أطيب زول فى المنبر (بدون منازع) طيبة سودانية خالصة

قرشو

لا شك في ذلك

فالاخ قرشو وكما لاحظت دائما يحظى باحترام ومحبة الجميع

وهو الرجل ذو الحضور البارع الطيب والتواجد المميز مع جميع الاعضاء

اضافة الى دماثة الخلق وحسن الطباع

كلمة حق اسطرها في حقه

ولنا الفخر ان تكون طيبتنا السودانية الخالصة كطيبة الاخ قرشو

فله مني ومن الجميع كل المحبة والتقدير

أيوب عبدالرحمن

ما خطه بنانك هو عين الصواب

تحياتى

الأخ الكريم أيوب عبدالرحيم

لك التحية والاحترام

أشكرك سيدى للاسهاب فى نظم الكلمات الرقيقات فى حقى
واشكرك لحسن ظنك بشخصى الضعيف
ولقد اخجلت تواضعى حقا اخى الكريم

راجيا ان اكون عند حسن ظنك ابدا
وان لا اخيب رجاك ما بقينامعا

لك تحياتى واحترامى ولك ودى

الاخ هشام لك التحايا
نحن في زمن اصبحت الطيبة صفة مذمومة فعندما يقال لك فلان دة زول طيب يفهم على انه قليل فهم ولاينظر الا تحت قدمية واي شي ممكن يمر عليه دون ان ينتبه
اما الطيبة الطيبة بتاعت زمان فاعتقد انني طيب جداً بس مش متأكد هل انا اطيب زول في المنبر ام لا وعلي كل حال ساكون فى الاوائل

قرشو من الذين أختصهم الله بطيبة القلب ، وبضحكة المحيا
وبعفة واللسان ونقاء القلب
وفعلاً هو أطيب زول .......... لكن مرات كدة بتغاتت علينا

يا صديق ، والله لو كان للطيبة ميزان ، لنصبنا (قرشو) ميزاناً لها

يا صديق ، بطّل حركات فالرجل لا يعرف (غتاتة)

إنت الظاهر لخبطت بينو وبين (أساسى) الغتيت

الأخ الحبيب صديق رحمه النور

لك التحية والود

أشكرك يا سيدى على جمال كلماتك فى حقى
وده من اصلك الطيب يا سيدى
فالذى نفسه بغير جمال لا يرى فى الوجود شئيا جميلا

بس ياخى

انتو فاتحين لينا مع اننا ساكنكم فى بوست كسلا


يديك العافية يا حبيب

أبو يسرا

طيبتك يا سيدى هى ميراث أخذته من أهلك الطيبين وقد (شابهت آباءك) فلا تحزن

الأخ ابويسرا

لك التحية

Quote: نحن في زمن اصبحت الطيبة صفة مذمومة فعندما يقال لك فلان دة زول طيب يفهم على انه قليل فهم ولاينظر الا تحت قدمية واي شي ممكن يمر عليه دون ان ينتبه

أوافقك الرأى سيدى لا سيما فى الغربة فنحن نرى بعض الشعوب تتهكم على السودانيين بانهم طيبين بينما هم يقصدوا انهم سذج ويمكن الضحك عليهم واستغلالهم فهذه ملاحظة فى الغربة بشدة ..
ولكن يقينى ان الحبيب هشام مازال يختزل كل السودان بداخله ويتحدث كما الحال هنالك والطيبة هى الطيبة التى نعرف ...

حبيبنا الريس هشام شيخ الدين

لك التحية

لقد أخجلت تواضعى يا سيدى
ولكن هذا يعيدنى الى القول المأثور "كل إناء بما فيه ينضح"
وهذا يعكس ما بداخلك وحسن ظنك بالناس فى زمن ساءت الظنون
ومن نعم الله سيدى أن يمنحنا مجموعة مثل هذه تزخر بالطيبين
ولقد اكتشفت ان أكثر الناس حدة فى حقيقته نقى المخبر
ناصع الجوهر ولكن ظروف الحياة تضطر البعض ليحتد ويكون نشاذا
ولكن فى النهاية تجد ان الكل فى سماحة متناهية

أشكرك سيدى على كلماتك الطيبات فى حقى
وعلى شهادتك التى أعتز بها
والتى لم تأت الا لاحساس داخلى من قلبك الطيب

الله يديم المعروف بيننا
والله يديك العافية

يا قرشو

والله ما قلت فى حقك إلا (الحق) فقد عهدناك قلبا كبيرا ممتلىء بحب كل ما هو سودانى أصيل

تسلم سيدى ، فقد أردنا أن نرسخ مبادئكم للآخرين ليقتدوا بها

فالطيبة (نفحات) كما العافية (درجات)

شيخ هشام

قرشو

طيبة وتواضع مع غزارة علمه

صدقت يا سيف فالرجل (موسوعة) تمشى على الأرض

يعنى حكاية (إتصل بصديق)

الماعندو صديق زى (قرشو) حقو ما يتصل

الأخ الكريم سيف مساعد ( ود عوج الدرب)

لك التحية

واننى مدين لك بزيارة سيدى طالما رافقت يوما شيخنا البرعى ونهلت من عذب علومه اللدنيه ...

أشكرك اخى على كلماتك الطيبة فى حقى ويقينى انك الأكثر علماً وتواضعا منى ولكن ذلك من طيب أصلك ..

وما تنسانا من الدعوات يا سيدى ....

..
.
بلا شــكـ

دى معرفة وعشرة ليها 7 سنوات ويزيد

آها انحنا كيف !؟

والله صدقت.... ما شفتو اتلوم في زول تب...واللا قالو نضمن مو راكب عدلو


لكن يا هشام انت برضو طيب.... عشان بترعف الناس الطيبين.......أها لقيتني كيف؟؟؟

سجيمان ، ما عارف ليه دايمن بتخيلك بى (تكة وسروال)

الظاهر من شدة طيبتك

تسلم يا سجيمان

Quote: سجيمان ، ما عارف ليه دايمن بتخيلك بى (تكة وسروال)

ها يا زول ها.. انت من زمن التكة... خليتها زماااان... بقيت البس سروال سااااكت لا تكة ولا لستك..... والزارعا الله في الحجر تقوم

Quote: سجيمان ، ما عارف ليه دايمن بتخيلك بى (تكة وسروال)

ها يا زول ها.. انت من زمن التكة... خليتها زماااان... بقيت البس سروال سااااكت لا تكة ولا لستك..... والزارعا الله في الحجر تقوم

يعنى قصدك مستور ساى (بالكندوم)

العزيز دكتورنا سجيمان ( وفى مقولة أخرى رميدان )

لك التحية

وانت سيدى منذ أزمنة تمسح عنا لحظات الكآبة وتسعدنا بحلو نظمك للمواضيع المحظورة فتحرض فينا روح الثورة على الممنوع فنقرأ ونسعد وكثيرا لا نرد لان ما نضمره سيفسر خطأ ...

أشكرك سيدى على شهادتك الطيبة فى حقى

وانت بحق طيب طيبة تحدثوا عنها الاخوان وقد سمعت عنك الكثير
مع انك جيت جدة وفطيتنى وشتت للوطن ...

الله يديك العافية يا حبيب ..

يا تبلدينا

إنت طيبتك مثل طيبة شجر التبلدى ، جذورها عميقة وظلالها وريفة

بس مرات مرات (سخن)

تسلم يا سيدى

حبيبنا تبلدينا

لك التحية

حقا سيدى مرّ من العمر 7 سنوات ونحن نلتقى دوما على اثير العالم السايبيرى ونتحادث ونتناقش ونقرأ جميل اشعارك وندردش ونسعد بالتلاقى دوما ..
انها حقا عشرة لا تهون ابدا بل تبقى ما بقينا وان لم يسعدنا الزمان بالتلاقى عيانا...

إنت والله يا عزيزى الطيبة كلها بس انا ما عارف ليه الريس هشام اختصنى بهذه الصفة ...

ولكنى اشهد انك واخرين الطيبة بذاتها ...

-------------

قلت لى يعنى ما صدقت

عملت البوست متكأ ؟؟؟

يا حليل ايام زمان وبورداب زمان ياخى

ابصم بالعشره علي اقتراحك يا هشام

تسلم يا ابوعثمان

ده من طيبتك

العزيز ابوعثمان

لك التحية

اشكرك سيدى على تعاضدك مع الحبيب يازول وشهادتك لصالحى
ويقينى لو عرفك الناس كما عرفتك لوجدوك لا تنازع فى الطيبة
ولكنك مقل سيدى فى الحضور ...

الله يديك العافية يا سيدى

أثنى..

فعلا الزول الوحيد البتحاشى الغلط فى الناس

ويجبرك على احترامه حتى لو اختلفت معه فكريا .

أمينة مختار

تحياتى

وهذا بالضبط واحد من أهم اسباب طيبته

زول بيحترم نفسو وبيحترم الآخرين

بيجبرك على إحترامو ، حتى لو إختلفتو فكريا

تحياتى

بتنا آمنة مختار

لك التحية والاحترام

أشكرك عزيزتى على كلماتك الطيبات فى حقى
وهذا من كرمك ونبل اخلاقك
واسأل الله ان يديم المعروف بيننا
وان يبقى الود ما بقينا

..
.
دقيقة ..دقيقة يا زول
نقطة
ســطر جديد
خلينى اسلم على آمونه
كيفكـ .. اخباركـ
مشتاقين ..
شنو الحكاية!!؟
كدى اطلعى من حوش الرجال دا
تعال لحوش النسوان ..
سمح ..

نرجع ليكـ يا زول

Quote: بس مرات مرات (سخن)

بظروفها وانت ادرى ..
بس تحرم على شوفت فرانكفورت
كن تانى ليقيتنى مسخن ..
يبقي قرشو ما أطيب زول

مودة
ودمت أخاً كريماً

آمونة
ما تنسي

تبلدينا ، فعلا إنت طيب (ما مجاملة)

تحياتى

Quote: بس تحرم على شوفت فرانكفورت كن تانى ليقيتنى مسخن ..

تبلدينا الحبيب

ياخوى لى هسع ما لقيت فرقة فى فرانكفورت دى ؟؟؟؟

انا ما منتظر ياخى تجرنى معاك ؟؟؟؟

سعادة الرئيس هشام شيخ الدين جبريل الموقر

Quote: قرشو

اصبت وربي
الأخ الحبيب العمدة قرشــو
تنبع طيبته من كونه إنسان متصالح مع نفسه أولاً وأخيراً

ووالله إنّي لأحبه في الله

مع عطيم محبتي لكل البوتقة الرائعة من الأحباب الذين جمعهم بوستك هذا

كمال

ياسلااااااااااااااااام

قرشو ؟!!

هذا الولد الطيب هو الطيبة تمشى على قدمين والله اسألونى منو انا وفيصل قريبى الشغال معاهو فى نفس المكان !


وانت يازول يازول زااااااااتك طيب وجميل روح والله

ان شاء الله تسلموا يارب

ولكن هذا يعيدنى الى القول المأثور "كل إناء بما فيه ينضح"
i do believe with my short stay here both of you are kind hearted
is true ya zool ya ragee?
iam still waiting for the Arabic key board
your brother dr mustafa mahmoud

صديقى الدكتور مصطفى

أشكرك على كلماتك التى تدل أيضاً على طيب معدنك

همسة:
أرسل لى عنوانك عشان ال(دى إتش إل)

العزيز الغالى الدكتور مصطفى محمود

لك التحية

ولك شكرى سيدى الكريم على حلو كلامك فى حقى
وارجو ان تبقى بيننا وتجدنا عند حسن ظنك دوما
كما اتمنى ان تحل مشكلة الكى بورد قريبا حتى تتحفنا أكثر بروائعك

لك مودتى

ندوية العسل

هو فى أطيب من العسل؟؟؟؟

تحياتى

شاعرتنا الغالية ندو

لك التحية

ولك الشكر الجزيل عزيزتى على الكلمات الطيبات فى حقى
واننى سعيد لان احظى بهذه السمعة لديك سيدتى وان اكون عند حسن ظنك
اتمنى ان يدوم المعروف بيننا
وان يستمر الود ما بقينا

الحبيب هشام تحياتي وسلام
أرشح عمدة البورد الأصلي بدون منازع
قـــــــــــرششششششششششو

ebrahim_ali

تسلم يا ابراهيم ، من ذوقك

الحبيب ابراهيم على

لك التحية

يااااااااااه

انت بتغتس وين يازول وتختفى
ليك وحشة والله
ولك شكرى الجزيل على ثقتك فى شخصى
راجيا ان يدوم الود الجميل ما بقينا

لك احلى المنى

الحبيب فرانكلى

وإنى أشهد الله ورسوله ، واشهد أعضاء وقراء المنبر المحترمين إنى (أحبكما) لوجه الله تعالى ، وإنى أقولها متمثلاً قول الحبيب المصطفى أن لو أحب أحدكم أخاه فليخبره

اللهم قد بلغت ، اللهم فاشهد

الحبيب فرانكلى

لك التحية

لعل الكثيرون لا يعرفون ان حبيبنا فرانكلى كان يوما معلمنا فى هذا البورد لمعرفة فنون الكتابة فى المنابر وتلوين الكلمات واضافة الصور والموسيقى وكل الأكواد الخاصة ...
ومنذ ذلك الزمان وهو اثير الى النفس حبيب الى القلب ...

أشكرك اخى الغالى على حلو كلماتك ويعلم الله اننى أحبك كذلك لله اضافة الى انك صاحب افضال علي ...

الله يديك العافية ويرد غربتك يا سيدى

Quote: كدى اطلعى من حوش الرجال دا تعال لحوش النسوان .. سمح ..

تبلدينا أخو الأخوات

جايياكم ..بس اوصف لى

حوش النسوان ده بى وين ؟!!

..
.

Quote: حوش النسوان ده بى وين ؟!!

دا كلام شنو عاد!؟
الالمان ما بأشرونا لينا بالطريقة دى
بالجّد طلعت طيبة عديل كدى .. زى قرشو
حوش النسوان ما بتعرفيهو !!؟
OK
You’ve a mail
Tc ya Partner

..
.
قلنا نقطة
ما قلنا حنة منقطة
دا البطلع صليبنا زاتو ..
غايتو بره تجهجهو
وجوه تهبلو ..

آها حتطبقيها متين !؟
قربت تبهت !

البوست دا يا فرانكلي
بوست طيبين ساااى

والله لا طيب لا حاجة
طلبت منه تسعة ألآف ولاسع ما سلفني ليها .

والله يا تبلدينا الايام دي بقيت مشتتها عدييييييييييل

Quote: طلبت منه تسعة ألآف ولاسع ما سلفني ليها .

ولدنا اساسى

لك التحية

ياخوى التسعة الاف ما خلاص غرضها وانتهى ثانى شنو
ويا داااابك بتشوف بعد ده الدراهم دى مركبة جنحين كيف
تجيبه من هنا تطير من هنا

مع الامنيات لك بالسعادة والهناء وراحة البال وملى الجيوب كمان

يديك العافية

..
.

Quote: طلبت منه تسعة ألآف ولاسع ما سلفني ليها

قرقر قرقر قرقر
لكن ما عملتها ظاهرة
سمعت بالطيب والطماع
اربعة مليون حته واحدة !!؟

الظاهر ديون العرس تقيلة يا حبه..

Quote: الظاهر ديون العرس تقيلة يا حبه..

التزعة تالاف دي كانت العرس زاتو ياخي

يا جماعة ، ما تصدقوا اساسى ده

ده أكتر زول (مصاحب) قرشو

المفتى بتاعو ، لأنو ما بيثق فى إفتاء جماعتو

..
.

Quote: والله يا تبلدينا الايام دي بقيت مشتتها عدييييييييييل

اخرها كوم تراب يا اساسي يا أخوى
سمعت بي يا حمام حم حم انزل شتت ليكـ سكر
آها دا سكر .. سكر
وحاتى عينى سكر واكتر
احلى .... شنو!!
بالطريقة دى الكابلي بموت لو نسينا كلماتو

Quote: التزعة تالاف دي كانت العرس زاتو ياخي

لا لا العرس دا صحى كلف
الخلاكـ بقيت الجن .. وقصد اللجنة وليس الجن
وتقطع زى مكنة الكومر ..
لكن لو تسعة الف دا العرس
احجز لى ربع دسته ..

مع المعذرة للجنس الأخر الضد التطبيق
ما تطبيق العلاقات ولا تطبيق الحنة

سلام؛

Quote: ده أكتر زول (مصاحب) قرشو المفتى بتاعو ، لأنو ما بيثق فى إفتاء جماعتو

ليهو الف حق...

افتاء جماعتو مابقى عواسة كسرة سااااكت ..!!

Quote: ليهو الف حق... افتاء جماعتو مابقى عواسة كسرة سااااكت ..!!

طيب ما تفتي لي انت يا امنة وجماعتك وضموني ليكم
بدل عواسة الكسرة والابري

اول مرة يازول يقول كلام مفيد وصاح

قرشو أطيب انسان في المنبر دا
مافي ذيو الا ابوجهينة

عرفة 7 سنة..

عزيزتنا الدكتورة بيان

لك التحية


يا سلام ياخى على الايام الحلوة والبتبقى فى الذاكرة ما حيينا
من لم يرافقك يا دكتورة منذ البدء فهو قطعا لن يعرفك
ومن حسن الحظ ان كان لنا ذلك الفضل وتلك الحظوة برفقتك مع بقية الاحباب

ما اجملها رفقة عزيزتى وما اجملها ايام
اشكرك على كلماتك الطيبات فى حقى يا ستى

والله يديك العافية

..
.

Quote: طيب ما تفتي لي انت يا امنة وجماعتك وضموني ليكم

آها تعال بالاحضــان ..
يا حبيبى يا غالي
يا الساكن قلبي
يا الشاغل بالي

Quote: آها تعال بالاحضــان ..

بالله ياخ ما تقول كدا من زمان

..
.

Quote: افتاء جماعتو مابقى عواسة كسرة سااااكت ..!!

قرقر قرقر قرقر
حامضة ولا فطيرة !!؟

والله يا قرشو طلعت انت ويا زول3
اطيب ناس والدليل انو استغلينا البوست
دا استغلال سئ .. بس تقول شنو.. ما اخوان وكدا بعدين
وجود بعض الشخصيات هاهنا خلانى احتل
ولا ما كدا يا انتِ !! - ورمز لآمونه -

_____________

يالله انها الذكري يا قرشو
لى زمن لم اضع الكَسرة فى كلمة إنتِ
أين دياركـ يا تري !!؟
وبمناسبة الكِسرة
احسن امشى اتغدى مفروكة بامية
وشوية لوايق
اساسي ممكن حبة كبسة بالرز
عن طريق DHL

نفر رز دجاج شواية كيف معاك

Quote: اول مرة يازول يقول كلام مفيد وصاح

يعني سبعة سنة قاعد يقول في كلام فاضي وغلط

بيان

out

صدقت

صدقت


لك وله كل التحايا

العزيزة نهال كرار


لك التحية

أشكرك عزيزتى وارجو ان أكون عند حسن ظنك دوما

مع خالص الود

للعزيز قرشو و لك احلى تحية سودانية سيبرية

العزيز محمد الامين أحمد

ولك تحية مثلها ولك الود الجميل
وارجو ان أكون عند حسن ظنك سيدى

ويديك العافية

سلام يا زول

و تحايا لي قرشو

و روق المنقه مع حبوبة بيان ياخ

سلامات ياشباب
معاكم انو قرشو اطيب زول بس تابع الوغد دكين وانحرف ...بعدين ادى شربوفا عين لمن قربت تخسر مبار اتها الاولي في بطولة الرولاند غاروس... لولا وجود نوبي كانت من الدور الاول بره


نوبي يدك اصلحت

قرشو
ما شفت شوف العين
لكن الزمان اسعدني بحواره في سودانيز اون لاين
فوجدته سميدعا والمعي في معلوماته فريد اوانه في انتقاء الحروف
التي تلزع عند الاختلاف لزع الدبابير ولكنها تترك عطر الورود من عفتها



فمن حواره تعلمت كيف احترم واتحمل من يخالفني الراي
فيا ليت الزمان يسعفني بالمشاهده

والله اختيار صادف اهله

التحية ليك يا قرشو

حبيب العمر ورفيق الزمان الباهي : قرشو

للذين لا يعرفون الرجل عن قرب أقول :

سوداني .. أصيل المنشأ..

كريم الأصل والعود والطيب ..

خلوق وأخو أخوان .. وأخو بنات كمان ..

حافظ للعشرة وان طال الزمن وطال ..

رزين .. ينتقي كلماته بعناية يحسده عليها الكثيرون ..

أديب في كلامه .. ومتأدب حتى مع من يخالفونه الرأي والوجه ..

يجبرك على احترامه وان تصادفت معه لأول مرة ودون معرفة سابقة ..

رجل لا يحابي .. ولا يجامل .. ولا ينازعك الرأي في ما أنت قانع ومقتنع به ..

انه رفيق لأجمل أيام عمري .. وصديق أباهي به كثيرا وأفخر ..

حياك الله ياقرشو أينما كنت وحيثما تكون ..

ولك يازول يازول كل ودي وعظيم تقديري ..

خضرعطاالمنان
[email protected]

حبيبنا الاستاذ خضر عطا المنان

لك التحية

الشاعر الرقيق والانسان المفعم بالاحساس
لا يعرفون سيدى اننا منذ ثلاثون عاماً كنا معا
جمعنا حب ذلك الوطن الجميل
وضمنا وهج الثورة
فتفجرت دواخلنا عشقا للسودان الابى
كنا - ومازلنا - نحمله هما فى دواخلنا
ونفديه بكل ما نملك

ونلتقى هاهنا سيدى على ضفافه

انها ايام لن تمحى من الذاكرة
انها روعة العمر ونداوته

كم اشتاق اخى ان نلتقى ثانية فى رحاب الوطن الحبيب

اسأل الله ان يعيد غربتنا معا
والوطن كما عهدناه رائعا جميلا
لا يخضع لسطوة احد الا محبيه
ولا يبتزه ويهدده احد ابدا

لك كل المنى
ولك الشكر على كلماتك الرائعات فى حقى

والله يديم المحبة بيننا جميعا

مع كل الود

دكتور برنجى بيننا

ياااااااااااااه

أكاد لا اصدق ؟؟؟

أى ريح طيبة أتت بك سيدى العزيز
وأين كل ذلك الغياب
الدكتور برنجى من قدامى المحاربين ولكنه اختفى طويلا

ألف اهلا بعودتك سيدى
وشكرا على حسن ظنك يا غالى

نورت البورد كله

عزيزنا عمار عبد الرحمن

لك التحية

لن تصدق سيدى اننى كنت سعيد بالحوار معك وكنت انتظر تواصلك
ولكن يبدو ان المشاغل حرمتنا منك يا سيدى

أشكرك سيدى على كلماتك الطيبات فى حقى
واشكرك على حسن ظنك بى
وارجو ان يبقى بيننا الود ما بقينا

وامل ان يسمح لنا الزمان بالتلاقى

مع كل الود

Quote: معاكم انو قرشو اطيب زول بس تابع الوغد دكين وانحرف

شنو يا عجاج احيانا وربما كثيرا ما يقع الكوز من المزيرة

مافي داعي لكشف الحال,,,

العزيزة بت عجاج

لك التحية

اول حاجة اشكرك على حسن ظنك يا ستى ...
بعدين دكين ده ياخى جاب لينا معلقة ما انزل الله بها من سلطان
خلانا نغمد ونفتح ونتلفت
اتاريك انتى كنتى قااااااااااااعدة
بعدين يا ستى شربوفا دى قربت تطير لى باقى الصواميل الفاضله لى دى
انتى عارفه انا وين ؟؟؟
انا فى بلد ما مسموح ليك تشوف اى حاجة
وحاتك الا فى شاشة التلفزيون بس
وفجأة القى ليك شربوفا دى فى بوست دكين الوغد
اها اسوى شنو بس بالله
فى ذمتك ما حاجة تطير العقل ؟؟؟؟؟


يديك العافية عزيزتى
وخليك ضمن الفريق
قولى النصيحة بالله ما تخبيها

فيصل نوبى

لك التحية

اهلا بك عزيزنا وسعيد بتواجدك هنا

بعدين شنو حبوبه بيان دى ....
ياخى دى دفعة عديل كده
ما ممكن دكتورة بيان ؟؟؟؟

خلينا نشوف ابداعاتك

العمدة قرشو كما ارتبطت بذهني من قراءتي هنا

ربما اختلف معه في كثير مما يكتبه .. و لكني اشهد له برحابة الصدر و تقبل الآخرين


ينازعه في الطيبة الكثيرون في المنبر لو اقتربنا منهم .. ليس تنقيصاً لطيبة العمدة قرشو و لكن تحاشياً لغمط طيبة الآخرين

وين يا يازول اوت؟
عند الغافل
حيث يوجد مقام شكر لقرشو تجدنا

سامدد اقامتي حتي "تستغيس"

وانت يا صاحب كشك المديدة الحارة يا اساسي
الليلة نافست طيفور عصفور الجنة
قي بيع المديدة الحارة
انت قايل قرشو دا صاحبك براك؟












غشيتك يا يازول انا اليوم مسافرة حيث لا نت
ولا كهربة

هشام شيخ الدين(يازول يا زول)

قرشو رجل طيب وصديق لمعظم البورداب ولكن الاطيب منه انت

والله كلاكمالم اقرأ لكم الا كل خير

قرشو مرات بيولعها مع ناس دارفور شويه وبنبلعا بمويه غايتو

لانه عارفين دوافعه خيره.

ولكن هشام ما شفنا

منه الا بوست تسليح الشماليه وبداية كفاهم المسلح للرطانه

اقصد اعنف بوست لهشام ,لانه لا يعرف العنف.

التحيه لكم معا,ويا هشام لا تغضب من اي كائن ما بشبهك الغضب.(خليه لينا نحن)

وخليك في بوستاتك الدائم فرايحيه ومبهجه.

تراجي.

سلااااااااااااااااااااااااااااااااااااااااااااااااااااااااام!


البوست دا بيجمع بين الجديةّ و الونسة. و طبعا الونسة و الجديّة مرغوبتين اذا اجتمعتا في مقام مناسب. وفي تقديري دا مقام مناسب للجمع بينهما.

أها، " الحين " - لا غبار من استعمال الدارجة السعوديّة اذا كانت من صميم لغتنا العربيّة
الفصحي - نحن فرغنا من معالجة مسألة المضمون السلبي الشائع لعبارة " طيّب، التي كثيرا ما
يستعملها بعض أشقائنا في البلاد العربيّة لوصف النمط الغالب علي الشخصيّة السودانيّّة، و الكثيرون منهم يقصدون المعني الحقيقي للعبارة الدارجة: " طيّب .، مجرّدة من المضمون السلبي المرتهن بها.

معرفتي بالأخ خالد، قرشو تمّت عبر هذا المنبر. و كما تلاحظون، فانّ مشاركاتي في هذا المنبر
متباعدة و قليلة، لظروف شخصيّة ما تمسك بتلابيبي. مشكور الأخ: قرشو، فقد كان من أوائل المرحبين بي عند دخولي لهدا المنبر في رسالتي الفاتحة: " الرسالة الأولي ". و لعلّ القاسم المشترك الأوّل بينا، و الذي لم يخف علي الأخ قرشو، انّنا من جيل الخمسينيات.

" شوف يا أخوي خالد، لم يحصل لي الشرف برؤيتك، لكنّني شباب شباب( ) " و لا يداعلني شكّ في أنّ الأخ خالد ربّما يكون في مثل حالي: شباب شباب. العبرة يا أخوتي ما بالعمر الزمني. قد تجد شخصا ذو عمر زمني كبير، لكن عمره الحقيقي يقلّ عن ذلك كثيرا. لا تنسوا أنّ التقدّم في العمر الزمني بيرتبط كثيرا بميراث الحكمة. لذلك أقول أنّ شخصيّة أخي خالد قد استضاءت بنوري الايمان و الحكمة جرّاء تربيتها السودانيّة الصوفيّة و الامتحانات الزمنيّة.
يا جماعة: خالد دا منّا، نحن أهل السودان. فالنمط الغالب غلي الشخصيّة السودانيّة هو النزعة الصوفيّة و الجنوح للسلم.

خالد أخوي دا ما بيعرف النفاق. كتاباته واضحة. توجّهاته الفكريّة لا تخفي علي أحد. لكنّك لا تملك الا أن تحترمه، اذا اختلفت معه في الرأي، لأنّه يروم الخير و التعايش السلمي بين بني البشريّة عامّة و المجتمع السوداني خاصّة.

من هذا المنطلق ، أختي الكريمة: تراجي، تجدينني و الأخوة الكرماء: قرشو، عثمان، و عادل عبد العاطي - مثلا - نختلف معك في مبدأ اللجوء الي السلاح لحل المشكلات السياسيّة، بغضّ النظر عن طبيعة النظام الحاكم و أسلوبه في التعامل مع خصومه. فيا أختي: تراجي: انا بطبعي انسان مسالم، و كمان نباتي في عاداتي الغذائيّة، لذا أزعم أنّني سأموت بتأنيب الضمير اذا حثثت الاّخرين للتهلكة أو قتل أرواح انسانيّة أخري في صراعات سياسيّة لا يداخلني شك بأنّها ستحلّ ذا جنحنا للسلم و الحكمة، و كان زادنا في ذلك الصبر الجميل، مهما استطال بنا الزمن.
ألا هل بلّغت؟ اللهم فاشهد.

طارق الفزاري

ود زينب

يازول


يطراك كل طيب





قرشو






انا من جماهيرك

الأخ حيد حسن ميرغنى

لك التحية

اشكرك سيدى على حسن ظنك فى شخصى
وارجو ان اكون دوما كما تريد وان لا أخذلك ابدا

وانا من ناسك كمان يا سيدى

يديك العافية

العزيز ود زينب

لك التحية والود

أولا اشكرك سيدى على كلماتك الطيبة فى حقى وعلى شهادتك الغالية والتى أعتز بها...
ثانياً دعنا نأخذ الناس بحسن نية دوما ونتفق على ان كلمة طيب تأخذ معناها السودانى هنا ولاننا نستنكر على اولئك تحويرهم للمعانى فلا نأخذ بما يأخذون به ولتكن دواخلنا دوما نقية ...

Quote: " شوف يا أخوي خالد، لم يحصل لي الشرف برؤيتك، لكنّني شباب شباب( ) " و لا يداعلني شكّ في أنّ الأخ خالد ربّما يكون في مثل حالي: شباب شباب. العبرة يا أخوتي ما بالعمر الزمني.

حديث اعلاه اطربنى طبعا ... فقد كان البورد سابقا يعج بابناء وبنات الدفعة ولكنه الان اصبح - وككل الاشياء - يضج بالشباب مما جعلنا نقرأ أشياء وأشياء يضخ فيها دم الشباب الحار .. ومع ذلك سيدى فسعيد ان اجد من دفعتى بين هؤلاء يساندنى ويفهمنى ويقف الى جانبى .. وكما تفضلت فنحن شباب ياخى ولو تقدم العمر قليلاً والشباب شباب القلب .... خلينا نطمن نفسنا ياخى ...

أعود وأشكرك كثيرا على كلماتك فى حقى والتى اعطتنى اكثر مما استحق وهذا من لطفك وكرم اخلاقك ومن حسن معشرك ...
راجيا ان يدوم الود بيننا ما بقينا سيدى...

العزيزة تراجى

لك التحية

أشكرك عزيزتى على شهادتك الطيبة فى حقى وعلى حسن ظنك وارجو ان يدوم الود بيننا

دارفور عزيزتى قطعة غالية من الوطن ولقد عرفت اهلها منذ نعومة اظافرى ولذا
تجدينى انكر وبشدة ان يأتوا بمثل ما يشاع وما يقولون ... ورغم يقينى بأن الزمن
قد يتغير ولكن قناعتى فى انسان دارفور راسخة بأنه لن يتغير ولذا استنكر ما يقولون عنه..

حقيقة يا تراجى اهل المنبر ده طيبين جدا
وانا اعذر من يحتد ومن يتهمنى فى وطنيتى لانه لا يعرفنى ولانه منفعل تجاه قضية معينة
ولذا صدقينى للجميع فى نفسى مكانة
وآمل ان التقيهم جميعا حتى اصحح له ما علق ناحيتى من سوء فهم ..

لك الود كله عزيزتى ( ودارفور فى قلوبنا )

العزيز حافظ بشير

لك التحية

أشكرك سيدى على حسن ثقتك فى شخصى
وارجو ان اكون دوما عند حسن ظنك

كما اوافقك الراى ان هذا البورد جمع ثلة من الطيبين
وصدقا لقولك فما ان تلتقى بأحدهم حتى تجد انه مثال للسودانى الاصيل ود البلد
حقا انا سعيد بلقيا هذا العقد النضيد من ابناء وبنات بلدى الاوفياء المحبين لبلدهم
وانها لسعادة ان تكون بين مثل هؤلاء ...

مع خالص الود سيدى

اكيد وما في شك... استاذنا قرشو معدن اصيل... ونفس الخصال في كاتب البوست... يازول يازول.... يسعد صباحكم وكل المشاركين

Quote: يا صديق ، والله لو كان للطيبة ميزان ، لنصبنا (قرشو) ميزاناً لها

لن أسمح لكلماتي أن تتطاول وهي أقزام أمام ما أكنه لهذا الرجل من تقدير وود وعليه فلن أزيد شيئا على مقولتك أعلاه..تحياتي وخالص ودي لك وللعمده قرشو

الأخ الغالى المهندس الزاكى

لك التحية

انها رفقة عمر سيدى منذ ان كانت مجرد شات وحتى اصبحت منتديات خضناها فى الفة وود واحترام تام
اشكرك سيدى على لطف كلماتك التى غمرتنى بها وارجو ان اكون دوما سيدى عند حسن ظنك بى ..

لك الود كله

العزيز وليم اندرية

لك التحية

وينك يا حبيب ليك وحشة والله

ولك الشكر على الكلام الجميل عن شخصى
وارجو ان اكون دوما عند حسن ظنك

والله كل اهل البورد طيبين ياخى ربنا يديهم العافية

الاخ هشام
مسكاقمي
الاخ قرشو انا تعرفت به عبر النت سنة 1999م ومازالت علاقتي به ممتازة وطيلة فترت تعرفي به وعلاقتي عبر النت لم اجد منه الا كل خير وانسان على خلق وتحدثت معه عدة مرات عبر الهاتف ولم احظى بمقابلته شخصياً واتمنى ذلك ولكن رسمت له صورة شخص ذات وقار وهيبة .
وعلى فكرة الاخ قرشو من اوائل السودانيين الذين تواجدوا في المواقع السودانية في الشبكة العنكبوتية فكان عضوا في اول موقع سوداني هو سودانت دوت نت ومنذ سبع سنوات فهو الزعيم القائد العاقل .
يا قرشو تذكر اصحابنا سامبا ودكتا ونعناع الجنينه ومهند وابوصفاء والحصحاص حلاوة والمجنون وحبيبو تلك المجموعة الرائعة .
لكم مودتي وتحياتي

العم قرشو

تحية و سلام

الدعوات التى كتبتها لىّّ

لا تزال ملازمانى

فى كل امتحان

خالص التحايا

غادة

الابنة غادة عبد العزيز خالد

لك التحية والاحترام

مازلت أدعو لك الله ان يوفقك فى كل خطى حياتك وان نسمع باحرازك لارفع الدرجات ونيلك افضل الشهادات ...

لك شكرى وامتنانى

واقعدى عافية

الحبيب حمزاوى ( ود فرح )

لك التحية

واسأل الله أن يمد فى أيامك سيدى لتعمرها بالحب والخير والعطاء الذى لا انتهاء له
حقا سيدى ومن ينسى تلكم الايام ومن ينسى اولئك الاحباب
هل تصدق اننى ما زلت اتعقب اخبارهم ولكنهم تفرقوا ولم يبقى غيرنا انا وانت سوى القليلون هنا منهم اخونا النيل (المهندس الزاكى ) ولكن الجمع اللطيف تفرق وانداح فى بقية المنتديات ربما...
أشكرك سيدى على كلماتك الطيبات فى حقى وذلك تماما ينطبق عليك تماما وبدون مجاملة..
رعى الله ايامك اخى الكريم وتحياتى لكل من بقى من اولئك الاوفياء الأحباب ...

مع خالص الود

تبقي المعامـلة الحسنة ...الكـلمة الطـيبة والمـودة هي الأسـاس في التعامل بيننـا..
لك التحـية أخي قـرشـو..


تحياتي هشـام جـبريل الجميل..

مـني

العزيزة منى خوجلى

لك التحية والاحترام

أولا اشكرك على الورد الجميل الزاهى
وأشكرك على كلماتك الجميلة الرقيقة

ولك منى كل الود

ابصم بالعشرين

العزيز طارق جبريل

ده من اصلك الطيب يا حبيب

الله يديك العافية

صدقت صدقت يا زول

وانت كذلك

قرشو صادق وواضح ودربوا عديل

موسوعة ...

ربنا يحفظوا قولوا ماشاء الله

القلب النابض يكفى أنك القلب النابض

جميل أن يكون هنالك تنافس شريف بين أعضاء المنبر , و أتمنى أن تستمر هذه المسابقة العفوية و أن تشمل صفات أخرى: مثل أفيد بوست, أجمل بوست ..الخ

بحكم عمري القصير يالمنبر لا أعرف الكثير عن هذا الانسان الطيب ( قرشو), لكني أجد نفس دائما مندفعا للتعرف على الطيبين, لأنهم يذكرونا دائما بالسودان الذي كان.

بس عندي كرت أصفر عايز أرفعه: الأخ قرشو يطالعنا كل يوم خد و هات مع فرانكلي تجعلني أشك في طيبته..

Quote: قرشو

يستاهل
قرشو عليك الله قول ليهم بدرالدين شنا صاحبي ... سمح؟؟؟

هشام إنت روعتك دي ما بتخليها؟؟؟

الحبيب بدرالدين شنا ، وجميع الأحباب هنا

من شدة (طيبة) الراجل ، ما أدانى فرصة أرد على الناس فقد قام هو شخصياً بالرد على كل الأحبة

الله يديه (ويديكم) العافية والصحة التامة ويمتعكم انتم واسركم بكل جميل ويسعدكم فى الدارين

تحياتى

حبيبنا بدر الدين شنا

لك التحية

ياخوى انت صاحب البورد ده كله ياخى
انت الزيك وين ؟؟؟؟

وانت اصل الطيبه ومنبعها يا سيدى


يديك العافية

Quote: أطيب زول فى المنبر (بدون منازع) طيبة سودانية خالصة

ماكتيره على الخال والله

حبيبنا الزول الما ساهل

يديك العافية يا حبيب

مع الشكر الجزيل على حسن الظن فى شخصى

مع كل الود

قرشورجل محترم

وإنت كمان يا نيوباى رجل محترم



تحياتى

*

عم قرشو يا اطيب واحلي زول في المنبر والمنابر المجاورة

حلوة المنابر المجاورة دى

سلام يا ود شيخ الدين


طلع بوستك دا غايظ ناس




كدة كويس

لاقيتو في جدة قبل كم يوم ضمن وفد مبروك..

لذا فانا احكم عليه من خلال مشاهدة ولقاء..

زول حبوب وود بلد..

مش كده يا عجاج؟؟؟



دكين:
حرام عليك يا راجل تجى جده وما نشوفك

كده حرام والله

زعلتنى

(شوف وشى موقد نار كيف)

بمناسبة في جدة ناس حلوين ايه اخبار صديقك صاحب الستات ما ناوي يرجع

dear hisham
i think for you to put up this post
it only means that you are a warm nice good hearted man
if iam our dear brother girshoo i would be very worried from your competition to him as the nicest good hearted man which iam sure he is
both of you re a real assets to this post
god bless you both and your families too
akhouk mustafa

دكتور مصطفى ، والله الزول بقى يخجل عديييييييييييييل من ردودك الظريفة دى

تسلم يا سيدى ويسلم لينا قرشو كمان

عليك الله يا مصطفى تعال لينا (عُمرة) ساى ، عشان نعمل معاك الواجب

تحياتى

يا عجاج صاحب الستات غاتس فى نص العسل وما لامين فيهو آخر أخبار سمعتها عنو قالوا مشى المدينة المنورة مع العروس ولحدى يوم الليلة ما قادرين نبارك ليهو ، اصبر ليهو شوية يا عجاج بس يخش شهر البصل أكان تلقاهو متحكر معانا هنا

قال ستات قال


تحياتى

dear hisham
i got small question
when some one put*
* like this in a post and write nothing else what does it mean?
i did not understand the post from brother Faisal nobee
can you explain to me please as your the king of light entertainment here
mustafa

Dear Dr. Mustafa

In order to write a post, you should type something, otherwise the system will not allow blank post to be posted in the board

I guess Faisal is just wondering about you as a questionable personality

You may ignore the post completely or go there and ask him what this (star) means

Or may be he meant you will be (star) of the sudaneseonline discussion board

Any how, to me, you are more than a star

Can I have your autograph???

Quote: ابصم بالعشرين

....وازيد

أخى العزيز هشام،
أخى الكريم ود عكر،

وانا كذلك من الشاهدين...

ولكم الشكر،
أخوكم اسامه خلف

العم الفاضل يازول

صدقت فيما تقول ولا يعرف الطيب الا الطيب

فعمو قرشو هو قلب هذا البورد وحكيمه, عفيف اللسان طيب القلب نقى السريره
تجزبك مواضيعه الشيقه, يجمع بين حب الله ورسوله وبين شهامه ابن البلد, فهو من القلائل الذين ينثرون العطر اينما حلو

حينما كنت فى السعوديه فى بدايه هذا العام وعلم بذلك, سأل صديقتى ان تمده بتلفونى وأصر ان يعزمنى هو وزوجته وأصر الاحتفال بى فى كرم وشهامه ابن البلد, لم استطع للأسف مقابلته لضيق الوقت لكنه ظل يطمئن على بالهاتف
ويستفسر عن احوالى طوال اقامتى بالسعوديه, طالبا منى الاتصال به ان احتجت
للمساعده فى اى شئ

عمو قرشو هو فعلا انسان تتشرف بمعرفته وتحس فعلا ان الدنيا ماذالت بخير,
اجد نفسى مقصره فى ايفاءه حقه وأسأل الله تعالى ان يجزيه خير الجزاء


وفى امان الله

لا اله الا الله

ود عكر
أسامة خلف الله
بت الأحفاد

أحييكم وأشكركم على دعم (طيبة قرشو) التى شهد بها الدانى والقاصى

والله لستم بأقل منه طيبة

الله يديكم العافية