حقيقة اعجب لحمدكم و شكركم و كأن قرار البرهان الهارب ساري المفعول
البرهان و جيش الكيزان نفسهم غير شرعيين الان ..
يعني هسي مفروض الجنجويد يحصل ليهم شنو بعد القرار ده ؟😏
يعني كده خلاص انحلت ؟
الدعم مستلم العاصمة بي طولها و عرضها و البرهان شارد !!
.. غايتو ..
Post: #5 Title: Re: أخيرا -الجنجويد andquot;إنحلandquot; Author: بدر الدين الأمير Date: 09-09-2023, 02:33 AM Parent: #4
هدى ميرغنى لك ولضيوفك التحية والتقدير يعنى خلاص البرهان بقى هو البحل ويربط في شان الدولة السودانية الجنجويد ممدين ارجلهم في معظم المنازل بالخرطوم ومحاصرين الجيش اين ماوجد ويجى معتوه الكيزان البرهان يقول حل الجنجويد ياخى دى سريالية ولا في خيال الاحلام
سلامى واحترامى أخى باشمهندس قبانى~ الجنجويد تجميع مجموعات من أعراب الصحارى موجودين من قديم الزمان "والآن" فى فزعتهم اللعينة محتلين الخرطوم وأجزاء أخرى من السودان *لقد تم حل "الدعم السريع" وبالقانون وليس بى الغانون (الحقوق محفوظة)
*البرهان لو فى موقف شجاعة واااحد قام بيه فى حياته هو عملية خروجه من القيادة وكانت عملية عسكرية -غير كيزانية- ناجحة !
البلد في حالة فوضى عارمة وما في زول عنده قرار، لن ينعدل الحال في وجود الفلول والبرهان وحميدتي هؤلاء هم أس بلاء السودان ونضيف ليهم كمان الحركات المسلحة ، الشباب قالوا كلمتهم زمان (الجيش للثكنات والجنجويد ينحل) لا امل في سودان معافى وهؤلاء في الصورة. دييل شعالين بلغة السلاح ، ومن يفقد المنطق يستعمل السلاح . مفروض نفكر في سبل تنقذ البلد من المعضلة اللي ختونا فيها هؤلاء الاوباش.
أبدًا أخى بدر الدين منتظرين الحل يخرج من بين الشعب السودانى، وليس من الجنجويد او قحت
*لم أستمع لهلوسات المخلوع سابقا حتى خلعه بعدها راجعت بعضا منها مثال الفيديو هو وحميدتى لما قال عنده مخزون رجال 😀
***والأهم أكثر حديثه عن مسبباته لرفع الدعم - الذى جاء "حمدوك" من جهات قحت حاملا فى حقائبه روشتة البنك الدولى وقال الكلام بالتمام مع اختلاف طفيف حيث حمدوك قال اضافة لكلام المخلوع من نوع تهريب السكر والوقود سببا لرفع الدعم عن الوقود -"بدل تمشى تركب مواصلات تشرب شاى فى الصحافة مع صاحبك تشربه وين ما كنت…" *فى قصرك الاماراتى العالى حتى الشاى مع الصحاب ممنوع!
لم ولا أستمع لما يقول للبرهان اقرأ عنها فقط *كنت اسمع بعضا من خطرفات الغايب حتى أضيف لقاموسي اللغوى كلمات مثل : -عشواوى -نندهسها -كوكوة *كان يخلوا يهضرب شوية
Quote: البلد في حالة فوضى عارمة وما في زول عنده قرار، لن ينعدل الحال في وجود الفلول والبرهان وحميدتي هؤلاء هم أس بلاء السودان ونضيف ليهم كمان الحركات المسلحة ، الشباب قالوا كلمتهم زمان (الجيش للثكنات والجنجويد ينحل) لا امل في سودان معافى وهؤلاء في الصورة. دييل شعالين بلغة السلاح ، ومن يفقد المنطق يستعمل السلاح . مفروض نفكر في سبل تنقذ البلد من المعضلة اللي ختونا فيها هؤلاء الاوباش.
سلام هدي و ضيوف البوست الكرام قرار الحل اصدرته جماهير و شباب ثورة ديسمبر زماااان و البرهان هو من لم يكن يملك الشجاعة لتنفيذه بل قام بعمل العكس تماماً, سمح بتمددهم, و وضع لهم قدم في مجلس السيادة بدرجة نائب رئيس, و كان شايت عكس الثورة و عكس إرادة الشعب الآن عاوز يقول هو مع قرار الشعب و نقول ليك العب غيرها. الشعب منتظر استقالتك و مغادرتك لمنصب قائد الجيش الذي أثبتت الايام و افعالك انك غير جدير به. حل الدعم السريع قرار سليم و لكنك انت يا البرهان لست من يملك المقدرة علي تنفيذه. لانك من ساهمت في صنع و تمديد هذه القوة الغاشمة. الآن الهم و الشغل الشاغل لكل صاحب ضمير حي هو وقف الحرب صوت الداخل و المحيط الاقليمي و الدولي هو وقف الحرب. دول عديدة رصدت امكانيات و تمويل لوقف الحرب و ظلت تدعوا الطرفين في جدة لوقف الحرب و توصيل المساعدات الانسانية للمتضررين بدل ما تمشي تقعد و تستفيد من العروض المطروحه و تبقي بني آدم عندك دم, و حس بما يعاني شعبك, تقول قرارك ده. ألم تعلم إن هذا القرار و في هذا الوقت هو دق إسفين في مباحثات جدة لأنو ما ح يكون عندك وش تقعد مع جهة أصدرت قرار بحلها, لانك لو قعدت معاها معناها انت معترف بيها بهذه البساطة.
و الآن شايت عكس الارادة المحلية و الاقليمية و الدولية بهذا القرار يعني انت قررت إستمرار الحرب و هو قرار الفلول. فهل البرهان عندما أصدر هذا القرار كان في كامل وعيه إذا كان عنده وعي سياسي؟ السياسي عنه بعد نظر و لا يتعاطي مع السياسة ب رزق اليوم باليوم. إذا عندك شجاعة أولاً: إعتذر للشعب عن خطأ تعاملك و سؤ تقديرك للدعم السريع ثانيا: استقيل من منصب قائد القوات المسلحة و شوف ليك حته تلمك أو اقف بشجاعة أمام محكمة تنظر في الجرائم التي ارتكبتها و تسببت بها من جرائم دارفور الي فض الاعتصام و انقلاب 25 اكتوبر و الحرب الدائرة الآن. °°°°°°°°°°°°°°°°°°°°° الكلام كتير هدي و ما عاوز استرسل عشان الكلام الكتير ممل و ياريت القي وقت او وكت . للتعليق و المتابعة دمت و ضيوف البوست بألف خير
فعلا يا عزيزتى أميرة أخوانا واهلنا هنا (أعنى قبانى ،عندى معاه أهل مشتركين😀) ما عاشوا عهد الجنجويد (الدعم السريع فرع السودان الذى تم حله!) الجنجويد/الدعم السريع كانوا بيقتلوا فى الشعب السودانى ببطء وبخستهم المعلومة *الآن قتلا ونهباً وكل المساؤى فى وضح النهار ، والمتعلمين فيهم دعاة الحرب الهاربين خارج السودان هم المُحرك والداعم لهم- ستأخذ الدول وخاصة الاوربية والامريكية (ويمكن كندا)التى يحتموا بها قرارا يوما ضدهم- انها تتابع …
أخى العزيز حامد الصاوى سلامى وإحترامى~ *كلامك الكتبته عن البرهان صحيح واتفق معاك وأضيف ما عنده حتى الفكر لإتخاذ قرارات. اما النصف الآخر من رأيك إختلف معه؛ المجموعتين هم كيزان وكما تعلم اتعارضت المصالح والمحاور ودورا حربا ضد الشعب السودانى وأرضه وان كانت تبدو "حربة" ( الحقوق محفوظة) بينهما. *جيد جدا حل منظومة الدعم السريع (تاريخ الدعم السريع كما تعلم هو قوات امنية تم تضمين الجنجويد بالسودان لها) *البرهان المجرم لم يقم بهذا العمل وحده وليس تحقيقا لمطالب الشارع السودانى ولكن تحقيقًا للدول الراعية… *خيرا والف خير انه تم حل هذه المنظومة، وأن التفاوض الذى اشرت اليه عندما يكون ، لن يكون الدعم السريع مساويا "للجيش السودانى" حيث كان التساؤل سابقا -لماذا تساوى هذه الدول بين الجيش السودانى ومنظومة الدعم السريع لانها كانت مركبة مكنة حكومة بسبب كل التسهيلات التى منحها لها الكيزان ولان من يرأسها نائبا (لشنو ما عارفة) *أما قصة جدة يا حامد أخوى وأمريكا وغيرها من الدول الداعمة بوضوح والمدسية (مثال إريتريا وغيرها) ما عندها خير للسودان وكلها عينها فى مصلحتها … *بدايات الحرب قالها واحد من الزعماء السعوديين وبالانجليزي "الحرب لازم تأخذ مجراها…" يمكن خلاص اكتفوا من توصيل السودان للضعف المطلوب ،سيأمروا الطرفين بالتوقف!
فى مسألة الشرعية وعدمها التى صار يتنادى بها الجنجويد ومن يدعمهم: *لما حيرونى وافتكرت 25 اكتوبر سنة 2021 - كانت قبل اكثر من مائة عام أيام الزقوم (الحقوق محفوظة طبعا) ***أمثلة بسيطة: -المشاركة فى إعتصام القصر -مسئول الخدمات كان "فارس النور" -دقلو 2 الحارس لحمدوك حتى توصيله لعند البرهان وكيزان البترول … -دقلو ١ بعد الانقلاب ولقاءه الشهير ، التشهيرى بالوزراء وحمدوك وانهم أخفوا حمدوك حماية له من " زوجات الوزراء" …الجنجويد وإن فكوا الحرف عندهم مشكلة مع المرأة ودائما فى حالة تقليل من شأن الرجل السودانى (تحت التهديد بسلاحهم ووحشيتهم ، أختك أرجل منك) -أواصل
خرج الشعب السودانى وحتى قبل إن يُعلن الانقلاب رافضا الإنقلاب .: *يومها طلب عزت+الماهرى من حسام هلالي (معرفة أسرية قديمة) الا يخرج ولا يشارك فى المظاهرات (كتابة حسام هلالى فى مقاله عندما سال دمى على قميص عزت) طيب يا عزت +الماهرى دا انقلابكم واعترافكم بيه ووجود صديق طفولتك كما أشرت بنفسك نائبا (لشنو ما عارفة) *عزت+الماهرى فى ديسمبر من نفس سنة الانقلاب (بعد شهرين) قال فى لقاء تلفزيوني حامدا شاكرا حكومة العسكر وحكومته بأنه ليس هنالك أكثر من هذا حميدتى نائب وناس "الحركات" وزراء وأضاف انهم الآن فى مركز السلطة ؛ *عضو مستشارية (كان يُنادى مستشار)البريطانى ابراهيم مخير كوز المؤتمر الوطنى قال من حيث يعيش فى لندن أن الجيش السودانى أفضل من الجيوش الأخرى ،لكن البعثيين والشيوعيين عايزين ديمقراطية مشابهة لديمقراطية أمريكا وانجلترا وكمان طالب بوجود سلطتين أو خرمجة من هذا النوع ! *عزت+الماهرى كالعادة يتلون - بعد كان يردد ما فى حكومة بعد 15 أبريل 2023 ,صار يردد ما فى حكومة بعد 25 أكتوبر 2021 …كيف الكلام دا؟ حكومتكم دى كنت قاعد فيها من أيام لبس الكمامة والكوفيد! *خليتونا محتارين جد جد ونتساءل تانى ومليون هل إكتوبر 25 سنة 2021 تجاوزت المائة عام وكانت فى عهد التعايشى شجرة الزقوم (الحقوق محفوظة لعزت+الماهرى ) يعنى معقولة عايزين تزوروا الحقائق المعايشة ، مش تزوير تاريخ فقط *الشكر للتلفونات النهبتوها أو اشتريتوها عن طريق نهب موارد السودان ووثقتوا بها عمائلكم الوحشية من جانب وعمائل الفتن من جانب آخر كم صورتك مع ود لبات والآخر أبو جلابية
دقلو١ - قبل إن تنزل عليه التوبة والدعوة من اللذين معه ومن المحاور لتغيير جلده، فلقد تضاربت المصالح.
*كان يستهزأ بمجموعة قحت إنهم يتلقون مرتباتهم من السفارات (كما يعلمون هذا إتهام صريح لهم بالعمالة) *خوفى عليكم من اليوم الذى يعيركم الجنجويد - ان دفعوا لكم مال السفريات والفنادق والنثريات والبدل وغيره (جهزوا الحنك وردوا عليهم هذا من مال الشعب السودانى المنهوب)
https://www.0zz0.com
Post: #19 Title: Re: أخيرا -الجنجويد andquot;إنحلandquot; Author: محمد عبد الله الحسين Date: 09-09-2023, 08:41 PM Parent: #18
التحيبة والاحترام الأخت هدى
ما شاء الله عليكم ...سلم يراعك وأنت توثقين ما يسقط عبر الزمن منا نحن المتابعون بسبب تلاحق الأحداث والتصريحات والظهور التلفزيوني
اللامع ... متابعة منك لصيقة وتوثيق دقيق لتقلبات قادة الجنجويد في كذبهم وتزويرهم ، كما تقلب منسوبيهم في دور المواطنين بكل لؤم وصقاقة
هو وثيق صارم وحقيقي بحيث يتضارى ويصمت من موثوقيته وصدقيته (لكورس) المتابع في صمت... الذي إن وجد ثغرة بحجم الاإبرة لأنبرى
ناقضا ومعارضا...
*** تبا لمن يبيعون ضمائرهم لوشيجة الدم ( المشكوك في كونهها تمتثل لقول المولى الكريم"لتعارفوا) وليس " لتقاتلوا ".
ما شاء الله عليكم ...سلم يراعك وأنت توثقين ما يسقط عبر الزمن منا نحن المتابعون بسبب تلاحق الأحداث والتصريحات والظهور التلفزيوني
اللامع ... متابعة منك لصيقة وتوثيق دقيق لتقلبات قادة الجنجويد في كذبهم وتزويرهم ، كما تقلب منسوبيهم في دور المواطنين بكل لؤم وصقاقة
هو وثيق صارم وحقيقي بحيث يتضارى ويصمت من موثوقيته وصدقيته (لكورس) المتابع في صمت... الذي إن وجد ثغرة بحجم الاإبرة لأنبرى
ناقضا ومعارضا...
*** تبا لمن يبيعون ضمائرهم لوشيجة الدم ( المشكوك في كونهها تمتثل لقول المولى الكريم"لتعارفوا) وليس " لتقاتلوا ".
سلاما واحتراما أخى ود الحسين~ التلون السريع والتزوير سمة ملازمة للجنجويد (الدعم السريع المحلول بالسودان) *عزت +الماهرى فى لقائه مع جماعة كالفورنيا - كان لقاءا "مجهزا" قال: -هم حركة /مؤسسة عسكرية وماليتهم من مالية السودان (تُقرأ من دم الشعب السودانى) -قال انه يعمل مستشارا لقائد الدعم السريع (يعنى مرتبه كان من حكومة السودان)! **والأدهى جدا والأغرب قال مؤسسة آل دقلو الاقتصادية ملكهم منذ الثمانيات هههها كأننا ما شفنا الفيديو سنة 2007 فيه حميدتى وأخوانه وجماعته فى حال من البؤس والملابس الرثة التى قلبت 180 درجة بقدرة نهبٍ بارع لموارد السودان وغيرها من عمليات قذرة (تجارة المرتزقة لحرب اليمن مثالا)
المحيرنى ليه الامريكان حجروا ممتلكات دقلو٢ وتركوا المالك الأول يعنى دقلو ١ أو المشير (الحقوق محفوظة لأبى جلحة) ما عنده ممتلكات ! ام أن هنالك شيئاً آخر لا ندريه ويعلمونه
[/url]
