π جاك ود اللصيل الليلة صقرن خوا £

02:08 PM May, 12 2023

سودانيز اون لاين
دفع الله ود الأصيل-
مكتبتى
رابط مختصر

∆ عيل دقلو الفسراع نسيت الخوة
∆ أگرب قاشك وكت انبريت للعوة!!!
∆هدييك النقعة، أها، ما تنحشر لي جوة!

∆ مجادعات مسادير و مربوعات في
ديوان ود المحينة والمهل ود دريس ود موسى
كما نرحب ، بل مطلوبين فورن ، الآتية أساميهم :
شنتير ، ود شيقوق، عبدالله ود البوش،ود كرموش،
أب إيثار ، عاشق الترحال ، السواح فتى الأدغال،
عروة ود المطامير و أركان حربو التنين نفاخ النار
أگان حيين أو مراحيم يجمعو جاي يجو مارقين!
∆ بندور نعمل«ثورة» گونية و تنقد الرغيفة!

دا الأعوج ترا والشين نهاية حدّو
وان شاع دا الخبر يمل الفريق لآ حدو
يقولو اب كبس من دخل ودّ جدو

ييييييييياه مين؟ االحبيب موسيقارنا الطريب و أديبنا الأريب
ود ياسين ، قسمن عظمن لامن فرعت خيت التوبيت كنت انت أول من
خطرت على بالي ، و لم تسغط مني سهوا، علا لاكين لسببين، كلا هما
أحلى من القمر : أولن 01) لأنك أولن صاحب دار ولا تجوز العزيمة
في حقك ، ثم تانياً 02) دى منطقة عمليات خفنا عليك من الشرتاب.
علا كان كدي سم الله و ادخل بيمينك و ارم قدام ورا مأمن.
و برضو راجين منافس تاني ، مهدينا المستننينا.

شهـر المغفــرة؛ المكتوب عليكم صومـو
فيهـو غدرتو ليلاً ؛ و لا راعيتو حُرمـة يومـو
وكتين صقر جديانَّا بي طايارتو شنَّ هجومو
تاجْر الخُردة يا عيال (دَقْلو) فرتق كومـو
و عاد اتخاتفن قدح الرماد حرومو!!
هييييييييع أنا ×خوك آ الراسية ؟!!

هاك الدَّم صريع دا
الدَّم الصـريـع؛ بالجـنـجــويـد وعناصـرو
لاقا الجيش حَويييط؛ و شعبو كلو مناصرو
بالجـو و اللرِض؛ قـواتـنـا قاعـدة تحاصـرو
والحين قادتو لدروب الشُّراد بيباصـروا

Quote: يوت بعرفو طيرانو برا وجوا لولا الملام كان قلت انو الخَوا خشوم بيوت واللخو شن سوا غير انو قال عووك يا ابو مروا

∆دي رمية من گبيرنا الذي علمنا/
سالم عبدالله قطبي و دايرلا تيراب،
نجازلها قبال يجي مهدينا المنتظر:
قافز في الضلام و داير حكم بالقوة
خدعوك القحاحيط زي شربوك حسوة
يا «المخلوع» لقيتا والله وعملت فتوة
بعدما كنت هامل لا ضمير لا مروة.
ود الحيشان التلاتة
مؤذن في مالطة

الدَّم السصـريـع؛ القايدو حمـدان دَقْلو
قرَض الجيش كتايبو؛ وأصلو ما مَقَّقلو
قـوات الوطــن... بالراجِـمـــات بتهَقلـو
و(السُّـوخـوي) صواريخـو بْتَطَيِّر عقلو

قواد النهب الصريح
سَوَّا مليشيا؛ من وطنيتو باقي مجرَّد
لملـم فيهـا كل شادي ودخيل ومشرَّد
جوهو أخوان دويفات العَسِين الخُرَّد
دَوَّر تاتشـرو.. وضرَب الفيافي وعَـرَّ
يلا ، دوِِّر البابور!!!

ختَّتْ لي الياسـة؛ وبيها عايْز إتفـرَّد
انكشفـت خيانتـو.. وتانـي قـام اتمرَّد
تَمْ تدمير مقـرُّو؛ ومن زعامتـو اتجـرَّد
أصبح جيشو طافِر؛ وبالفيافي مشرَّد

حميرلاي أركان خلا
دا قال مطرنا دون برَّاق
شفنا الليلة في البيوت سرَّاق
كايس هنة و هو اللي الهدن خرَّاق
يمكن يلقى في ضُلَّ الشدر رقراق

دي مربوعة بأثر رجعي من ديوان ود المحينة
تضامناً مع أبنائنا وبناتنا الذي جرى سحقهم و سحلهم
بأسلحة الغدر والخيانة في آخر أيام العشر الأواخر من
شهر رمضان الكريم ، وهم في اعتصام سلمي
معلقون باستار كعبة المضيوم بالقيادة العامة!
كلب الجنجنا خاين والرتبـة زايْدة سُعارو
في سوق الرجالـة.. متهدهورت أسعارو
فض الاعتصااام بالـقوَّة لابس عاارو
و كتْـل العَـزَّل الغافلين؛ تملِّي شعـارو
!

بعـد مـا كُـتَّ للبرهـان طبـيـقــو ونايبـو
ضرعك جَـفَّ... ماك فـارز فطيرو ورايبـو
ضربـتَ التيهـة؛ للنيران شقيقك سايبـو
ملَص الكاكـي دُتْ... وادَّرعَـنُّـو دبايبــو
ود المحينة

سلام
ود الاصيل
اها الجدع
بمجداع
مع لي
الذراع
ولا قرطاس
ويراع
ولا كلاش
وزارة الدفاع
عشان نحنا
هنا خارج
الصراع
بس معذرة
يا اصيل
السودان
ضاع
حيث
لا نرى
في الافق
شعاع
بل سماع
ذخاير
وفرقعة
تسبب صداع