يا أساسى ، ولماذا لم تعتذر لى عن محاولاتك الجادة إغتيال شخصيتى والكل يشهد؟

أساسى ، تنتابه حالة إنسانية بعد صراع مرير مع الضمير ، ويأتينا بالعديد من الإعتذارات فى أقل من يومين (يا ربى الزول ده عايز يموت ولا شنو؟) ، فمرة يعتذر لصديق عمره (دكين) وفى مرة أخرى يعتذر لعدوه اللدود (دينق) ثم ثانية يعتذر للإنسان البرىء الذى حاول تلطيخ سمعته (وسام) ، والكل يشاهد والكل يستعجب ،

كما أنه شنّ علىّ حملة شرسة ، دون ذنب جنيته ، سوى أننى شخص محبوب من غالبية الأعضاء والقراء خصوصا بعد النهج الواضح الذى وضعته لنفسى ، وهو أن أكتب فقط فى القضايا السودانية الإجتماعية ، محاولا ما أمكن تصحيح ما يمكن تصحيحه لمجتمعنا السودانى المتعافى بإذن الله ، دون الإساءة لشخص بعينه فلا شخصنة مطلقة توجد فى بوستاتى ، بل أرد على الناس بكل أدب وإحترام ، حتى لو أصابنى بعض رشاش ، فهذه نتيجة طبيعية للعمل العام وأى عمل عام يطابق ما يحدث فى منبرنا هذا ، فحاولت جاهداً البعد عن المهاترات ، وعن بذىء الكلام ، وعن طعن الناس فى شرفهم (كما يفعل هو) ، وعن بذىء القول (كما يفعل آخرون بحجة الأدب عايز كده) ، لا والله لم يكن هذا فى طبعى ولا فى تربيتى ولا فى ديدنى ، وحتى خطى السياسى واضح للجميع فأنا أنتمى لحزب الأمة ، وقدوتى فى السياسة السودانية هو السيد الصادق المهدى (رضى الناس أم أبوا) علماً بأنى لم اقحم نفسى فى أى بوست سياسى ، ولم يسبق لى أن تحدثت بإسم حزب الأمة ، رغم عضويتى فى الهيئة المركزية وهيئة شئون الأنصار بالمنطقة الغربية بالسعودية ، فهذه لها مواقعها المناسبة التى نتحدث فيها

رغم ذلك ، إنبرى لى الرجل ، وخصص لى بوستات مخصوصة ، يمكن للقارىء مراجعتها فى هذا المنبر ، محاولا جهد إيمانه أن يغتال شخصيتى ويبعدنى عن هذا المنبر كرها وحسداً من عند نفسه ، والآن يعتذر لهذا ويعتذر لذاك ، ويتناسى أو لعله يتعمد أن لا يعتذر لى عما بدر منه نحو شخصى الضعيف مؤكداً عناده وصلده وحسده وقوة راسه على السير معى نحو مخطط الإغتيال ، ولكنى والله لا أبالى ما دمت واثقا فى نفسى ، ومحباً لقرائى ، ومؤيداً لعشيرتى ، صادقاً فى حروفى ، واضحاً فى نهجى وخط سيرى كدأبى فى حياتى والناس يبادلوننى حباً بحب ، وكل يوم تزداد حصيلتى من الأصدقاء عبر أعضاء وقراء المنبر

فإذا كنت الآن يا أساسى توزع نياشين إعتذارك ليصفى ضميرك ، ولكى تنام قرير العين فلماذا لم تشملنى هذه النياشين؟؟؟؟

مجرد سؤال

ليس لديك عندي اعتذار

عندما تكتب (هشام شيخ الدين) فإن الوضع يا (السمانى) يصبح مختلفاً جداً

أنت أول من يعلم أنه لا توجد مشكلة على الإطلاق بين (هشام) و (السمانى) والمشكلة كانت دائما بين (يازول يازول) و (أساسى) ، لذلك هذا الإعتذار غير مقبول مطلقاً لأنه لا مشكلة بين الأطراف المذكورة أصلاً.

يا (السمانى) أنا مشكلتى مع (أساسى)



وبرضو ليك تحيات تعظيم وسلام سلاح فالسمانى أجمل بكثير من ذاك ال (أساسى) ، يا ليتك لو تبقى (السمانى) على طول وبلاش إنفصام ، شفانى الله وإياكم

أخوك (هشام)

لا اعتذار عندي لك

يا سيدى لله والرسول ، فأنت إنسان جميل بكل معانى الكلمة

صحى ياهشام زولك دا بقى حمل وديع
بس من ما هاتفه بكرى
تغير اسلوبه مع الناس...يكون موعود بمنصب فى البورد
او تمليكه مساحة من الباندوث تحت تصرفه
عموما( نحى ونشوف عرس يحى)
(...نماسى ونشوف اعتذار اساسى)

هذه يا أبقوتة إسمها (المكالمة السحرية) التى فعلت فعل عصا موسى فى المنبر فتلقفت كل الثعابين ، وخرجت اليد بيضاء للناظرين فاساسى إنسان جميل لولا عناده مع نفسه ، وبياض يده الذى تلحظه هذه الأيام هى من بياض قلب الرجل فاساسى يحمل فى جنباته قلب طفل وديع

ربنا يحفظه

الرئيس يا زول(يازول بالانقليزي)يازول
أنا شاهد على تعدي أساسي على جلالتكم وفخامتكم ولولا ديموقراطيتكم التي عهدنها دوما لكان لأساسي شأن أخر لذلك ندين مسلك أساسي ونطالبه ليس فقط بنشر اعتذاره في بوست منفصل بل وبدفع تعويض مادي (دعوة عشاء في استراحة) عن الضرر المعنوي والنفسي الذي سببه للرعية أولا ً ولفخامة الرئيس ثانياً وإن لم يفعل في مدة أقصاها 72 دقيقة فعندها نؤيدكم في أي إجراءات قانونية تتخذ ضده حتى ولو المقاطعة الاقتصادية

موقعه فرانكلي جداً

الحبيب فرانكلى جدا وكمال خالص خالص

أشكر ردك اللذيذ ، كعهدنا بك دائماً تنشر الفرح بين الخلائق حتى على الذين يخالفونك الرأى ، ويا ليت كل السودانيين زيك يا كمال

نعم يا كمال ، إتصل بى أساسى قبل قليل ودعانى لوجبة (كبسة سعودية) فى إستراحة النخيل مساء اليوم ، وسأذكرك ولا شك عند (كدّة) أول عظم فيها.



ألف ألف تحية يا كمال تصحبك السلامة ويصحبك كل ذاك الجمال

أخوك المحب خالص مالص هشام

جابت ليها رشاوي!!

يا اساسي هاجم اخوك في بوست مكرب على شرط تعزمني كبسة في السعودية (التزاكر والفيز عليك).

يازول يازول.

بالهنا

سامى عبدالوهاب مكى

ياخ التذاكر والفيزا علىّ أنا ، نحن لاقينك وين؟؟؟



والله الكبسة هنا لذيذة لذاذة لا تعادلها إلا حلة عزابة مجقجقة

هشام الجميل
كنت زعلان جدا لمن اخرجك اساسي من كتاباتك الجميلة
لكن العزاء في اعتذار هذا الرجل الذي يعكس شخصيتة(التصالح مع النفس
واعتذاراته نابعة من ذلك
اساسي
وصية اخ لاخوة لا تكتب وانت زعلان
تسلموا
سموءل

ياعم هشام الزول دا قال الروووب
اه ماعاوز واحد يمشى معاك ياكل الكبسة احتمال يكون فى مقلب

محمد عادل

أساسى ده زول طيب شديد بس النوع البيعاند نفسو

شكلو زمان لمن كان صغير ، ما فى زول بيحب يلعب معاهو عشان (بيخرخر) كتير

السمؤال بدرالدين

أشكرك على هذا التضامن الجميل

محبتى

أخوك هشام

Quote: يا أساسى ، ولماذا لم تعتذر لى

و انا كمان

محمد البشرى الخضر

إنت برضو هبشك؟

Quote: إنت برضو هبشك؟

العفو ياعمك
بعدين حتى كان هبشني , عافي ليه
القصة بس حبيت اخت طوبتي في الصف معاكم

معقولة يا هشام

اساسي الوديع يطلع منو كل ده

حيدر حسن ميرغنى

ما ياهو ده زاتو المحيرنا

تجربة يازول في المنتديات وحكاوي الحبوبات في بيوت السمايات والبكيات

وقام تانى جاب سيرة البحر



أساسى كفى

هشام يا وةل

كيف ومشتاقين

وبركه الجات على كده.

وشكرا لك يا اساسي

بس اوعك تعيدها هشام ده حبانه كثار هنا.

ويا هشام مشتاقين لبوستاتك البقى يحرمنا منها عبد المنعم سليمان

بتعليقاته الغريبه....وياعبد المنعم عليك الله ما تحرمنا من بوستات

هشام شيخ الدين بخرمجتك اياها.

هشام لغته رصينه في هبش قضايا مزمنه في مجتمعنا.

لكم التقدير معا.

إنتى واحدة من الناس البيفهمونى كويس يا تراجى ، عشان كده فعلا وبسبب أساسى وعبدالمنعم سليمان كرهت المنبر (وده الدايرنو هم) أعداء النجاح



الله غالب يا تراجى ، تأتى الرياح بما لا تشتهى السفن

ربنا كريم



تحياتى يا أستاذة يا راقية

Dear Hisham

Hi
First of all
I think Asasi has to use his balck magic and bring back your lost picture, and after that we will see if we have to accept his opology or not
otherwise we will use our magic and chase him not only out of your dreams, but may be out of Sudaneseonline as well

الفاتح ميرغنى

الذى يمارسه اساسى معى يا فاتح يسمى إغتيال شخصية ، والسؤال لماذا يريد إغتيالى ، وأظن هذا هو مقصدك (فى الصورة) التى ذكرتها أعلاه

يا سيدى ، الراجل إعتذر عشان كده ما داير أفتح معاهو أى خط لى مشاكل جديدة ، مع إنو بالى طويل



تحياتى وخلينا نشوف آخرتو شنو ، أرجو أن لا أحتاج لإستخدام فكى مكرب من الكرنتينة ليأخذ لى حقى غير منقوص

لوووووووووووووووووووووووول

أخوك هشام

الأخ أساسي

لك المودة والتقدير
وأنت تبادر بالاعتذار عما بدر منك
في حق زميلك يازول ، وهذا دليل قوي
على أصالة معدنك ، فالرجوع للحق فضيلة
والعدول عن الخطأ والاعتذار عنه كذلك .

فشكراً لك وأنت تقدم الاعتذار والذي قبله
بكل طيبة قلب وتسامح .

اعتذر ليازول يازول عن كل ما حاق بك من جراء كتاباتنا وما سببته لك من اذي نفسي ومعنوي واتمني ان تسامحني , فكلها عثرات نتمني من الله ان يغفرها لنا .

وياأخي (يازول - هشام) ،
لك كل الود والاعزاز
وأنت بكل قلب متسامح تقبل إعتذاره سواء أكتبه
وهو يتدثر بردائه الأصلي (السماني) أو ردائه
الاسفيري وهو (أساسي) ، مثلما فعلها هو وقدم لك
الاعتذار كما تريد وتحت مسماك الحقيقي (هشام) أو
الاسفيري (يازول يازول) ،

لكما الود وأنتما تتصرفان هذا التصرف الحضاري
والإنساني وقبل هذا وذاك التصرف الإسلامي المحض .

معزتي ،



( ليمو )

انا بسحب الاعتذار الهنا دا وحقيقي هذا الاعتذار مني كان في غير محله وجهته لمن لا يستحقه

الأخ أساسي

لك المودة والتقدير
وأنت تبادر بالاعتذار عما بدر منك
في حق زميلك يازول ، وهذا دليل قوي
على أصالة معدنك ، فالرجوع للحق فضيلة
والعدول عن الخطأ والاعتذار عنه كذلك .

فشكراً لك وأنت تقدم الاعتذار والذي قبله
بكل طيبة قلب وتسامح .

Quote: اعتذر ليازول يازول عن كل ما حاق بك من جراء كتاباتنا وما سببته لك من اذي نفسي ومعنوي واتمني ان تسامحني , فكلها عثرات نتمني من الله ان يغفرها لنا .

وياأخي (يازول - هشام) ،
لك كل الود والاعزاز
وأنت بكل قلب متسامح تقبل إعتذاره سواء أكتبه
وهو يتدثر بردائه الأصلي (السماني) أو ردائه
الاسفيري وهو (أساسي) ، مثلما فعلها هو وقدم لك
الاعتذار كما تريد وتحت مسماك الحقيقي (هشام) أو
الاسفيري (يازول يازول) ،

لكما الود وأنتما تتصرفان هذا التصرف الحضاري
والإنساني وقبل هذا وذاك التصرف الإسلامي المحض .

معزتي ،



( ليمو )

abdulhalim altilib

أشكرك من أعماق قلبى على كلماتك المهذبة التى أوردتها فى مشاكتك أعلاه

بس يا عبدالحليم ، شوف الناس فى شنو وشوف اساسى الآن بيقول شنو:

Quote: انا بسحب الاعتذار الهنا دا وحقيقي هذا الاعتذار مني كان في غير محله وجهته لمن لا يستحقه

يبدو أنى أتعامل مع إنسان مريض نفسيا

الله يشفيه

ليس هناك مريضا نفسيا سواك يا زول يازول

فانت لا تقدر الاشياء ولا تقدر ان اعتذر لك ولكنك تصر علي اعادة الخوض في الفارغ
لذا اسفت علي اهدار اعتذاري لك بداية
لذا هذا فراق بيننا
دعني في جنوني وافرح بكمال عقلك

خلاص معليش بجيب ليك حلاوة حربة