من يشاركنى هذه الرحلة العجيبة؟؟؟؟

أرغب فى الذهاب (على الأرجل) بالطريقة (الخواجاتية) الإستكشافية ، من الخرطوم إلى دنقلا ، حتى يتاح لى الإستمتاع بأكبر قدر ممكن من شمال السودان الحبيب ، وبأخف حمولة ممكنة ، وبرفقة كاميرا ديقتال ، ورفقة بوردابية (مثالية) ، فهل تدلونى على (خارطة الطريق) ، وماهى المخاطر التى يمكن أن تعرقل مثل هذه الرحلة ، وما هو التوقيت المناسب؟ وأى المحطات يمكن ان (نتكى) فيها أكثر من غيرها ، سأتابع مجرى النيل تفاديا للعطش ،

لماذا لا نكتشف (سوداننا) بهذه الطريقة؟

وأى شعار يمكن أن تقترحوه لنا للرحلة؟ ، وما الفائدة التى يمكن أن تجنيها مثل هذه الرحلات؟ ، وهل يشجع المسئولين مثل هذه الرحلات؟ ، وهل بين شبابنا من فعل مثل هذا؟؟؟

مجرد فكرة ، يمكن لمجنون مثلى أن ينفذها ، فهل يوجد بينكم مجانين آخرين مثلى يرغبون فى الإنضمام؟؟؟

هى فرصة ايضاً لتعبئة أهلى فى الشمال (للفصيل المسلح) الذى سبق واقترحناه

ارجوكم شاركونى بآرائكم ، فأنا جاد

أخي الفاضل هشام أنا سأرافقك في هذه الرحلة.. أنت سيرا على الأقدام وأنا سوف أتابعك من خلال الـGoogle Earth!!!
وعلى بركة الله.

محمد الأمين

يعنى (الكدارى) ده ، إنت ما من ناسو ، داير (قوقل إيرث)

طيب هاك شوف الجمال ده ، ما بيستحق الواحد يحومو (حافى حالق) :

Quote: يعنى (الكدارى) ده ، إنت ما من ناسو ، داير (قوقل إيرث) طيب هاك شوف الجمال ده ، ما بيستحق الواحد يحومو (حافى حالق) :

في الواقع هذا الجمال يستحق.. لكن كما تعلم فإن هذه معركة، ولا نريد أن تكون جيوشنا مكشوفة.. لابد من تغطية جوية!

أكان كده إتفقنا



فى زول تانى داير يمشى معاى؟

أزيك .. يازول ..
أنا غايتو المشي ده ماحقي .. لكين لمن تصل عطبرة بقابلك بي قدرة بتاعت فول كاربه بي زيت سمسم .. وبتبرع ليك بي عجلة رالي دبل تكمل بيها المشوار .
تحياتي ،،
خالد الأرباب

خالد

أنا كان وصلت عطبرة تانى يانى المافايتك كلو كلو

عطبرة الجمال ، عطبرة الحديد والنار

تحياتى

استاذنا / يازول
بعد التحية...

Quote: أرغب فى الذهاب (على الأرجل) بالطريقة (الخواجاتية) الإستكشافية ، من الخرطوم إلى دنقلا ، حتى يتاح لى الإستمتاع بأكبر قدر ممكن من شمال السودان الحبيب ، وبأخف حمولة ممكنة ، وبرفقة كاميرا ديقتال ، ورفقة بوردابية (مثالية) ، فهل تدلونى على (خارطة الطريق) ، وماهى المخاطر التى يمكن أن تعرقل مثل هذه الرحلة ، وما هو التوقيت المناسب؟ وأى المحطات يمكن ان (نتكى) فيها أكثر من غيرها ، سأتابع مجرى النيل تفاديا للعطش ، لماذا لا نكتشف (سوداننا) بهذه الطريقة؟ وأى شعار يمكن أن تقترحوه لنا للرحلة؟ ، وما الفائدة التى يمكن أن تجنيها مثل هذه الرحلات؟ ، وهل يشجع المسئولين مثل هذه الرحلات؟ ، وهل بين شبابنا من فعل مثل هذا؟؟؟ مجرد فكرة ، يمكن لمجنون مثلى أن ينفذها ، فهل يوجد بينكم مجانين آخرين مثلى يرغبون فى الإنضمام؟؟؟ هى فرصة ايضاً لتعبئة أهلى فى الشمال (للفصيل المسلح) الذى سبق واقترحناه ارجوكم شاركونى بآرائكم ، فأنا جاد

اول حاجة طالبه منك إنك تضيفني لمنفستو الرحلة.
بالنسبة للمخاطر ... يمكن بس مشكلة ناس إمري والحكومة يكون هي المشكلة ... وحايكون مشكلة ليه؟؟؟ لانه انا شخصياً لو وصلت هناك حادعم ناس إمري بكل ما اوتيت من قوة ...
عشان كده ممكن المسافرين معانا يربضو قاشهم ويشدو حيلهم وبالمرة يكون دعم لفكرة الفصيل المسلح الإقترح بالرغم إني ما عارف هدفه شنو لكن ... طالما جاي من زول رائع زيك كده بيكون فكرة مجنونة جن وبيستاهل المساندة.

متعك الله بالصحة
التحية لكل المشاركين


شول اشوانق

الحبيب هشام شيخ الدين

ماتخاف هذه الرحلة قام بها قبلك الشيخ ابو العباس الشيخ محي الدين شيخ مشائخ الطريقة الشاذلية بالسودان وهو قريب صاحبك محمد السني دفع الله سوف نبحث لك كيفية الوصول لي دنقلا

بس انت عايز تعملها متين

الايام دي شايف اتجاهاتك شماليه وخالص وخوفي تحالف الدناقله والمحس بتاعك في البوست الآخر يبقي حق وحقيق ...الله يستر ..بالمناسبه المشي بالاقدام صعب في بلدنا ...

محب:

ما هى دى المشكلة زاتها ، ليه المشى فى السودان بالرجل بيكون صعب؟؟؟ ليه يا محب؟؟

عشان كده تعال معانا ، خلينا نجرب ، وإيد فى إيد تجدع بعيد

(حانكون الرواد) والفصيل فعلا حا يكون جد جد ، إنت فى وأنا فى

صديقي من دفعة التحدي بالكلية الحربية,حكي لي بعد تخرجه.أن دفعتهم نزلت في شندي واتوا سيرا علي الأقدام في معيتهم قرقوش وبعض من الزيت ووايت ماء.
عليك أخي هشام بالخطة الواردة علي أن تنزل في غابة الخوجلاب بدلا عن شندي.
أو تنتظر حتي موسم الإجازة وسوف أرافقك من البجراوية عائدين إلي الخرطوم.
............
جادي,والخيم سهلة التركيب هدية مني إليك,إذا شرعت في رحلتك.
.................
ذكرتنا أيام الكشافة

المهندس محمد السيد

أظن أن جمال الرحلة بدأ من الآن ، بعد كلامك الحلو ده ، وياهو ده السودان

وحاضر يا سيدى (غابة الخوجلاب) بدلا عن شندى ، تدرج من ضمن خطة عبور منطقة الجعليين ، حيث الخيم والزاد والماء مجانا (شوف ليك جنس رجالة) هيع

شوف الرجال كيف يا سيف؟

هلا هلا ، سبقونا

شول أشوانق دينق:

ياريت كل سودانى زيك يا شول ، أتشرف بمعيتك فى الرحلة ، وبعدين بعد ما نخلص الرحلة ، لازم نمشى كمان الجنوب مع بعض بدءاً من ملكال وحتى نمولى ، وبالطبع سيكون خط الرحلة متعرجاً بحيث يشمل أبيى ورمبيك ، وكل أنحاء الجنوب ، وهنالك نقيم سوياً ألى الأبد بدون رجوع للخرطوم ، لأن الجنوب الحبيب ربنا سبحانه وتعالى حباه بطبيعة ومناخ وجمال طبيعى لا يوجد حتى فى سويسرا (لعن الله الحروب) ،

القصد من الرحلة ، بل سميها (الرحلتين) ، هو التنقيب عن بلاد السودان وزيارة كل المناطق فيه والتعرف للناس فى أماكن عيشهم وللتعلم منهم وبالتالى نستفيد ونزيد ذخيرتنا السودانية ، ونساهم فى غرس قواعد السلام

تحياتى ، واتمنى صادقاً أن تجمعنى بك الظروف فى اى رحلة لأى مكان فى الدنيا ، ولا مانع أن تكون بالطائرة أو الباخرة أو السيارة او على ظهر الدواب فمعيتك هى الهدف والمتعة الحقيقية ، ولازم يكون معانا شرايط كاسيت واسطوانات لأغانى شمالية وجنوبية

تعال يا شول نضرب ليهم المثل الأعلى فى المواطنة السودانية الحقيقية

تحياتى

اها انا جيت قايلاها رحله بين طيات السحاب
وكت بقت بالكرعين غايتو حبوبتك دومه الا تشوف ليها عربيه دفع رباعي وتكون مكندشه بنباريكم نكون شايليين المؤون والمويه والاسعافات الاوليه

يازول أنا عندي اقتراح تاني: بما أني انتمي إلى الإعلاميين، فدعني أقوم بتغطية إعلامية شاملة لهذه الرحلة لذا سأرافقكم من على متن اليخت! وأنتم سايرون في حوار حميم بين النيل واليابسة!
هل تستطيع أخي أن تأمن لي اليخت خلال فترة الرحلة حتى استطيع أن أقول بواجبي على أكمل وجه؟!؟

wow

محمد الأمين

ياخ خلينا نغير الخطة كلها لتكون رحلة نيلية بدل ما تركب (اليخت) براك يا حريف ما نركب نحن زاتنا معاك ، بالجد ستكون رحلة غاية فى الجمال ونسوق معانا دومة ونجيب معانا (دلوكة) والداير يمش معانا كلو حبابو ، بايظة بايظة والباقى تمو براك .....

ياخ تعال نفكر فى حاجة زى بشكل جاد ، ما صعب تنفيذها

Quote: ياخ تعال نفكر فى حاجة زى بشكل جاد ، ما صعب تنفيذها

أنا راجياني رحلة بإذن الله ابتداء من الأربعاء المقبل من عجمان إلى الخرطوم.. رحلة استكشافية قد تمهد للرحلة العجيبة.. دعواتك لنا بطريق السلامة.

أسأل الله العلى القدير أن يحفظك فى الحل والترحال

خلاص يا خالتى دومة لقينا ليك حل (الرحلة بقت نيلية)

بس ما عارفين نعمل شنو مع الشلالات

(السودانيين عوارضهم كتيرة)

..
.

Quote: من الخرطوم إلى دنقلا ، حتى يتاح لى الإستمتاع بأكبر قدر ممكن من شمال السودان الحبيب ،

قرقر قرقر قرقر
فى الشهرين ديل !!؟
والله بلا عنصرية انصحك تخليها من الخرطوم للابيض
لنيالا - لكسلا خضرة وجمال وخريف وامطار
وناس زى الأناناس
والله انا مشيت المشوار دا قبل شهر قربت اقول للسواق وباقي التيم
احسن نرجع نجى دنقلا بالطيارة ..
كتاحه وعطش ,

Quote: سأتابع مجرى النيل تفاديا للعطش

والله طلعت حنكوش وفعلا محتاج لرحلة إستكشافية
مجرى نيل شنو تتابعو والله تنبرش ما تلقي البجركـ من الغرق
وكن تابعت الزلط .. العطش بكتلكـ
يأخى انتو تعبانين بشكل ..
فى البورد تجننو وفى الواقع تحننوا

نصيحتى ليكـ .. بلاش ؛

..
.

Quote: وكت بقت بالكرعين غايتو حبوبتك دومه الا تشوف ليها عربيه دفع رباعي وتكون مكندشه بنباريكم نكون شايليين المؤون والمويه والاسعافات الاوليه

هههههههههههههه
ياخى مبالغة يا والدة يادومه
فعلاً محتاجين فو ويل درايف
ومسالة المؤون والموية والأسعافات الاولية دى اهم شئ
الناس ديل العطش كاتلهم .. عديل والموية من النيل وللمعدة
قلنا انحنا غرابة عطشانين يعينونا بمويه البحر لقنا يا عبد المعين عايزنكـ تعان
قلنا فى سكتهم يعلمونا اكل السمكـ لقنا العندهم دا شئ تانى
والله السمكـ اكلناهو الا فى مدنى
اديهم الملوحة ولا شنو ما عارف .. المهم شوية صير مع خرطمية دودة كدا مسبكة
وكيلة بلح ..
بالله يا هشام ما تزعل
لكن بالجد الشمالية دى حالتها صعبة
انا غايتو ما عارف لكن مفترض يشيلو السلاح
ويهاجمو اخوانهم الفي المنشية والرياض وغاردن سيتى
زقوهم المقلب ..

تبلدينا

كلامك صاح

قرقرقرقرقرقرقرقر

(جنك قرقرة)

أسمع عشان الجماعة ما يزعلوا تعال نبلبص ليهم بالغنية دى:

بالله مش كدا يا تبلدينا وبرضو ناس بشاشا وجماعته الما بقدر اجيب اسمهم فاتحين علينا نار

يازول خلينا نتفق على التفاصيل: من الآن الأكل قراصة.. رحلة فيها فول أنا ما ماشيها.. والقراصة إذا ما كانت مملحة بالكافيار ما حتنفع في الفطور!

خيار من إتنين

تجى تسطح معاى هنا

ذاكرة من البوم صور

فى قطر

....
....

او تركب امواج النيل

الشوق والريد

....
....
هشام إزيك

وكلا الخيارين ما فى أحلى من (سيدهم) ، أيفتى والملك معنا؟

تحياتى يا ملك شغلك نضيف وحببتنا بجد لعطبرة وضواحيها ، بتعرف الداخلة؟ (شفت هواها حلو كيف؟)

أنا عايز أمشى الداخلة

محمد الأمين موسى

إنت قلت رحلة فى (يخت) ، تجى تطبزها تقول لى (قراصة) دى كيف دى؟

قراصة بالكافيار وليست كأي قراصة..

وحات الله لو بقت كافيار بالقراصة

ياها زاتها القراصة الما بتغبانى

دى قال ليك بتدسه؟