مصطفى عثمان إسماعيل - ما أروعك من مايسترو للدبلوماسية السودانية

هذا الفتى الهمام ممتلىء بحب السودان ، ولا شىء غير السودان ، حمل هموم الوطن ، ففكر وقابل وحاور وناقش وبلور وعالج كل المسائل المتعلقة بالوطن فى تفانى وإخلاص ومع كل الجهات المختصة ، وعكس الوجه المشرق للدبلوماسى السودانى الناجح بكل المعايير

لم تخلو حياته من بعض الطُرف التى كان يقصها هو بنفسه لبعض المقربين منه ، وقد سمعت البارحة هذه الطُرفة من شخص موثوق به وقررت اليوم ان أقصها إليكم بكل حذافيرها ،

قال الوزير الهمام ، أنه كان فى أحد الأيام فى غاية المشغولية ، حيث قضى يوم عمل شاق ، وبينا كان فى مكتبه يتأهب للعودة للمنزل إذا بالرئيس البشير يتصل عليه ويخبره بضرورة مرافقة نائبه المرحوم الزبير والسفر للقاهرة لمقابلة الرئيس المصرى حسنى مبارك ، والعودة فى نفس اليوم ، كانت العلاقات المصرية السودانية تشهد وقتها توتراً كبيراً ، ولم يكن هنالك من داع لبقائهم سوى لهذه المقابلة الهامة والعودة مباشرة للخرطوم

قال مصطفى ، نظراً لضيق الوقت ولإستعجال المهمة فقد قرر الذهاب مباشرة إلى المطار واللقاء بالزبير ، وحيث أنهم سيتجهون مباشرة من مطار القاهرة للقصر الرئاسى ، والعودة مباشرة لمطار القاهرة ومن ثم مطار الخرطوم ، فإنه لا داعى بتاتاً تجهيز أى ملابس أو غيار ، فسيذهب بملابسه التى كان يرتديها بدلة كاملة الأناقة كاناقة صاحبها

وبالفعل ذهب إلى المطار وإلتقى الزبير وإستقلا الطائرة الخاصة المتوجهة للقاهرة ، وهو يحمل شنطة دبلوماسية فيها الأوراق الخاصة بالمهمة المسافرين من أجلها ، وأحد الأهداف هو علاج الفتور القائم بين مصر والسودان ، وكانت رحلة سهلة ميسرة ميسورة ، ولما إقتربت الطائرة من مطار القاهرة ، كان بالطبع من المفروض أن تقابلهم السيارة للتوجه بهم مباشرة إلى القصر الرئاسى ، وكان لا بد أن يتأهبوا لهذه الخطوة الهامة ، فما كان من الزبير إلا أن طلب فنجان قهوة تركى ليعدل دماغه ، والطائرة قد إقتربت كثيراً من المطار حتى ظهرت أنوار القاهرة كاملة ، فجاء المضيف بالقهوة على وجه السرعة تلبية لطلب نائب الرئيس ، وكان مصطفى يجلس إلى جواره ، فوصل المضيف للزبير وكان بينه وبين الزبير يجلس مصطفى ، وأراد أن يناول الزبير القهوة ، وكان الزبير عليه الرحمة يرتدى زيه السودانى الجميل ، وأراد فى تلك اللحظة إصلاح عمامته ، فرفع يده عالياً ممسكا بطرف العمة ، فما كان منه إلا أن إرتطمت يده بالصينية ، وإندلق فنجان القهوة بكامله على بدلة سعادة الوزير

يا الله ، هاهو مطار القاهرة بايناً للعيان ، والقهوة ملت الوزير وإندلقت فى كامل هندامه ، ولا يوجد لديه أى غيار آخر ولا ملابس ولا يحزنون

قال مصطفى ، الدهشة عقدت لسانى ، فصرت أنظر للمضيف ولا أستطيع أن أنطق بكلمة ، والزبير يشاهد الموقف المحزن الذى أنا فيه ، ولما طالت نظرتى للمضيف ، وإنقاذاً للموقف ، قال الزبير بصوت عالى ، ما تعاين للزول ده ، الدفق القهوة أنا ما هو ، أنا أنا أنا



فانتبه مصطفى للموقف ، وهنا كان كل الطاقم يحاول معالجة هذا الموقف المحرج ، وبعد جهد جهيد إستطاعوا إزالة كل آثار القهوة من على ملابس الوزير وفى صعوبة بالغة وزمن قصير وحرج

نزل نائب الرئيس والوزير مطار القاهرة وإستقبلتهم سيارة المراسم وتوجهت بهم نحو قصر الرئاسة لمقابلة الرئيس ، وكان هنالك بعض بلل على الملابس لم يلاحظه المستقبلين ، وترك الوزير شباك السيارة مفتوحاً ليضرب الهواء الملابس فتجف ، وبالفعل جفت الملابس وصارت كأنها لا قهوة دلقت فيها ولا غسلت بماء ، والوزير يشدها بيديه لتبدو وكأنها مكوية

قال محدثى ، كان الإستقبال حميميا ، حيث باشرهم حسنى مبارك بقوله ، معؤلة يا زبير ما تتصلوش بينا كل المدا دى؟ فقال الزبير مشيراً إلى مصطفى ، أسأل ديل ، فقام مصطفى بدبلوماسيته المعهودة وإمتص كل السلبيات وكان لقاء ناجحاً بكل المقاييس ، كان له الدور الأكبر فى عودة العلاقات بين البلدين الشقيقين الى مجاريها ، والتفت الزبير فى حين كان حسنى يتحدث إلى أحد مساعديه وقال لمصطفى والله نفسى يا مصطفى لو نقعد لينا إسبوع كده نريح شوية فى الإسكندرية ، فحذره مصطفى تحذيرا شديداً قائلا لا يا زبير الوضع لا يحتمل مثل هذا التصرف نحن يادوب بنرجع المسائل لطبيعتها ،

وعندما عاد حسنى للحديث مع الزبير ، قال له يا زبير إنت عارف مصر والسودان حاجة واحدة ، فقال له الزبير ، والله يا ريس لسع بقول لمصطفى يا ريت لو نقعد إسبوع نريح فى الإسكندرية ، وهنا اشار حسنى لجماعته مباشرة ، أن جهزوا القصر الرئاسى فى الإسكندرية

فالتفت الزبير إلى مصطفى وهو يعلم أن مصطفى لا يحمل معه ملابس وقال له

ما يهمك يا مصطفى بحل ليك مشكلتك



وقد كان أن أقاموا أسبوعا جميلا فى ضيافة الحكومة المصرية وعادت العلاقات بين البلدين إلى سابق عهدها بل أكثر جمالا بعدما أوقد شعلتها ذلك المتوهج الإنسان الجميل مصطفى عثمان إسماعيل مايسترو الدبلوماسية السودانية

اخوي هشام
مش هو نفسه الشخص اللي لما كان وزير الخارجية

وبعد تسليم كل ملفات الارهاب للادارة الامريكية صرح في الصحف انهم الان اصبحوا عين واضان لامريكا في القرن الافريقي

اتمنى اكون غلطان عشان صاحبك المستشار صورته ما تتهز

أخوى دكتور محمد حسن

لم أقرأ هذا التصريح ، وهو لا يشبه سيرة الرجل العطرة



أنا كمان أتمنى أنك تكون غلطان ، عشان وزارة الخارجية ما جابت زى مصطفى منذ الإستعمار ، اللهم إلا النهضة التى قام بها منصور خالد فى فترة توليه الخارجية أبان عهد النميرى فالحق يقال منصور غير الكثير فى الدبلوماسية السودانية وترك بصمات فى الخارجية، وبعدها مصطفى عثمان إسماعيل ، وكمان وزير خارجيتنا الحالى لام أكول ، رائع بكل المقاييس

تحياتى

الاخ هشام

لك ان تحب الرجل

ولكن كل من مر بتاريخ السودان الحديث يعلم
ان اهرامات الخارجية السودنية الثلاثة هم

رحمه الله محمد احمد محجوب

رحمه الله جمال محمد احمد

متعه الله بالعافية د. منصور خالد

ولك مودتي

تخريمة

اخوانا المصريين عنهم مثل بيقول ايش جاب لي جاب

د. محمد حسن

إحترامى لإهرامات الخارجية السودانية الذين ذكرتهم غير محدود ، كمان يا دكتور الشريعة عليها بالظاهر ، أنا من ظاهر الأمور شايف الراجل كويس



تحياتى ومتعك الله بالعافية

يا هشام شيخ الدين

نازل السودان قريب و لا شنو

خالد عبدالله محمود

لووووووووووووووووووووووووووووووووووول



والله يا خالد أنا معجب غاية الإعجاب بهذا الفتى الهمام ، رغم أنى حزب أمة ، لكن إلتقينا فى حب السودان وكفى

Quote: والله يا خالد أنا معجب غاية الإعجاب بهذا الفتى الهمام ، رغم أنى حزب أمة ، لكن إلتقينا فى حب السودان وكفى

Your admiration could be subjective rather than objective.

تاج الدين عبدالله آدم

yes I agree , it could be that way

Quote: وقد كان أن أقاموا أسبوعا جميلا فى ضيافة الحكومة المصرية وعادت العلاقات بين البلدين إلى سابق عهدها

و عاشوا في تبات و نبات و خلفوا صبيان وبنات
و هنا ادرك شهرزاد الصباح فسكتت عن الكلام المباح



من كتاب قصص ما قبل النوم للأطفال دون الثالثة

محمد البشرى خضر

كتر خيرك

هذه ثانى مرة تدخل أحد بوستاتى (متتريقاً)

يا سيدى لو ما عاجبك أسلوبى وتحس بأنها للأطفال

ببساطة ، لا تدخلها

Quote: هذه ثانى مرة تدخل أحد بوستاتى (متتريقاً)

متين كانت أول مرة؟

إنت زعلت يا دكتور
تحب أعتذر ليك في بوست منفصل ولا مع الجماعة

الأخ محمد البشرى الخضر

لا يا أخى ، فأنا لا أحتاج منك إعتذار ، هذا منبر ديمقراطى يمكنك أن تقول فيه ما تشاء ، كما أنه يمكنك أن تختار أن تقرأ ما تشاء فإذا كانت مواضيعى الطفولية لا تعجبك فكل ما قلته ومصر على قوله ببساطة لا تدخلها ، هنالك مئات المواضيع التى يمكن أن تجد فيها ضالتك

مع وافر تحياتى وتقديرى

أخوك هشام

Quote: هذا منبر ديمقراطى يمكنك أن تقول فيه ما تشاء

و تِيب؟

دي نقلة كبيرة يا هشام وتطبيع اكبر بس بس اوع يكون غريبة عندو دخل هنا

ولا تكون إتجاهات حزبية جديدة..

المهم القصة أجمل ما فيها روح الحدوتة..

خالص الود..

مجاهد عبدالله

أشكرك للمشاركة ، وبعدين ليس لما أكتب هنا علاقة بالمؤتمر الوطنى أو صلاح غريبة أو أى شىء من هذا القبيل

هذا رأى شخصى جداً فى زول حبيتو كتير

علما بأنى حزب أمة

هشام شيخ الدين. يا عزيز,
أها الليلة سايق على وين كمان!?.
القصة زى بتاعت هذا ولد الولد ولد البلد.......

بصراحة جيت تكحلها فعميتها عمى الضر!!.
طلعت الناس ديل مش (مسائيل)بل (صعاليك).

زيارة عاجلة والوزير آخر من يعلم والمفروض يجوا نفس اليوم يقدوها اسبوع فى الرمل ومحطة مصر تسكعا.

بعد دا كلوا فتى همام !!!.

أبوالقاسم ابراهيم الحاج

ياخ بالله عليك أعد قراءة المقال



عايز تطبزها زى ما طبزتها مع دكتور نزار؟

اها الرحله المكوكيه دي كانت قبل ام بعد
احتلال حلايب ؟؟؟
ليهم حق يتجدعوا ا في مصايف اسكندريه وحلايب مصريه ومن وزمان السد العالي اغرق الاراضي النوبيه . قال دبلوماسيين قا ل انا افضل ان نطلق عليهم لقب الرجال البلهاء

doma

ياخ الرجال البلهاء دى مش كتيرة شوية؟؟؟؟



تحياتى

Quote: ياخ بالله عليك أعد قراءة المقال عايز تطبزها زى ما طبزتها مع دكتور نزار؟

العم هشام.
لك التحية;
القصة دى عن الرجلين وخصصت أحدهما بحبك وإعجابك الشديد, ولا غضاضة لى بحبك وإعجابك به.
ولكن القصة التى أوردتها مستصحبا حبك مقرونا بالإعجاب, تقدح فى ملكاته وتظهر مدى عدم مسؤليته وسطحيته وهو يتصدى لمنصب وزير خارجية أكبر دولة إفريقية.

وإعادة قرأة القصة وفك رموزها ودلالات تصرفهما لا يزيد إلا الطين بلة وسخف من يتصدى للمناصب الكبيرة والمسؤليات الجسام عندنا.

ومحاولتك لمقارنة فتاك الهمام هذا بالدكتور منصور خالد ما هو إلا قلة حيلة وتشبيه بلاغى ينقصه البلاغة.

وقولك; عايز تطبز زى ما طبزت مع دكتور سومانيزم.
لم أطبز مع الدكتور الفاضل ولا مع حضرتك, إنما كان إعتذارى لتصحيف نطق لقبه فقط مع الاعتبار انه غير سودانى وفق كلام صديقه عثمان ولم أرجع فى نقدى الذى وجهته له فى مكة وبكة وبقية القصة هناك.

والحق يا عم هشام, أنت لو كنت جادا فى قصة اعجابك به مع ايراد القصة اياها فلا شك مدحته فى مقام الذم أم لو كانت الثانية فقد القمته حجرا.

وشغال تدويرة فى الناس من حيث لا يدرون كالعادة.

مع حبى واحترامى لشخصك.

ابوالقاسم ابراهيم الحاج

ما زلت أحترم رأيك وأقدره

الله يديك العافية

Quote: لم تخلو حياته من بعض الطُرف التى كان يقصها هو بنفسه لبعض المقربين منه ، وقد سمعت البارحة هذه الطُرفة من شخص موثوق به وقررت اليوم ان أقصها إليكم بكل حذافيرها ،

هشام شيخ الدين.

يعني حتى القصة دي لم تسمعها أنت بنفسك.

علشان كده نحنا مشكلتنا في السودان مع الطائفية أكبر من الجبهة الاسلامية.
بعدين ياخ الراجل ده في الخمسينيات وأنتوا لسه بتقولوا عليه الوزير الفتى أو الشاب.
حاجة مقرفة جدا.

دينق.

الثائر دينق


لا لم أسمعها منه بنفسى لأنى لا أعرف الرجل شخصيا

وبعدين أنا ما عارف مشكلتك مع الطائفية شنو حتى تزجها فى هذا البوست

ثم ختاما ، الخمسينات فى حالة مصطفى ، تعدل عندى حالة شباب مقارنة مع أناس كثيرين أعرفهم تهالكوا وشاخو دون الأربعين فالمسألة نسبية فلا تقرف ولا حاجة

وبرضو بشكرك على مشاركتك رغم قساوة لغتك ، فلك فى نفسى مكانة خاصة

وبعدين ياخ ما ياهو لام أكول زاتو زى المنقة

سلام يا زول
لا أعرف الوزير معرفة ( شخصية) لأحكم عن مدى حبه للسودان، وهل كان - ولا زال - يحمل هموم الوطن في تنقلاته جنبا إلى جنب مع (بدلات السفر) أم لا .....الخ
ولكني (أجزم) بأن عودة العلاقات الدبلوماسية الطبيعية مع كثير من دول الجوار
لم تكن لـ ( عبقرية ) مصطفى أسماعيل أي دور فيها...
وأما السبب المباشر
فهو ( تراجــع ) الحكومة 180 درجة عن سياسة( تصدير )أفكارها لدول الجوار والتي كانت تنتهجهها منذ استيلائها على السلطة وحتى تاريخ انقلابها على عقلهاالمدبر ( حسن الترابي) .

تحياتي لك يا زول .. وتحيات لكل سوداني يحمل هموم الوطن .
.

hatim ibrahim

ولك تحياتى وتقديرى وإحترامى لرايك

hatim ibrahim

لا أملك إلا أن أحترم رأيك

تحياتى

Quote: الثائر دينق لا لم أسمعها منه بنفسى لأنى لا أعرف الرجل شخصيا وبعدين أنا ما عارف مشكلتك مع الطائفية شنو حتى تزجها فى هذا البوست ثم ختاما ، الخمسينات فى حالة مصطفى ، تعدل عندى حالة شباب مقارنة مع أناس كثيرين أعرفهم تهالكوا وشاخو دون الأربعين فالمسألة نسبية فلا تقرف ولا حاجة وبرضو بشكرك على مشاركتك رغم قساوة لغتك ، فلك فى نفسى مكانة خاصة وبعدين ياخ ما ياهو لام أكول زاتو زى المنقة

يا زول.

مصطفى عثمان ده حضر الى أمريكا أكثر من مرة ولقد حضرت له محاضرتين, ولقد أخجلني الرجل بأنكليزيته الركيكة التي يصر أن يتحدث بها.
ولقد كان حديثه عبارة عن مغالطات وكذب في كذب ولقد كان منظره مضحك ويدعوا للشفقة. ما هو السبب الذي يدع رجل حزب أمة مثلك بأن يقوم بمدح شخص لا يعرف عنه شئ؟
دي مشكلتي الوحيدة معاك يا هشام.

دينق.

يازول

Quote: مصطفى عثمان إسماعيل - ما أروعك من مايسترو للدبلوماسية السودانية

يا رااجل!!!

طبعا حتقول لي دة رأيك و أي زول ليهو رأيو و,,, ...
طيب عشان ما ندخل في مغالطات ...
تعال نسمع كلام ( ديبلوماسي ) من مايسترو الديبلوماسية السودانية ... بعضمة لسانو ... و نستمع للغته الديبلوماسية ( ما أروعها ) .. و كيف أن كلمة (تناقضات ) و (كضبات) سافرة لا تعني له شيئا ....
هذا تسجيل صوتي ... و ركز في كلمة ( القمل ) ... و كيف أن المذيع عندما زنقه فيها ... كيف كانت ( المخارجة الرائعة ) ..
و كيف أن الأسئلة المباشرة علي الطريقة الأمريكية مثل سؤال المذيع له : هل تسلح الحكومة الجنجويد ؟؟؟ ... أستمعوا الي الديبلوماسي و هو يلف و يدور و ينفي دور الحكومة في التسليح و أن الجنجويد هم من تقاليد و تراث دارفور و السلاح منتشر في دارفور و تستطيع أي مليشيا إمتلاك سلاح ... ليصفعه المذيع بسؤال أشد سفورا: هل هناك مليشيات تملك طائرات حربية و هليكوبترات ؟؟؟!!
و بهت الديبلوماسي ( ما أروعه و هو يتلعثم) ... و جاب سيرة القمل .... و رصعه المذيع للمرة الثالثة : القمل منو في رأيك ؟؟؟
و مرة أخري بهت الديبلوماسي الرائع ... و بدأ يتمتم : أنا لا أقصد ذلك بطريقة سيئة .. بس أنا ..قصدت مثل .. مثل يعني ..
و كان صمت المذيع يعذبه أكثر ليسترسل في غباء لا ديبلوماسي ( ما أروعه ) .

إستمع لمايسترو الديبلوماسية السودانية في هذا اللنك ( إضغط علي كلمة listen ) :
http://www.npr.org/templates/story/story.php?storyId=3936353

.
.

بعدين زولك ده يا زول نحن دايرنوا يقابل اهلنا الدارفوريين ... يقابلهم في المحكمة الجنائية عشان يجاوب عن بعض الأسئلة ... و ليه هذا الديبلوناسي الرائع في أوج الغبادة بدارفور تحدي العالم و قال مافي إبادة و كل الماتوا في دارفور ما اكتر من خمسة ألف ...

.
.

Quote: مصطفى عثمان إسماعيل - ما أروعك من مايسترو للدبلوماسية السودانية

اللهم إنى صائم !!!!!!!!!!!!!!!!

ABDELMAGID ABDELMAGID

ربنا يقبل

Mohamed Suleiman

التحية والتقدير لأهلنا فى دارفور

كنت أتمنى لو أستطيع سماع الرابط ، ويبدو أنى أعانى مشكلة فنية فى جهازى

بعدين تصريحه بتاع الخمسة ألف ايضا لم اسمعه إلا عبر هذا المنبر

يا محمد سليمان

لم أكتب بمنظور سياسى بقدر ما كان هذا رأى شخصى حول شخصية الرجل والتى أفلح النظام فى وضعها فى المكان المناسب مقارنة مع مسئولين آخرين فى مواقع أخرى

على العموم إحترامى غير محدود لرأيك حول الرجل

تحياتى

أخوك هشام

الاخ الزول

لاول مرة ادخل واشاركك الحوار

اختلاف الرأى لا يفسد للود قضية ..

والسودانيين عامة ( لا يعجبهم العجب ولا الصيام فى رجب )

وهذا راى شخصي لك عزيزي فهل اصابع اليد تتشابهة ؟

وفعلا تفاجأت بردود بعض الاخوان ولا ادرى هل هى مشاحنات شخصية

ام مجرد ردود وهمية ؟؟

والله من وراء القصد ..

ليست لدينا ( مسألة شخصية) مع مايسترو الديبلوماسية السودانية .. و لكن بيننا و بينه حساب .. دماء لأبرياء بدارفور .
و لكننا ننصح الزول و عيدروس بقراءة التاريخ ..
و بالذات تاريخ روبينتروب ... وزير خارجية ألمانيا النازية و ماذا جري له ..
الديبلوماسي المايسترو إستخدم كل ( روعته ) في المشاركة في إبادة أهلنا بدارفور ...
نحن سوف لن نتركه هو شخصيا لأنه كان المتستر الفاعل علي جرائم حكومته بدارفور ...
و هنا مثال لبعض نشاطه المشين المجرم :

في النصف الأول من عام 2004 فاضت قنوات التلفزيون و الأجهزة الإعلامية العالمية و المنظمات الحقوقية و الإنسانية و الأمم المتحدة و الحكومات الغربية بالحديث عن عمليات إبادة منظمة تدور في إقليم دارفور . حكومة السودان و معها شرطائها من الجنجويد يقومون بعمليات قتل جماعي و حرق للقري و تشريد للسكان من قبائل غير عربية .

في يوم 6 أغسطس 2004 تلقت قوات الخفيف المخيف الحكومية أوامر بإزالة قبور جماعية و تدمير الجثث حتي لا تكون دليلا علي إرتكاب الجنجويد و الحكومة جرائم الإبادة بدارفور .
و قامت قوات الخفيف المخيف بالمهمة و بحماس بالغ ( و انها لا تعرف المستحيل ) :

Quote: السيد رئيس شعبة الاستخبارات والامن ، السلام عليكم ورحمة الله وبركاته بالاشارة لاشارتكم بالنمرة بالكود (سرى للغاية ) بتاريخ 6/8/2004م الخاص بازالة عدد 9 موقع يوجد فيها مقابر جماعية بولايات دارفور وقتل كل من يشكل خطورة فى مثل هذه المعلومات او يمكن تقديم شهادة للجان الوافدة من الامم المتحدة او الاتحاد الاوربى او الاتحاد الافريقى ، للتحقيق حول هذه المقابر الجماعية:

و هنا صورة لما ورد في تلك الإشارة ( النسخة الأصلية موجودة و هي الآن دليل من ضمن أطنان الادلة) :
وثيقة رسمية : من الاستخبارات السودانية

Quote: على اليمين شعار صقر الجديان على اليسار شعار الجمل ختم قوات الخفيف المخيف القوات الخفيف المخيف الاستراتيجية بسم الله الرحمن الرحيم الموضوع / تقرير استخبارى رقم 310 السيد رئيس شعبة الاستخبارات والامن ، السلام عليكم ورحمة الله وبركاته بالاشارة لاشارتكم بالنمرة بالكود (سرى للغاية ) بتاريخ 6/8/2004م الخاص بازالة عدد 9 موقع يوجد فيها مقابر جماعية بولايات دارفور وقتل كل من يشكل خطورة فى مثل هذه المعلومات او يمكن تقديم شهادة للجان الوافدة من الامم المتحدة او الاتحاد الاوربى او الاتحاد الافريقى ، للتحقيق حول هذه المقابر الجماعية: نفيد سيادتكم بان قد تم حفر عدد 8 موقع مقابر جماعية المذكورة فى اشارتكم ما عدا مقبرة واحدة فى وادى صالح ولاية غرب دارفور لم يتمكن الوصول إليه ، علما بان المقابر الذى تم حفرها وترحيلها قد تم حرقها بالكامل بواسطة لجنة من جهاز الامن الوطنى ولجنة من التجمع العربى وامينه العام بولاية شمال دارفور تحت حراسة قواتنا التى لاتعرف المستحيل تحت الشمس اخيرا نرجو من سيادتكم مخاطبة غرفة العمليات العسكرية بتصديق طائرة لنقل المقبرة المذكورة بوادى صالح الذى يضم يمكن 1200 . هذا ما لزم الافادة لسيادتكم ختم قوات الخفيف المخيف الاستراتيجية نقيب / هجاج احمد رابح رئيس شعبة الميدانية لاستخبارات الخفيف المخيف وعضو اليه تنفيذ التجمع العربى معلومية الاستخبارات العسكرية والامن : توجيهات تم حفر المقابر الجماعية بوادى صالح خلال 24 ساعة مع طائرة خاصة من نيالا الى وادى صالح ان يكون فى غاية السرية نرجو وحرقهم لا يضم اختصاص غير العرب ممهور بتوقيع شعبة الاستخبارات

في يوم 10 أغسطس 2004 - أوردت وكالة رويترز تصريحا لوزير خارجية الإنقاذ - أي بعد 4 أيام من صدور الأوامر لهذه القوات ( قوات الإبادة ) و من ثم إبلاغ سادتها بالخرطوم بإكتمال المهمة علي أكمل وجه ..... خرج وزير خارجية الإنقاذ دكتور مصطفي عثمان إسماعيل يتحدي العالم .... و قد أوردت وكالة رويترز و قناة ABC الأمريكية تصريحه التالي :

Quote: Last Update: Tuesday, August 10, 2004. 8:09am (AEST) (ABC) ................................................................. ................................................................... Meanwhile, the Sudanese Government has disputed United Nations figures on the death toll from the ongoing conflict. Foreign Minister Mustafa Osman Ismail says up to 5,000 have died, not 50,000 as estimated by the UN. "Those who say 30,000 and 50,000, we challenge them to bring their names, their families, their tribes, their graves," he said. Mr Ismail said he was pleased that the Arab League and the African Union had both said there was no ethnic cleansing or genocide in Darfur. -- ABC/Reuters

Quote: الترجمة : ( آخر تحديث يوم الخميس 10 أغسطس 2004 ) و في هذا الأثناء طعنت الحكومة السودانية في صحة الأرقام التي أوردتها الأمم المتحدة عن عدد الذين قضوا في النزاع المستمر . و صرح وزير الخارجية مصطفي عثمان إسماعيل أن عدد الذين ماتوا 5000 ( خمسة ألف ) و ليس 50000 ( خمسين ألفا ) كما قدرتها الأمم المتحدة . (( أولئك الذين يقولون ثلاثين ألف أو خمسين ألف نتحداهم أن يأتونا بأسمائهم - عوائله - قبائلهم - قبورهم )) . و قال السيد إسماعيل أنه مسرور لأن الجامعة العربية و الإتحاد الأفريقي كليهما صرحتا أنه لا يوجد تطهير عرقي أو إبادة بدارفور . إنتهت الترجمة .

خلاص ... إعتقدت العصابة العبقرية أنها أرتكبت الجريمة الكاملة The Perfect Crime

الدكتور مصطفي عثمان إسماعيل هو مجرم و متستر علي جرائم ضد الإنسانية بدارفور ...
ربما يكون بطلك الرائع يا زول ...
أما بالنسبة لنا فهو احقر مجرم لانه كان يتفوه بأرقام ضحايا دارفور بالآلاف ... بكل برود و كانه يتحدث حقيقة عن قمل ...
موت شخص واحد تعد كارثة ... هنا هذا الطفل المعجزة يتحدي العالم و بزهو ان من قالوا بدارفور لا يتعدي اخمسة ألف
و كل قرين بالمقارن يقتدي ...






تصريح دكتور مصطفي إسماعيل منشور هنا ( للتأكد ):
http://www.abc.net.au/news/newsitems/200408/s1172630.htm


.
.






.

العم هشام
كما يقول عنة السيد الامام الصادق
لوفى حسنة فى ناس الانقاذ او نظامهم هو مصطفى عثمان ليس الا
قابلت دكتور مصطفى اكثر من مرة هنا فى القاهرة وكذا مرة قابلتة مع السيد مبارك
رجل جدير بالاحترام وجدير بان الناس ان تحترمه
وهذة الرواية التى قصصته فعلا هى رواية حقيقية والى الان تتدوال فى مجلس اهل السياسة المصرية هنا
وكمان حسنى مبارك شاغلو قال ليهو ديل اولاد الشيخ صاح للشهيد الزبير
وهو فى فكرة بان اختلاف الراى لايفسد للود قضية
وكان من اكثر الناس حزننا عندما قررنا الانسحاب من الحكومة
وقالها على الملاء فى برنامج فى الواجهة عندما استضافة احمد البلالا
سائلا له مارايك فى اقالة السيد مبارك الفاضل
قال له هذا قرار رئاسى وحزنت له بان السيد مبارك يعتبر رمز من ناحية العلاقات
وقد عملنا معا خاصة ايام المفاوضات التى جرت بيننا وبين حزب الامة
واذكر مرة من المرات وللتاريخ عندما طلبت مقابلة السيد مبارك اول مرة فى القاهرة
اتى الى وبدون حرس وبدون اى وسائل تامين واستغربت لهذا الرجل الذى افتكرنا نحن بانه شخص تانى رايتة انسان سودانى بسيط
واتمنى من اجهزة حزب الامة ان تتضغط فى طريق المواصلة فى الحكومة ولهم قرارهم النهائى
هذا للتاريخ
اجى الناس حسه يقولو علينا طائفية

Quote: و لكننا ننصح الزول و عيدروس بقراءة التاريخ ..

اتمنى يا استاذ محمد قراءة ما كتبت بتمعن ولا تنصحنى بقراءة التاريخ

فالسودان وكل الساسة ملتخة بدماء الابرياء وما كتبه (الزول) راى شخصي

وكما اسلفت( لا يعجبكم العجب ولا الصيام فى رجب) ..

اذا اين انت من اغتصاب فتيات دارفور من قبل جنود الامم المتحدة ؟؟

(بنغال)

اين انت من طلب رئيس حزب الامه لملايين آل المهدي عندما كان رئيس للوزراء ؟

اين واين ؟؟؟

لا تتحدث عن التاريخ فى زمن عصابات المال وبيع الوهم ومن صنعوا قضية

دارفور ..

محمد عادل

أوافقك الرأى أن مصطفى عثمان إسماعيل جدير بالإحترام ، بس الناس فى ذلك تتباين آراؤهم حسب مواقفهم السياسية ومواقف الرجل نفسه تجاه قضايا الوطن

تسلم

Mohamed Suleiman

شكرا على الرد التفصيلى مدعما بالروابط المؤيدة

لم أكن بحال من الأحوال راغباً فى الخوض فى تفاصيل مشكلة دارفور عبر هذا البوست بقدر ما كنت أرغب فى توضيح ما أحس به نحو الرجل وتعاملت معه كمواطن سودانى عادى

لعل الدبلوماسية تخفى وراءها ما تخفى ، وتلك لها أهلها ودهاقنتها

طيب نحن ناس قريعتى راحت دى نعبر عن مشاعرنا كيف؟؟؟؟



تحياتى أستاذ محمد سليمان

عيدروس حجر

شكرا للمشاركة ، وأنا مثلك تماما لا أدرى إن هى مشاحنات شخصية أو رأى

يا عيدروس ، كل رأى يجب أن يحترم



تحياتى يا أخى

Deng

إذن يا دينق لا مشكلة

إذ أننى أبدى رأيى هنا بالأصالة عن شخصى ، وليس نيابة عن حزب الأمة ، فأنا لست بالمتحدث الرسمى عن الحزب ، بل لعلنى لو رأيت ما رأيت أنت ، وسمعت ما سمعته أنت لعلنى يكون لى نفس رأيك ، بس هذا لم يحدث وظواهر الأمور تحدثنى أن الرجل كما وصفته أنا بالبوست وليس كما يصفه الآخرون

تحياتى يا دينق

مصطفي عثمان أسماعيل
000في عهده وعهد النظام الذي يقف علي قمته أرتبطت البلاد والتطرف والارهاب وحضن المطاريد
000وتم فقدان حلائب والفشقة لدول الاجنبية ولم تفلح الدبلوماسية في أسترداد الاراضي
000000وفي عهده تمت أدانة السودان بمجلس الامن والاتحاد الاوربي والافريقي
000000وفي عهد ه تم التأمر لأغتيال دولة مجاورة
000 وفشل السودان في تولي رئاسة المنظمة الافريقة رغما عن الملائين المهدرة
000وفي عهدهم تم تأييد الغزو الصدامي للكويت
.....نعم أفلح الرجل في الركوع ولعق الاحذية وتسليم ملفات الاصوليين
والذين كانو يعدونهم من الضيوف والمستضعفيين في الارض
000000وأفلح في التنازل عن السيادة والتراب الوطني
وأفلح في تدويل مشاكلنا الداخلية والبصم علي الحلول المستوردة
كنيفاشا وأبوجا
وأفلح في حشد التراب الوطني بالقوات الاجنبية والجو السوداني بالطيران
الاجنبي
.....أي مقارنة عاقلة هذه التي تضع مصطفي عثمان مع أي وزيرخارجية قبل
1989 ?
كنا نمد بجوازنا ولا يرجع والا مختوما من" أجعص" دولة في العالم
ولكن أقترن أسمنا اليوم بالارهاب ودعم الارهاب والتشرد واللجوء
تم ذلك في عهد مصطفي عثمان
......كان سمعة السودان الخارجية مهابة وأسمه مقرون بالاحترام \
كنا مثال للحياد الايجابي والاعتدال وعدم التدخل في.شئون الاخر
وكنا نحن الوسطاء ودارنا هي ما يجمع الفرقاء
........كان السلك الدبلوماسي يعج بأهل الكفاءة والتأهيل والخبرة
وأصبح في عهد أمثال مصطفي يعج بأهل الولاء للتنظيم الحاكم
0000
رحم الله المحجوب وزروق والهندي الحسين كرموز لوجه البلاد و حتي منصور خالد وحي الله زمنا كان دبلوماسيها أمثال محمد المكي وسيد أحمد الحردلو وغيرهم من من طالتهم
مقاصل عهود أمثال مصطفي عثمان......

......أي راكوبة تمدح ياهشام في عز الخريف?????/
كمال

kamalabas

أعجبنى تعبير مدح الراكوبة فى الخريف



التغييرات التى حدثت فى عهد مصطفى لا تنفى عن كون الرجل يعمل جاهدا من أجل تحسين هذه الصورة البشعة التى ذكرتها

يا كمال ، الله غالب

Quote: العم هشام كما يقول عنة السيد الامام الصادق لوفى حسنة فى ناس الانقاذ او نظامهم هو مصطفى عثمان ليس الا قابلت دكتور مصطفى اكثر من مرة هنا فى القاهرة وكذا مرة قابلتة مع السيد مبارك رجل جدير بالاحترام وجدير بان الناس ان تحترمه وهذة الرواية التى قصصته فعلا هى رواية حقيقية والى الان تتدوال فى مجلس اهل السياسة المصرية هنا وكمان حسنى مبارك شاغلو قال ليهو ديل اولاد الشيخ صاح للشهيد الزبير وهو فى فكرة بان اختلاف الراى لايفسد للود قضية وكان من اكثر الناس حزننا عندما قررنا الانسحاب من الحكومة وقالها على الملاء فى برنامج فى الواجهة عندما استضافة احمد البلالا سائلا له مارايك فى اقالة السيد مبارك الفاضل قال له هذا قرار رئاسى وحزنت له بان السيد مبارك يعتبر رمز من ناحية العلاقات وقد عملنا معا خاصة ايام المفاوضات التى جرت بيننا وبين حزب الامة واذكر مرة من المرات وللتاريخ عندما طلبت مقابلة السيد مبارك اول مرة فى القاهرة اتى الى وبدون حرس وبدون اى وسائل تامين واستغربت لهذا الرجل الذى افتكرنا نحن بانه شخص تانى رايتة انسان سودانى بسيط واتمنى من اجهزة حزب الامة ان تتضغط فى طريق المواصلة فى الحكومة ولهم قرارهم النهائى هذا للتاريخ اجى الناس حسه يقولو علينا طائفية

كمان جا محمد عادل (حزب أمة) تم الناقصة وجايب كلام للصادق المهدي وهو يمدح فيه الكوز مصطفى إسماعيل.
هل دي مجرد صدفة أنكم تكونوا التلاتة حزب أمة أم ده رأي الحزب في الزول ده؟
ويلا خلونا نسمع رأي بقية كيزان الحزب ود العمدة و إبراهيم علي . هلشان تتم الناقصة.
قال حزب الامة قال.

دينق.

Quote: وبدوره اعترف وزير الخارجية السوداني مصطفى عثمان إسماعيل بدور للمخابرات السودانية أبعد من حدود بلاده، حين قال إن تلك المخابرات عملت بالفعل كآذان وعيون للمخابرات الأميركية في دول مجاورة من بينها الصومال الذي تعتبره الولايات المتحدة ملاذا لمن تسميهم المتشددين الإسلاميين. وأرجعت لوس أنجلوس تايمز هذا التعاون السوداني إلى رغبة الخرطوم برفع اسم السودان من قائمة الدول الراعية للإرهاب ورفع واشنطن للعقوبات الاقتصادية عن السودان

مصطفي عثمان إسماعيل إحترف الكذب عندما ظن أن الديبلوماسية هي ممارسة الكذب ...
منذ إعتلي منصب وزير الخارجية كان يكذب ...
و غادر الوزارة و هو يكذب ...
الآن يمارس الكذب بصورة جرت عليه لعنات من يعملون بمهنة الصحافة ...
أدخلوا هنا لتتعرفوا علي آخر أكاذيب هذا من يحاول أن يمرره علينا البعض كبضاعة مضروبة :

مصطفى قيت ... قضية الكذب المكشوف

...

من يمتدح الكاذب مصطفي عثمان إسماعيل فهو كمن يري فيه نفسه ... هو مرآته ...
.
.







.

Quote: وقد كان أن أقاموا أسبوعا جميلا فى ضيافة الحكومة المصرية وعادت العلاقات بين البلدين إلى سابق عهدها بل أكثر جمالا بعدما أوقد شعلتها ذلك المتوهج الإنسان الجميل مصطفى عثمان إسماعيل مايسترو الدبلوماسية السودانية

الاخ العزيز: هشام
السلام عليكم ورحمة الله و بركاته
لا اعرف في السيد\ الكذاب مصطفي عثمان شئ طيب سوى ان صديقي هشام معجب به

عودة العلاقات السودانية المصرية لم تقم على الحنكة الدبلوماسية انما مهرها ارض عزيزة بمساحة دولة الكويت تدعى حلايب - تلك المهمة لو كلف بها ماسح احذية بالسوق العربي لقام بها( مع احترامي لمهنة مسح الاحذية و صاحبها و تفهمي التام للظروف التي اجبرته عليها). لان المهر كان باهظا.

مصطفي عثمان جعل من الكذب كل حياته و نجح في الكذب -فهو الذي كان يغلق الباب على الجزارين ليذبحوا اهلنا في دارفور ليصرح هو على الفضائيات نافيا حدوث اي شئ.
نحن الضحايا و اخوان الضحايا و ابناء الضحايا من جهة .. القتلة و اعوانهم و مروجي اعمال القتلة الظالمين من جهة اخرى على موعد مع ربنا يوم المحشر ... يوم نأتي فرادا ... حفاة... عراة.. يوم لا حزب ولا جماعة... ليحكم بيننا اعدل الحاكمين... فليستعد الجميع ).
لا نعشم كثيرا في ملاحقات الجزاء الدولية رغم الرعب الذي يشعر به المجرمون واعوانهم



تسلم هشام

أخى الكريم هشام

سلامى

Quote: : مصطفى عثمان إسماعيل - ما أروعك من مايسترو للدبلوماسية السودانية

عن أى روعة لدبلوماسية سودانيه تتحدث؟؟؟؟
عن "أمريكا لمى جدادك"....
"الكفره الأمريكان ليكم تسلحنا بقول الله والرسول"....

عن معادة كل الجيران تشاد ، كينيا، أثيوبيا، أرتيريا، ليبيا، مصر....
سياسات الوقوف مع المعتدى صدام حسين فى غزوة لارق دولة ,اكثرها محنة علينا "الكويت"...
بالرغم من أناشيدهم الشبابية "يا دعوة الإسلام عمى بلاد الشام وقاتلى صدام الكافر البعثى".
وعلى غرار تلك السياسات طرد ملايين السودانيين من دول الخليج وتسريحهم من أى وظائف أمنية قيادية...

عن أى دبلوماسية تتحدث والنظام هو المسئول عن تحول السودان الى حركات قبلية مسلحة تسكن داخل العاصمة وبقية الأقاليم...
عن سياسيات جعل الخرطوم عاصمة مفتوحه لكل الإرهابيين كارلوس، أسامه بن لادن...
ثم وفى وضح النهار" سياسة الإنبراش لامريكا" وجعلها تتحكم فى كل صغيرة وكبيرة فى وطنى....
عن أى روعة تتحدث أنت؟؟؟
والساسية السودانية الإنقاذية تقود الوطن الى الهلاك والإختناقات والحظر فى التعامل مع معظم دول العالم...

وجعل إسم السودان فى دفتر الأحداث اليومى فى مجلس الأمن والأمم المتحدة...

إنه والله لعمى حقيقى عن الحقائق...

لقد إشتهرت أنت أخى هشام بنوع معين من الحديث....
فلماذا لا تستمر فى ذلك النمط بدلا من محاولة إضافة مساحيق تجميل على نظام تفوح منه روائح كريهة؟؟

ولا أعتقد أن حاسة شمك يمكنها أن تنكر ما يحدث فى الوطن إذا تغاضهتا عيناك...

والسلام

اسامة خلف الله مصطفى

توقفت كثيراً عند ردك ، وإحترت ماذا اقول لك



ربما أكون مصاب بعمى ألوان سياسى فقد تشابه علىّ البقر والواحد بقى ما عارف الصالح من الطالح فى بلدو شنو ، وهى مجرد محاولة صادقةأخى أسامة لقول رأى فى شخص يبدو دبوماسى محنك ، ولكن للسياسة دهاليزها واجندتها الخفية التى نتج عنها كل ماذكرت ، وبالطبع هذا لا يعفى صاحبى من المسئولية

ربنا كريم

hamid brgo

وأنا أشكرك كذلك على توضيح اشياء ربما كانت خافية علىّ ، يا حامد أكرر أن الشريعة عليها بالظاهر ، فظاهر الرجل كويس ، أما البواطن فيعلم بها الله سبحانه وتعالى وحده

يا حامد

قلوبنا على الوطن وأسأل الله أن يولى علينا من يكون قلبه على الوطن

تحياتى

Wasil Ali

شكرا للمشاركة

Quote: كمان جا محمد عادل (حزب أمة) تم الناقصة وجايب كلام للصادق المهدي وهو يمدح فيه الكوز مصطفى إسماعيل. هل دي مجرد صدفة أنكم تكونوا التلاتة حزب أمة أم ده رأي الحزب في الزول ده؟ ويلا خلونا نسمع رأي بقية كيزان الحزب ود العمدة و إبراهيم علي . هلشان تتم الناقصة. قال حزب الامة قال. دينق.

والله ياهذا تصدق انك فعلا مخك مفقل انت ياخوى اكلت فول بجنية وزيت السمسم كترتو
هذة حقائق ياخى دكتور مصطفى حسنة الانقاذ الوحيدة
ويعد من اعظم الدبلوماسيين هناك رجال اشاويش فى الانقاذ
مصطفى عثمان وغازى صلاح الدين ومهدى ابراهيم وسيد الخطيب رجال عظماء بحق وحقيقة
ولاننسى ابدا العم المجاهد احمد عبدالرحمن رجل حق ويقف له كل كبير وصغير فى اى حزب
ياحبيب هذة اراء شخصية ليس راى حزب
والله الكوز لا انا لاعم هشام لاود العمدة لا ابراهيم على
الكوز الماعاوز تعديل فى اتفاقية نيفاشا
تذكر كلامك دة ولا لا
ارشيف المنبر قاعد

Quote: والله ياهذا تصدق انك فعلا مخك مفقل انت ياخوى اكلت فول بجنية وزيت السمسم كترتو هذة حقائق ياخى دكتور مصطفى حسنة الانقاذ الوحيدة ويعد من اعظم الدبلوماسيين هناك رجال اشاويش فى الانقاذ مصطفى عثمان وغازى صلاح الدين ومهدى ابراهيم وسيد الخطيب رجال عظماء بحق وحقيقة ولاننسى ابدا العم المجاهد احمد عبدالرحمن رجل حق ويقف له كل كبير وصغير فى اى حزب ياحبيب هذة اراء شخصية ليس راى حزب والله الكوز لا انا لاعم هشام لاود العمدة لا ابراهيم على الكوز الماعاوز تعديل فى اتفاقية نيفاشا تذكر كلامك دة ولا لا ارشيف المنبر قاعد

محمد عادل.

طيب الفضل منوا في الكيزان؟
كلهم طيبين وعظماء
منعول أبوكي بلد.

دينق.

Quote: منعول أبوكي بلد. دينق.

انت ياخوى معارض النظام ولا السودان
كدة ورينى

هل كاتب البوست هشام يازولyazoalيازول؟

يا هشام مدني: سلامات

Quote: هل كاتب البوست هشام يازولyazoalيازول؟

الاجابة : لا

هشام مدنى

الإجابة نعم

محمد عادل.

من صورة السيد مبارك الفاضل لصورة السيد الامام الصادق المهدي.
القصة شنوا؟

دينق.

أخ هشام
والله هذا الرجل دوناً عن كل الساسه في بلادنا الحبيبه أكن له حباً وتقديراً خاصين جداً
رجل هاش وباش وكريم وذو أخلاق يندر أن تجد مثيلاً لها ..
أسأل الله أن يمتعه بالصحه والعافيه

مؤونة عام من الود

محمد فرح

هذا بالضبط ما أردت أن أقوله أنا ، بس الجماعة هبوا فينى هبة شديدة

الله كريم

Quote: محمد عادل. من صورة السيد مبارك الفاضل لصورة السيد الامام الصادق المهدي. القصة شنوا؟ دينق.

تقول شنو نوع من التقديس والتطبيع الاجتماعى

وزير الزمن الأغبر
والله قالوا بلدا ما فيها تمساح يقدل فيها الورل

اسماعيل وراق

رأيك على العين والراس



أهو ده برضو حزب أمة يا دينق

Quote: هذة حقائق ياخى دكتور مصطفى حسنة الانقاذ الوحيدة ويعد من اعظم الدبلوماسيين

محمد عادل.

طيب ممكن تشرح لي وتوريني تاريخ الطفل المعجزة مصطفى عثمان إسماعيل وعلاقتوا شنوا بالدبلوماسية أصلا؟
علشان ما نطلق الكلام والاوصاف ساكت.

دينق.

انت يادينق معارض نظام ولا معارض البلد
كدة ورينى

Quote: كمان يا دكتور الشريعة عليها بالظاهر ، أنا من ظاهر الأمور شايف الراجل كويس

يا هشام الناس ديل دايرين يكرهوك...في ريدتك للوزير مصطفي...(مش المنبر دا ديمو قراطي...
والزول يريد علي كيفو؟) وتيّب

بمناسبة الشريعة ...ودي حصلت جد جد...

ايام الاجازة الفاتت وقفت مع صديق عشان نشرب شاي تحت ضل شجرة...ولأني عارف
ستات الشاي بغرفن السكر بالكمشة...قمت قلت ليها يا خالة عليك الله انا ما
تكبي لي سكر...قالت لي حاضر...بس شفتها كبت زي تلاتة كمش سكر في كباية
لما وصل السكر قريب النص....وخلت الكباية التانية بدون سكر وختت المصفي
وصفت الشاي في الكبايتين...وصاحبي ما شايف ...كان بتونس ومديها ضهرو

قلت ليها دا شنو يا خالة...سكر صاحبي دا كتير: (قالت لي شريعة ليها بالظاهر)
ولما سألتها بتقصد شنو...قالت لي صاحبك دا ضعيف والسكر بنفعو...

وتصور انو اسمها شريعة...ولا يبدو انها تعرف في اصول الفقه شي

nazar hussien

أخوى الجميل نزار

حكاية (شريعة) حلوة شديد

ياخوى حاولت أعبر عن شعورى تجاه الرجل فانتفض المنبر كله محتجا

الله غالب

Quote: انت يادينق معارض نظام ولا معارض البلد كدة ورينى

أنت شايف شنوا؟

دينق.

الشايفو صراحة
انك معارض السودان
مامعارض النظام

Quote: هذا الفتى الهمام ممتلىء بحب السودان ، ولا شىء غير السودان ، حمل هموم الوطن ، ففكر وقابل وحاور وناقش وبلور وعالج كل المسائل المتعلقة بالوطن فى تفانى وإخلاص ومع كل الجهات المختصة ، وعكس الوجه المشرق للدبلوماسى السودانى الناجح بكل المعايير

اخي زول ..

لم تقل الا الحق ..

بارك الله فيك وكتر من امثالك ...




ودالباوقة

ودالباوقة

الله يديك العافية

Quote: والله ياهذا تصدق انك فعلا مخك مفقل انت ياخوى اكلت فول بجنية وزيت السمسم كترتو هذة حقائق ياخى دكتور مصطفى حسنة الانقاذ الوحيدة ويعد من اعظم الدبلوماسيين هناك رجال اشاويش فى الانقاذ مصطفى عثمان وغازى صلاح الدين ومهدى ابراهيم وسيد الخطيب رجال عظماء بحق وحقيقة ولاننسى ابدا العم المجاهد احمد عبدالرحمن رجل حق ويقف له كل كبير وصغير فى اى حزب ياحبيب هذة اراء شخصية ليس راى حزب والله الكوز لا انا لاعم هشام لاود العمدة لا ابراهيم على الكوز الماعاوز تعديل فى اتفاقية نيفاشا تذكر كلامك دة ولا لا ارشيف المنبر قاعد

محمد عادل.

يعني أما أن نتفق معك في حيثك أعلاه أو نكون بنعارض السودان؟
يبدو لي بأن مشوارك مازال طويلا في مسألة السياسة دي.

دينق.

هل عين مصطفى عثمان إسماعيل فى منصبه السابق النظام ام البلد?
...
..
.
ملاحظ الايام دى الناس بدت تشيل الاساتيك وشغالين يمسحو فى الخط الفاصل بين الانقلابيين والسودان

Mahathir

لا لم يعين فى منصبه السابق

ملاحظتك تجد موافقتى



تحياتى

Quote: الشايفو صراحة انك معارض السودان مامعارض النظام

طب أنت معارض مين؟
مبارك ولا الصادق؟

دينق.

Deng

براحة براحة على ولدنا محمد عادل

دينق معارض اى واحد معارض تعديل نيفاشا

أخى الكريم هشام
سلامى

Quote: ربما أكون مصاب بعمى ألوان سياسى فقد تشابه علىّ البقر والواحد بقى ما عارف الصالح من الطالح فى بلدو شنو

العمى ليس عمى البصر ، ولكن هو عمى البصيره حماك الله وإيانا....
كيف بالله أخى هشام لا ترى أن بلدك أصبح فى مقدمة نشرات العالم بأجمعه وأن الإستعمار الحديث على الأبواب بعد طرده فى عام 1956...
كيف يالله لا ترى محنه دارفور بعيون إنسانيه وليست سياسية....
معسكرات لا تعرف أين أخيك وأمك وباقى أسرتك....
كيف بالله لاترى أن النظام قسم الوطن الى إثنين وقال لنا إن هذا سلاما...

كيف بالله لا ترى أنت أن الشرق ومنطقة النوبه والحماداب أصبحت مناطق نزاع مسلح ...
حتى العاصمة القوميه لم تسلم من ذلك...
كيف بالله تعمى عيونك من كل هذا إلا:

Quote: لقول رأى فى شخص يبدو دبوماسى محنك

لقد أذيتناوأذيت كل المتوجعين من هذا النظام بعميك عن الحقائق....
ودعوتك لتوزيع النياشين فى مقابر وطن كان أسمه السودان.....

والسلام

Quote: ودالباوقة الله يديك العافية

امييييييييييييييييييين

أخى أسامة خلف الله مصطفى

يا أخى الكريم فعلا مشاكل الوطن أصبحت معقدة للغاية ، خصوصا أزمة دارفور والتدويل الذى يحدث لإيجاد مخرج وحل للمشكلة ، بل لعله بداية الإستعمار الحديث كما وصفته ، وأنا هنا يا أخ أسامة لم أكن لأقصد أذية أى أحد بقدر ما حاولت أن أقول رأى شخصى بحت فى شخص مصطفى عثمان كسودانى ليس إلا ، وكأنى أردت القول لو أن المسئولين فى بلادى كانوا على شاكلة مصطفى لعل مشاكلنا كانت تجد السبيل للحلول الجيدة بدلا من الأممية والتدويل الحاصل

تسلم يا أسامة ، والوطن يحتاج منا وقفات ومراجعات لكل الأجندة وهذا من حق أى مواطن شريف