مشتاقين متين نشوف الخرطوم كلمات تماضر شيخ الدين ولحن الموصلي غناء عادل جعفر وهنو

10:26 AM October, 18 2023

سودانيز اون لاين
Yasir Elsharif-Germany
مكتبتى
رابط مختصر

Quote: بي قلم تماضر شيخ الدين و موسيقى الموصلي مشتاقين متين نشوف الخرطوم قالوا لي في الخرطوم الدانة بالفجرية و قالوا لي في الخرطوم طيارة ميج حربية و قالوا لي التاتشر لافي بالدورية و قالوا لي الرصاص مطرو للدغشية قالوا لي الخرطوم هدوا حيل سكانا ناسا هجوا و نزحوا و البيوت خربانه و قالوا لي الحيطة واقعه فيها الدانة نحنا بس يا الله رحمتك تغشانا قالوا لي لا كوبري لا جامعة لا مستشفى و قالوا لي أسواقا فاضية يوم الوقفة و قالوا ليا كبارا خايفين و جاتم رجفة و قالوا لي اطفالا اللقمة تصبح لهفة

اللحن والموسيقي

مأخوذة من نشيد كان في الدورة المدرسية

العمل مستوحى من نشيد "لا لا يا قروية"

Quote: 5:13 / 9:44 لا لا يا قروية : نشيد من برنامج جنة الاطفال السوداني فترة السبعينات . 👇الكلمات والشاعر osmanasad 2830 Abonnenten Abonnieren 11 Teilen Speichern 1.416 Aufrufe 25.11.2021 شاعر وملحن لا لا يا قروية هو المرحوم الشيخ عمر الضو وهو من أبناء جزيرة توتى بمشاركة الغناء في العمل زهرات توتي والعمل سجل بتلفزيون امدرمان فى العام 1975م من مجموعة من البنات تتراوح أعمارهن فى ذلك الحين بين 10 و12 عاما. القصيدة: ياربي متين اشوف الخرطوم لا لا لا يا قرويه ألقرويه :- يا ربي متين أشوف ألخرطوم قالو لي في الخرطوم جنينة البلديه وحدثوني وقالولى الفسحه بالعصريه وقالو لي كان شفتي البت تسوق عربيه أحييييييييييييييا وتصرف الماهيه ** ** ** ** ** ** ** ألمدنيه:- لا لا الليله يا قرويه وانتي يا قرويه ما تغرك المدنيه وانتي ماك منسيه والله انتي غنيه بزراعتك المطريه وبهايمك المسعيه ** ** ** ** ** ** ** ألقرويه:- ياربي متين أشوف الخرطوم قالو لي في الخرطوم البت بيمشوا حديثها ودخلوها الجامعه ووظفوها رئيسه وقالو لي كان دارت تقوم تنقي عريسها الدبله الدبله تمشي تقيسها ** ** ** ** ** ** ** ألمدنيه:- لا لا الليله يا قرويه منو بلاك يتحمل يمسك الطوريه منو بلاك يعمل يبني ميزانيه منو بلاك يمووووول وزارة الماليه ** ** ** ** ** ** ** ألقرويه :- ياربي متين أشوف الخرطوم قالو لي في الخرطوم البدره والمنكير ويا حلاة البت يوم تمشي للكوفير أحييييييييييييا متين اشوف ألكوفير ** ** ** ** ** ** ** ألمدنيه:- لا لا الليله يا قرويه انتي يا قرويه بالكرم معروفه وفي هبابيب الليل تقوم تعشي ضيوفها وانتي يا قرويه بالقيم موصوفه Transkript

درجنا على لوم المؤديين والمؤديات الذين يرددون اغاني الغير وأصبحوا نجوما بسبب هذا الترديد دون اي مشقة منهم
نقول ناس فاقدي موهبة ، حبرتجية ، متطفلين على حقوق غيرهم... وما عندهم تجارب وخبرة في الغناء
يجي صديقنا الموصلي الذي أفنى عمره في تطوير الموسيقى وتماضر المبدعة في مجالها بكل تاريخهم الجميل يعملوا اغنية زي دي وكمان على نسق اغنية معروفة
دي حاجة عجيبة جدا جدا
ربما مجاملة من الموصلى لتماضر بحكم صداقتهم لا اكثر
ليتهم قدموا شيء جديد في المعنى والمضمون بدل الاجترار ده
بصراحة عمل لا يليق بتاريخهم ابدا

والله ما قلت الا الحقيقة يا اخونا حيدر
هذا هو حال من يسمونا انفسهم اهل الفن.

النشيد شاركن به زهرات توتى الصغيرات ….متين متين نشوف الخرطوم فى احدى الدورات المدرسية
المهم حدثت مجاراة للكلمات وترتيب للحن كما قيل فى التسجيل
صوت المؤدية مزعج جدا
وفى واحدة كتب فى التعليقات وقالت وبعد ده كل الحصل ده تشوفى ليها شنو !

الصديق العزيز الموصلي عضو معنا في هذا البورد وإعتاد على التعليق على أي عمل فني جديد يقوم به بصدر رحب
ليته يتداخل ويفيدنا اكثر عن هذه التجربة.