علي كل الزميلات بالبورد مقاطعة اي زميل و بوستاتة اذا خرج عن ادب التحاور

انا بعيد عن البورد من فترة طويلة
لاحظت مثل الجميع ادب التحاور بين العضوية و كيف صااااااااار
شدني بوست الزميلة لنا مهدي
اقتراح
علي كل الزميلات بالبورد مقاطعة اي زميل و بوستاتة اذا خرج عن ادب التحاور و الادب علي ان يتم ذلك بهدؤ كامل و دون ضجيج
اعتقد ان دور الادارة .. تنظيم البورد و ليس مطاردة العضوية و فرض النظام العام
تعالو ننظم انفسنا لمرة واحدة دون ان نشتكي بعضنا لابو الفصل

الاخ خضر
تحياتى

اوافق

خدوري اثني وبشدة
المقاطعة العربية عفواً قصدى المقاطعة المنبرية لاي بوست يخدش الحياء العام من الجميع شباب وشابات وتركه بدون اي ردود او حتى فتح بوست يجبه او يدينه بل تركه للايام عشان يتعلم من الايام

اخى خضر
تحياتى
المقاطعة سهلة لاى بوست يقرر القارىء الا يدخل لقرائته و لكن انت مجبر ان تقرا كل العناوين فكيف نغمض اعيننا عنها؟؟ و ماذا لو كانت العلة فى العنوان قبل ان تلج لداخل البوست؟؟؟

يا لنا اخيتي نحن محتاجين للعنوان عشان نعرف نقاطع شنو و نخلي شنو

اقري من وراء حجاب
يا لنا
لوووووووووووول
شر البلية ما يضحك
ويا خدر الشين
ما دام نسئ الاخلاق واختار سوانا سِباب
خليهو للايام بوستاته تبقي يباب

الاخوة الاعزاء
تحية طيبة مباركة
والله كلامكم صحيح مية المية دخلت فى بوست مع الاخت روداوعينكم ما تشوف الا النور او بالاحرى لا تسمع الا السمح .ما تتخيلوا انا الليل كلة ندمانة على انى دخلت فى المان داك .كمية من الشتائم وقلة الادب حاجة مخجلة جدا .غايتو الواحد قدر يعرف بعض الناس وتانى يبعد عنهم بعيدحتى لو قالوا سامحونا نحن ما نرضى.
اختكم محظوظة

بالله يا كوفي انت بت
الزمن دا كله نشاكل فيك
لوووووووووووووول
والله قصة واخرها لسة
اسع ما يقوم ابو حراز يطلع لينا
بت كمان منزلة صورة خطيبها

الاخ العزيز اساسى
تحية طيبة
انايانى محظوظة مؤجرة من الباطن من كوفى لكن كوفى راجل واصل يا خوى فى شكلك.
اختك محظوظة

الاخ العزيز اساسى
تحية طيبة
انايانى محظوظة مؤجرة من الباطن من كوفى لكن كوفى راجل واصل يا خوى فى شكلك.
اختك محظوظة

لوووووووووووووول يا كوفة يا محظوظة
عرفنا تي شيرت شدة
بنطلون شدة بلوزة شدة
كريم ديانا شدة مرتدة
لكن باس ويرد شدة
دا الا في بورد بكري

المشكلة يا خضر يا اخوى الصدمة { العينية } اقصد حقة الشوف للعناوين و الا كان من ورا حجاب زى ما قال اساسى او ننظر لكتاب البوستات لا للعناوين
الحبيبة محظوظة
ايجار الباطن ده فكرة على الاقل ندخل قريشات ايام غيابنا عن البورد

مازلت اوافقك ياخضر
على الرغم من القراءت الجديدة

شوكرن جزيلا
هل من مذيد ؟؟

لا ادري لماذا حددت الزميلات تحديدا وليس كل الزملاء
ولا ادري متى ستنتهي قضية المرأة القارورة التي قد يخدشها قلم الحواجب فلزم مراعاة رقتها البادية
انتوا ما شفتوا النساوين لما يفرشوا الملايات؟؟؟

منتهى الغرابة أن يعتقد (مبني للمجهول) أن المرأة (الزميلة) هي شفافة لهذا الحد الذي قد يجرح شعورها مجرد كلمة قيلت في أثير فضائي

وليه (الزملاء) لأ؟؟؟
جلدهم كان جلد خرتيت؟؟؟

ولو كانت الكلمة المسيئة من (زميلة) عادي ما نقاطعها؟؟؟

أتفق معك فى الرأى وأيضا أتفق مع
بت قضيم
يجب مقاطعة كل من يخل باداب الحديث بغض النظر عن الطرف الآخر
وتسلمو

ريحتني يا خدر ...الله يريحك
ويسعدك مع بارعة
أنا شخصيا أمارس هذا الاقتراح منذ مدة...دون إعلان
ليه بعض الأعضاء مفتكر إنه اي موضوع في البورد لازم يعجبه ويناسب قراءاته، لازم نعود نفسنا على ان نجد في البورد ما يعجبنا وما لايعجبنا ، نقرأ ما يعجبنا ونتجاهل مالا يعجبنا
أنا شخصيا اتجاهل مواضيع الاخت رودا بعد ان شعرت أنها تتعمد استفزازي وإخراجي من شعوري ، ليس الاستفزاز الإيجابي المحفز للرد والمجادلة الفكرية، لكنه استفزاز من نوع آخر، ولن اطالب بوقفها ومنعها من الكتابة ، فقط لن اقرا ما تكتب ،وبدون زعل أيضا لا أقرأ البوستات التي يبتدرها اساسي ...فهي كلها من نوع ( أنا ما جبهة ..لكن المعارضة خاينة وعميلة والحكومة عملت حاجات كويسة ، وأنا ما مع الجبهة لكن ديل طبقوا شرع الله وجابوا البترول ، وأنا مواطن ساكت محايد لكن المعارضة مع امريكا والحكومة مع الشريعة وكلنا مع الشريعة لاننا مسلمين ، وأنا ما جبهة لكن المعاضة بت الكل........) ، بينما استمتع ببعض مداخلاته في بوستات الآخرين .
المقاطعة سلوك كويس ومريح دون تجريم احد أو المطالبة بمنعه لأن اعضاء البورد راشدين ولا يحتاجون لناظر فصل يختار لهم ما يقرأون. ، مثل ما كتب هنا
أحد الزملاء في بوست آخر احتج على ما نشر لأن إبن أخته عمره 14 سنة وبيقرا البورد؟!!! هل هذا منطق؟ ولماذا لا يختار لإبن أخته ما يناسبه من قراءات ، أولا يعلم أن إبن اخته سيرى ويقرا بلاوي في الانترنت
مع تحياتي
بالمناسبة سمعت الفنان طارق ابو عبيدة يغني "من بعد ما فات الأوان" ...أدخل في بوست مكتبة الاغاتني للود الفنان الخواض واسمعها ، والله صاحبنا اتقطع فيها قطيع ، )

ردى للدكتورة الزولة

Quote: يا اظرف واحلى دكتورة ده كلام شنو ارجعى بيتك و قولى الى ابوك باننا لن نترك البورد الى الماجورين بتدنيس البورد و توجيه البورد الى الجهه التى تخدم اهدافهم و هى نقاش القضايا الانصرافية وترك نقاش قضايا اهلنا البسطاء وقضايانا فى الشتات ولن نترك لهم البورد كما تركنا و طننا و ادارتنا لن تطردهم و تخذف بوستاتهم حتى يتعلموا منا و باننا سوف نتجاهلها و نقاطعهم كانهم غير موجودين فى بيتنا

بت قضيم اخيتي الموضوع ما موضوع جندر و انا شايف انو البنات ديل بعرفو ياخدو حقهم كويس و انا ما ناديت في البوست دة البنات بس الكلام للكل .. بس استخدمت كلمة الزميلات لجذب الانتباة للبوست بتاعي
يا اختي خليني اقدر اخد حقي من بارعة مرتي دي
وزي ما قال الزميل فيصل صالح المقاطعة اسلوب مجرب و ناجح
استاذي فيصل
شكرا لي شفافيتك في الرد و ساعمل بنصيحتك

مجيد اخوي .. شكرا علي الاهتمام
سيدي الرئيس .. ما فهمت حاجة منك