Post: #1
Title: هام و عاجل الي اساسي
Author: خدر
Date: 02-12-2005, 02:04 AM
Parent: #0
انا جاي جده يوم الاتنين
و نازل معاك يا كارثه
كان رضيت كان ابيت
اتصرف
و
لاقيني في المطار
بالمناسبه اسمك الحقيقي منو ؟؟ 
|
Post: #2
Title: Re: هام و عاجل الي اساسي
Author: Hussein Mallasi
Date: 02-12-2005, 02:11 AM
Parent: #1
اوعك تكون بتتكلم جد يا خدر؛
لكي لا اعض بطيخ الندم .......
|
Post: #3
Title: Re: هام و عاجل الي اساسي
Author: عمر الفاروق شيخ الدين
Date: 02-12-2005, 02:11 AM
Parent: #1
خدر أخوي :
عليييييييييييييييييييييييييييييييييييييييك الله كان ما جيت الرياض ...
حللللللللللللللوقك يقطع روقك كان ما جيت الرياض ....
الرسول فوقك كان ما جيت الرياض .................
|
Post: #4
Title: Re: هام و عاجل الي اساسي
Author: Elmosley
Date: 02-12-2005, 02:12 AM
Parent: #1
والله بالغت فيها ياخدوري
لكن اقول ليك
اساسي الكارثه ده انا ذاتي جاي انزل معاهو قريب في جده برغم انو اهلي مالنها
اساسي بالله رسل لي خدر ولي اسمك في الماسنجر
ماتخاف سرك في بير مدفون
|
Post: #5
Title: Re: هام و عاجل الي اساسي
Author: tmbis
Date: 02-12-2005, 02:17 AM
Parent: #1
اسمو .. منعــــم ده اسمو الحقيقي .. منععععععععععععععععععععععععععععم
كلامي واضح ياخدر ..؟؟
كان جيت الرياض عارفني ح اعمل ليك شنو ..مش ؟؟
|
Post: #6
Title: Re: هام و عاجل الي اساسي
Author: اساسي
Date: 02-12-2005, 02:28 AM
Parent: #5
قول واللللللللللللللللللللللللللللللللللللهي
راجع الماسنجر
|
Post: #7
Title: Re: هام و عاجل الي اساسي
Author: خدر
Date: 02-12-2005, 02:37 AM
Parent: #6
الاخوه في البورد
اي زول عاوز حاجه من جده او من اساسي
يكتبها هنا
عشان اجيبها ليهو معاي
و العندو شكله مع اساسي
يقولها لي في اضاني ( الماسينجر )
عشان اتمها ليهو
منتظركم
تقبل المسينجرات بعد الساعه الثالثه ظهرا بتوقيت مكه
|
Post: #8
Title: Re: هام و عاجل الي اساسي
Author: خدر
Date: 02-12-2005, 02:39 AM
Parent: #7
عمر الفاروق
+
تمبس
مابقدر اجي الرياض
فهناك يربض قبر دكين
|
Post: #9
Title: Re: هام و عاجل الي اساسي
Author: خدر
Date: 02-12-2005, 02:41 AM
Parent: #8
اتخيل يا موصلي
اول من تبادر الي ذهني
و انا اجهز للسفر
اساسي الكارثه
|
Post: #10
Title: Re: هام و عاجل الي اساسي
Author: خدر
Date: 02-12-2005, 02:42 AM
Parent: #9
ملاسي
قطع شك لازم اشوف مسأله الالياف الزجاجيه دي
|
Post: #11
Title: Re: هام و عاجل الي اساسي
Author: tmbis
Date: 02-12-2005, 02:42 AM
Parent: #6
عليك الله ركبو الطيار وجيبو يا منعم
عندي معاهو كلام سر
|
Post: #12
Title: Re: هام و عاجل الي اساسي
Author: مهاجر
Date: 02-12-2005, 02:55 AM
Parent: #11
الاخ خدر مربح بيك في جده
راقب اساسي لو طبخ في البيت
|
Post: #13
Title: Re: هام و عاجل الي اساسي
Author: nazar hussien
Date: 02-12-2005, 03:06 AM
Parent: #12
يا خدر بلاي عليك الله رسّل لينا منو حبة ضلام باقي شمشنا هنا مابي تغيب تب
|
Post: #14
Title: Re: هام و عاجل الي اساسي
Author: عمر الفاروق شيخ الدين
Date: 02-12-2005, 03:24 AM
Parent: #1
أساسي يا حبيب :
بالله ما تكتر لي خدوري ده من الزرنيخ أعمل ليهو منو حاجة خفيييفة كده ..
وبالله خلي ليهو النور طوااااااااااااااالي مولع وما تجيب ليهو سيرة الضلام ده اصلو ..
خدر اخوي :
انا خايفك بعد ترجع من جدة تعمل ليك بوست إسمو :
الترابي عقلاني وعمر البشير رائع فمرحبا بكم أعزائى في المؤتمر الوطني
|
Post: #15
Title: Re: هام و عاجل الي اساسي
Author: Ridhaa
Date: 02-12-2005, 10:10 AM
Parent: #1
ياخدر انت راجل لذيذ
هكذا أهل بلدي كلكم أصيلين
وبالله ماتنسى زور معاك الأخ هشام يازول والأخ العمدة خالد قرشو
يابختكم ياناس جدة
الأخ أساسي ماتقصر مع الراجل وماتعمل ليه غسيل مخ
مع خالص تحياتي
|
Post: #16
Title: Re: هام و عاجل الي اساسي
Author: Ahmed Omer
Date: 02-12-2005, 04:17 PM
Parent: #15
والله يا جماعه
البوست ده بالجد جميل
يا ريت لو كل الناس كده
لكن يا خدر اعمل حسابك
انا سمعت تحت تحت انو مرات اساسي بحول بيته لي بيت اشباح لو انزنقوا في واحد
بعدين يا خدر انت متأكد الصوره الخاتيها دي صورتك ولا صوره الفنان طارق ابوعبيده
شبه عجيب
اقعدوا طيبين
|
Post: #17
Title: Re: هام و عاجل الي اساسي
Author: Balla Musa
Date: 02-12-2005, 04:48 PM
Parent: #16
يا خدر توصل بالسلامة
سلم على أساسى و جيب لى لالوب من الكرنتينة
|
Post: #18
Title: Re: هام و عاجل الي اساسي
Author: خدر
Date: 02-13-2005, 09:15 AM
Parent: #17
الزملاء الاحباب
البوست ده والله مثال لي سودانيتنا و اساسي الكارثه
راجل و اصيل والله
بعد نزول البوست بي دقايق جاني المسينجر ده
Quote: خدر الشين
الخبر كان علي زي دعاش مطر الخريف لما قريت البوست لمن حكيت عيوني
وانا لاقيك وين يا شين
الاسم الحغيغي: ......
الجوال : ....
تلفون المنزل :....
تلفون العمل : ......
اها شنو ليك بس يا اريت توريني مواعيد رحلتك وتاريخا بالظبط
لانه يوم الاتنين يوم شغل عشان اعرف اشرك ليك بتين في المطار |
.....
المعلومات الاساسيه حذفتها انا
للحفاظ علي خصوصيه اساسي الوغد
|
Post: #19
Title: Re: هام و عاجل الي اساسي
Author: خدر
Date: 02-13-2005, 09:16 AM
Parent: #18
تنبيه اخير
يقفل باب الطلبات بعد 3 ساعات من الان
|
Post: #20
Title: Re: هام و عاجل الي اساسي
Author: عمر الفاروق شيخ الدين
Date: 02-13-2005, 09:26 AM
Parent: #1
خدر أخوي :
عايز لي نضارة وطاقية وهيتفون وعجلة فونيكس ...
وأعمل حسابك شيل معاك فار تجرب بيهو الأكل قبل ما تاكل أنت ...
أساسي زول راجل واخو اخوان وانت تستاهل اكتر من كده يا حبيب ..
طلب اخير :
خسسسسسسسسسسسمتك بي النبي كان ما جيت الرياض ..
|
Post: #21
Title: Re: هام و عاجل الي اساسي
Author: المسافر
Date: 02-13-2005, 02:10 PM
Parent: #20
خدوري
قول لأساسي
السبب الحماني العيد هناك أحضرو
بتنت على صاحب الحوش بتحقروا؟؟
والخيل تجقلب زي الشرا في القندول
|
Post: #26
Title: Re: هام و عاجل الي اساسي
Author: خدر
Date: 02-16-2005, 08:02 AM
Parent: #20
عمرالفاروق
|
Post: #22
Title: Re: هام و عاجل الي اساسي
Author: Ahmed Al Bashir
Date: 02-13-2005, 02:36 PM
Parent: #1
والله لو سلكت لينا الدرب يا خدر يانى النازل مع الكارثه
الاساسى قبل الكراسى
اما دكين داك بجيب ليك خبرو تب
برسل ليه ديك حلة حمد
يس الله يجيبك يا شهر 5 ونحن حيين
|
Post: #23
Title: Re: هام و عاجل الي اساسي
Author: بارعة
Date: 02-13-2005, 02:44 PM
Parent: #22
Quote: بعدين يا خدر انت متأكد الصوره الخاتيها دي
صورتك ولا صوره الفنان طارق ابوعبيده
شبه عجيب |
سبحان الله يخلق من الشبه18
هاهاهاهاهاهاهاهاها
|
Post: #24
Title: Re: هام و عاجل الي اساسي
Author: nadus2000
Date: 02-15-2005, 05:05 AM
Parent: #23
العزيز خدر
كان فيها فرقة مر علينا في الدوحة، وكان جبت الضلامي دا معاك بيزيد شرفنا.
طبعا أساسي أحد الذين عرفتهم من خلال الكتابة في "سودانيز أونلاين" وكان المنبر
ما زال طفلا يحبو،وأختلفنا كثيرا، وتناكفنا أكثر، وتعلمت منه "إذا كان لك رأيك
ولن أغيره، ولي رأي ولن تغيره، ف"حارقين رزنا فوق كم"،ولننزل الرز ويبقى الود.
وبالفعل هو رجل يشد إليه الرحال، فهنيئا لخدر به.
أما عن الأخ خدر والذي عرفته من خلال المنبر والأذن تعشق قبل العين أحيان، فكانت معزته من هذا الباب، ومن ثم من خلال كتاباته الواعية المستنيرة "عكس ظلامية وليس كشاف أعظم يا أساسي"،
فخدر رجل يخرج لإستقباله الحشود والوفود، فهنيئا لأساسي به.
وبالمناسبة أنا عندي ود أختاً لي في جدة وهو عضو البورد "أبو عثمان"، وهو أيضا رجل كرم، وياريت يا خدر تسلم عليه.
|
Post: #25
Title: Re: هام و عاجل الي اساسي
Author: Ahmed Alrayah
Date: 02-15-2005, 06:38 AM
Parent: #24
... هذه روح غير مستغربة على السودانيّين، الخوف كله أن يكون الغرض من زيارة خدر مفاوضة أساسي للانضمام لفريق المستنيرين!
- ألو
- ألو
- إزيّك يا أساسي
- أهلاً منو معاي؟
- معاك أحمد الريّح
- أهلاااان يابوحميد، وين يا راجل من معركة الموناليزا ما ظهرت؟! ياخ والله انت صحبتك صحبة معارك ساي!
- انتو الما بتسالوا من الناس يا أساسي، أنا انضربت في المعركة ديك وقلمي اتكسر، لكن أسي بقى كويس الحمد لله،
- الحمد لله، كفارة يا زول،
- كفر الله سيئاتك، أسمع أنا ضارب ليك بخصوص موضوع مهم
- إن شاالله خير
- سمعنا -تحت تحت كده- إنو المستنيرين عاوزنك تلعب ليهم
- ده كلام شنو ده؟!
- ده الكلام الجانا، وقالو مرسلين خدر يفاوضك
- خدر البشبه طارق أبو عبيدة؟
- هو ذاتو، حايضرب ليك ويقول ليك داير أنزل معاك في جدة
- حبابو عشرة، لكن فريق المستنيرين ده لا بلعب فيهو ولا حاجة!
- ما بتقصر يا أساسي، أنا كنت واثق من كده
- طيّب أقول لي خدر شنو لما يجي؟
- اتصرف
- اتصرف كيف؟ الراجل ضيف وما بقدر أرد ليه طلب
- أوريك تعمل شنو؟
- شنو؟
- الهجوم خير وسيلة للدفاع،
- كيف؟
- فاوضو انت!
- أفاوض خدر يلعب للظلاميين؟! انت بتهظر؟
- لا بهظر لا حاجة، هشام يازول سجل لينا لامن خدر!
- غايتو أنا بحاول
- خلاس يا زول مع السلامة وخلى بالك من المادة 14
- اطمن، أخوك حريف، مع السلامة
.....
أفادت الأنبار أنّ خدر عقب عودته من جدة أطلق لحيته وظهر بشعار الظلاميّين...
أحمد الريّح
|
Post: #28
Title: Re: هام و عاجل الي اساسي
Author: خدر
Date: 02-16-2005, 08:12 AM
Parent: #25
Quote: الخوف كله أن يكون الغرض من زيارة خدر مفاوضة
أساسي للانضمام لفريق المستنيرين! |
| Quote: - الهجوم خير وسيلة للدفاع، |
Quote: - فاوضو انت!
- أفاوض خدر يلعب للظلاميين؟! انت بتهظر؟ |
Quote: - خلاس يا زول مع السلامة وخلى بالك من المادة 14
- اطمن، أخوك حريف، مع السلامة |
لكن يا ودالريح ده سيناريو بالغت فيهو عديييييييل
طارق ابوعبيده شنو !!
اول مره اعرف اني بشبه بن لادن
|
Post: #27
Title: Re: هام و عاجل الي اساسي
Author: خدر
Date: 02-16-2005, 08:05 AM
Parent: #24
نادوس الحبيب
ما اظني بقدر علي الغشوه الايام دي لكن عندي
زياره ليكم قريبه و بديك مسينجر و بلاقيك
تسلم علي الكلام الاكبر مننا انا و اساسي
|
Post: #29
Title: Re: هام و عاجل الي اساسي
Author: Sidig Rahama Elnour
Date: 02-16-2005, 08:16 AM
Parent: #27
خدر يا شين
الليلة اول مرة أشوف البوست ده ، كان لميت في أساسي لميت فينا تب لانو هو مننا فركة كعب .....
وماعندك مشكلة كان ما شالك أساسي تنزل على الكراسي معانا فوق الرأس
حبابك عشرة بلا كشرة وبلمك في الوغد دكين في التلفون شان تنبزوا زي ما عاوز كان ربنا هون ......... منتظرنك يا شين ويا أساسي نسق معاي
|
Post: #30
Title: Re: هام و عاجل الي اساسي
Author: اساسي
Date: 02-16-2005, 09:22 AM
Parent: #29
شكرا لكل الاخوة الجميلين والمداخلات الجميلة والكلمات الطيبة وحسن الظن
ملحوظة : خدر الشين جاي يوم الاتنين 6 / 4
بس استعجل شوية 
|
Post: #31
Title: Re: هام و عاجل الي اساسي
Author: saif massad ali
Date: 02-16-2005, 11:53 AM
Parent: #30
سلام وبس
|
Post: #32
Title: Re: هام و عاجل الي اساسي
Author: Ahmed Omer
Date: 02-16-2005, 02:11 PM
Parent: #31
Quote: - خلاس يا زول مع السلامة وخلى بالك من المادة 14
- اطمن، أخوك حريف، مع السلامة
|
والله دي بالغت فيها، لكن الماده 14 دي صعيييييبة لازم يجي يوم تدقس فيها
اها يا خدر ماتنسى اساسي ده لازم يلعب لينا لازم يلعب لينا، خش ليهو بي حنك الوعي التقدمي والرؤى الجديده بتاعت اندياحاتنا ديييييييك
بس اعمل حسابك من كديس الميتافيزيقيا بتاعو ده لأنو قالوا امنجي متنكرQuote: -
أفاوض خدر يلعب للظلاميين؟! انت بتهظر؟
- لا بهظر لا حاجة، هشام يازول سجل لينا لامن خدر!
|
غايتو با خدر كان ادوك عرض كويس بالله ماتنسى اخوك اصلو اليومين ديل سامعين تحت تحت في مشاكل ماديه ومعنويه في فريق المستنيرين وحيشطبوا ليهم كم واحد كده لتقليص الميزانيه
واخوك شكلوا حيكون في الوش
وكان غلبك التعملوا خاااااالص وانت راجع من المطار بلغ فيهو السلطات انو عندو متفجرات
|
Post: #33
Title: Re: هام و عاجل الي اساسي
Author: Fadel Alhillo
Date: 02-16-2005, 04:02 PM
Parent: #1
UP
|
Post: #34
Title: Re: هام و عاجل الي اساسي
Author: خالد الأيوبي
Date: 02-16-2005, 10:37 PM
Parent: #1
خدر الوسيم – خدر الوسيم – والوسيم دي منها معارضة لأساسي و منها بعض الحقيقة --
دا ألطف بوست أمر عليه منذ فترة طويلة
فكرة أن تجعل من زيارتك لأساسي موضوعاً للبوست – بغض النظر عن الزيارة نفسها – فكرة ذكية ورسالة ذات معني.
في هذا البوست "خفيف الدم والظل" إستطعت يا خدر أن تقول ما ظل يدعو له و يكتب عنه الكثيرون هنا.وأعني بذلك الدعوة إلي المحافظة علي القدر المطلوب من إحترامنا لبعضنا و الإبقاء علي أواصر الصداقة والعلائق بيننا برغم إختلاف الآراء وبرغم إحتدام الجدل والحوار. فالإختلاف لا يعني بالضرورة العداء وقطع أواصر العلاقات.
وليس هناك مبرراً لأن يظهر الواحد منا العداء السافر للعضو الذي يخالفه في الرأي داخل المنبر، بينما تجده خارج المنبر يجيد فن التعامل وتباد الإحترام حتي مع أكثر الناس إختلافا معه في أفكاره وآرائه من جيرانه أو نسابته أو زملائه في العمل.
ألا يستحق زميلي في المنبر الذي ربطتني به علاقة المنبر الفريدة رهطا من الزمن، نلتقي كل يوم علي صفحات المنبر نتحاور، نتونس، نختلف نتفق، نتشاجر، ألا يستحق مني ما أمنحه لجاري وقريبي وزميلي؟
أعتقد أنه يستحق وأكثر.
شكرا لك خدر علي هذا البوست الفلتة و اللفتة
وأسجل إعجابي ب "خفة دم" أحمد الريح في سيناريو حواره مع أساسي.
|
Post: #35
Title: Re: هام و عاجل الي اساسي
Author: خدر
Date: 02-16-2005, 11:44 PM
Parent: #34
الايوبي
فعلا هذا ماهناك
قبل فتره و في بوست اوغاد تبا لكم .. كدت ان اقول ان الاختلاف
و السجال في النقاش قديم في البورد و دليلي علي ذلك هذا
الاساسي .. انا لم اراه في حياتي و لا اعرف اسمه الحقيقي لكن
اعرف كيف يفكر بالتأكيد من خلال قرائتي له هنا
فنحن نكتب معا منذ 4 سنوات تقريبا و منذ ان كان رومانسي
اذن نحن نعرف بعضنا جيدا و ذلك فقط لاننا نعرف كيف يُفكر كلانا
بالنسبه لي اعتقد انو ده
كفايه خالص
هل اساسي طويل .. قصير .. اصلع .. اسمو الحقيقي يس او سُعاد
ما مهم
المهم ماذا يقول و كيف يفكر
عادل عبد العاطي طارد روده ليعرف هل هي خالد كودي ام لا .. رغم
ان الجميع هنا قد سمع بهذه المعلومه منذ عام و نصف ..
الزملاء المفصولين و معهم رودا نجحوا في ان ينقلوا اختلاف و جهات النظر
في المنبر الي خانه العداء الشخصي و بث الاحقاد .. و هذا كان من العوامل
الرئيسه التي جعلت من المنبر الحر وعاء طارد و ليس جاذب .. هل يستطيع
عادل و رودا و علاء الدين زياره بعضهم البعض و تبادل الود بهذه الاريحيه
الاجابه لا .. طبعا لانهم اهتمو بالاشخاص و لم يهتمو بالافكار
اما انا بأمكاني ان اسافر و اقضي معهذا الوغد يومان و انا علي ثقه
ان الونسه بيناتنا ستتواصل من حيث انتهينا في اخر بوست
و هذه هي احدي خصوصيات تركيبتنا الاجتماعيه السودانيه و في نفس الوقت
دليل عافيه و نضج .. و وعي
|
Post: #36
Title: Re: هام و عاجل الي اساسي
Author: محمد ابراهيم قرض
Date: 02-17-2005, 00:33 AM
Parent: #1
خدر ..
أساسي قلبه واسع لكن بيته ضيق شدييييد ..
بالكاد و الكادوق يكفيه هو و عياله ..
عشان كده تعال أنزل معاي أنا ..
بس المشكلة أنا ما ساكن السعودية !!!
|
Post: #37
Title: Re: هام و عاجل الي اساسي
Author: اساسي
Date: 02-17-2005, 01:55 AM
Parent: #36
ما دام البوست بخصني جدا انا عندي مزاج اتكلم شوية فيهو
خلصت لبعض الرؤي حول نظرة الاخر هنا في هذا المنبر تحديدا
هناك قوالب جاهزة يتعامل بها الجميع مع الفكر الذي يحمله الاخر
فاذا ادخل احد ما اي صيغة او ارتكز علي بعدا اسلامي او ديني في حواره
فلا بد ان يكون قالبه كالاتي:
ملتحي , متزمت , لا يسمع الغناء, وحتي اذا استمع فانه فقط يستمع الي الاناشيد الجهادية ,ثقيل الدم وبارد , قاسي المشاعر لا تحركه اي عاطفة, اذا شارك في بوست طابعه موسيقي او غنائي او بوستا فيه شعر يدور حول الحب او بوستا يتحدث عن الفن بطريقة ايجابية فان وجوده نشاذا ومستغربا .. فاذا تداخل في مثل هذه البوستات لابد له من مهاجمتها او المشاركة السلبية ..
هذه ليست مشكلة حتي الان ولكن المشكلة هي الحصار الاجتماعي في المنبر في هذا المنبر رايت البعض يحرد بوستاته لان احدا من المصنفين ظلامين شاركوا فيها بتهنئة او بعزاء بعد ان يشرع في الرد عندما يصل للمصنف ظلاميا فانه اما ان يتوقف او يتجاوزه هذا رايته بام عيني هنا وليس هذا فقط بل حدث معي شخصيا واكثر من مرة لماذا ؟؟؟ لاني احمل فكرا مختلفا
الحقيقة الغربة اثرت في السودانين حتي النخاع واصابتهم امراض شعوبا ليست من جلدنا وصرنا قساة نميل للبغضاء عنيفي الخصومة ومغالين فيها ...
والحديث يطول
|
Post: #38
Title: Re: هام و عاجل الي اساسي
Author: حريقة
Date: 02-17-2005, 04:42 AM
Parent: #37
مولانا خدر واساسي
البوست دا من اجمل البوساتات التي قراتها بهذا المنبر منذ ان كنت زائرا.. شكلا ومضمونا وفكرة رغم ان المحور الذي ابتدر به البوست محور عادى بالنسبة للسودانيين(زول بيقول لي زول انا جاي ازورك) لكن والله لقد تم استغلال هذا المحور استغلال جيد للحد البعيد لتوصيل دعوة انو الحوار لا يفسد ابدا قضية الود وانو نحنا السودانيين كدا وبس ..ولكن ... واه من لكن .. شخصنة القضايا هو الذي يجعلنا ننحرف عن طبيعتنا السمحةوياريت تنبني فكرة البوست دا ونبشر بيها للارتقاء بالحوار في البورد كلو وتماسك نسيج العلائق بين اعضاءه
خدر
خلي اساسي يوريك صورو مع العم مردة في الكرنتينة لما جا الحج
تسلمو يا شباب
|
Post: #39
Title: Re: هام و عاجل الي اساسي
Author: خدر
Date: 02-18-2005, 06:29 AM
Parent: #38
احمد البشير
والله ديك صاحبك دكين لو قريب اسه
يكون اتهضم و تكونت بفضل لحمه
الشهي عضله ذائده بساق
الوغد دكين و جزء من الجضوم
قصه الاتصال و حبيبتو
و بيوت بُري
دي كلها هضربات بتنتهي لمن يرتفع صوت
معده دكين
الديك راح في حق الله
|
|