه أعتماداً علي أنتمائه للكترة والغلبة او علي الصيغ الأجتماعية التناسلية التي تنطلق بدأً من الأسرة الممتدة وتتسع لتصبح عشيرة ثم قبيلة ثم قوم ....وهلمجرا، نجده هنا قد أنهزم واستسلم تماماً مثلما أنهزم "الزين " في رواية (عرس الزين) للطيب صالح وتنازل عن عوالمه الخلاقة في سبيل الأنسجام والتجانس والقبول وفق علاقات بنية الوعي التناسلي السائد وبقول آخر الكائن ( عشان يعرس) ويخلي الطرطشة والدروشه، متناسياً بذلك المقولة المركزية حول نظرية الأدب التي جاء ذكرها ايضاً في كتاب الشيخ محمد الشيخ (أن الأدب لا يحاكى ما هو كائن، بل ما قد يكون وفقاً لقانون الاحتمال .) التي جاءت لتنفي وتدحض نظرية أرسطو في الأدب المعروفة بـ (نظرية المحاكاة) ودعوني هنا أعمم مفهوم هذه المقولة الي أكبر نطاق ممكن ليشمل جميع اشكال التعبير الفكري الخلاق في كل مستويات تحققه وفي وسائل نشره وما الي ذلك بما في ذلك مواقع الأنترنت ومنابرها الحرة او مثلما قال الشيخ محمد الشيخ بجعلها أرضية فكرية تحتية يتجاوز فيها المبدع المفكر الخلاق الصيغ السائدة حالة كونه يشتغل في حقل تكويني خلاق وذاتي نعم هو معني بالضرورة بالأهتمام بحقول أخري لا تنفصل أجتماعياً من مجال ومن مهام حقله التكويني الذاتي مثل مهمة تقوية الذاكرة الجمعية التي تحمل في ثنايها معالم بني الوعي السائدة نفسها وليس من السهولة بما يمكن التحرر منها علي نحو نهائي وهذا هو بالتحديد ما تمت الأشارة اليه بجزئية ( وفقاً لقانون الأحتمال)، فمن كان يعمل في حقل بناه الذاتية الخلاقة في وسط مسيطر عليه أجتماعياً بكيفيات مختلفة عليه الأنتباه فهو لن يستطيع عبور حواجز الفاعلية الأجتماعية التي سوف تعمل عملها في صياغة وتشكيل افكاره وتحديد هوية نصوصه الأدبية بل تحديد حتي طريقة تناوله للمواضيع ورؤس الأفكار ...الخ..... وسوف لن ترضي عنك يا دكتور بني الوعي السائدة في المنابر "الحرة" لحم الرأس حتي تتبع ملتها. مودتي وليد يوسف

Quote: امين سلامات ياخي قلت بتحترم في ادارة فوراوول طريقتها دي ( قصة احترم فوراوول دي شايفها موضة اليومين ديل) طيب ياخي ما تحترم لي انا موقفي و ما تقولني كلام انا ما سويتو ؟ وين انا في البوست ده فشيت غبايني علي ادارة فوراوول ؟؟ و ويين مرقتهم اسوأ من يمشي علي اقدام؟؟ شفتني جبت سيرة بولا او نجاة او حتي شتمت الادارة كمجموع ؟ خليكـ امين يا امين

أخونا خدر سلام عليكم ، و كتر خيرك علي عدم شخصنه الموضوع ...
يا خدر أنا وضحت بحترم ناس فور أول في شنو تحديدا ، اللي هو في أل consistency حقتهم من أول يوم لحدي الليله ما غيرو طريقتهم و وضحت وجهه نظري في طريقه إدارتهم لمنبرم ، يعني إحترامي ده كان واضح إنو زي المدح بما يشبه الذم ، و ما افتكرت إنو الكلام ده بيروح عليك !
الشي التاني يا خدر ، كيف يعني ما فشيت غباينك في الناس ديل ؟ ياخي إنت جايب صوره حسن موسي شايل ليه جداده و بتألف ليك في غنيه تهجي بيها الراجل و طالع مداعي داير يساعدوك في تأليف الغنيه ، يبقي فش الغباين ده كيفنو ؟
بالنسبه لكلامك بتاع بولا و نجاة ، فعلا إنت ما جبت سيرتم ببطال ، إنت شتمت حسن موسي براو ، ما عارف ده بيفرق في شنو إذا كان مشكلتك معاو نابعه من طريقتو في المنبر ما في حاجه تانيه و الناس ديل شغالين ك "ون يونت " و عمرهم ما اختلفو في شي ، لكن فعلا كلامك صاح ، إنت تكلمت عن حسن موسي فقط ...
نقطه أخيره يا خدر ، الناس دي كلها هنا كان ما كانت متضامنه معاك ما كانت خشت هنا ، يعني كونو الناس ديل رفدوك من غير وجه حق فدي حقيقه بمفهونا نحن ‎- أنا و إنت ‎- و كل الناس الراشونال ، لكن ما حقيقه بمفهومهم هم ( و اللي ما غيروهو لحظه ) لانو أي زول إترفد من الفور أول إترفد من غير وجه حق ، عشان كده قلنا ليكم إنو دي غلطتكم إنتو البتمشو للناس ديل في منبرم و لمن يرفدكم بتستغربو

Quote: اللهم لا نسألك رد القضاء لكن اللطف فيه:

بالله السودان ده كان ما ابن ستين كلب ، زول زي الوليد ده يقعد يحلل في شخصيه و بنيه وعي دكتور بشري الفاضل ؟!!!

لوووووووووووووول@ سودان فوراول
بالجد اقرب النقاط الى الوطن..

لي زمن ما سمعتا لي مسقفاتية قاعدين يساقفو..

بالله لم تسلخو النملة
علقو لينا الجلد
السودان ضاع من شوية؟؟!!

Quote: *المهم ------------------------- *شكلك نسيتا قلنا النلحقا ليك...

ههههههههههههههههههههههههههههههههه





المهم

Quote: بالله السودان ده كان ما ابن ستين كلب ، زول زي الوليد ده يقعد يحلل في شخصيه و بنيه وعي دكتور بشري الفاضل ؟!!!

المميّز شنو فى "شخصية وبنية وعى دكتور بشرى الفاضل"؟

عشان نعرف:

نقول راينا فى "بشرى الفاضل" بى صراحة؟

ولاّ ما نقولو؟

احتمال يطلع كاتب للقرّاء الروس .... ولا مؤاخذة .... (زى ما كتب اعتذار لى زوجتو الروسية انو جابا السودان ... ولا مؤاخذة)






.... المهم .....

Quote: احتمال يطلع كاتب للقرّاء الروس .... ولا مؤاخذة .... (زى ما كتب اعتذار لى زوجتو الروسية انو جابا السودان ... ولا مؤاخذة)

العوارة تطير...








المهم

Quote: العوارة تطير...

دى إشارة لى "حكاية العوارة التى طارت عصافيرها ..." ولاّ شنو؟


طفابيع اندونيسى معدّل آخر زمن ....









... المهم .....

Quote: طفابيع اندونيسى معدّل آخر زمن ....

العوارة تطير .والنار تخلي الرماد














المهم

إنت ذاتك منو يا تبارك عشان تقول رأيك صراحّة ولّ بجاحّة في بشرى الفاضل؟؟؟
___
سؤال جادي يا تبارك..

الزول لمّا يجي " يناقد" - من نقْد، والفاعل جدادة- ليهو زول أو يقيِّمو، لا بد أنْ تتوفر لديه معرفة، إنتاج، قدرة، وما شاكل ذلك من ملكات "المنقود"..
___
You don't stand on a ground that qualifies you to criticize Dr. Bushra Elfadil..

Quote: واسع ماكتبته لك وجهة نظر يا تاخدها يا تبول فيها قشة ما تعتر ليك..انا ما شغالة في البلدية ولا كاتبة ممنوع البول يا حمار

اكيد يا دكتوره انتى ما عضوه فى سودان فور اول..
معقوله بس الاسلوب دا يا نجاة محمود

Quote: دكتورة نجاة سلام أول أمر: لو عندك معاى غباين في حتة تانية تعالى بي خشم الباب عديل, انا لم افعل اكثر من كتابة رأى, الناس يقبلوهو او يبولو فوقو ده يحصهم. تانى أمر: لو لقيت زمن و أولوياتى سمحت - لأنى ما متفرغ للأنترنت و قدر الزمن البلقاهو للانترنت عندى فيهو بالفعل اولويات تخصنى وحدى- احتمال ارد على تهجمك و عدوانيتك في كتابتك دى. سلام

عزيزي القارئ لاحظ ما تحته خط في بوست عصام جبرا

سلام يا خدر
وزماان لمن قلنا سودانيز يهزم الصوالين بتاعة المثقفين مليون صفر
دايرين يطلعونا من البلد دي وقالوا علينا (عوام حاقد)

ناس سودان فور اول دي فرزو عيشتهم وقالوا علي روحهم مثقفين وشنو كده ماعرف (جلسيا)
وحسن موسي كبيره بهناك خاتي راي واضح وما فاضح في الملجة بتاعتنا دي وشغاليين علي الراي ده بثبات ومبدئية منهم...
وده حقهم طبعا كما من حقنا هنا نمشي حاجتنا بدون ما نشتغل بحقهم الفطير الفووقي والمتعجرف ده ويبقي التحدي في قبول القاري
والفائدة البجيبها اي منبر لزائره...
.........................
ولكن النقطة والشي المحير يا خدر هو في الاخوة الاعضاء الجامعين (هنا وهناك)
كيف يستقيم العمل في منبر يصف كل عضوية هذا المكان بالرجرجة وحتي دكتورنا بشري الفاضل لم يسلم من القبقبة...
ولماذا تطفح للسطح مثل هذه الاشكالات ونصرة سودانيز عندما يرفد بعضهم من هناك
وكان وصف حسن موسي ومن لف لفه في منبرهم داك كان غائب عن الوعي بتاع المرافيد ساعة تواجدهم في منبر سودان فور اوول..!!
بمعني الجوووطة والكركبة دي وين من زمااان ما كلام حسن موسي في سودانيز ده قديم وراي معلن من زمن حفروا سودان فووراول

هل النصرة للذات ولا للمكان ده يا خدر او لاشاعة الحوار المفتوح
افتونا يا جماعة جهجتو باكتنا معاكم نحن ناس قريعتي راحت ديل

تباركـ سلامات
المميز في وعي بشري الفاضل هو وضوحو و شجاعتو و إنحيازو لي موقفو المطالب بعدم إقصاء الاخر و الملتزم بقضية
الديمقراطية و الانسان في منبر زي سودان للجميع ممكن يتم فيهو إقصاء اي مواطن منتسب ليهو و بشكل غير لائق
ولاسباب غير مرئية.
رغم اني مفروض أخجل اني انتقد تلميحاتكـ ضد بشري الفاضل لانو انا وقعت في منتصف الصفحة الاولي من البوست ده
في نفس خطاءكـ وإنجررت وراء غضبي و سعيت و لا ازال حثيثاَ بالعنف ضد حسن موسي لكن ياسيدي تلميحاتكـ و إقحامكـ
لحياة بشري الشخصية في البوست امر غير مقبول . ده ما دفاع عن بشري يا تباركـ , ده موقف حياتي, حسن موسي
ده زاتو قبل كده في البوست ده لقـاء , مضي نصف الزمن يجب ان نتحدث
دخل و كتب لي

كان بإمكاني اني ارد بعنف مستهدفا اسرتو , لكني لم افعل إحترامي لذاتي اولا و إحتراما لاسرتو الي ماعندها ذنب اصلا.


كنت اتوقع منكـ ان تأتي بالقصيدة التي كتبها بشري لزوجتو و من ثم تنتقد موقفو فيها او تنتقد القصيدة نفسها
لكن التلميح بالطريقة دي ( بإفتراض انو كثيرين عارفنها) حا يفتح باب للتأويلات في منبر عام و مقروء زي سودانيزاولاين.

هو بالله يا خدر ال في الصورة دا ياهو حسن موسى
بشبه لي زول بلعب في الـ لوس انجلوس ليكرز بس ما عارفو منو ..

____
تبارك دا مجنون
وفي ذمتكم يا جماعة
المجنون دا الا يقول ....... المهم

النصرة يا كيكي مع الحوار المفتوح ضدنا او معانا
و البيان بالعمل فوق في رسالة الجزولي


عذرا لتأخر الرد مع المشغوليات

Quote: مسئوليتك تورى انك بعد كل ما دار من قبل النمل - مشكلة عادل و انور و بله و اسامه و أيمن الخ - الى لحظتنا دى انو ده كلو هل قريتو بي عين و عقل مفتوحات مش بس على "أخطاء" و مشاكل و ازمات الطرف الآخر بل ايضآ على "أخطاء" و مشاكل و ازمات الطرف الانت فيهو , و ده البيعمل الفرق بين السكون و الحركة, و أصلآ الطرفين - اذا قبلنا التقسيم ده اساسآ لانو هم مش كومين يمكن تحديدهم بالدقة دى, بل داخل كل القصة دى في اطراف متعددة جدآ و متنوعة مهم الواحد يقدر يشوفا كلها - اذا سمينا الموضوع ازمة هم شركاء و مساهمين فيها مع اختلاف مستويات و نوع المسئولية و المساهمة.

ياعصام جبر الله

مشكلة عادل وبلة وانور و أسامة وأيمن وانت نفسك رغم استثناءك لسيادتكم من اللستة دى مامسئولية خدر..
دى مسئولية كل واحد فى المذكورين أعلاه وقد تفاعل معها كل بطريقته..
فأنا شخصيا لم أتحدث عن مشكتى فى هذا المنبر لأن الفعل الذى أنتج مشكلتى مع سودان (للجميع) لا ينفصل عن الفعل الذى أنتج مشكلة محمد أحمد مع الصفوة فى السودان..
أما مداخلتى والتى ربما أوحت لك بالإقتباس أعلاه ليست عرضحال لخدر أو جحافل اليسار (الديمقراطى) ليحللها ويحلها لنا أو يجعلها ضمن مسئولياته وأولوياته..
هى كانت خميرة لتحريك الموضوع ودعوة لكل أطرافه هنا لمناقشته بتجرد بعد أن يحكى كل منهم واقعته بأمانة ..
ربما نطلع بنتيجة توقف التباكى والتشاكى أو تبصر من يريد أن يلتحق بذاك المنبر أو قد يتضح أن إدارة For-all محقة..

أما حكاية الكيمان دى صحيحة تماما إلا عندك, وهى كومين:
1/أعضاء مطرودين بسبب مخالفتهم تعليمات الإدارة.
2/إدارة سودانفوراول.

أما سيادتك عايز تقول المطرودين خشم بيوت..
ناس يسلخون جلد النملة الديمقراطية بدقة ومهارات فكرية وثقافية متناهية بحيث يميزون بين جلدها ودهنها ولحمها..
وناس رواعية لا فكر لهم ولاثقافة ومتخبطين ومونساتية..
وناس يختلفون مع خط فوراول الفكرى ووجودهم هو الخطأ لافصلهم..
وفى كل هذه الكيمان يجب إبراز صورتكم كيسار (ديمقراطى) كيف يجدر بيسار (ديمقراطى) آخر ليس فقط الإختلاف معكم بل وطردكم..

وفى كل هذا تتناسون فعايل اليسار باليسار كما يفعل الآن اليمين باليمين.

الخلاصة أنا كمسئول عن مداخلتى الأولى والثانية يمكن أن أقول تداخلى دافعه فقط صاحب البوست دون تحميله أى عنت مسئولية ولو أردت ذلك فخير من تحمل مسئولية الدفاع عنى فى فوراول هو عادل عبد العاطى..

أما نصيحتى لخدر ألا يغنى ماعزم عليه فيكفيه هوجة (الشريف مبسوط منى )ومابعدها وماجرته على (المطربات) من خزى.

يا خدر .. لا علاقة بين ما تزمع القيام به و بين الشريف مبسوط مني؛
تجربتك ستكون أقرب لقصيدة كلب الست و هجائيات نجم و الشيخ إمام.

بله يا فنان
انا متفهم تماما لوجهة نظركـ و منتبه لحرصكـ علي في أن لا انجرف وراء حماقات حسن موسي
اما فيما يخص طريقة الادارة في فوراوول فقد قلت في اول بوستي اني ذاهد في نقاشها , وفقا
لقناعتي و لانو الموضوع اصلا قُتل تحليلا في حالات سابقة مشابهة لحالتي . البيناتنا اكبر من
انو اشكركـ علي حِرصكـ علي و انت عارف.



ملاسي
اتفق معاكـ ان الاغنية ليست بمستوي (السيد الشريف) وستأخذ حظها من النشر داخل و خارج منابر الحوارات
سيتبادلها طلبةالجامعات و سيحكون بها لاسرهم و معارفهم ولا تسبعد ان تعلق كلمة (كوم برا) بأذن
إحدي الجارات و تستخدمها مخاطبة بها جارتها في معرض قطيعة في احدهم/ن (سيد الدكان - ست السندوق*) ,
ستتسلل ايضا الاغنية الي إتحاد الكُتاب في ام بي 3 لاحد الاصدقاء و سيستمع لها الجميع خاصه انو القصيدة
معنونه لحسن موسي سيطرب بعضهم و سيتململ البعض الاخر رافضا و ستندهش طائفة اخري ان الصراع انتقل
الي مربع الهجائيات .
ولربما دفعت بي الاغنية رغما عن أنفي الي اسواق الكاست التي لم اسّع لها قبلا و قد تصل بريدي مئات
الايميلات تتضمن قوائم لاشخاص يطلب إعدائهم مني الفتك بهم في هجائيات مكّربة بدأَ باوكامبو
مروراَ بجمال الوالي و صلاح ادريس و حتي المشوكشون في الارض أصحاب الثأرات من الحبيبات.


اواصل




*المرأة القائمة علي امر الصندوق ( شكل معروف من أشكال الإدخار و التدبير المالي)

Quote: تتسلل ايضا الاغنية الي إتحاد الكُتاب في ام بي 3 لاحد الاصدقاء و سيستمع لها الجميع خاصه انو القصيدة معنونه لحسن موسي سيطرب بعضهم و سيتململ البعض الاخر رافضا و ستندهش طائفة اخري ان الصراع انتقل الي مربع الهجائيات .

سيطرب جميعهم .. إلا أن بعضهم ربما يدعي التململ.

خدر اخوى ...

Quote: كنت اتوقع منكـ ان تأتي بالقصيدة التي كتبها بشري لزوجتو و من ثم تنتقد موقفو فيها او تنتقد القصيدة نفسها لكن التلميح بالطريقة دي ( بإفتراض انو كثيرين عارفنها) حا يفتح باب للتأويلات في منبر عام و مقروء زي سودانيزاولاين.

ما قصيدة ...

انا كنت بتكلم عن "إهداء" كتبو فى بداية "حكاية البنت التى طارت عصافيرها" ....

المدة طالت (اتخيّل لى سنة 88) ما بتذكّر نص الإهداء بالضبط ... لاكين ما معناهو "انا بهدى الكتاب دا لى مرتى الروسية، عشان خلّت بلدا المحترم، وجات عاشت معاى فى بلدى التافه" .... أو دا كان فهمى للإهداء .... والله أعلم

ورغم انو الإهداء طمّم بطنى، قريت الكتاب، وما لقيت فيهو غير تنظير شيوعى للفهم المشوّه للماركسية مختوت فى قالب بتاع تبديل مباشر وممجوج للشخوص والأسماء والأماكن والأحداث .... على أساس انو دى رمزية .... وفى رايى (كيتاً على ياسر طيفور) انو دى ما رمزية ... دى حفلة تنكّرية ....

مواقف بشرى الفاضل (على حسب معرفتى المحدودة بالرجل) أقلاّها انها مواقف أمينة وما مفتعلة ....
صعب انو تنسب عيب لى زول زى بشرى الفاضل عموماً (باستثناء غلطة الإهداء الفظيعة دييييييك) لاكين دايماً فى عيوب فى الأرضية الفكرية الهو قاعد يتحرّك منها ..... وكاتب محترم وشفاف زى بشرى الفاضل .... دايماً قاعد يفضح ركاكة الأرضية الفكرية دى بدون ما يقصد (باعتبار انو هو قاعد يقصد تزكية ونشر الأرضية الفكرية إياها) .....

عموماً، أدب ورواية بشرى الفاضل ما موضوع البوست دا، وأنا ما بتوقّع انو يكون موقفو مؤيّد لى إقصائية سودانفوراول .....

بس غازنى الداير يطلّعو لينا نبى فى نص الموضوع دا .....

إذا كان ياسر طيفور بيتكلّم فى تبارك شيخ الدين ..... البيعصم بشرى الفاضل شنو؟

(مش كلنا بنلبس كرفتات ... وجدنا الشيخ خوجلى ... وكدة)







.. المهم .....

Quote: مواقف بشرى الفاضل (على حسب معرفتى المحدودة بالرجل) أقلاّها انها مواقف أمينة وما مفتعلة .... صعب انو تنسب عيب لى زول زى بشرى الفاضل عموماً (باستثناء غلطة الإهداء الفظيعة دييييييك) لاكين دايماً فى عيوب فى الأرضية الفكرية الهو قاعد يتحرّك منها ..... وكاتب محترم وشفاف زى بشرى الفاضل .... دايماً قاعد يفضح ركاكة الأرضية الفكرية دى بدون ما يقصد (باعتبار انو هو قاعد يقصد تزكية ونشر الأرضية الفكرية إياها) .....

Quote: بس غازنى الداير يطلّعو لينا نبى فى نص الموضوع دا .....

Quote: إذا كان ياسر طيفور بيتكلّم فى تبارك شيخ الدين ..... البيعصم بشرى الفاضل شنو؟

كده يا تباركـ فضل لينا سؤ تفاهم اخير حقو نحسمو
انت جدكـ خوجلي وانا جدي الجعلي
القصة دي كيف ؟











المهم شلتها انا دا المرة دي

Quote: كده يا تباركـ فضل لينا سؤ تفاهم اخير حقو نحسمو انت جدكـ خوجلي وانا جدي الجعلي القصة دي كيف ؟

لاكين الجعلى بعرف يربط ببيونة؟







... المهم ....

يا طارق يا صديق...

أى زول يستخدم الفن لايذاء الآخرين أو النيل من خصومه الشخصيين عبر موهبة حباها له الله لا أظنه فنانا
الفنان انسان فى المقام الأول يمتاز عن الآخرين برجاحة جانب الخير والجمال عن الشر والقبح ..
يمتاز بأنه يجيد استخدام وتوظيف أدواته جيدا بعيدا عن استغلالها فى السخرية واذلال الآخرين ..
حارب بما شئت ان كنت خائضا لحرب ما ..لا أرغب فى الخوض فى غمارها , لكن اياك أن تلوث فنك وتاريخه بهذا العبث فهو ليس ملكك وحدك
للفن قدسيته ومكانته السامية بعيدا عن التصفيات الشخصية
حتما أنت تدرك ذلك جيدا وربما قد أكون تعلمته منك أو أحد الأصدقاء ...

وليتك ترمى ما حدث وراء ظهرك يا صديقى , فلا شىء يستحق...

وكن بخير

> السلام عليكم
........
....
خدر يا خوي ما سألناكم سؤال جادي في البوست الثاني وما جاوبت
اها نسأل باقي الناس العندهم علاقة بسودان فور أول
.....
سودان فور أول عندهم كودات أغاني؟
لو ما عندهم ... (والحقيقة أنني لم ألاحظ وجود مادة مسموعة في المنبر)
في زول عارف ليه ؟
فيكم واحد مثلاً استفسر من إدارة سودان فور اول؟
يعني هل السبب هو تقليل للنفقات المادية التي سيزيدها تضمين خاصية الملتيميديا في المنبر؟
أو أسباب تقنية مثل الأخ بكري الذي يعتقد أن كودات الأغاني تمثل منفذاً للهكر؟
أو أسباب أخرى كأن يُعتَقد أن إنزال الأغاني مثلاً في المنبر الديمقراطي سيقلل من وقاره مع إن اسم الموقع الرسمي هو (الجمعية السودانية للدراسات والبحوث في الآداب والفنون والعلوم الإنسانية)
.......
يا جماعة والله السؤال بريء ولا يوجد وراءه أي شيء غير محاولة فهم عقلية أدارة منبر سودان فور أول.
وسبب إقحام السؤال هنا ...أن هنالك عضوية كبيرة من المنبر المذكور (أو كانوا كذلك) يشاركون في هذا البوست حيث يمكنهم أن يفيدوني
والثاني أنني وبرغم اطلاعي على المنبر المذكور في أحايين متفرقة لم ألحظ مادة مسموعة يتم نشرها من خلال المنبر.

............

عجبني ليك يا طارق........

Quote: وصلتني رسالة الصديق حسن الجزولي اعلاه في الايميل و انا بدوري سألتقط القفاز الذي القاه بشري الفاضل في وجه عضوية سودان فور اوول و ادعو هنا بدروي عضوية سودانيزاولاين و علي وجه الخصوص (عصام جبرالله , محسن خالد, طلعت الطيب , قاسم محمد صالح,ابراهيم علي ابراهيم,متوكل توم و حسن الجزولي نفسه صاحب المبادرة) للحوار حولها , لان الورقة شملت نقطة جوهرية في تقديري , محاربة اللؤم بالتسامح في المنتديات السودانية و خارجها. الي اي مدي ده ايجابي و الي اي مدي هو خصم علي إنسانيتنا و حقنا في الحياة بكرامة (حسن موسي نموذجا) ؟.

الاخ الفاضل (خدر)
تحية طيبة
تقديرى لمناشدتكم لى واخرين بالمشاركة فى الحوار الدائر حول ادراة سودان للجميع ، وحقيقة لا استطيع ان اقدم رأيا وانا مطمئن حول هذا الموضوع نظرا لعدم المتابعة الدقيقة لما يحدث .
انا قارىء نهم لما يكتب هنا وما يكتب فى سودان للجميع ولكن يعوزنى الوقت لمتابعة كل شىء ،
تابعت الحوار فى البوست المشار اليه بين الاستاذين حسن موسى وبشرى الفاضل ووجدت نفسى اميل لوجة نظر بشرى فى الموضوع .
اقرأ للاستاذ حسن موسى احيانا وله كتابات جيدة ايضا حيث اجد نفسى مضطر لقراءتها كلها برغم ضيق الوقت واعجب جدا باسلوبه الساخر فى الكتابة لكن هذا لا يمنع من الاقرار بامكانية وجود تجاوزات فى حق اخرين واهمية مراجعة ادراة فور اول لسياساتها وتعاملها مع العضوية لان هناك ثمن يجب ان يدفع مهما كانت الهواجس وذلك حتى يكون منبر سودان للجميع بيتا مريحا للجميع.
هناك مشكلة عامة يا طارق تتعلق بموقفنا من النقد فاذا كنا نعتبر انفسنا امتدادا لتراث صوفى عريق فيجب ان ننتبه لضعف هذا التراث قبل ان نعتز به ، لان اعتزازنا به بعد نقده يعزز من ذلك الشعور بالانتماء. التراث الصوفى فى السودان يجمع شيئين على طرفى نقيض وهما التواضع من ناحية واليقين من ناحية ثانية . فى تقديرى انه تواضع غير حقيقى كسته بعد ذلك بعض افكار الحداثة بمدارسها المختلفة والممتلئة باليقين هى الاخرى فاصبحنا غير متواضعين (طبعا وتطبعا).
وهم امتلاك الراى السديد دائما وعدم التواضع فى النقد هو الذى يورث العنف اللفظى وتجاوز حقوق الاخرين
حينما كنا طلابا فى الجامعة على نهاية السبعينات وبداية الثمانينات كنا نسخر من مرشحى الاتجاه الاسلامى من حيث المظهر(البدلة والكرافتة خاصة لابناء القطاع التقليدى ) والخطاب اليقينى القاطع (اصلب العناصر وخير من استأجرت يا ابتى القوى الامين الخ)
وقد كانت سخرية الاخ دالى من امين بنانى ابن القطاع التقليدى بامتياز من هذا المظهر سبب فى الاعتداء عليه من قبل عدد من منتسبى الاتجاه الاسلامى!!!
كنا نعلم عدم الصدق عند منتسبى الاتجاه الاسلامى ولكن كان ثلث الطالبات والطلبة يصوتون لهم ! مما يمكنهم من الفوز والانفراد بكراسى الاتحاد بفضل دستور الحر المباشر حينما قاموا بفرضه بعد تزييف ارادة الطلبه فى بداية السبعينات حتى يمكنهم من ذلك .!!
لكن الحقيقة المريرة هى ان انعدام التواضع كان ملازما لليسار بشكل عام من خلال خطابه الذى لا يخلو من يقين هو الاخر رغم (تواضع المظهر) ، فاليسار هو الوريث للتراث الصوفى على ما يبدو !!
اعتقد انه حان الوقت للتخلص من اليقين من خلال اعادة فحص القناعات على خلفية ما حدث فى هذا العالم وما يحدث مع نهاية الالفية
وهو خطاب عاجل موجه الى الجميع دون فرز اذا اردنا تهيئة انفسنا لنكون البديل للحركة الاسلاموية السودانية والتى استنزفت خيرات البلد وكثيرا

Quote: لكن انت برضو لسه ما جاوبت علي سؤالي منو القال ليكـ انو انا حردت منبر الصفوة ؟ (انت بتقراء مداخلة و تفط مداخلة ولا شنو ؟ )

تحياتى ياطارق,
وآسف لتأخر الرد

الطريقة التى طرحت بها قضيتك مع سودان فوراول جعلت الأمر يبدو كذلك بالنسبة لى,
هذه القضية اكبر من مجرد سحب كلمة مرورك, قضية تتعلق بحرية التعبير
والحق فى ابدأ الرأى دون التعرض لعقوبات منجزة ومنجورة لتحيق الاذى وتبعد المخالفين وغير المرغوب فى سماع اصواتهم,
كما ان هذا الامر حدث من قبل لآخرين وبطريقة مشابهة مما يوضح بشكل جلى الطريقة التى تتعامل بها ادارة سودان فور اول,
مايحزن ان ادارة منتدى الصفوة قد صمت اسماعنا بحديث وصراخ متواصل عن حرية التعبير والكتابة والرأى وتمارس فى ذات الوقت دكتاتورية فجة ولاتحترم الرأى المخالف ..

اى تغيير ينتظر الوطن اذا كان بعض مثقفيه يفتقدون للسلوك الديمقراطى واحترام حقوق الآخرين ..??!!

Quote: أى زول يستخدم الفن لايذاء الآخرين أو النيل من خصومه الشخصيين عبر موهبة حباها له الله لا أظنه فنانا

لا بل فنان .. لا يمكن نكران أن حسن موسى فنان و في الفنانين فنان.

عقدة السياسة السودانية ستحل حين تواجه طبقته المثقفه بؤس ديكتاتوريتها..

Quote: الفنان انسان فى المقام الأول يمتاز عن الآخرين برجاحة جانب الخير والجمال عن الشر والقبح ..

والله نحن قرينا فى كلية الفنون (ولامؤاخذة) .... الكلام دا ما أدونا ليهو ....



يا اللخو انت جبت الكلام دا من وين؟






... المهم ... ...

Quote: والله نحن قرينا فى كلية الفنون (ولامؤاخذة) .... الكلام دا ما أدونا ليهو ....

الأخت الشاعرة روزمين بتتكلم عن الموهبة...ما القراية...









____
أو شئ على هذه الشاكلة...


المهم...

العزيز طارق

سلامات ..
والبركة في العافية ونداوة الصوت

وحتى لايجيبوهو ليك : أخوك شمتان!
والنعمنو حدثتك بضرورة أن تصك الباب بقوة وتخرج، ولا تجعل لأحد
اللئام سانحة أن يعلن من خلف ظهرك: أن أوقفنا حسابك..!
ومنذ فجر بوست النمل "الصاعق" فقد سقطت ورقة التوت، ولا ساتر إلا الله ..
فما بال القوم هناك "يكضبون" الشينة، حتى تقع فوق رأس الواحد بشكل
مخصوص فيدرك ساعتهاأن لا عاقل يرقد بأمان وسط المقابر ..

أنا مشغول الآن .. سأكتب لاحقا
بس أوصيك ما تسمع كلام الضلالي عصام جبر الله ..
وبعدين القصيدة واصل فيها.. بنجادعك بالفيها النصيب


أرقد عافية

سيف اليزل

.

.


قال:
(( .. وبهذا قررنا في إدارة الموقع شطب هذا البوست المسئ غاية الإساءة))

عارف قرب يقول ليك :
( وبهذا قررنا في إدارة الموقع شطب هذا البوست المسئ غاية الشطب)


جاييك تاني ..

سيف اليزل

.

ظللت اعتقد ان عضوية موقع الصفوة تتوفر على حصافة كافية
لإدراك المدى الذى يمكن ان تذهب اليه ادارتهم فى هضم حقوقهم
ومعاملتهم بدكتاتورية , إن لم ينصاعوا..

"أخوك كان حلقو ليهو بل راسك"

والحلاقة حاصلة ومدورة ليها زمن..

مكرر !!

منقول من قديم الاسافير

Quote: العمل مقتبس من اللوحة الشهيرة The Monkey Painter للفنان الفرنسى الكسندر غابريال و الذى رسم هذة اللوحة فى عام 1833 ميلادى، و اللوحة معروضة حاليا فى احد اروقة اللوفر الفرنسى الوجه المبتسم فى العمل يمثل حسن موسى، شخصية سوادنية ممن يعتقدون انهم من اصحاب الدم الازرق و هنا تم الترميز الى الدم الازرق بالذيل الذى يميل لونه الى الازرق، و نراه جالسا متقرفصا فى الارض يدعى البساطة و الحداثة، بالرغم من افكاره التقليدية، حيث انه يجلس و تحيط به اسلحة الحرب و القتل ، و لا يشعر بادنى حرج من تعليقها على حائط كرمز افتخار ، بل و يبتسم دون اكتراث بالنتائج التى احدثتها و لا تزال تحدثه ا هذة الاسلحة ، كتفكير طبيعى لاصحاب الدم الازرق الذين يترفعون عن مشاركة البسطاء و عامة الشعب همومهم و تظهر فى اللوحة صورة امرأه فى وضع الركوع ، تحت شعار يمثل موطن حسن الاصلى (السودان)، و غالب الظن ان المرأه من نفس الوطن، و راغبة بشدة فى ان تكون من النخبة الصفوية، و هنا نرى فكرة تقليدية آخرى، حيث ان شخصية القرد بصفة عامة شخصية همجية، لا تعرف معنى للترتيب او العمل المشترك، فنجد ان القرد هنا اختار وضع امرأه فى الخلفية، و لم يضع (قردة) من نفس فصيلته، راغبا فى تثبيت مبداء (وراء كل قرد عظيم امرأه)، و يقوم القرد باستغلال هذة المرأه من خلال باب حبها للوطن و حبها للفن، حيث ان القرد يقول بانه فنان صفوى من وطن مقهور فنجد ان المرأه سلمت له نفسها فى خضوع واضح (راكعه) امام رمز يشكل خارطة الوطن اعطى هو فكرته و قامت هى بتنفيذه و تعمل على تنظيفه و تلميعه و تقديمه للناس باسمه هو و فصيلته. اللون الداكن هو الغالب فى هذا العمل، ما عدا لون رمز الوطن حيث فيه الوان مختلفه لكى يوهم الناظر اليه بانه مختلف عن واقع اللوحة العام، رغم بهتان هذة الالوان و عدم قوتها، الا ان الناظر ينخدع بسهولة لهذة الفكرة اسم هذة اللوحة The Blue Tail Monkey

Quote: أها يا صفوة ، بعد كدا لو فيكم زول داير يعمل ليهو" بليلة" بطريقتو لكن أنا تاني الخيط دا ما راجع ليهو. حسن موسى

أها، والصفوة ديل يشدوا بليلتهم متين يا دكتور؟
جاء في الكوشرثيا السودانية (البلاء بكافوهوا بالبليلة).
وهناك من يُحَرِّفها، معتقداً أنَّها (البلاء بلافوهوا بالبليلة).
بأي حال الفعل (بكافوهو) هو عينه الفعل (بلافوهو) من ناحية الاستخدام التعبيري فقط، في اللغة الدارجة، فالبليلة تكافي أو تساوي من ناحية التناظر البلاء، أي: الداير ما يقع بلاء، يشد بليلة.
والخلاصة أنَّ الأهالي -وليس الصفوة- يشدون البليلة (قبل) وقوع البلاء لأجل تلافيه.
أمَّا البلاء الذي يقع من إدارة قبيلة الفورلاب فهو بلاء لا تُجدي معه البلايل، كان "عيش ريف" كان "عدسي" كان "كبقبيق" كان "عيوش بجميع أنواعها من الفريك والحميسي والفيتريتة ومايو وأب سبعين..إلخ" وألا "قمح".
راق لي أن يعيد مازن كلاماً يشبه ما قلتُه لهذه الإدارة سابقاً، من إنو موضوع الديموقراطية لا يصلح كموضوعة نقاش بصدد منبر تمتلكه جمعية، لو الصفوة ديل دايرين ديموقراطية، يمرقوا قروشن ويعملوا منبر حقهم براهم ومن حر مالهم لكي تنتخب إدارته انتخاباً، ما زلتُ أثمّن موقف سودانيات في ابتكارها لإدارة منفصلة عن مالك الموقع.
بس العجيبة، أنَّ الصفوة بعبارة الدكتور الخاتمة هذه افرنقعوا، وكل زول شاف أشغالو، لوووول، صفوة الياباني، دي يا دكتور "صفوة" وألا "دكوة" تأكلها متى تشاء!؟
ومع ذلك يؤلمني والله، والقلب شاهد، عندما أقرأ عبارةً لئيمة في حقك مثل هذه:

Quote: يا خدر .. لا علاقة بين ما تزمع القيام به و بين الشريف مبسوط مني؛ تجربتك ستكون أقرب لقصيدة كلب الست و هجائيات نجم و الشيخ إمام. ملاسي

إذ لا يعجزني أن أفهم، ما يرمي إليه هذا العجيب، من أنَّك الكلب المقصود، وأن الست صاحبته هي نجاة، التي توشِّه بمعنى تحرضه على من تشاء.
التوقيع:

Quote: وسنعمل كل ما في وسعنا لحمايتها من الإدعياء المستعجلين و المخربين والمثبطين و الثرثارين و المحبطين و الحجامين المتكلمين في الثورة و الحيارى و السكارى و المتمجمجين اليتامى في شعاب الأسافير. حسن موسى

واحد من السكارى

Quote: إذ لا يعجزني أن أفهم، ما يرمي إليه هذا العجيب، من أنَّك الكلب المقصود، وأن الست صاحبته هي نجاة، التي توشِّه بمعنى تحرضه على من تشاء.

الجهل مصيبة.

هنيئا لك يا خدوري

Quote: ارجو ان لا يحدث في بوستي هذا اي شتم ضد إدارة فوراوول كأفراد .انا مع نقد السياسات و ضد شتم الافراد

هذا تعليق يصعب الالتزام به في ظل الازمة الاقتصادية الحالية

Quote: حَيلاَ خّف و عرقاَ جَف

سؤال يا خدر
ومعليش لأنو ما عندي كلام في أصل الموضوع

عرقاً دي بكسر العين ولا بالسكون ؟

عوافي

قال! الغمام يهدي السؤال للجدب، والجدب يعيدك نفس السؤال، قال.
إنتو يا ملاسي وكتين الشتائم الجنس دي، كعبة، وما بتقدروا عليها، بتسووها ليشنو!؟
خليني أذكَّرك بالرياضيات يا باش مهندس، بتذكّر (إخراج القيمة سين خارج القوس؟).
تُخرج القيمة سين خارج مجموع القيم الأخرى، لكي تتم معالجة "المنطقية" الرياضية بما يفك ناتج قيمها، عبر (العامل المشترك).
قصيدة (كلب الست)، والست المذكورة هي الفنّانة أم كلثوم التي عضَّ كلبُها أحدَ الغُبش المصريين فوجدها نجم فرصة ليكيل للبرجوازية من التقيل.
السؤال هو، أنت ذكرت {و هجائيات نجم و الشيخ إمام.}.
إذن هجائيات نجم ذُكرت في تمامها، وكاملة غير منقوصة، وجملتك في تمامها هكذا:
{لقصيدة كلب الست و هجائيات نجم و الشيخ إمام.}.
كلب الست دي مش قصيدة حقة نجم؟ ومن ضمن هجائياته على حد تعبير جملتك!؟ ليشنو أخرجت قيمتها سين خارج مجموع القيم "هجائيات نجم"!؟
فرفرة no way
بعدين يا ملاسي، إنت اللولوة في شنو، الفكرة بتاعة إنو حسن موسى يتبع أذيال نجاة دي، إنت قلتها قبل كدا بعشرات الطرق والتعابير، يعني ما جديد فيها هسع إلا (الكلاب)، تحب أزنقك بالاقتباسات، عشان نشوف العامل المشترك شنو بين قيمة (قصيدة كلب الست) وفرزك لها تقديماً على هجائيات نجم ومن دونها جميعاً، وبين قيم أقوالك السابقة عن ذات الفكرة!؟