Post: #1
Title: انا بطلب السماح
Author: خدر
Date: 03-17-2007, 11:21 PM
Parent: #0
 .
انا بطلب السماح لـ كل واحده في الحياة
للي ما عرفتش تحب او عشقت لحظة كــدب
او غدرت جرحت قلب او ما استاهلتش الحب
انا بطلب السماح لـ كل واحده في الحياة
بإسم واحده خانت قلب طعنها
بإسم كل واحده طعنت قلب خانها
كان السبب في شعور يضيع او قلب يحزن
..
انا بطلب السماح لكل واحدة في الحياة
لكل واحدة باعت احساسها و شوقها لحد
للي بي ايديها ضاعت او ضاعت بي ايدين حد
انا بطلب السماح ..
للي ما عرفتش تحب او عشقت لحظة كــــدب
او غدرت جرحت قلب او ما استاهلتش الحب
انا بطلب السماح لـ كل واحده في الحياة
|
Post: #2
Title: Re: انا بطلب السماح
Author: خدر
Date: 03-17-2007, 11:23 PM
Parent: #1
السم في الدسم
او
إن كيدهن عظيم
|
Post: #3
Title: Re: انا بطلب السماح
Author: خدر
Date: 03-17-2007, 11:24 PM
Parent: #2
دعوة للنقاش
ام
دعوة للحب ..؟؟
|
Post: #4
Title: Re: انا بطلب السماح
Author: خدر
Date: 03-17-2007, 11:28 PM
Parent: #3
لا ادري
|
Post: #5
Title: Re: انا بطلب السماح
Author: خدر
Date: 03-17-2007, 11:36 PM
Parent: #4
هل من نقاش - حوار - ونسة دُقاقة
...
..
...
..
.
طيب
قطيعة عديييييييييييييل
|
Post: #9
Title: Re: انا بطلب السماح
Author: خدر
Date: 03-18-2007, 00:00 AM
Parent: #7
منعم .. سلامات
والشوق كتير .. و انا يا صديق في مزاج بائس هذا المساء
افرحني دخولكـ و بوستكـ و سمية و الوليدات و المسرح
و زكريات معهد المزيكا و يوم عرسكـم و ,, الخ
سأعود لكـ هناكـ غدا
الليل هود هنا
قول لي سمية التحيات لله
والزاكيات الطيبات لله
و للعيال الف قبله
ولكـ
المقالدة و السلام
طارق ابوعبيدة
|
Post: #8
Title: Re: انا بطلب السماح
Author: خدر
Date: 03-17-2007, 11:45 PM
Parent: #5
لست في مزاج يتيح لي الان الحديث عن دور الفن
(دور الفن) ؟؟
ده اصبح اسم مُضحكـ مع الايقاع الجديد للحياة
و يذكرني نوعا ما بكلاسيكـ الماركسية و اختلاقها لادوار
وبرامج للنشاط الانساني
.. لا..
دقيقة ..
نرجع لي موضوعنا
لست في مزاج يتيح لي الحديث عن الفن و تأثيراته علي السابلة
نعم
تأثيراته علي السابلة جملة تروقني اكثر
فعلا .. هي تأثيراته علي السابلة
والسابلة .. في شوارع الفن طبعا
ما حدث اعلاة (لحن جميل) لقضية كبيره
او
تبرير .. لامر شغل الدنيا و الناس كثيراَ
اسمع منكم !!
ولا لسة مشغولين مع مهند و الهلال و المريخ ؟
|
Post: #6
Title: Re: انا بطلب السماح
Author: Omayma Alfargony
Date: 03-17-2007, 11:38 PM
Parent: #4
مولانا خدر
أشواق لا تهجع...
لك وللقاء ولها...
فالتكن
والحوار.
ودي وتقديري
|
Post: #11
Title: Re: انا بطلب السماح
Author: خدر
Date: 03-18-2007, 00:06 AM
Parent: #6
اميمة .. ستنا
سلامات
لقاء و بارعه بخير (نوعا ما)
ألام التسنين و قلب الوالد و شجن الاصدقاء
اظنكـ بخير
قولي لي الفرجوني رفعت راسنا
شفناكـ و فرحنا
وانتِ
يديكـ قدر نيتكـ
يا اميمة ..
وحشتنا بوستاتكـ
ياريت نقراء جديد
السلام امانة
|
Post: #10
Title: Re: انا بطلب السماح
Author: معتصم الطاهر
Date: 03-18-2007, 00:04 AM
Parent: #1
خدر
اولا أهديك ... النص
وهو مجاراة او رد
وسأعود للنقاش
أنا بعتـذِر..
عن كلِ حرْف ما حسّ بيكِ واعتدل
باهي الكلام.. ما طال ملامحِك
أوعَدلْ
عن طلّتو..
علي وجه مخلوق من غزلْ
أو أغنيات حاولت
تحشد قوانين النحو
وتعرِب جمالِك في جُملْ
أنا أعتذر..
عن عاشِق قرّب حبيبتو من الزعل
ليه ما سأل..
عن رغبة في القول والكلام
رغم التردد والخجل..
عن حاجتا تسمع "بريدِك"!
ليه ما أجاب بالحيرة أو بالانبهار..
وعاد سأل
أنا أعتـذر..
عن السنابل تمتلي بذرة حنان
لو ما انحنت..
عِـزّة هواك بتمنعا
والرياح لو نَسَّـمت
هوج العواصف عاندت
فرطت لِجَاما..
يوم شافتِـك متمنِّـعة
كل المناخات في انتظار
والطقس في بَنبَر
هناك بيحتسي
فنجان عِشِق، بي جنزبيلة منعنعة
أنا أعتذر..
عن كل دا.. وعن الحَصَل..
والمحتمل من الخَطا
عن مشاعري الهادية ليك
والأحاسيس المفرطة
والمنتظر من اشتها
المشاوير الّلسه في خاطر الخُطا
ليك ما مشت
رغم كُتر الحيل جواك
بالرغم من شوق الواطا
أدهشت أطول طريق
يوم قصّرت مشوارك..
تصل
أنا أعتـذر..
سجنت روحي مع الحزن
ما فرحت بيك
قدر اللي فيك.. من ريد
وقدر ما فيني من حظوة شجن
لا اتحررت من ألمي وبكيت
لا اتعذرت من جور الزمن
أنا أعتذر..
عن كل حوش
صنّ بابو من الضيوف
أو انتحل صفة الكريم
وعن الجهل بيك..
قِـصر المدارك والمعرفة.. ما طالتك
وَرِّيني كيف
اتهجى بيك فصل ا لـ خـ ر يـ ف
واتهادى بيك
وردة في يد الحبيبة
حالة تَسَاب
لحظة تشابي الموجة فوق الرمال
في العصير.. والدنيا صيف
غيمة رشاش
هبة دعاش
لافحة ريحة
من قصب الصريف
دمعة من عين اتغوررت
من الضحك
ونوّرت
زي الهلال حد الطريف
وبعتذر..
|
Post: #12
Title: Re: انا بطلب السماح
Author: Yassir Tayfour
Date: 03-18-2007, 05:26 AM
Parent: #10
الله يسامحك يا خدر قدر ما الجرح يبرا، تاني تروح فاتقو.. _______ يا حليل ناس فاطنة وسعاد.. ما رقدن تِبِنْ..
|
Post: #16
Title: Re: انا بطلب السماح
Author: خدر
Date: 03-18-2007, 04:17 PM
Parent: #12
طيفور
اول شي حمدلله علي سلامتكـ و بركة الرجعت لينا اونلاين تاني
إنشاء الله وصيتي وصلتكـ ؟
تعرف انا لطيفة حبيبتكـ دي
بتعجبني اناقتها بس
شفت انا ضحل كيف
|
Post: #15
Title: Re: انا بطلب السماح
Author: خدر
Date: 03-18-2007, 04:13 PM
Parent: #10
معتم الطاهر
ده شنو ده يا مجنون
ده لكشر عن الحب ولا إحساسكـ يا حنين
برجع ليكـ تاني و نتونس
وَرِّيني كيف
اتهجى بيكـ فصل ا لـ خـ ر يـ ف
واتهادى بيكـ
وردة في يد الحبيبة
|
Post: #13
Title: Re: انا بطلب السماح
Author: الجندرية
Date: 03-18-2007, 10:42 AM
Parent: #1
سلام للجميع
ويا سلام على اعتذارك يا استاذ معتصم
نطلب السماح مِن َمَن يا خدر ولمن يا خدر
كلنا الضحايا
والفاعل هو تسلط الثقافة الذكورية
فلنقض عليها جميعاً
ومع ذلك لنطالب باعتذار لكل إمراة اخرسو صوتها على حد قول شاعرتنا ايمان احمد
Quote: هيروشيما
(إلي كلِ امرأةٍ أخرسوا صوتها يوماً)
ذاكرة
هيروشيما
(1)
كنا بالسنة الخامسة من المدرسةِ الابتدائية.
كنت وقتها في التاسعة من عمري.
أستاذ بشير!
لدينا عرض مسرحي، سعدنا –قريبتي التي هي زميلتي بالفصل، وأنا- بأننا سنرقص ونغني أحد الألحان المدرسية على مسرحٍ خارجَ المدرسة.
أشتَمُ رائحةَ مغامرةٍ. وبطبعي أحبُ المغامراتِ، منذ الصغر!
.....
أستاذ بشير!
حشدٌ من البناتِ.
أطفالاً كنا.
أصواتٌ عديدة.
فرح.
ضوضاء -بالنسبة لي................ دائماً ما أُفضِّلُ الهدوء..
وصداع خفيف.
كنت في التاسعةِ؛ نَعَم التاسعة.
عقلي وقتها صغير.
كان لباس العرضِ أبيضاً، وكنا حمائمَ العرضِ المسرحي.
ننتظر بفارغ الصبرِ الصعود على المسرح.
......
أستاذ بشير!
لا أعلم لماذا أوكلوا له مهمة مراقبتنا، أو متابعتنا!
كان –على ما أظن- يُدَرِّس بمدرسة الأولاد المجاورة لخاصتنا.
لم أدرس بتعليم مختلط –سوى في الحضانة والجامعة، وما بعدها!
أستاذ بشير!
كنت أراه يتحدثُ كثيراً.
للحظةٍ شعرت بأنه مساهمٌ أساسيٌ في الصداعِ الصغيرِ الذي أصابني!
أستاذ بشير!
وقبل أن نصعد على المسرح، قرر إلقاء قنبلته علي هيروشيما قلوبِنا الصغيرة.
بنات.
أصوات
ضوضاء، ربما!
كان المكان ساخناً، وغير مهيأ لاستقبال أحد –حسب تقدير عقلي الذي ظل ينمو منذ ذاك الوقت، وقبله، وإلي الآن.
أستاذ بشير!
ربما كان يعاني من الحرِّ!
لا أعلم.
____
هيروشيما
(2)
"المَرَة .. ياها المَرَة
المَرَة.. ياها المَرَة
المَرَة.. ياها المَرَة
كان ودّوهاأي حتة في السودان!"
____
(3)
حمام مذبوح –ومدجج بالرفض، والحزن العميق،
والأسئلة
اصطففنا جيداً على المسرح
عماماتُ آبائِنا البيضاء
ثيابُ أمهاتِنا
شرائط بيضاء على ضفائرِنا الملونة
أرواحُنا تغني:
"بِيضُ الحمائمِ حسبهنَّ
المرة ياها المرة
المرة ياها المرة
المرة ياها المرة
إني أُردِّدُ سجعهنَّ
المرة ياها المرة
المرة ياها المرة
رمزُ الوداعةِ والسلامةِ
المرة ياها المرة
المرة ياها المرة
...
..
ويمِلنَ والأغصانِ ماخطر النسيمُ بروضِهِنَّ
المرة ياها المرة
المرة ياها المرة
يطفئن حرَّ جُسومهنَّ
بِغَمسِهِنَّ صدورِهِنَّ"
(ليته وجد سطلاً من الماء ليطفئ به غضبه المتدفق!)
و المرة ياها المرة.
_____
(4)
مِقلاع
أستاذ بشير!
هل مازلت تحملُ تلكَ الأفكارِ الصدئةِ تُعَلِّمَها للأجيال؟!
أغسطس
2005
...........................................
إيمان |
|
Post: #17
Title: Re: انا بطلب السماح
Author: خدر
Date: 03-18-2007, 04:28 PM
جندرية
ماكـ طيبة .. و كيفنكـ
فعلا
كلنا الضحايا
لكن قصة الثقافة الذكورية دي عندنا فيها شورة
ليس انحيازاََ لذاكـ الكائن الذكوري لكن لان المُعطيات
اختلفت و اظننا نحتاج الي اعادة قرأة ذاكـ الكائن من جديد
قصيدة ايمان جميلة يا جندرية
كيف انا ماقريتها من زمان
شكرا والله .. فرحتيني بيها كتير
|
Post: #14
Title: Re: انا بطلب السماح
Author: سيف اليزل الماحي
Date: 03-18-2007, 11:03 AM
Parent: #1
ياخ نحنا أصلا لتيفة دي مسامحنها لله ورسوله والمؤمنين.
.
|
Post: #18
Title: Re: انا بطلب السماح
Author: خدر
Date: 03-18-2007, 04:29 PM
Parent: #14
| Quote: ياخ نحنا أصلا لتيفة دي مسامحنها لله ورسوله والمؤمنين. |
|
Post: #19
Title: Re: انا بطلب السماح
Author: أبوذر بابكر
Date: 03-18-2007, 05:12 PM
Parent: #1
أقول ليك حاجة يا خدر
إنت زول بتاع مشاكل ساى
وزول عادى كمان
وشدة ما عادى
بتحب "الأذية" كمان
والله يوم القيامة بسألك
ولو ما سألك
"على الطلاق" كان أكلمه عليك
خليك فى عسلك ده لحدى ما يوم تشرق
أو "تكتل" ليك زول ب "الشرقة القلبية"
كتبت ليك ياخ فى البوست بتاع 1÷ 2 كلام كتير
ما أظنك قريته، عليك الله شوفه وجاوب على الأسئلة الفيهو دى
أقول قولى هذا
وأهديك الريده
يا حلو
|
Post: #23
Title: Re: انا بطلب السماح
Author: خدر
Date: 03-26-2007, 06:28 PM
Parent: #19
Quote: بتحب "الأذية" كمان
والله يوم القيامة بسألك
ولو ما سألك
"على الطلاق" كان أكلمه عليك |
والله يا فنان ماقريت ردكـ بي هناكـ
الليله الصباح في الجزيرة شفت خبر عن عرض مسرحي
لي مسرحية قيس و ليلي في البحرين قالوا قامت فيهو شكلة
تصدق إتزكرت بوستكـ داكـ
كدي النمشي عليهو
|
Post: #20
Title: Re: انا بطلب السماح
Author: Soumeta
Date: 03-19-2007, 07:29 PM
Parent: #1
و بتلبس عااااااااااااادي،،
و الميك أب موزون و عااااااااااادي برضك،،
و ما بظهر فينا عادي!
و الإبتسامة سااااااااااااااحرة،، و عادية،،
ولا بنعرف نقلد،،
انا بحبها يا خدر لمن تغمد عيونا كدي و ترفع يدها الشمال دي،،
و تقول كدي تسو و تسو و تسو،،
إله النبي،،
ثم السماح،،
|
Post: #21
Title: Re: انا بطلب السماح
Author: خدر
Date: 03-20-2007, 09:09 AM
Parent: #20
اباذر - سوميتا
دقيقة بس .. اسسسه بجي
سأعود للونسه النقاش
|
Post: #22
Title: Re: انا بطلب السماح
Author: mazin mustafa
Date: 03-25-2007, 00:11 AM
Parent: #21
Quote: تعرف انا لطيفة حبيبتكـ دي
بتعجبني اناقتها بس
شفت انا ضحل كيف
|
ياخي بالغتا...
دي ضحااااااااااااااالة فاتت حدها
|
Post: #24
Title: Re: انا بطلب السماح
Author: خدر
Date: 03-26-2007, 06:30 PM
Parent: #20
سوميتو
والله كلامكـ ده اقولو انا هنا
إلا يهدروا دمي
|
Post: #25
Title: Re: انا بطلب السماح
Author: خدر
Date: 03-26-2007, 06:31 PM
Parent: #24
مازن
|
Post: #26
Title: Re: انا بطلب السماح
Author: ابراهيم على ابراهيم المحامى
Date: 03-27-2007, 02:30 AM
Parent: #25
يا عديل يا رقيق
بس عارف اسباب اختيارك للحاجات دي ، بس عاجسي نجرم في حقك لطيفة دي مش كدا
فوق للي ما عرفتش تحب!!!
|
Post: #27
Title: Re: انا بطلب السماح
Author: nazar hussien
Date: 03-27-2007, 06:52 AM
Parent: #26
تقول لي المعجون اب وردة!
آآآي يا خدر اتدرق بي صورة لقاء دي وجيب لينا المزيد...
والله نحن مظاليم هوي بالجد..
|
Post: #28
Title: Re: انا بطلب السماح
Author: خدر
Date: 04-01-2007, 02:03 PM
Parent: #26
يا عديل اتصلح معانا ياخي
اقول ليكـ لتيفة تقولي نانسي عقرب
|
Post: #29
Title: Re: انا بطلب السماح
Author: خدر
Date: 04-01-2007, 02:04 PM
Parent: #26
نزار
يا حليلكـ كيفنكـ و ماكـ طيب
اتدردق ساي يا ابو وردة
|
|