هو المعقول ده قدر شنو ؟

هو المعقول ده قدر شنو ؟


04-22-2007, 05:15 PM


  » http://sudaneseonline.com/cgi-bin/sdb/2bb.cgi?seq=msg&board=53&msg=1189142009&rn=18


Post: #1
Title: هو المعقول ده قدر شنو ؟
Author: خدر
Date: 04-22-2007, 05:15 PM
Parent: #0

صحوت و علي عجل دخلت المنبر ابحث عن نتائج انتخابات إتحاد الجامعه
قرأت اخبار الفوز و قرأت اسم ولاء كـ رئيس لهذه الدورة الجديده للاتحاد
وعندما علمت من هي ولاء إنعقد لساني ولم اقوي علي استيعاب تلكـ اللحظة
ولاء صلاح عبدالرحمن ؟
وسال دمعي .. تلكـ إبنه اصدقائي صلاح و زينب
إتغالطو هي و اخوها
لمن غلبتو .. زعل و قال ليها
ياخي ده اكتر من المعقول زاتو
ردت عليهو [هو المعقول ده قدر شنو ؟]

كانت تلكـ ولاء صلاح ع.الرحمن في منتصف التسعينات واظنها أنذاكـ
كانت في السنةالعاشره من عمرها الذي اتمناه مديدا سعيدا .. لها و لنا

عرفت صلاح لسنين طوال عرفته استاذاَ و صديقاَ
إن حاولت ان اصفه .. اظنني سأقول انه (محجوب شريف ) آخر
إنسان يجيد الاستماع .. قليل الحديث .. مبتسم دائما وهو
ينظر الي مايدور حوله بعين العارف الي اين ستصل هذه الاحداث
لكنه
لايتحدث حتي لا يحرم الاخرين من خوض تجاربهم علي مستويات
التفكير او التجريب .. يواصل جيرانه و ارحامه واصدقائه بعد
يوم شاق في التدريس الذي يعشقه

زينب نموذج أخر خلاف صلاح تماما سودانيه ودودة و بشوشة و وناسه
و حَكايه .. بينها واطفالها قصص و نوادر جميلة و بينها و الاخرين
كل الاحترام والموده

ماعارف اسه اباركـ لي زينب و صلاح ولا اباركـ لي ولاء ولا اباركـ لي روحي
ولا اباركـ لي أتحاد الجامعة قيادة ولاء .. تلكـ النجيبة التي فتحت عقلي
علي ذلكـ السؤال وهي في توقيت العاشره من العمر .

[ المعقول ده اصلاَ قدر شنو ؟ ]


مبروكـ يا ولاء
عمـو طارق ابوعبيدة

Post: #2
Title: Re: هو المعقول ده قدر شنو ؟
Author: خدر
Date: 04-22-2007, 05:31 PM
Parent: #1




Post: #3
Title: Re: هو المعقول ده قدر شنو ؟
Author: Adil Osman
Date: 04-22-2007, 05:40 PM
Parent: #1

خدر الفنان والموهوب.
استمتع بنثرك متعة فائقة. كما استمتع بغنائك وتجاربك الموسيقية.
انت كاتب محترف. ويمكنك كتابة مقالات اسبوعية او شهرية وتنشرها فى كبريات الصحف والمجلات.
كتابتك هنا عن بنت صغيرة كبرت وصارت زعيمة طلاب جامعة الخرطوم كتابة ذكية وفيها مودة ودهشة لطيفة.
وهكذا نرى ملامح من معارفك واصدقائك وذرياتهم.
وان شاء الله الواحد يعيش لحدى ما يشوف لقاء مخترعة او زعيمة فى مجالها.

Post: #5
Title: Re: هو المعقول ده قدر شنو ؟
Author: خدر
Date: 04-22-2007, 05:50 PM
Parent: #3

تعرف ياعادل .. بعد قريت خبر ولاء و دمعت عيناي
دخلت لقاء بي هترشاتها ديكـ و شافت دموعي و لوت بوزها
معلنة عن سخطها لسبب دموعي
تعانقنا و بعدها عقدنا إجتماع سريع و وعدتني انها ستخلف ولاء
في قيادة الاتحاد في دورة 2026


شكرا لتمنياتكـ للقاء يا عادل
وصدقني خبر فوز (ولاء) اثلج صدري كأن التي فازت هي (لقاء)
لن تستطيع ان تتخيل مدي فرحي الان لدرجة انني ولاول مرة اضع
صورة حقيقه لي في سودانيزاونلاين منذ عام 2002 و كـأنني انا
(صلاح و زينب) ويجب ان اظهر بشحمي و لحمي لتلقي التهاني .

شفت الفرح بعمل شنو فينا !!

عقبال كل حبانكـ ياعادل

Post: #4
Title: Re: هو المعقول ده قدر شنو ؟
Author: Elmoiz Abunura
Date: 04-22-2007, 05:45 PM
Parent: #1


الف مبروك لولاء صلاح , لقوى التحالف

Post: #6
Title: Re: هو المعقول ده قدر شنو ؟
Author: خدر
Date: 04-22-2007, 07:46 PM
Parent: #4

مليون مبروكـ ابونورة لقوي الديمقراطيه في السودان
ومبروكـ علي الاتحاد ولاء صلاح فهي تشربت معاني الديمقراطيه
منذ نعومة اظفارها

Post: #7
Title: Re: هو المعقول ده قدر شنو ؟
Author: Mustafa Mahmoud
Date: 04-22-2007, 07:50 PM
Parent: #6

مليون مبروكـ ابونورة لقوي الديمقراطيه في السودان
ومبروكـ علي الاتحاد ولاء صلاح فهي تشربت معاني الديمقراطيه
منذ نعومة اظفارها

Post: #9
Title: Re: هو المعقول ده قدر شنو ؟
Author: خدر
Date: 04-22-2007, 08:50 PM
Parent: #7

تسلم يادكتور

Post: #8
Title: Re: هو المعقول ده قدر شنو ؟
Author: سفيان بشير نابرى
Date: 04-22-2007, 08:24 PM
Parent: #1


خدر سلام يا عزيز

تعرف يا خدر بقرأ في كلامك ده اناذاتي دموعي جرت
ولاء بنت الاعزاء والاصدقاء واخوانها يا خدر تعلمهم
تمام والولد المفاجاة لسع بيكون معارفو (بدر الدين)
غايتو يا خدر لو الفرد والشباب بيطلعوا النصيحة بيقولوا
ليك سفيان اتمنها رئيسة الاتحاد واهو ياخدر بي كراعي دي
دخلته الجامعة فتشتها وباركته ليها الاتحاد والفوز

حنحتفل برانا كاصدقاء لهذه الاسرة التي ننتمي لها بالكامل
خليك قريب ورسل تلفونك بهناك اصلاً معانا المعلم يحي فضل الله
والحتفال حيكون احتفال الاصدقاء .

سلامي للقاء وأمها .


مبروك ياطارق الف مبروك

Post: #10
Title: Re: هو المعقول ده قدر شنو ؟
Author: عبدالله شمس الدين مصطفى
Date: 04-22-2007, 09:40 PM
Parent: #8

يا طارق هذا "لقاء" الوعد ،
و وعد اللقاء الذى سيجئ
حتماً بمن هن/م مثل ولاء ،
حباً وإنتماءً ، وإنحيازاً
لهذا الشعب ، ولأشياء هذا الشعب .

كبر (العيال) على حين غرةٍ ،
غافلونا و كبروا هكذا ...
بأفعالهم ، وبأفكارهم ، ورؤاهم
وأحلامهم . لو تدرى كيف أُعوِّل
على هؤلاء الأبناء ؟؟؟ سيرة الحاضر
المثخنةٌ بالجراح تُغبِّش علينا الرؤية
وتلمّس الطريق ، لكنى أثق فى بوصلتهم
التى لن تخيب ، ولن تُكذِّب أهلها .

مبروك لنا (ولاءنا) يا طارق ،
مبروك لنا ترسيم حدود المعقول
الذى هو قدُر شنو معها ، وبها ،
وهاهى أسرة حقّ لها الفخر والتفاخر ،
والإنتشاء .
دمت يا خدر ، والبركة فى شوفتك ،
وفى شوفك الما خاب .

كل حبى لك وللأسرة .

Post: #11
Title: Re: هو المعقول ده قدر شنو ؟
Author: Mustafa Mahmoud
Date: 04-22-2007, 10:10 PM
Parent: #10

" target="_blank"><...l />

Post: #12
Title: Re: هو المعقول ده قدر شنو ؟
Author: عاصم الطيب قرشى
Date: 04-23-2007, 00:38 AM
Parent: #11

طارق يا حنيييين

سلام وتجديد ولاء

وعلى ذات الدرب

قريبا سنسمع عن لقاء

مبروك للحركة الطلابية

وعقبال الحركة الجماهيرية

بالمعقول وأكثر منه كمان.

ـــــــــــــــــــــــــــــ

تحياتى للاسرة

عاصم

Post: #13
Title: Re: هو المعقول ده قدر شنو ؟
Author: Abdel Aati
Date: 04-23-2007, 00:42 AM
Parent: #12

كلام جميل يا خضر
التحية لولاء ..

Post: #14
Title: Re: هو المعقول ده قدر شنو ؟
Author: خدر
Date: 04-26-2007, 05:55 AM
Parent: #13

عذرا علي الغياب القسري يا اصدقاء
سأعود

Post: #21
Title: Re: هو المعقول ده قدر شنو ؟
Author: خدر
Date: 04-26-2007, 08:43 PM
Parent: #13

شكرا عاضل
..
..
ولاء و رصيفاتها قطعا عقول خضراء ستغذي شرايين
السودان التي تكلست مؤخراَ







_________
عاضل=خضر
عادل=خدر

Post: #20
Title: Re: هو المعقول ده قدر شنو ؟
Author: خدر
Date: 04-26-2007, 08:39 PM
Parent: #12

يافنان
الولاء فينا منذ الازل و (ولاء) محض تزكرة و قطرة عرق
ستصب في صالح هذا البلد
كيفنكـ و مشتاقين
خرمت ليكـ كم مرة و حاولتكـ
اظنكـ غيرت الرقم

عجبتني دي يا عاصم
Quote: مبروك للحركة الطلابية

وعقبال الحركة الجماهيرية

تحياتي يا لماح

Post: #19
Title: Re: هو المعقول ده قدر شنو ؟
Author: خدر
Date: 04-26-2007, 08:36 PM
Parent: #11

الله الله الله يا دكتور


ياسلام ياسلام
او كما قال (حاج طة)

Post: #18
Title: Re: هو المعقول ده قدر شنو ؟
Author: خدر
Date: 04-26-2007, 08:35 PM
Parent: #10

عبدالله سلامات
تعرف انا لحد الان ماقادر اصدق انو ولاء كبرت وبقت رئيس إتحاد كبير جدا
بحساب الايام .. نعم قد يحدث ذلكـ
لكنا في السودان يا صديقي إعتدنا ان نحسبها تلكـ السنوات بقلوبنا
كم هو عمر الحنين .. الحب .. الغربة .. الخ
بعيداَ عن البُعد فيزيائي لتلكـ السنوات

كم نحن غريبون ياصديقي

لكل صغارنا كل التمنيات بنجاحات تتحقق تباعا
وبقلوب يتوازن فيها الحنين مع العقل


كن بخير يا شمس

Post: #17
Title: Re: هو المعقول ده قدر شنو ؟
Author: خدر
Date: 04-26-2007, 08:30 PM
Parent: #8

يا سلام عليكـ ياسفيان ياخي
بتعملها انت والله
تلفوني في البروفايل معاكـ
اصلو انا صلاح كايس ليهو
بس مسكل لي زي مابقولوا وانا برجع ليكم

تحياتي لولاء يا سفيان

Post: #15
Title: Re: هو المعقول ده قدر شنو ؟
Author: أبو ساندرا
Date: 04-26-2007, 06:47 AM
Parent: #1

Quote: تعانقنا و بعدها عقدنا إجتماع سريع و وعدتني انها ستخلف ولاء
في قيادة الاتحاد في دورة 2026


أنا متأكد إن { لقاء } حتواجه منافسة قوية من بنت ساندرا
وفر رواية أخرى بنت ماهيتاب
ده لو ما فاجأت سارا بركات التوقعات وعملتها في الدورة القادمة


حلوة { عملتها } دي ؟
وكمان في الدورة !

Post: #22
Title: Re: هو المعقول ده قدر شنو ؟
Author: خدر
Date: 04-26-2007, 08:55 PM
Parent: #15

اباساندرا
(1)
الخمسة في الاتنين

(2)
التحيه لكل البنيات القادمات
ففيهن الامل بمواقف اكثر وضوحا

Post: #16
Title: Re: هو المعقول ده قدر شنو ؟
Author: سيف اليزل الماحي
Date: 04-26-2007, 07:24 AM
Parent: #1

.



.

حينما وردني خبر ولاء لرئاسة إتحاد طلاب جامعة الخرطوم عبرت بخاطري سني نضال الحركة
الطلابية فطفرت مني الدموع .. هو نصر لنساء السودان.

سيف اليزل

.

Post: #23
Title: Re: هو المعقول ده قدر شنو ؟
Author: خدر
Date: 04-26-2007, 08:56 PM
Parent: #16

سيف اليزل

لا اسكت الله لكـ رسماَ

Post: #24
Title: Re: هو المعقول ده قدر شنو ؟
Author: خدر
Date: 04-27-2007, 06:23 AM
Parent: #23

Quote: سيرة الحاضر
المثخنةٌ بالجراح تُغبِّش علينا الرؤية
وتلمّس الطريق ، لكنى أثق فى بوصلتهم
التى لن تخيب ، ولن تُكذِّب أهلها .

في الصميم يا شمس

Post: #25
Title: Re: هو المعقول ده قدر شنو ؟
Author: تاج السر حسن
Date: 04-27-2007, 06:35 AM
Parent: #24

خدر الجميل
العنكبه حرمتنا من جنس كلامك السمح ده .. نعمل شنو مع بكرى؟
يا اخى وين تلك الأغنيه التى سمعناها معا " عيش معاى الحب".
تحية لجامعة الخرطوم فى ظل الظلام الكثيف والضباب تسلم قيادها
لأمراة !!
فالجامعه يقودها الأتحاد لا المدير.

Post: #28
Title: Re: هو المعقول ده قدر شنو ؟
Author: خدر
Date: 04-29-2007, 03:57 PM
Parent: #25

تاج السر سلامات ياخي و ليكـ وحشة

الاغنيه موجوده بس انت افضا لينا
وتعال بي رواقة نعدل المزاج تاني

نعم
تحية لجامعة الخرطوم فى ظل الظلام الكثيف والضباب تسلم قيادها
لأمراة !! فالجامعه يقودها الأتحاد لا المدير.

Post: #26
Title: Re: هو المعقول ده قدر شنو ؟
Author: على عمر على
Date: 04-27-2007, 08:08 PM
Parent: #1

شكرا
خضورى
اشاء الله لقاء تجاوب لينا وتورينا
المعقول قدر شنو؟؟؟؟؟؟؟؟

Post: #29
Title: Re: هو المعقول ده قدر شنو ؟
Author: خدر
Date: 04-29-2007, 03:59 PM
Parent: #26

علي عمر سلامات

تعرف سؤال ولاء القالتو و هي متحيرة ده صعب .. جد جد
فعلا غايتو احتمال ناس لقاء يقدروا يحلوهوا بعدين
لكن حتي إشعار أخر
ما اظن القصه دي بالساهل








______
لسه في القاهرة ولا رجعت ؟

Post: #27
Title: Re: هو المعقول ده قدر شنو ؟
Author: معتصم الطاهر
Date: 04-27-2007, 08:32 PM
Parent: #1

خدر
اللّخدر ..

تحياتى ...

تعرف أن أجمل ما فعلته _ ج د - منذ قيامها هو معرفتها بقدر المرأة أخيرا ..

رغم وجود نساء هن أفضل من رجالها

و بمناسبة ولاء و القيادة ...
نعلن ولاءنا .. منذ الآن ..
و أرجو أن أرى ذلك فى مذكراتك لها ..
وين البوست دا ..
ممكن الرقصة دى ..

Post: #30
Title: Re: هو المعقول ده قدر شنو ؟
Author: خدر
Date: 04-29-2007, 04:03 PM
Parent: #27

الشاعر الساحر معتصم

ياخي ج.د دي عظيمة فعلا .. بسبب فتوة الشباب والحماس
ام بسبب عظمة برنامجها المرحلي ..لا ادري
لكني اعلم جيدا ان الشباب لا يكذب ولا يعرف التجمل

تفصلني سنوات طوال عن ولاء
لكني استطيع التخيل كيف ستصبح و كيف هي الان
اجزم انها قادرة علي فعل الكثير مع رفاقها و رفيقاتها هناكـ







بوست لقاء موجود .. تشغلني عنة الايام
و
لقاء نفسها


سلامي يا صديق و قطعا سنواصل الرقص