Post: #1
Title: شوف الناس ديل كانوا ريادين كيف
Author: يازولyazoalيازول
Date: 08-07-2003, 10:48 AM
Parent: #0
أنا ما بقطف زهورك
بس بعاين بعيونى
***
يا الغصن الفى نهورك
ويالبدر الفى خدورك
مترقب ظهورك
أتامل فى محاسنك
وأتمتع بمناظرك
وأتوسع فى فنونى
****
لعبت بى دورك
وأصبحت مسحورك
سبحت فى بحورك
وعرفت أوزانك
وعرفت الحانك
آهات توالينى
لا زلت مأسورك
وما قادر أزورك
ملأ العيون نورك
كشف الظلام بسم
وإتجلى لى رسمك
شخصك ملأ عيونى
***
أضنانى تأثيرك
وما بشكى لى غيرك
اعيانى تفسيرك
يالرمز الحيرنى
وهواك صيرنى
أتحدى العزلونى
***
يالغالي موهوبك
يالراقي أسلوبك
الناس يانسوبك
يالعالى تعليمك
أنا من مظاليمك
ايه ذنبي ورينى
|
Post: #2
Title: Re: شوف الناس ديل كانوا ريادين كيف
Author: يازولyazoalيازول
Date: 08-07-2003, 10:53 AM
Parent: #1
للشاعر عبيد عبدالرحمن
|
Post: #3
Title: Re: شوف الناس ديل كانوا ريادين كيف
Author: falcon
Date: 08-07-2003, 12:25 PM
Parent: #1
طبعا يازول لازم يكونوا ريادين
اذاكان الواحد بشوف محبوبته
مرة في الشهر اذا صادفة الحظ
وهذا هو نقاء و صفاء الحب
وامكن قصيدة بدور القلعة خير دليل
علي ذلك ويقال ان شاعر القصيدة
شاهد المدعوة بدور دي مرة واحدة وكتب
فيها كل هذا الوصف
وعموما كافة اشعار الحقيبة تجدها بهذا
المعني
بس الان الواحد ممكن يشوف
محبوبتة كل يوم و يكلمها
و قت ما يشاء عشان كده
لازم يطلع شعر اي كلام
سلمت يازوق
|
Post: #4
Title: Re: شوف الناس ديل كانوا ريادين كيف
Author: HighTower
Date: 08-08-2003, 07:45 AM
Parent: #1
|
Post: #5
Title: Re: شوف الناس ديل كانوا ريادين كيف
Author: Dr. NassurEldeen
Date: 08-08-2003, 10:55 AM
Parent: #1
هشام يا حنين
يا شفيف الروح
تشكر يا رائع
بتعبني كيف
حلو الكلم
وحلو النغم
وغايتو شفت كيف
اللقياء عاد ما اجملا
والله من يوم الرحيل
لا شوفتك السمحه اتلقت
ولا ضقنا من بعدك حنان
و
سلم لي عليهم
سلاااااااااااااااام كتيرررر
الامير الشغل الضمير
|
|