مذكرة كِرام المواطنيين

بيان شجب و استنكار من مجموعة صحفيين و كتاب و مبدعين بموقع سودانيز أون لاين

اخطاء بيان الصحفيين و المبدعين و اصاب تمبس

ذكرتني مذكرة المبدعين و الكتاب و الصحفيين بمذكرة حزب الشعب , الشهيرة بمذكرة كرام المواطنيين ليس في جوهر موضوعها كدعم
للمجلس العسكري آنذاكـ و كرد علي مذكرة تحالف المعارضة , لكن في تسميتها التي اسست لفكرة مواطنين كرام و آخرين غير كرام.
اولا اشكر القائمين علي امر المذكرة علي مبادرتهم من حيث المبداء
ثانيا اجدني مختلف مع المذكرة اعلاة , فهي في جوهرها دعوة للتضامن ضد الهاكرز و دي قيمة جيدة لكنها تكتفي فقط بالشجب
ولا تخطو نحو حلول عملية.
- كان من الاجدي في تقديري اصدار مسودة او مشروع ميثاق تعاون ضد الهاكرز او مشروع ميثاق تنقية اجواء الإحتقانات و الخلافات
بين المواقع السودانية توقع عليه إدارات تلكـ المواقع , و يكون لقبيلة المبدعين و الصحافيين شرف المبادرة .
- المذكرة و بالطريقة التي تم الدفع بها الي المنبر تعطي أبينا ام رضينا انطباعا بأن المبدعين الواردة اسمائهم هم فقط الحادبين و في ذلكـ
إغفال غير جدير بتلكـ النُخبة لادوار اخرين ناشطين رابضوا بالمنبر و دعموه و خلقو به قاعدة و جمهور يقراء لهم و يحتفي بما يكتبون
امثال الكثيرين ممن حوتهم قائمة (الباقيين) , إلا اذا كان المبدعين و الصحفيين يرون ان اشكال الدعم يجب ان تكون في شكل حِزم مهنية كالتالي
مذكرة المبدعين و الصحفيين / مذكرة مطورين الكمبيوتر و اصدقائهم / مذكرة البلوقرجية / مذكرة المهندسين و الاطباء / مذكرة
ناشطي العمل العام .. الخ الخ
طيب القوي الحديثة تيرم جامع لكل تلكـ الحِزم , هذا طبعا قبل ان يتم تسخير و ترويض علوم الاتصال , الان في ظني ان كل من يتعامل
مع الانترنت يقع تحت بند القوي الحديثة , إذن لم الحوجة لفرز الكيمان ؟
- المبدعين من اوجب واجباتهم او دعوني اقول طبيعتهم اختراق الساكن و تحويله الي افكار او حلول لقضايا عصية , و ما قرأناه في المذكرة
لا يذهب ابعد من شجب و إدانة !!
لكل ما سبق اجد نفسي لا اتفق مع المذكرة رغما عن معرفتي و ثقتي في كثيرين من موقعيها .

لعل المقصود كرام الحادبين .. و لكن لا يهم

استهجن خلو قائمة المبدعين من القامة الادبية الاستاذ / اسامة الخواض قدس الله سره


ـــــــــ
كامل تضامني اللا محدود مع المتبوع من قطا النستلوجيا

يا حسين
الله يجازي مِحنكـ .. انا ماقاصد الفي بالكـ والله







اساسي الاساسي
اغفال اسم اسامة الخواض لا اعتقد انه تم بتدبير او عن عمد
و وجود اسمه و توقيعه او عدم وجوده لا ينفي عنه صفة الابداع
ولا اعتقد ايضا ان البيان تم بتنسيق يعمد الي اقصاء او فرز بعض المبدعين
المذكرة في تقديري اتت عن نيه صادقة في التضامن لكنها كانت عجوله كثيراَ .
بعدين انت ماشي لي اسامة الخواض و ناسي روحكـ ليه ؟؟
انت احد اصحاب الوجعة و من مؤسسين المنبر و اسمكـ كان يجب ان يكون في القائمة ايضا

اساسى ازيك
بركة الهكر الجابك لينا

اماني نضميك مو سمح آآآآآخدر

Quote: اخطاء بيان الصحفيين و المبدعين و اصاب تمبس

لكن بيني وبينكـ
هسي يعني لميتنا كدا بي صمتنا في شخصية تمبس؟

Quote: لكن بيني وبينكـ

والايام..وقصة حب نبيلة .....





خدر مشتاقييييييييييييييييين.

يا طارق سلامات و مشتاقين
والشوق قمر دورين
طلب خاص بحجم احساسك الجوه
رجااااااء لا تكبر دائرة الخلاف وتضيق دائرة الحوار
بنحاول نلمها يا الحنين
فهلا استجبت ؟؟
تحياتى وودى
اسماء الجنيد/ مسقط

مجدي
يسألني الله نحن برضو مشتاقين
لكن ياخي شيل صورة سيد السمكـ من بروفايلكـ
بتخلعنا ياخ


سومة سلامات
وين الخلاف و وين الاتفاق ؟
انا ما بكبر حاجة علي العكس انا بنتقد في مذكرة بعتقد انها ناقصه وفق تصوري
و في تقديري برضو انو انتقاد المذكرة في ذاتو فعل ايجابي لتطوير الكثير من المذكرات القادمة
و ليس بالضرورة هدم لها او توسيع لشقة الخلاف
كلامكـ ده يمكن ان يُفسر في انو المذكرة طوطم لا يجب المساس به و ده ما صحيح
فكرة المذكرة جميلة و احتجاج الناس عليها سيقود بالقطع الي تطوير المبادرات القادمة نصا و روحا
ولا شنو يا سِتنا ؟
ما تقلقي ساي و المَحنة الفيكـ كلنا حريصين عليها و ما بتجيها ولا بتجينا عوجة

ود جبرين
كلامي والله بقولوا عشان الناس يصححوني
و اهو الواحد بتعلم لحدي ما يدخل قبرو
رميت ليكـ السلام و الشوق بي هناكـ
اظنكـ رافع القزاز بعد رمضان و العيد




الصائم
عصرت عليكم شديد قلت لي
ابدا تخيل , بس لانو تمبس اعتراضاتو بالنسبة لي كانت موضوعية
وده حقو انو نثمن موقفو رغم انو بيني و بينكـ جاتو صااااااااااااقطة
لكن معليش بنقلعها منو باكر في شكلة تانية

Quote: فكرة المذكرة جميلة و احتجاج الناس عليها سيقود بالقطع الي تطوير المبادرات القادمة نصا و روحا

بسسسسس يا طارق ده الانا دايراه منك لو امكن
اما ما رميت له هو ..
ان لا نعيد ونكرر منو الاخطأ ومنو الاصاب
دعونا نأخذ عصارة الشهد ونستخلص منه الحلو المستساغ
وان نتغاضى عن هفوات الغير .. ونجعل شعارنا السماح
اما تمبس ده بى لسانو واحتجاجاتو الانا متأكده من وجهة نظره فيها
زول قلبو ابيض و كبير اكبر من جدتو الشفتها ديك
اكرر دعونا نفرش الود محنة
ونتواصل دوما فى الدروب الندية ..كفانا غربة وبعاد وهم
محتاجين كلنا للكمه الطيبه والمحنة يعلم الله
**
متاوقة .. دحن يا طير يا ماشى لى اهلنا
دى براها فى زول بصل حنيتك فيها
ابقى عشرة وشتت لينا معاك من الجواك
تحياتى ليهم هناك
وكل الود يا حنين

يا خدر

للامانة , اول مرة اطلع على البيان دا في سودان فوراول, عندما انزله محمد حسبو
رغم انو شايفو معلق هنا ليهو كم يوم

السبب الذي دفعني لاطلع عليه عندما نشره محمد حسبو أنو ,,ولسبب ما,, كنت
متوقع انو محمد حسبو سوف يقوم بشجب بيان الشجب, ولكنني فوجئت به كشاجب
أساسي

اها لما فيهم القرمبع ـ محمد اى سليمان ـ و القراد ـ ملاسي ـ و خلو ريحتهم طير طير

يستاهلو


لو كتبوا:
بيان شجب و استنكار لما حدث بموقع سودانيز أون لاين


كان حيحصل شنو؟

ياخى قصة الحساسية دى لسه راجيها زمن طويل ... كتر خير بشري الفاضل

اسمع ... كلمونى بي تلفونك ... بقشطك واحد في الايام الجاية

الحال اتطين زيادة

Quote: السبب الذي دفعني لاطلع عليه عندما نشره محمد حسبو أنو ,,ولسبب ما,, كنت متوقع انو محمد حسبو سوف يقوم بشجب بيان الشجب, ولكنني فوجئت به كشاجب أساسي

معروف سند انت بتاع مشاكل، حسبو ده صاحبي ما برضي فيهو، رغم انو قبل فترة كان محتج على قائمة توقيعات قدامها بعض الالقاب و الصفات ... الشجب خشم بيوت

Quote: ان لا نعيد ونكرر منو الاخطأ ومنو الاصاب دعونا نأخذ عصارة الشهد ونستخلص منه الحلو المستساغ وان نتغاضى عن هفوات الغير .. ونجعل شعارنا السماح -------------------------------------------- اكرر دعونا نفرش الود محنة ونتواصل دوما فى الدروب الندية ..كفانا غربة وبعاد وهم محتاجين كلنا للكمه الطيبه والمحنة يعلم الله

لايمكن ان استطيع اضافة كلمة بعد كلامك يااستاذة سومة؟؟ تسلمي يارب

ويا خدر كلامك كلام عقل و بقرب المسافات وبكبر الماعون الذي يجب ان يكون واسعا كونه ينادي باشياء سامية
ومن البديهي لكل مخرج بيان للعام ان يتامل ويعمل في اخراجه علي التفاف اكثر الاراء حول بيانه وينظر للامر من كل الزوايا
حتي لا تاتي النتائج المناقضة للهدف مهما كان

Quote: رغم انو قبل فترة كان محتج على قائمة توقيعات قدامها بعض الالقاب و الصفات ... الشجب خشم بيوت

نعم يا عصام جبر الله

فلصاحبكم رؤية مشهودة في أمر متعهدي "المشاجبات"(على وزن المناسبات)

فاذا به يشجب في مشجبة مشجوبة.

يا خدوري..
أخوك طبعاً راجي رحمة الله لمعرفته بقدر نفسه وبيني وبينك كده يا أبو لقاء لو الهاكر مسح كل مشاركاتي من "قولة تيت"، يكون مشكور لـ"تبييض" صحيفتي، وكفاني حجّة إسفير تجب ما قبلها من خطايا ، عكس أخوانكم المبدعين البفتكرو وأنا ذاتي بفتكر معاهم إنو كتاباتهم دي حصرياً هي قمة الـlost لسودانيز اون لاين من جراء عملية الزراع الخفيّة..
___
على كلٍ يا مولانا، أنا كـfan للمبدعين الموقعين بهناك والمنتظرين منهم وما بدلو تبديلا، شايف بيانهم ده متسق تماما وقَناعاتي وقِناعاتي؛ وأنا من ِ"سِغير" جني وجن أشوف لي زول طلع المسرح عشان يبشر للفنان، وكمان في نوعية كده ممكن "يتشعبط" الحائط الأمامي للمسرح، وبعد ما يبشر يجي راجع متلب بي نفس الحتة الإتشعبط بيها، وسودانيز أون لاين بقت مسرح كبير، مليان مواهب وأنصاف مواهب وminus مواهب؛ فالفرز ده مطلوب عشان "التخسسات" والجمهور ذاته أصبح لا يميز ما بين المُبْدِع والمُبَدِع..

Quote: مجموعة صحفيين و كتاب و مبدعين بموقع سودانيز أون لاين

Quote: إلى جانب تعطيل الموقع، فقد اتّضح أنّ المخترق قد قضى على بعض من الأرشيف الكتابي الضخم و الذي بذل كتاب و كاتبات الموقع جهداً و وقتاً ثمينين من أجل بنائه ليكون رافداً للمعرفة و التوثيق،

سلامات يا طارق
اعتقد أن الوارد في الاقتباسين اعلاه هو تلخيص امين لهذا العمل موضع التعليق ينفي عنه
كل النوايا غير الحميدة و يزيل الالتباسات التي صاحبته..قال هؤلاء الناس أنهم مجموعة
صحفيين و كتاب و مبدعين و لم يقولوا نحن "فقط" الكتاب و الصحفيين و المبدعين بالموقع..
و قالوا أن ما فقد من الارشيف هو نتاج لجهد"كتاب و كاتبات الموقع" أي جميع من
يكتب هنا في سودانيزاونلاين..و اعتقد أن من "تحسس" من البيان و من اساء فهمه يجب
أن يعطي نفسه فرصة أخرى ليرى الأمر بصورة افضل..
ثم لما نزل هذا البيان في "فوراوول" ليه الناس دخلوا و اضافوا اسماؤهم بكل بساطة
و لم يغرقوا في مثل ما اغرقنا انفسنا فيه هنا؟؟


أنا لست صحفيا و لا كاتب و لا مبدع و لكني أعتقد جازما أن الموقعين على البيان
هم كذلك و اعرف أن بالمنبر غيرهم و "اعشم" منهم أن يضيفوا تواقيعهم مع زملائهم.

والله يا سيف بعد كل الاقدد القعدنا فيها مع بعض كلامكـ ده داير ليهو رد منفصل
يا زميل
ما تمرقونا من لِباس فلان غار من فلان و فلان حاسد علان دي .

ويين الحسس الشايفكـ شايلو و ملصقو في كل البوستات ده ؟
ولماذا عميت نظاراتكـ الانيقة عن رؤية خطابي و اتتني حاملة صكـ حسسي ؟
راجع خطابي يا سيف انا قلت فيهو كلام لو فريتو حا تتفق معاي
القضية ليست تمبس او طارق او المبدعين
زمان موش علموكم في الحزب الشيوعي ده تفنيد اقتراح يجب ان يستصحب بدائل
ده ياهو الابداع
او قل الضغط لحلب الابداع



__
بعيدا عن مداخلتكـ البايخه يا سيف جد جد مشتاقين عاوز اعرف وصلت ويين و عامل شنو
اولادكـ ماشاء الله لطيفين و عفاريت علي ما يبدو ,, شكلهم طالعين لي خالهم

سلامات يا طارق
غايتو كان مداخلتي بايخة فردك ابيخ..ياخي أنا وين قلت فلان غار من علان
و فلان حاسد فلان؟ و حكاية "الحسس" الزعلتك دي انا قلتها توصيفا لموقف
واضح وضوح الشمس لبعض العضوية من البيان انت ليس بالضرورة واحدا منهم
بعدين نظارتي الانيقة دي شفتها وين؟

عموما مشتاقين برضو..و في اسفل البوست حارفع ليك صورة لي مع صاحبك حسن
وردي و هي بالمناسبة صورة حديثة جدا (في بداية هذا الشهر).و تحياتنا للقاء
و اخوها و امها.

بهاء عيسي
شكرا علي المشاركة الفاعلة و يا سيدي نردها ليكت كما يجب لاحقا
كن بخير


يا كيكي
الله يسألني
مافي شي بمغسني ي المنبر ده غير اني بجي متأخر و بلقاكـ عدلت و انتهيت
انت بتعدل ليه و كيف ؟
بالمناسبة شكرا انكـ كنت السبب في اني اعرف انو تراجي عندها منبر


طيفور الوغد
وحياة خوتكـ ماعندي اي اعتراضات علي الييان غير الذكرتها دي , و مُثمن خالص لموقف الفئة الناجية دي , لكن كمان موقف الناجين ده ناقص
نخت الخمسة في الاتنين عشان ما يطلعوا لينا حقت الابتدائي ؟
عاد ده كلام ده ؟
الصراع الفكري و العمل العام و ,, الخ من المسميات مافيهو مجاملة و كما ورد في الامثال (باكر بتجي المناكر)
فيازول اخوكـ بفرد بوستو و يقول كلامو و الزرزرة ولد
البيان كفكرة و مبادرة جيد , كتكنيكـ و ممارسة صفر كبير
في زول يشجب و يدين و يندد بعد الجلاسنوت و سقوط البرجين و الازمة المالية الاخيرة ؟
ده ابداع ولا مداعبة اصلو ؟
بعدين تعال هنا , انت نِجيضكـ لي امونة دي ما ابداع , عيبو لي !!

خدر ما اكذب عليك ضحكته لما انفقعته لما لقيت اسمك مافي
وكتبت عن كده طبعا...وبتكون دي صريتها لي وجيت كتبت كتابتك دي

Quote: بالمناسبة شكرا انكـ كنت السبب في اني اعرف انو تراجي عندها منبر

كيكي بريء اليصدقك الا انا لا وحياتك.....
لكن دي عبارة اقحمتها عشان المكاوة وكده....يا حبيب ولا يهمك
مقبوله منك ما بعرفك بتكون مفقوع من البيان وواقف لمبه.
بيني وبينك انا لو محلك كنت طرشقته عديل كده.




عزاز الشامي الكتابه دي جميله
تكتب عزاز تطلع جميله تفعلها تراجي يقوم عادل عبد العاطي يدينا درس عصر له طنة ورن
ةلينا الله
نحن ناس قريحت راحت ديل

Quote: دور المثقف او غيره من حملة الصفات الرنانة ليس نشر بيانات شجب أو إدانة، بل محاربة الداء من جذورة .. ما تم من تهكير و هدر للمعلومات يستدعي وحدة الصفو لم الشمل تحت غطاء أكبر و اوسع ليشمل حتى الهكر لكسر حاجز (هم) و (نحن) و بالتالي يتوحد الهدف و نقف على خط الدفاع ككتلة واحدة ...

لما قلنا نحاوره بس عادل عبد العاطي عايز يبلعنا السنتنا,احي انا يا بت امي
عشان ما ختينها في كلمات انيقه وحنينه زي كلماتك دي نعمل شنو ما ناس هامش بنخت الكلام دراب.

معروف سلامات
و انا للامانة لي اسه ما شفت بيان حسبو في فوراوول لكن لومكـ بي امشي اشوفو اسه
خاصة بعد نشاطو الاخير في سودانيزاونلاين بسبب المذكرة
وربنا يولي من يصلح علي رقاب العباد و البلاد




عصوم
الموضوع عندي اكبر من تفاصيل منو الضمنوهو و منو النسوهو و منو قشر بي شنو
اظنكـ عارف من نقاشات سابقة انو نحنا تعبنا من مبدعيننا و مفكرينا و علمائنا المبجلين و منهج الشجب الادانة السلبي ده
يا اخوانا نحن عالم تالت و في التالت دولة يتفنن من يتولوا الحكم فيها في دمغنا بعلامة اسفل سافلين و رغم ذاكـ يتباري من
فتح الله عليهم بميزات الابداع ان يجتروا مفردات مابعد (النكسة) الله يقطع طاري النكسة و فكرة الانهزام , مذكرة شنو و إدانة منو ؟
بكري عارف السجم ويين و الرماد ويين و منو في غانا و ومنو مع الخيانة حسب رواية صديقي الاثير (صلاح قنابل)
الحصل ده فوق كم ؟ بيان مافيهو لا اقتراحات ولا خطوات عملية ولا حتي يا ناس امشو يمين ولا شمال , مبدعين فوق كم ؟



__
قالوا متألم شوية ,, التهاب يا خيبان ؟ خسئت يا زميل

صاحبي طارق خدر

يا راجل إنت برضك قلت تفتح تسترزق في المَلَجة دي؟ ما كعب يا زول ناكل أخوان و نتحاسب تجار

بدور اسألك من كم حاجة قلتها، عشان أوريك يعني أنك كتابتك دي هبوب ساي، بس عشان الاسئلة الكتيرة بتساعد الناس تكلفت الإجابات أحسن نمشي معاك بالحبّة.

س 1
قلت يا طارق

لكن في تسميتها التي اسست لفكرة مواطنين كرام و آخرين غير كرام

بياتو منهج استدلال وللا استقراء وللا أي است استطعت يا طارق استخراج هذا المعنى من التسمية "بيان شجب و استنكار من مجموعة كتّاب و صحفيين و مبدعين بموقع سودانيز أونلاين"
؟

في انتظار إجابتك و أرجو أن تكون على السؤال لا حوله..
.

والله يا تراجي
يشهد الله و عصام جبرالله
قريت شماتتكـ فيني بهناكـ و ضحكت حتي اشفق علي ود جبرالله
يازولة مقبولة منكت الشماتة و قلبكـ ما ينقطع ساي
كلامي لي كيكي ده تقرير حقيقة , رد الشماتة جاييكـ جاييكـ
وانت بي رواشتكـ الشايفها دي ما حا تخليهو يطول
كلام في اضانكـ , نحن الجلابة ديل ما زيكم بنختلف علي منو ؟
نحن بنختلف علي شنو ؟ .
كيفكـ و العيال ؟



حسبو صاحبي

Quote: عشان أوريك يعني أنك كتابتك دي هبوب ساي

وري ساي آآآآآ المبدع
انا شن عرفني بالرد علي كلام المبدعين


__
قال الفرذدق

سلام يا محمد

Quote: يا راجل إنت برضك قلت تفتح تسترزق في المَلَجة دي؟

انت حسن موسي هد فوقك من كترة الصنقير جنبو؟ شنو ملجة تسترزق و الكلام العجيب ده؟ زح القراد و القرمبع بعيد، باقي الناس كلامها فيه ما يستحق النظر دون ملجة و قنزحة و لئامة.

حسدتك على الالقاب القدام اسمك، حلال عليكم حرام على ناس حقوق الانسان. وجهة نظرى موجودة في البوست الرئيسي ، اتمنى تحاور الناس بدون قصة الاسئلة و الالتفافات دى

Quote: انت حسن موسي هد فوقك من كترة الصنقير جنبو؟ شنو ملجة تسترزق و الكلام العجيب ده؟ زح القراد و القرمبع بعيد، باقي الناس كلامها فيه ما يستحق النظر دون ملجة و قنزحة و لئامة. حسدتك على الالقاب القدام اسمك، حلال عليكم حرام على ناس حقوق الانسان. وجهة نظرى موجودة في البوست الرئيسي ، اتمنى تحاور الناس بدون قصة الاسئلة و الالتفافات دى

محمد حسبو غير التون
وشوف طريقة غير كدا
تكون احسن










_______________________
احسبو تهديد لو عاوز تحسبو

Quote: لايمكن ان استطيع اضافة كلمة بعد كلامك يااستاذة سومة؟؟ تسلمي يارب

الاخ العزيز بهاء عيسى سلام واحترام
تسلم من كل بلا ان شاء الله يا اصيل
العفو يا اخ بهاء ما شاء الله وعينى بارده ..
مع متابعتى لكتاباتك ان زاتك ما ساهل .. سيد النضمى الرزين والنفس الحنين
يديك الف عافيه ان شاء الله
نسال الله ان يجمع كلمتنا جميعا من اجل هدف واحد..
الوفاق و السلام والوئام
تحياتى وتقديرى
اسماء الجنيد / مسقط

عصام و محمد و راوية
حسبو ما تلوموهو , حسبو منفعل بي توقيعو الغالي الاتواضع و ضمنو قائمة المبدعين , و انا في نظرو رغم الصحوبية , زول طير ساي
تجاسر و قال رأي في قائمة شملت توقيع حسبو , إني آمنت بالله ياقول عماد .
الان هو يستنطقني لاجيب قبل ان يتواضع و يُجيب علي مُخترق الملجة الباحث عن رزق لي وليداتو فيها
إني آمنت بالله تاني و قاتل الله طولة البال و معزة زملاء الفكرة
انا ماعندي جواب علي نضمو ده , ما تقلقو , الشجاع بقول كلامو كلو دون إستيضاحات زي ما اتجاسرت انا ( قاتلني الله ) و تورطت
في نقد مذكرة كرام المواطنيين.

Quote: بيان شجب و استنكار من مجموعة صحفيين و كتاب و مبدعين بموقع سودانيز أون لاين

خدر ...سلام يا صاحب
"ما تحته خط تذكرنى هذه الكلمة"
بالمجاملة أحياناً
وبحفلات التخريج
وايضاًتذكرنى بالحلقات التلفزيونية "يبدو أن هنالك لبث ما !! فى ذاكرتى
أكثر ما يهمنى فى الامر ...
عدم أدراج توصيف مُعين لماهية الإبداع
ماذا هو الإبداع ,,,ومن هو المُبدع
...














وبس

Quote: المبدعين من اوجب واجباتهم او دعوني اقول طبيعتهم اختراق الساكن و تحويله الي افكار او حلول لقضايا عصية , و ما قرأناه في المذكرة لا يذهب ابعد من شجب و إدانة !!

خدر،
سلامات ..

جبرتني جبر عديل كده اخش في دور الجدية الطلقتو لي زمن ..

يا سيدي، المبدع، المثقف، الفنان، المفكر، الكاتب و باقي الصفات الرنانة المُستحقة أو ما أُسبغت من غير وجه حق
كلها اوسمة مخلوعة على ذات الفرد اللي هو نتاج محيطة و بيئته و نظامه ... و التحدي الحقيقي للمثقف ليس مجرد
تدوير المفردة أو الفكرة، بل خلق بدائل للواقع المشؤوم العالق فيه هو باقي افراد سفينة نوح ...

برغم اتفاقي مع مضمون البيان، وهو أمر جلي لا يستدعي قدح ذهن، إلا ان الصفوية في التوقيع و حصر الشجب على المفكرين
وباقي الموهوبين و دفعهم بالبيان في بحر يضم من هم ليسوا (منهم) أمرٌ يستوجب العجب و يطرح سؤلا جوهريا عن مدى إدراك
هؤلاء المفكرين و المبدعين لدورهم في نشر الوعي فهم ببيانهم المنغلق على نفسه البسوا من اختلفوا عنهم (بلا قصد)
ذات عباءة الشقاق التي تبرئوا منها و يتبرأ منها من يدرك كنه الأشياء ..

دور المثقف او غيره من حملة الصفات الرنانة ليس نشر بيانات شجب أو إدانة، بل محاربة الداء من جذورة ..
ما تم من تهكير و هدر للمعلومات يستدعي وحدة الصفو لم الشمل تحت غطاء أكبر و اوسع ليشمل حتى الهكر
لكسر حاجز (هم) و (نحن) و بالتالي يتوحد الهدف و نقف على خط الدفاع ككتلة واحدة ...

كنا قبل البيان مجموعتين:

بورداب .. و هكر

والآن بعد البيان اصبحنا:

مثقفين، مبدعين و غيرها ...
بورداب لا تشملهم التصنيفات السابقة ...
و مازال الهكر ثابتا في طرف المعادلة!!

الكلمة، اي كلمة مسؤولية، و بحق الابداع ، حاولوا تلمونا في حتة واحدة ... ما كفانا؟

ناجي سلامات
الفرق بين المبدع و الناس الطلقيت ساي
وضحها ليكـ عمر عثمان في كتابة حسبو صاحبي

عليكـ الله يا حسبو طولة بالي دي براها ما بتستحق انكـ تغني و تسمعني نشيدكـ ؟
اجدع سهمكـ آ جنا و قول لي اخبار حديثكـ فوق است/دلالاتي
ولا غيرت رأيكـ ؟

عزوز
انا بختلف من البيان في عضمو و ده استنادا علي موقعيه , كيف صحفيين و مبدعين و يكتفوا بالشجب و الادانة
القصة دي بأختصار مُخل انا مختلف معاها لانو لحدي اسه من ما اتخلقت الرياضة في السودان الاندية و اجهزة الاعلام
هرونا بي
الاستفادة من الاحتكاكـ بالفرق الاجنبية
خروج السودان من دوري التمانية
خروج الهلال/المريخ من دوري الـ16

الكاس ده مالو ؟ ما بقولوا شلنا الكاس ليه ؟

اها اهلكـ المبدعين ديل برضو بلوكو في نفس لبانة الرياضة ديكـ
نشجب و ندين و المدهش انو الاسماء المضمنة في اللستة في غالبيتها فعلا مبدعين و ما بغلبهم ايجاد حلول
عرفتي انا رافضو لية ؟

حاولت أمسك نفسى من التعليق:

هل أنا محتاج لتغيير نظارتى لإستيعاب مدى صحة وجود الكلمة النشاز الفارقة التى لا تشبه كِرام المواطنين فى مداخلة أحد كِرام المواطنين ؟

Quote: - المبدعين من اوجب واجباتهم او دعوني اقول طبيعتهم اختراق الساكن و تحويله الي افكار او حلول لقضايا عصية , و ما قرأناه في المذكرة لا يذهب ابعد من شجب و إدانة

إتفق معك تماما
..

Quote: كان من الاجدي في تقديري اصدار مسودة او مشروع ميثاق تعاون ضد الهاكرز

والفات شنو??

هذه فقط صرخة أولى لرفض الضيم .

Quote: اجد نفسي لا اتفق مع المذكرة رغما عن معرفتي و ثقتي في كثيرين من موقعيها . طارقون.. عدم إتفاقك يضعك في حيثية تدعم الهاكر بصورة ما.. ويثير حولك الشكوك أشجب عليك ذلك ما حدث لا يقل في حجمه الإجرامي عن أي غزو مسلح يلحق بالأرض ويفقدها جزء من سلامتها ويجب أن يدان بصورة قانونية لإستعادة الممتلكات التي لا تقدر بمادة لأصحابها كاملة دون أدنى شرخ أو إنتقاص.. إذن سارع بوضع إسمك أعلى القائمة كخطوة أولى نحو ما أسس لك فكرة رفض الفكرة. بغض النظر إلى أي فئات الإنتاج الثقافي القيم ننتمي.. فمثل هذا عمل لا يتطلب أن تكون مبدعا لترفضه! إذا رويت ما حدث لأي شخص fair and honest سوف يدلي برأيه الرافض له !! إذن لك ليش كل ها الزلمي ياللي بتعرج الموضوع من مسارو الأصلي تحياتي للغالية بارعة وللبراعم الصغار...

---

Post: #34 Title: Re: مذكرة كِرام المواطنيين Author: محمد حسبو Date: 10-28-2008, 09:05 AM Parent: #1 Quote: محمد حسبو غير التون وشوف طريقة غير كدا تكون احسن _______________________ احسبو تهديد لو عاوز تحسبو خانك التعبير يا راوية، و دا أحسن الفروض لذلك و عشان نقصرو لن أُغيّر التووون و ما بشوف طريقة غير كدا يللا طوالي تلفزة مباشرة للجزء الخاص بتنفيذ التهديد، إن وُجِد.. .

---

Post: #35 Title: Re: مذكرة كِرام المواطنيين Author: Muna Khugali Date: 10-28-2008, 10:19 AM Parent: #34 انتو الناس ديل وقت مبدعين ومعهم مبدع مطلق كما وصف نفسه.. ليه ماقدروا يخلقوا ليهم مكان مافيه قطيع ويكملوا ابداعهم فيه؟؟ بيضيعوا وقتهم مع ووسط الزينا ليه؟؟ عايزه اشرح با خدر جملتي الاخيره دي علشان انا خايفه.. يا مبدعين ده تساؤل بس..ما طرد..اصله المكان ده عمله بكري وبقي شبه ملكيه علي الشيوع اي زول ما بيقدر يطرد التاني..

---

Post: #36 Title: Re: مذكرة كِرام المواطنيين Author: Rawia Date: 10-28-2008, 02:25 PM Parent: #35 Quote: يللا طوالي تلفزة مباشرة للجزء الخاص بتنفيذ التهديد، إن وُجِد.. ماخاني التعبير ولا حاجة يامحمد حسبو انا بكتب كلمتين ومابكتبهم الا لما احسبهم كويس والتهديد نفذ ومن تلفزة مباشرة الكتبتها دي لو فاكر التهديد انو حيكون على طريقتك -اساسا انا معترضة عليها- ماحتلقاهو عندي وشوفو في حتة تاني

---

Post: #45 Title: Re: مذكرة كِرام المواطنيين Author: خدر Date: 10-29-2008, 04:25 AM Parent: #34 ابوبكر القاسم بس انت قول الله يولي من يصلح يا صفاء الزلمة والله برئ من كل كلامكـ ده انتو اي زلمي يقول رايو تطلعوهو من الهكر تحياتي للمعاكم

---

Post: #37 Title: Re: مذكرة كِرام المواطنيين Author: tmbis Date: 10-28-2008, 02:56 PM Parent: #1 Quote: ابدا تخيل , بس لانو تمبس اعتراضاتو بالنسبة لي كانت موضوعية وده حقو انو نثمن موقفو رغم انو بيني و بينكـ جاتو صااااااااااااقطة لكن معليش بنقلعها منو باكر في شكلة تانية .. والله يا خدر لا صاااقطة ولا حاجة دي حسادة منكم ساكت .. يأخ انا متهم واحتمال اكون مطلوب للعدالة الدولية: - متهم بي قايد مليشيا من الرعاع والهمج هجمت على البيان قبال ما ينشف ولسه مويتو تنقط .. - متهم بي حرق لساتك في مكان عام .. - متهم بي تقل في الاضان .. إلخ . تجي تقول لي لقيته صاقطة .. والله لقتيه صاقطه انت دا .. نحن نحاحي ليكم ونجازف في الخطاب بالوعي الجمعي وإنت تجي تشبكنا .. فلان دا (طــوطم) يا كرام المواطنين .. خدر دا طابور خامس .. زول ماشي كويس وبيشرح بي كلام يخش من الاضان للاضان .. في النص كدا يقشط ليك طوطــم الله يمتعك يا خدر والله البوست دا عاجبني ما علشان اسمي مقنطر فوقو زي كأني لاعب دور البطولة المطلقة .. لكن .. الواحد ممكن بعد كدا يموت وبالو مرتاح إنو خلى وراهو رجالة ... واخوات خطيرات .. وأشار إلى تلاحم كل القوة في خندق واحد .. واللغة الرفيعة .. ووسائل الاقناع المختلفة .. والخوف على المكان القدم للناس الكتير .. يشرفني أن أكون بينكم فإن اصبت يا خدر هذا بعض من حسنات هذا المكان .. وإن أخطأت أنا هنا اتعلم.

---

Post: #38 Title: Re: مذكرة كِرام المواطنيين Author: عمر عثمان Date: 10-28-2008, 04:01 PM Parent: #37 Quote: بياتو منهج استدلال وللا استقراء وللا أي است استطعت يا طارق استخراج هذا المعنى الاخ بكري ابويكر ارجو ان تقرأ جيدا اعلاه الذي قاله حسبو المريض وارجو ان تثبت لنا ان هذا المكان ليس لبث فاسد القول والفعل

---

Post: #62 Title: Re: مذكرة كِرام المواطنيين Author: خدر Date: 10-31-2008, 08:38 PM Parent: #37 بتاع الامن و بتاع الحزب و بتاع المجاري بطلوا الهرجلة الانتو فيها دي و خلونا نتم كلامنا __ Quote: لكن .. الواحد ممكن بعد كدا يموت وبالو مرتاح إنو خلى وراهو رجالة ... واخوات خطيرات .. وأشار إلى تلاحم كل القوة في خندق واحد .. واللغة الرفيعة .. ووسائل الاقناع المختلفة .. والخوف على المكان القدم للناس الكتير .. تامبا في جلباب المدرب سعد دبيبه

---

Post: #40 Title: Re: مذكرة كِرام المواطنيين Author: عاطف عمر Date: 10-28-2008, 09:33 PM Parent: #1 Quote: - المبدعين من اوجب واجباتهم او دعوني اقول طبيعتهم اختراق الساكن و تحويله الي افكار او حلول لقضايا عصية , و ما قرأناه في المذكرة لا يذهب ابعد من شجب و إدانة !! سلامات خدر لو لم تقل إلا هذه الجملة لكفتك فقد أوردتك - من حيث أردت أم لم ترد - موارد ( الحكمة ) * _________________________ * قصدت إستخدام كلمة الحكمة عوضاً عن الإبداع ذلك أن ما يدور يشوه المعاني الجميلة بدواخلنا ولكن هل حقاً بينهما فصام ؟؟؟

---

Post: #41 Title: Re: مذكرة كِرام المواطنيين Author: Kostawi Date: 10-28-2008, 09:52 PM Parent: #40 غايتو جرت العاده في سودانيزأونلاين إنو كنا بنتفق على صيغة معينة للبيانات الشجب و الإستنكار و بنزل بوست نطالب فيه العضوية بالتوقيع يعني بقت culture ليه الناس دايرا تغيير الكلشر دي أنا في رائي إنو البيان دا مفروض يكون في صفحة الأخبار لأنو مكتوب بطريقة close-ended خبر و ما matching روح ال Discussion Board سلام خدر كرهتونا البلي

---

Post: #42 Title: Re: مذكرة كِرام المواطنيين Author: esam gabralla Date: 10-28-2008, 10:09 PM Parent: #1 Quote: والله يا خدر لا صاااقطة ولا حاجة دي حسادة منكم ساكت .. ياخى تخ .... هو "الصقوطية" دى كيف؟ يا اللخو لو ما اشترينا تلج بنعرف نقاط الزير .... دى اصقط و اسقط من بتاعت صاحبك خضر داك تحت تحت ..... دفعو ليك كم في الشغلانة دى؟ شايفك جيهتها تب يا امنجى .... دربك لاهاى حيث البشكة في الشارع

---

Post: #46 Title: Re: مذكرة كِرام المواطنيين Author: abuguta Date: 10-29-2008, 07:00 AM Parent: #42 اتوقع للخضرى محمد حسبو غياب تام عن الملجة خدر سعال صغير , كدا الزول دا وجيه كما فى الصورة ولى دى صورة ابنه,,,ليه كلامو ما بشبه الصورة ودمت

---

Post: #47 Title: Re: مذكرة كِرام المواطنيين Author: tmbis Date: 10-29-2008, 07:08 AM Parent: #42 Quote: دى اصقط و اسقط من بتاعت صاحبك خضر داك تحت تحت ..... دفعو ليك كم في الشغلانة دى؟ شايفك جيهتها تب يا امنجى .... دربك لاهاى حيث البشكة في الشارع يا عصام ياخ خضر في عينك .. كل مرة جايب لينا هوا جديد .. والليلة يوم الأربحاء أعمل حسابك بكرة انا بلاطــة .. اسمع عاين .. السردية والتونة دي ..؟؟ Quote: معادلات الكائن اللا سياسي "العنوان مقتبس من سردية ليحيى فضل الله" في واحد من البوستات المهببة التي قامت على خراب البوست دا سأل السكرتير العام أخاه في النضال طمبسباي قال ليهو: إنت العملة دي أدوك فيها كم في إشارة لضربة بوست الشجب . يعني الولد عامل ما قسم معاهو أصلا. تهااا هاااي .. بقيت سكرتير من وراي ..وميت بيها؟ استكرته منو تاني .. مش قلت ليك الحركات دي بطله ..؟ أها خم وصـــر .. قالو عملت معاي قسمة وترباس .. وبتكتب لي التقارير .. وبتطبعه بي مكنة الرونيو .. احي انا .. تاني عليك الله تعال قول لي أنا قاعد اكتل جقـر .. من الليلة ولي قدام طبنجاتنا واحدة وموطرك ياهو موطري .. والجيب واحد أهـ يا امنجي يا كوووز.. والله يا سيادتك انا ماسك يدي من الرد بي هناك .. لكن لو مشيت تخلص باقي المهمة علشان تحلل كنجالاتك .. بلاي سلم لي معاك على صاحبك درش .. وقول ليهو يا مبدع الساردين قاعد يعمل لينا حساسية نحن ناس فسيخ وأم فتفت وكمون ويلث فبلاي حلمك علينا إنت الكبير برضو .. بطل حركات الصغار دي وبلاش تناوش الرعاع والصبايا... ولو بتشجع اللعبة الحلوة على عينا وراسنابرضو حضرنا افلام هندية.. وكان عايز زيادة جبخانة يا سيادتك الطين راقد.

---

Post: #48 Title: Re: مذكرة كِرام المواطنيين Author: عبدالكريم الامين احمد Date: 10-29-2008, 07:31 AM Parent: #47 Quote: تهااا هاااي .. بقيت سكرتير من وراي ..وميت بيها؟ استكرته منو تاني .. مش قلت ليك الحركات دي بطله ..؟ أها خم وصـــر .. قالو عملت معاي قسمة وترباس .. وبتكتب لي التقارير .. وبتطبعه بي مكنة الرونيو .. احي انا .. تاني عليك الله تعال قول لي أنا قاعد اكتل جقـر .. من الليلة ولي قدام طبنجاتنا واحدة وموطرك ياهو موطري .. والجيب واحد أهـ يا امنجي يا كوووز كاااااااااك (او كما يقول القطيع).. ياخي يا تمبس ده احسن باكورد تلعبو في العشرة سنين الاخيرة دي.. وانا الليلة ومن الصباح اصتبحت بالمداخلة (اياااها) بهناك اجي ياتمبس القاك قلبتها باكورد اربعة لساتك فووووق وختيتها في التمنيات لصحبك السكرتير العام بجاااي... ياخي دي متعة في الهلال زمن ناس كندورة وتنقا ما حصلت.. اضرب اللون..ولا اقول ليك اضرب السكرتارية كلها حتي خدر ده معاهم

---

Post: #49 Title: Re: مذكرة كِرام المواطنيين Author: malamih Date: 10-29-2008, 07:38 AM Parent: #48 كرام المواطنين من هم ياخدر أو طارق أبوعبيدة.. وأرجو أن لا تأخذك شلة ( اليوم الحار ما بندار بين الهندسة و المعمار)....!!!!!

---

Post: #50 Title: Re: مذكرة كِرام المواطنيين Author: Muna Khugali Date: 10-29-2008, 08:19 AM Parent: #49 في كل صباح يثبتون لنا "ابداعهم" بمزيد من الاهانات!

---

Post: #55 Title: Re: مذكرة كِرام المواطنيين Author: خدر Date: 10-29-2008, 08:51 PM Parent: #49 ملامح سلامات كرام المواطنين كانت احد اهم التيرمات التي اطلقها حزب الشعب في مجري تاييده للمجلس العسكري , نعم كان الامر نكاية في احزاب التجمع و دعم و تعضيد للعسكر لكنو قطعا في جوهرو لم يخل من نوايا لئيمه تصب في مصلحة تفضيل فصيل علي اخر . انا لا انظر الي مايحدث هنا عادة يا صديقي , ما يحدث هنا هو مؤشر فقط لما حدث قبلا او الي ما ستؤول اليه الاحداث . قد يقول قائل ان حزب الشعب آنذاكـ كان يضمر البيعه للمجلس العسكري فقط !! لكنا لن نستطيع ان ننكر انهم استحضروا جملة تفيد علو الشأن و التأثير في المجتمع و اظنكـ تعلم مثلي و اخرين مكونات تجمعات السياسة السودانية من طائفية و اولاد بلد آنذاكـ. كرام المواطنين يا نجيلة ليست صفة لشريحة تخص احد الاطراف المختلفة ( مبدعين /الباقيين) في مقالي اعلاة , كرام المواطنين و تقسيم المواطن السوداني الي مواطن كريم و اخر غير كريم كانت من ابرز العلامات في تقديري في السياسة السودانية لتقسيم الناس بتمايز يعتمد القيمة , هذا ما توارد الي ذهني ساعة قرأة بيان او مذكرة الزملاء . ولا تخش علي يا صديقي من التكتلات والله سودانيزاونلاين بدخلها مباصرة اقراء و اتابع و امرق ده طبعا لو ال18 ساعة كفت لمشاغل الحياة , شكرا علي السؤال و النصيحة و المطايبة يا نجيلة

---

Post: #51 Title: Re: مذكرة كِرام المواطنيين Author: tmbis Date: 10-29-2008, 08:58 AM Parent: #48 Quote: ياخي دي متعة في الهلال زمن ناس كندورة وتنقا ما حصلت.. اضرب اللون..ولا اقول ليك اضرب السكرتارية كلها حتي خدر ده معاهم يا أبو الكيك .. السكرتير دا انا عارف ليك نظامو .. المرة الفاتت قلت ليكم خلوهو لي ما صدقتوني .. يا تقص لي (الدامة) حقتو .. يا تختها ليهو بالطرشة.. يعدو ليها لحدت مية ما يقوم .. اقول ليك حاجة: والله انا برضو المداخلة (الطمبسبانية) وقعت لي في عبي .. قلت اشتته ليهو قبال الفطور .. لانو زي دي كان مسكتها بتعمل لي قرحة طوالي ... انا من زمان شاكي انو الزول دا امنجي .. لكن كمان الواحد ما عايز يفتي ساكت من غير ادلة .. يعني عايز يقسم ويقش خشمو .. لكن طالما (درش) قال (قاسم أمين) معناته قاسم امين .. قاسم امين .. قاسم امين. يعني الواحد ح يعرف يجيب قون أحسن من جكسا ..

---

Post: #52 Title: Re: مذكرة كِرام المواطنيين Author: esam gabralla Date: 10-29-2008, 10:16 AM Parent: #1 هوى يا كرور كمان جابت ليها كلام مع السكرتير العام؟ انتو قايلنو مبدع ساااكت كده و جايين تتلامضو؟ ما دام انتو جهلة و ما متابعين انو تم ترشيحنا/انتخابنا بواسطة الجماهير للموقع ده ـ تكليف لا تشريف ـ انتو مفتكرين تواضعنا و ونستنا معاكم دى بتخلينا متساويين؟ يا رجرجة انتم الرعاع و نحن القادة انتم البيض ونحن الجدادة انتم الضبان و نحن الجرادة انتم السرير ونحن الوسادة انتم تقفلو قدومكم ده ونحنا كيف كده و كاده و هكذا و هكذا و هكذا الدكتور درش يقتله الحسد منذ ان حسمت الجماهير خيارها التاريخى و ما اشتغلت بيهو رغم سيرتو الذاتية المدججة و المدبجة و لذا يحاول اغتيال شخصية شخصنا العظيمة جدا، دكتور و قاص و مبدع و حاسد كمان. ان محاولة الصاق تهمة "القسمة" مع الامنجى طمبكستان بنا هى محاولة فاشلة لهزيمة و تحقير الامة في هذا المنعطف الخطير ـ رغم انو التهمة صحيحة، البشير احسن منى في شنو ما كل يوم بينكر ـ انا ما عارف المقعدنا مع الطير الزيكم شنو، جبتو ليناالكلام، غلطان انا عشان تانى انزل من قدر نفسي ... و لا اكون طيره زيكم و فاكيها في روحى؟ الطيور على .... حتى لو طيره عاوز اكون ملك الطيور ترررم تررررلام يا امنجى ... بي هناك دى حقو تختاها، كل زول قال كلامو ، جفت الاقلام و رفعت الصحف ، ما عاوز اخسر زول عشان راى واختلاف، حصلت لى قبل كده و ماها حاجة كويسة و اتمنى انها ما تتكرر الا اذا استدعى الامر. اسمعو يا رجرجتين انتو، عندى ليكم وظيفتين شحمانات في السكرتارية العامة، طمبستان تمسك شئون امن السكرتير العام و الاستخباات المضادة و الطرب و العروق, كيكى ـ مجبور والله لانى ما عاوز مهندس واحد في سكرتاريتى - تمسك شئون المجارى و الصرف الصحى و معتمدية الكمبو و العمارى و الانصاص، محتاجين زول تانى لشئون العكو و كبدة الابل و المشويات، عندكم رجرجة من عينتكم دى بينفع للوظيفة دى؟ صدر تحت توقيعى سكرتير عام حزب رجرجستان و بلاد ام الطيور نقضي حبة شئون و نجى نشوف قصة الدوك درش

---

Post: #53 Title: Re: مذكرة كِرام المواطنيين Author: Emad Abdulla Date: 10-29-2008, 11:35 AM Parent: #52 ( و إذا عطس ، فحمد الله .. فشمّته ) .. ...... كُرررر يا زملاء

---

Post: #54 Title: Re: مذكرة كِرام المواطنيين Author: rosemen osman Date: 10-29-2008, 11:59 AM Parent: #52 أختك من فصيلة الرج رج رج رج بالله شوفوا لينا وظيفة معاكم بعدين وقتين أنت وخدر وتمبس قابضين لفرتيق الحكاية أدونا حقنا بالله رج رج رج رج

---

Post: #57 Title: Re: مذكرة كِرام المواطنيين Author: سيف النصر محي الدين محمد أحمد Date: 10-31-2008, 07:30 PM Parent: #54

---

Post: #58 Title: Re: مذكرة كِرام المواطنيين Author: Balla Musa Date: 10-31-2008, 08:01 PM Parent: #57 حاجة غريبة فينا فى مصر الزى محمد حسبو دا بنادوهو بيا بيه وعندما يترقى فى القرضمة يطلقوا عليهو باشا* _______________________________________ * هو من لايتداخل فى مايهرف به العوام

---

Post: #59 Title: Re: مذكرة كِرام المواطنيين Author: ممدوح أبارو Date: 10-31-2008, 08:35 PM Parent: #58 نحنا طبعاً محسوبين فاقد تربوي وأطفال قراطيس عشان جينا في زمن الكيزان عشان كده يا متنورين وقدامي ورونا محمد حسبو ده شنو؟ اللا شفناه في جريدة* لا سمعنا بيه في الازاعة لا كمان جابوه في أسبيس تون طبعاً الجرايد نحنا بنلقاها ملفوف بيها الساندوتش وكدا ممدوح أبارو عنقالي من الذين فركتهم الانقاذ وطلعت بترولهم ومن الذين يركبون الخا حداشر الساعة إتناشر ويداومون علي الفول تلاتة وجبات ويحلون بطيخاً سلامات ياخدر ومعليش بس الراجل ده فرسني وما قدرت أستحمل التعديل عشان أنا فاقد تربوي

---

Post: #60 Title: Re: مذكرة كِرام المواطنيين Author: Tragie Mustafa Date: 10-31-2008, 08:36 PM Parent: #58 Quote: والله يا تراجي يشهد الله و عصام جبرالله قريت شماتتكـ فيني بهناكـ و ضحكت حتي اشفق علي ود جبرالله يازولة مقبولة منكت الشماتة و قلبكـ ما ينقطع ساي كلامي لي كيكي ده تقرير حقيقة , رد الشماتة جاييكـ جاييكـ وانت بي رواشتكـ الشايفها دي ما حا تخليهو يطول كلام في اضانكـ , نحن الجلابة ديل ما زيكم بنختلف علي منو ؟ نحن بنختلف علي شنو ؟ .كيفكـ و العيال ؟ يازول قوم بلا دجل معاك وحياتك شغلكم كله حول (منو) وليس (شنو) الادعايتها دي. والا لما شفنا قريب ال 14 بوست كلها حول (منو) (فطيتوا منو) و(طنشتوا منو) و ( دخلتوا منو) و(انكرتوا منو) ونحن لاا تلاميذ في مدرسة الجلابه! وشمتاه شماته في شكل الجلابه ده ما اكذب عليك عشان كل زول عامل مكلم الفهم,عجبني لكم يا الهيم!

---

Post: #61 Title: Re: مذكرة كِرام المواطنيين Author: Tragie Mustafa Date: 10-31-2008, 08:36 PM Parent: #58 Quote: والله يا تراجي يشهد الله و عصام جبرالله قريت شماتتكـ فيني بهناكـ و ضحكت حتي اشفق علي ود جبرالله يازولة مقبولة منكت الشماتة و قلبكـ ما ينقطع ساي كلامي لي كيكي ده تقرير حقيقة , رد الشماتة جاييكـ جاييكـ وانت بي رواشتكـ الشايفها دي ما حا تخليهو يطول كلام في اضانكـ , نحن الجلابة ديل ما زيكم بنختلف علي منو ؟ نحن بنختلف علي شنو ؟ .كيفكـ و العيال ؟ يازول قوم بلا دجل معاك وحياتك شغلكم كله حول (منو) وليس (شنو) الادعايتها دي. والا لما شفنا قريب ال 14 بوست كلها حول (منو) (فطيتوا منو) و(طنشتوا منو) و ( دخلتوا منو) و(انكرتوا منو) ونحن لاا تلاميذ في مدرسة الجلابه! وشمتاه شماته في شكل الجلابه ده ما اكذب عليك عشان كل زول عامل مكلم الفهم,عجبني لكم يا الهيم!

---

Post: #63 Title: Re: مذكرة كِرام المواطنيين Author: حاتم الياس Date: 10-31-2008, 08:44 PM Parent: #58 السلام عليكم ورحمة الله.. لفترة لم أتابع مايحدث هنا وان كانت هجمة الهكر خلت الواحد زى الكابتن أحمد أدم (عافية) فى أخر ايامه الكروية..(رجافة) بس ياعصام جبر الله لو ماقدر المسئولية رجاءاً ماتفشل وتميع (ترشيحاتنا) الجادة..(الدنيا نضال, ولهيب أحمر,وقضايا مصيرية.. ورقشات..وهكر.. وزلط..,أغانى هابطة..وموت احمر..,أوكامبو..وكوشيب..الخ..وانت لهسع (ماقادر تستوعب حجم الموقع..) زى مابقول بشاشا (أركز)..,ولا خليك مع (اخو البنات) اللت واقع الحال كقيمة.. ما اللت البندر ........ التانية ياتمبس وخدر والتانين..0(بكل أحترام)..البيان بيان عظيم ومحترم جداً هكذا وجدته (كمبدع)!!!

---

Post: #64 Title: Re: مذكرة كِرام المواطنيين Author: خدر Date: 10-31-2008, 11:45 PM Parent: #63 Quote: التانية ياتمبس وخدر والتانين..0(بكل أحترام)..البيان بيان عظيم ومحترم جداً هكذا وجدته (كمبدع)!!! عاااادي يا حاتم __ نقول زرقاء اليمامة يقول طهروها

---

Post: #65 Title: Re: مذكرة كِرام المواطنيين Author: خدر Date: 11-01-2008, 10:51 AM Parent: #58 عاطف سلامات ما حكمة والله ولا يحزنون يا سيدي القصة ببساطة انو البيان خطوة جادة و حقيقية و جميل كمان بس ناقص .. من الطبيعي انو ندي البيان حقو و برنضو ننبهو لي اماكن القصور مني سلامات اتمني ان لا ناخذ المبدعين بجريرة حسبو كل شاة معلقة من عرقوبها .. ولا شنو ؟ الكرومبا كنا زمان بنعمل مذكرات او بيانات و بنطرحها للعضوية للتصويت و التعديل و الحذف و الاضافة . انا برضو متفق معاكـ في رأيكـ و ياريتو لو كان حصل ابوقوته حسبو ما اظنو يجي تاني عشان الاستعجال الاستعجلو في فهم (بياني) اعلاة ده من ناحية من ناحية تانية اخونا حسبو دي ياها صورتو ذاتها لكن قصة الوجاهة دي غايتو انا و ودجبرالله ده بنضاربكـ فيها مالكـ داير تطلقوا فينا كمان يقول لينا انا وجيه خليهو في لسانو الطويل ده اريح ليهو و اريح لينا ودالتوم و روزمين بطلوا الهرجلة يا مواطن منكـ له بله موسي كدي خليهو حسبو انت غاتس وين يا اخوي والله اشتهيناكـ دكتور سيف المعاكـ ده ما عرفتو لكن ؟ بتاع الامن و بتاع الحزب و بتاع المجاري بطلوا الهرجلة الانتو فيها دي و خلونا نتم كلامنا

---

Post: #66 Title: Re: مذكرة كِرام المواطنيين Author: دينا خالد Date: 11-01-2008, 04:27 PM Parent: #65 خدر جا ؟؟ ومالك انت والابداع يارجل ؟؟ فاتك يا( خضر) ان تسمى بوستك :: هو ذاكـ هو ذاكـ .... Quote: كنا زمان بنعمل مذكرات او بيانات و بنطرحها للعضوية للتصويت و التعديل و الحذف و الاضافة .انا برضو متفق معاكـ في رأيكـ و ياريتو لو كان حصل اى نعم قلنا تدخلوا ايدكم بالتوقيع ،، بس كمان ياخدر ما للدرجة دى ... يجيبو ليكم بيان هنا لتفعلوا فيه كل ماذكر عاليه ؟؟؟؟؟؟؟؟ انت كمان قول المعقولـ ياخى !!! والله دا يدخل هنا بيان شجب وادانه للهكر ،، ويتطلع بى هناك بيان هكر الخفاض الفرعونى او حتمية المسح على الخفين !!! ناس سودانيز البعرفهم ديل ولا غيروووهم ؟؟ ــــــــــــ يعنى انت ما شايف بعينك نتيجة تلك المذكرات والبيانات التى كنتو تطرحونها ؟؟ يعنى تاااااااااانى داير تعيد انتاج الازمة ؟

---

Post: #67 Title: Re: مذكرة كِرام المواطنيين Author: خدر Date: 11-01-2008, 05:23 PM Parent: #66 ودأبارو ياخي والله ما تحرق دمكـ في زعل وانا عافي ليكـ في بوستي لكن كلو ما بجيب مرسة تامزين خلينا نساعد بعض و نبتعد قدر الامكان عن استعداء بعض مودتي يا فنان يا ام عضل والله عافي منكِـ تغالطي الحوت في عومو عموما بركة البقينا بنعرف ندرسكم حاجة من اصلو Quote: يعنى انت ما شايف بعينك نتيجة تلك المذكرات والبيانات التى كنتو تطرحونها ؟؟ شكرا يا دينا علي المرور

---

Post: #68 Title: Re: مذكرة كِرام المواطنيين Author: سيف النصر محي الدين محمد أحمد Date: 11-01-2008, 05:42 PM Parent: #67 المعاي ده ما عرفتو؟؟ يظهر أنو فعلا مضى نصف الزمن يا زميل.. عموما راجع الرابط دهRe: مذكرة كِرام المواطنيين

---

Post: #69 Title: Re: مذكرة كِرام المواطنيين Author: khaleel Date: 11-01-2008, 06:09 PM Parent: #68 Quote: كرام المواطنين من هم ياخدر أو طارق أبوعبيدة.. وأرجو أن لا تأخذك شلة ( اليوم الحار ما بندار بين الهندسة و المعمار)....!!!!! الهندسة بخشوها بالبوكسنق ومشينا وجينا وجع قلب كية للي المابينا وجع قلب خدر اضرب اللون اول حاجة تعمل صنفرة بعدين برايمر بعدين تعمل تو كوت مع المعجون بعدين فاينل كوت دي طريقة عمل الصبغ بلغة ناصية الخليج و (painting) بلغة ناس ارميكا هدف يا خدر ولا يهمك