Post: #1
Title: DKEEN
Author: خدر
Date: 04-30-2007, 04:42 PM
Parent: #0
(أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ)
|
Post: #2
Title: Re: DKEEN
Author: خدر
Date: 04-30-2007, 04:43 PM
Parent: #1
نباء الي علمي و انا مسترخ اطالع المنبر ان هنالكـ اقول تتناثر علي استحياء هنا و هناكـ
يتداولها بعضهم بحذر شديد و تكتم .
|
Post: #3
Title: Re: DKEEN
Author: خدر
Date: 04-30-2007, 04:49 PM
Parent: #2
واظنكـ تعلم جيدا اني لست بغافل عن من يريدون قول شيئا هم فيه ومنه .. محذرون
و هارشين .. وتلكـم ليست بعض تصورات مريضه تزينها لي نفسي الامارة لكني و كما صاح
احدهم
اري تحت الرماد وميض نار
و يوشكـ ان يكون لها ضرام
ذالكـم كان شوف عين يا وغد
وكتل غزال
|
Post: #6
Title: Re: DKEEN
Author: خدر
Date: 04-30-2007, 04:53 PM
Parent: #3
تتزوج يا دكين و انا اخر من يعلم ؟
تتزوج يا وغد و خبركـ اعرفو من الاوغاد ؟
ما كان العشم يا ..
________
.. حُذفت إحتراما للوائح و عيون القراء
|
Post: #4
Title: Re: DKEEN
Author: DKEEN
Date: 04-30-2007, 04:51 PM
Parent: #1
ياخدر
لله ما اعطى ولله ما اخذ..
|
Post: #5
Title: Re: DKEEN
Author: DKEEN
Date: 04-30-2007, 04:53 PM
Parent: #1
ياخدر
انها نوال..
فما ذنبي إن لم تخبرك..
|
Post: #7
Title: Re: DKEEN
Author: خدر
Date: 04-30-2007, 04:55 PM
Parent: #5
لله ما اخذ دي بتاعت والله ماكان في نصيب
او
اختلفنافي وجهات النظر (بعد 5 سنوات حب و مبارات ضلله)
ما بتحلكـ
|
Post: #8
Title: Re: DKEEN
Author: خدر
Date: 04-30-2007, 04:56 PM
Parent: #7
عموما
الف مبروكـ وأنشاء الله ماتنفعكـ
|
Post: #11
Title: Re: DKEEN
Author: خدر
Date: 04-30-2007, 05:02 PM
Parent: #8
واني هنا باق حتي يعلم الجمع من من ضم مجلسنا
انكـ لست فقير خيل بل انت فقير حِيلة و تافة
و حتي اعلم ماذا اعددت لها من عدة و عتاد
فقط
كي يطمئن قلبي و اعلم اي منقلب ينتظر تلكـ
الغافله عما حل بها واي مصير ينتظرها مع من
إختارت
عليكـ اللعنة
|
Post: #9
Title: Re: DKEEN
Author: اساسي
Date: 04-30-2007, 04:57 PM
Parent: #5
مبروك يا دكين
ان شاء الله بيت مال وعيال وربنا يبارك ليك فيها ويبارك ليها فيك
ويجمعكم في خير
|
Post: #14
Title: Re: DKEEN
Author: عبدالله شمس الدين مصطفى
Date: 04-30-2007, 05:04 PM
Parent: #5
.
وطبعاً من العجلة قريتها بخدر شديد .
ويا دكين كل نفس .... الموت اللذيذ .
وطبعاً سيقول أعدائك فى أنفسهم ، وبخبثٍ مهيب "يستاهل".....
وسيقول لك آخرون "مبروووك يا رجل" ، وسينبئك الزمن
بالذى كان كلامه ببكّيك ، ولآ بضحّكك . و ...
مبروووك يا رجل .
|
Post: #10
Title: Re: DKEEN
Author: DKEEN
Date: 04-30-2007, 05:00 PM
Parent: #1
نوال يا خدر مانزلنا ليك صورتها بالهين
ذنبي شنو كان ماورتك..
موش قتا بتعرفها..
|
Post: #13
Title: Re: DKEEN
Author: خدر
Date: 04-30-2007, 05:04 PM
Parent: #10
Quote: مبروك يا دكين
ان شاء الله بيت مال وعيال وربنا يبارك ليك فيها ويبارك ليها فيك
ويجمعكم في خير |
اساسي حالة كونة عامل مجنون 
|
Post: #12
Title: Re: DKEEN
Author: Alsadig Alraady
Date: 04-30-2007, 05:04 PM
Parent: #1
بالرفاه والبنين يا دكين
ألف مبروك.
|
Post: #15
Title: Re: DKEEN
Author: خدر
Date: 04-30-2007, 05:05 PM
Parent: #12
اساسي
وين الوغد التاني اب خشمن خفيف
مالو ما ظهر لحدي اسه
|
Post: #16
Title: Re: DKEEN
Author: خدر
Date: 04-30-2007, 05:07 PM
Parent: #15
ود الرضي
تخيل انا اعرف من اساسي و اخرين
شفت البقت علي يا صادق ؟
|
Post: #17
Title: Re: DKEEN
Author: خدر
Date: 04-30-2007, 05:09 PM
Parent: #16
عبدالله شمس الدين
عجلة عثمان حامد
واهاهاهااهاهاااههههاااههه
شفت تفاهة دكين يا شمس ؟
|
Post: #18
Title: Re: DKEEN
Author: DKEEN
Date: 04-30-2007, 05:09 PM
Parent: #1
| Quote: الف مبروكـ وأنشاء الله ماتنفعكـ |
ابشرك نفعتني زماااااان وانتهينا ذاتو..
زماااان نابري نزل بوست للعرس والزواج انتا كنتا في هنولولو؟؟
ده من ناحية
وحاتك انا قايل الموضوع حاجة تانية..
خلعتني ياخ..
صحي انا والله في بطني حرقص ومشاكلي كتيرة..
|
Post: #20
Title: Re: DKEEN
Author: خدر
Date: 04-30-2007, 05:15 PM
Parent: #18
واول نُصحي لكـ يا وغد و انا ذاهب للالتحام مع الجماهير الغفيره
احتفالا بعيد ملكتنا (اطال الله بقائها) بياتركس
ان
تنسي كل ما قيل لكـ او تقولت به في اللستكـ في حلتكم مساء و انتم
صبية تستعرضون قدراتكم المهولة المتخيلة حول الانثي .
تنسي كل ما فاخرت به و فاخر به اخرون في اخر محطة من غزوات وهميه
كانت او حقيقيه
تنسي كل ماحدث إبان معاركـ مجلات سمر / روايات عبير / روايات ماركيز
وان تستعن بالله و تتعوذ من الشيطان الرجيم وتعلم شيئاَ واحد هو الذي ستصير فيه
العرس ده حا يحولكـ من كائن حر مالكـ لقراراتكـ الي مجرد خدااااااااام
و السلام
|
Post: #19
Title: Re: DKEEN
Author: تماضر الخنساء حمزه
Date: 04-30-2007, 05:11 PM
Parent: #1
أصلو ياخدر الكتاحة الفي السودان دي ماساكت..
دكين؟؟
أخرجناكم من رحمتنا
|
Post: #34
Title: Re: DKEEN
Author: خدر
Date: 04-30-2007, 09:32 PM
Parent: #19
يا خنساء
بصدد الكتاحه
قطع شكـ السبب دكين
اخرجيهو يخرجو البلا
|
Post: #21
Title: Re: DKEEN
Author: DKEEN
Date: 04-30-2007, 05:18 PM
Parent: #1
الصادق الرضي
يالصادق
قد صنعت لي فتاة من دخان سجائري ..
لتلم عن وجهي غبار الاغتراب..
او كما قلت رضي الله عنك ارضاك
الان
الفرح لايتخير الورد ثيابا
كي يسمى بالقواميس زفاف..
الفرح فينا هذه التهنئة الجميلة من زول الجمال هو صنعته ولاشي اخر..
|
Post: #22
Title: Re: DKEEN
Author: Sidig Rahama Elnour
Date: 04-30-2007, 05:29 PM
Parent: #21
يا خدر
لو صح هذا النبأ فسيكون لنا مع هذا الوغد حديثُ أخر 
يا دكين : ماهذا الذي يُقال ؟؟؟
|
Post: #24
Title: Re: DKEEN
Author: DKEEN
Date: 04-30-2007, 05:44 PM
Parent: #22
ياود رحمة
ياخي خدر ده بتونس مع صحبتو قالت ليهو الكلام ده..
وصحبتو جايبا الكلام ده من صحبتها وصحبتها لافحاها من خشم حرمنا ..
يعني كلام حريم ساي ما تصدقو..
انتا ياخدر اقعد باري لي الجكس ده لامن يرسلوك بيت امك..
|
Post: #36
Title: Re: DKEEN
Author: خدر
Date: 04-30-2007, 09:39 PM
Parent: #24
والله يا وغد ماطالبني حليفه
لم اسمع قط ..شفت قط دي كيف
انكـ إتأهلت للنهائي
يعني عشان اعرف خبر زواجكـ اسكن في المنبر ولا شنو
بعدين المنبر بكري سجل فيهو دماء جديده قايمه بي نمرة 4
تمشي تعمل شاي و تجي تلقي الصفحة الاولي كلها new (الصفراء البترقص ديكـ)
اها .. انجم انا ؟
|
Post: #35
Title: Re: DKEEN
Author: خدر
Date: 04-30-2007, 09:34 PM
Parent: #22
رحمة يا صديقي
الذي يقال ماجابوهو لي ناس نعمات ولا بنات حبصه
الذي يقال قريتو بي عيني في بوست وداع بشاشا
شمشرة علي خفيف بين اساسي و الوغد نوبي
خليهم ينكروا
|
Post: #23
Title: Re: DKEEN
Author: DKEEN
Date: 04-30-2007, 05:36 PM
Parent: #1
خدر
سلم لي على ملكتكم دي ..
وقول ليها: عندي فحل عايز يدبل كيف معاكي؟؟
بعدين ياخ
لاتصدق كل ماُيقال..
فما صاحبك ببياع..
|
Post: #25
Title: Re: DKEEN
Author: عبدالله شمس الدين مصطفى
Date: 04-30-2007, 06:22 PM
Parent: #23
.
خلاص بدينا ، حرمنا والجماعة والأولاد ؟؟؟؟
|
Post: #26
Title: Re: DKEEN
Author: DKEEN
Date: 04-30-2007, 06:26 PM
Parent: #23
Quote: وسينبئك الزمن
بالذى كان كلامه ببكّيك ، ولآ بضحّكك . و |
|
Post: #27
Title: Re: DKEEN
Author: tmbis
Date: 04-30-2007, 07:05 PM
Parent: #26
| Quote: بل انت فقير حِيلة و تافة |
يا خــدر اسمــع:
بلاي خلي لينــاعندك اخــــلاق .. اي نعم دكين تافــه جدا
لكن ما قاعد ارضى فيهــو
|
Post: #39
Title: Re: DKEEN
Author: خدر
Date: 04-30-2007, 09:58 PM
Parent: #27
تمبس
قيل ..
اختلف اعمشاَ و زوجته فتدخل اهل الخير للصلح بينهما و فشلت كل المساعي لاصلاح ذات البين
فأنتخب القوم فقيها لأرضاء الزوجه و إعاده الامر بينهما الي ما كان عليه .. فتخير الفقيه
ما تخيرته يا تمبس و قال :
يا بنيتي ان ابا محمد شيخ كبير فلا يغرنكـ فيه عمش عينيه و جمود كفيه و نحافة ساقيه ..
وهنا صاح ابامحمد (قاتلكـ الله يا رجل لقد أريتها من عيوبي مالم تكن تعلم)
|
Post: #37
Title: Re: DKEEN
Author: خدر
Date: 04-30-2007, 09:47 PM
Parent: #23
الصورة اعلاه لملكتنا المبجلة
ننشرها دراءَ لاي خلافات عائلية قد تحدث جراء تصريحكم الاخير و حتي تعلم حرمكم المصون
انكـ تتمتع بروح الدعابه ليس إلا
|
Post: #28
Title: Re: DKEEN
Author: عمر ادريس محمد
Date: 04-30-2007, 07:07 PM
Parent: #1
ياخدر الكلام دا جد؟
مبروك يادكين ..وبهذا انطوت صفحة الالهام كما حدث للذين من قبلك
وعلى كل حال قلبى معها
|
Post: #29
Title: Re: DKEEN
Author: Gafar Bashir
Date: 04-30-2007, 07:12 PM
Parent: #28
دي عجبتني شديد ... بس كان شلت النقطتين الاخيرات ديل ...
---
زي صاحبك الشرغوف يا ديك الجن ... ونحن عندنا حيلة غير مبروك
|
Post: #43
Title: Re: DKEEN
Author: خدر
Date: 04-30-2007, 10:13 PM
Parent: #29
ابوامنه
والله محسن خالد يشككـ في فرشة اسنانكـ
واليومين ديل المصحح اللغوي بتاعنا مشي لي امو (نسيبتي)
حقو الواحد يغيب موش
|
Post: #40
Title: Re: DKEEN
Author: خدر
Date: 04-30-2007, 10:01 PM
Parent: #28
Quote: مبروك يادكين ..وبهذا انطوت صفحة الالهام كما حدث للذين من قبلك
وعلى كل حال قلبى معها |
واهاهاهههاهااههاههاها
واااااااااااااااااااكـ
واااااااااااااااااي
فجراوي .. الله يجازي مِحنكـ
|
Post: #30
Title: Re: DKEEN
Author: سفيان بشير نابرى
Date: 04-30-2007, 07:26 PM
Parent: #1
Quote: زماااان نابري نزل بوست للعرس والزواج انتا كنتا في هنولولو؟؟
|
صدر تحت توقيعنا منذ مايقارب ثلاثه اشهر او ....
انتو اقعدو بارو لي في الهجرة والاغتراب ده لحدود
ما الحكومة يشكلوها (الحكومة دي بين قوسين واسالو ابو ساندرا)
المهم الكتاحه اهم حاجة انها قامت بعد ما زولكم ده فلسع من هنا
وطلع ود ترب (الصحابة*) وو (مشو**) زاتو .
ياخدر بطل حساده ونزل اغنية انشاء الله (نحنا ما رضيناها ليك)
ــــــــــــــــــــــــــــــ
*قيل في الاثر أن الصحابة هي قرية
في شمال السودان دفن بها بعض الصحابة
حين دخول المسلمين للسودان .
** مشو فقير ايضاً في شمال السودان مشهود
له بالكرامات وذكر في عدت كتابات سودانية .
|
Post: #31
Title: Re: DKEEN
Author: DKEEN
Date: 04-30-2007, 08:51 PM
Parent: #1
| Quote: اي نعم دكين تافــه جدا |
تامبا
الزول ده قال دكين تافه..
(جدا) الجبتها دي لزوما شنو؟؟
ذكرتني بي واحد انتهازي
كنا في دفار ومتشعلق بي ورا مع مجموعة من الخلايق
اها بتاع الدفار سايق بي تهور والعربية بتنطط يمنة ويسرة..
اها الزول المعلق جنبي في الباب ده قام كورك في السواق بي صوت عالي بي زعل:
(ياخي انتا الحيواناات الراكبين معاك ديل ما تحاول احترمهم ياخ..
طلعتا دينا ياخي..)
اها الناس دي كلها جوه الدفارعاينت ليهو مستهجنة وصفهم بالحيوانات حتى ولو كان ذلك في معرض الدفاع عن حقهم في ركوب دفار يسير بصورة متزنة..
قمتا قتا ليهو بي هدوء وانا خايف يختها لي: ياخي صحي الزول ده سايق بي تهور بس نحنا ذنبنا شنو تمرقنا حيوانات؟؟
تصور؟؟
لا ايد لاكراع ..الزول مرقنا حيوانات...
هسي صحي نحنا تافهين بس
ذنبنا شنو تسويها جدا..
انتا روعتك دي بتخليها متين*
*للاستفسار راجع قاموس معتصم للروعة..
|
Post: #32
Title: Re: DKEEN
Author: Ibrahim Algrefwi
Date: 04-30-2007, 08:55 PM
Parent: #1
.
.
كُلما مروا بحرب تساقط فارس منهم ...
|
Post: #33
Title: Re: DKEEN
Author: fadlabi
Date: 04-30-2007, 08:58 PM
Parent: #1
مبروك يا عزيز إن شاء وليداتك ما يجو قصار و زرق و لسانهم طويل
بيت مال و عيال
و الله فرحان ليك
|
Post: #38
Title: Re: DKEEN
Author: Emad Abdulla
Date: 04-30-2007, 09:50 PM
Parent: #33
؟؟؟ فهي من عَندِنا إذن يا مأفون .. ؟؟
مِن ( الصحابة ) و تاخد من عَندِنا ؟؟؟
و مَن ؟ ..
من سيدي القاضي و السادة المحلفون .. مَن ؟؟
إبنة عمي نوالون ؟؟؟
قاتلك الله يا دعي كنده , و الله لأردعنك و أجعلك عبرة ..
يا معشر قريش ..
واذلاه .. واذلاه ..
وا ذلاه , يا لتغلب .
إليّ بنعالي و مهندي و العوالي و النواصل ..
الليلة الدّقْ .
زح من قدامي يا خدر ..
|
Post: #41
Title: Re: DKEEN
Author: وليد محمد المبارك
Date: 04-30-2007, 10:04 PM
Parent: #38
كفارة يا معلم ، الف لا باس عليك
بعد ده حا تبقى مسكين زي خدر والفاضلابي ديل
|
Post: #45
Title: Re: DKEEN
Author: ودرملية
Date: 04-30-2007, 10:54 PM
Parent: #38
سلامات
وعوافي
هيت لنا ..
وسمار الليالي الحياري والصعاليك "قد نقصوا فد نفر" اي والله
فالوغد الذي ابدع في التعطل واقتناص الليالي امتشق
سيفه "وكسح" يسوح في عوالم اخري ..
بحر ماله وفحولته ..
نعم يضاجع ويضحك وتلعب الدلكة في جسده المهتريء ..
والخمرة التي ينتصب له صوف الجسد تضرب بابتهاجها علي مضجعه الكريه ..
ما فرحتا "شديد" غير ان الزعل "طرشق لساتكي" ..
اهذا الولد الشين "والذي لايملك عدا حرف انيق ووجه افطس ادعس ادعج" تلم فيهو بت حلال
والله اني امنت بحكمة الله وتجليات اسماءه علي مظاهر الخلايق والكائنات ..
فهو الواهب الرازق بلاحساب ..
نعم الاله انت "ياربي ياكريم" ..
نعم الاله انت يا قادر يارحيم ..
هذا الولد "كان راسو طرشق" من الحيرة بعد باعته الحسان في سوق ام دفسوا ..
ورفضن له "ريقا لينا" وجدعنا له اليد بعد اليد تاركات "غبارهن عاكل" ..
ويحي علي نفسي "ابعد هذه الوسامة التي وهبتنيها ياربي .. يدخل دكين قفص الامان واظل انا حايما بين الحواري والازقة"..
الحمد لله من قبل ومن بعد ..
الحمد لله ولا اراكم الله مكروها ياخدر ..
لا اراك الله مكروها ..
دكين الوغد "الله بيدي الحلقة لي الماعندو اضان"
عليك الله شوف شيلة العود دي والوسامة دي .. تتخيل لي هسي عزابي ..
وما غازلتني بنت "مستدعية بهاء طلتي وملاحة وجهي وجمال وجناتي"..
بل تركن كل محاسني وطفقنا يلملمن في شتات امثالك من الاوغاد ..
ووالله انها حكمة من الله قدير ..
ربما حريا بك ان تقضي بقية العمر "في محراب التعبد" حامدا وشاكرا الذي وهبك ما لم تحلم به ..
فمثلك لولا لطف الله وعدله ماقضي حاجة له الا وهو نائم ..
وما تبسمت في وجهه فاتنة الا وهو غائص في التخيل والوهم ..
وماضحك له طالع الا وهو حالم ومتكبر ..
وليفرح كل ذو وجه "شين" فها سبارة الشنا قد تخارج .. وماعاد عند ضلعنا الاعوج معيارا في الزواج ..
اللهم ردك ياروح ..
|
Post: #42
Title: Re: DKEEN
Author: Elmosley
Date: 04-30-2007, 10:05 PM
Parent: #1
ولدنا الدنقلاوي ده
ماتناكفوهو
هو داير يلبد شويه
مبروك يادكين بعد
أن تفشى الخبر
|
Post: #44
Title: Re: DKEEN
Author: Ali Alhalawi
Date: 04-30-2007, 10:42 PM
Parent: #42
قال الوغد دكين فى عرض حديثه لراكب دفار ما:
| Quote: ياخي صحي الزول ده سايق بي تهور بس نحنا ذنبنا شنو تمرقنا حيوانات؟؟ |
يتساءل الوغد أىّ ذنب جناه !! .. ببراءة ذئب من دمّ يعقوب!! .. يعود لنا من السودان بعد خمسين يوما عجافا .. و لا يأتينا بخبر عن استقلال السودان .. هو الذى كان قريبا من يانايره .. و لا باستغلال السودان .. هو الذى عايش تناقص غلته .. أتانا الوغد بـ "منشور إخلاء السودان" .. نحن من كنّا نهلل لنوره ونواره .. و نوّار دكين لا يجهله فاهم مثلك ياخدر .. بكلّ الشئون الدكاكينية "أو الدكينية" .. قد خلنا الوغد دكين قد تتشابهت عليه البنات القمر اللاتى "ُ توزعن بعناية في جبره واركويت وشمبات وودنوباوي وكلتوس" .. يأتنا بيد لوراء و يد لى قدّام .. و لا يأتينا "طابق الحنّة"
قد أعلمنا الوغد دكين فى منشور آخلائة انّ "ما من شي يمضى إلا اتى دونه شيُ ُ اخر" .. ولم يعلمنا أنه قد وصل لآخر مطافه .. و نحن الداقسون كنّا نأمل ألا يصل مرحلة حتّ آخره حتى لا تنقطع عنّا إبداعات شلهتته .. لا أتخيّل لهذا الوغد إبداعا دون "شرفته" لنّوار ما .. لا أصدّق أنّ هذا الوغد أكفته عينان بدلا عن "اربعتاشر عين" .. هذا الوغد مفترى وقد غفل عمدا صفرين يتقدمان ال 14 عين ..
كيف لهذا الوغد أن يتخيّر فاكهة ما؟!! .. و كلّ دنيا الله ملئى بالفواكه!! .. فهى بكلّ تأكيد فاكهة من فواكه الجنة .. و إلا قد تجهجه الوغد فى خياره.. أو كان "جاحد"
فيا مولانا خدر .. أعد السؤال كرتين .. و آتنا من الوغد بالخبر اليقين .. هل فعلها ؟ .. ان كان نعم .. سنأته بلوم كمداد بحر أبيض .. و ان كان لا .. سنحمد الله كثيرا على أن مناشيره "فالسـو" .. و أحوال نوّاره بلا نور
- الوغد دكين: نحنا لومنا صعب .. و أصعب ما فيه أن نصفك بوصف زميك الدفّارى
- مولانا خدر: ما مكتوب لى أقابلك
فيا أيهّا الوغد دكين .. أن فعلتها بالجدّ .. فمبروك بعدد كلماته .. و أن لم .. لا نرضى لأحدّ ألا يخوض معنا اليمّ
|
Post: #46
Title: Re: DKEEN
Author: معتصم دفع الله
Date: 05-01-2007, 06:40 AM
Parent: #1
ولله في خلـــقه شئون ..
يا خدر ما تباري الوغد دا..
هسي مباراتنا ليهو لا بقى رايييع ولا بقينا راييييعين ..
|
Post: #47
Title: Re: DKEEN
Author: فيصل نوبي
Date: 05-01-2007, 06:44 AM
Parent: #1
مــــــــــــــولد و صاحبه قاعد 
دكين
بختكــــ يا وغد..
الوغد صاحب الكمين
سلامات كتار..
بدون محلبية
_____
مبروكـ يا دكين
بيت مال و عيال ..
أقعد اتلفت كده لمن الدكاكين تقفل
|
Post: #48
Title: Re: DKEEN
Author: حمد فتح الرحمن
Date: 05-01-2007, 07:27 AM
Parent: #1
الف مبروك يا وغد
تغلبك بالمال و تغلبا بالعيال
ابو الحنك ذاتو
غايتو يا خدر زولك الفلسان دا اقتنعت انو احنك زول
حاول تبعد بنيتك السغيرة دي من دربو
و لو لقيت ما تخليها تجي عمرة ولا حج قبل بلوغ الستين علي الاقل
الزول دا امس حلف يعمل فيك مغرز و يدبل بيها
|
Post: #49
Title: Re: DKEEN
Author: خالدة البدوي
Date: 05-01-2007, 07:49 AM
Parent: #1
معقوله يا خدر انت جادي
صدقني ما مصدقه اتاري
اختفه كده بيعمل في حاجة
طيب يا خي قول للناس كنا حنناك
على الأقل فضحتنا مع اهلك ..
على العموم مبروووووووووووووووك
وبيت مال وعيال ..
ما متخيله دكين مسئول ..
Quote: مبروكـ يا دكين
بيت مال و عيال ..
أقعد اتلفت كده لمن الدكاكين تقفل |
الله يجازي محنك فيصل نوبي
شنو السمعه دي ،،
|
Post: #52
Title: Re: DKEEN
Author: انعام عبد الحفيظ
Date: 05-01-2007, 08:29 AM
Parent: #49
خدر
سلامات
معقولة دكين إتأهل للنهائي؟
اها وخلاص يعني لقى بتو الفي هيلمانة ديك؟
غايتو يا دكين خلاص سيرة وإنقفلت
مبروووووووووك ولو إني شامة ريحة مقلب
|
Post: #53
Title: Re: DKEEN
Author: salma subhi
Date: 05-01-2007, 08:29 AM
Parent: #49
الأخ دكين
مبرووووووووووووك
مع انك قمت علي ذي كتاحة الخرطوم في بوست الخرطوم قبل ساعات
لكن تستاهل برضه كل خير
وبيت مال وعيااااااااااااال
احترامي لشخصك
دكين!!!!! أها أغير ليك الصورة دي برضه؟؟؟؟؟؟
|
Post: #54
Title: Re: DKEEN
Author: salma subhi
Date: 05-01-2007, 08:53 AM
Parent: #53
دكين لقيت ليك بوست
| Quote: سهمُ ُ ضال وكلبُ ُ طائش |
بالصدفة.....
مبروووووك تاني
|
Post: #50
Title: Re: DKEEN
Author: ملكة سبأ
Date: 05-01-2007, 08:12 AM
Parent: #1
يعني صدقتوا ؟!
|
Post: #51
Title: Re: DKEEN
Author: الخير محمد عوض
Date: 05-01-2007, 08:24 AM
Parent: #50
خدر سلامات
اخشي يا خدر انك قد ( تدورت ) يا رجـل
الموضوع يشوبه الغموض ... ولا ادري مدي
ايمان دكيننا (بالعرفي).
|
Post: #55
Title: Re: DKEEN
Author: خالد عبد الله محمود
Date: 05-01-2007, 08:57 AM
Parent: #1
ألف مبروك يا دكيين
مع إنك وغد لكن تستاهل و الله الواحد يفرح ليك........
..................( و في مقولةٍ فيك)
خالد
|
Post: #56
Title: Re: DKEEN
Author: طارق عبد اللطيف نقد
Date: 05-01-2007, 09:17 AM
Parent: #1
والله يا خدر لو الخبر ده صاح
يكون دكين دقسنا كالعاده
شبكنا انا مفلس وما بدفع شيرنق
اتاري 00000 كان بلم للعرس
عموما فقدنا مبدع
تغلبك بالمال وتغلبه بالعيال يا 0000000
|
Post: #57
Title: Re: DKEEN
Author: فيصل نوبي
Date: 05-01-2007, 02:58 PM
Parent: #56
يا طارق بالله عندي حنك في البوست ده عشان ما تطلع بيش يا حبة...
|
Post: #58
Title: Re: DKEEN
Author: DKEEN
Date: 05-01-2007, 03:47 PM
Parent: #1
Quote: ؟؟؟ فهي من عَندِنا إذن يا مأفون .. ؟؟
مِن ( الصحابة ) و تاخد من عَندِنا ؟؟؟ |
ياعمدة
تجقلب ساااااااي ياحبيب
زماااااااااااان الموضوع استحمى..
واجتحنا ديار بني مشو وغرزنا حرابنا في سوح المضارب غير هيابين..
وللامانة فليس في مضاربكم جميلة تذكر ..
انما امها من حسان ال مقلــد فخرجت كما امها..
تضيُ الضفتين بوجنتيها اذا وردت النيل..
واذا لم ترد برضو بتضي..
وبها لثغة في لسانها اذا تحدثت ..
وتاكل كثيرا من حروف اللغة ..حتى ليظن السامع انها تتحدث غير لغة اهل الارض..
لمزيد من الالم يمكنك مراجعة الصورة في بوست (المنشور)
|
Post: #59
Title: Re: DKEEN
Author: حمد فتح الرحمن
Date: 05-01-2007, 04:47 PM
Parent: #58
تعرف يا نوبي
سمعت تحت تحت انو صاحبك في عرستو دي ما مطلوب منو غير العيال
المال دا هو مغلوب مغلوب لو قعد يفحط في صحراء نجد دي تاني 450 سنة
بس الليبقي شاطر و يغلبا بي مجهودو الخاشي بيه دا
شبك البنية حنك سنين و انا احسن زول يقدر يجيب ليك عيال
لما خلاها قلبت راس ابوها و تحلف بالطلاق يا الزول دا اقعد ليكم بايرة كدا
و اهو
اسة راجين اول نتيجة بعد 9 شهور و عشرة ايام من تاريخ قبل شهر
طارق نقد الزول دا قالو عرستو ما مكلفاهو غير 10000 جنيه حق الصداق
و متسلفا من ابو اللول
عشان كدا صدق حنك الفلسة ساي
|
Post: #60
Title: Re: DKEEN
Author: DKEEN
Date: 05-01-2007, 05:46 PM
Parent: #1
| Quote: "ُ توزعن بعناية في جبره واركويت وشمبات وودنوباوي وكلتوس" .. يأتنا بيد لوراء و يد لى قدّام .. و لا يأتينا "طابق الحنّة" |
ياحلاوي
قالو في واحد ومرتو مرقو من بلدهم مفلسين ومقطعين
اها بعد سنة واحدي بس رجعو مغندلين شي عربات وشي بيوت وعز
قامت جرتكم سالتم
شنو يخونا الحصل ..
العز ده كلو شنو في سنة واحدة وانتو مشيتو من هنا ايد ورا وايد قدام ؟؟
قامت المرة ردت عليها
بسيطة
انا شلتا ايدي من قدام وراجلي شال ايدو من ورا..
خخخخخخخخخخخخخخ
حلوة ياحلاوي موش؟؟
ياحلاوي والله ليك وحشة
|
Post: #61
Title: Re: DKEEN
Author: DKEEN
Date: 05-01-2007, 05:49 PM
Parent: #1
حمد وطارق نقد
انتو شنو قصة تغلبك بالمال وتغلبا بالعيال الكاتبنها لي دي
تغلبني بالمال دي مافيها شي بس اغلبا كيف بالعيال؟؟
قولو تغلبك بالمال وبالعيال ..
نحنا برضو عندنا دور*..
* قصدي كم دور كده..
او حسب الحلا بتاع الغدا
|
Post: #63
Title: Re: DKEEN
Author: DKEEN
Date: 05-01-2007, 05:55 PM
Parent: #61
فاضلابي الجميل
الله يبارك في ايامك يا مدهش
يادوب اتذكرتا مقولتك
الجبل من بعيد شكلو سهل التسلق..
جريفاوي
انتا قايلا منو؟؟
ما ياها الحلبية اللاقيناها في البرتش كاونسل يوم نجلاء عثمان التوم ديك....
ياموصلي يا مبدع
الله يبارك فيكي ياحبيب
وعقبال العندك يا زوق..
عمر ادريس
وعلى كل حال قلبى معها
ياخوي شيل قلبك منها.. محارمنا وكده..
ودمتا يارايق..
ابو امنة
الله يبارك فيك ياحبيب
معليش ماقدرنا نديك خبر ..انتا فاضي لكن؟؟
|
Post: #62
Title: Re: DKEEN
Author: DKEEN
Date: 05-01-2007, 05:51 PM
Parent: #1
خالدة البدوي
ما متخيله دكين مسئول ..
ياخي العرس داير مسؤلية؟؟
كلها تلاتة وجبات والسلام عليكم..
انعام البديعة
| Quote: غايتو يا دكين خلاص سيرة وإنقفلت |
قصدك سيرة وانفتحت
الله يبارك في ايامك
سلمى صبحياسعد الله الوانك..
لو ده ذوقك الحقيقي في الالوان يؤسفني انوانتي حتظلي single لي فترة طويلة..
من النادر الزمن ده تلقي رجل باذواق لونية عالية زي الوان برفايلك الكارثية دي..
سرب الاطفال المرصوصين ديل سدو لي نفسي من العرس..
ياخي انتي ليه حاجاتك قاتلة كده؟؟
والله يبارك فيكي ياستي..
ونردها ليكي في افراحك..
خالد ربنا يبارك في ايامك
عرسي ده تمت مباركتو كتير خلاص..
اخشى عليه من هذه البركات..
الخير| Quote: اخشي يا خدر انك قد ( تدورت ) يا رجـل |
|
Post: #64
Title: Re: DKEEN
Author: اساسي
Date: 05-01-2007, 10:45 PM
Parent: #62
Quote: كتب الوغد
خدر
سلم لي على ملكتكم دي ..
وقول ليها: عندي فحل عايز يدبل كيف معاكي؟؟
|
.Quote: رد المرسال
لصورة اعلاه لملكتنا المبجلة
ننشرها دراءَ لاي خلافات عائلية قد تحدث جراء تصريحكم الاخير و حتي تعلم حرمكم المصون
انكـ تتمتع بروح الدعابه ليس إلا |
ذكراني هذان الوغدان ما كتبته سابقا
الخليفة عبد الله التعايشي مع الامير يونس ود الدكيم يجلسان في مجلس الخليفة يتسامران ويقزقزان فول مدمس وتسالي ..
الامير: اتا يا ابوي الخليفة دحين ملكة الخواجات الكفار ديل معرسة ولا عزبة..؟
الخليفة : والله يا ود دكيم ماني خابرها لكن !!؟ عندك فوقها راي ولا شنو؟
الامير: والله بيني وبينك يا ابوي الخليفة كان عزبة حرم باخدها..
الخليفة : يازول خير بجيب ليك خبرها تب ...بس اصبر لي اتا ..
الخليفة ينادي علي كبير الكتبة في دار الخلافة في بيت المال ..
الكاتب : ايوا يا ابوي الخليفة بتدورني انا ؟
الخليفة ايوا بالحيل .. دوايتك وورقك جاهزات ..؟
الكاتب : بالحيل ابوي الخليفة بدور ترسلك مرسول ؟
الخليفة ايوا يا جنا .. امسك اكتب ...
من الخليفة عبد الله التعايشي خليفة المهدي الي فيكتوريا ملكة بريطانيا ..سلمي تسلمي .. ونعرض عليك الدخول في الاسلام فان قبلت وامنت ودخلت في دين الله ..طهرناك ( ختناك ) وزوجناك الامير يونس ود الدكيم ان هو قبل بهذا ..والسلام علي من اتبع الهدي .
وهكذا ارسلت الرسالة الي ملكة انجلترا اعظم ابراطورية في ذلك التاريخ ولما قرأتها كانت جالسة علي كرسي الملك ..وقفت فجأة ووضعت يدها اليسري في وسطها وفزرت اليد اليمني الي الوراء وقالت : اجي يا بُري!!؟ واسترسلت ..
سجمي يا كتشنر ما يكون الدرويش دا جادي ؟؟ وواصلت ... بعدين انا بايرة ولا بايرة !!؟
هو زاتو القال ليهو انا عزبة منو..؟
بعدين عليك الله شوفوا قال شنو (يطهروني ) بعد العمر دا كله يطهروني ؟؟
سجمك يا فكتوريا يا الامك ما شافت جديدك بقيتي لبانة في خشم اليسوي والمايسوي ؟
مييييش اييييش جنس دروشة لكن !!
ومنذ ذلك التاريخ لم يهدأ لكتشنر (الجكس بتاعها ) بال الا بعد ان حسم امر المهدية في ام دبيكرات .
علي ان مصطفي سعيد حفيد ود الدكيم لم يخيب ظن جده عندما غزا بريطانيا عبر البوابة التي ارادها جده وفعلها مع صديقته الانجليزية حفيدة وصيفة الملكة فكتوريا ..وخالة مارغريت تاتشر لزم.
|
Post: #65
Title: Re: DKEEN
Author: manubia
Date: 05-02-2007, 09:55 AM
Parent: #64
DKEEN , IF IT IS TURE ALF MABROOK YA MAN , YOU CHOOSED YA MAN LAKIN , WALFATHA ALENA
REGARDS
|
Post: #66
Title: Re: DKEEN
Author: salma subhi
Date: 05-02-2007, 10:27 AM
Parent: #65
دكيييييين
Quote: من النادر الزمن ده تلقي رجل باذواق لونية عالية زي الوان برفايلك الكارثية دي..
|
انت قول من الأول الألوان دي كاااااارثة......لكن سؤال كارثة ليه؟؟؟؟؟
Quote: ياخي انتي ليه حاجاتك قاتلة كده؟؟
|
Quote: ياخي انتي ليه حاجاتك قاتلة كده؟؟
|
كده حتكون فهمت الصورة الفي البوفايل صاااااااااااااااح
انت ما سمعت بان المرأه أنواع
النارية والترابية والمائية والهوائية
شوف انت اخترت ياتو نوع؟؟؟؟
زواج سعيد
تحياتي
|
|