بورداب الدوحة : همتكم معانا للاحتفاء بخدر وبارعه ..

بعد برنامج نصار) (الخبطة) اصبحت التكنولجيا متاحة للجميع لطلال عفيفى وبنفس القدر لمحمد عبدالرحمن ....ولكن يبقى تفرد طلال فى القدرة على اختيار الجمال...ولنا التقاط مايجود به طلال ..

والله تعبتو معاى بعد ده ...والمدعو الباندويث يخلى نفسو طويل ...

الخميس الثانى من سبتمبر الرطوبة فى الدوحة ستنجلى الى حين ..
وتتهيأ شوارعها الانيقة بمزيدا من الاناقة ..
وتفتح ذراعيها هذه المضيافة لاستقبال زوار جميلين ..
وحتما سنغنى معا ..
(من قليبو الجافى لقليبى الحان
النسيم يترددعامل استمحان )

بورداب الدوحة ...

سيطل علينا فى الدوحة فى الثانى من سبتمبر الاخ العزيز خضر وجميلته بارعة ..
وقد تقرر اقامة احتفالية تليق بمقامهما ..
ولمزيدا من التشاور والمشاركة نفتح هذا البوست ..
عليه نرجو من جميع البورداب الاتصال ...بأى من الارقام الآتية للتنسيق ..
5456163 محمد عبدالرحمن
5567936 ابوبكر الامين يوسف
5327127 ودرملية ...

ننوه لانو الراعى الرسمى لهذه الاحتفالية ابوساندرا وبهاء بكرى (اخوان)

يلا همتكم معانا لاقامة احتفالية تليق بالمقام ...

محبتى لكم جميعا ...

الغالى محمد عبدالرحمن لك التحية ياصديقى ؛؛

الغالى خدر نفتح صدورنا نتعشم اللقيا وجمال المنظر ..اظننا فى انتظارك

بورداب الدوحة ماانتو السند انتو العضد

تخريمة:

محمد عبدالرحمن وين الاستديو البخلى الناس حلوين ده

بكه ياحبيبنا

حبابك وانت اول العابرين من هنا ..

وبعدين ياخى بتاع الاستديو جاب حاجة من عندو ؟

مواعيدنا بعدين ..محبتى

يـــاجمــاعة معاكم....... و خضــر راجل فنــان اتمنى التعرف اليه و اللقــاء بــه؟

ســوف اكون قريب جداً انشــاء اللـــه.


صديق

العزيز صديق

حبابك والف مرحب ...

ونتشرف بحضورك ومشاركتك ..بس انت معانا هنا فى الدوحة ولا حاتكون معانا قريب ؟

ايا كان الامر نحن سعداء بتشريفك وحضورك ...فى انتظارك ..

محبتى لك

فى اجتماع ثلاثى تم مساء اليوم تقرر.....

ان يقام الاحتفال يوم السبت 3/9 بنادى قناة الجزيرة ..وقد اكتملت
الترتيبات لانجاح الحفل ..

المرجو تأكيد المشاركة والتنسيق لاكمال باقى الترتيبات ...

محبتى ..

مرحب بى ضيوف الدوحة ،،

معاكم يا شباب ،،،

عباسية

سلااام ..

انت يازول تلفونك غيرتو شكلك ..اتصلت عليك كم مرة بدون نتيجة ...

على العموم فى انتظار اتصالك ..

محبتى ..

سلامات
وعوافي
خدر جميل الروح ...
سعيد جدا كوني سالتقيك ... ودعني احسب الدقائق من الان وحتي الثاني من سبتمبر.
فانت واحد من اولاد الذين نحبهم..
لك الاشواق ..
الاحباب محمد عبدالرحمن وبكري الامين لكم الشكر علي هذا الخبر الجميل
اما العم ابوساندرا (فقاطعوا معاهو ناشف) يامحمد وبهاء دا انا رامي طوبتو..
ياخي ديل غالين غلا والبركة في خدرنا ..
بعدين ابوساندرا بعد الكامري 2005 خمسة انا مالاقيت كتير لكن اهي فرصة مع جيت خدر الواحد عاوز يقرا الحاصل بي (تروي).
وليكم المعزة الشديدة.
ودرملية في حالة فرح ممزوج بي دم الزنوج الحارة
تخريمة :
ياخدر سلم لينا بالله علي دكين شديد..

مرحبتين حباب خدر فى الدوحه دوحة الجميع

يحل اهلا وينزل سهلا

سوف يحتفى به المطار القديم , الروضه , المنصوره , النجمه , بن درهم , المنتزه , ام غويلينه , فريق عبد العزيز , روضة الخيل , المرقاب , السد , السلطه , المعموره ,وادى السيل , الدفنه , فريق كليب , نعيجه , مدينة خليفه , الريان القديم والجديد , المناصير , السيليه , العزيزيه ,الوكره , المره , الغرافه , الخريطيات , سيلين , الخور , الشمال , الجميليه , ام صلال على , ام صلال محمد ....

وكل فرقان الدوحه فردا فردا

سوف يحتفى به
الطريق الدائرى الاول , الثانى , الثالث , الرابع , والخامس ..

اشارات مجنون
اشارات المنتزه
اشارات حفصه
اشارات السينمات
وكل اشارات الدوحه ودواراتها من الدوار المائل الى دوار الباراشوت

كورنيش الدوحه , جزيرة النخيل , الشيراتون و الفور سيزونز, المنطقه الدبلوماسيه , السيتى سنتر , الانتركونتننتال , الريتز كارلتون ,الخليج الغربى ...

قناة الجزيره ,لجنة الآسياد ,الرايه , الوطن , الشرق ,..

اهلا وسهلا والف مرحب بكل اللغات المكتوبه والغير مكتوبه

مرحبا بالأخ والمبدع طارق "خدر"
ولنحتفي خدر ورفيقته "بارعة"، إحتفالا يليق بمعزتنا له ولها.
ويا محمد أنا لا أستحق أن أكون راعي، ما كلنا ديناصورات، وصحيح أصغر من طأبو ساندرا، لكن بهاء دا أنا أكبر منو.


تصحيح : مقر الإحتفالية "نادي مجمع حدائق الخليج"، وليس نادي قناة الجزيرة-ليس لها نادي- وللذين لا يعرفون موقع "مجمع حدائق الخليج السكني" فعنوانه كالآتي:
الدفنة(الخليج الغربي)-قرب مجمع الجازي، ومقابل محطة بترول الخليج الغربي، وعند دوار نادي قطر الرياضي.
ومن لم تتضح له الصورة يمكن الإتصال بأي من هواتف الأعزاء محمد عبدالرحمن أو ودرملية أو بكة الموضحة أعلاه، أو بهاتفي مباشرة 5871245.
وننتظر وقف تشرف بورداب الدوحة.

الأخ ودالزين
عليك بدكتور أحمد عثمان، وخطاب وراشد وكل شلة المحامين.

أرحب معكم بضيفنا الغالي خدر ورفيقته بارعة
وأقول لهم حللتم أهلاً ووطأتم سهلاً ونورتو الدوحة
مع وافر الشكر للقائمين على أمر الاحتفال وأنا معكم في الزمان والمكان المحددين.

1- معتصم الطاهر
2- ابوساندرا
3-نادوس
4-الابنوسة
5-رقم صفر
6-محمد عبدالرحمن
7-احمد عثمان
8- ود الزين
9- ودرملية
10- ودالعباسية
11- كيجا
12- هوزي
13- مريم الحسين
14- بهاء بكري
15- فيصل عباس
16-عبدالرحمنابوشيبة
17-صدبق عبد المنعم عمر
18- معاوية الزبير
19-جمال على التوم
20- عاكف مختار

الاحباب محمد وبكة وودرملية , الرجاء اكمال القائمة

يا بهاء أنا أول مرة أعرف الدوحة فيها بورداب بهذا العدد كتر خير خدر الخلانا نعرف بورداب الدوحة ونوارتهم بنتنا الغالية عروس الموسم مريم بنت الحسين

علم ..
تحت الأمر والطلب ..
ومعاكم .. بس قدامكم ..

خدر وبارعة .. جيبو معاكم ريحة الحبايب ..

بكرى الأمين كتب:

Quote: محمد عبدالرحمن وين الاستديو البخلى الناس حلوين ده

بعد ما طار البلوم .. يمين وشمال
لازم يصلّح الشكل
ويتنازل عن الشروط ..
ولقاءنا فى نادى الجزيرة ..

Quote: ننوه لانو الراعى الرسمى لهذه الاحتفالية ابوساندرا وبهاء بكرى (اخوان)

محمد ع الرحمن سلام


لكن الراعى ماااااااا عندكم !!!!!!!!!!!!!1

الاصدقاء بورداب الدوحة



لا ادري ما اقول .. ساستجمع شيئاً من شجاعتي
واعود حتي ارد التحية بأحسن منها



سعيد انا بأني سألتقيكم

الف مرحب بكم جميعا ...وسعيد بهذا الحضور المشرف ...

ودرملية ....ابوساندرا ده....قبل ماتقول كلامك ده بقيت انت خارج
شبكتو و(مشفرك ) .... سيبك من الكامرى ام ساندار جايه قريب
والله تانى كان تشوفوا فى شاشتك دى ...

ودالزين ..انت بكلامك ده شكلك قديم فى البلد

وبرضو قديم فى المنبر ..جميل انو نلتقيك ...والبركة فى خدر ..


(الزعيم ) نادوس ...قالوا الخيل الاصيلة بتجى فى اللفه .

.فى النهاية حانمشى ونجيك وسوف نكون فى ضيافتكم كالعادة

...وكويس انك وضحت وصف المكان ...


بهاء ...والله ماقصرت تب معانا فى انتظار مزيد من الاسهام ...


عبدالرحمن ابوشيبة ...سعداء بانو حانلتقيك ...امبارح حاولنا ان نصل لرقم

تلفونك كثيرا ولم نوفق ...جميل ظهورك اليوم ...


الباشمهندس ودالطاهر ...والله يازول مافى (بلومه ) واحدة طارت ..

والشروط قائمة وللمعلومية العرض سارى لفترة محدوده ...(ههههه


هميمة ...والله دى قدرتنا مع ا لناس نسوى شنو ؟ وبعدين راعينا هو نفس راعيكم ..

تختلف الاسباب والموت واحد ...

محبتى لكم جميعا

محمد عبدالرحمن

لمزيد من المشاورات تلفوني 5291913
وتلفون المكتب محول على الموبايل كذلك 4482381 في أي وقت مرحباً بكم بورداب الدوحة بكل بهائكم ونضرتكم وسماحتكم وكرم ضيافتكم

والله ياهميمة , انا وابوساندرا يلمنا الشديد القوي , لكن حبيبنا خضر بستحق هذه التضحية , وعلي العموم عقد الشراكة محدد باسبوع واحد فقط وبعدها كل قرد لشجرتو

شكراً للدوحة التي دوماً تهدينا ليال جميلة
معاكم

عاكف مختار

1- ودرملية:
ياولدي مابنقدر على الوحايح بعد العمر ده
رطب القطع ده ليقع بردآ وسلامآ علينا

2- بهاء بكري:
بعد ماينتهي الأسبوع في قرد واحد حايطلع جبلو
اما الأسد حايرجع عرينو
إنت نسيت إنو اللبوة جاية يوم 1/9
غايتو بس الله ستر على خدوري

3- نادوس :
شرف لاندعيه وتهمة لن ننكرها
وأهو ظهر ديناصور أعتق ، الباشمهندس معتصم الطاهر

4- هميمة:
والله هنا في رعية تمام من إختصاصي
أما الرعاع فتبع { البوص } بتاعك
القائد بهاء
{ عمركم سمعتو ليكم بقائد إسمو كده ، غايتو إلا قائد روضة

5- معتصم الطاهر:
{ مشتاقة ليك كل التفاصيل المعاي
والذكريات الماتعة....
كل الأماسي الكنا فيها
وبيك صارت فارعة .... }
بالجد مشتاق لنفسك الشعري الجميل
ومشتاق لهويدا الهداية وبناتها الأحلى منها

6- القائد بهاء :
مرة أخرى
يا غبيان

أبنوسة في فيينا
هوزي في الأمارات
بت الحسين عرسوها
حفلتك دي حفلة عزابة
أنا ماجاي
ومعاي
ناس حلووووووين

6- محمد عبدالرحمن :
شكرآ ياحميم
وكبر عيونك
ووسع ماعونك

ياشباب ياحلوين ..

مليون مرحب ...بجيكم بس شويه كده ..

محبتى لكم

ايوساندرا ياغبيان ......... حفلتنا كلعا جكس , بعدين ياداقس الابنوسة ماسافرت لانو نادوس لم يحضر في المواعيد , والطيارة سافرت بدونها , اما العروس ينت الحسين لازالت موجوده بالدوحدة واعتقد سوف تشرفنا , اما باقي الجكس خليها للمفاجات السارة , وهو نحن عندنا كم خدر

الصديق الموردابى اتمنى ان تكون بصمتك هنا اولا

العزيز معتصم الطاهر قالوا الماعندوا كورة بتمها كسر

واوعه من الشوت الضفارى

ودى للجميع

Quote: العزيز معتصم الطاهر قالوا الماعندوا كورة بتمها كسر واوعه من الشوت الضفارى

انت وينها ( كورتك) مع المحترفين ..
وبعدين الشوت الضفارى فى الميادين إياها ..

خدر ...نعد الساعات لنلتقيك ..وده واجبنا ..


... عاكف مختار ..حبابك ومرحب بيك كتير ..وباين انو خدر ده حايطلع لينا درر

سعداء برؤيتك وبتشريفك ...

ابوساندار ...شفت (البوس ) زمنو فارق كيف ؟ بسل من ناس هوزى ومريم

الزول ده قاعد وين ؟

شايف بكه اون لاين ...يجى يستلم الوردية انا ماشى انوم ..



محبتى ...

ابو ساندرا وجميع بورداب الدوحة

والله مشتاقة ليكم شديد وللبلد

معاكم والله بقلوبنا

ما تقصروا مع الناس ديل


ابوساندرا ما ممكن لكن انت اهم زول !

تسلموا ياشباب

سلموا لي على اوبرا كافي وابل بيز

Quote: سلموا لي على اوبرا كافي وابل بيز

العزيزة هوازن

والله ناس أبوساندرا وبهاء ديل ما سمعوا بأبل بيز ولا أوبراكافية، بكون فاكره حاجة بياكلوها.
يا ربي يكونوا عناوين كتب...وكمان لماركيز

نادوس

ياخي ما تزعل الناس مني

ما شايف ابوساندرا ده قال شنو فوق

مالك بتاع مشاكل كده

شايف فى ناس مركزه على الجكس , ياناس انتو ما عندكم حكومات ولا شنو

حقو يكون فى لائحة الحضور ( منوع اصطحاب الحكومات )

يا محمد عبدالرحمن
انا فى البلد دى من من قبل ما يحفرو البحر لللؤلؤه والمطار الجديد

شفتنى قديم كيف ومعتت

وفى البورد ده من قبل مهاترات عادل عبد العاطى وحرد فات ومشى عمل ليهو حزب

الكترونى ومثل اهلنا بقول حردان السوق منو البرضى.

مرحب مره اخرى بخدر والذى سيحضر معنا عيد وذكرى استقلال دولة قطر وتكون الاحتفالات متعدده بحضوره وبالاستقلال .
بس عايزينو يجيب لينا نسمات شويه من البلد الجاى منو تخفف وطأة الرطوبه هنا شويه

يا اصدقاء

قلبي كهذة الصحراء .. اصبح غفر من جليد التسعة اعوام المنصرمة
لم اري هذا الجمال قريباً ..
اشتاقه,,
احنه,,
وابكي كلما تذكرت ,,
تكلست المفاصل مني و علاني الصداء

وما تفضلتم به من دفق و دفء يكفيني لتسع اُخر
فكيف وانا بينكم !؟
هل يقوي قلبي علي كل هذا !!


اهديكم امونة
شعر امين صديق
الحان و غناء الوغد طارق ابوعبيده



سنتعانق ,, فأحضانكم قطعاً ستُزيح اطنان من الجليد,,
تسكن روحي





شكراً تاني

يا خدر حبابك عشرة ومنتظرك مع التلب عشان تعرف المفاجآت .
ويا محمد عبدالرحمن

لمزيد من المشاورات تلفوني 5291913
وتلفون المكتب محول على الموبايل كذلك 4482381 في أي وقت مرحباً بكم بورداب الدوحة بكل بهائكم ونضرتكم وسماحتكم وكرم ضيافتكم

خدر خلاص خلينا من المقدمــات نحنا بقينا اهــل......انسى موضوع الصحــراء دهــا لانو حايكون جزء من البرامج...بعدين نحن زاتنا متكلسين....بس موضوع الملوخية دهــا نفع شويــة بتاع اخونــا بشــرى سليمــان...شــد حيلك من هسع بنورق فيهــا (ليك و ابوســـاندرا) طبعــاً باقى الحــاجــات اختصاصات أخونــا بهــاء بكــرى.......و بعــدين ماتشوف الصور المعلقة فى البورد دى...... اصغر واحــدة ليــها عشرة سنين يعنى اكيد ماحاتعرف زول فينا بالصورة عشان من هسع تعرف الجمــاعة ديل جلاكــــين جلكنة شديدة و شوووف عينى ابوســــاندرا و بهـــاء بكرى اشتروا قفة خدرة..........قــــال متكلس قـــال!!!!! داير تجى تعملها لينا كلها نوم من هسى بتعتذر مافيش طريقة و كلناماخدين اجازات ليك من الليلة عشــان نعمـــل لياقة و خدرة رهيبة...... اعمل حسابك من ابوســاندرا و بهــاء ولا عذر لمن انذر كمــا يقول أئمـــة الجوامع فى الخرطــوم.........


اخوك صـــديق عبد المنعم
5872612

الأعزاء بارعه وخدر... الدوحه حتنوّر بوجودكم.. ومرحب بيكم بين أهلكم... ده خبر مفرح جداً والله.. وشيء يسر القلب... سأحاول جهد الامكان ان أحضر في تلك الليله، انتو عارفين اني عروس وكده... لكن أكيد حأتوقع حضور وتشريف لينا في بيتنا...

مع تحياتي

بنت الحسين

البوست لازم يكون دائما فوق ،،
فى انتظار ليلة السبت ،،،

معاوية الزبير 5312027
جمال علي التوم 4477969
يانادوس بعدين بنشوف قصة الاوبرا كافية , وبعدين انا حافترض حسن النية واقول انك قاصد ابوساندرا , اصلا انت عارف الراجل ظروفو الصحية مش ولابد

Quote: بأبل بيز ولا أوبراكافية،

نادوس

فينا مقالب من هسة !!



أوبراكافية دي ساهلة
(البامبرز) التاني ده شنو كمان ؟

بورداب الدوحة التحية من هنا لااااااااهناك

الصديق بهاء بكرى علم وساوافيك بالجديد

حبيبنا خدر ...فى انتظارك

شباااب

سلااام والف تحية ...

اها انا جيتكم ,,,صبر على قول ناس البلد دى ..

العزيز خدر ..

شكرا على النغم الجميل من الوغد المدعو (طارق ابوعبيدة ) ..
ولى مع هذا الفنان قصة ...كنت حين يجن الليل ويبدا الحنين
فى الهيجان ، اذهب الى ملفاتى الموسيقى واضغط على الملف
الذى فيه اللحن التآلى : (الحفظ مش ولابد )

يانسيم مابالك تتنى قامة البان
انت رايق وتلعب والعشوق تعبان
.............
من قليبو الجافى لقليبي الحان
النسيم يتردد عامل استمحان ..
ياالغرامك حل ورحل السكان
من مداين جوفك ...
ماالذ الناس السارجة بى لو كان
ابقى قلبى وقلبك فى الغرام سيان
قلبى لايسلاك انا لايطيب نكران
بين شاهد جفنك بالدموع عكران
درعك البتقمص ...
والضمير الميل صاحى ام سكران ...

وامارس كل اشكال التعبير مع هذا النص ..واخلد بعدها الى النوم ..

حتى علمت قبل ا يام بأن صاحب النص يسعى بيننا هنا ، يسعى بالمحبة
وبالفكرة وبالرأى وبالفن والرسم والموسيقى ..واعدت سماع النص مرة اخرى
وبأنطباع جديد فبانت لى محاسن اخرى فى النص كنت اجهلها كجهلى بهذا
المنبر المجنون الذى يحوى كل جمال بلادنا وبنفس القدر بعض تشوهاتها
وازماتها ..

شكرا خدر على الاهداء .. وياريت تلحقه بالنص موضوع الحديث ...

سلامات
وعوافي
الاحباب
كيفنكم
نقول فوق
ياخدر والله كلامكم يودر وجع الروح (فدحين) تعال ...

محمد عبد الرحمن
أمانة عليك
( سلم لي عليهم جملة حتي اللسة قبل الخلق والتكوين )
خدر وبارعة
قربتو مننا شديد أدوا بقية الصحاري حظها من الارتواء


خضر

فوق من اجل الرائع خدر والرائعة بارعة

من اجل مساحة خضراء للالفة والتاّلف بيننا

الحبيب محمد عبد الرحمن والجميع تحياتي وخالص اشواقي ‏
الحبيب خدر والاستاذة بارعة مرحباً بكم في دوحة الجميع حللتم أهلاً ونزلتم سهلاً ‏
الأحباب الأعزاء معكم بإذنه تعالى لانو الواحد بيكون بقي عزابي من يوم الخميس وما في أية ‏استفسارات عن التأخير والذي منه ‏

يا بهاء الدين امانه عليك الصوره دى من سنة كم ؟

عزيزى خضر حسين

تحياتى ...

سلامك سيصل ممزوجا بروحك الجميلة هذه ..ليت خضر

وبارعه يعبرا اليكم ..حتما ستحال صحاريكم الى خضره

وجمال ووجه حسن ...

محبتى وشاكرين مرورك ياصديق ..

انت ياود الزين ماسالت ابوساندرا مالك , وعلي العموم اسال الحبيب صديق هو من صور وكذلك هو من قام بانزال الصورة , وبعدين عمو ابوساندرا نزل صورتو لمن نحن احفاده

واحد صاحبنا ظريف لكن شين شنــا مبالغ فيها و مصّر انو وسيم وسامة الريل،،،، المهم زعل مع احد ظرفاء الدفعــة...... و الزعــل جــاب اكــلام و النقاش احتد فمــا كــان من الظريف، و بعد أن اعئته الحيلة، الا أن يلتفت لصــاحبنــا و يقول ليهو:

وشــك العاجبك دهــا انحنــا بنصحــا بيهو من النــــوم

بـــدون تعليق يابهــاء و اؤكــد بــأن الصــورة قــد اخذت امس فى منزلــى بس بعــد الســـاعة 12 ليلاً!!!!

اللبيب بالاشــارة يفـــهم و لا شنو يا أبو ســـاندرأ؟؟؟؟؟؟؟

على المحبة نلتقي!!
حبابكم ألف.
تعوزني كلمات الترحيب. فاللغة دائما ماتخون المعنى. ويعزيني أنكم تعلمون مدى معزتكم عندي.
ستأخذنا الأيام بعيدا لذكريات لايمكن أن تموت. وتتفتق الدنيا عن حياة تتأبى على الموت مهما تطوف بها "البوم البعجبو الخراب". مكانكم مازال شاغرا و حضوركم قوي، فدعونا نسر ع الخطى للحظة التلاقي.
للحبيب نادوس،بهاء ماقصر وصلنا في حين أن ود الزين لم يعمل بالوصية ولاتثريب عليه.
مناقرة أبوساندرا وبهاء ( الترتيب حسب العمر عشان بهاء مايزعل) المابتنتهي ودها خلف غليظ القول بائن، لكما الود وهدئوا اللعب شوية (ريسين بيغرقو المركب) ولا قبلتو الإثنين بمبدأ القيادة الجماعية؟
عموما محبتي للجميع و سعادتي بمقابلة الأحبة لاتوصف.
لكم كل الود.

الاخوان خدر وبارعة أقامة سعيدة انشاء الله بيننا
المعذرة على تاخير الترحيب بكم

مرحب حبابكم

ابومصطفى

عارف يادكتور احمد , انا السنيح ده بخلص منو قبل وصول خدر ,ودعه ياصديقي مع قيادتة الجماعية فهي اتية لاريب

سامغنط امنياتي
وارميها بينكم
علها تلقط شيئا من هذا الجمال الاحتفالي
*
*
*
*
*
طارق ابوعبيده بعد 10 سنوات
انتو جادين ياخواناااااااااااااااااااااا

الاعزاء

خدر وبارعه الف مبروك

وان شاء الله بيت مال وعيال.

ويا بورداب الدوحه مابتقصروا والحمد لله ما عايزين وصيه.

اخونا خدر يستاهل كل الخير.

بس شويه شويه عليه في الملوخيه دي.

الملوخيه بتهيج المصران.

اوع تسمع كلامهم يا خدر ديل عايزين يودوك في داهيه.

مافي عريس بياكل ملوخيه.

وبعدين موصياك تأكل في بيت مريم بت الحسين

وتورينا بعد داك مطبخ ابله نظيره البوردابي انتاجه كيف؟؟؟؟

تحياتي ومحبتي لكم جميعا.

تراجي.

يا بهاء الصوره قالوا بعد الساعه 12 وكلام الليل يمحوه النهار

اما ابو ساندرا انا ما بسألوا هسع عشان عندى شغل عندو بعد ما يخلص لى شغلى

ويا دكتور احمد لك العتبى حتى ترضى - الحقيقه انى لم اعمل بوصية نادوس لانو قبلها اتصل بى بهاء الدين ( وهو دائما يسارع فى الخيرات , خفيف عند الفزع ثقيل عند الطمع , وهو دائما يسعى لان يجمع الناس لتلطيف جفاف الغربه ) وقد علمت منه انك على معرفه وعلم .

أعتذر .........

لعدم تواجـدي بالدوحـة

في ذلك التاريخ

ارجـو قبول

اعتذاري


بوردابي متضامن

بورداب

الدوحة

وليد ياولى ..

تحياتى وشاكرين الاطلالة الجميلة ...

وليتك كنت من سكان الدوحة فى هذا التاريخ وبعده ، فمزيدا

من الجمال لايضر ...

شكرا ولى ...

العزيزة تراجى ..

تحياتى وشاكرين مرورك ...

خدر وبارعة ديل اظنهم عرسان من زمااان ..

كل القصة ان خدر وبارعة سيحلان ضيوفا علينا ..

وهذا البوست تعبيرا عن فرحتنا ...

شكرا تراجى ...ومحبتى لك ...

Quote: وبعدين موصياك تأكل في بيت مريم بت الحسين

تراجي ..
انت بي صِحكـ !؟

نحن اسه يدنا في قلبنا خايفين علي نادر
من اكلات ابله نظيره

خدر

عرفنا شعارك ، بس كان تقلب المثلث الدامي رأسآ على عقب عشان تكتمل التورية


هوزي
حضورك ضروري


نادوس
لمن كنت انا بشيل ساندوتشات السجك والبيض من جروبي وبحلي بالكنافة وانا بعد في الإبتدائي وترشقني النوافير برزازها
كنت انت بتكد الدوم في احراش الرديف

ولمن { بالغت} وغشيت G M H { صالة غوردون للموسيقى } والأتني وكوباكوبانا وفلامنجو كانت تلفحك روائح الموشك في طريقك إلى مدرسة حي النصر


راجع ليكم بعد ما أشطف الككو بتاعي ده ، قال قائد قال

ابوساندرا ........... ولد ده

Quote: نادوس لمن كنت انا بشيل ساندوتشات السجك والبيض من جروبي وبحلي بالكنافة وانا بعد في الإبتدائي وترشقني النوافير برزازها كنت انت بتكد الدوم في احراش الرديف ولمن { بالغت} وغشيت G M H { صالة غوردون للموسيقى } والأتني وكوباكوبانا وفلامنجو كانت تلفحك روائح الموشك في طريقك إلى مدرسة حي النصر

طبعا يا أبو ساندرا أعلاه يفضح جهل بطبغرافيا "المدينة الجنة كوستي"، ويفضح قدر شنو إنت ديناصور، فأنا على يقين بأن أغلبية البورداب لم يسمعوا بالاماكن دي إلا في حكايا أعمامهم وجدودهم.
والأهم من هذا يفضح إنك لسه واقف هناك، وما سمعت بأبيل بيز، وممكن هوازن أو بت الحسين يوروك ليهو.

الجميل د.أحمد عثمان
والله أشتاقك، وفي البال الكثير مما يستلزم النقاش، ولكن فرتكة الخيوط المشربكة دي شغلتنا.

بهاء واثق بأن ذكاؤك لن يخونك.

الأحباء ساكنى الدوحة الوريفة

لكم الحب والأمنيات

كرمكم الحاتمى يفيض ويغرق كل من يغشاكم ويحل بينكم

هنيئا لطارق الحبيب وجوده بينكم وهنيئا لكم الأمتاع بجميل غنائه وإبداعه

كان معى الآن الأخ طارق وأخبرنى بزيارته لقطر وكم أسعدنى أن يلتقى الأحباب عيانا بيانا بعد اللقاء الأثيرى الذى دام سنوات من الحب وكم أسعدنى أن تستمعوا لطارق أبوعبيدة هذا الفنان الذى يحمل الكثير فى حقيبته ..

الود خالص لكم جميعا
عبدالعزيز خطاب

الدكتور أحمد عثمان
بمناسبة القيادة الجماعية مع البهاء
زمان في الجامعة حصل إنقسام وسط الناصريين ، واحد جبهجي { حقت زمان / مال أول } كان يسخر من قلة عددهم وحيلتهم قال : هم كانوا في حافلة هسع بقوا في تاكسيين ، أحسن كده أصلو لو خطفت الحافلة بيكون التنظيم كلو راح شمار في مرقة

دحين هسع أنا كون في قيادة جماعية مع ناس كل جمعيتهم العمومية بتجي في تاكسي واحد ، ولو إنقسموا بيجوا في ركشتين
في تنظيمات الأقليات دي أي ككو بيعمل قايد

نادوس :
معترفين نحن كبار وقالوا الشدر الكبار فيهو الصمغ ،
والشباب شباب القلب البكر
بس إت متين بتقر يابخيت


تراجي مصطفى
حق التذكرة علينا بس انت كيف تنوي
والقدم ليهو رافع يابنية

هوزي:
ماتنسي تجيبي زيكو معاك
في الشنط
واللا في القلب
ماب تفرق
بس تكونوا سوا سوا ياجميل
لو ما عشان خاطر خدر ، طيب عشان خاتر جنابو


بهوية:
شايف مس كولاتك العشرة
ومطقع ليك

خدر:
ماقلت لي جايب شعارك معاك

أحمد عثمان { تاتنيؤ
أول مرة أعرف إنك بتهرش من القائد بهاء

ودالزين
أها تمينا ليك عملك يللا فتو

صديق عبدالمنعم
عارف صاحبك صاحب دوللي هسع وين؟؟
قالوا والعهدة على الراوي :


كل يوم بيمشي إستاك
وعيونو محوصة
والنتيجة لم يعلن عنها بعد

أبو ساندرا ولك الود،
عايز تحرشني علي بهاء ولا شنو،
إنت ماعارف "المحرش مابكاتل".
على أي حال أنا ملئ بإستشراف لقاء الأحبه الآن ومن الصعب إستفزازي.
وبالمناسبة الإستدراك لم يكن لسلبك المشيخة بل لترطيب الأجواء من أجل قبول قيادة جماعية حاول بهاء أن يصرفها عن موضعها.
للجميع محبتي
وكل الودللقادمين
وألف مرحب مرة أخرى

سلام ياشباب ..

سمعتو (بوجع الضرس ) ...انا زمان كنت بسمع بيهو سماع

بس.. لكن الليلة عرفتو ..وتانى من الليلة لما اسمع لى بزول

عندو وجع ضرس لو كان فى اخر الدنيا الا امشى اكفر ليهو ..

ماشى احاول النوم ...تصبحوا على خير ..

محمد عبد الرحمن كتب :

Quote: سمعتو (بوجع الضرس ) ...انا زمان كنت بسمع بيهو سماع بس.. لكن الليلة عرفتو

وجع الضرس
ولا تاورك الضرس ..؟

الـ.... أبو ساندرا

قالوا انت وبهاء تحت الاختبار ..
نشوفا بتنجح بنسبة كم فى % ..

انت باحمادة وجع الضرس ده ماشاف ابوساندرا , هذا العجوز المتصابي , بيتكلم كانه دفعتنا وهو دفعة المراحيم

الاخ محمد ...

تحياتي لك ولضيوفك ...

للاسف كمت بالامس مع عدد من الأصدقاء ولم يحضر الشخص الذي تنتظره وتنتظر مني رقم تلفونه .. فهو ليس له رقم تلفون هنا خاصة وهو في أسعد شهر من شهور حياته واظنه يقصد هذا عمدا ...

لذا عليك ان تستعد لما سيحل بك من لوم ولكن ....

إذا ما (إتزنقت) فأنا سأكون لك شاهدا !!

ياخدارنا:
{ القائد } بهاء فخخ المدينة بإشاعة قوية بإنك حقاني وحقوقي
حتى يصرف عنك { رفقتنا} الحسنة ويستأثر بك وحده
شوف طريقة حل بيها نفسك من ديل وديك وكلاهما بيقدروا على الحنك وإغتيال الشخصية

ودالزين:
أها قطعنا الشوط الأول وسلمناك المعلوم ، يللا فك اخرك

صديق:
مازال صاحبنا يساسق بين كوبر وإستاك ولغاية الان لم يستلم شهادة البرآءة

في واحد نحس الكامري الفارهة فإتلحست مأسوفآ على شبابها الهائج

بعد ماشفته الحفلة و خدر و الشباب و العجائز قررت وبكامل قواى العقلية الوقوف خلف جيل الشباب بما فيهم من روح المقاومة و الاجتهاد و أن انحاز الى القائدحسن الترابى ((عفواً)) و بدون زعــل بهــاء بكرى.

يا شباب
ده قبول منو !؟

اجلد يا بهاء

عزيزى نازر

تحياتى لك ..

كتر خيرك كتير ماقصرت تب ...وزولى عارفو (مقطع ) ساكت ..

ياخى معقول فى زول فى الزمن ده ومغترب كمان يكون حائم

بدون موبايل ؟

انت عارف عمر ده انا اصلا زى ماقلت ليك كايس لى تلفونو

(خوفة ) بس وكويس انك فهمتنى بالله ماتقصر معاى ..وبعدين

فى حاجة تانية برضو كنت اتمنى انو انجزها بالاتصال ده ..هى

انى كنت عايز اواسى واعزى (بت الناس) دى على المصيبة اللمت فيها

دى ..غايتو ربنا يصبرا على البلوه دى ...

شكرا ليك كتير يانازر ..

الأحباب البورداب

لكم الحب والود مع الحفاظ على الالقاب

م عبدالرحمن .. صادق الشوق


خدر عقبال ما تغسل ما ران على قلبينا من حزن وجليد
تحياتي للبارعة ... ياخ رسل الأغنية علي الإيميل:
[email protected]

ودي


سامر

صديق:
وقطعت الصور قول كل خطيب ، القائد أصلو كان في الرمق الأخير وأجهزت عليه قيادة لايحتمل تبعاتها ولم تتوفر شروطها فيه أصلآ
أما صاحب دوللي فمازال يساسق لاهثآ

خدر :
يجلد شنو ؟ والله ده إلا أديهو يدي { يجلد } بيها ، ده منتهي وماخدها { إسنافيك} مسفنك على كل المستويات لغاية ماراح { الخور} .

بالضبط كده حدد لي طيارتك حاتنزل الساعة كم ، بالضبط
أنا ماقادر أتصل ، رصيدي جف والكامري إتلحست وأتعرض لإبتزاز عائلي { بالحجم الكبير }

يا بورداب الدوحة
أعزموا :
الحاج الفحيل
الوليد عبدالعزيز
هشام الفيل
عشان تكون معنا النخبة لزوم الشيرنق أو العدل في رواية أخرى من جنوب غرب الديم والرايات ترفرف هنا وتطوى هناك

ياجماعة كل واحد يجيب معاهو { الرمة } بتاعتو ، والماعندو يستلف واللا يشارك واللا يمشي فندق سوفتيل

Quote: ياجماعة كل واحد يجيب معاهو { الرمة } بتاعتو ، والماعندو يستلف واللا يشارك واللا يمشي فندق سوفتيل

العزيز أبوساندرا
أسعد الله أوقاتك بكل خير
أسمح لي في أول مداخلة معك والقصد منها توضيح ماورد أعلاه هل تقصد الرمة بكسر الميم أم الرمة بفتح الميم ؟

والله يا ابو ساندرا الا اشتكيك لناس الجندر عشان يوروك المكشنه بلا بصله ونجوم الضهر

وفى قول انو يدخلوك ابو غريب عشان تآمن .

رغم انو لحدي الان ما عرفت القبول بتاع منو ؟؟

لكن عندي طلب .. بسأل عن الاساتذة

- محمد عبد العال مراد
- عمر كبلو
- مصطفى عثمان فضل.


ود الزين .. والله الجندريات ياخدن خبر
الا رشيده تجي تلقاهو مافيهو باقي

يفتح باب الطلبات من امستردام


اي زول عاوز حاجة من امستردام يقول هنا او في الايميل
[email protected]
- بقرة
- علبة لبن
- بنقو
- هولندي ما مسرح شعرو
- فولكسواجن ( مقاس صغير ) عشان تدخل الشنطة
- يهودي خرخار

اعلاة منتجاتنا الوطنيه

يا ابوساندرا

( وتزايدت الادله على ان العنف المرتكب ضد المرأه فى خضم الصراع والفتره التاليه له لم يكن له دافع سوى كونها امرأه , وانه يعتبر صورة قصوى من صور التمييز والتفاوت بين الجنسين الذين تعانى منهما المرأه فى اوقات السلم . وكانت المرأه تتعرض يوميا لما يتهدد سلامتها الجسديه وينتقص من حقوقها الاساسيه وكان العنف الذى تواجهه المرأه فى وقت السلم يساهم ايضا فى التقبل العام للعنف فى اطار الاسره )

من التقرير العام 2005 منظمة العفو الدوليه - حالة حقوق الانسان فى العالم - افريقيا صفحة 20 .


انا بعرف لى جندريه , الصديقه ( زينب عباس ) لو كلمتها الا تركب الطياره من السودان تجيك ولو ما لقت طياره تجى كدارى وبعدين هى نافذه جدا شغاله فى الاتحاد الاوروبى حاتسعى لاستصدار قرار ضدك من محكمة ستراسبورج ومنها لمجلس الامن ومنها للمحكمه الجنائيه الدوليه وبعد داك شيل شيلتك مع المدعى العام بتاع المحكمه الجنائيه الدوليه لانو حايجى ويسوقك لى لاهاى وتتعاقبوا انت وخدر هو يجى بى هنا وانت تمشى مكانه هناك وبعداك الا تصاحب المقراحى .

بورداب الدوحة
ها انا هطلت علبكم كاالمطر
"هذا انا مذ انفجار قصيدتى الاولى
على حجر من رعاف الدم
ربى
اعنى
كى اقدم جثة اخرى لروح لا تظللها
استطالات الحسد ,,,,,"

الشكر لبكرى الذى جعل التواصل بيننا ممكن
مرحبا بالعزيز طارق(خدر) فى دوحة الخير
ولنا لقاء فى مساء السبت
ولنا فى ذاكرة الدنيا ذكر وذكرى ،،،،

من الحدود السعودية القطرية،،

يحيكم 399

بس يا أخوانا علو لينا صوت الساوند

عشان نسمع شوووووية معاكم يا جماعة



الأخ / محمد عبد الرحمن،،

اطمئنك ...

أنو رسائلك وصلت كلها بخير؟؟

أها لقيتني كيف؟؟

أخوك ما تفتيحه،،

نقشتها وهي طائرة

بس المحيرني!!!

وين لقيت الداهي الاسمو الرقم

عزيزى وليد بن احمد

اخبارك وامورك ...

يازول خليك قريب صوت الساوند حايصلك فى

الرياض ..فقط هيء نفسك لتسمعنا فستسمعنا حتما ..


ياخى تجى بعد تلاتة يوم وتقول لى انا تفتيحة ..

على العموم مبروك نجحت فى اقتناص فرصة

الاختيار الواحدة ، تبقى لك اختبار اخر ويمكنك

الاستعانة بصديق لانو ده صعب شويه ..

Quote: وين لقيت الداهي الاسمو الرقم

ده تجاوب عليهو انت ..

شكرا على هذه الاطلالة ياوليد وفى انتظار ان تكمل

(التفتيحه ) ...محبتى لك

يا خدر
الباقي كم!!!!!
*
*



*
صديق عبد المنعم
لما كل هذا التعري ونشر الغسيل

واصل ولا اسكت الله لك حسا ولا اغمض عين أخرى للكاميرا
وهل من (فيديو ) يوثق لهذه الورططات القياديه

معاويه الطيب
صورتك مابت كلب عديل كده, بس اوعه تكون دي ياها (الخايف عليها )



ابو ساندرا
تحيات لرمتك عند وصولها

وعندما تحل مشكله (القياده) عليك الله ادونا خبر




ويا شباب
او القائمين على الامر خبرونا عنكم واقفين وين انتو

سلام ياشباب ..

مداخلة (very ergent)

يااخوانا التنسيق البنتكلم عنو نقصد به (الكاش) الذى
فى احدى الروايات يقلل النقاش ..لذلك سنكون اليوم
من الساعة السادسة مساء منتظرين مكالماتكم للاستلام ..
فقط اتصل علينا وسنصل اليك حيث كنت ...
التوقيع :
بكرى الامين ...محمد عبدالرحمن ...

بجى راجع بعدين عشان ارد على الناس الجميلة المرت من هنا ..
وايضا سأضطر للنزول للدفاع عن نسيبى بهاء ودبكرى
ابوخالد (الكد)... فألاستهداف وصل الى درجة لايمكن السكوت عليها ..

محمد فى ساعات الدوام (على قول الجماعة )

فتكم بعافيه ...

العزيز محمد ........... دخلت للترحيب بالصديق دفع الله خطاب , اخر المنضمين لبورداب الدوحة , وخطاب رجل تحدثك افعاله عنه , وهو مكسب لناس الدوحه ولعموم البورداب , اما الهجمة التي يديرها المعتوه , فقولي له ( الملافظ سعد ) .ويجب ان يعلم ان بالبورد ارشيف يحفظ كل هرائه.

الأعزاء في الأعالي:
1- أبوشيبة : بالكسرة يا ابوعلي
2- ودالزين :غايتو لو مشيت أبوغريب حا يامنو هم ، ماتقول معاهم رمم ، وأسال خدر يحكي ليك حكاية الككو والموية بتكذب الغطاس
اما بخصوص حقوق الإنسان والمرأة أنت الحا تقع فيها أنا قلت الرمة وانت فهمت إنو الرمة دي هي ، أها الإساءة جات من وين
ولو عندكم مشكلة تاخدوها من الجيش والعقيد عبدالعظيم عوض سرور فهم الذين صاغوا المصطلح

3- القائد بهاء :
ياسعادتك واضح إنك ذهبت للمعنى البعيد ونحن نقصد معنى أقرب اليك من حبل الوريد ونتمتع ببراء’ الأطفال

يا خدر :
جيب لي معاك:
علي عوض
احمد عكاشة
خالد الحاج
آمال الربيع
مشتاااااااق ليهم حتى الثمالة

فيصل عباس:
شيل شيلتك يا المسنوح أصلها شاماك وتميت الناقصة
وعثمان البشرى بيموت { بعد خرف } وشوف البيعزيك منو ، حانعزي ميرغني الماحي وعبدالله الزين ده لو ما بادروا وسبقوه

ابوساندرا

هذا ليس بالمقام لكن فقدنا لمحمد الحسن كان اكبر من شق السماء لمن يتكئ

بس انت اطلع منها
والبينا وبين رشيده وطن ابوابه واسعه وارضه حنينه تماما وكذلك يعرف يستوعبنا
برزايانا واخطاءنا فيه ، وطالما انها قبلتك انت بكل ما تملكه من ورطات ، اكيد
سيكون عندها لنا مكان يسمح بمراقبتنا من بعد


وانت موت بغيظك
وعثمان بشرى شبييب للهبييب فليذهب كل هؤلا الذين نحبهم (ميرغني ،عبدالله الزين، بدريه
بركات) الي سابع حميم


وسلام يابن بركات الخالي من البركات

اولا : مرحب بدفع الله خطاب فى المنبر العام والبورد
نتمنى ان يرفد البورد بالنقاش الهادف المفيد وهو اهل له وان يدعم المنبر بالجديد


ثانيا : - يا ابو ساندرا شايفك بقيت تتزاوغ وتفتش للمعانى الخفيه وياخى انت ابو العارفين - يقول القانونيون : - اذا كانت العباره واضحه فلا يجوز الانحراف عنها عن طريق تفسيرها للتعرف على الاراده .

ويقول الاصوليون : - اعمال الكلام اولى من اهماله ( الاصوليون بتاعين اصول الفقه مش الاصوليين بتاع اليومين ديل )
غايتو الا تطلع بيان زى محمد طه محمد احمد .

(جاءناـ والتقيناها)في (الصباح )
المخضل بالرعشات
محمولا على جنح الوسامه
هذا زمانك
*

*

*
(احتقب متاعه )
هوى
مستمدا من الشوق
اجنحه (للحضور ) المفاجئ
اما هبطت المطارات ارتأيت
هو الوجه وجهك
نفس الملامح والنظره الساهمه
ونفس التطلع في اعين العابرين
ـــــ
والبحث عن مفقودات
والصلعة التي تميز ملمحه
ونحافة لا علاقة لها بمراعي هولندا
او زواج لم يتجاوز العام ونيف

وثم اختطتفه سياره بيضاء بيضاء من فصيله الكامري (لاتخص ابو ساندرا)
يقودها شخص يملاء الخضار راسه وله طعم صوفي لذيذ ومميز
اسمه التلب وسرا اعلن انه ينوي به الرحيل الي المرخيه
وافاد بأن هناك رقم تلفون سيكون بصحبه طارق للتواصل معه او الاطمئنان عليه والرقم هو
5292332
اما الحبيب فلم يأبه باختطافه (ما اصلو متعود) وعندها لاشئ سوى الترحيب الحار جدا
بالخاطفين
واسمحوا لي من هناان اقدم لهم الدعوة باسمكم لمشاركتنا في الترحيب
بضيفهم وضيفنا
ــــ
اما هي فكانت اعينها مغسوله بنعاس
تحتقب زوج يكثر من ابتسامات فرح بمقدمها (مؤكدا بانه يملك شيئا يناقش به على قياده
سكنت في غير موضعها ولو همسا)
وكانت في بهاء رغم رهق المشاوير
وكانت ............... رشيده


******
مرحبا طارق
وفيما يبدو انه سيكون للدوحة طعم خاص هذة الايام اسمه انت

اهلا بيك يا رشيده لوحة تملاء الفراغات في مكان مشغول بالفراغ وصناعة الترهل

********
شكرا لعالم عباس الذي اهداني شكل الكتابه لاستقبال القادمين

الاخوة الكرام ودى وتقديرى

العزيز دفع الله خطاب الف مرحب بيك حبابك

وهو بلاشك اضافة نوعية للمنبر ولبورداب الدوحة

العزيز فيصل عباس الترتيبات تمااااام يافندم

وبعجبنى البنجض شغلوا....تعال لى بهناك

حبيبنا محمد عبدالرحمن اصبت كبد الحقيقة

الجميع لكم احترامى وتقديرى

مرحب بيك يا خدر في دوحه الخير ومعاكم يا شباب

عزيزي محمد ......... فات عليك ان تنوه بان ضيفا شرف حفلتنا هما الدكتور safe78 وزوجته الامدرمانية الاصيله , وبالمناسبة الدكتور سيف عضو بالبورد معنا ,الا انه قليل المشاركة لظروف عمله الضاغطة , اتمني ان يجد متسعا من الوقت مستقبلا حتي يثري حواراتنا , مبروك لسيف وزوجته الامدرمانية .. ومرحب بخدر بعد وصولة

الحضور جميعا ..

تحياتى ...

مرحب بالمنضمين للبوست ...واعتقد ان البوست ملك
الجميع ..فألف مرحب بكم ..

ومرحب بألاستاذ سيف وحرمه ضيوف شرف لهذه الليلة ..

فيما يخص برنامج الغد ننوه للآتى :

# الالتزام بالحضور فى المواعيد لبدء البرنامج مبكرا ..

# فيما يخص برنامج الحفل فقد تم وضع برنامج قابل
للاضافة والتعديل ، فعليه كل من لديه تصور او فكرة
تخص البرنامج عليه بتقديمها قبل مواعيد الحفل لنتمكن
من وضع تصور نهائى ...

# الاسراع بتسليم المساهمات المقررة ...

ونتمنى مشاركة الجميع من اجل اخراج حفل يليق ويرضى
طموحاتنا ...

محبتى لكم جميعا ..

تأكيدا للمواعيد عند الساعة السابعة والنصف مساء

اها يا بورداب الدوحة


بارعة مقلبتكم وما جات مع خدر مش؟؟؟


الحفلة دى كانت لى اتنين اولهم انا...

وانا ما جيت.........حقى ح يمشى وييييييييييين!!!


لكن اقول ليكم حاجة......




رسلوا لى حقى ناشف

سلامات
وعوافي
امسية انيقة كـ (خدر)
... ومازال الود المعتق بالسماحة يصدح كهشات النسيم .. كان جميل الحضور وبشوش الملامح .. احسست بانه يريد الجلوس في كل طاولات النادي ويريد الحديث مع كل الحضور ولو اسعفه الزمن لانشد كل القصائد ... هو هو (خدر) بالقه ووداعته سرًج مساء الدوحة بالضياء ..
ويابارعة فاتتك فوتة ..

انت مابرضك حبيبنا ..
والحنان الفى قلوبنا
اصلو نابع من عيونك ..
والمحبة الفيها لو ماانت ماكانت محبة ..
كل اشواقنا ومشاعرنا ..
واحاسيسنا النبيلة ..
انت مااهديتا لينا ..
كيف تضيع احلى مااهديت ياغالى ..

..

اغنيكم ..

اغنى جزوه النار التى فيكم ..

والعن ذلك البرد المدثر روحكم

برماد موتاكم ..

وان شئيتم تعالوا ايها الجوعى ..

تعالوا ايها الفقراء ..

انا امدرمان تأمل فى نجوعى ..

انا السودان تمثل فى ربوعى ...

انا ابن الشمال سكنتو قلبى ..

على ابن الجنوب ضميت ضلوعى ..

فياسودان اذ ماالنفس هانت ..

اقدم للفداء روحى بنفسى ..

باشمهندس بدرجة شاعر ..معتصم ودالطاهر ...

كانت اللغه امس طائعة ومنقادة له كما تنقاد له المسطرة ...

عبء ليل الدوحة بالاناشيد وهدات امواج الخليج انصاتا ..

وناجى هو النيل من بعد ..

رشيدة بنت المغيره ..

حضور جميل والق يفوق الوصف ..

(البوس) نادوس ..والى يمينه دكتور احمد عثمان

المتحدث بأسم البورداب فى هذ الليله

وقيل ان (البوس) الاصيل بجى فى اللفه ..

كنا فى ضيافته امس وكان كأم العروس ..

..

يااخوانا صلوا على النبى ...

دى دينا بت عبدالرحمن بركات .

(اقلب القدره على فمها .....لامها )

بهاء بكرى ..

الصورة تحكى ...

و(التى شيرت ) ولااروع ...

القائد:
الصورة تحكي وتشهد إنه { مولع }
وحارق تش

عمر بوب ويظهر ودالزين بجانبه ..

الاخ أبوســاندرا....معليش هو كــان تعبــان بظروف الشــغل و التحضــير لهــذأ الحفــل البهيج بس ســؤال و مــاتزعــل......انت الحرقك شــنو؟؟؟ الصــورة لا تجســد الواقــع بتـــــاتاً.......ربمــا همبريب الدوحـــة......ربمــا!!!!!

كان بكل روعته وفكره
وفهمه الواسع ..
وحبه الكبير ..

سلامات
وعوافي
استاذنا معتصم الطاهر ماقلت الا الحق فاستاذ مدينق ودا واحد من الذين يبالغون في الجمال والذوق العالي والمعرفة الثمينة والفكر الثاقب .. هو صديق اعتز بصداقته والتقينا اول ما التقينا ايام الضيق الذي غطي دارفور وجعل معظم اهلها حائرون بلا مأوى ولاكساء ... ايامها كان هناك منتدي السلام وكان عضوا نشط فيه والحقيقة شعرت بانه الوحيد الذي تجاوب مع حديثي في الاجتماع والذي كان منصب عن كيفية دعمنا لاهلنا في دارفور .. وللذين لايعرفون الاستاذ مدينق ودا فهو كاتب ونشط سياسي ومثقف باتع وله مشاركات فاعلة في القضايا التي تشغل الشارع السياسي والعام السوداني نشرت كمقالات في موقع سودانايل ..مجمل القول ان الاستاذ مدينق سوداني اصيل ...
تخريمة:
ياخدر خبارك يازول ماك ظاهر .. طمعانين في الشوفة .. وخلي بالك من حلة لقمان ياحبيب.. لانو فيها عجايب (خسوسا) انو الجميل (بكة) والحبيب(محمد عبدالرحمن) ح يكونوا من جنودا البواسل...

ودرملية ياحبيبنا ..

يازول (طلق ) بكرى ده ماحايكون عندو علاقة بالحله دى

هى لعب قالوا ليك .

ســــالتنى من انت.............قلت أنـــا ابـــن.......عينيك.....سحـــر

جمـــالك كـــان ابــــــــــــــــــــى.....و كــــانت أمــــــــــــــى

مقلتيــــــــك.........الحســـن ضــوء البيت......لا أدرى....ربمــا!!!