Post: #1
Title: يوسف الموصلي
Author: khider
Date: 03-30-2004, 00:58 AM
Parent: #0
يا اخوانا .. عم يوسف دة ماشايفو .. في زول عندو خبرو منتظر اجابة يا اهل الهوي .. لانو فؤادي كفاهو ريد و اخر مرة شفتو كان في البوست بتاع الحفلة بتاعة ناس الطيب بشير و خالد الايوبي
|
Post: #3
Title: Re: يوسف الموصلي
Author: الطيب بشير
Date: 03-30-2004, 01:38 AM
Parent: #2
و الله يا خدر موصلي مزنوق زنقة هو بي نفسو قال عليها زنقة طاحونة في كلب!!{زي حكاية الخبر الصحفي أن الإنسان هو الذي يعض الكلب}. الراجل بيضرب لي تلفون في البريك بتاعو و بيكون بياكل قلت ليهو و الله دي ما حصلت. لكن عمومآ هو بخير
|
Post: #4
Title: Re: يوسف الموصلي
Author: خالد الأيوبي
Date: 03-30-2004, 06:33 AM
Parent: #1
Quote: و اخر مرة شفتو كان في البوست بتاع الحفلة بتاعة ناس الطيب بشير و خالد الايوبي
|
تقصد شنو يا خدر؟ يعني نحن دسيناهو؟ و بمناسبة حفلة ناس الطيب و خالد دي. معانا واحد كان بيرقص من قولة تيت، من ما الموصلي قال "مهما فيك طولت....". و في الفاصل الأخير عندما كان الموصلي بيغني "بكتب ليك رسالة طويلة يا أمي " شفت ليك الراجل قاعد في كرسيه و حالتو بالبلاء. مشيت عليه قال لي و المنديل في يدو "ياخي الموصلي دا قاصد معانا شنو ... يخلينا ننقز ذي الوليدات الصغار .. و بعد شوية يخلينا نبكي ذي الشفع الصغار". نفس هذا الشخص قابلني بعد يومين قال لي " يا خي عليك الله جيبوا لينا الموصلي ثاني ".
علي العموم. أنا لست قلقا من غياب الأستاذ يوسف الموصلي عن المنبر، مثلما لم أكن قلقا من غياب خالد الحاج. فهنالك شخصيات إرتبطت بهذا المنبر وإرتبط بهم المنبر، إذا غابوا - مهما كانت دوافعهم و أسبابهم - فإنهم لن يغيبوا كثيرا ، ليس لأنهم تعلقوا بالمنبر بل لأنهم يعرفون تماما أن المنبر قد تعلق بهم و أن غيابهم يفقد المنبر لونه و رائحته و طعمه. ولن يرضيهم أبدا أن يحدث ذلك ..... فلذلك لا يطولون الغياب. و الموصلي واحد منهم. لذلك فهو عائد لا محالة و قريبا جدا. ................................ ولن تخذلني يا موصلي .
|
Post: #5
Title: Re: يوسف الموصلي
Author: bushra suleiman
Date: 03-30-2004, 01:43 PM
Parent: #1
وفى قول آخر ياالطيب بشير،زنقة ترزى ليلة العيد..ربنا يديهو العافيه،شايفو ظهر على خفيف فى بوست راويه
|
Post: #6
Title: Re: يوسف الموصلي
Author: siddieg derar
Date: 03-30-2004, 09:54 PM
Parent: #1
خضر أخوى
أولا تحياتى
بعدين الراجل دا زمان غعتذر عنده زنقة دراسية الله وراك زييها ، قول آمين
بعدين نحن زاتنا غيرنا ليه عشان يتفرغ ، وملحوقة بعدين
الله يحلوا ويواصل بعدها ، أكان هنا واللا هناك
ولو قابلته سلم عليه بالله
صديق
|
Post: #7
Title: Re: يوسف الموصلي
Author: Abu Mariam
Date: 03-30-2004, 09:58 PM
Parent: #1
اقول انساك و عارف اني ما بقدر
|
Post: #10
Title: Re: يوسف الموصلي
Author: Elmosley
Date: 04-04-2004, 00:56 AM
Parent: #7
ولا انا
|
Post: #8
Title: Re: يوسف الموصلي
Author: Elmosley
Date: 04-04-2004, 00:15 AM
Parent: #1
شكرا ياخدر دايما حاسي بي ياراجل يافنان تحياتي للعروس وعمك دايش في الامتحان
|
Post: #9
Title: Re: يوسف الموصلي
Author: mustafa mudathir
Date: 04-04-2004, 00:53 AM
تحية ياموصلي و باقي الأخوان. الشغل في شمال أمريكا متعب جدا. أي شمامركابي يقول كدا صدقو!!
|
Post: #11
Title: Re: يوسف الموصلي
Author: Elmosley
Date: 04-04-2004, 00:57 AM
Parent: #9
عزيزي مصطفي ياخي ماتجونا شويه سلام لناسكم
|
Post: #12
Title: Re: يوسف الموصلي
Author: khider
Date: 04-04-2004, 02:40 PM
Parent: #11
سمدالله علي الحلامة بركه بالشوفة و البركة فيكم في استاذنا اميقو
|
Post: #13
Title: Re: يوسف الموصلي
Author: Elmosley
Date: 04-04-2004, 02:58 PM
Parent: #12
تعرف ياخدر انا جابني راجع خبر اميقو المفجع ده وانا في عز المعمعه وبكره عندي اول امتحان هو تحليل الاربع حركات الخاصه بالسيمفونيه رقم 102 لهايدن وان رحيل اميقو بقدر ما هزني الا انه اشل في نفسي مزيدا من روح التحدي والانجاز سافلفلها وطلع روح اكورداتها وكاونتربيومنانا والاسترتو والقفلات والكانون والفوقاتو والمحاكاه واهديها الي روح اميقو الطاهره
|
Post: #14
Title: Re: يوسف الموصلي
Author: MUATAZ MUKHTAR
Date: 04-04-2004, 03:30 PM
Parent: #13
أستاذي / يوسف الموصلي ... والله الواحد سعيد جداً أننا إتلقينا بشخصك الكريم المعطاء للأغنية السودانية ... وأنا من المعجبين بيك ... ولدورك الفعال في تغيير وتطوير المسيقة السودانية القابعة في أعماق بعيده تحتاج منا لمذيداً من التعليم والثقافة والرقي ... تحياتنا لك أيها المبدع ... وشكراً له1ا المنبر الرااااااائع الذي جمعنا بيك... مع تحياتي
|
Post: #15
Title: Re: يوسف الموصلي
Author: ترهاقا
Date: 04-04-2004, 03:42 PM
Parent: #14
التعازى الحارة لكل الفنانين فى حبيبنا وعزيزنا وصديقنا المرحوم اميقو ، اخوتى لقد فقدنا عالما موسيقيا يضاهى كل مشاهير الموسيقين فى العالم إلا ان وجوده فى السودان حال دون ظهوره فى السطح العالمى ، دعواتنا له بمغفرة من سبحانه وتعالى فقد رحل عنا جسدا ولكنه سيبقى فى وجداننا طالما عشنا
اسف يا اخ خدر لو غيرت مجرى الحديث ولكن عندما جات سيرة الموصلى تزكرت اميقو ولدرايتى التامة لعلاقتهم القوية وتسلموا
|
Post: #16
Title: Re: يوسف الموصلي
Author: Elmosley
Date: 04-04-2004, 04:29 PM
Parent: #15
ايوه والله لقد كان في مقدمة وقمة اخواني وادقائي من الوسط عليه الرحمة
|
Post: #17
Title: Re: يوسف الموصلي
Author: khider
Date: 04-04-2004, 04:57 PM
Parent: #16
تعرف يا عم يوسف امس قريت الخبر ساعة نزولة في بوست و كان لحظتها الزملاء منعمشوف و تروس في زيارتي ولم اتمالك نفسي وبدات البكاء و حتي الان يتملكني الاحساس باللا جدوي و ليست لدي اي شهية لاي شي طوال اليوم اتزكرة في المعهد بقامته الفارهه و هو يروح جيئة و ذهابا . حينما اسسنا فرقة ساورا دعيناه لحضور حفل للمجموعة بنادي الشرطة و تقديم النصح لنا ادهشني جدا انة وصل لمكان الحفل قبلنا .. وعندما بدانا الساوندجك تقدم ناحيتنا..خاطب ناس البراس سيكشن و قال ليهم الجماعة ديل ما اخوانكم وعاوزين نسمعهم و كان يقصد ان البراس اعلي من الفوكل و بعدها انتظم العمل و استمتعناجميعا ايضا كنا نزور اتحاد الفنانين ونحن طلاب فنجدة يحزرنا من مصير العازفيين الغير جيدين في عزفهم و يتعللون بنسيان النضارة و لا يستطيعون قراه النوتة ادع معي استاذ يوسف ان يتقبلة الله عندة قبولا حسن
|
Post: #18
Title: Re: يوسف الموصلي
Author: Elmosley
Date: 04-04-2004, 05:10 PM
Parent: #17
امين يارب العالمين
|
Post: #19
Title: Re: يوسف الموصلي
Author: عزيز
Date: 04-04-2004, 06:16 PM
Parent: #18
أستاذى الجميل لك التحية والحب وكل الامانى بالتوفيق والنجاح فأنت لها ولأكبر منها موفق باذن الله وسننتظر خبر النجاح ليكون لنا عزاء فى فقد استاذنا اميقو رحمة الله عليه.. والشكر للاخ خدر وهو دوما سباق للخير
|
Post: #21
Title: Re: يوسف الموصلي
Author: Elmosley
Date: 04-05-2004, 01:08 AM
Parent: #19
عزيزي العزيز كلنا سنعطي ونتعلم ونقتدي بعبد الله اميقو تحياتي
|
Post: #20
Title: Re: يوسف الموصلي
Author: Elmosley
Date: 04-05-2004, 01:07 AM
Parent: #17
كنا نلقبه بنمره واحد لانو دغري الله يرحمو
|
Post: #22
Title: Re: يوسف الموصلي
Author: WaD OmI
Date: 04-05-2004, 01:33 AM
Parent: #1
الله يديك العافيه يا استاذنا ويوفقك دايما
نشكرك لانك رافع راسنا كسودانيين دايما اتمنى ليك نجاح باهر
دمت لنا ياغالي
نوف
|
Post: #23
Title: Re: يوسف الموصلي
Author: Elmosley
Date: 04-05-2004, 11:34 AM
Parent: #22
عظيم الشكر والتقدير لك يا ود امي وهميم الود
|
Post: #24
Title: Re: يوسف الموصلي
Author: الجندرية
Date: 04-05-2004, 11:43 AM
Parent: #1
حمد لله على السلامة وموفق ان شاء الله
|
Post: #25
Title: Re: يوسف الموصلي
Author: Elmosley
Date: 04-05-2004, 12:54 PM
Parent: #24
مابتقصري يابتنا وسلامي لناسك بي غادي
|
|