مين ابو شوتال دا؟ زايل نعيمكي

03:55 PM July, 30 2023

سودانيز اون لاين
نعمات عماد-khartoum
مكتبتى
رابط مختصر

عبد الغني نور
@abdo_Elgni
·
9m
حسب ما وردني الآن
في عملية نوعية :
هلاك المجرم ابوشوتال الذي كان في زيارة لشيخ الجكسي قبل كم ايام عقبال الفي بالي

https://twitter.com/abdo_Elgni/status/1685663485399605248؟s=20https://twitter.com/abdo_Elgni/status/1685663485399605248؟s=20

هل وجدت مصدر أخر يؤكد الخبر؟

أبو شوتال .. هو المك أبو شوتال .. مك قبائل الهمج في النيل الأزرق .. أنضم بقواته للدعم السريع .. وهو يقاتل في صفوف الدعم السريع .. هنا مقابلة قبل يوم واحد من الأن:




بريمة

قبل 4 أيام في زيارة شيخ الأمين




بريمة

ههههههها
*تحياتى عزيزتى نعمات~
يضحكنا الهم وغرائب المآل
**يعنى ديل الجايين يحكموا البلد بعد يدمروا دويلة 56
(تدمير البنية التحتية والمبانى بحسب كاركاتير الفنان عمر دفع الله)

شكراً للمعلومة عن ابوشوتال

الرابط في المداخلة الثانية يحوي صورة لقتيل.

Quote: الرابط في المداخلة الثانية يحوي صورة لقتيل.

دكتورة نعمات .. شفت الصورة .. very graphical .. أنتظروا لما نشوفوا تأكيد للخبر.

بريمة

Quote: l .. أنتظروا لما نشوفوا تأكيد للخبر.

ماشي.
كُلُّ مَنْ عَلَيْهَا فَانٍ, وَيَبْقَى وَجْهُ رَبِّكَ ذُو الْجَلالِ وَالإِكْرَامِ

Quote: *يعنى ديل الجايين يحكموا البلد بعد يدمروا دويلة 56 (تدمير البنية التحتية والمبانى بحسب كاركاتير الفنان عمر دفع الله)

الغريبة العالم المستهبلين ديل بالنسبة لهم أي مواطن ساكن الخرطوم فهو رمز
لدويلة ٥٦،لذلك نهبه و إغتصابه و قتله واجب.حسبنا الله و نعم الوكيل.

أنا شاكي في أب عمة نص رباط ده ما مرتاح ليه بيكون جغمو جغمة جوجو الجنجا ديل ما بيدورونا نحن الأمبايات ديل ما تدي قفاك للعسكر وما تدي قفاك للجنجا الله يرحمه

د. نعمات . سلام

لا اظن ان الصورة لابوشوتال ولا توتال ده ، حتي لو لم يموت اليوم سيموت غدا .
كما قال ابو اللمين ( وين حنهرب منو وين ) ،،،،
......

شغالين فيهم لقيط بالملقاط .
شيلو الصبر بس .،،،،

كاروري يعني الموضوع طلع ضنب
الحكاية دي ما لقو ليها حل.

عارف ناشد، بسأل إذا العزيزة نعمات عضو نشط عندكم ولا لسه؟
لانو شاهدت فيديو للمك شوتال اليوم 30.07.2023 بتكلم وسط جنوده وقال لاحق صلاة المغرب، بتوقيت الخرطوم.

ول أبا الدقم

Quote: عارف ناشد، بسأل إذا العزيزة نعمات عضو نشط عندكم ولا لسه؟

الدكتورة من سيناتورات الرابطة .. وتحمل بادج purple heart .. في أقتحام ضنب الكوكو ..

أنا شميت ضنب الكوكو .. لكن قلت نتريث ..

بريمة

د.نعمات حاصلة علي وسام الضنب الذهبي.
المستنير اطلق عليها وزيرة الضنب.
بسأل ما لقيتو ليكم مراقة.

د. نعمات كان بتجيب بضاعة"مواضيع بوستات" top quality لكن في الاسابيع الاخيرة بقت تجيب من طرف السوق.
فيديو المك شوتال في صفحة الجنا الفقر/تويتر، أو اكتب عثمان عمليات في تويتر..

هنا حفرة الابلانج ذات نفسو
عبد الغني نور
@abdo_Elgni
·ابلانج الطلح 😂😂

طيب الصورة بتاعت ابوشوتال نايم على الأرض
و ملطخ بالدم دي كانت في حفلة هالووين؟
المراقة فتشوها للمرحوم حميدتي القال هم ما
محتلين البيوت ولا سارقين ولا مغتصبين المواطن
و أنو هم حماة الديمقراطية.
لمو ألقابكم وبادجاتكم أنتو محتاجنها أكثر مني..
لغاية ما الحرب تنتهي و يكون في إعلام حقيقي ح
يكون ياهو دا المتاح لي و ليكم.
بما أنكم كلكم ما شاءالله مستقرين في مكان واحد و
مانازحين ما ح تفهموا ليه التركيز على أن الحرب تقيف
و باقي الأشياء ما مهمة بالنسبة لي.
الفاهمين شكراً ليهم و الما فاهمين إن شاءالله عنهم ما فهمو.
يلا بلا لمة.

الجنرال المك والقائد بالدعم السريع ابوشتال همسيلف:

ده ذكاء صناعي لحدي ما يظهر القائد يورينا المك شوتال بيصلي ولا لا ولا بتاع كاسات 😅

أوع يكون العدالة اللي بتحدث عنها هي جرائم سرقة و إغتصاب
و قتل و إحتلال بيوت المواطنين و خطف المواطنين؟
صلاة المغرب بي جهة و الجرائم في حق المواطنين بي جهة!
هي الناس دي بتصلي لي منو؟
إنتو أرتكبوا جرائمكم و صلوا و نحن ضحايكم نصلي و ندعي عليكم
دعوة مظلوم .

اختنا دكتور نعمات ، نحس بكلماتك والمعاناة ، الحرب لم تستثنى أحد
لا احد يقدح فى شخصك ومصداقيتك ،.. الهدف ليس لجم وغمط حقك واشواقك
فى وقف الحرب بدحر الجنجويد وحقك فى اختيار القوة التى تدحرهم وتخلص البلد
من شرورهم .. والوسائل المتاحه لهزيمتهم .. من حقك الوثوق بمصادرك ، وحق المتابع
التمحيص فى الخبر والمصدر ..
البلد فى حالة حرب ودمار كل الحاجات جاضت واختلطت ، وللحرب اثارها التى تعلمين..
نتوجه لله أن يخلص البلد من شرور الفلول والجنحويد وكل حملة السلاح خارج محفظته
من الانتهازيين اعداء السلم والحرية..

وتنهال الأوسمة ..

Quote: الدكتورة من سيناتورات الرابطة .. وتحمل بادج purple heart .. في أقتحام ضنب الكوكو ..

Quote: د.نعمات حاصلة علي وسام الضنب الذهبي.

Quote: المستنير اطلق عليها وزيرة الضنب.

ههههاي!! مبروك الأوسمة والنياشين!

بريمة

سلامات يا دكتورة..

قبل سنة او نحوها كان في احداث مؤسفة جداً في النيـل الأزرق راح ضحيتها مئات من السودانيين في مجازر عرقيـة ..
حينها تردد اسم المك ابو شوتال كثيراً وسمعت له كم لقاء وقرأت كم تصريح بانه هو كان على رأس هذه الفتنة
بل واتهمه ناشطي وأبناء الفلاتة انه وراء الأحداث ومن أجج الفتنة بدعوى عدم أحقية ابناء الفلاتة في العيش بالنيل الأزرق وانهم نازحيين
وطالب بطردهم وبعض المكونات من الولاية بحجة انهم ليسوا من السكان الأصليين في البلاد..
وقبل يومين شاهدت له فيديو بالخرطوم يتكلم بنفس الفهم والمنطق بانه من احفاد الشيخ محمد ابولكيلك وانهالخرطوم اساساً حقتهم كـ" همج " منذ الدولة السنارية وانهم من اقطعو المحس والجموعية وخلافهم المساكن هنالك.
هذا الشخص متخلف وبتاع فتن وعنصري حتى النخاع.. ووجوده مناصراً للدعم السريع خصماً عليه اكتر من اضافة خصوصاً وانه الجنجا ما ناقصين.
تحياتي

سلام العزيزة د.نعمات

Quote: قبل سنة او نحوها كان في احداث مؤسفة جداً في النيـل الأزرق راح ضحيتها مئات من السودانيين في مجازر عرقيـة .. حينها تردد اسم المك ابو شوتال كثيراً وسمعت له كم لقاء وقرأت كم تصريح بانه هو كان على رأس هذه الفتنة بل واتهمه ناشطي وأبناء الفلاتة انه وراء الأحداث ومن أجج الفتنة بدعوى عدم أحقية ابناء الفلاتة في العيش بالنيل الأزرق وانهم نازحيين

سبب الفتنة التي حدثت بالنيل الأزرق بين سلالة مكوك سنار والهوسا ..هي الإنقاذ أولا ..
ثم مالك عقار ثانيا .
...
فالانقاذ كانت قد سنت بدعة منح لقب ( أمير) لنظار وشيوخ القبائل كي يعطوها أصواتهم.
ومالك عقار أيضا وعد الهوسا بمنحهم إمارة في أرض قبائل الهمج السنارية.. مع أنها أرض معروف أنها تابعة لهؤلاء المكوك من زمن سلطنة سنار .
الأمر الذي أجج الفتنة بين مكونات كانت تعيش مع بعضها بسلام .
...
الفتنة كانت بين المكوك وقبيلة الهوسا يا حيدر وليس الفلاتة ..
معظم السودانيين يخلطون بين الهوسا والفلاتة.

تقريباً كدة يا امونة لك الشكر..

ابوشوتال كان اعلامياً من المتوليين كبر الامر تصريحاً وتسليحاً..

بالاضافة لانه اساساً ماف حاجة اسمها مكوك حالياً و أعتقد بانه الحقوق التاريخية باسم سلطنة وأحفاد وغيره لمملكة ونظام انتهت من مائتين سنة هي عبارة عن دعوة جاهلية
وعنصرية غير مبررة ولا يبرر لها إلا رجعي متخلف.

يعني هو عاوز يشارك في هدم دولة 1956 العنصرية بفهمه .. ليعيد دولة 1517 والا كيف؟
غايتو

Quote: يعني هو عاوز يشارك في هدم دولة 1956 العنصرية بفهمه .. ليعيد دولة 1517 والا كيف؟ غايتو

وأنا مالي وماله؟
ومال فهمه في الانضمام للدعامة؟!!
أنا أديتكم معلومة بس ..وصححت جزء من معلومتك يا حيدر .
..
أما بالنسبة للأراضي والحواكير التاريخية ..تعال كدي حاول تقول سواكن حقتك ..أو ولو متر في أرض البجا التاريخية الترابها من عظام أسلافنا ..
كان ما قفلت ليك المينا والطريق القومي ..أبقى قابلني 😆

في جهات كثيرة بتتعشم تلحقنا مصير أبورجنيز أستراليا ونيوزيلندا وسكان أميركا الأصليين..
لكين ويعين يااا
غفلنا مرة لكن ما بنغفل تاني ..

Quote: أما بالنسبة للأراضي والحواكير التاريخية ..تعال كدي حاول تقول سواكن حقتك ..أو ولو متر في أرض البجا التاريخية الترابها من عظام أسلافنا .. كان ما قفلت ليك المينا والطريق القومي ..أبقى قابلني

عندنا بيتين او بالاصح قصرين في زمنهم بسواكن.. بس للأسف متهدمات.. لكن الأرض حقتهم تبعنا.. بالاضافة لـ30 فدان بطوكر.. كدي أبقي مرة " حرمة" افتحي خشيمكي وقولي بتقفلي ليهم درب عشان نجي نجدعك نرجعك العراق.،!


اما بالنسبة لابوشوال فتاني بكرر الأرض لمن فلحها وعمرها.. مش القعد يسرح فيها زي زيدان الكسلان حشاش بدقينة أجداد اجداده لمن تنملي مسكيت ووغش ..
الثقافة دي مفروض تتغير في السودان عشان يركب طريق التحدث والمدنية.. بدل كل مرة ينط لينا واحد همبول جاهل يشبكنا جدي فلان وفلتكان وعندي حقوق تاريخية.
العندو أرض تارييخية اليعملها محمية .. نلم فيها ترك ومرق وشوتال وغيرهم نبني ليهم راكوبة وكرنك ليتناسلوا بجهلهم فيها. :)

Quote: عندنا بيتين او بالاصح قصرين في زمنهم بسواكن.. بس للأسف متهدمات.. لكن الأرض حقتهم تبعنا.. بالاضافة لـ30 فدان بطوكر.. كدي أبقي مرة " حرمة" افتحي خشيمكي وقولي بتقفلي ليهم درب عشان نجي نجدعك نرجعك العراق.،!

نيابة عن أمير إمارة سواكن المفدى.. ( النزع منه الإنقليز لقب أمير غيظا من وقوف أمراء الأرتيقا مع دقنة الجسور ..)..
تأمركم سمو الأميرة آمنة ، بإبراز وثائق ملكية ( السرايات المزعومة) في الجزيرة ..الصغيرة أصلا ومعروف ملاك سراياها..
ولم يسكنها إلا الأعيان وخدامهم من الأجانب.
وكذلك بالنسبة لأراضي( توكر) وليس طوكر ( دا نطق مصري 🤣).
وذلك مع إيضاح ( حيثيات) حيازتكم لهذه الأراضي المقدسة لدى الأرتيقا الملاك ..
....
أما موضوع تخلف وما تخلف دا ..خلينا نحنا في تخلفنا دا ..عااااجبنا..
أسكن معانا نشيلك فوق راسنا ..
تقول الأرض لمن يعمرها وكلام فاضي زي دا ..نكسر راسك طوالي بسيف مجاي أصلي The Medjay 😉

سلام آمنة حيدر ده بيكون وارث السرايتين ديل من أسلافه من الجن السجنهم سيدنا سليمان في سواجن 😅

Quote: سلام آمنة حيدر ده بيكون وارث السرايتين ديل من أسلافه من الجن السجنهم سيدنا سليمان في سواجن 😅

😆😆
آي علشان كدا طالع مكاواتي..
مهدر إمكانياته الكتابية والتحليلية بتاعة أسلافه الجن في الفاضي هههه
.

سلام على المحترمين الكرام.

شكراً على المداخلات المفيدة و خفيفة الظل.
أخواتي هدى و آمنة
الأخوة:
الساخر منتصر
هاشم كاروري
أسامة أبارو
عارف
حيدر الزين
شكراً أخ حيدر على المعلومة عن العنصري الإرهابي أبوشوتال.

عارف و الدقم ليكم يوم .يا زملاء الرابطة.
أما أنت يا بريمة موضوعك أكبر من ضنب و غيرو .ياخ أنت
غالبك تقول إن الجنجويد أبادوا المساليت و الأرنقا.دا غير
دفاعك عن وهمة حماية الديمقراطية بالسرقة و القتل و الإغتصاب.
شاحدة الله عليك يصيبك كل ما وقع على سكان الخرطوم لأنك كنت
واحد من المحرضين على قتل أهل الخرطوم بدون فرز.

Quote: عارف و الدقم ليكم يوم .يا زملاء الرابطة.

د.نعمات اول حاجة بالتبادي اعفي لي
الحاجة التانية ما تتصلبطي فينا وتمسكي ضنب ساااي يحسب عليك 😂
زملائك في الرابطة معروفين وبنزلهم ليك صوت وصورة.
الدقم كان قاب قوسين للانضمام للرابطة لكن دقت في العراضة.
الوزير مش بكون عنده مستشارين اين مستشارنك
اقترح ان تضمي امنة مختار وهدي ميرغني لتيمك .

Quote: الفاهمين شكراً ليهم و الما فاهمين إن شاءالله عنهم ما فهمو. يلا بلا لمة.

[} «غضبت أمكم»
ليه كدا يا بريمة ، عارف تباري لي
عارف دا بوديك خور مايقوما!

دكتورة نعمات

Quote: أما أنت يا بريمة موضوعك أكبر من ضنب و غيرو .ياخ أنت غالبك تقول إن الجنجويد أبادوا المساليت و الأرنقا.دا غير دفاعك عن وهمة حماية الديمقراطية بالسرقة و القتل و الإغتصاب. شاحدة الله عليك يصيبك كل ما وقع على سكان الخرطوم لأنك كنت واحد من المحرضين على قتل أهل الخرطوم بدون فرز.

لا لا يا دكتورة دا غضب شديد يا أختاه!

أولاً من أخرج حديثي عن ضرب الخرطوم .. معروف لديك، الشخص الذي استقيتي منه المعلومة .. ولم ترجع لي لأضع ليك سياق الحديث الذي أخرج منه ..
الموضوع يتعلق بمقتل أكثر من مئتين من أهل معسكر كريدنق .. والناشط أدم فاشر كتب مقال عن ذلك الحدث الفاجعة ..
بالنسبة لي، الموضوع واضح، بعد السلام غرب دار فور سوف تشتعل .. وكتبت بوست طويل "حروب قحت في دارفور" ..
وكنت أري الأشياء بصورة واضحة إلي أين تسير .. فكنت أطالب قحت بالتحرك قبل وقوع الفأس في الرأس ..
وكانت حجة قحت الوحيدة أن الحيش مسؤول عن الأمن .. وهم لهم الجانب السياسي .. وأنا أرفض تلك الحجة لأنهم هم من يحركون دولاب الدولة .. ولم يتحركوا!!
هنا جاء الغضب بضرب الخرطوم التى ظلوا فيها .. في عراك سياسي لا يقدم ولا يؤخر حتى أنضرب المساليت وهم لم يدخلوا في كفة الحروب حتى لحظة سلام جوبا.

أتمنى أن تكونى وجدت لي العذر ..

بريمة

Quote: غالبك تقول إن الجنجويد أبادوا المساليت و الأرنقا

دكتورة نعمات .. ما تشخصنى الأمور .. غير مفيد.
ضنب الكوكو .. عارفه حار .. ومولع نار .. وأنا أظن دا سبب غضبك عنى .. مسألة شخصية .. والأوسمة والنياشين التى حوزتيها لا يلغيها إلاّ المؤسس.

بخصوص غالبك .. أنت فاكره الغالبنى شوية؟! أنا مع لا للحرب .. وعودة الديقراطية .. لو ما غالبنى لماذا لا أوقف للحرب لأحقن دماء كل الشعب السوداني؟

أنا بشوف أي دعوة لتطبيق العدالة الأن وفي هذا الوضع هى دعوة لأبتذال العدالة نفسها لأن ليس هناك من يمتلك العدالة .. العدالة تحتاج لسلطة محايدو تطبق العدالة.
هل في السودان هناك سلطة محايدة؟ لا توجد .. ومن ثم لا توجد عدالة ..

-----------------------
هونى علي نفسك .. قصة ضنب الكوكو .. كلها من عمايل عارف ..

بريمة

Quote: يا بريمة ، عارف تباري لي عارف دا بوديك خور مايقوما!

ود الحيشان
ول ابا بريمة يفلق ويعالج
من النوع البخليك تفور زي علبة البيبسي.
ده يودي بلد الخور 😂

Quote: هونى علي نفسك .. قصة ضنب الكوكو .. كلها من عمايل عارف .. بريمة

ول ابا بريمة
دوري في الرابطة تصوير الضنابة
لزوم بطاقة العضوية 😂😂

Quote: ول ابا بريمة يفلق ويعالج من النوع البخليك تفور زي علبة البيبسي.

ما تبالغ!! ..يا أخي أنا قاعد أجتهد عشان من أزعل زول.

بالمناسبة رسالتك في ضنب الكوكو .. نبيلة .. وأنا أفتكر ضربنا الهدف ..
لكن بعد دا .. أنتم وضنب كوكواتم والماسكينها .. ههههاي!

بريمة