أين تماضر العام الجديد؟؟؟؟

أبحث عن شقيقتى التى ضاعت منى فى عام 2005م ، مواصفاتها كالآتى:

جميلة مثل كل جميلات بلادى ، تبكى لأطفال دارفور ، ويسعدها السلام عندما يكون سلاما حقيقيا ، لا سلاما سياسيا تقسم فيه الكعكات والمناصب والثروات ، تأكل القديد وهو أشبه ما يكون (بملاح التقليه) ، وتشرب الشربوت قبل أن تشوبه مرارة الأيام ، بل يكون بطعم وحلاوة بسماتها وضحكاتها المجلجلة الصادقة النابعة من قلب طفل (أصغر من سيرين ومحمد) ، وتنتعل السفنجة ، عندما تكون فى الحوش الكبير ، وتكره الكعب العالى فى المسارح والأندية ، تسمع النعام آدم عندما تضطرها نهارات السودان ، وتحاور كولين باول فى قضية عشة الشايقية ، لتضمن لعشة مكانها بين الأمم ، تكافح وتنافح من أجل قضمة كسرة بى ملاح شرموط ولو بعد حين

من يجدها أرجو أن يأتى بها عاجلا الى هنا وليس آجلا ، لنهنئها بالعام الجديد

الاخ يا زول سلام

وكل سنة وانت طيب

ونهنئها معك ايضا
تحياتي

وبالانابة عنها اهنئك بالعام الجديد يا اخى السنجك ، جعله الله عام خير وبركة

Quote: جميلة مثل كل جميلات بلادى ، تبكى لأطفال دارفور ، ويسعدها السلام عندما يكون سلاما حقيقيا ، لا سلاما سياسيا تقسم فيه الكعكات والمناصب والثروات ، تأكل القديد وهو أشبه ما يكون (بملاح التقليه) ، وتشرب الشربوت قبل أن تشوبه مرارة الأيام ، بل يكون بطعم وحلاوة بسماتها وضحكاتها المجلجلة الصادقة النابعة من قلب طفل (أصغر من سيرين ومحمد) ، وتنتعل السفنجة ، عندما تكون فى الحوش الكبير ، وتكره الكعب العالى فى المسارح والأندية ، تسمع النعام آدم عندما تضطرها نهارات السودان ، وتحاور كولين باول فى قضية عشة الشايقية ، لتضمن لعشة مكانها بين الأمم ، تكافح وتنافح من أجل قضمة كسرة بى ملاح شرموط ولو بعد حين

انها فعلا تماضر ولا احد غيرها
هل تفسح لى مكانا اخوى زول يازول جنبها
انتو حميمين بشكل ربنا يغطيكم من الحاسدين والزمن القاسى

وكل سنة انت والاسرة بخير
وربنا يحفظ تماضر ويحفظكم من كل شر

الاخ هشام كل عام وانتم بخير

كنت منتظر بيغادي لكن شردت ليك كمين يوم كدا ما قاعد تجي (( الوحوحة )) الحكاية شنو ؟


اخي الكريم كل عام وجميع آل عمنا شيخ الدين جبريل بخير

اشراقة مصطفى:

يا ريتنى لو أقدر أقول فيك الكلام الما انكتب ، والله يا اشراقة ، وحكمة ربنا كده ، بريدك زى ريدتى لى عيون تماضر ، وبشع من قبلك نفس شعاع اشراقات نفسها الزكية ، وفرحة ضحكة عيونك بتشعل فتيل الفرح - غصبن عنى - فى جواى ، لما أشوف وأقرأ حرف واحد من حروفك الجميلة

سنتك حلوة جميلة ، فقد كانت 2004 تغير من حلاوة وطلاوة 2005 عليك ، ولذلك - عصرتك 2004 شوية ، عشان تدى نفس (بالفتح) لى 2005



المكاشفى الخضر الطاهر:

وينك يا جميل ، أنا بتوحوح من سنة 2004 ، عليك الله الزى جمال ناس اشراقة وراوية ديل ما بخلوك تتوحوح عمرك كلو (عشان الدفق الحلو الطالع من جواهم)

هشام
ابن عمي استاذ شيخ الدين
ما طالبني انت ولا تماضر .... حليفة
كل ما تجي سيرة (الرجالة) بقول بيني وبين نفسي : يالبيتني جئت رجلا مثل تماضر
وقبل يومين جادلتني صديقتان في أفضلية البنات والأولاد
فوجدت نفسي اتمنى دون مناسبة ان تكون احدى بناتي مثل تماضر
(ولو أكرمني الله فهذا يساوي 20 ولد وبت ونص وخمسة)
تحياتي لكم
وسلام على آل شيخ الدين في العالمين

يا فتحى ان شاء الله ربنا يكرمك بالذرية الصالحة ، وفعلا تماضر امرأة (منافحة) و (مكافحة) فى (رجالة) و (رقة) متناهيتين

تسلم يا ود البحيرى يا حبيب

Quote: بريدك زى ريدتى لى عيون تماضر ، وبشع من قبلك نفس شعاع اشراقات نفسها الزكية ،

يا هشام كل سنة وانت طيب...وكل افراد اسرتك بخير...وعبرك التحية نرسلها لتماضر وكل صحبها...الغر الميامين....ومن زيّن الدهر منهم اي تزيين....

هذا تواصل لا يصدر الا من الانقياء ...ربنا يحفظكم

هشام اهنئ معك اختي تماضر

مناضلة تركت محبيها ومعجبيها من اجل حياة كريمة

لها ولاسرتها وللوطن

كل سنة وهي وانت بكل خير

الاعزاء هشام "ود اللم" اشراقة السنجك المكاشفى فتحى البحيرى نزار حسين وقرجة
ماظهرت ليه؟؟
اهلى صعبين..

قالوا لى كان شفناك فى المنبر تتحاومى براك وسط "الظلام" ده بتكسر رقبتك ونسقيك مخها.....

هههههه


والله مشغولة

والله والله تالله

ومابقدر على المنبر ده ...

بياخد زمنى وزمن اولادى وشغلى وقتو قبيح ومضيق على امرى

البورد بقى مصدر عكننة ومشاكلو كترت والناس ما بتحترم بعض ...

وبعدين الادمان ...بقيت امير المدنين

عندى دراسة كده كتبدا بكرة ..بتتطلب منى جهد ووقت زيادة دايرة اجودها

معليش اعفو لى

فى الاونة الاخيرة ما كنت قادرة اشارك بكاقاتى القصوى

واحسن لو الزول ما بقدر يدى احسن ما عندو ....يمشى

انا بمشى

وبجيكم مرة مرة..

ولما افضى بكلمكم

خلوا بالكم من عيون بلدكم الجميل



هشام رسل لى "منهج تدريس المسرح بالمدارس المتوسطة" الالفتو قبل سنوات اظنو صديق الموج اداك ليه عشان ترسلو لى..

اضرب مرة مرة

اما ايها الجميلون انتم ...كلكم فختونى فى بالكم ...لانكم فى بالى....

لكم المحبة...

وكل عام وانتم بخير

السنه دى ان شا الله "كديسة" الفاتت كانت كبيسة.......

كل الجميلين الموجودين

كل سنه وانتو طيبين

والى ابو التــــــــــاء

بالتوفيق ان شالله

ونحن راجينيك ...

نزار:
وكل عام وأنت بخير وبركة وفرحة وحبور ، وأتمنى ليك أحلى عام وأجمل الأيام هى دائما الأيام القادمة

قرجة:
تسلم يا ملك ، وكل سنة وأنت بخير يا فردة بنى مالك المختفى

تماضر:
ده حالتو أهلك صعبين وما بخلوك تكتبى مع الظلاميين ، طيب لو كانوا ساهلين كنتى عملتى شنو؟؟؟

تماضر نقدر مشغلوياتك ، ونحن (مكتفين) منك عائليا ، ولكننا نحتاجك (بورديا) فأوعى تطولى الغيبة (يا فقريه)

المنهج يا ستى سلمتو ليد الحبيبة رشا أبان العزاء فى السودان لأنها قالت ستوصله اليك على وجه السرعة

ودالعباسية:
تسلم يا اخى الكريم ، وكل عام وأنت بألف خير

الخال هشام شيخ الدين
السلام عليكم
جيت ابارك ليكم السنة الجديدة (هشام وتماضر) يا ابناء جدي شيخ الدين
كل سنة وانتم طيبين

الابن البار الحبيب الشفيف حمزاوى ، كل سنة وانت طيب ونسأل الله أن يجعل عام 2005 بالنسبة اليك عام فرح وحبور وسرور ، وربنا يحقق الأمانى

يا زول يا زول

كل سنة وانتم طيبين

وكل سنة وتماضر طيبة

كل سنة والجميع بخير

ربنا يحفظكم كلكم

ربنا يحفظك ياعباس ويحفظ كل الأحبة

يا زول
اها المنهج بعد ما اديتو رشا
تاني شالو منو








انا متابع رحله المنهج من لمن كان شالو الموج
يا اخوانا المنهج ويين اسه !!



طم طم بالتوفييييييييييييييييييق

هشام وتماضر
كل سنة وانتو طيبين ،، ربنا يديكم العافية ، ويبارك في الوليدات ،،،
يريحني هذا التقارب الحميم ،، ولتأتينا السنوات القادمات بتقارب جغرافي يجمع الأحبة كلهم وسط الحوش ، وهاك يا سفنجات ...

خضر:
رحلة المنهج كانت كالتالى ، أولا صديق الموج شال المنهج لمدة خمسة دقائق فقط ، وكان ذلك بحضور الولد البار قرمبوز ، عندما أتى لعزائنا فى الوالد عليه الرحمة ، وكان بحضور الموج ورشا ، فتبرع صديق الموج بتوصيله عاجلا الى تماضر ، فقالت له رشا انها ستكون الأسرع (جغرافيا) اذ انها ستقوم بارساله من أسبانيا (والظاهر طنشت بعد داك) فقمت بأخذ المنهج من الموج ورميته (البحر) ، وبعد داك (العلم عند الله) أكيد رشا انشغلت او نست او تناست او (راح منها) ، على العموم سيصلها قريبا جدا (اذا ما ضاع فى البريد ، والله يكضب الشينة ، فأرجو أن تطمئن تماضر ، وبعدين ياخ مشتاقين ليك والله ، وين اخونا (كوال فا) ود اللذين

ودقاسم: وهاك يا سفنجات أضحكتنى بنكهة الرملة الدقاقة ، تسلم يا ودقاسم على تسجيل حضورك هنا

يا هشام كل عام وأنتم بخير.جردل موية ورد مكشوح في البوست بتاعك..
أهه شميت وجيت ماري ..أحييك

بهنس شخصيا!

يا للجمال والدهشة ، فقد أسعدنى حضورك الزاهى هنا

فوق

سلام يا يازول

وكل سنة وكل الاهل بخير..

تماضر ورينا الوصفة السحرية لفك ادمان المنبر

الذى صار يأخذ وقتا طولا ولدى كثر من الحاجات
النص نص ونص

نتمنى ليك التوفيق فى دراستك

وكل سنة والجميع بخير

المكاشفى

ربنا يقدرنا على لز بوستاتك

والعاقبة عندكم فى المسرات (تتذكر دى)

جيت اعزى مهيرة وحبيب الشامى ..واكفر لاستاذنا محمد خيرى احمد ...واشارك فى عزاء كل موتى اقرباء اعضاء البورد وماشة


واشكر كل الذين يسالون منى بالتلفون والايميل

وساعود عندما اجد الوقت "والروح؟


تحياتى العامرة