Post: #1
Title: أعملوا حسابكم من بكرة الجماعة حا يبدو يكضبوا
Author: يازولyazoalيازول
Date: 03-31-2004, 09:29 AM
طبعا بكره هو يوم واحد ابريل ، وطبعا نحن السودانيين عندنا شوية (فلهمة) و (قرضمة) و (فلقصة) و (عنطزه) و (جعصصه) وحاجات كده قاطعنها من راسنا ، شعب أثر فيه الاستعمار وقعاد (الانجليز) معانا و (الأقباط) و (اليهود) و (الأغريق) و (ولاد الريف) و أثر الكنيسة ما زال واضح وقوى خصوصا فى الجنوب ، ورغم (فقرنا) و (عراريقنا) و (حواشاتنا) و (بكاسينا) و (رقشاتنا) و (سفنجاتنا) و (توب زراقنا) و (ودعنا) و (سعفنا) و (أباريقنا) و (قطع جمارنا) و (غنمنا) و (سبيلنا) ، رغم ده كلو ، تلقى الجماعة يوم واحد أبريل يستعدوا أكتر من أولاد جون زاتهم ، ويطلعوا ليك كضبات كده ، ما أنزل الله بها من سلطان ، ولما تلقى الواحد (ينخلع) من (الكضبة) ، تلقى الجماعة يقعدوا يضحكوا ، ويقولو ليك (يا داقس) الليلة واحد أبريل ، ما سمعتا بى (April Fool)
الله يفلفل راسكم
الناس فى شنو؟؟؟؟ والحسانية فى شنو؟؟؟؟
أذكر فى السنوات الماضية ، كمية من الكضبات كده ، على مستوى الجرايد ، وبعضها به من (البياخه) و (الأذيه) ما لم ينزل به الله سلطانا ، ويكون ليها آثار مدمرة ، عشان ناسنا جايطين الحكاية ساكت ، كعادتهم فى كل أمر ، لغاية ما يخرجوا عن طور (الفكاهة) أو (الطرفة) الخفيفة الغير مؤذيه ، فهل تفضلتم بأن تحكوا لنا بعض هذه (القنابل) البايخه التى حصلت سابقا ، أو التى حاتحصل بكره؟؟؟؟
|
Post: #2
Title: Re: أعملوا حسابكم من بكرة الجماعة حا يبدو يكضبوا
Author: nazar hussien
Date: 03-31-2004, 10:38 AM
Parent: #1
الانتفاضة...اول كذبة....بلا فروع نيم بلا سعف نخل...الناس تنتفض...ويجوا ناس اتنفضوا من عجاج المكوركين ويتحكروا ليك
لا هسي...
|
Post: #3
Title: Re: أعملوا حسابكم من بكرة الجماعة حا يبدو يكضبوا
Author: يازولyazoalيازول
Date: 03-31-2004, 10:50 AM
Parent: #2
لوووووووووووووول يا نزار
والله (ينقذنا) من (الجو ينقذونا) تقول لى نكورك
|
Post: #4
Title: Re: أعملوا حسابكم من بكرة الجماعة حا يبدو يكضبوا
Author: يازولyazoalيازول
Date: 04-01-2004, 09:04 AM
Parent: #3
نحن قبيل شن قلنا؟؟؟؟
أهو شايف الجماعة الليلة كتلوا ليكم الترابى
|
|