تجربة يازول في المنتديات وحكاوي الحبوبات في بيوت السمايات والبكيات

دخلنا الي منتديات الحوار منذ سنوات خلون ..كان هناك من بدأ يشق لنا الطريق في تلك المنتديات كاقلام فذة في تلك الفترة والتي كان المنتدي الرئيس فيها منتدي سودانت وموقع سودانيز اون لاين كان يكتفي بوجود غرفة للدردشة ..كان معظم كتاب منتدي سودانت مشاركون في غرفة دردشة سودانيز اون لاين استمر منتدي سودانت لفترة اخرج لنا فيها بعض الاقلام التي اشتهرت بها المنتديات اللاحقة ..اذكر منها علي سبيل المثال ولا الحصر ..بناديها , ابو امنة (ابوذر) مام , سلطان , ولياب , ام البنين , رمانة , انا, شيري, صلاح ضرار , الخواض , سونا , يازول , شرير والبرتقالة , ويازول وغيرهم
وهنا سناخذ تجربة يازول او هشام شيخ الدين بالتفصيل .
عرفنا هشام شيخ الدين كما قلت في بداية ظهور المنتديات ككاتب في منبر سودانت .. كان من الكتاب الذين يعتمدون علي اسلوب المداخلات في البوستات الاخري وكان له بوستات باسمه .. لغته كانت سليمة جدا وقوية وللذي يقراه دائما ما كان يحس بالجدية في اسلوب كتابته اي الكلمة الرصينة وهو اقرب الي كتاب المقالاتا لصحفية او كتاب المقالات الاكاديمية في الموضوعات الاجتماعية كان مثله مثل غيره من الكتاب الذين يداومون علي المشاركات في المنتديات اعتمد كثيرا في كتابته علي اسلوب (الشكر) او اخذ شخصيات منبرية ومحاولة تلميعها وتقديمها للمنبرين فكان له بوستا شهيرا لبناديها .
استمر الحال الي حين ظهور منبر سودانيز اون لاين فكان هشام شيخ الدين من اول المبادرين بالدخول الي سودانيز وكان له اتصالات مع بكري ابوبكر فكان ان انشأت اول ادارة لمنبر سودانيز اون لاين كان علي رأسها هشام شيخ الدين او يازول وكان رئيسا للمنتدي .
استمر هشام شيخ الدين علي نفس طريقته وكان في العام 2002 ن فاز بجائزة لحضور مباراة في كأس العالم في اليابان و كانت رحلة شهيرة الي اليابان مرورا بابوظبي ومقابلة عضوية المنتدي في تلك المنطقة .
بدات زخيرة هشام شيخ الدين من الموضوعات تقل تدريجيا فقد انتهي من (شكر) كل عضوية المنتدي وايضا بدأت كتابة ذكرياته في اضمحلال فحياته وتاريخه الشخصي اصبح كله محكي في بوستاته ..وفي العام 2003 بدات كتابات هشام تاخذ منحى سطحي وصارت بوستاته غير ذات بال فاعتزلها الجميع الامر الذي جعل هشام شيخ الدين يستجدي مداخلات الاخرين كما يظهر من بوسته يا جماعة ردوا على بوستاتى ، ما بعاديكم ، بقيت كويس الا ان الامر اصبح علي ما هو عليه واعتزله الجميع فقلت كتابته من المنبر واصبح دخوله قليلا لفترات طويلة وبعدها قام بكري بالانقلاب علي الادارة وسحب كل صلاحيتها وتم ايقاف حساب هشام شيخ الدين نفسه .
ونواصل في السيرة

أساسي كيفنك؟؟؟؟

خباركم الأيام دي إنت و هشام عجاجتكم قايمة؟؟؟

كدي أسى دى أنا جيتك لى شغلة تانية

أدخل فى موضوع التصويت بتاع خالد حسن على MBC و شارك و صوت من الرقم البيعجبك

المهم سمعنا "قروشك" و أرفع إسم بلدك

بجيك تانى

الاخت نوسة .. والله العظيم رسلت امس رسالة بي اربعة ريال كان تطمر فيهو

نرجع لي موضوعنا

طالت فترات توقفه عن الكتابه وبدات مملكته في الافول واصبح صديقنا هشام ميالا للغياب القسري من البورد بعد ان اعتزله الجمع واختفت ذخيرته من الحكاوي وكان لدخول تماضر شيخ الدين شقيقته كان بمثابة طوق النجاة له فكاريزما تماضر في المنبر وشخصيتها المحبوبة من الجميع امد لهشام اسباب النجاة من الاحتضار المنبري الذي كان يعيشه قبل دخولها .. ووجد الاخ يازول لنفسه طرقا جديدا لتلميع نفسه وعرضها ف يالمنبر كشقيق اكبر لتماضر شيخ الدين المخرجة السودانية الشهيرة .. وبدا مرة اخري يظهر علي سطح المنبر يقتات علي بوستات تماضر ويعيش عليها ويخرج من خلالها ببوستات خاصة تعتمد علي مشاركاتها واستمر الحال طويلا في المنتدي وصاحبنا يعيش افضل ايامه بعد تجديد دمائه المنبرية علي تماضر شيخ الدين
ونواصل في سيرة البطل

اساسي
سلامات

Quote: ووجد الاخ يازول لنفسه طرقا جديدا لتلميع نفسه وعرضها ف يالمنبر كشقيق اكبر لتماضر شيخ الدين المخرجة السودانية الشهيرة .. وبدا مرة اخري يظهر علي سطح المنبر يقتات علي بوستات تماضر ويعيش عليها ويخرج من خلالها ببوستات خاصة تعتمد علي مشاركاتها

الكلام دا كتير على هشام
ما تخلي غضبك يعميك وتطمس الحقائق
ان كان لك خلاف أو قضية مع هشام فهذا لا يمنحك الحق في ممارسة الاغتيال المعنوي له
فهشام مبدع وكاتب مجيد وحكاي وصاحب معين لا ينضب
لذلك ارجو الا تخلط الأمور
لك ولهشام محبة خاصة

استمر الحال كما هو بالنسبة لصاحبنا يازول تكتب تماضر وينتعش هشام بتوليد بوستات جديدة من خلال مشاركاتها .. الي فترة اصبح دخول تماضر قليلا في المنتدي واصبحت فترات غيابها كثيرة وبدا صاحبنا في الافلاس المنبري مجددا ولم يجد ما يكتبه فاصبح صيامه من البوستات كثيرا
أنا أحب طماطم شيخ الدين.
بعد فترة قرر صاحبنا الاعتماد علي نفسه وبدا في انتهاج سياسة جديدة من المشاركات فبدا يجتر البوستات القديمة ويعيد تسويقها مثل سودانى يقتل زوجته ويدفنها تحت عمود الصبة فى برندة منزله
وبدأت مشاركاته تاخذ طابعا اخرا اصبحت مثل ونسات السمايات وونسات بيوت البكيات .. عندما يجتمع زامر الحي في بيوت المناسبات ويكون الحكاوي الغريبة ذات الطابع الجنسي الغريب وحكايات ناس هناية جارتنا وحكاوي مثل فلانة عرسوا فيها وفلانة دقت راجلها عشان راجلها بتاع نسوان
وما يزال الدفق يتوالي
وهذه نماذج قليلة

لم أحزن فى حياتى بقدر ما حزنت على هذه الزيجة التعيسة

والله إشتهينا رقيص الرقبة

بسبب كيد النساء ، زغرودة فى (قولة خير) فرح تتسبب فى فركشة الزواج بالرياض

سجم خشمك يا رشيدة

والله يا عادل فضل المولي انا ما جبت حاجة من راسي قدامك المنبر وقدامك الارشيف وفي البوست دا في النماذج .
لم اظلم هشام بل اعطيته حقه عندما كان كاتبا مميزا بدايات المنبر
هذا حاله الان

أساسي يا أيها الرجل الفاضل

Quote: الاخت نوسة .. والله العظيم رسلت امس رسالة بي اربعة ريال كان تطمر فيهو

ياخى بتطمر فيهو إنت بس قول خير

يلا حصلها بى واحدة تانية !!

يعنى أبقي أنا المرة "العاطلة" دى أخير منك؟؟؟ أنا رسلت لى أسى دى 6 رسائل و لسة مواصلة...

و ما بينك و بين هشام هو ما بين كل الأخوان ،، ما فى إلا كل خير إن شاء الله،، و العشرة "المنبرية" البينكم ما هينة،، ليها زيادة من خمسة سنين:

"خمسة سنين معاك يا زينة الأيام +++++ و يا نوارة الحلوين"

موش كدة؟؟

يلا روق المنقة يا ود عمى

Quote: يلا حصلها بى واحدة تانية !! يعنى أبقي أنا المرة "العاطلة" دى أخير منك؟؟؟ أنا رسلت لى أسى دى 6 رسائل و لسة مواصلة.

يعني لو الولد دا ما فاز تبقي قروشنا تبرعات لي mbc ؟؟؟؟


هشام تاني مافي حاجة يقولوها فيهو زاتو

انت يا اساسي
بتتكلم في هشام شيخ الدين

القبور كتر

اساسي
تاني سلامات
تعرف ان الكتابة من اصعب فنون الابداع
والكاتب (ايا كان اسفيريا ام ورقيا) لا بد ان يمر بمرحلة ما يشعر ان معينه الابداعي بدأ في التناقص لذا يلجأ البعض الى حيل اخرى لتثبيت اسمائهم اعلى القائمة، لكن هذا نفسه لا ينطبق على هشام (حرفيا) بل لا يعيب أو يقدح في اصالة الابداع عنده..
هشام صوت سوداني ازدان به المنبر وكلما أقرأ له لا أجد (غربة) في كتابته
هو سوداني بحروفه وحكاويه وقصصه وحينما تجد له بوستا (غير البوستات المعنية) تعرف انك تقرأ لسوداني حتى لو لم تقف على اسمه اعلى البوست
وهذا ما يميز هشام وحكاويه ويرفعه درجات فوق كثير من الكتابات المنبرية
لعلك فهمت مقصدي
وارجو الا ينطبق عليك قول المتنبئ
وعين الرضا عن كل عيب كليلة وعين السخط تبدي المساويا
لك ولهشام محبة خاصة
وارجو صادقا الا تواصل هذا البوست التدميري لك وللمنبر

الاخ عادل فضل المولي

عشان اكون واضح معاك البوست دا ما صحيت الصباح قررت اكتبه لله كدا .. الاخ هشام شيخ الدين امس نزل بوست جادي جدا في المنبر( في الفترة العرف اني ذهبت لتناول الغداء ) اي بعد ان ضمن اني بعيد من المنتدي وقاد في ذلك البوست حملة يدعوا فيها بكري والاعضاء الي التوقيع لفصلي من المنبر بسبب المشكلة القائمة .. يعني انا هنا بعكس الحال العليهو هو حاليا .. بس سيادته كان داير يكتم نفسي نهائي ويقتالني منبريا اي يعني ينفيني ويبعدني نهائي من المنبر الحر .. بالامس وفي ذلك البوست لم اسمع منك ادانة او شجب لهشام في منحاه الذي اعتمد طردي خارج المنبر . واعتقد ان البوست ما يزال موجودا ان لم يكن بكري حزفه (وقطعها ليهو في راسه) .
يعني بصراحة لو زول جاك داير يخنقك عشان تموت بتحاول تدافع عن نفسك باي طريقة ودي طريقتي في الرد علي هشام شيخ الدين الذي حاول جاهدا القضاء علي سيرة سبع سنوات في هذا المنتدي فقط لاشياء مترسبة داخل نفسه.

سيف بامكانك المطالعة عن سبب هذا البوست

Quote: دخلنا الي منتديات الحوار منذ سنوات خلون ..كان هناك من بدأ يشق لنا الطريق في تلك المنتديات كاقلام فذة في تلك الفترة

أساسي الكلام دا هسي يعني شنو بالله قدر ما قلبتو وشقلبتو ما اداني معني

يا محمد الحاج يعني في اقلام فذة فنانة ناس كتابة بدات تنسج في خيوط تجربة الكتابة في المنتديات السودانية يعني بالعربي في ناس كتابين وفنانين افتتحوا طريق الكتابة في المنتديات

طيب راجع روحك يا اساسي هسي المذكرة التفسيرية دي عندها علاقة بالكلام الفوق داك

ايوة عندها علاقة

أساسي
تحياتي ...
أنت بدأت بداية طيبة وإنتهجت ذات النهج حتى النهاية في نقدك لتجربة هشام كمعاصر...وبالواضح كدا ما قدمته من نقد متسلسل في حق هشام شيخ الدين أنا أعتقد أنه عادي ويمكن تقبله في إطار النقد , ولكن الردود على المتداخلين وبعض تفسيراتك لممارسة هذا النقد تدل على رواسب فيك وده لايشبهك البتة .طبعآ وللحقيقة ما عندي خلفية لصراعات سابقة بينكم بحكم أني جديد سنتين هنا فقط ولكني أرى هشام كاتب جيد يجيد الحبكة القصصية وحتى الونسة دي نوع من الفن المبدع ماأي زول يقدر يكتب ويصيغ ما يشاهده بذات القدرة التي لدي أخونا هشام ... أتفق معك على النقد دون القسوة وربما تجد عند هشام متسع فهو رجل خلوق وانسان ودود على الصعيد الشخصي ارجو الا تعميك هذه الروح الانتقامية وتذكر أن طاغور شاعر الهند العظيم قال اللهم علمني أن حبّ الإنتقام أكبر مظاهر الضعف) وعافاك الله من ذلك ولهشام عتاب إن سعى في فصلك وإبعادك لرواسب سابقة فذاك لايشبهه وهذه لا تشبهك ... سلمتما...(حجر).

الاخ الرفاعي

تحية وتقدير

اولا اشكر لك الاشادة بالمنحي النقدي ... لا اجد في نفسي ابدا اي رواسب مسبقة علي الاخ يازول بل حتي قبل الامس كان بيننا الكثير من الماسنجرات والقفشات وكنت اظن اننا سمنا علي عسل ولكني حقيقة فؤجئت جدا بل صدمت بطلبه من بكري طردي من المنبر الحر ..لذا لا اتجمل ابدا حينما اقول ان هذا البوست ليس نتاجا اساسيا لمطلبه بطردي من البورد . ان هذا ليس من مبدأ روح انتقامية ولكن هذا وضع للامور في نصابها الصحيح واعطاء كل شخص حجمه الحقيقي لكي لا يطاول احدا علي احد .
واشكر لك جدا تفهمك

الجمرة بتحرق الواطيها...
وكل زول عندو إسلوبو في الرد ..
أساسي إختار الطريق المباشر والواضح في الرد على البوست المخزي اللي كتبو يا زول يا زول..
ما كتبه يا زول هو الذي يوضح أنه يحمل في قلبه شئ تجاه أساسي ..
لأن ما كتبه أساسي طيلة الفترة السابقة لم يتعدّى حدود التعبير عن الذات والرؤيا الشخصية للمواضيع ..
وكما يحكي يا زول حكاويه وبأسلوبه فأساسي يحكي حكاويه وبأسلوبه ..
يا زول يا زول بيخرمج كتييير هنا ويكفي إنو في يوم طلّع رجال المغتربين بتاعين الزمن ده أي كلام ومش المغتربين وبس لالالالا كل جيل أبهات الزمن ده أي كلام والغريبة هو كمربّي أبعد عن نفسه هذه التهمة ووضع نفسه مع جيل المربّيين الفاضلين ..
ما يكتبه يا زول في بعض الأحيان أخطر من ما يكتبه الكثيرون هنا ولكن الناس بتعاين لي كتابات يا زول من منطلق الضحك والونسة وما مركزين في اللي بيكتبو وربما هو زاتو ما مركز ..
أساسي ذكر حقائق ماف زول بيقدر ينكرا ولا يا زول زاتو ..
وجاب ليكم اللينكات كتوثيق للمرحلة دي ..
يا زول تجاوز كل حدوده وهو يلعب دور الوصيّ وهو يلفت ويطالب بكري بي فصل أساسي..
هل خالف اساسي اللائحة ؟؟
هل شتم أو سبّ يا زول حينها ..
الراجل بيكتب في كتاباتو فما دخل يا زول في ذلك ؟؟؟؟؟
الناس البتجي ترد هنا بتجي ترد من منطلق المعرفة الشخصية والعلاقات الشخصية بين الناس متناسين العلاقات المنبرية ..
كان أساسي كان يا زول انا بعرفهم هنا وبس وعلي بي كتاباتهم ..
أساسي ما غلط على يا زول لكن يا زول هو اللي غلط عليهو فما كان من أساسي إلا وأعلنها صرحة لي يا زول ووعده بالبوست ده ..
عن نفسي مقتنع تماااااااااااماً إنو يا زول حا يلبد لبدة عدوك من البوست ده لأنو اساسي عاملو شرك وبدا فيهو بداية عفوية بي اخوي واخوك نظام دردقة وكده ويا يا زول ده شرك لو جيت حا تدقس والموضوع بياخد طابع تاني..
اساسي لو في الفترة الفاتت دي كتب ليهو عشرين بوست فيازول في فترة كان بيكتب لينا في اليوم طفشطاشر بوست فيها جغلومية وش ضاحك ..
يا زول يكتب موضوع عشرين بوست فيهم واحد ظابط وال19 برة التختة ..
سيبو المجالملات بوستات يا زول لاحقة بوستاتنا دي لا تسمن ولا تغني من جوع وفي بعضها يشين يا زول سمعة عوائل بالكامل دون ان يشعر ونجي نحن نشبكو ليك كلامك صاح وفعلا و و و ..
بطني طمت منو من يوم قال ابّهات الزمن ده أي كلام وقرفت من كتاباتو بالجد لأنو الجملة دي إشانة سمعة لي كل الناس ومفروض لو الناس ضميرها صاحي تجي تطالبو بي إعتذار علني هنا وهو ويطالبو بي فصلو كمان زي ما هو بيطالب الناس..
عن نفسي ومنذ إنضمامي للمنبر ما شفت لي بوست واحد فيهو فايدة من بوستات يا زول كلها حكاوي وقيل وقال فحق له أن ينضم لمجموعتنا اصحاب البوستات الفارغة
ولا شنو يا صديقي الملا عمر

ده ما نظام المديدة حارة وكده لكنها كلمة حق(من وجهة نظري) توازي ما كتبه البعض هنا..
واصل يا اساسي وعين الله ترعاك..

ياسوسة
ماتشوف ليك شغلة
والله فعلا مافضل الا الكوز

الاخ عمر الفاروق .. عند قرأتي لذلكا لبوست وتعليقات يازول عليه واتهامه للجيل كامل من الاباء بقوله

Quote: يعنى بالعربى كده (آباء) هذا الزمن لا يعرفون تربية الوليدات ولا يحسنون صنعا ، فالتربية عند معظمهم تشبه تربية الدواجن (علف) و (غرف مكيفة) فقط

ورغم اعتزالي بوستات الاخ هشام منذ فترة طويلة وهو يعلم ذلك ودائما ما كان يرجوني المشاركة فيها الا انه زادت قناعتي بان المشاركة في مثل هذه البوستات دائما ما تكون خصما علي الذي يشارك فيها .
كما اشكر لك جدا الدعم اللوجستي وكسير التلج
ولا عدمناك

وساعود بالتفصيل و التشريح لتجربة يازول متناولا بوستات كثيرة باذن الله في هذا البوست

Quote: ما يكتبه يا زول في بعض الأحيان أخطر من ما يكتبه الكثيرون هنا ولكن الناس بتعاين لي كتابات يا زول من منطلق الضحك والونسة وما مركزين في اللي بيكتبو وربما هو زاتو ما مركز .. أساسي ذكر حقائق ماف زول بيقدر ينكرا ولا يا زول زاتو .. وجاب ليكم اللينكات كتوثيق للمرحلة دي .. يا زول تجاوز كل حدوده وهو يلعب دور الوصيّ وهو يلفت ويطالب بكري بي فصل أساسي.. هل خالف اساسي اللائحة ؟؟

ياالفاروق خليك محضر خير ودي المديدة ذاتها لا غيرها إنت ربما أغلظت على الأخ هشام يازول وليس كل مايكتب الرجل مضّر وخطر فسبق لك أن أوقفت أنت في كتابة رآها البعض مسيئة بل عنصرية ووقفنا معك ومع رجعتك لا نحمل هنا على أحد وربما قلتها بصريح العبارة أن أخطأ يازول فعليه المسارعة بالإعتذار لا أن يسلك أساسي مبدأ العلاقات الدبلوماسية في نظرية المعاملة بالمثل فالخطأ يعالج بالصح ... صح يافاروق؟؟؟ وبرضو أقول ليك خليك محضر خيررررر.

الاخ الرفاعي

لا احتاج الي محضر خير ليازول بالامس ارسلت له رسالتين في جواله وارسلت له رسالة عبر الماسنجر الداخلي ولا احمل عليه حقدا شخصيا في داخلي ولكن من مبدأ المعاملة بالمثل ولاني لا اكتب هنا ابتزالا ولا اتعدي علي الرجل افتراء بل كل الذي فعلته اني كتبت رأي الشخصي في تجربته المنبرية من خلال بوستاته يعني ما جبت حاجة اتبليت بيها علي الرجل وان شاء الله ساواصل بنفس النهج وهذه المرة التشريح سيكون اكثر

يا أساسى ، ولماذا لم تعتذر لى عن محاولاتك الجادة إغتيال شخصيتى والكل يشهد؟

هو في إيه يا أساسي؟


تصدق بالله عجبني كلام الفاروق عمر ...ما عارف ليه؟



أها ..النشوف آخرتا

الاخ ادريس

حصل ان قام الاخ يازول يازول بكتابة بوست ينادي فيهو بطردي من المنبر واقصائي وطالب جميع الاعضاء بالتوقيع لفصلي من المنبر , يومها غضبت ووعدته بكتابة بوست ردا علي دعوة طردي ..وجاء هذا البوست الذي تراه .. لم يتداخل فيه الاخ هشام معي ...
ولكن بعد عشرة ايام او يزيد من هذا البوست انزل الاخ هشام يازول البوست الذي نقلت عنوانه اعلاه يطالبني بالاعتذار عن هذا البوست واصفا لي باني احاول اغتيال شخصيته وتدميره حسدا من عندي متناسيا السبب الرئيسي وهو محاولته طردي من المنبر ولكن بطيب خاطر قمت بالاعتذار للاخ يازول عن هذا البوست متناسيا السبب الرئيسي لهذا البوست كرما من عندي وترفعا ومحاولة في مد يدي بيضاء اليه من غير سؤ
وانا ارفق لنك البوست هذا هنا لاعلم الجميع باني اعتذرت عنه للاخ يازول

وأنا قبلت الإعتذار



ممكن تقفل الموضوع ده؟؟؟؟



عالم يحير

جدا يا زول يا زول

بالرغم من انه طلب اعتذارك كان زاته في شكل هجوم شنيع ما حبيت ارد عليهو جبرا لخاطرك المكسور

أى رفعة للبوست هى بمثابة خنجر فى محاولة الإغتيال المذكورة


كتر خيرك

هل تكتب ولا تريدني ان ارد يا هشام؟

انظر انا رددت عليك هنا ان لم ترى

نعم لا ترد وبالذات فى هذا البوست

يا سقيل

خلاص احذف المقدمة حقت البوست حقك البتطالبني فيهو بالاعتذار لانه فيها اساءات بالغة تجاهي

يا دين النبى

ما شايف فيها حاجة يعني؟

++

مثل سري
( يازول بريد خناقو )

عارف يا زول يازول

احسن تخلي البوست دا ينزل لانه بطريقتك دي بتوري الناس بيان بالعمل علي الكلام الاتكتب اعلاه
ولو مصر علي المحافظة علي البوست دا في الاعالي خليني افتح ليك في بوست جديد واديك فيهو الكلام الجد
المسكان عن كتابته ليك هنا والممكن تسميهو بوست حقيقي ما زي الهظار الفوق دا

Quote:

افلس الرجل

عاجبنى إنت الغنى

.

أساسي الكوز

هاك اللنك ده من سودان نت سنة 2001

http://web.archive.org/web/20011007015839/www.sudanforu.../general/17947.shtml



الزمن داك ما كان في عربي و رياض وجدة

hi Kosta that is wonderful indeed . You 're digging up the Goldmines of Sudan.net>

.

.

Quote: hi Kosta that is wonderful indeed . You 're digging up the Goldmines of Sudan.net

يا حليلك يا حبوبة زمن كنتي بتكرطعي معانا الرد واين و بتشجعي معانا النجمة الرد.....يا خالة وين أم التومات?

عمك الخردة

اللنك دا محظور بقي في السعودية يعني تفتحو يوديك طوالي للحكومة متلبس
عشان كدا ما شفنا اي حاجة
بس المتذكره الزمن داك سودان نت كانت زي بيت الخواجات كلمة واحدة عربي مافي

قلت لي العرب الأجلاف ديل عاملين سنسر على اللنك.....كويس
ح نعمل شوية صور من اللنك عشان خاطر عيون ناس جدة و الرياض وديم حماد










Karamba

.