تَمَضُورَخْتِى

تَمَضُورَخْتِى

هاكِ السلام منى
فى َبكان أمين خُتى
وقولى لى سيرين
الخال شقيق أختى
مشتاق كتير للبت
وين رُحتى وين فُتى
حتى الصغار فى البال
وحلاتو ساريتى
وأخوانك البى هناك
يا حليلا عشّوشتى
وأبوهم إسماعين
نسيبى راجل أختى
أكبر محامية زمان
خلاكى هاجرتى
والعبقرى تبارك
المنو فلسفتى
بالله كيف مقداد؟
بهديه صلواتى
وكل العملتو زمان
مع كل حسناتى
لأنو بستاهل
والله يا أختى
الزول كريم كرمن
فاقت مقاساتى
الفارس المقدام
ليهم تحياتى
وأسبانيا فيها أناس
من خيرة إخواتى
هم زى قميص يوسف
بحيوك ِكِن شميتى
الأبلج الوافر
الفنو هذبتى
من نوع كلامك داك
بأصولو كمّلتى
عارفك خطيرة شديد
ناحتة الحروف نَحَتى
وبتدى من قلبك
إيثار تعودتِى
ما إنتى بت همرور
والتاية حبوبتى
يا حليلو شيخ الدين
يوم إنتى كلمتى
كل الكلام الزين
الليهُ ما خُنتى
يا حافظة عهد الريد
وبقيتى زى بتى
يا أختنا أميمة
يا قطعة من كبدى
يا مناضلة يا واعية
يا أجمل أخواتى
برسل سلامى اليك
ينجيكى ويغتى
ويحفظك مولاك
فى كل دعواتى
رشا يا كحيل مشتاق
أسمع كمان سيدى
يا أم علوية
يا أمنا الفُتّى
الصادق يسأل فيك
يا أمى كيف مُتّى؟
الشمل إتفرزع
الإنتى لَمّيتى
أبوعبيدة فى جدة
طاريكى يوماتى
ثابت مشى ماليزيا
ولدك قصى سبتى
همرور أبوكى رجل
بحلفبو وحياتى
قائم بأمر البيت
الإنتى خليتى
وبنات حفيظ كبرن
يا أمى وين إتّى؟
قضروف سعد بعدك
راسها مُطّاطى
زعلانة من فرقك
بى صريفها وقطاطى
بتبكى بالمطرة
مع كل حسراتى
ناس كشة والأكراد
يا حليلا صومعتى
امى الحنينة شديد
الجابت أخواتى
وكل الكلام يازول
بهديه تمضورتى

إنتو حلوين شديد

إنت و اخوانك و اخواتك
و اولادكم و حبانكم،،
لا حولا كلامك من المدفففق حب عجيب،،

مودة لجميعكم و اماني بدوام المحبة،،

إنتو حلوين شديد

إنت و اخوانك و اخواتك
و اولادكم و حبانكم،،
لا حولا كلامك من المدفففق حب عجيب،،

مودة لجميعكم و اماني بدوام المحبة،،

dear hisham
we are all here very proud of tamadir
she is one of the icons of females in the sudan
we all love her
we all respect here
and i will just add
you are a lucky man to have a sister like ustazah tamadir
god bless you both
ya zool ya raghee
mustafa

الأخ هشام....كم أنا معجب بعلاقتك بتماضر....فأنت تكن لها حبآ وإحترامآ عميقين....هكذا يجب أن تكون العلاقة بين الأخوة...وتماضر تستاهل كل هذا الحب والإحترام...فلقد عرفناها في هذا المنتدي مناضلة جسورة...تكافح وتنافح من أجل أهلنا المستضعفين في الأرض...لا تلين لها قناة ولا تخشي في قول الحق لومة لائم....حفظكما الله لبعضكم البعض ولأهليكم وللسودان أجمع...مودتي وتقديري

هشام
تسلم ليها وتسلم ليك00

هشوم اخويا حنين

اهديك تحياتى

و كلامك المنظوم

دفق دميعاتى

ساعة فراق طالت

ساعة لقاك ياتى؟

طارين زمنا الفات

زمن امى بتهاتى

ياتو المرق ماجة

من دون وليداتى

ياتو القعد قيل ..

ونس بنياتى

حاضنانا ما حاسين

حاضنانا يوماتى

يا قهوتا المستك

يا ضلها الشاتى

ياسنها البيضا

و جاراتها اللاتى

يا خسفة الشمسى

من فجرها الآتى

ملكتنا وانختفت

من عرشها العاتى

خلت ديارا خراب

خرجت ولم تاتى




اما الجميل الزان

بى اسمه ام درمان

شاهدته فى غفلة

وابصرته فى الاعيان

ماهو القفل بابو

من نقرة الجيعان

ماهو الكرب هدمو

كان جاهو زول عريان

ماهو الطبل قلبو

من طلة الحبان

عارف كلام ربه ..

من صيحة الاذان

لى عن حقوق الغير

لى رقة الفنان

ياهشام حبيب الضيق

ديل هم سندنا زمان

اتفرتق المغزول

واتهدم البنيان

ياحليلها لمتنا

ياحليل سندنا الكان


خلينا نبقى النور

البعكس انوارم

خلينا نبقى الماء

البغسل اوزارم


خلينا نبقى قراب

..ونعمرا ديارم

خلينا نبقاهم ..

لى كل زول زارم

خلينا نبقاهم ..

لى كل زول دارم

اولادنا يبقوا بخات

ياربى يبقوا بخات

وتضوى اقمارم

يفتخروا بينا كمان

زى مافخرنالم

يا من إستوى عرشه على الماء
يارحمن
يارحيم
ياحنان
يامنان
ياودوود
احفظ من كل هم
ومن كل غم
ومن كل حاسد
ومن كل بغران
ومن كل جاهل
أولاد شيخ الدين
الجميلين الحونااااااااااااااااااااان[/purple]

محمد سنى دفع الله

آمين

تسلم يا جميل

وإنت كمان تسلم يا فتحى الصديق

راشد الحاج

شكرا جزيلا وكتر خيرك ، ورمضان كريم يعود عليك بالخير والبركة

تسلم

Thank u very much brother Dr. Mustafa

سوميتا مشكورة
فى كل كلام قلتى

ربنا يحفظكم ويخليكم للبعض يا رب
انشاءالله تتلاقو قريب في لمةخير ومناسبة حلوة

شكرا جزيلا سارة حمزة على دعواتك الطيبات

ربنا يقبل

.
مـــا أروعكما

ده كلام غريب جدا..!!!


الله يجمع الأخوان والأخوات والأمات.


ليكم تحياتي

تسلم يا عصام

حاتم أبراهيم

وأنت كذلك ما أروعك

Quote: ياربى يبقوا بخات

آمييييييييييييييين

وإنت يا عبدالمطلب إن شاء الله بخيت وسعيد

Quote: والعبقرى تبارك المنو فلسفتى

هشام & تماضر
اجمل التحايا لعموم آل شيخ الدين

ودمتم

الحال العلي ياهشوم أخوي
بحكيه وأقول وافتي
أغزل بنول الشوق
أضمضم وألم وافتي
في اللينة والشاشوق
توب الحنين افتي
شمات نفس عشروق
في خيطانه كرافتي

يا حنين ياخوي ياحنينة ياختي

هشام
ود شيخ الدين
صاحب الخلواتى..
الليلة بقيت شاعر
وكتبت قافاياتى.
بالله شوف الاسرة
اولاد وبناتى..
حب واحترام
زائد هيجتو
انفعالاتى...
كانو عائشين
سوا داخل بيت
وغرفاتى..
وابوهم شيخ
الدين الاول
المعلماتى..
دين وشعر وفن
وما ضيع الصلواتى
البلد كانت جميلة
لا اهـ ولا آآهاتى..
انصار وختمية
ومعاهم منظراتى..
قام المنظر تمدد
صاحب المعجزاتى..
تلملم حولو اتباع
شباب وشاباتى..
وكونو لينا حزب
يورم الكبداتى..
لما البلدانتفضت
وحكمنا ديمقراطى..
شيخهم قام سقط
فى دوائر الصحافاتى..
جابو انقلاب الشؤم
بنادق ودباباتى...
سيطرو على كل المناصب
من غير مؤهلاتى...
حتى الدواب تعبت
من فعالهم النكرات...
البلد بقت طاردة
ومافيش خيارات
من هنا بداء العذاب
فرقة وهجراتى...
مصر,امريكا , كندا
سعودية واماراتى...
سنوات ظلم عجاف
جففت الورقاتى..
عشنا فى غربة
مع جميع الكمالاتى..
هشام عاودو الحنين
للعمة الخالات..
عاوز يجلس معاهن
فى ضل الشديرات..
وطمطم ترمى الجواز
لا سفر لا سفاراتى...

وانا ارجع تانى
للترعة والحواشاتى..
وازرع واحلب فى
البقر والمعيزاتى...
الرواى ابقوتة
العفين..من غرفة
السرفراتى..
قبل رمضان بيومين
مع البركة والدعواتى..

رائع كما عودتنا دائما يا ابقوتة

تسلم

وبهذه الكلمات تكون أنت الأحن يا مسافر

تحياتى

عرفت سر الفلسفة وين يا عمر؟؟؟؟

بقيت فنان بحق وحقيقة يا بدرالدين شنا يا حلو

عيال شيخ الدين ..... سلامٌ عليكم فى الأولين والآخرين
وحقاً : الصمتُ فى حرم الجمال جمالُ

عليكم السلام حبيبنا أبوبكر

وتشكر على الكلمات الجميلة

صورة واقعية لعائلة سودانية فعل بها الزمن ما فعل
شكراً جزيلاً هشام

What a wonderful post

Love is floating every where

Best to Hisham, Tumadr , Rasha, and the whole family

Ghada

up

راجع ليكم

usatz hisham

كل عام وانت بخير

ربي يصومك ويفطرك علي خير

ربي يجعلنا من عتقاء هذا الشهر الكريم المبارك
i hope next year we are all celebrating the end of the ingaz mafia gang dictatorship
dr mustafa

وأنت بألف خير يا دكتور مصطفى

أدام الله عليكم نعمة المحبة

وكل عام وأنتم بألف خير


ورمضان كريم


فاروق

ربنا يسعدكم و يهنيكم
و يفرحكم بي بعض و يديمها عليكم سعاده




هشام
تغلبها يالمال و تغلبكـ بالعيال
زواج مباركـ إنشاء الله

.

Quote: يا من إستوى عرشه على الماء يارحمن يارحيم ياحنان يامنان ياودوود احفظ من كل هم ومن كل غم ومن كل حاسد ومن كل بغران ومن كل جاهل أولاد شيخ الدين الجميلين الحونااااااااااااااااااااان

منتظرنك ياعم هشام

اللذيذ خدر

اقول ليك أختى تقول لى زواج مبارك

إنت جنيت؟؟؟؟

شكرا يا فاروق وكل عام وأنتم بخير

غادة عبدالعزيز

اشكرك من كل قلبى

صدقت يا عادل فضل المولى والشكر ليك كمان

تحياتى

وكل الكلام يازول
بهديه تمضورتى


ابناء الاستاذ شيخ الدين يارائعين
مقبولة منكم رمضانيات للكل

و كل عام و انتم بخير

ياليت لنا مثلما أوتي الشيخدينيون

أنهم لذوي قلب واحد حنين

الاعزاء

هشام وتماضر

رمضان كريم

وبركة الشهر المبارك يزيد محبتكم ويديم رمحته بيناتكم

ويغطي عليكم وعلى وليداتكم

وينصركم فيهم دنيا وآخره.

ابكيتموني في هذا الصباح الجميل

لروعة ما بينكم من اخوة وتفاهم.

ربنا يحفظكم ويمتعكم بالصحه.

ويا هشام زي وصيتك لي تماضر في عيونا.

تراجي.

كل عام و انت بخير يا هشام

و الاهل طيبيبن

أتمني ان تكون بخير يا صديقي ..


كل سنة وانتي طيبة يا ( تَمَضُورَ )

ياهشوم اخوى مالك قطعت الحومة

مشتهيين خباراتك شمارا وتوما

رمضان الكريم ايامو تمت صوما

والعيد هلّ فى واشنطنا وخرطوما

وات ما جيت "خبارك؟"يا عديم اللومه

ان شاء الله الكريم ما كنت بس محموما

وان شا الله العيال طيبين وآخر نومة

وان شالله المصاريف ما بقت معدومة

وان شا الله المزاج رايق وما مزحوما

يابركة قبايلو الباشة فى كل يوما

تضحك وتنبسط خيراتو ليك بالكوما

ومسعاك يالهميم .. بحرا تعوم فيو عوما

وذريتك موفقة فى القسم وعلوما

و(دريتك) مكملة فى الخلق ، فى قوما

ياود الكرام ..حبيبنا يا هشومه

من الاشياء الجميلة في البورد ده - مع صورة الجندرية - المحبة المنداحة بين تماضر وهشام اخوها..


الاسامي التي يتمتع بها ال شيخ الدين جميلة ومنجورة بي عناية..
همرور..
الوافر..
تبارك..
تماضر..

الله يديم مودتكم..
ويخلي القلوب عامرة محبة..

Quote: هشوم اخويا حنين اهديك تحياتى و كلامك المنظوم دفق دميعاتى ساعة فراق طالت ساعة لقاك ياتى؟ طارين زمنا الفات زمن امى بتهاتى ياتو المرق ماجة من دون وليداتى ياتو القعد قيل .. ونس بنياتى حاضنانا ما حاسين حاضنانا يوماتى يا قهوتا المستك يا ضلها الشاتى ياسنها البيضا و جاراتها اللاتى يا خسفة الشمسى من فجرها الآتى ملكتنا وانختفت من عرشها العاتى خلت ديارا خراب خرجت ولم تاتى اما الجميل الزان بى اسمه ام درمان شاهدته فى غفلة وابصرته فى الاعيان ماهو القفل بابو من نقرة الجيعان ماهو الكرب هدمو كان جاهو زول عريان ماهو الطبل قلبو من طلة الحبان عارف كلام ربه .. من صيحة الاذان لى عن حقوق الغير لى رقة الفنان ياهشام حبيب الضيق ديل هم سندنا زمان اتفرتق المغزول واتهدم البنيان ياحليلها لمتنا ياحليل سندنا الكان خلينا نبقى النور البعكس انوارم خلينا نبقى الماء البغسل اوزارم خلينا نبقى قراب ..ونعمرا ديارم خلينا نبقاهم .. لى كل زول زارم خلينا نبقاهم .. لى كل زول دارم اولادنا يبقوا بخات ياربى يبقوا بخات وتضوى اقمارم يفتخروا بينا كمان زى مافخرنالم 20-09-2006, 03:57 م محمد سنى دفع الله وانا زاتي مع أخوي السني . يا من إستوى عرشه على الماء يارحمن يارحيم ياحنان يامنان ياودوود احفظ من كل هم ومن كل غم ومن كل حاسد ومن كل بغران ومن كل جاهل أولاد شيخ الدين الجميلين الحونااااااااااااااااااااان 06:19

خد كمان يا دكين:

المقداد
المنتظر
نبراس
الثنائى سيرين سارية
أبوعبيدة


ومن أسماء الوالد عليه الرحمة التى أهداها للأهل والجيران التوائم البنات (الشويدن والخشيف) وهى من كلمات حقيبة الفن

وغيره وغيره

تماضر راجع ليك بى شغل نضيف بس زحمة العمل حاصلة وراجع كذلك لجميع الأحباب فى هذا الدار

تحياتى للجميع

اريتوا حال اولادي اسيل واحمد(العضة ست الروضة)

هشام وتماضر..

جرّيتوا دموعنا والله..

تمنياتي ليكم ولاسرتكم الصغيره والممتده بالتوفيق والسعاده...

والرحمه لوالديكم..

هشـام ... تماضر
كل عام وأنتو بخير

تمضورختى
سامحينى على خطرفتى
إنتى أبوى ما أوفيتى
وكل ما قلتى ولخصتى
قليل فى حقو يا أختى
كان العالم والمفتى
كان بيصيب وما بيختى
كان أستاذ عادل مفتى
كان ما بشيل بس كان يعطى
ها أنذا طالع بختى
أهتف أقول تمضورختى
ما بتقبل قول متغتى
يا حلاتك يا كابيتل (تى)
يا فاهمة كل خطرفتى
ماشة أمام ما إتلفتى
عملك يوم ما كلفتى
وأصلو عدوك كا صاحبتى
يخزأ عدوك ، دوسى وفوتى
يا قابعة فى نص كبدى
يا أكبر كل أخواتى
أحب الفن الحتحتى
والمسرح يوم فى طلعتى
كولن باول كلمتى
مسلسل دارفور وريتى
يوم ولدوك جيدن جيتى
عمّة نبراس دكتورتى
صاحبة مريم بت خالتى
أستاذة جيل رهيب عاتى
ما اتخلعت يوم من بعاتى
ما ضيعت الساعاتى
ما خلفت يوم ميعادى
ما سكتت وقالت ، عادى
وكل ما أزيد من خطرفتى
أفرح أقول
تمضورختى

بنات واولاد شيخ الدين.. احبكم كلكم. الله يحفظكم ويجمع شملكم، وشملنا جميعأً
حيث نرضى ونسعد.

ونحن بنحبك كمان يا تراث

تسلم