Post: #1
Title: فتريتة FATARITA
Author: يازولyazoalيازول
Date: 03-22-2006, 02:24 AM
فتريتة
FATARITA
يا ود قاسم فجأة لاحظت أن إسم (فتريتة) إسم راقى شديد
يعنى ممكن الواحد يسمى:
فتريتة محمد عبدالعزيز
مكتبة فتريتة
مطعم فتريتة
فتريتة للإتصالات
فتريتكو
I am going to see Mr. and Mrs. Fatarita soon
مؤسسة فتريتة للعقار
صيدلية فتريتة
حدى نازل محطة (فتريتة)؟
بلدنا إسمها (فتريتة جاوزت)
خلاص ياخ نتلاقى عند ناس عم فتريتة بعدين
ياخ والله شهيتنا الفتريتا زاتها
|
Post: #2
Title: Re: فتريتة FATARITA
Author: ودقاسم
Date: 03-22-2006, 02:29 AM
Parent: #1
هشام يا رائع
وأنا اكتشفت أنك تتمتع بأذن موسيقية عالية الحساسية ...
فعلا هي اسم جميل ،،، ولو رزقت بنتا لأسميتها فتريتة ،،،
وللا أقول لك تذّكر المزرعة ديك اللي قلنا نتشارك فيها ، سأسميها مزرعة فتريتة ...
يا أخي والله فطستنا بالضحك ...
|
Post: #3
Title: Re: فتريتة FATARITA
Author: يازولyazoalيازول
Date: 03-22-2006, 02:36 AM
Parent: #2
ود قاسم خلينا بالله نركز على (مزرعة فتريتة) دى شوية
حا يكون فيها شغل نضيف ، يعوض غربتنا دى شوية
بعدين بالمناسبة البورداب ديل فيهم (بركة) ما إعتيادية
يعنى المزرعة من هسع عندها
Public Relation
و
Customer Service
بشكل ما إعتيادى
فكر تانى وتعال
تسلم يا ود قاسم
|
Post: #4
Title: Re: فتريتة FATARITA
Author: ابو جهينة
Date: 03-22-2006, 02:47 AM
Parent: #1
هشام
علك طيب
مصداقا لإلتقاطك الجميل :
***
على وزن أغنية مادلينا على لسان واحد ممكون من واحدة:
فتريتة
فتريتة
الأم سليلة فتريتة
و الوالد دايما عكليتة
فتريتة
فتريتة
البنت في هِمة ( مَقَنيتة )
و الولد كما نتْشة كبريتة
فتريتة
فتريتة
***
مع الإعتذار لكل إكيلة الفتريتة و الذرة بأنواعها.
مع مودتي
|
Post: #5
Title: Re: فتريتة FATARITA
Author: خدر
Date: 03-22-2006, 02:51 AM
Parent: #4
| Quote: فتريتة محمد عبدالعزيز |
يا هشوم
يعني ممكن الواحد ياكلها !!
|
Post: #8
Title: Re: فتريتة FATARITA
Author: يازولyazoalيازول
Date: 03-22-2006, 03:06 AM
Parent: #5
طبعا يا خدورى ممكن تاكلها بس أديها حبة ليمون وشطة ودكوة كااااااربة كده
وكل هنئيا مرئيا
|
Post: #6
Title: Re: فتريتة FATARITA
Author: يازولyazoalيازول
Date: 03-22-2006, 03:03 AM
Parent: #4
يا ابوجهينة والله العظيم بالغت ، شفت الفتريتة دى سالكة كيف مع الألحان
ياخ (الفتريتة) دى ألذ حاجة ، يكفى أنها ربونا بيها رغم أننا كنا نزهج منها
بعدين فجأة إنقطعت صلتها بينا ، وهسع لما الواحد يقول (فتريتة) لمن يتخلع ويقعد يضحك فيها
|
Post: #10
Title: Re: فتريتة FATARITA
Author: يازولyazoalيازول
Date: 03-22-2006, 03:16 AM
Parent: #7
فاتريتا دوت كوم
دى تعمل (إسهال) طوالى
|
Post: #9
Title: Re: فتريتة FATARITA
Author: أبوذر بابكر
Date: 03-22-2006, 03:10 AM
Parent: #1
يا هشام
يا
البديع "الهواك" سبانى
يا أخا البدر يا مكمل
ياخى مشتاق ليك
طبعا عارف أخوك الأيام دى "مقيد" فى سجل "المقيدين"
بسلاسل الجماعة وكده
وكمان أشكو قلة "البنزين" فى تنكى
وكل "محركات البحث" الهوائية والأرضية
أنا زمان كنت بعرف واحده إيطالية إسمها
فتريته توتى مشبعانى
وبتلاقى أكيد يا زول يا "فتريته" يا "بسكويته"
|
Post: #12
Title: Re: فتريتة FATARITA
Author: يازولyazoalيازول
Date: 03-22-2006, 03:20 AM
Parent: #9
يا أبو ذر حمد الله على سلامة (الفتريتة)
بالله الفتريتة بتاعتك وصلت ، والله بختك متونس بى (آمنة) ولابد ساى
طيب تعال لى سريع أملأ ليك التنك لمن تآمن البنزين راااااقد اليومين ديل
ياخ ما تعمل لينا قصيدة فى الفتريتة ، بالله الفتريتة دى ما بتستاهل يسوو فيها قصيدة؟؟؟
تسلم يا فتريتة مخلوطة بى عسل عديل كده
|
Post: #11
Title: Re: فتريتة FATARITA
Author: almulaomar
Date: 03-22-2006, 03:19 AM
Parent: #1
أخي يا زول يا زول
لاشك أن الكلمة مموسقة وأنك يا والمتداخلين ضمه تملكون حس فني رفيع ، لكين وأنا أنظر بين حروف الكلمة أرجعت سبب كسلنا كشعب يحب الركلسة لأسباب كثيرة ومن بينها تلك كسرةالفتريتة فتجد الفتر والفتور بين طيات الكلمة برغم جرسها الموسيقي. فواحد يكون فتراااااااااااان ومصاب بفتور من أكل الفترتية التي سرت في الدم فصبح الدم فاتر والعهدة على الكسرة والله أعلم.
فترتونا يا أخي
|
Post: #13
Title: Re: فتريتة FATARITA
Author: يازولyazoalيازول
Date: 03-22-2006, 03:31 AM
Parent: #11
يا ملا عمر يا لذيذ الفتريتة تفتر الفتران زاااااتو
أضحكتنى كثيرا ،
سؤال برىء:
آخر مرة أكلت (فتريتة) متين؟؟؟؟؟؟
|
Post: #14
Title: Re: فتريتة FATARITA
Author: يازولyazoalيازول
Date: 03-22-2006, 03:33 AM
Parent: #13
يا ودقاسم:
تعال نحتفل بيوم الفتريتة العالمى
فتريتة ... يا ابنة عمي
|
Post: #15
Title: Re: فتريتة FATARITA
Author: ابو جهينة
Date: 03-22-2006, 04:09 AM
Parent: #14
قال نسيبي البطحاني بضواحي ود سلفاب و أم عضام ( العمدة ود محمد زين ) :
من كان منكم دمه بلا مكونات فتريتة .. فلْيُرِق دمه في أقرب كنار
و قال في أنواع الذرة التي ذكرتها .. علماً بأنه كان يعشق النساء المنبهلات جسماً و لا يفرق بين مَرْهَا و مشلخة :
إياكم و صفراء الدمن .. قالوا و ما صفراء الدمن ؟ قال : المرأة العجفاء في منبت الفتريتة ..
( طبعا إستناداً على تفشي الموص الذي كان ديدن النساء في العصور الذهبية عند عواسة الكسرة و الجلوس للشمارات ) ..
**
و قال آخر في ضواحي القضارف لسحابة في عز الخريف تنطلق نحو حواشة أخرى:
أمطري حيث شئتِ .. فسأشرب مريسة عامك هذا هنيئاً مريئاً ..
** و معاً نحو عالم ذاخر بالفتريتة
تكويعة :
هشام .. لك الحق الحصري في هذه الإقتراحات :
فتريتة للشحن البري
فتريتة لصناعة الجوالات
فتريتة لتعبئة الشربوت
فتريتة لتسويق الحلو مر
أرقد عافية
|
Post: #16
Title: Re: فتريتة FATARITA
Author: يازولyazoalيازول
Date: 03-22-2006, 04:18 AM
Parent: #15
أبوجهينة
تسلم على الإضافة الجميلة
|
Post: #17
Title: Re: فتريتة FATARITA
Author: Adil Al Badawi
Date: 03-22-2006, 06:26 AM
Parent: #16
سلامات يا زول يازول،
قال الشاعر الماطر الذي "تشرَّبته الأزاهر":
| Quote: فتريته توتى مشبعانى |
ودي مشبِّعاهو مُشُك* وألا شنو؟!
من استخدامات لفظة "فتريتة" قولهم: فتران جِنِس فتريتة.
تحيَّاتي.
* هامش: على مستمعينا من الحناكيش والجيل الحديش زيارة أقرب إنداية** ويا بكري السياق ما يوحي ليك تلحِّق البوست دا الرقدو...لفظة مُشُك شريفة، طبعاً حسب تقدير كل شخص للشرف.
** هامش في جوف هامش: انداية دي يشرحوها ليكم كيف...على أي حال، لو مشيتو ما حا تلقوها ذاتو لذا نيفر مايند.
|
Post: #18
Title: Re: فتريتة FATARITA
Author: يازولyazoalيازول
Date: 03-22-2006, 06:44 AM
Parent: #17
يا ود البدوى:
تتذكر الإنداية؟؟؟
الناس تتدشى (فتريتة)
أرقد يا عيش
|
Post: #19
Title: Re: فتريتة FATARITA
Author: jini
Date: 03-22-2006, 07:28 AM
Parent: #18
عشان كدة السودانيين كلهم فترانين!
هييع أرقد يا عيش أنا جرابك يا حليل السفارات
عندنا ود عمن لينا مطموس قالى انا السودان عرفتو ماشى لى ورا من الأغاريق قفلوا المغالق حقاتهم!
واحد علبة بوهية باردة وقزازة سنر!
جنى
|
Post: #20
Title: Re: فتريتة FATARITA
Author: يازولyazoalيازول
Date: 03-22-2006, 08:12 AM
Parent: #19
يعنى يا جنى عايزهم يعملوا ليك مصنع بيرة فتريتة سودانية 100%
بتكون لذيذة مش؟؟؟
|
Post: #21
Title: Re: فتريتة FATARITA
Author: almulaomar
Date: 03-22-2006, 10:31 AM
Parent: #1
يا زول يا زول
سؤالك محير عن آخر مرة أكلت فيها فتريته. تمنيت أن يكون السؤال أكثر دقة وتحديداً هل هي فتريته pure أم أكلة تدخل الفتريته كأحد مكوناتها وهل هي فتريته سائله أم هلامية أم متماسكه. ما هو لازم تحدد يا مان لأنو السؤال شوية محتاج تركيز
برضو من الأشياء الجميلة ومميزة في هذه الكلمة
Fatariatonline.net
[email protected]
وبرضو FATARITA offshore co ودي ممكن تلقاها مسجلة في الجزر الما معروفه ديك ، زيها وزي شركات الهوا ناس الكيمان وباقي الجزر التي لم يكتشفها كولمبس.
سؤال لك وللسامعين:
هل تنتهي الكلمة بالهاء أم الألف يعني زي جغرافية وجغرافيا وسوريا وسوريه
|
Post: #22
Title: Re: فتريتة FATARITA
Author: almulaomar
Date: 03-23-2006, 01:49 AM
Parent: #1
منظمة فتريته بلا حدود
Fatarita rights watch
African community for Fatarita Eater ACFE
ِAfriacn Community Resource Center for Fatarita ACRCF
World FATARITA Organization WFO
International Federation of FATARITA IFT
Federation Internationale de Fatarita Association FIFA
منظمة الفتريته العالمية
The General Organiaztion of FATARITA GOF
======
صورتك يازول يا زول جهجهت البوست وجننت البورد وأهرقت ما تبقي لنا من باندوثات حاول أعمل ليها زوووم في أى إتجاه
|
Post: #23
Title: Re: فتريتة FATARITA
Author: يازولyazoalيازول
Date: 03-25-2006, 02:01 AM
Parent: #22
الملا عمر صاحب الخيال الفيتريتى الخصب بسبب أكل وموص وشرب وقزقزة الفيترتية
تسلم يا ملا ، والصورة هكر وفتر وقمنا عالجناها بعلم السودان بعد تدخل جراحى للأخ لؤى شمت
عايز أديك وسام (الفيتريتة) للخدمة الطوية النبيلة ، وكاسك يا وطن منحنا الفتريته ومنحناه المحن
|
Post: #24
Title: Re: فتريتة FATARITA
Author: almulaomar
Date: 03-25-2006, 04:20 AM
Parent: #1
أخي يا زول يا زول
توجهت بسؤال على الهواء مباشرة للشيف طوني في قناة إيه كده مش عارف وسألته عن إمكانية صناعة الإيسكريم من الفتريته ، فرد علي قائلاً شو أخي ألولك أنا بفهم في الطبخ ولا في التنجيم والسحر ولما أحس طوني أنه قد إنتابني شعور من الإحراج الممزوج بالغضب على رده الإستفزازي أردف قائلاً شو زعلت ولا يهمك عم كنت بمزح معاك حبيب ألبي. شوف ممكن هلا نعمل من الفسيخ شربات متل ما بيؤلو:
المقادير:
علبة متوسطة من الكريمة كاملة الدسم
ـ كوبا حليب متوسطان
ـ صفار اربع بيضات ولو كنت بتشجع الهلال صفار مع بياض
ـ 3 ملاعق سكر ناعم
ـ ملعقة ونصف من دقيق الفترتيته
ـ علبة متوسطة من الشوكولاته البيضاء مقطعة لاجزاء صغيرة
طريقة التحضير:
1.نغلي الكريمة والحليب في طنجرة على نار متوسطة وما في واحدة فيكم يسألني عن الطنجرة دي شنو. ثم نرفعها من على النار ونتركها لتبرد
2.نخفق صفار البيض مع السكر الناعم ودقيق الفتريته ثم نصب الخليط الأول فوق هذا الخليط ونحرص على تحريك المقادير أثناء ذلك لأنو لو توقفنا عن التحريك حا تبقي لقمة .
3.نضع الطنجرة التي توجد فيها كل المقادير في طنجرة أكبر منها مملوء نصفها بالماء الساخن ، ثم نحرك المقادير حتى نحصل على خليط كثيف ولو الغاز قطع في هذه المحطة يمكن الإستفادة من هذا الخليط كنشاتشرب ساخنه أو باردة.
4.نذيب الشوكولاته في حمام مائي – برضو دي ما عارفها - ثم نضيفها الى الخليط الأول ونضع المقادير في طنجرة بلاستيكية ولو ما عندكم طنجرة بلاستيكية ممكن في جالون زيت مقطوع للنص ثم نتركها في البراد – ولو الكهرباء قطعت مع دخول فصل الصيف الغائظ حا يتحول البراد إلى حرار - حتى تتجمد تماماً ، وقبل تقديمها للضيوف نخرجها من الثلاجة بربع ساعة.
|
Post: #25
Title: Re: فتريتة FATARITA
Author: يازولyazoalيازول
Date: 03-25-2006, 06:02 AM
Parent: #24
يا ملا عمر ، أضحكتنى عز الهجير واقترح عليك إرسال الخلطة كاملة يوم الثلاثاء القادم لتقديمها للرؤساء العرب عشان يشوفوا إنتاج بلدنا
تسلم يا سيدى على الطبخة (الفسيخ/شربات) أو (الحلو/مر) أو (الآيس/فتريتة)
وبمناسبة الآيس فتريتة دى زى ما بقول المثل: الآيس فتريتة يزرعها.
|
Post: #26
Title: Re: فتريتة FATARITA
Author: salamat
Date: 03-25-2006, 06:13 AM
Parent: #1
هشام يازول من الزمن الجميل
(بعد إذن الأعزاء ناديه ولؤي)
تحية للفتريتة الحمراء
رغم أني لست من آكليها
|
Post: #28
Title: Re: فتريتة FATARITA
Author: almulaomar
Date: 03-25-2006, 07:09 AM
Parent: #26
يا salamat كدي شيل يديك من وشك وعاين لي في عيوني إذا كان إنت ما من آكلي الفتريته فأكيد إنت مع التانيين الجماعة الأكلو حقوقنا، وبرضو عندك فرصة تحي الفتيريته وتأكلها
|
Post: #31
Title: Re: فتريتة FATARITA
Author: يازولyazoalيازول
Date: 03-25-2006, 08:36 AM
Parent: #26
سلامات ، من الزمن الأحلى
تحيتك للفتريتة وصلت وهى جاهزة للأكل
بس مين ياكل؟؟؟؟
|
Post: #39
Title: Re: فتريتة FATARITA
Author: salamat
Date: 03-26-2006, 08:49 PM
Parent: #31
يازولyazoalيازول
لوووول خلاص خلي مايا تجيب الوصفه
الملاomar حقوقكم دي كانت رغيف تميز
لاكين ما فتريته ياحبيب
|
Post: #27
Title: Re: فتريتة FATARITA
Author: maia
Date: 03-25-2006, 06:28 AM
Parent: #1
ونرجع تاني للانسة فترتية
ويا سلام لما ينطقوها في ندوة في البي بي سي ( فاتاريتة ) ..
اولا اسجل احترام كبير وفاهم جدا للفتريتة كيف لا وهي الراعي الرسمي للحلومر
ثانيا الفترتية شخصية اعتبارية في المجتمع السوداني .. مش الزريعة بت الفتريتة او فتريتة متنكرة ..؟؟؟
وبالمناسبة انتظروا اسامة السيد لانه وحياة الله كان ما عمل ليكم كيكة الفتريتة بكريمة بودرة الزريعة مع حبات القونقيلز
وتقولوا مايا قالت
|
Post: #29
Title: Re: فتريتة FATARITA
Author: يازولyazoalيازول
Date: 03-25-2006, 07:16 AM
Parent: #27
الملا عمر:إذنك معاك والبوست بوستك والفتريتة فيتريتك
مايا:
شوقتينا لهذه الكيكة الفتريتة المعتبرة وهل يوضع فيها سكر للتحلية أم تحلى بسكر الفتريتة فقط؟
سمعت مرة من أحد الأطباء أن الفتريتة مش كويسة لمرضى السكر لما تحويه من سكر عالى
هل هذا صحيح؟؟؟؟
|
Post: #30
Title: Re: فتريتة FATARITA
Author: almulaomar
Date: 03-25-2006, 08:27 AM
Parent: #27
أولا maia وفتريته دي زي نانسي وإشلاق البوليس لا يلتقيان ومع ذلك وأصالة عن نفسي وجميع الملالي worldwide نتقدم إليكي بجزيل الشكر وفائق التقدير على إحترامك وتقديرك للفتريته التي نقدرها ونحترمها نحن الموقعون أدناه غصباً عننا يعني مش بمزاجن.
بعدين لماذا دائماً الفتريته وجميع مشتقاتها غشبه غبشة لون آكليها يعني لو جبتي طرقة كسرة أو حرف كسرة وليس حرف لغة ومسحتيها بزبدة أو قشطة أو حتى كريمة بيضاء اللون لما أفلحت أو نجحت في أن تجعل في صورتها الغبشه شئ من النضارة.
وسؤال آخر لماذا تتشقق لقمة أو عصيدة الفتريته بعد أن يضربها الهوا وتصبح في ذلك شأنها شأن قدمين أم النصر أو أرض الجروف
|
Post: #32
Title: Re: فتريتة FATARITA
Author: يازولyazoalيازول
Date: 03-25-2006, 08:39 AM
Parent: #30
يا ملا عمر ، ملاحظاتك (الفتريتية) فيها شىء من المبالغة
ويدل على معرفة عميقة خصوصا علاقتها بقدمى أم النصر المشققة
لا حولالالالالالالا
|
Post: #33
Title: Re: فتريتة FATARITA
Author: maia
Date: 03-25-2006, 10:33 AM
Parent: #1
يا زول يا زول
كدي ادوها صنة عندي اتصالات مع اسامة السيدعشان نجيب الوصفة الما خمج وغالبا يمكن تحليتها بسكر التحلية الخاص بالسكري
لكن الفتريتة عالية السكر عشان كده لا يجب تناولها بس عارفة انه في بديل وهو كسرة الردة
الملا عمر
سلامات والله
يا خي الفترتية دي نحنا نعمل ليها نشيد وطني ، ونرفع ليها علم قدر علم السودان زمان
لكن والله سؤالك وجيه، ليه عصيدة الفتريتة بتتشقق ما زي عصيدة الذرة
يروي الرواة انه الفتريتة عانت في حياتها كثيرا ، لذلك كان من الصعب ان تدخل في حالة من النعومة وهي التي تكبدت مشاق الحياة
لكن المهم الجوهر .. برضو بنديها التحية
|
Post: #34
Title: Re: فتريتة FATARITA
Author: almulaomar
Date: 03-25-2006, 11:37 AM
Parent: #1
يا زول يا زول
فتريته وفنتازيا وفرتيت وفترينه وفهرنهايت كان فيلم كان درجات حرارة كلها بتعجب ولا رأيك شنو
|
Post: #35
Title: Re: فتريتة FATARITA
Author: يازولyazoalيازول
Date: 03-26-2006, 02:28 AM
Parent: #34
مايا
و
الملا عمر
جننتو الفتريتة جن
والفتريتة لسان حالها يقول:
كان ما عاجباكم أقعوا المايو وخلونى
|
Post: #36
Title: Re: فتريتة FATARITA
Author: almulaomar
Date: 03-26-2006, 06:40 AM
Parent: #1
سيد هشام الناس ساكت تتهم آكلي الفول وأم رقيقة والفتريته والعدس بالبلادة والبلاهة والحمرنه صيغة المبالغ من حمار مكادي والتتييس على وزن التلييس أو التلطيش غير أن هناك الكثير من الأدلة القطعية الدامغةالتي تنفي ذلك بل تقلب هذا الرأي رأسا على عقب ويصبح كل من يتعاطي الفتريته مبدعاً ومن بين هذه الأدلة ما خطه كيبوردك
| Quote: وبمناسبة الآيس فتريتة دى زى ما بقول المثل: الآيس فتريتة يزرعها |
لقد عكفت على قراءة آخر تلاتة كلمات ثلاثة ليالي حسوما وفي كل مرة أكتشف أسرار جديدة في العبارة والتحية لك وللفتريته ولا يأس مع الفتريته إذا كنا عايسنها بقصد أننا محتاجين إليها أو عايسنها في الصاج أو الدوكه
|
Post: #37
Title: Re: فتريتة FATARITA
Author: يازولyazoalيازول
Date: 03-26-2006, 07:26 AM
Parent: #36
ياخ الله يبشرك بكل خير ، لأننا تربينا على الفتريتة (ونحن لها كارهين) من شدة كترتها
أما الآن فنحن عنها راضين ومسرورين لما أمدتنا به من جينات إبداعية حسب آخر نظرية لسعادتكم
تحياتى تحياتى تحياتى
|
Post: #38
Title: Re: فتريتة FATARITA
Author: يازولyazoalيازول
Date: 03-26-2006, 09:35 AM
Parent: #37
فوق لأجل الفن (ريتة)
|
Post: #40
Title: Re: فتريتة FATARITA
Author: almulaomar
Date: 04-04-2006, 09:52 AM
Parent: #1
أخي يازولyazoalيازول
شفت أكل الفترتيه عمل فيني شنو ، أها الصورة الفي البروفايل بتاعي دي أنا والبريده بعد أكل فتريته على الريق يوم الثلاثاء 4 أبريل عام 2006 يعني صورة حديثة وكنت بحاول أجيبها ليكم فيديو عشان تكون لايف لكين قلت أحسن كده ، وأوعك تقول علينا شماشه ولا شماسه هذا ما جنته علينا الفترتيه وما جنينا على أحد
|
Post: #41
Title: Re: فتريتة FATARITA
Author: يازولyazoalيازول
Date: 04-04-2006, 10:03 AM
Parent: #40
يا ملا عمر
كلو عرفناه
بس قول لى فى الصورة دى:
إنت بتعاين لى شنو؟؟؟؟
|
Post: #42
Title: Re: فتريتة FATARITA
Author: almulaomar
Date: 04-04-2006, 10:58 AM
Parent: #41
حا تعرف أنا بعاين لي شنو لو عرفت أنا ياتو رونالدو ولا ريكارد- إتصل الآن ولا تتردد يمكن تفوز بالجائزة الأولي
|
Post: #43
Title: Re: فتريتة FATARITA
Author: يازولyazoalيازول
Date: 04-16-2006, 06:36 AM
Parent: #42
عرفتك بتعاين لى شنو؟
الزرارة ، مش؟؟؟
|
Post: #44
Title: Re: فتريتة FATARITA
Author: almulaomar
Date: 05-02-2006, 08:52 AM
Parent: #43
بعد تفكير إستغرق أكثر من أسبوعين بالتمام والكمال أقول ليك وبصراحة الإجابة مع الأسف المكرمش غلط
|
Post: #45
Title: Re: فتريتة FATARITA
Author: يازولyazoalيازول
Date: 05-02-2006, 09:04 AM
Parent: #44
ياخ ياها الزرارة مافى غيرها
|
|