Post: #1
Title: الكترابة القائمة هنا دى شنو يا ابوالريش
Author: يازولyazoalيازول
Date: 08-16-2004, 01:30 PM
دى الهبباى ولا شنو؟؟؟
أنا ما جاى أدافع عن بكرى ، ولا جاى أهاجموا رغم الغضب الشديد الذى ينتابنى تماما كما ينتاب جلكم ، لكن جاى أوضح بعض النقاط:
أول حاجة كتر خيركم فى فتح هذا المحل (المعصلج) ، فهو دواء مؤقت لمعالجة مشاكلنا ، وأول الطريق الصحيح نحو الحرية
أخص بالشكر الأدمن هنا ومساعديه ، وشكر خاص لى ود نوره الوجيه عادل عبدالعاطى ، رجل الساعات الحرجة ، والذى نحسبه (الخبرة تمشى على الأرض) فى أى شكل من أشكال الثورات
تانى هام ، (مش زمان كان بيقولوا كده) ، تانى هام عايز أقول ليكم أن الوضع الاجتماعى والنفسى لى بكرى فيه ضغوط حادة عليه خصوصا بعد الفقيد خوجلى فقيد السودان كلو ، ده عمو أبو مرتو يا جماعة ، يعنى فقد والد ، وفقد الوالد ولا الوالدة شىء فظيع ، وأسألوا الجربوه ،
يا جماعة تماضر لحدى الليلة ما قادرت تتوازن من فقد أمها الكان قبل أربعة سنوات فما بالكم فى الراجل المات قبل فترة وجيزة جدا ، وموتة بتاعت (ختفه)
فالراجل ظرفو عصيب ، وقفل المنبر عامل فيه عمايل (حاميه النوم) يعنى الراجل فى محنة وضرورى نأخذ بيده ليعود الى طريق السلام والخير والحرية ، ويخرج من عنق الزجاجة الذى وضع فيه نفسه
وكدى فكرو بالراحة ، وخلو عندكم حد أدنى من الثقة فى بعضكم البعض حتى لو كان بيناتكم هكر (###### فعلا موجودين) ، بس بالروقة وبالحكمة
وأسمعوا (كلام يبكيكم) ، ما تسمعوا كلام البيضحكم
ولى عودة _________________ يازولyazoalيازول
هذا البوست كتبته قبل لحظات وجيزة فى سودان أورق (المنبر الطارىء للمنبر الحر) أو دعونا نسميه (منبر الانقلابات)
وبعدها لا حظت فتح المنبر الحر ، فأحببت أن أجلبه هنا
شكرا هشام شيخ الدين (اليوزر نيم حقى هناك)
|
|