Post: #1
Title: يا زوجتي المزعجه .. كل سنه و انتي طيبه
Author: khider
Date: 08-30-2004, 02:07 AM
Parent: #0
يا زوجتي المزعجه .. كل سنه و انتي طيبه
يوافق اليوم عيد ميلادك .. اتمني لك اعوام كثيره جميله .. لالا دعيني اتمني لك للعام القادم امنيات علي مهل اتمــني لك 1/ عـــاما هادئا دون اسئله كثيره .. نعم حبيبتي فلديك اسئله صعبه اعجز عن اجابتها ورغم هذه الاسئله الصعبه فأناطبعااحبك جدا 2/عـــاما دون نقه .. فانت يا زوجتي العزيزه نقناقه من طراز نادر هل تذكرين ورق الحائط حين رحلنا الي المنزل الحالي .. ياربي .. لقد كنت نقناقه اكتر من المذيع داك !! نسيت اسمو .. لكنني طبعا رغم نقتك هذه فانا احبك و احب نقتك جدا 3/عـــاما بلا نقاش يا حياتي .. انت تناقشين كل شي حتي ماذا نأكل اليوم ..وتنسين اني قد استهلكت كوتتي من النقاشات زماااااااان في الجامعه لكني رغم استهلاكي لتلك الكوته اللعينه لازلت احبك 4/ عــــاما بلا مراسيل .. حبيبتي انتي رسااااااله قاتل الله العجله .. فانت رغم مراسيلك جميله كعادتك و انا احبك لذاك
اسمهان بحبك جدا رغم راسك القوي و حبيت اقول ليك ده علي الملاء عله يكون هديه مختلفه قليلا عن الاعوام السابقه
كل سنه و انت طيبه
|
Post: #2
Title: Re: يا زوجتي المزعجه .. كل سنه و انتي طيبه
Author: khider
Date: 08-30-2004, 02:09 AM
Parent: #1
سوري .. نسيت
بحبك
|
Post: #3
Title: Re: يا زوجتي المزعجه .. كل سنه و انتي طيبه
Author: mekki
Date: 08-30-2004, 02:17 AM
Parent: #1
يا سلام...ما أجمل الحب المؤطر بالضوء
وما عندى حاجه اقولها غير: عين الحسود فيهاخازوق زى... حسن الترابى ....!!
|
Post: #4
Title: Re: يا زوجتي المزعجه .. كل سنه و انتي طيبه
Author: khider
Date: 08-30-2004, 08:23 AM
Parent: #3
مكي العزيز دي اجمل دعوه نتلقاها منذ سنين شكرا و عقبااااااااااااااااااالك
|
Post: #5
Title: Re: يا زوجتي المزعجه .. كل سنه و انتي طيبه
Author: abdalla BABIKER
Date: 08-30-2004, 08:26 AM
Parent: #1
كل سنه وهي طيبة
لو بعرف طريقه ادخال الكروت كنت دخلت ليك كرت تهنئية
|
Post: #6
Title: Re: يا زوجتي المزعجه .. كل سنه و انتي طيبه
Author: DKEEN
Date: 08-30-2004, 08:33 AM
Parent: #1
خدر
دامت ايامكم زاهيات..
وربنا يغرس مزيد من المحبة بينكم
وكل عام وهي بخير
|
Post: #7
Title: Re: يا زوجتي المزعجه .. كل سنه و انتي طيبه
Author: عزيز
Date: 08-30-2004, 09:22 AM
Parent: #6
أسمهان الجميله كل لحظة وانت أسعد خلق الله حلوه وجميله وسمحه وإبتسامتك المشعه المشرقه تملأ الكون نور وربنا يرزقك بالصحة والعافية والصبر على الزول كاتب البوست ده وغايتو جنتك مضمونه والله يستر عليك من نص جنتك الاول فى هارلمكم وما بجيب اسمهم.. وياود عمى ابوعبيده ربنا يجعل ايامكم كلها سعد وهناء نشعل لكم فى القلب شمعه مشاركة منا فى يومكم الجميل هذا وسنه حلوه يا أسمهان عزيز سحر رزين ويزن
|
Post: #8
Title: Re: يا زوجتي المزعجه .. كل سنه و انتي طيبه
Author: Abdalla Gaafar
Date: 08-30-2004, 09:43 AM
Parent: #1
خدر
كل سنة والجميلة بخير وعقبال مية وواحد شمعة..وانشاء الله ربنا يديها الصحة والعافية ويخليها ليك...تراك الحمد لله مذكر عيد ميلاده ...ولسه تعرف تقول النضم السمح..ربنا يهنيكم ولك ولها الامنيات...(عارف اسي المدام تشوف البوست تدخلنا في ستين سين وجيم)
عبد الله جعفر
|
Post: #9
Title: Re: يا زوجتي المزعجه .. كل سنه و انتي طيبه
Author: إيمان أحمد
Date: 08-30-2004, 10:25 AM
Parent: #1
خدر أنا يا ولدي الكلام الشين ما بعرفو، بس معاك في النص التاني من كلامك (والكلام البي الأحمر امسك فيهو قوي)
كل سنة وانتي طيبة يا مدام
وعقبال ألف شمعة حب وهناء.
(بس قررنا نسميك مرسيل خدر في حكاية المراسيل دي ) إيمان
|
Post: #11
Title: Re: يا زوجتي المزعجه .. كل سنه و انتي طيبه
Author: كبسيبة
Date: 08-30-2004, 12:05 PM
Parent: #1
طيبين ويديكم العافية ويزيدكم حب كمان وكمان وتجيبوا وليدات حلوين زي كده عشان ينكدوا عليك زيادة يا خدر
|
Post: #12
Title: Re: يا زوجتي المزعجه .. كل سنه و انتي طيبه
Author: hala guta
Date: 08-30-2004, 12:10 PM
Parent: #1
عادل عثمان عن اذنك ننقل اللحن للبوست
بارعة
كل سنة وانتى طيبة وعاما قادما اجمل خدر كل عام وانتو بخير وزان اعوامكم كلها بالحب
|
Post: #14
Title: Re: يا زوجتي المزعجه .. كل سنه و انتي طيبه
Author: سجيمان
Date: 08-30-2004, 12:16 PM
Parent: #12
خضر
ربنا يحفظكم لي بعض
ويديم عليكم السعادة والمودة
ويكفيكم شر العين
ويهدي سركم
وكل سنة وانتو طيبين
|
Post: #13
Title: Re: يا زوجتي المزعجه .. كل سنه و انتي طيبه
Author: ShiningStar
Date: 08-30-2004, 12:14 PM
Parent: #1
كل سنة و انتو طيبين... جميلة معايدتك ...
.. you are keeping it real....
I love your acceptance to the way she is....
|
Post: #15
Title: Re: يا زوجتي المزعجه .. كل سنه و انتي طيبه
Author: نصار
Date: 08-30-2004, 12:21 PM
Parent: #1
كل لحظة و انتما كما تودان
|
Post: #16
Title: Re: يا زوجتي المزعجه .. كل سنه و انتي طيبه
Author: esam gabralla
Date: 08-30-2004, 12:43 PM
Parent: #1
الشابه اللطيفه بارعه اول حاجه كل سنه وانتى طيبه ... امنيات بايام و عمر اطول واجمل.
نصائح عازب مزمن (زى صاحبنا عادل عثمان) : - كترى من الاسئله خاصه البتكشف انو القبه ما تحتا فكى ..و لو احتجتى مساعدات الاخوان/ات تحت امرك - ليه كلامو هو الكتير اسمو ونسه، و كلامك انتى نقه؟ مثلا ده سؤال ذو ابعاد جندرو/تمييزى. - كضاب ما كمل كوتو: سمعت انو امبارح فى البالتوك استلم الحفله من اسيادا و مسك النقاش من الناس وفى الاخر قلع المكرفون وكان داير يفرتق الحفله، دورى فيهو نقاش لا ليهو اول لا اخر، خاصة: ورق الحيطه. - الاخيره دى واضح انك ما دايره فيها وصيه ... عافى منك ..... كلام اخير : الشاب اللذيذ الغناى (البتراشق مرة مرة كده) صاحبنا الاسمو خدر ....
بحبك جدآ منى و عدد من الاصدقاء والصديقات
|
Post: #17
Title: Re: يا زوجتي المزعجه .. كل سنه و انتي طيبه
Author: بنت الاحفاد 2001
Date: 08-30-2004, 09:12 PM
Parent: #16
|
Post: #18
Title: Re: يا زوجتي المزعجه .. كل سنه و انتي طيبه
Author: بنت الاحفاد 2001
Date: 08-30-2004, 09:19 PM
Parent: #16
كــل سنة ومدامتك طيبة يا خضر والله يديها العافية عشان تقطع قلبك وبعدين انت ماشي معاها بنظرية تفلق بالطوب وتداوي بكلمة بحبك دي حركاتك معاها
الله يهنيكم مع بعض يا رب
|
Post: #19
Title: Re: يا زوجتي المزعجه .. كل سنه و انتي طيبه
Author: khider
Date: 08-30-2004, 11:43 PM
Parent: #18
عبد الله جعفر تسلم ياخي كرتك وصل القاضي دكين كل عام وانت بخير ..تسلم يا زميل عزو و الاسر الكريمه كا سنه وانتو سعداء و تامين و سالمين و يزن عبدالله جعفر عندي ليك مفاجاه .. نحن اتزوجنا قبل 6 شهور فاهمني طبعا ايمان خليك معاي تكسبي سيبك من بارعه دي .. شكرا يا صديقه عدول شكرا يا حلو غايتو انا شحنت لي بطاريتي بي مزيكتك دي كبسيبه الحمدلله البوست عن عيد ميلاد بارعه اسه لو كان عن ولادتها كان خلعتهابي زولك ده هلوله السمح قولا كل سنه وانت اجمل سجيمان اول مره اقراك وانت جادي خالص شكرا يا دكتور و نجيكم في عيد ميلاد المدام شاينق استارز جميله مشاركتك لينا نصار العزيز شكرا ليك و مانجيك في شينه عصام جبر الله !!! الجابك هنا شنو .. و منو الوصل ليك القوالات دي شحتفت روحي .. الاصدقاء و الصديقات ديل ياتم والله انا محتاج ليهم جنس حوجه اسه اسمهان بتتصل عليك من كم يوم وانت مافي .. اجمع الغاليه بت الاحفاد بكره كلو ببقي عليك ما تتفاصحي اسه ساكت كل سنه وانت بالف خير
|
Post: #20
Title: Re: يا زوجتي المزعجه .. كل سنه و انتي طيبه
Author: الجيلي التجاني جمعه
Date: 08-31-2004, 00:22 AM
Parent: #19
الاخ / خضر
كل عام وهي زوجتك وحبيبتك وصفيتك ،،،
اجمل المنى لكما بالتوفيق والهناء والسعادة
يا ايتها المعبأة في شراييني اختزليني في حدود الحلم امنية وسكر ...
|
Post: #21
Title: Re: يا زوجتي المزعجه .. كل سنه و انتي طيبه
Author: إسماعيل وراق
Date: 08-31-2004, 01:16 AM
Parent: #20
عزيزي طارق فلتدم لكما السعادة أعوام عديدة مديدة مفعمة بالحب
Quote: /عـــاما دون نقه .. فانت يا زوجتي العزيزه نقناقه من طراز نادر هل تذكرين ورق الحائط حين رحلنا الي المنزل الحالي .. ياربي .. لقد كنت نقناقه اكتر من المذيع داك !! نسيت اسمو .. لكنني طبعا رغم نقتك هذه فانا احبك و احب نقتك جدا |
إسمه حمزة عوض الله...
|
Post: #32
Title: Re: يا زوجتي المزعجه .. كل سنه و انتي طيبه
Author: بارعة
Date: 09-01-2004, 12:37 PM
Parent: #18
مكى مشكـــــــــــــــــــــــوووور
عبدالله.... دخولك دة ما كرت ورابح كمان
دكــــــــــــــــين.....
ويغرس فى قلبك الرحمة والعدل
عمو عزيـــــــــــــــــــــــــز العزيز انت الفاهمنى
تحياتى الخاصة جدا(( لى ابلة سحر)) والعيال اللذيذيـــــــــن بالذات يزن
عبدالله جعفر مالك على؟؟ ايمان حاشاك من الكلام الشين والمراسيل!!! اسكتى ساى ما نقوا فيها بقى ما بترسل كتير يادوب التموين ويجيب لى موية وشاى المغرب بس!!!
الله عليك يا عادل عثمان يا راقى
كبسيبة اجيب اولاد كيفن مع صورتك دى دايرنى ايام الوحم اقاطع بوستاتك لا رد لا قراية مش كدة؟؟؟
مشكورة يا هلولة السمح قولها على قولة خدر هو السماك كدة ما عندنا اى خيار تانى
شكرا ليك سيجيمان جدا (جدا هنا راجعة لى شكرا)
نجمتناالمضيئة الجميلة والجميلة مشاركتها مشتاقين ليك جدا
وانت كمان طيب يا نصار
بت الاحفاد كل الجمال انت وما تشتغلى بى خدر دة
بتلقى ليك واحد ترسليه هدى ورضى
Quote: يا ايتها المعبأة في شراييني اختزليني في حدود الحلم امنية وسكر |
كلمات جميلة خالص فيها احساس عالى وختيتها عندى فى البروفايل مع بعض التعديل
تسلم ياالجيلى
اسماعيل وراق يعنى قايلو ما عارفو؟؟ خدر عملوليك مقلب وانت شربتو شيل شيلتك هو معانا هنا فى البورد
وميلادك يا بدر الدين ونشاءالله تصحى من النوم تلقى روحك بقيت تشبه جورج قرداحى
وليام عليك الله فى زول اسمو خدربعرف يركب ورق حيطة؟؟
وانت طيب يا صغيرون طيب جدا
دى احلى امنية يا جندرية ((يسمع من بًًٌََُُقك ربنا))
وكل سنة وانتى تماضرنا اللذيذة دى (( تحت تحت كدة مشتاقيييين))
وانت طيب يا نادوس
وامنياتى انا ليك باجمل من كدة واحلى
عمر رجب وانت طيب يا عمر رجب انت كل مباركاتك لينا ح تكون فى البورد كدة؟؟ اوووكى هولندا ضيقة!!
والله يا ابو حراز هو جنس حب انا زاااتى مستغربة
عصام جبر الله جيتك بى رواااااااااقة
انت وين؟؟؟ انت اساسا سبب البلاوى ما تعمل لى فيها معاى وفى صفى ارفع سماعتك دى خلينا نعرس ليك خلاص بعد دة
خدر تخيلنى بدون
1/اسئلة 2/نقة
3/ نقاش
4/ مراسيل
kan niet ....... kan niet........ kan niet
....طارق .....
بابا.....
أأأأ .....
أأأأأأأ
بحبك جدا
|
Post: #22
Title: Re: يا زوجتي المزعجه .. كل سنه و انتي طيبه
Author: بدرالدين شنا
Date: 08-31-2004, 03:41 AM
Parent: #1
|
Post: #23
Title: Re: يا زوجتي المزعجه .. كل سنه و انتي طيبه
Author: soghayroon
Date: 08-31-2004, 04:20 AM
Parent: #1
كل سنه وست البنات طيبة
|
Post: #24
Title: Re: يا زوجتي المزعجه .. كل سنه و انتي طيبه
Author: willeim andrea
Date: 08-31-2004, 05:29 AM
Parent: #1
خضر انته قلته ورق حائط... يعني انته في الغرب ... بس ده ما الموضوع .... تعرف احلي حاجه هو البوح وعلي العلن .... ودي ياسلام مفقوده عندنا وبرضو ده ما الموضوع .... الموضوع بكل اختصار جيت اهنيك واهني المدام بسنه سعيده والكثير من السنوات القادمات مليئه بالسعاده والصحه والعافيه وزي ما قال اخونا عين الحسوده فيه شطه وعود كمان .....
نسيت
.....
كل سنه وحبكم يكبر ويكبر
|
Post: #25
Title: Re: يا زوجتي المزعجه .. كل سنه و انتي طيبه
Author: abdalla BABIKER
Date: 08-31-2004, 05:39 AM
Parent: #1
Quote: عبد الله جعفر تسلم ياخي كرتك وصل |
معليش الظاهر الفرح والحب الكتييييييييييييير خلاك لاتفرز بين
عبدالله بابكر شخصي
وعبدالله جعفر
المهم ردك وصل يا رائع
|
Post: #26
Title: Re: يا زوجتي المزعجه .. كل سنه و انتي طيبه
Author: الجندرية
Date: 08-31-2004, 06:10 AM
Parent: #1
اسمهان كل سنة وانت طيبة ومنعمة بالسعادة وخيلي ليك خدوري ويقصر ليك لسانو وساعات قاعدو في البورد
|
Post: #27
Title: Re: يا زوجتي المزعجه .. كل سنه و انتي طيبه
Author: Tumadir
Date: 08-31-2004, 03:05 PM
Parent: #26
تقول ليها احبك ودايرنا نصدق انك متزوجها؟؟
بالله عليك الله قوم كده بلاش مكنات معاك
هاهاهاهاها
يا خدووووووورى
انت رقيق لشكل؟؟ وجميل لشكل؟؟؟ وزوجتك دى حسة كلنا حبيناها معاك ...تستفيد شنو؟؟؟
كل سنة وهى جميلة ونقناقة وسأأألة ورساااااالة
وكل سنة وانت تحب سااااااى ويرسلو فيك
وكل سنة وجذوة الحب مولعة فى دياركم العامرة
والسنة الجاية ...ارررررررربعة
واتحداك كان تدق البورد دة تانى
لك كل المحبة ....ولها كل الـــــــ...." المحبة وكملتها انت الفضل شنو؟؟" خلاص لها ...كل الجمال
|
Post: #28
Title: Re: يا زوجتي المزعجه .. كل سنه و انتي طيبه
Author: nadus2000
Date: 08-31-2004, 10:10 PM
Parent: #27
كل سنة وهي طيبة وإنت طيبين...
|
Post: #34
Title: Re: يا زوجتي المزعجه .. كل سنه و انتي طيبه
Author: khider
Date: 09-02-2004, 02:45 AM
Parent: #27
Quote: والسنة الجاية ...ارررررررربعة |
تمادر .. 4 نسوان !!
|
Post: #29
Title: Re: يا زوجتي المزعجه .. كل سنه و انتي طيبه
Author: ali othman
Date: 08-31-2004, 10:43 PM
Parent: #1
خدر تمنياتنا بدوام الحب والسعادة
|
Post: #30
Title: Re: يا زوجتي المزعجه .. كل سنه و انتي طيبه
Author: omar_ragab
Date: 08-31-2004, 10:52 PM
Parent: #1
Happy birth day AsmHan rbna yakhlikom lai b3d ya Tarig ya fanan akhoook Omar mohmaed ragab tha netherlands love u alll www.omerragab.com www.nasjota.com
|
Post: #31
Title: Re: يا زوجتي المزعجه .. كل سنه و انتي طيبه
Author: ابوحراز
Date: 09-01-2004, 02:29 AM
Parent: #30
ياسلالالالالالالام على هذا الكلام الجميل والرائع ما اعظم هذا الحب الكبير وما اعظم ان نمنح الآخرين هذا الرحيق لنجعل الحب يتنفس دائماً في كل الفصول ولنجعل الجمال يشكل كل حياتنا
بعيدا عن النص عينك التانية وووووووين ما يكون الجماعة لكموك فيها بالليل
قال مزعجة قال
|
Post: #33
Title: Re: يا زوجتي المزعجه .. كل سنه و انتي طيبه
Author: Abu Mariam
Date: 09-02-2004, 01:01 AM
Parent: #1
كل سنه وانت طيبه و نقناقه و رسآله و اسئلتك كتيره يا اسمهان.. بالمناسبة خدر زوجك ده ما شفنا لينا زول ببارك ليه عيد ميلاده الكان قبل اقل من شهر..كل سنه وانت طيب و مغني جيد و مخلص كما تعودتك في حبك للموسيقى... واهم شئ تديم حبك ده لزوجتك و اللآخرين.. صادق و هاله,,
|
Post: #35
Title: Re: يا زوجتي المزعجه .. كل سنه و انتي طيبه
Author: Elmosley
Date: 09-02-2004, 04:46 AM
Parent: #1
اسمهان كل سنه وانت طيبه عفارم عليك اديهو علي راسو واضبحي ليهو الكديسه
وزي ماقال سعد الدين ابراهيم
Quote: تنتهي الدهشه وتموت الشفقه في عين الكديسه |
|
Post: #36
Title: Re: يا زوجتي المزعجه .. كل سنه و انتي طيبه
Author: بارعة
Date: 09-02-2004, 05:29 AM
Parent: #35
الله.. الله ابو مريم مالك جبت لى اللوم انا اتذكرتو واحتفلنا بيه واى حاجة لكن مــــــــــــــا برانا بس!!
تحياتى للهالة اللذيذة
استاذ موصلى شكرا للطلة ..
عليك الله لقيتنى كيف؟؟
كديسة ..؟؟ .. واحدة..؟؟ كدى انت مش قلت جايينا
ح احنطهم ليك لغاية ما تجى
مبروك تانى الماجستير وعقبالنا
|
Post: #37
Title: Re: يا زوجتي المزعجه .. كل سنه و انتي طيبه
Author: محمد صالح علي
Date: 09-02-2004, 07:59 AM
Parent: #1
اسمهان ... كل عام وانت علي خير ... وانت يا خدر كل سنه وانتم علي حب ونحن في انتظار عيد ميلاد خدر ... ولك فيه اربعة امنيات يا اسمهان كما فعل مني تحية ... ومن نوسه تحية
|
Post: #38
Title: Re: يا زوجتي المزعجه .. كل سنه و انتي طيبه
Author: Raja
Date: 09-15-2004, 06:19 AM
Parent: #1
الحبيبة أسمهان..
كل يوم وأنت بألف هناء وعافية..
معليش التهنئة جات متأخرة..
تحياتي لخدر..
|
|