Post: #1
Title: قصة قصيرة جدا - الصبره
Author: يازولyazoalيازول
Date: 08-17-2003, 11:10 AM
خرجت الصبره يوما من بين الحشائش والأدغال ووقفت مرفوعة الهامة فى قارعة الطريق تستنشق بعض الهواء النقى
ومر عليها رجل
فقال لها السلام عليكم
فذهلت الصبره وردت عليه السلام
وظلت تتابع خطى الرجل وهو سايرا فى طريقه مبتعدا عنها
فتنفست الصعداء وقالت فى نفسها
ده منو العرفنى وماعرفتو ده
|
Post: #2
Title: Re: قصة قصيرة جدا - الصبره
Author: اساسي
Date: 08-17-2003, 11:15 AM
Parent: #1
اللهم اني اعوذ بك ان ارد الى ارذل العمر
الهم جنبنا الخرف
|
Post: #3
Title: Re: قصة قصيرة جدا - الصبره
Author: يازولyazoalيازول
Date: 08-17-2003, 11:20 AM
Parent: #2
روح
ya welaid
ألعب بعيد
|
Post: #4
Title: Re: قصة قصيرة جدا - الصبره
Author: اساسي
Date: 08-17-2003, 11:25 AM
Parent: #3
والله كلامك صاح
اصلو ابوي زمان قال لي
البباري الجداد بوديهو الكوشة
|
Post: #5
Title: Re: قصة قصيرة جدا - الصبره
Author: يازولyazoalيازول
Date: 08-17-2003, 11:36 AM
Parent: #4
ياخ اسمع بالعربى كده
انت عايز منى شنو؟؟؟؟
فى بينى وبينك تار؟؟؟؟
فى بيننا نسب؟؟؟؟
فى بينا تجارة؟؟؟؟؟
ياخ نحن اتعارفنا بسبب الزفت العملتوه ده وسميتوه رابطة واتضح جليا انك لا بتنفع معاى لا بنفع معاك
والسبب انت يا أساسى
اذ مددت اليك يدى فعضضتها
وأخذتك بالأريحية السودانية السمحة
فوجدتك قذرا كأسيادك الكيزان
كل الذى يجمعنا الآن هو هذا المنبر
وما بحردوا ليك
يسمك
حا اقعد ليك شوكة حوت
أنا ما شيرى
أنا راجل وارجل منك ونحن فى بلد واحدة يعنى مستعد اصل معاك اى مستوى
man to man
يعنى بالبونية جاهزين
بالشفتنة
نحن اولاد ام درمان
مافى زول فى الدنيا بيقدر يحقرنا يا مغفل
فأحسن الزم حدودك
قبل ان يقع عليك ما لا يحمد عقباه
وخليك فى حدودك
وبلاش كلام فارغ
أنا ما ناقصك ولا فاضى ليك ولا فاضى لى امثالك يا عبيط
|
Post: #6
Title: Re: قصة قصيرة جدا - الصبره
Author: اساسي
Date: 08-17-2003, 11:50 AM
Parent: #5
افلس الرجل وسقط من القاع الي القاع
يا زول طول بالك وخلي روحك رياضية
مافي داعي تتبشتن كدا وسط الناس
هههههههههههههههههههههههههه
والله حالة تحنن
انت من زمن الناس بتموا الحوار بونية
عاد دا كلام دا
احي فيك اخلاق ام در يا ود البقعة
ههههههههههههههههه
ما كنت قايلك قريب كدا
والله ابوي ما كضب في وصيته
|
Post: #7
Title: Re: قصة قصيرة جدا - الصبره
Author: يازولyazoalيازول
Date: 08-17-2003, 12:01 PM
Parent: #6
لأن نوعكم ده ما بيفهم الا اللغة دى يا بتاع السيخ
قل لى بربك لماذا تحمل كل كوزة ولماذا يحمل كل كوز الطوق الذى يقفل به العجله والمصنوع من الحديد المضفور ومغطى بالبلاستيك الملون وطوله اقل قليلا من نصف متر؟؟؟؟؟؟
وهذا هو نفس الطوق الذى ستجلدون به انت واسيادك يا جاهل
وماتنسى اننا نحن اولاد بلد نقعد نقوم على كيفنا
أتسمون هذا فلسا يا ضلالية
أتشرف بالبقعة
وأهل البقعة
اسياد الفهم والراى
وياليتك عملت بوصية ابوك فما الجداد الا اخوانك الكيزان يا مغفل وليس اولاد البلد الأحرار
وختاما لا تنسى
البادىء أظلم
|
Post: #8
Title: Re: قصة قصيرة جدا - الصبره
Author: اساسي
Date: 08-17-2003, 12:21 PM
Parent: #7
حلاتك وانت فاقد المنطق
وتكشف دواخلك
تعرف بكري طردك من رئاسة المنبر ليه لانك لا تتورع عن الايتاء بإسآت مثل هذه
| Quote: مافى زول فى الدنيا بيقدر يحقرنا يا مغفل |
| Quote: انت واسيادك يا جاهل |
لا يعوزني الايتاء بشتائم اقزع من هذه ولكن من اشتم ومن يحتاح سبا
وايضا هل منبر النقاش هذا فتح ليسمع الناس ما تحمله داخلك من اسقاطات لاني اعتقد انهم ليسوا في حاجة لهذا اترك لهم تقيمك انت وسبابك وبوستاتك واخلاقك
ولكن عملا بحديث الرسول صلي الله عليه وسلم
ارحموا عزيز قوما زل
واحتراما لسنك لانك تكاد تكون لي ابا
وايضا تعطفا علي افلاسك وبؤسك في المنبر
فساترك متابعتك ومباراتك بعد ان ادخلتني في كوشة بوستاتك
ملحوظة: انت يوم تنزل بوست تنفي انه اساسي دا كوز واول ما تتزنق تجري تقول دا كوز ما تخلي عندك كلمة بتاعة رجال يا ود البقعة يا ود البلد القايم وقاعد علي كيفك
لم اصدق معظم بورداب جدة حين قالوا ولكن اظنهم صدقوني وانا لا ادري
هههههههههههههههههههههه
|
Post: #9
Title: Re: قصة قصيرة جدا - الصبره
Author: يازولyazoalيازول
Date: 08-17-2003, 12:55 PM
Parent: #8
نصيحة أخيرة
أحسن ليك تختانى
بعدين انت ايه يخصك فى كونى رئيس المنبر أو عزلت من الرئاسة
ومن قال لك ان هذا هو السبب فى عزلى
فأنا طوال فترة رئاستى ولقرابة الثلاثة سنوات لم أشتم أو أسب احدا بمثل ما أوردته من الفاظ فى بوستك أعلاه
لم آتى بتلك الألفاظ الآن الا لسببين
السبب الأول استحقاق من قلتها فيه بجدارة
السبب الثانى انا عضو عادى زيى زيك يا فرده
ثم من خول لك تصنيفى بأنى عزيز قوم ذل؟؟؟؟
عزتى وكرامتى لا تأتينى من أمثالك ولا يسحبها عنى الأغبياء
هى عز بالله ومن الله
وكما يقول اهل ام در
العارف عزو مستريح
فلا تصنيفك لى بأنى مفلسا وبائسا فى المنبر يعنى افلاسى وبؤسى ولا حكمك على بالذل يعنى قبض روحى فالحكم متروك لجمهور القراء والسادة الأعضاء الذين ضجروا وملوا من تفاهاتك
بئس ما تقول وبئس حروفك وبئس ما تصبو اليه فى المنبر وفى السودان
فلا تقرأ بوستاتى بعد الآن ولا تعلق عليها فقد ندمت على اليوم الذى تعرفت فيه عليك يا أغبى من عرفت
انتهى الدرس
|
Post: #10
Title: Re: قصة قصيرة جدا - الصبره
Author: Tumadir
Date: 08-17-2003, 01:24 PM
Parent: #9
دة كلام شنو يا جماعة؟؟؟
هشام
طبعا اساسى ما كوز
زول بحب يشاكس ...بس
وطبعا الالفاظ دى ما مهضومة
الناس بتتفرج عليكم
استهدوا بالله
|
Post: #11
Title: Re: قصة قصيرة جدا - الصبره
Author: Ahlalawad
Date: 08-17-2003, 01:27 PM
Parent: #1
يلا يا شباب
واصلوا
والله في عبارات الواحد طول ما سمعا
========
المديدة حرقتني
|
Post: #12
Title: Re: قصة قصيرة جدا - الصبره
Author: Raja
Date: 08-17-2003, 01:32 PM
Parent: #1
هشام..
انت في الأول "الصبرة" دي قصدت بيها شنو زعل أساسي؟
|
Post: #13
Title: Re: قصة قصيرة جدا - الصبره
Author: يازولyazoalيازول
Date: 08-17-2003, 04:11 PM
Parent: #12
شكرا يا تماضر على صدقك ونقاء معدنك
ويا أهل العوض اعمل حسابك الحجاز ليهو عكاز
ويارجا والله موضوع الصبره ده لا يخص أساسى لامن بعيد ولا قريب فالصبرة حيوان برى يمكن أن تسألى منه بناديها وفطاحلة البورد وقد رميت بهذه القصة ما لايفهمه أساسى وأشباهه ولكن كما يقولون
الفى بطنو حرقص براه بيرقص
|
Post: #14
Title: Re: قصة قصيرة جدا - الصبره
Author: اساسي
Date: 08-17-2003, 04:43 PM
Parent: #13
اتمني من الله ان تقرا هذا البوست في يوم غير اليوم
لتري بغير عين الغضب هذه ما اخطته يداك
صدقني سترثي لحالك مثلما افعل عنك الان
صدقني يا زول لو اردت ان اقول فيك
وليس ما ساقوله افتراء لقلت
ولكن اخلاقي تمنعني وحسن تربيتي
وما يمنعني عنك هو عفة لسان المسلم
|
Post: #15
Title: Re: قصة قصيرة جدا - الصبره
Author: Modic
Date: 08-17-2003, 06:55 PM
Parent: #1
العزيز هشــام ...
القصة مبتكره و غريبة نوعا ما ..
لكنها من نوع القصص القصيرة التي تنتهي نهاية مفاجئة ..
بها عمق فلسفي ... و معني يلتمسه القارئ يختلف من قارئ الي آخر ..
لكن أهم مميزاتها أن بها روح فكاهية جميلة ..
أحييك علي هذا الطرح الفكاهي الجميل ..
كثيف ودي ..
مـــودك
|
Post: #16
Title: Re: قصة قصيرة جدا - الصبره
Author: زوربا
Date: 08-17-2003, 08:34 PM
Parent: #15
نيلينك والابنوس
ألتقاها عند منعرج الصدفة
همس لها ببعض جنونة
وفي أحتفائية تتضج بالصمت
دعاها للتنزه تحت المطر
أبتسمت
رافقت خطاه
فتحت مسامها للمطر
أنتشت
تسارعت خطاها
ذابت في قطرات المطر
خلفته وصمت احتفائيته
ابتسم
أدرك أخيرا سر العلاقه بينه والمطر
والريد نيلين
|
Post: #17
Title: Re: قصة قصيرة جدا - الصبره
Author: يازولyazoalيازول
Date: 08-18-2003, 10:31 AM
Parent: #16
Modic
زوربا
شكرا لكم المشاركة فى هذا البوست وآسف على تأخير الرد ولكن بسبب هذا التدخل السخيف من أساسى حدث معى نوع من الإحباط فأرجو المعذرة فمشاركتكم خففت عنى الكثير
بارك الله فيكما
|
Post: #18
Title: Re: قصة قصيرة جدا - الصبره
Author: nazar hussien
Date: 08-18-2003, 12:13 PM
Parent: #17
يا زولyazoalيازول
اهديك الشاعر سيد عبد العزيز لعله يهدي خاطرك
قليلا
اسرح مع هذا الكلام شوية
مع اننا كلنا سمعناه مغني
ولكن ربما لم نتأمله
للحب لهيب في الجوف
زي الزناد مقدوح
منه الجبابرة تلين
لصوت بلابل الدوح
وتصاحب النسمات
تفضل معاها تروح
بين نغمة الاشواق
ومحاسن الممدوح
انا لو ضمنت رضاك
اكون سعيد ممنوح
يا من تسر رؤياك
تفرح وتنسي النوح
تكسو النهار بجمال
خديك جمال ووضوح
منه الغزالة تقيف
في موقف المفضوح
من الوله للقاك
دمعي الغزير مسفوح
ناقم علي الايام
مع انه طبعي صفوح
انا والخيال في جدال
وانت بنداك منفوح
كل ما النسيم يغشاك
زي الحديقة تفوح
تأمل هذا الكلام فلنا فيك امل اكبر مما تتصور ولا يزال
تخيل ان سيد عبد العزيز لم يكن يحلم بتواصل سايبيري هكذا
ولك مني كل التقدير
ابويارا
|
Post: #19
Title: Re: قصة قصيرة جدا - الصبره
Author: يازولyazoalيازول
Date: 08-18-2003, 12:45 PM
Parent: #18
الأخ نزار حسين أبويارا
والله لقد نجحت فعلا فى اطفاء نار غضبى بكلمات سيد عبدالعزيز تلكم فقد عرفت كيف تخاطب العجايز امثالى فكلمات الحب مازالت متوهجة فى دواخلنا برغم الكبر الذى يستعيذون منه أساسى واشباهه ويتهموننا بالخرف أسأل الله أن يبتليهم بالخرف المبكر والشقاء وأسأل الله أن يمنحك أنت ويارا واخوتها وامهم وأهلك أجمعين البركة والعافية والخير الغزيز وأن يعمر قلوبكم بحب بعضكم بعضا ويسعدكم فى الدارين سعادة لا تشقوا بعدها أبدا
اللهم آمين
|
Post: #20
Title: Re: قصة قصيرة جدا - الصبره
Author: alfatih
Date: 08-18-2003, 01:17 PM
Parent: #1
يا زول يا زول
سلام يا مبدع
القصة جد جميلة وابتكار جديد .... لكن الصبرة دى الراجل دة شافا كيف ؟
|
Post: #21
Title: Re: قصة قصيرة جدا - الصبره
Author: يازولyazoalيازول
Date: 08-18-2003, 01:25 PM
Parent: #20
والله يا فاتح شافا عينى عينك
looooooooooooooooooooooool
|
Post: #22
Title: Re: قصة قصيرة جدا - الصبره
Author: falcon
Date: 08-18-2003, 01:38 PM
Parent: #1
ياهشام
اكاد لا اصدق
اسمح لي بعتابك عتاب الاحباء
لم نعهد منك مثل هذا القول من قبل
و ليس من شيمك سقط القول
انا حقيقة مندهش لدرجة التبلد
مررت بين السطور و انا غير مصدق
لسبب بسيط انكم احباب و اصدقاء خارج اطار البورد
استهداء بالله و اللعن الشيطان
و يابورداب جدة افتونا بدل هذا الصمت
|
Post: #23
Title: Re: قصة قصيرة جدا - الصبره
Author: nazar hussien
Date: 08-18-2003, 03:22 PM
Parent: #22
الاخ العزيز جدا هشام
شكرا علي هذه الامنيات الطيبات
يارا لم ترفع المبتدا بعد لكونها بلا اخوات
ولكن دعواتكم واصلة باذنه تعالي
تراني اخي هشام مغرم بسيد عبد العزيز
لذا اهديتك من خاصة ما اعشق
والجمال والحب في بلادي
التي غناها رمضان حسن
لوحة عشق وطنية
رائعة
ودعوة قوية للتصالح والانصهار
في بعضنا البعض
في بلادنا مناظر الطبيعة
حافيها السحر الحلال
في الشرق الميناء العظيمة
بيها الثغر بسم دلال
والغرب الحرست مداخله
الهيبة حصون التلال
وجنوبنا ينافس الشمال
حيوية وعظمة وجلال
وتاني محل ما العين تعاين
تشوف بهجة وروح اعتدال
|
Post: #24
Title: Re: قصة قصيرة جدا - الصبره
Author: يازولyazoalيازول
Date: 08-18-2003, 04:41 PM
Parent: #23
نزار حسين
اختيارك لاسم يارا كان اختيارا موفقا لا يضاهيه الا ذوقك وحسك النقى فى اختيار الكلمات والألحان التى تستهويك فهى لا شك رائعة بكل التوفيق
تسلم سيدى
|
|