Post: #1
Title: شكراً عمر ادريس
Author: خدر
Date: 08-23-2005, 11:59 AM
Parent: #0
شكراً جزيلا عمو عمر
هديتكـ وصلت اليوم
حبوبة قالت ليكـ تتعلا ما تتدلا
و بابا قال ليكـ في الافراح انشاء الله
ما تنسي ... سلم لي علي نهال
|
Post: #2
Title: Re: شكراً عمر ادريس
Author: خدر
Date: 08-23-2005, 12:36 PM
Parent: #1
اخونا فجراوي
الاغنيه دي بتعمل فيني بلاوي
كدي النشوفا بتعمل فيكـ شنو !!
بعدين لومني
|
Post: #3
Title: Re: شكراً عمر ادريس
Author: عمر ادريس محمد
Date: 08-24-2005, 00:03 AM
Parent: #1
أخ
ياخدر
لو عندى طريقه اسمعك الغنيه دى بى حشرجة...صديق ود الدون مع مسجل العربيه .
ياالهى
الدموع جاريات
والنخرين يصبن
وكت حنان النيل ترفع صوتها صديق يرخى .....وكت تجر النغمه فى غنيلن صديق يقنت
وكت ..تسكت فى الفاصل
يقول لها الله يقلعك ياحنان... واكتلتى يالله ....أأأجماعه دى مصيبة شنو دى
خدر
الله يقلعك
|
Post: #4
Title: Re: شكراً عمر ادريس
Author: خدر
Date: 08-24-2005, 01:09 AM
Parent: #3
عمر
يقلعني ويين اكتر من كدي
يا دنيا الغصون احويلن
يا حظ ليهن ابقي حليف
وزيل كل المخاطر شيلن
افرشو بي زهور و قطيف
زمان انا ياعمر لمن كنت صغير ..
بت اُمحُمد بتسوقني معاها العِبيدية في
اجازات المدارس و كنت شقي خلاس
لامن حبيت ,, حِتان هديت
بت شعرها ريحتو صندل
باقي امها كانت
مره سمحة
و
مجيهه
والعرق دساس
آآآآآآآآه
عاد لمتين نعود نمشيلن
اقول لي ناس فلانة احكيلن
نتونس نتم الكيف
اوريهن عذابي اشكيلن
ساهرت الليالي و كيف
حنست العيون لا يسيلن
|
Post: #5
Title: Re: شكراً عمر ادريس
Author: طلال عفيفي
Date: 08-24-2005, 09:17 AM
Parent: #4
شكراُ عمر إدريس ..
خدر ..Quote: و كنت شقي خلاس
لامن حبيت ,, حِتان هديت
|
ودي الحاله هديت يا مولانا ؟؟
...
طلال
|
Post: #6
Title: Re: شكراً عمر ادريس
Author: Adil Ali
Date: 08-24-2005, 05:41 PM
Parent: #5
فجراوي...خدر وطلال
كيف حالكم وأحوالكم.... عساكم بخير...
عجبني الكلام وقلت بالمرّة أقيف شوية وأسلّم عليكم.
فجراوي... أريت حالك زين ومشتاقين،
خدر:
Quote: بت شعرها ريحتو صندل
باقي امها كانت
مره سمحة |
دي بت اُمحُمد أم بت أخرى في العبيدية؟
طلال... هل ما زلت محتفظاً بالولاعة الزرقاء من زيورخ؟
لكم التحايا،
مع الود،
ع ع
|
Post: #7
Title: Re: شكراً عمر ادريس
Author: طلال عفيفي
Date: 08-25-2005, 00:34 AM
Parent: #6
صباح الخير يا ناس يا حلوين ..
صباح الخير إيها الطنبور ..
صباح الخير يا صوتك يا حنان ..
صباح الخير على احلامكم جميعاً ..
عادل ، الولاعة لا زالت معي .. أنت الذي ألححت ،
قلت لي " عندي وحده تانيه ، شيلا الليل طويل " ،
سأعود بها للسودان ، لو إحتجت لها : تعال .
...
طلال
|
Post: #9
Title: Re: شكراً عمر ادريس
Author: خدر
Date: 08-25-2005, 04:49 AM
Parent: #6
عادل كيفنكـ
بت اُمحمد الاصليه دي ( اُمي )
التانيه دي كانت في الفَريق الفوق 
بالمناسبة
انا حضرت حفل توزيع الولاعات
|
Post: #8
Title: Re: شكراً عمر ادريس
Author: خدر
Date: 08-25-2005, 04:43 AM
Parent: #5
طلال
هي داب هِداية
بس انت احمِد ربنا ,, مالاقيتني زمان
اسمع
الانفلونزاء لسة !!
|
Post: #10
Title: Re: شكراً عمر ادريس
Author: خدر
Date: 08-25-2005, 05:01 AM
Parent: #8
واصلوا الونسة الجماعيه دي يا اخوانا
علي شرف اخوكم عُمر ادريس
في اللستكـ الجنب بيتنا دة
|
Post: #11
Title: Re: شكراً عمر ادريس
Author: Adil Ali
Date: 08-25-2005, 12:47 PM
Parent: #10
مساء الخير عليكم....
معذرة على التأخير... والله يصُرْف (بضم الصاد وتسكين الراء) الظروف التي تسبب التأخير في اللحاق بمجلس إنس –أو قل "قعدة محضورة"- بهذا الجمال. عموماً، ها أنا تحكّرت على مدى عدة ساعات مقبلة إلى حين النوم استعداداً لدوامة يوم عمل آخر.
يا له من دليب ينفذ إلى الدواخل كالسهام!! ويا له من مجلس إنس....
مناسبته: شكر واحتفاء بعمر ادريس.
صاحب الدعوة (القعدة): خدر.
أول الحضور: طلال عفيفي.
طلال.... خلّي الولاعة معاك لغاية ما أجي السودان، فالليل ما يزال طويلاً.... ليل ذلك النقاش الذي دار بينك وحسين المليك وشخصي في تلك الأمسية الرائعة في زيورخ، وأتمنى أن تتذكر كل ما أشعلت برنجية بالولاعة الزرقاء محور ذلك النقاش الذي لم يكتمل.... كيف يكتمل ونحن على بعد متر واحد فقط من مركز زلزال ضحكات خدر وقاسم؟
فجراوي..... يا اخوي إنت وين.... نحن منتظرينك من امبارح.... والدموع جاريات والنخرين يصُبّن؟
خدوري.... هل لي أن اطمع في بضعة أسطر عن أيام إجازة المدرسة التي كنت تذهب فيها مع بت اُمحُمّد للعبيدية؟ وهو سؤال ليس له علاقة بشقاوتك ومِحَنَكْ، لأن السؤال عنهما سيأتي في وقت لاحق.
وأيامنا الزمان يا حليلن
لكم ودي كله،
ع ع
|
Post: #21
Title: Re: شكراً عمر ادريس
Author: خدر
Date: 08-26-2005, 01:05 AM
Parent: #11
عادل
انا كنت مِضر خلاس .. قصير و جراي ( مابتلحق ) و قميصي مليان
دُفيق طوالي .. و بت أُمحمد تعبانة مني تعب شديد .. الدق ما جاب
نتيجة .. يوم عملت مُصيبة كبيره خلاس
بت أُمحمد قررت اخطار والدها أُمحمد ود الحلال
وكانت النتيجة علقة ساخنة ( رغم تعلق ود الحلال بي ) إلا انة فعلها
علي مضض تحت سمع و بصر الشاكي ( رجل اصاب زرعة ضرر )
و
حنست العيون لا يسيلن
طبعا
|
Post: #16
Title: Re: شكراً عمر ادريس
Author: خدر
Date: 08-25-2005, 03:28 PM
Parent: #4
يا سلااااااااااااااااام
شباب زي الورد .. مساء الخير
انا وحات خُوتكم .. كنت مضيوف .. والضيوف بفرحو والله
بجيكم باكر .. الليل هود عندنا
فجراوي
عاد لمتين نعود نمشيلن
اقول لي ناس فلانة احكيلن
نتونس نتم الكيف
|
Post: #12
Title: Re: شكراً عمر ادريس
Author: عمر ادريس محمد
Date: 08-25-2005, 02:18 PM
Parent: #1
كيف ياحبايب
خدر
تشكرنى فى شنو
احساس الجن ده كان لحق اتجسد فى حاجه تشوفوها صغيره ومابتعبر عنك.. وتقعد تخجل ...وعلى العليك كمان يشكروك عليها.
طلال
لمح احمد المرضى وقال ياريت تجى علينا ...والله انا اتلبشت ..وقلت الزول الشقى ده
نجيبلو سعاد حسنى من وين....ويقيت اتفرج فى الابواب اطمنت شويه..
جنس شبابيك وولاعات ياطلال
اتحزم واركب... بس
عادل على
والله كلامك ده نزل من فوق كتفى ده هم ماتتخيل....جانى زمن اشيل واخت ...ياجماعه عادل على ده مالو ..والعجب لما اقرء لى كلام مرخى والله ملولو طوالى ...امشى المتواجدون الان ...القاك مافى انزعج ...القاك فى وماقلت حاجه يركبنى جن... مرات انعلك ....ومرات اقول الزول ده راقدو فوق راى ....وحكمة الله مرات يجينى احساس انك زعلان من حاجه...بس هى شنو؟
والله ياعادل سعاده ماتوصف ...
الله يخليكم
|
Post: #15
Title: Re: شكراً عمر ادريس
Author: Murtada Gafar
Date: 08-25-2005, 02:31 PM
Parent: #12
يا خدر مالك علينا الفينا باقي ليك مفضل لي جنس البكا ده شئ
إنتا عارف يا خدر أنا زول دموعي قراب بالحيل و عندي صاحبي شديد ما بفضلو عليك كنت بنضم معاهو لي كم يوم و هو ذاتو لي منو عشرة سنين و شكيت ليهو قلتا ليهو لي كم سنة أكان خمسة أكان عشرة سنين و أنا مسيطرة علي حالة بتاعت "بس كايس لي سبب أبكي بيهو" و باقي لي هسة لقيتو "أيامنا الزمان يا حليلن" و بالجد اللستك الجنب بيتكم بيتنا بيتهم بيت اي زول يا حليلو و زي ما قال درويش:
"و نريـــد بـلاد قهوتــــــــنا الصباحيــــــــــة"
الله يجازيك يا خدر
مرتضى جعفر
|
Post: #23
Title: Re: شكراً عمر ادريس
Author: خدر
Date: 08-26-2005, 01:15 AM
Parent: #15
مرتضي الحبيب
البكاء عندنا ماداير ليهو سبب يا مرتدا يا اخوي
ذاكرتنا البصريه شايله مخزون كبير
مرة شفت خواجة بشبة مجاذيب الذكر في ميلانو
تتخيل ,, بكيت
|
Post: #13
Title: Re: شكراً عمر ادريس
Author: عمر ادريس محمد
Date: 08-25-2005, 02:23 PM
Parent: #1
|
Post: #14
Title: Re: شكراً عمر ادريس
Author: عمر ادريس محمد
Date: 08-25-2005, 02:25 PM
Parent: #1
خدر
دى صوره مركب وبحر, واطفال ...تذكرنى بى صاحبا لى غايب
ابت تنزل
التك...ماظهرت عندى ...اعافر براى لامن جبتها...انا اخوك السمحه
شفت الزويل الواقف ده الخالق الناطق ....حماد ادم.. صاحبى الحدثتك عنو
|
Post: #17
Title: Re: شكراً عمر ادريس
Author: Adil Ali
Date: 08-25-2005, 03:37 PM
عزيزي عمر،
سلام كتير ...كيف أنتَ والزمان..
ما زعلان من حاجة سوى شح الوقت الذي لا يكفي للرد على الكلام المرخي والملولو والأعوج، وما أكثره خلال الفترة السابقة. السبب وراء الصمت تجاه الكثير من المرخي والملولو والغث من الكلام قناعتي بأن الدخول في معركة الجدل والنقاش يتطلب خوضها حتى النهاية.... وخوضها حتى النهاية يستلزم الوقت، والوقت دائماً ما يبتلعه السعي وراء المعايش.
لكن يا عمر، ألا تعتقد أن مولانا خدر هذا يبدو وكأنه رايدنا مغَسَة؟ شوف الزول دا نَكَت لينا ياتو اُغنية... بعدين المسألة مش الأغنية وبس، فهو بارع أيضاً (بارع دي ما مُذكّر بارعة يا خدر)، كما هو واضح من هذا البوست، في طرح مجموعة من الأشياء تبدو في ظاهرها متباينة لكنها في واقع الأمر مرتبطة ببعضها بعضاً. الله يقلع مِحَن مولانا.
مولانا.... ما عملت لي حاجة في موضوع العبيدية!
مرتضى جعفر.... حبابك ألِف.
|
Post: #18
Title: Re: شكراً عمر ادريس
Author: محمد عبدالرحمن
Date: 08-25-2005, 03:41 PM
Parent: #17
خدر
تحياتى ...
هل ماتنامى لعلمنا صحيح ...
نعلق الزينة ونبدا كرنفالات الاستقبال ام ننتظر قليلا ؟
على كل ستكون ايامنا القادمة رائعة اذا صح الخبر ..
مامحتاج اشيد بجمال البوست فكل بوستاتك جميلة ومن اكثر المتابعين لها ..
محبتى لك ...
|
Post: #27
Title: Re: شكراً عمر ادريس
Author: خدر
Date: 08-26-2005, 01:52 AM
Parent: #18
م.ع.الرحمن
كم درجة الحرارة بظهرانيكم في الثاني من سبتمبر !!
كنت مُيقن منذ امد بعيد انني من المحظوظين
اظن ان نجم حظي قد دنا بِلقاكم
اشوفكـ الاسبوع الجاي
|
Post: #25
Title: Re: شكراً عمر ادريس
Author: خدر
Date: 08-26-2005, 01:30 AM
Parent: #17
عدول
جاييكـ في حكايا العِبيدية .. لكن عليكـ حِبانكـ
شوف الكلام ده كُبار كيف !!
يا دنيا .. (الغصون احويلن)
يا حظ (ليهن) ابقي حليف
عاد كيفن آآخوانا
كيف الغصون بتميل .. الله عالم
بلا الغصون مابنبقا نحنا
ياخي الزول ده قال كلام عجيب .. وصالن الدنيا و الحظ
باقيلكـ تاني في خوف عليهن !!
|
Post: #26
Title: Re: شكراً عمر ادريس
Author: Osman M Salih
Date: 08-26-2005, 01:33 AM
Parent: #25
الأخ خدر
تحية
وكوني أبدأ قـولي بالتحية يعني
أنني خلفـت غبار العام وراء ظهري
ليس من قلم بمافي ذلك قـلمك حبيس
تابوت
آخر الكلمات أتركها هنا وأغيب عن
المنتدي أسبوعين
ليس في حمل غبار المعارك مايفيد
قلمي نذر حبره منذ الصبا لقضية
التغيير الإجتماعي في بلادنا
ساعياً بقدر المستطاع لتسديد قسط
من ديون أهلي عليّ ـ أهلي الذين
إقـتطعوا اللقمة من شقائهم ليطعموا
قلمي هم الذين لم ينالوا من التعليم
حظاً
|
Post: #24
Title: Re: شكراً عمر ادريس
Author: خدر
Date: 08-26-2005, 01:20 AM
يا سلااااام يا فجراوي
صبي جد والله
بلد اولادها بروحوا خسارة في شانها
وهي ماعارفة
ليكـ علي .. انا كان شفتو
مابفكو بي هين
اوريهن عذابي اشكيلن
ساهرت الليالي و كيف
حنست العيون لا يسيلن
|
Post: #19
Title: Re: شكراً عمر ادريس
Author: عمر ادريس محمد
Date: 08-25-2005, 11:46 PM
Parent: #1
ياخدر
شوف جبت شنو
كدى عاين فى صورة الأنسان الراقى محمد عبد الرحمن.
وقول
|
Post: #20
Title: Re: شكراً عمر ادريس
Author: Asim Sharief
Date: 08-26-2005, 00:00 AM
Parent: #19
خدر ..بنشكر معاك الاخ عمر ادريس ..فهو دوما (اخو اخوان)..
اها النجيك انت ..(عشان نمرق عمر ادريس ده بره!)
اولا: ماهى علا قتك بالعبيدية؟وهل هى (عبيدية الله والرسول _شمال بربر) ام عبيدية العراق؟
ثانيا:ما اظنها بتاع العراق..لانو ديك ما فيها بت امحمد..!
ثالثا:ما هو مصير قميصك (الدمورية)..ان شاء الله تكون حافظوا فى الارشيف!
رابعا:الصلعة تولع نور!!!
خامسا عمر ادريس ..ارقد عافية
كلام برة الموضوع:
نتمنى للصغير/ة القادم/ة ..الصحة والبهاء..ولامه/ها العافية
وليك انت ياخدر ..مليون سلام
|
Post: #30
Title: Re: شكراً عمر ادريس
Author: خدر
Date: 08-26-2005, 02:10 AM
Parent: #20
عاصم
بطل إشاعات .. وين الصلعة اسة في البوست ده
اما فيما يخص قميص الدموريه
فأظنة لِحق اُمات طة
كما التعايش السلمي في السودان
العِبدية يا سيدي .. ارض الجدود
ياها ذاتها المابتغباكـ .. عمودية بربر
شمال الدامر .. تجثو تحت قدمي كدباس
ورعاً و تُقي
سُميت العِبيديه .. لانها كانت اكبر سوق
لبيع الرقيق بعد جلبة من افريقيا وبلاد الواق واق
ابان سيطرة الزبير رحمة علي مصائر اخوان الانسانية
|
Post: #28
Title: Re: شكراً عمر ادريس
Author: خدر
Date: 08-26-2005, 01:57 AM
Parent: #19
فجراوي
محمد عبدالرحمن براهو !!
ده منو ماعرفتنا
|
Post: #22
Title: Re: شكراً عمر ادريس
Author: عمر ادريس محمد
Date: 08-26-2005, 01:13 AM
Parent: #1
انا كنت مِضر خلاس
اها وا... جيدلك
أكل من دفيقك
وأمسك العشاوى ده
لا تخلى التيران ينطاقشن
انا من دربى ده وعلى عنقريبى
فى
حوش التمر
|
Post: #29
Title: Re: شكراً عمر ادريس
Author: Marouf Sanad
Date: 08-26-2005, 01:59 AM
Parent: #22
خدر
من قبييل كنتَ بفتش لي سبب عشان ابكي
فتّشت في صوري القديمه
وأحزاني القديمه
وخيباتي القديمه
وحتي اغنيتك لم تبكيني
بالله قل لي ماذا أفعل ؟
|
Post: #32
Title: Re: شكراً عمر ادريس
Author: خدر
Date: 08-26-2005, 02:18 AM
Parent: #29
نور بيتنا .. شارع بيتنا
في بيتنا معروف !!
احكي ليكـ تعمل شنو
شاب سوداني هنا بحكي عن انو في الانترفيو
في وزارة العدل .. بكي
عشان يؤكد الظلم الواقع عليهو في قضيتو
..
سألتو ( ويين لقيت دموع )
- تصدق يا خدر بس اتذكرت جدي لمن مات و لمن عنقريب
الجنازة مرق من البيت .. اصلو مرقة العنقريب حاااارة
فقمت بكيت
اها اتذكر ليكـ عنقريب
|
Post: #31
Title: Re: شكراً عمر ادريس
Author: خدر
Date: 08-26-2005, 02:12 AM
Parent: #22
عمر
تصبح علي خير
نتشاوف باكر .. كان الله مد في الآجال
|
Post: #33
Title: Re: شكراً عمر ادريس
Author: Marouf Sanad
Date: 08-26-2005, 02:35 AM
Parent: #31
Quote: نور بيتنا .. شارع بيتنا
في بيتنا معروف !! |
أوع تكون شفتني وانا (بكشف ) في حفلة البلابل ديك ,,
والله دا ما انا ,,
|
Post: #34
Title: Re: شكراً عمر ادريس
Author: عمر ادريس محمد
Date: 08-26-2005, 12:24 PM
Parent: #1
ده منو ماعرفتنا
ده محمد عمر ادريس زمان....وهنا هسع ياهو الزول الشايل العكاز قدامنا
والحيوان التحت ده ابوه.....عليك الله ياخدر عاين السلمه جنوب الحزام الاخضر ...الكلام ده هسه فى الشهرين تلاته الفاتو ديل !!!
شنو الحكايه .... نحن نسوى فى الشربوت راجين ام المولود تتحل بالسلامه عشان نبرطع....والواحد يعضى عراقيه ويقعد يدوبى
تمشو وتجو بالسلامه ان شاء الله
|
Post: #35
Title: Re: شكراً عمر ادريس
Author: Murtada Gafar
Date: 08-26-2005, 01:58 PM
Parent: #34
يا خدر ياخي سلام
أنا الظاهر جديد في الحلة دي، لكن شلتكم دي (من شلة) وقعت لي كده فياخي لو ما عندكم مانع نتصاحب ياخ بعدين في الفتة بي شيري و الله (من Sharing) يعني ما بتكوكب عليكم. ياخ من أمس كده أنا البوست ده هلكتو هلاك، ما تتخيل إنو أنا الغنية دي عملت فيني شنو و من سنتين لا ورا الشريط ده بي عضمو كان عندي و الكانت مكسرا ضلعي (لا تقفل الأبواب) لكن الغربة أم رحول دي ضيعت الشريط، فياخ الطريقة المحمل بيها الغنية دي صعبت علي كده أقوم أنزلها في جهازي و جربتا أسجلها في شريط كاسيت عادي طلعت مطرطرة كده ياخ لو ما عندك مانع كده تنزلها بطريقة ممكن نحفظها في الجهاز لأنو باقي لي في جماعو أمرهم بيهمني مغروضين فيها جد.
لمن تجهزول الفتة قولوا لينا عووووووووووووووووك يا شباب، بعدين يا فرد عندي تمباك من نوع لو ما فاطر ما نخاطر داك لو دايرين بقسم ليكم عربون و كده يا فرد
مرتضى جعفر
|
Post: #36
Title: Re: شكراً عمر ادريس
Author: ودرملية
Date: 08-26-2005, 04:00 PM
Parent: #35
سلامات
وعوافي
خدر اخوي كيفنك
اسمع الجمر قابضينوا .. اوالشوق اشد من الجمر ..
الف مرحب بيك ...
سرع لينا التواريخ دي ياخي خلينا نهضم وجع الشوق ..
المعزة لك ولرفاقك الجميلين..
سلام
|
Post: #37
Title: Re: شكراً عمر ادريس
Author: Adil Ali
Date: 08-26-2005, 06:10 PM
Parent: #36
مولانا خدر.....
Quote: عادل
انا كنت مِضر خلاس .. |
أنت لا تزال مضراً وود حِنوتْ، وإلا كيف تفسر ما فَعَلَتهُ فينا "أيامنا الزمان يا حليلن" النزّلتها لينا دي.... يعني اسّه عاجبك الحصل لي عمر إدريس ومرتضى جعفر ومعروف سند؟
| Quote: قصير و جراي ( مابتلحق ) و قميصي مليان دُفيق طوالي .. |
وأكيد مشروط من قِدام بسبب الشَكَلْ والمكافَتَه والمقالعة....والجري وشوك التحتانية في العبيدية قدّد كرعينك.... عجبني ليك! لكن عَجَبَتْني أكتر العلقة التي ذقتها من اُمحُمد ود الحلال، الذي ضاق ذرعاً من Dennis the Menace.
يا خدر مُش قلت ليك انت زول ممسوخ وود حِنوت وقاعد تحشر (مُكراً) سياقات فرعية داخل السياق الرئيسي:
| Quote: بلد اولادها بروحوا خسارة في شانها وهي ماعارفة |
لم أكتف بعد يا خدر بما ذكرته عن العبيدية وحنّست الدموع لا يسيلن في انتظار المزيد كي أحكي لك عن اطنان الدفيّق التي دبغت عراريقنا وكعاكيل الصمغ التي التهمناها وكدايس هارلم في الحقينة والطِريف وبيوت الشلاكيب (هذه الأماكن إذا لم تعرفها أسأل عنها بت اُمحُمد).
عمر إدريس..... الجوة جيب البنطلون الشمال دا شنو؟ حُقّة أم موبايل؟
طلال عفيفي..... يا زول إنت وين؟
لكم ودي جميعاً،
ع ع
|
Post: #39
Title: Re: شكراً عمر ادريس
Author: خدر
Date: 08-27-2005, 08:20 AM
Parent: #34
عمر ماشاء الله والله .. ولدكـ فجراوي اصيل
ربنا يحفظو لينا و ليكم
تعرف يا عمر الصورة دي كان مهم جدا اشوفها
ياخي انا شرقان شوق و دموع لي السودان كيف
كده كويس .. خلي الشربوت لي آخر نوفمبر
عشان يبقي معتق و شديد
و الدوبيت يمرق براهو من حلوقنا الوكت داكـ
من الهودي قام بي مكندي
وكت جبد الرسن .. جاب راسو عندي
قال لي يا سيدي انعدل
النوريكـ ذندي
وعُقب نحضر مشاط بت اللفندي
الدوبيت لـ ودالفراش
وارقد عافية
|
Post: #38
Title: Re: شكراً عمر ادريس
Author: عمر ادريس محمد
Date: 08-27-2005, 00:22 AM
Parent: #1
| Quote: كي أحكي لك عن اطنان الدفيّق |
والله ياعادل زمن لقيط تمر الهبوب .....تملص عراقيك وتكرب اللدين على فتحه الراس
ويبقى العراقى شوال (خلاقه معولقه كده) ...وتقعد تلقط فى الضلمه, والسقط يسوى شوى فى الأضنين, ويلسع فى الجسد العارى, والشوك يطعن فى الكرعين, والعجب كان( كاجرك )رفيق وبقيتو فى الغلاط ....وشويتين كل زول رما شواله ...والضرب حصل
تعاسه مبالغه ..... تنتهى المعركه الظالمه مع التمر, والرفاق, والسقط, والناس الكبار, والشوك مع شروق الشمش ....تعاين لى حصادك ....تلقاه مابطال تفرح وتشعر أنو...الفقر تانى كان ركب لورى جابر مايلحقكك ....ومع غروب الشمش فى اليوم نفسه تعود كما كنت ...وتستعد لليوم البعده .
يتخايل لى البحصن ناس الجهات ديك من الموت المحقق ...مع الظروف الشفناها والمستمره لى
يوم الليله.
أكل المنقه
صوت الصايح
والعوم, وسماحة الناس
أنين السواقى (البوابير هسه)
والغناء
ياعادل
دفيقك كيف؟؟
الفى جيبى لايبقى واحد من شفع السلمه الخرابه ديل
  
معاك نسأل
وين؟
عصفور الكلمه
النادره
والتصاوير الجميله
طلال عفيفى ؟
|
Post: #40
Title: Re: شكراً عمر ادريس
Author: عمر ادريس محمد
Date: 08-27-2005, 04:05 PM
Parent: #1
ودى واحده
جانى خباره فى مظروف
وما فضيته امشى اشوف
قالوا الشكله فى الضلوف
وابراهيم رجع مكسوف
جر النمه ياأب عثمان
الحلج فى الظنون
ورطان
بجيك راجع بالمرجع ....بس انت اجتهد شوف لك رفيقه لى حنان دى
|
Post: #41
Title: Re: شكراً عمر ادريس
Author: Asim Sharief
Date: 08-27-2005, 09:26 PM
Parent: #1
الاعزاء خدر وعمر ادريس..والاخوة المتداخلون..
سلام جاكم!!
على الرغم من الحزن ..(وقلة النوم)..ولكن كما قلت سابقا انا اعلم انها لن تكون اخر الاحزان.!)فلا يزال على قيد الحياة ,الكثيرون ممن نحب!
وكلنا لها.
الانسان الجميل :مولانا خدر
ياخ انا عاتب عليك.(ما تنخلع!)..فاول مداخلة لى فى احد بوستاتك:طلبت منك اغنية(دمعة الشوق )باداء الكابلى..بعد ان استعرضتها بصوت اخر!ولم تتسنى لك اجابة الطلب (بعد ان عصفت بذلك البوست رياح الارشفة)..ولكنى اجد العزر لك.
ولكن اكراما لك وللعزيز عمر ادريس..يكفينى هذا البوست..
ده من ناحية..ومن الاخرى..اها يا راجل نحن ما طلعنا قرايب!
اخوك طبعا مقدد الحلال دى من راسها لى قعرها!من كدباس والغبش..وابو حراز..وجاد الله..وحلة يونس(الموطن الاصلى)..والحلفا وعرب البير..غربا..
الى المخيرف والقيقر..وبربر..والقدواب..ونقزو..والفريخة..والدانقيل..والقمبرات..والعبيدية..حتى الباوقة..(حلة الشرفة)اها شريف الفى اسمى ده من الخلق ديل!!)والغريبة انو ما فى الاسرة زول اسمه (بالجد جد شريف).!!!!!!!!!!شرقا..
ومن كلامك ده باين عليك انك(انقريابى)..اها ما يسمع الكلام ده اخونا حاتم الياس(اكان سمعه ما بيحلك الا بكرى ابوبكر يكتب:الى رحمة مولاه زميلنا خدر)
(بعد عمر طويل)..(ما عمر اسفيرى طبعا..)..(اخوك لسه ما بعرف ينزل الابتسامة الاسفيريةالصفراء(فقط للونها)..يدك معاى.
فتحت شهيتى للحكى(ولن اكون فى براعة عمر ادريس)(عشان ما تتخم فينى!)..دى كانت دايرة ابتسامة صفراء..
باجيكم راجع..ارقدوا عافية
|
Post: #42
Title: Re: شكراً عمر ادريس
Author: عمر ادريس محمد
Date: 08-28-2005, 03:53 PM
Parent: #1
شوف الزول المطرطش ده ياخدر ...هسه كان الالف ده شلاقه ساكت كده ( حروف الزمن ده ما مضمونه)...نط قعد بين ال ب وال ر ...طلال, عادل على , مرتضى(.....)محمد عبد الرحمن,عثمان محمد صالح, ود رمليه, انت و انا نقبل وين .....ماشاء الله لوما حنان النيل مداحححححححححح ساكت .
جدى الطاهر (ياعاصم ياملعون) ارتكب خطأ منهجى فى حياته امو ادته كورت لبن ...قال لها يمه اللبن ده شويى,قالت لو اشرب بزيدك ...قالها ..لع ...على تزيدى. قالت لو وحات شيخنا ود ابراهيم ما ازيدو انت اصلك ..قعد ترضع ؟؟؟ دلق الكوره ..ومسك قيفة البحر كان سنه والله اتنين ماعارف وصل امدرمان ....لسؤ الحظ نزل عند قريبو ..مشوبر كده وداه ناس العمده عندهم رادى , سمع الصندوق يتحدث جدى الطاهر جاتو ضربة قلب ورجفه لامن مات ما راحت منو. لو سمع ساكت انو حفيدو بعرف حاجه اسمها كمبيوتر ..خليك من يتعامل معاها عليك امان الله يفج ..وينتر لامن يجى مارق.
اها نجى لى براعة عمر ادريس ....ابسنينه يقشر بى ابسنيتين ...انا والله لو ماخايف اتلحس كنت اكتب مذكراتى فى بوست خدر ده عشان الناس دى ياعاصم تعرف منو ابو سن واحده من التانى.
سأل الزميل ابو المراكس متى تكتب مذكراتك ...اجاب البروتاريا لاتعرف الموت ( الكلام ده ملفق ساكت ياعادل على ماتمشى تحصحصو) فيكم زول قرء مذكراتو ؟ انا غايتو ما لاقتنى .
يوم فى تلاته وتمانين انا شغال فى مستودع الشجره وساكن فى الثوره....الدنيا حر .. والمواصلات مافى وحماد ادم داخل فى علاقة حب جديده مسميها( الصدير ..وزين...وعام) اصل بعد تعب القاه وصل البيت قدامى (يتوحوح)...رش اللوضه وخت كيس التنباك قدامو وهاك يااعتقد...والمسأله ..الدنيا تمغرب شويه يخفس ويجى....ضرب شويه...تحولنا الى الجوهر...وتوازن القوى .. والخطه الطموحه ....يدق الباب قريبنا عبد المجيد ...قبل يقعد سمح... ياجماعه الحقونى بى جك مويه سسسسسساقط ....نعاين لى بعض.....قال
والله بت عتيمنو جات من الحجير ونازله فى الحاج يوسف قالت عندها جواب مهم من ابوك لازم كان ما قدرت باقى اليوم ده بكره ضرورى بكره تكون عندها... اظنو شيتا مهم... يتلفت عبد المجيد...حماد نعل يا اخينا ده مو السم الهارى؟ ده تواصل الارحام ياعبد المجيد ..انت عايش وين اصلك ....؟
بكره بعد الشغل اركب تلاته مواصلات .. اعمل شكلتين ...تعجنى واحده فى حافلة الحاج يوسف لونها زى زيتونه ماشه تنجض ....اقرب ابيع شيخنا ادريس ..وجوابه وبت عتيمنو وحماد الراجينى فى البيت....البت سمحه .. اقنع نفسى انها مش ولا بد ..اطانشها... تنزل هى .. قلبى يوجعنى اذكره الجواب ....اصل لى بت عتيمنو....وحايتى أخربه مالك ؟مشتاق ياحاجه... اها جوابك يى ده أبوك يكرر داير الرد بسراع.
اطبق جوابى واعافر لامن اصل امدرمان .. اقرر افتحه .. اغير راى اصل البيت قريب الصباح حماد يشخر...ابوى حافظ القرأن وبكتب بالخط الكوفى
ابننا أدامه الله وحفظه
امابعد
الرجاء ارسال غتاية لى جركانة الجاز مع اول مسافر من طرفكم
والسلام
ياعاصم
الله يجازى محنك
|
Post: #43
Title: Re: شكراً عمر ادريس
Author: Asim Sharief
Date: 08-28-2005, 09:13 PM
Parent: #42
Quote: اطبق جوابى واعافر لامن اصل امدرمان .. اقرر افتحه .. اغير راى اصل البيت قريب الصباح حماد يشخر...ابوى حافظ القرأن وبكتب بالخط الكوفى
ابننا أدامه الله وحفظه
امابعد
الرجاء ارسال غتاية لى جركانة الجاز مع اول مسافر من طرفكم
|
عليك الله يا عمر يا اخوى,المحن هيل منو؟
اها وان شاء الله تكون رسلت الغتاية؟!!!
|
Post: #44
Title: Re: شكراً عمر ادريس
Author: Asim Sharief
Date: 08-29-2005, 06:22 PM
Parent: #43
العزيز عمر ادريس..
اتمنى لو كان الصديق على عجب ..بيقرا فى البوست ده..ويجينا بى جاى..عشان تشوف المحن طاااااااااازجة!!
الله ينعل ابوها (الابتسامة الصفراء)..المافى زول داير يورينى بيعملوها كيف..(تقول لى جدك الطاهر؟)
وشكرا ليك مولانا خدر على اتاحة الفرصة..وكده
|
Post: #45
Title: Re: شكراً عمر ادريس
Author: عمر ادريس محمد
Date: 08-29-2005, 06:41 PM
Parent: #1
يا ابو سنينتين
القصه دى
فى حاجه على يدك اليمين بتجى بعد ماتفتح اضف رد
Smilies Library
دبل كلك بجيك مربع فيه الجماعه كلهم تأشر فى واحد فيهم وتعمل كلك فى محل دايره.
فى واحد جبان كده عندو نظارات ...أختاه
اذا الوصفه دى اشتغلك معاك ....يكون اخونا النصرى أمين اصبح خالى عمل
سلام
|
Post: #46
Title: Re: شكراً عمر ادريس
Author: Asim Sharief
Date: 08-29-2005, 07:06 PM
Parent: #1
كتر خيرك يالبصيرة ام حمد
كدى ما نحاول موضوع الولاعة بتاعت العربية ..اسفيريا
|
Post: #47
Title: Re: شكراً عمر ادريس
Author: Asim Sharief
Date: 08-29-2005, 07:21 PM
Parent: #46
عمر ادريس..كدى شوف الزول الجميل ده..ما لاقاك حتى لو فى بالك؟..
ما قادر اصدق.............
الصورة للفقيد ميرغنى
|
Post: #48
Title: Re: شكراً عمر ادريس
Author: خضر حسين خليل
Date: 08-29-2005, 07:39 PM
Parent: #1
البوست ده ياخدر وعمر ادريس ريحني في حناني زاتوا ......
كتة .......
لاشيئ سوي أبيات لاذلت أستحضرها عند كل محنة قالها وهيب البكري
الرائعون يسافرون بلا ذمن
هم يرحلون نوارساً في أتجاه
الشمس كي يلقوا وطن
لكنهم يالهفتي يأتون دوماً
في كفن
لك ولاسرة الراحل مرغني حمزة ولاصدقائه الصبر وحسن العزاء
خضر
|
Post: #49
Title: Re: شكراً عمر ادريس
Author: Asim Sharief
Date: 08-29-2005, 08:55 PM
Parent: #48
الصديق العزيز خضرحسين..الفقد واحد ..يا رفيق
اين انت يا (وهيب بكرى)..هل كنت تعلم مسبقا؟
|
Post: #50
Title: Re: شكراً عمر ادريس
Author: خدر
Date: 09-01-2005, 01:56 AM
Parent: #49
غياب
|
Post: #51
Title: Re: شكراً عمر ادريس
Author: عمر ادريس محمد
Date: 09-01-2005, 08:45 AM
Parent: #1
الصورة للفقيد ميرغنى
كته
الدوام لله وحده
ولهفتنا الى القول والتواصل......
حجتنا الباقيه ضد الموت
|
Post: #52
Title: Re: شكراً عمر ادريس
Author: عمر ادريس محمد
Date: 09-01-2005, 08:51 AM
Parent: #1
خدر
عرفنا
كريمى ...مرة لى ابوحمد ......حسب قول جيرانا المساخ
الغزاله جاوزت .....بقن اتنين
اما ضبان ....ام ضوا بان
المقل ....الماء قل
عد الغنم ....احسبها وتوكل
زقلونا .....جضعونا
العبيديه
|
|