Post: #1
Title: شيرى ملت الباندويدث
Author: يازولyazoalيازول
Date: 08-30-2003, 10:06 AM
Parent: #0
شيرى وعين الله ترعاكى
وخلى الباندويدث شبعان يقبل فاكى
ماكان اتملأ لولا الكلام لولاكى
انتى تعبى فيه ونحن يوت نلفاكى
نقرا ونشحد الله يجمعنا يوم نلقاكى
فى حوش بيت كبير فيه الجداد بيكاكى
او رقشة فى زلط سواقها لابس كاكى
او فى باب شريف وسط البنات بتحاكى
او حفلة عرس فنانا ضاحك باكى
وأساسى يكون معانا مقنطر التمباكى
روبنسون بيعرض فى الرقصة يتحداكى
والباندوث فضى لى شيرى بابو متاكى
هترشى فيه ساااااكت ونحن نستناكى
loooooooooooooooooooooooooooool
|
Post: #2
Title: Re: شيرى ملت الباندويدث
Author: Elhadi
Date: 08-30-2003, 10:31 AM
Parent: #1
LOOOOOOOOOOOOOOOOOOOOOOOOOOOOOOOOL
|
Post: #3
Title: Re: شيرى ملت الباندويدث
Author: HAMZA SULIMAN
Date: 08-30-2003, 12:37 PM
المبدع هو المبدع
يكون خاطره بين الناس
وريح تتخبأ
شفتى كيف يا شيرى
تشكلتى فى الخاطر
بذلك الالق الابداعى
شمس لا تغيب
دعواتى لك بان يحفظك
الله
ويرعاك
ومذيدا من الابداع
وشكرا يا رائع
|
Post: #4
Title: Re: شيرى ملت الباندويدث
Author: sentimental
Date: 08-30-2003, 01:45 PM
Parent: #1
هذا لعمرى من الغزل العفيف. وفقك الله يا ابن ابى شترة
|
Post: #5
Title: Re: شيرى ملت الباندويدث
Author: يازولyazoalيازول
Date: 08-30-2003, 04:53 PM
Parent: #4
الهادى حمزة سليمان وسنتمنتل
مشكورين على الرد السريع ومدنكل
ما تملوا الباندويدث وجهازنا يبقى متلتل
وفتشوا لينا شيرى خلوها بى جاى تختل
هى تملى الباندويدث ونحن ليهو نعتل
وتفرح بوادينا وسهولنا وكل هضبة وتل
loooooooooooooooooooooool
|
Post: #6
Title: Re: شيرى ملت الباندويدث
Author: aba
Date: 08-30-2003, 05:05 PM
Parent: #5
شكلك رايق والليلة جد متجنتل
يديك الفي مرادك تعلو تب ما تحتل
ياالزول الحنين بي شوقو دايما يقدل
|
Post: #7
Title: Re: شيرى ملت الباندويدث
Author: يازولyazoalيازول
Date: 08-30-2003, 05:30 PM
Parent: #6
مشكور يا الظريف الاسمو ايه بى ايه
صحيح اليوم مروق زى مصرى عامل بيه
او طفلا صغير امو تدعو عليه
او شيرى بتهترش وتطبز البورد كيه
زى سنتى وأساسى قاعدين يهظروا فيه
وزى شنتير زعل وخلى الكتابة عليه
ايه رأيك تجرب تكون سى آى ايه
تجيب خبر البنية الشنكلت كرعيه
loooooooooooooooooooooooooooooooooooool
|
Post: #8
Title: Re: شيرى ملت الباندويدث
Author: aba
Date: 08-30-2003, 05:48 PM
Parent: #7
شيل الصبر يا زول كفاك جرسه
ونحنا كمان كاتلنو بس بي حنكه
وزي شنتير معاهو حبكت حبكه
ولو شنتير رجع حفلتنا بس بي دبكه
|
Post: #9
Title: Re: شيرى ملت الباندويدث
Author: يازولyazoalيازول
Date: 08-30-2003, 05:55 PM
Parent: #8
يا أبّا أخوى نحن الصبر شايلنو
كعب هجر الجماعة وفراق النينو
شاحد الله الكريم أضوق لى حنو
واعمل نفسى جاهل وقريب لى سنو
looooooooooooooooooool
|
Post: #10
Title: Re: شيرى ملت الباندويدث
Author: aba
Date: 08-30-2003, 06:55 PM
Parent: #9
الصغر كان جانا ما بناباهو
حرم كان لقيتو انط لي فوق واتلقاهو
الا آزول ما خلاص راحت ووين نلقاهو
|
Post: #11
Title: Re: شيرى ملت الباندويدث
Author: يازولyazoalيازول
Date: 08-31-2003, 08:38 AM
Parent: #10
اسماعين حسن يومداك جاب لينا الكلام تانى
وكت ماحن للريدة يجيب من وين عمر تانى
نظل نعشق جدى الريل حت لو فضلوا ثوانى
فى زول بيعيش بدون ما بيحب ما أصلو العمر فانى
وده البيميز الباقين ويعرفوا أنى سودانى
قلب عامر بحب الناس وكل الدنيا أخوانى
يا أبا خلاص كفاية الحكاية قلبت جد
|
Post: #12
Title: Re: شيرى ملت الباندويدث
Author: aba
Date: 08-31-2003, 11:41 AM
Parent: #11
يازول يازول
ما قلنا ليك
الحب طريق
قاسي وصعيب من اولو
ابيت كلامنا
اهو ده العزاب اتحملو
|
Post: #13
Title: Re: شيرى ملت الباندويدث
Author: يازولyazoalيازول
Date: 08-31-2003, 11:50 AM
Parent: #12
|
Post: #14
Title: Re: شيرى ملت الباندويدث
Author: يازولyazoalيازول
Date: 09-03-2003, 05:16 PM
Parent: #13
الحب صعيب يا أبّا نارو محرقة
تحرق فؤاد زولن بيحب شاف الشقا
وتحرق معاها الأمنيات السابقة
ولهيبا يلفح كل عاشق وعاشقة
وما بيطفى نار البين ومشوار الشقا
غير اللقاء وما احلى ساعات اللقا
يوم الحبيب يلقى الحبيبة يعانقا
ويهديها كل الأمنيات اللائقة
ويعيشوا قصة حب ملهلبة دافقة
فى الساعة ديك نيرانو تطفى بكل ثقة
وتحيل حياتو لجنتين جنةحنان وجنة لقا
ولاّ أنا غلطان يا أبّا؟؟؟؟؟
|
Post: #15
Title: Re: شيرى ملت الباندويدث
Author: shiry
Date: 09-04-2003, 08:09 AM
Parent: #14
سلام مربع
الريس :يازول يازول
تسلم كتير كتير واوي اوي كمان
يازوق
ليتني كنت من الذين يقرضون الكلام
الماخمج
لاحتجت لالف الف وكمان الف تاني
بيت شعر لا عبر لك عن امتناني
وسعادتي بهذه النصوص الاحتفائية
التي تفيض منها الف مليون نكهة
لتاطير اواصر العلائق الانسانية
الراقية
تجدني مهما حاولت ان اكون منصفة مع هذه الاحاسيس الراقية
عبثا اعود اليكم بايادي مقصره
لا تعرف حتى ماذا تقول
في يوم جميل مثل هذا
ليس لانها عاجزة تماما
فقط لان احاسيس القبطه فاضت بها
واغرقتها في بحار من دموع
بالكاد تري على الشاشة حروف
خرجت من كي بورد جبان يعاندها
سلمتم كلكم كلكم
الذين كتبوا هنا والذين كان بودهم الكتابه هنا
والذين قرأوكم
كلهكم كلهم اعلنكم
احبابي
ودخري
وكل شيء جميل
في حياتي
هلا تقبلتم اعتذاري
عن الغياب
اذ انني تركتم تقلقون لغيابي
لكل الحليون ابعث
احلى الامنيات
|
Post: #16
Title: Re: شيرى ملت الباندويدث
Author: shiry
Date: 09-04-2003, 08:16 AM
Parent: #14
سلام مربع
هشام يازول
استاذي الكريم : حمزة سليمان
سينتمنتال
ابا
شوفوا ياجماعة انا عندي ليكم نكته حلوة من امبارح بضحك فيها ، عشان كده
ح اهديها ليكم مع اطلالة هذا الصباح الربيعي
مصطول بتاع تاكسي ، متمخمخ اخر التمامين ، والدنيا جميله في وشه .. اثنين حناكيش كوركو ليهو
تااااااااااكسي .
وقف ، الحناكيش قالوا ليهو : عمو نحن ماشين اركويــت
قال ليهم : امشوا لكن ما تتاخــروا
هاههاهاههااههاهااه
ربك لما يريد
|
Post: #17
Title: Re: شيرى ملت الباندويدث
Author: يازولyazoalيازول
Date: 09-04-2003, 09:03 AM
Parent: #16
نكتة أركويت بالحيل جميل وسمحة
وطلتك البهية زرعة فى حياتنا وقمحة
اوعى تغيبى تانى ولو ثوانى ولمحة
مابنقدر بدونك نكتب حروفن سمحة
|
Post: #18
Title: Re: شيرى ملت الباندويدث
Author: aba
Date: 09-04-2003, 10:21 AM
Parent: #17
يا زول يا زول
ماك غلطان عداك اللوم بي ثقة
أسأل الله ........تمشي الحبشة
ناسها حلوين....حنان ومؤانسة
بي قهوة بي بن......بي ونسة
تنسي ناس شيري.......وهبة
طبعا هبة دي لزوم القافية
شيري حمدا لله علي السلامة
|
Post: #19
Title: Re: شيرى ملت الباندويدث
Author: shiry
Date: 09-04-2003, 11:02 AM
Parent: #18
سلام مربع
ابا
ايها المحرض العظيم
اعلنت عليك
الهترشه
تسلم يارائع
وربنا يخليك
ياطيب
|
Post: #20
Title: Re: شيرى ملت الباندويدث
Author: يازولyazoalيازول
Date: 09-04-2003, 11:08 AM
Parent: #18
البن نشربو فى الأمهرا الحبشية
نشفط جغمتين فى كل صباح وعشية
تكون المطرة صابة والليالى هنية
معانا الجكس ألوان زاهية حلوة بهية
ونرطن للحبش رطانة ما محرية
يشهقوا لينا مرات ومرة شوف عينى
بتخاطبك عيون وتفهم كلام عينى
ما احلى الجلوس مع واحدة بس حبشية
مالك علي يا ابا؟؟؟؟
|
Post: #21
Title: Re: شيرى ملت الباندويدث
Author: aba
Date: 09-04-2003, 12:28 PM
Parent: #20
يا زول يازول
بدل ناس شيري وابا تلقي ترحاس
وتنوم قفا..كفاك خوتة ووجع راس
لا نقة لا شكلة لا ضيقة خلق ولا حناس
بس يا زول أوعك هناك تمشي تكب الكاس
تسكر تفنجط يدقوك الحبش بالمداس
ترجع لي ناس أبا وشيري يانا نحن الساس
|
Post: #22
Title: Re: شيرى ملت الباندويدث
Author: يازولyazoalيازول
Date: 09-06-2003, 12:10 PM
Parent: #21
أبّا وشيرى ما ديل الأساس والراس
لكن الحبش أهل الجمال الخاص
من تبينا قمنا عرفنا معنى الحب والإحساس
عشقنا أديس بحيرة تانا جابت ناس
غرقوا كسلا والخرتوم ولى كدباس
جمالهم حير الفرجونى وكمال ترباس
محمد وردى يشهد وكل زول حساس
لحدى الليلة مما اشوف ظراف الناس
اتذكر جمال حبشى مزين بى عقد الماس
واقول اصلو المحبة قسم موزعة لى جميع الناس
|
Post: #23
Title: Re: شيرى ملت الباندويدث
Author: aba
Date: 09-06-2003, 12:40 PM
Parent: #22
يا زول يا زول
التور إن وقع كتر البتابت عيب
وإتا آزول... جلبا فطين وأريب
حاشاك الكعب ما شفنا فيك قول ريب
إلا الزمن لاواي...... وحكمو عجيب
شابيت لي الحبش وقلت ليهم أجيب
أرحم شيبتك آزول شمسك بقت في مغيب
الزول بالخرف فات العجايز القدرو
جاب لينا الكلام قالولنا زولكم أقدرو
واقفين ناس هناك بي عين حقارة يحدرو
وكان ما الخجل كان بي الحجارة يشترو
|
Post: #24
Title: Re: شيرى ملت الباندويدث
Author: يازولyazoalيازول
Date: 09-06-2003, 01:29 PM
Parent: #23
قلت كلام سمح يا خالد ما بناباهو
كان جيت للكبر ياريت نعيش فى جاهو
ومهما تفوت سنين وتمشى تتعداهو
تزيد ضربات قلوبناونتيه قبال التاهو
بنعشق للجمال ونفوسنا تتلقاهو
وما بنقفل قلوبنا يوم الحبيب يرجاهو
وطول ما العين تشوف ظل الحبيب تبراهو
نظل نعشق نحب نطوف كمان فى حماهو
نسبح ربى فى محراب جمالو براهو
ونصلى على الحبيب الربنا اختصاهو
بحديث المحبة الحلقت فى سماهو
وكان الحب قعد يانا القعدنا معاهو
ولاّ شنو؟؟؟؟
|
Post: #25
Title: Re: شيرى ملت الباندويدث
Author: aba
Date: 09-06-2003, 01:48 PM
Parent: #24
يا زول يل زول
عداك اللوم
عمرنا فات وجسومنا كبرت
بقت تسوي الطوطة
وفي حرم الجمال نجلس
سنونا تفر مبسوطة
ننسي العيال بي أمهم
وورانا الأمور مفروطة
نجري ورا الجمال والرقة
لامن نقع في البوطة
|
Post: #26
Title: Re: شيرى ملت الباندويدث
Author: يازولyazoalيازول
Date: 09-06-2003, 02:05 PM
Parent: #25
قصيدتك سمحة الا القافية كلها طوط
تعبت معاك بدورك يوت تكون مبسوط
ارح لأديس أبابا معانا بن مزبوط
وحبشيتين قزازة أنيشا وريحة وعود
|
Post: #27
Title: Re: شيرى ملت الباندويدث
Author: aba
Date: 09-06-2003, 02:29 PM
Parent: #26
يا زوليا زول
عاين ما الخرف باين
قالو الزول بكوس لي أنيشا
زي أبو الدرداق يتاوق
يشابي للقمرا
يسكرنا ويذيد من من أحزانا
وديلك كبرو ذادو حلا
|
Post: #28
Title: Re: شيرى ملت الباندويدث
Author: يازولyazoalيازول
Date: 09-06-2003, 02:39 PM
Parent: #27
ما الحلوين بيخلوا الزول يتوق للبيرة
تقعد تنبسط هيمان تشم لى عبيرا
وما تسمر براك كل زول بيكوس فى سميرا
شاحد الله الكريم زى عابد سجد فى ديرا
ينبض قلبى دوما فى حب جميلة وأميرة
|
Post: #29
Title: Re: شيرى ملت الباندويدث
Author: aba
Date: 09-06-2003, 02:59 PM
Parent: #28
داير تجيب لي النبيشة
يا زول إت جنيت البيرة طايره
الكبر دخل... نسأل الله الستره
الخرفة فيك ....حرم بقت فطره
البيرة يا زول حرام وإن بقت قطرة
|
Post: #30
Title: Re: شيرى ملت الباندويدث
Author: Tumadir
Date: 09-06-2003, 03:27 PM
Parent: #29
مت من الضحك...البوست دة ما بتوصف
وات يا هشام تراك فى الحب دة ما بتتقشف؟
ما داسى الشراب ولتحبشك متعسف
بكلم ليك ابوى..اقول ليه ولدك اسرف
وكان لى اخوك ابا...لمرتو......لازم يقول متأسف
ضحكنى الشعر...خلانى دمعى يهتف
|
Post: #31
Title: Re: شيرى ملت الباندويدث
Author: aba
Date: 09-06-2003, 04:03 PM
Parent: #30
تماضر
أخوك يا تماضر حالو بقي مكشوف
فضحنا فضيحة الفينا بقي معروف
والسترة مطلوبة للأعمي والبيشوف
وكان للمراالمسكينة داقسةمابتشوف
|
Post: #32
Title: Re: شيرى ملت الباندويدث
Author: يازولyazoalيازول
Date: 09-07-2003, 10:02 AM
Parent: #31
أخوك يا تماضر زولن كلس بالحيل
يقوم الهجعة يتنفل نصايص الليل
ويستغفر صباح ومساء فى ضو قنديل
يحرم يطوف ويسعى يخم فى الأجر بالكيل
يزور حرم الرسول سيدى الكريم ونبيل
يقيف عند سيد الشهداء ويبكى عديل
ويتصدق بكل ما عندو ما هو بخيل
يصوم رمضان وعاشوراء وقيام الليل
وما بيدخل فى بيتو حرام وعندو دليل
أبوى أغرى السلام منى ده ود جبريل
ده زولن مابجود متلو الزمن بالحيل
كريم سمح الخصال أجواد وماهو بخيل
اما حكاية الأنيشا وكلام بنهار محاه الليل
مع حبشية فنانة ووشيشا يضوى زى قنديل
دى كانت حاجة زى لوحة وشالها السيل
برسم فيها بالوجدان وحاجة كده كفن تشكيل
أوعى تكلمى أبوى ويهيج فينى وأضوق الويل
ده كفو بيرمى أتخن زول شرب من نيل
ونهرتو ترعب الفرسان قفا ما تشيل
وحدرتو الله لا وراكى من نوع ديل
حليلو الفارس الأبلج حليل ناظرنا ود جبريل
كبير العائلة دخرينا الكلامو جميل
يمين ما شفت زى خلقو وماجاب فى زمانو مثيل
بلغى منى السلام زفرات تجيه عديل
تلاقيه فى أحسن حال وسط كتبو ولجام الخيل
اروى وفيحاء بالخدمة يساهروا الليل
عشان ارجل رجال ام در ولاد النيل
ابوى الفارس المغوار وماهو الديل
ابوى مقنع بنات ام در فى نص الليل
ابوك يا تماضر العاشق كلام الله ورسولو عديل
ابوك ما بجيب زمانو شبه وحتى بديل
ابوك ركازة للعاطل ابوك بيصلى طول الليل
ابوك بيربى فى الأيتام ابوك صنديد وجمل الشيل
ابوك الشاف رجال كررى وكواسر الليل
تماضر ابوك يجف قلمى الكلامو هطيل
ومهما قلت فى وصفو بعجز فى ثناه عديل
نسيتى القالو لينا زمان نسيتى كلامو لينا قبيل
ربنا يحفظو يخليهو شيخ الدين ود جبريل
ولا ما كده يا تماضر؟؟؟؟؟
|
Post: #33
Title: Re: شيرى ملت الباندويدث
Author: يازولyazoalيازول
Date: 09-07-2003, 10:02 AM
Parent: #31
أخوك يا تماضر زولن كلس بالحيل
يقوم الهجعة يتنفل نصايص الليل
ويستغفر صباح ومساء فى ضو قنديل
يحرم يطوف ويسعى يخم فى الأجر بالكيل
يزور حرم الرسول سيدى الكريم ونبيل
يقيف عند سيد الشهداء ويبكى عديل
ويتصدق بكل ما عندو ما هو بخيل
يصوم رمضان وعاشوراء وقيام الليل
وما بيدخل فى بيتو حرام وعندو دليل
أبوى أغرى السلام منى ده ود جبريل
ده زولن مابجود متلو الزمن بالحيل
كريم سمح الخصال أجواد وماهو بخيل
اما حكاية الأنيشا وكلام بنهار محاه الليل
مع حبشية فنانة ووشيشا يضوى زى قنديل
دى كانت حاجة زى لوحة وشالها السيل
برسم فيها بالوجدان وحاجة كده كفن تشكيل
أوعى تكلمى أبوى ويهيج فينى وأضوق الويل
ده كفو بيرمى أتخن زول شرب من نيل
ونهرتو ترعب الفرسان قفا ما تشيل
وحدرتو الله لا وراكى من نوع ديل
حليلو الفارس الأبلج حليل ناظرنا ود جبريل
كبير العائلة دخرينا الكلامو جميل
يمين ما شفت زى خلقو وماجاب فى زمانو مثيل
بلغى منى السلام زفرات تجيه عديل
تلاقيه فى أحسن حال وسط كتبو ولجام الخيل
اروى وفيحاء بالخدمة يساهروا الليل
عشان ارجل رجال ام در ولاد النيل
ابوى الفارس المغوار وماهو الديل
ابوى مقنع بنات ام در فى نص الليل
ابوك يا تماضر العاشق كلام الله ورسولو عديل
ابوك ما بجيب زمانو شبه وحتى بديل
ابوك ركازة للعاطل ابوك بيصلى طول الليل
ابوك بيربى فى الأيتام ابوك صنديد وجمل الشيل
ابوك الشاف رجال كررى وكواسر الليل
تماضر ابوك يجف قلمى الكلامو هطيل
ومهما قلت فى وصفو بعجز فى ثناه عديل
نسيتى القالو لينا زمان نسيتى كلامو لينا قبيل
ربنا يحفظو يخليهو شيخ الدين ود جبريل
ولا ما كده يا تماضر؟؟؟؟؟
|
Post: #34
Title: Re: شيرى ملت الباندويدث
Author: aba
Date: 09-07-2003, 10:24 AM
Parent: #33
يا زول يا زوول
اللللله أكبر
لوالدكم القومة والإحترام والتبجيل
رباي اليتامة مقنع الكاشفات ما بيدي قليل
الصوام وما نوام قيام الليل صلي وتنفيل
يمد ايامه خير يشم النسمة طيبة وهواها عليل
الله يديه الصحة والعافية يا هشام ويجمعكم كلكم في ساعات خير
|
Post: #46
Title: Re: شيرى ملت الباندويدث
Author: Abdel Aati
Date: 09-09-2003, 01:42 PM
Parent: #24
يا زول يا زول يا زول
انت والله ظهرت علي حقيقتك
بكاي
ورياد
وعاشق حبش
ومبدع
تسلم يا زول
|
Post: #48
Title: Re: شيرى ملت الباندويدث
Author: Abdel Aati
Date: 09-09-2003, 01:53 PM
Parent: #46
وهاكم مساهمة في هذا البوست اللذيذ
---
يازول البكا خليهو لي ناس ابا
احترم السنين شوف ليك سبحة وجبة
والقلب الرهيف اللي شيري رق وحبا
قالوا بنات حبش ما خلوا فيهو الحبه
|
Post: #50
Title: Re: شيرى ملت الباندويدث
Author: يازولyazoalيازول
Date: 09-09-2003, 03:41 PM
Parent: #48
عبدالعاطى جانا وجاب الكلام موزون
وقال الأمهرية سابت القليب محزون
وشايفو الليلة حن وسوى ليه فنون
ووقع فى حب مهترشة ملكة جمال الكون
بقى تسبيحنا زى درويش صبح مجنون
سبحان من براها وأداها أحلى عيون
سبحان من خلق وقال ليهو كن فيكون
بى بركة تبارك والتين والزيتون
والشيخ ود بدر وسيدى ود حيسون
وكل الصالحين الماتوا والحيين
فى وقت السحر وقت الدعاء المضمون
تجعل حبى خالص لله وين مايكون
ما بتشوبو شايبة وينفى كل ظنون
وتحفظ كل عاشق وكل قلب حنون
هو الدينمو المحرك غيرو بنخش الزون
هو البجعل حياتنا مليانة خير وفنون
هو الداير حنانّا ومحتاج معانا يكون
عشان تفرح عيونّا من سحر ذاك النون
بسمتا والضفيرة والبرق بين سنون
وتبرّد حشانا بالفرشة والمعجون
loooooooooooooooooooooooooooooooooooooooooooooooooool
|
Post: #53
Title: Re: شيرى ملت الباندويدث
Author: Abdel Aati
Date: 09-10-2003, 00:39 AM
Parent: #50
يا زول البكا خليهو والتشبيب
البندوث الذكرتو ولاهي امرو عجيب
ما لقيت غير طريقو ترجع لدرب صعيب
القلب الرهيف كم حبا الف حبيب
والشيب انتشر ؛ ما خلا اي سبيب
"التور ان وقع كترة البتابت عيب"
|
Post: #35
Title: Re: شيرى ملت الباندويدث
Author: cola
Date: 09-07-2003, 11:00 AM
Parent: #1
الانحناء لهذا الدفق الشاعري المنساب القا وبهاء
معطرا البورد باريج النفس السوداني الاصيل الجميل
الدواخل الذى طالما تمنينا ان نستريح من وعثاء البورد
فى ظله الوريف وهاهي الصدف الجميلة تهدى لنا هذه التحف والدرر
من اناس نادري الموهبة وزو حضور نتمنى ان يستمر على الدوام لهذه الطلة الوسيمة ولهذا الثالوث الذهبي .
للرائع هشام الذى ابتدرة
هذا العقد المنضوم ولى ابا المتفرد الذى ابا الا ان يزكرنا بمربوع الحردلو العبقري والذى لاتقل ابياته عنه جمالا فيما ارى والمبدعات شيرى وتماضر حفيدات مهيرة وربات الصون وملكات البورد المتوجات ومزيدا من
الالق
والاخت تماضر
عرفت كيف تمسك هشام من
وكما نقول نحن السودانيين يده البتوجعه
الذى كان نتيجته هذا الصفاء الروحى
المتسامي الخلوق لى ابن بار لابيه
واى اب هو ؟
اتمنى المذيد ثم المذيد
نحن عطشى لنهر ابداعكم
|
Post: #36
Title: Re: شيرى ملت الباندويدث
Author: aba
Date: 09-07-2003, 03:13 PM
Parent: #35
كولا
سلام
تشكر يا زول يا زين ده بس من زوقك
لك ودي
ملاحظة:
اسمك ده قاعد يعطشني
|
Post: #37
Title: Re: شيرى ملت الباندويدث
Author: يازولyazoalيازول
Date: 09-07-2003, 08:59 PM
Parent: #36
خالد صبح عطشان يوم جابو سيرة الكولا
العولمة نستو الترعة حتى الفولة
تطير الغربة يا خالد تروح بى طولا
ونرجع للديار نبنيها أروع دوله
|
Post: #38
Title: Re: شيرى ملت الباندويدث
Author: aba
Date: 09-07-2003, 09:54 PM
Parent: #37
الله ...يازول مالك علينا
الغربة طايرة دي الخلت دموعنا هميلا
ما بترحم عزيز والروح بقت في تولا
بدل الموية عزبة بقينل نشرب كولا
يا الله الكريم رحماك هومومنا تشيلا
|
Post: #39
Title: Re: شيرى ملت الباندويدث
Author: يازولyazoalيازول
Date: 09-08-2003, 10:11 AM
Parent: #38
بنحلم بالرجوع يا خالد أخوى يوماتى
أشوف جارتنا عشة وأشوف كمان أماتى
وأشم ريحة البلد واتفقد جميع اخواتى
وامش كل المحلات من يوم نشأت بتاتى
حليل قضروف سعد ببنوا المحنة قطاطى
يجيك زمن الخريف وزمن المحبة الآتى
تصير الدنيا جنة ما بتوصفها حكاياتى
نور بلور مطر عصفور معطونة فى صلواتى
تنظر جمال الكون فى ضرع تلك الشاتى
أو قهوة هدندوية تحت السحاب العاتى
تعادل الدنيا مافيها وكل دولاراتى
|
Post: #40
Title: Re: شيرى ملت الباندويدث
Author: shiry
Date: 09-08-2003, 12:17 PM
Parent: #39
سلام مربع
يازول يازول
عارف انا محتارة ماذا اكتب لك
عندي قناعة
انو لو شحدت كل معاجمي
وكل حروفي
ما قدرت ان اوفيك حقك
ربنا يرجعنا كلنا ياهشام
لديارنا سالمين
غانمين
ويجمعنا بيهم
امين يارب
العالمين
سلمت يا راقي
يا زين
يا زوق
|
Post: #41
Title: Re: شيرى ملت الباندويدث
Author: يازولyazoalيازول
Date: 09-08-2003, 05:51 PM
Parent: #35
عشان خاطرك متوكل على الله وأقول شعرى
عشان خاطرك أجيبها حروف درر مصنوعة من فكرى
عشان خاطرك أقيف وأعزل كلام موزون يجيك يجرى
عشان خاطرك جرت أنهار سمت أفكار تسع صدرى
عشان خاطر عيون كولا يفوح الورد والعطرى
برق من روحى ليك بارق مؤيد بى كلام سحرى
كمان يسجد امام بابك يحيى جمالك الفطرى
وتشهد ليك تماضر الذوق ويشهد ليك بها بكرى
التوقيع
يازول يازول
|
Post: #42
Title: Re: شيرى ملت الباندويدث
Author: aba
Date: 09-08-2003, 08:14 PM
Parent: #41
يا زول يا زول
لكن بكاي بكي
عشان شوق الشوق ...النوم جافاني
ودي قصة قديمة وفيها فصول ومعاني
وكت يا زول أطرا الزولة تقيد نيراني
وأقول يا الله تتم المنية واشوفهاعياني
لكن يازول العندك انت ده شيتا تاني
في ناس شيري مكسر وتقول وتعيد الزوق سوداني
الله يعينك في الجاتك وربي كريم في الجاياني
|
Post: #43
Title: Re: شيرى ملت الباندويدث
Author: يازولyazoalيازول
Date: 09-09-2003, 09:05 AM
Parent: #42
خالد اخوى اشواقنا بحر
للزول الضوى سنينو سحر
ان جاهو الديش بالفلجة دحر
النونة تخلى نار حبو أحر
سبايب شعرو امواج فى بحر
عينيه تحاكى غزال البر
ده العذبنى وخلانى شهر
ما ضقت النوم فى أرق وسهر
|
Post: #44
Title: Re: شيرى ملت الباندويدث
Author: garjah
Date: 09-09-2003, 11:10 AM
Parent: #43
ابا
يازول يازول
وروني كيف نظمتو الكلام قوافي
وكيف طاعكم الحرف جاكم حافي
وكيف مزاجكم في الغربة الصعيبة يوافي
وكيف خليتونا نمطق ونقعد نكورك عوافي
حررم نضم رجال في العلم عامو ووبعدكم خلاس تاني كلام مافي
براق سيوف نضمك ظهر يازول سن الحوافي
البدور شكلك بالقوافي بس تغلبو غلبا كافي
وين كنت مخبي النضم الجميل الشافي
الله لا جاب يوم شكرك ولا شفناك يوماهههههه سااافي
loooooooooooooooool@ aba yazol . gwafi
|
Post: #45
Title: Re: شيرى ملت الباندويدث
Author: يازولyazoalيازول
Date: 09-09-2003, 12:05 PM
Parent: #44
قرجة حبيبنا الليلة ظهر
جاب ليه كلام محفوف بدرر
يجارى حديثنا بشكل خطر
وختى القرجة الشالا دهر
قال عيان فى الغربة فتر
يومو يدافر وليلو سهر
تعال بى هنا فى حب وسمر
وانسى الغربة سنينا جمر
تلاقى حبايبك فى المنبر
ناس شيرى تماضر وبت ام در
يازول بهديك حروفو درر
ترد الروح بنهار وسحر
تونس فيك لو حتى شهر
تخلى كفيلك محتار فى الأمر
زى زول عيان او ماسكو سعر
|
Post: #47
Title: Re: شيرى ملت الباندويدث
Author: shiry
Date: 09-09-2003, 01:50 PM
Parent: #45
سلام مربع
هشام يا ود الملوك
يا الاهلك مابشحدوا الزوق
وحنهم للبعيد والقريب
باين
يفرزوا؟
ابدا دا شيء ماعندهم
عايزني اقول شنو
فوق كلامك الماخمج
واحساسك الجميل
الاحلي من الشهد
ربنا يحفظك
ويحفظ كل اخوانك
كلو ما اتزاورو
واتذكروا البلد
ويحفظ ليكم الوالد
امين يارب
|
Post: #49
Title: Re: شيرى ملت الباندويدث
Author: يازولyazoalيازول
Date: 09-09-2003, 02:08 PM
Parent: #47
شيرى السمحة طلت وجابت سلاما مربع
ونحن نردو ليك سبعين فى عشرة مسبع
يا بت الكرام من طلتك ما بنشبع
وغيرهترشتك البورد لا بيفيد لا بينفع
|
Post: #51
Title: Re: شيرى ملت الباندويدث
Author: aba
Date: 09-09-2003, 08:06 PM
Parent: #49
أها جهجهتونا نرد علي منو فيكم
يا قرجا يا أخوي ألف مرحب بيك في خيمة الجرسة
وأصلو الحكايا:
لما شيري الحلوة... تغيب وتطوّل
يشيل (الزول) في نفسو وعينو تحوّل
يجر النم يقول ويغني ولي ريدتو يدوّل
والغنية تقول لكن ما شيري جمالها بيبوّل
|
Post: #52
Title: Re: شيرى ملت الباندويدث
Author: sentimental
Date: 09-09-2003, 08:22 PM
Parent: #1
طبزها طبزها طبزاااااااااااااااااا
|
Post: #54
Title: Re: شيرى ملت الباندويدث
Author: aba
Date: 09-14-2003, 01:11 PM
Parent: #52
المطبوزة متمومة
ونحن نخاف من لومة
|
Post: #55
Title: Re: شيرى ملت الباندويدث
Author: يازولyazoalيازول
Date: 09-14-2003, 02:09 PM
Parent: #54
شوف خالد غتس جاب لينا بوستنا تانى
يشوشو فى قليبى ويزيد كمان نيرانى
ما ضقت الفرح ما عشت فد يوم هانى
غير شوفة البهترش جوة فى وجدانى
loooooooooooooooooooooooooooooool
|
Post: #56
Title: Re: شيرى ملت الباندويدث
Author: aba
Date: 09-14-2003, 04:43 PM
Parent: #55
هلا بالزول الزين
تحياتنا وشوقنا ليك وأحلي أماني
يالزول الرهيف بالشوق دوام بيعاني
عارفك مابتغيب ما الشوق بجيبك تاني
ماك مكري زول حارة تب أصيل سوداني
|
Post: #57
Title: Re: شيرى ملت الباندويدث
Author: aba
Date: 09-15-2003, 04:07 PM
Parent: #56
يازول
في رجاك............. مليت قساوة الإنتظار
وشربت من موية الغسيل لمن يبس فيني الخدار
وبقيت أعاين في الدروب ما لقيت غير العتار
لمتين تعود لي حوشنا..... نتلم كعب الودار
يا زول ملان حنية..... زيك منو؟ ما هم كتار
هرشوك وشالوا حسك.... وفي الفريق دقوه طار
|
Post: #58
Title: Re: شيرى ملت الباندويدث
Author: aba
Date: 09-16-2003, 12:35 PM
Parent: #57
منعول أبو الفرح ** البقي يضارا لما يشوفنا
منعول أبو الفرح ** الخلي الحزن معشعش فوقنا
منعول أبو الفرح ** القادر وما راضي يسوقنا
منعول أبو الفرح ** اللملم فارق وخلف شوقنا
|
Post: #59
Title: Re: شيرى ملت الباندويدث
Author: يازولyazoalيازول
Date: 09-16-2003, 01:11 PM
Parent: #58
ياخالد أخوى
since I was
صبى
lookin for
السعادة عايز أكون
happy
ما قصة
money
أو وحى جابو نبى
بس
my love
يرضى
ونعمل برانا
lobby
وكل ماتجينى منو
message
بعمل ليك معاى
copy
|
Post: #60
Title: Re: شيرى ملت الباندويدث
Author: aba
Date: 09-16-2003, 04:02 PM
Parent: #59
يا زول يازين
أعمل لي معاك
Copy
ووريني المدسوس ومتخبي
I am Getting Crazy
من الناس الزي بوبي
Crying all day
Waiting for Copy
توعيني وتبصرني تفك الجن الراكب فوقي
|
Post: #61
Title: Re: شيرى ملت الباندويدث
Author: يازولyazoalيازول
Date: 09-18-2003, 09:36 AM
Parent: #60
أغدا ألقاك يا خوف فؤادى من غدى
يا لشوقى واحتراقى بانتظار الموعدى
آخ كم أخشى غدى هذا وأرجوه اقترابا
كنت أستثنيه لكن هبته لما أهابا
وأهلت فرحت القرب به حين استجابا
هكذا احتمل العمر نعيما وعذابا
موجة حرى وقلب مسه الشوق فذابا
أنت يا جنة حبى واشتياقى وجنونى
أنت يا قبلة روحى وانطلاقى وشجونى
أغدا تشرق أضواءك فى ليل عيونى
آه من فرحة أحلامى ومن خوفى ظنونى
كم أناديك وفى لحنى حنين ودعاء
يا رجائى أنا كم عذبنى طول الرجاء
أنت لولا أنت لم أحفل بمن راح وجاء
أنا أحيا لغد آل بأحلام اللقاء
فأت أو لا تأت أو فافعل بقلبى ما تشاء
هذه الدنيا كتاب أنت فيه الفكر
هذه الدنيا سماء أنت فيه القمر
هذه الدنياليال أنت فيها العمر
هذه الدنيا عيون أنت فيها البصر
فارحم القلب الذى يصبو اليك
فغدا تملكه بين يديك
وغدا تأتلف الجنة أنهارا وظلا
وغدا ننسى فلا نأسى على ماض تولى
وغدا نسهو ولا تعرف للغيب محلا
وغدا نحيا للحاضر الزاهى ليس الا
قد يكون الغيب حلوا انما الحاضر احلى
الهادى آدم
|
Post: #62
Title: Re: شيرى ملت الباندويدث
Author: aba
Date: 09-18-2003, 09:42 AM
Parent: #61
يا زول يا زول
بجيك راجع دي دايرها ليها قعده
|
Post: #63
Title: Re: شيرى ملت الباندويدث
Author: HOPEFUL
Date: 09-18-2003, 10:10 AM
Parent: #62
صراحه البوست دا غايه في الروعه
وما داير ادخل فيهو عشان ما اخربو
يلا واصلو ابداعكم يا مبدعين
حقيقي قمه قمه في الابداع
يديكم الف عافيه
وفي انتظار ردك يا ابا بعد (القعده) لوووول
اها
|
Post: #64
Title: Re: شيرى ملت الباندويدث
Author: aba
Date: 09-18-2003, 01:25 PM
Parent: #63
يا زول يا زول
هذه الدنيا شمار أنت فيه الخبر
هذه الدنيا عزاب أنت منه في خطر
******
وغدا لن تلقاها وذادك (أبا) عذابا
مشتاق للصغيرة الحلوة ما بتخجل ياكركابا
|
Post: #65
Title: Re: شيرى ملت الباندويدث
Author: aba
Date: 09-18-2003, 01:48 PM
Parent: #63
هوب فل
بركة في ظهورك
وحمدا لله علي السلامة أريتك طيب ونحن البينا
هيـــــــــــــــــــن
|
Post: #66
Title: Re: شيرى ملت الباندويدث
Author: aba
Date: 09-19-2003, 02:37 PM
Parent: #65
فيروس الحب
ـــــــــــ
الحب جميل يا أخونا***فجر قلوبنا محبة
خلي الحمل في أمان***بين الأسود يتربة
لا جعلي لا شايقي***ما بيفرزهم بالحبة
كفت الخلق خلاها***في ود تعيش في صحبة
نسجو القصيد***ختو النزور في القبة
واللحن ذاع وانساب***خلي الحروف تتكبة
بي قدرتو المعبود***بي جاهو فالق الحبة
والفيروس خطير وعجيب***خلاها ربت ربة
ولو جانا يوم شاكوش***ساعدونا بس بي جكة
--------------------------------------------------------------------------------
|
Post: #67
Title: Re: شيرى ملت الباندويدث
Author: يازولyazoalيازول
Date: 09-21-2003, 05:37 PM
Parent: #66
الحب الهرانا وخلانا قلنا الروب
محمد معانا ما ننجدع بالطوب
شوفو السنتمانا جاب الكلام مقلوب
شان الحمبكانةفى منديلو راسما قلوب
وبرى منكم
برى
|
Post: #68
Title: Re: شيرى ملت الباندويدث
Author: aba
Date: 09-22-2003, 09:33 AM
Parent: #67
يا زول يا زول
الحب سمح غطانا
غرقنا وملا الدروب
والناس بقت ولهانا
والعين ملتنا زنوب
يا الله الكريم تلفانا
خفاف وشالتناهبوب
زولي الظريف الجانا
والسنتي البقي مضروب
وهوب وكمان سجمانا
والكل بيقول الرووب
|
Post: #69
Title: Re: شيرى ملت الباندويدث
Author: maia
Date: 09-22-2003, 10:07 AM
Parent: #68
وين شيري يا جماعة؟
فعلا افتقدناها
|
Post: #71
Title: Re: شيرى ملت الباندويدث
Author: يازولyazoalيازول
Date: 09-25-2003, 09:29 PM
Parent: #70
كيفن تمشى يا خالد تسيب البيت
كيفن نعمل الحلة من غير بصل أو زيت
كيفن دون ملح نقدر نعيش ونبيت
وكيفن تانى نكتب بالقافية والدوبيت
أريت لو أقدر أنسى واريتك انت نسيت
دى الخلتنا نكتب فى المنبر أحلى قصيد
تعال نكتب نناشد ونجيبو أحلى نشيد
عشان ترجع تجينا وأيامنا تصبح عيد
نجيب العود نغنى ناعسات عيون الصيد
وتبقى الدنيا جنة ونضوق حلاوة الريد
وتكتب لينا تانى ونقرا الكلام ونعيد
|
Post: #72
Title: Re: شيرى ملت الباندويدث
Author: aba
Date: 09-30-2003, 04:19 PM
Parent: #71
شيري
فاقدنك ديمة....معانا وغايب
وانت دوام في البال
يا ساقي بحرفك حقل الورد المجدب
لو تعرف بعدك كيف الحال
حاسنوا غيابك شوقك شوك
وجمر الفرقة الحارة خلي حياتنا محال
ما تطول غيبتك وارجع لينا
خليتنا نكوس نتلفت ديمة يمين وشمال
يا ساقينا المر بغيابك
نترجاك نتوسل أبقي تعال
جيب لينا فرحنا الغاب بغيابك
يا شوق الشوق ياروعة وفال
هترش ودوزن رقص لينا حروفك
خلينا نقيف ونشيل شبال
|
Post: #73
Title: Re: شيرى ملت الباندويدث
Author: يازولyazoalيازول
Date: 09-30-2003, 05:10 PM
Parent: #72
خالد اخوى الحالة صعيبة
تقول الزول وقع فى مصيبة
محن كيمان
خالد اخوى بكاكا ده سيبو
كترة البكا ده قالو بجيبو
عمى الوان
loooooooooooooooooooooooool
|
Post: #74
Title: Re: شيرى ملت الباندويدث
Author: aba
Date: 09-30-2003, 05:35 PM
Parent: #73
حبيبنا
يا زول يازول
لو بكانا بجيبها مرحب بيه عمي ألوان
والحالة صعيبة والبورد بقي كيمان
وأت آزول ميت موت وعارفك جد عيان
والفيك بدربو ومعروف الفيك ليه زمان
|
Post: #75
Title: Re: شيرى ملت الباندويدث
Author: يازولyazoalيازول
Date: 10-07-2003, 09:42 AM
Parent: #74
يا شيرى الرسول ما تغيبى تانى دقيقة
جهجهتى النفوس وبقينا نحن فى ضيقة
مسختى المنابر وما لقينا لينا حقيقة
غير هترشتك الحلوة وجميلة وأنيقة
وسجم خشمنا
|
|