Post: #1
Title: ماهي أجمل المناطق السكنية الجديدة بالعاصمة
Author: Osman Musa
Date: 01-21-2023, 07:57 PM
Parent: #0
06:57 PM January, 21 2023 سودانيز اون لاين
Osman Musa-
مكتبتى
رابط مختصر
ما هي في رايكم المنطقة السكنية الأحسن
من حيث الجو والسعر والمستقبل ؟
|
Post: #2
Title: Re: ماهي أجمل المناطق السكنية الجديدة بالعاص�
Author: امتثال عبدالله
Date: 01-21-2023, 08:11 PM
Parent: #1
اجمل المناطق هي الاحياء المطلة على النيل الابيض والنيل الازرق ..
واحسن لموقع في تلك الاحياء هي المنازل الاي تطل مباشرة على النيل
سواء كان النيل الابيض او الازرق ....
|
Post: #3
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-22-2023, 08:09 AM
Parent: #2
نقصد المخططات السكنية الجديدة يا بنتنا.
والبتمتاز ببعض من دي المواصفات.
. الجو .
. السعر المتهاود .
. الأمان.
. واللوكيشن الممتاز .
|
Post: #4
Title: Re: ماهي أجمل المناطق السكنية الجديدة بالعاص�
Author: محمد الأمين موسى
Date: 01-22-2023, 08:28 AM
Parent: #3
ما تبحث عنه يا عثمان موجود في نيالا وليس العاصمة.
|
Post: #5
Title: Re: ماهي أجمل المناطق السكنية الجديدة بالعاص�
Author: MOHAMMED ELSHEIKH
Date: 01-22-2023, 08:52 AM
Parent: #4
تعال شرق النيل
حي النصر
احدث المربعات في الخرطوم
عيبه ان المساحة ٣٠٠ ولكن قطعتين متجاورتين
انا اسكن على مسافة ٣٥٠م من مشروع السليت.
اقضي عصراوياتي مع المزارعين والجناين وشتل البصل وحش ابو سبعين.
واعود مساء ومعي على الاقل عجورتين وشوية طماطم اليومين ديل.
٤ كلم فقط من كبري المنشية.
|
Post: #20
Title: Re: ماهي أجمل المناطق السكنية الجديدة بالعاص�
Author: عمر عبد العزيز كيلاني
Date: 01-25-2023, 07:38 AM
Parent: #5
شرق النيل
المنشية شرق برضو مكان مناسب وقريب
لكن لسه ما اتعمرت بالرغم من توفر الخدمات ( كهرباء وماء ).
|
Post: #21
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-25-2023, 09:02 AM
Parent: #20
اخينا الكريم كيلاني
سلامات
لو تقدر تتكرم للبوست بخريطة المنشية شرق.
نكون شاكرين كتير .
ولو كمان أديت البوست لمحة عن الأسعار والمساحة وأهم الخدمات.
مع جزيل الشكر
|
Post: #27
Title: Re: ماهي أجمل المناطق السكنية الجديدة بالعاص�
Author: عمر عبد العزيز كيلاني
Date: 01-26-2023, 08:03 AM
أخي الكريم عثمان موسى
لك خالص التحايا .
المنشية شرق امتداد لحي الهدى المتاخم للجريق شرق ووصلت المربعات تقريباً حتى مربع 16
وكان اغلبها تم توزيعها بواسطة الصندوق القومي للضمان الاجتماعي واسعارها تقريباً في حدود
عشرين مليون وحتى خمسة وعشرين مليون حسب الموقع والمساحة . وتقريباً برضو تبعد من كبري المنشية حوالي اربعة كيلومترات .
ما قدرت ارفق خارطة للمنطقة لجهلي بهذه التقنيات.
|
Post: #6
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-22-2023, 09:48 AM
Parent: #4
نيالا ديك كلامها براهو يا ود اللمين.
|
Post: #7
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-22-2023, 11:16 AM
Parent: #6
انت محظوظ يا ود الشيخ.
بعدين 300 متر مربع في ضاحية المدن الكبيرة كفاية جدا .
الهدوء والأمان والميادين دا المطلوب .
|
Post: #8
Title: Re: ماهي أجمل المناطق السكنية الجديدة بالعاص�
Author: امتثال عبدالله
Date: 01-22-2023, 01:54 PM
Parent: #7
بس انا سمعت اشاعات بانه في مخططات سكانية جديدة بعد سوبا مطلة على النيل الازرق
ومخططات سكانية جديدة مطلة على النيل الابيض بعد جبل اولياء
|
Post: #9
Title: Re: ماهي أجمل المناطق السكنية الجديدة بالعاص�
Author: امتثال عبدالله
Date: 01-22-2023, 01:59 PM
Parent: #8
لكن لازم تكون عندك واسطة عشان تتحصل على قطعة في تلك المخططات..
يعني تكون عندك معرفة بي جبريل او واحد فرد من الحركات المسلحة ...اسفة
المصلحة
|
Post: #10
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-22-2023, 08:08 PM
Parent: #9
نرجوا افادتنا عن الريف الشمالي لمدينة بحري.
والريف الشمالي لمدينة امدرمان .
المواقع والمساحات والأسعار وصلاحية الأرض للبناء.
|
Post: #11
Title: Re: ماهي أجمل المناطق السكنية الجديدة بالعاص�
Author: Biraima M Adam
Date: 01-22-2023, 08:24 PM
Parent: #10
يا ود الشيخ وول ابا عثمان وضيوفه الكرام
Quote: تعال شرق النيل
حي النصر
احدث المربعات في الخرطوم
عيبه ان المساحة ٣٠٠ ولكن قطعتين متجاورتين
انا اسكن على مسافة ٣٥٠م من مشروع السليت.
اقضي عصراوياتي مع المزارعين والجناين وشتل البصل وحش ابو سبعين.
واعود مساء ومعي على الاقل عجورتين وشوية طماطم اليومين ديل.
٤ كلم فقط من كبري المنشية.
|
الأسعار ككيف؟ ..
بريمة
|
Post: #12
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-23-2023, 07:11 AM
Parent: #11
يا بنتنا يا امتثال
نحنا معشر عامة الناس نسأل عن اسعار المناطق المتهاودة
يمكن تكون مناطق سكن الوسط.
الاطلالة على النيل يا بنتنا اي نيل في النيلين الرحيمين تكلفك القطعة مساحة الف متر مربع
اتنين مليون دولار أمريكي.
مليونين املحين.
ودا لو كنتي محظوظة .
نيلين الجنة يا بتنا دا كلام بعيد .
الا تصدق معانا اللوتري ونشتري ليكم على النيل انتي وبريمة
و ود الشيخ و ود اللمين .
وبعدها تكونوا أول لوتراب نيليين.
|
Post: #13
Title: Re: ماهي أجمل المناطق السكنية الجديدة بالعاص�
Author: MOHAMMED ELSHEIKH
Date: 01-23-2023, 08:39 AM
Parent: #12
في حدود 15 -30 مليون تقريبا لل300 م
انا محظوظ لقيت روحي فاتح على اكبر ميدان في ولاية الخرطوم.
صهريج الموية حقي لا يحتاج لمضخة.
فاتح على محطة المواصلات.
بس انت يا ول ابا وود موسى تعالوا وجسبو معاكم اخرين
معاي معاوية الزبير قدس الله سره
|
Post: #14
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-23-2023, 09:33 AM
Parent: #13
يا ود الشيخ
ياخ معاوية المدير دا مالو؟
في كندا يلاقيك.
في أمريكا يلاقيك.
في بنطلون الباوقة يلاقيك.
في بنطلون الزيداب يلاقيك .
مع بورداب الخرطوم يلاقيك.
كمان في حي النصر برضو ؟
والله جد السكن في حي النصر أمنية وعندي فيه أهل.
لكن شغلنا مربوط ب امدرمان وبحري.
واهلنا اليهود يقولوا ليك حاول اسكن قريب
مكان عملك عشان تحصل بدري.
|
Post: #15
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-23-2023, 10:58 AM
Parent: #14
اخونا المهندس بريمة
امسك في ود الشيخ .
دي أسعار ممتازة في شرق الله البارد .
وحقيقة ديك الجهات تستحق السكن .
50 في المية من سكان حي النصر من السودانيين المهاجرين .
|
Post: #16
Title: Re: ماهي أجمل المناطق السكنية الجديدة بالعاص�
Author: امتثال عبدالله
Date: 01-23-2023, 01:19 PM
Parent: #15
عثمان موسى
انا مرة كسبت ٥ الف دولار من اللوتري وعندنا واحدة زميلتنا
وصديقتنا كوزة قالت لي القروش دي حرام لان اللوتري حرام
وسالتها وهسع اعمل شنو بالقروش دي ارجعها لناس اللوترى قالت
لا لكن اتبرعي بيها للمسجد...ومشينا وتبرعنا بيها للمسجد الكبير
في منهاتن...
وسالتها وقلت لكن مش حرام نتبرع بقروش حرام لمسجد قالت لا
لان المسجد بتبرع بيها لفقراء ومساكين ...
..انت رايك شنو؟؟
واحجز لينا قطعة في حي النصر البشكر فيه محمد الشيخ..
|
Post: #17
Title: Re: ماهي أجمل المناطق السكنية الجديدة بالعاص�
Author: Biraima M Adam
Date: 01-23-2023, 01:27 PM
Parent: #16
ول أبا عثمان وحبيبنا ود الشيخ
Quote: خونا المهندس بريمة
امسك في ود الشيخ .
دي أسعار ممتازة في شرق الله البارد .
وحقيقة ديك الجهات تستحق السكن .
50 في المية من سكان حي النصر من السودانيين المهاجرين . |
كلامكم نزل علي برداً وسلاماً .. لكن بجيكم بالبقارة .. ما بعيد نسووا النقارة والمردم ..
سودانا دا .. لو رسينا له وختينا الرحمان في قلوبنا .. ح نسعدوا بالعيش فيه ..
بريمة
|
Post: #18
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-23-2023, 06:35 PM
Parent: #17
اجمل قصر على الضفة الشمالية للنيل الأزرق شفتو في حياتي
زمان كان قصر مفجر النهضة الاقتصادية السودانية في الثلاثينات الشيخ مصطفي الأمين عليه الرحمة .
كانت بناية مدهشة .
في عهد الإنقاذ بعد المضايقات الممنهجة الحصلت لأسرة الشيخ.
ضاع القصر .
بعدو مسخت البنايات. ومسخ النيل زاتو . داك القصر كان مفروض يكون
متحف يكتب التاريخ لرجل كافح من الصفر لرفعه وطن .
المهم يا بريمة دايرين 300 متر مربع غرفتين معكوسات وصالون في المستقبل.
|
Post: #19
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-25-2023, 04:10 AM
Parent: #18
الأخ بريمة
سلام
اجمل حاجة تشتري ليك 3 الف متر مربع في الريف الشمالي امدرمان .
شرق الزلط .
يكون بيت وحديقة على طراز بيوت الاغنياء في كلفورنيا.
|
Post: #22
Title: Re: ماهي أجمل المناطق السكنية الجديدة بالعاص�
Author: Muhib
Date: 01-25-2023, 12:22 PM
Parent: #19
امتثال
ال 5 لف امشي بيها اجازه السودان وابعدي من حرام وحلال دي. هاتلاقي متناقضات كتيره
في حياه اسمها
" عيشه الضمير الفرح" عيشي هذه الحياه
.
تخريمه
عثمان بقيت سمسار ؟
لو عايز اشتري بيت ما بثق في زول اكثر منك..اخو اخوان
|
Post: #23
Title: Re: ماهي أجمل المناطق السكنية الجديدة بالعاص�
Author: Biraima M Adam
Date: 01-25-2023, 02:44 PM
Parent: #22
Quote: الأخ بريمة
سلام
اجمل حاجة تشتري ليك 3 الف متر مربع في الريف الشمالي امدرمان .
شرق الزلط .
يكون بيت وحديقة على طراز بيوت الاغنياء في كلفورنيا. |
ول أبا عثمان، أنت قايل قبة ناس أمريكا فيها فكي ولا شنو؟ .. ناس السودان مصوا عرق جبينا ..!
لكن فكرة بيت زي أغنياء كلفورنيا وفي السودان .. يا أخي دا شيئ زي الحلم ..
خلي ال "أستوك ماركت" يرجع .. ونشوف لو لقينا حق البيت ..
لكن جيرة ود الشيخ، في شرق النيل، أنا أفتكر الذ منها ما في تخارج من المجاملات الكتيرة وسط أهلنا .. وفي نفس الوقت قريب منهم ..
بريمة
|
Post: #24
Title: Re: ماهي أجمل المناطق السكنية الجديدة بالعاص�
Author: Biraima M Adam
Date: 01-25-2023, 02:44 PM
Parent: #22
Quote: الأخ بريمة
سلام
اجمل حاجة تشتري ليك 3 الف متر مربع في الريف الشمالي امدرمان .
شرق الزلط .
يكون بيت وحديقة على طراز بيوت الاغنياء في كلفورنيا. |
ول أبا عثمان، أنت قايل قبة ناس أمريكا فيها فكي ولا شنو؟ .. ناس السودان مصوا عرق جبينا ..!
لكن فكرة بيت زي أغنياء كلفورنيا وفي السودان .. يا أخي دا شيئ زي الحلم ..
خلي ال "أستوك ماركت" يرجع .. ونشوف لو لقينا حق البيت ..
لكن جيرة ود الشيخ، في شرق النيل، أنا أفتكر الذ منها ما في تخارج من المجاملات الكتيرة وسط أهلنا .. وفي نفس الوقت قريب منهم ..
بريمة
|
Post: #25
Title: Re: ماهي أجمل المناطق السكنية الجديدة بالعاص�
Author: امتثال عبدالله
Date: 01-25-2023, 03:29 PM
Parent: #24
ول ابا بريمة
ال ٣ الف متر دي الا يشتريها حميدتي او اردول حرامي الذهب ...
انت امسك في حي النصر ابو ٣٠٠ متر وابقى من جيران ود الشيخ...
وعثمان عارف كويس ان دولارات أمريكا كلها بتمشى فواتير كهرباء وغاز وايجارات
وغرامات المرور ...لانه كان من سكان عاصمة العالم ...
|
Post: #26
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-25-2023, 04:47 PM
Parent: #25
الأخ الكريم موهب
سلام
وحيات خوتنا ما عندي في السمسرة أبدا .
قلنا نفتح طاقة تعريف للإخوان المهاجرين بالحاصل في البلد الرايح .
طبعا انت زول امدرماني ومن سكان زون ون .
امدرمان القديمة .
تحياتي للمدام
|
Post: #28
Title: Re: ماهي أجمل المناطق السكنية الجديدة بالعاص�
Author: Abureesh
Date: 01-26-2023, 02:16 PM
Parent: #26
أخونا عثمان.. سلامات.. وأقول ليك كلام سـر ما تقوله لأى واحد..
عارف لو انت فى السودان الان، بسرعة أمشى لأى دلال أو وكالة عقارات.. وخليه يفتش لزول يملك فى جروف أمدرمان
جنوب الصالحة.. اراضى زراعية مطلة على النيل الأبيض مساحتها حولى 50 فى 300 متر.. وهى زى لسان زراعى قافل
مع النيل.. الأرض هذه جنوب الكبرى الجديد اللى اسمه الدباسين أو اسم قريب من هذا وهى مقابلة للكلاكلة مباشرة.
بعد الكبرى والمطار الجديد ستكون هذه المنطقة ارض سكنية.. وسوف يشترون منك 10 الى عشرين متر فى 50 متر
على النيل عشان يبنوا الشارع للمطار. بس تأكد من شهادة البحث بواسطة أكثر من محامى، وياريت لو عملتهم فريق محامين
من اتنين الى ثلاثة.. كل واحد تديه 200 دولار فقط. وبرضو يتأكدوا ان الملكية ليست (على الشيوع).. يعنى ما ورثة.المنطقة
هذه تبعد أقل من 4 كيلومتر من كبرى الدباسين. القطعة حسب المعلومة السابقة سعرها من 5 الى 10 الف دولار. (عام 2020)
|
Post: #29
Title: Re: ماهي أجمل المناطق السكنية الجديدة بالعاص�
Author: Biraima M Adam
Date: 01-26-2023, 04:23 PM
Parent: #28
بت أبا إمتثال،
سلام
Quote: انت امسك في حي النصر ابو ٣٠٠ متر وابقى من جيران ود الشيخ...
|
تصدقي يا إمتثال، ود الشيخ .. وحبيبنا عثمان .. ما قصروا تب .. في ميزان حساتهم ..
تحديداً أنا عايز محله ما فيها 9 طويلة ولا 4 طويلة .. منطقة هادئة دون ضوضاء ..
لكن ما رأيكم في كلام الأخ عمر عبد العزيزQuote: المنشية شرق امتداد لحي الهدى المتاخم للجريق شرق ووصلت المربعات تقريباً حتى مربع 16
وكان اغلبها تم توزيعها بواسطة الصندوق القومي للضمان الاجتماعي واسعارها تقريباً في حدود
عشرين مليون وحتى خمسة وعشرين مليون حسب الموقع والمساحة . وتقريباً برضو تبعد من كبري المنشية حوالي اربعة كيلومترات .
ما قدرت ارفق خارطة للمنطقة لجهلي بهذه التقنيات. |
وبرضو كلام الباشمهندس أبو الريش
Quote: جنوب الصالحة.. اراضى زراعية مطلة على النيل الأبيض مساحتها حولى 50 فى 300 متر.. وهى زى لسان زراعى قافل
مع النيل.. الأرض هذه جنوب الكبرى الجديد اللى اسمه الدباسين أو اسم قريب من هذا وهى مقابلة للكلاكلة مباشرة.
بعد الكبرى والمطار الجديد ستكون هذه المنطقة ارض سكنية.. وسوف يشترون منك 10 الى عشرين متر فى 50 متر
على النيل عشان يبنوا الشارع للمطار |
بريمة
|
Post: #30
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-26-2023, 11:02 PM
Parent: #28
الأخ الكريم ابوالريش
سلام
من الضروري الزول يستعين بدليل العقارات والسمسار .
لكن جد يا ابوالريش الزول لو لقاليهو طريقة لمتو مع المالك البايع رأس يكون احسن .
في السودان دايمآ الوسيط بيضبحك بلا رحمة .
يعني كان كان السعر الأصلي للقطعة 20 مليار جنيه . الوسيط بيرفعها ليك للتلاتين مليار .
بيسموها الشنق في رندوك السماسرة .
يقوليك اشنق المغترب الفأرة .
طرق عديدة لضرب المشترين .
...
بالجمبة.
منطقة جسر الدباسيين الجديد اكيد عندها مستقبل رهيب للشباب .
بس نحنا يا ابوالريش اخوي بعد دا ننتظر بس الجنة .
هههههها لو حضرنا كأس العالم 2026 يكون كويس .
ربنا يدينا الأعمال الصالحة. واظن دقشنا في هادي الدنيا الممتعة والصعبة .
|
Post: #31
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-28-2023, 12:05 PM
Parent: #11
يا أخ بريمة
اخوك موهب برضو يفهم بطن العاصمة المثلثة القديمة وأطرافها الجديدة .
ونحنا ناس الأقاليم بتقول على الزي موهب زول عاصمي.
ف لو رشح ليك بكان اقعو بدون تردد .
ف عيال العاصمة الاصليين خبراء في شم همبريب المدن.
|
Post: #32
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-30-2023, 06:45 AM
Parent: #31
الحلفايا الجديدة شرق .
هي امتداد لحلفاية الملوك التاريخية في بحري.
اظنها هي المكان الأجمل والأقرب للسكن.
الأسعار بين ال 60 و ال 15 حسب القرب من الشارع العام .
وحسب بعدها من المنطقة العشوائية.
في كل الأحوال هي الأقرب للجسريين جسر الحلفاية وجسر شمبات .
وللخرطوم.
|
Post: #33
Title: Re: ماهي أجمل المناطق السكنية الجديدة بالعاص�
Author: Biraima M Adam
Date: 01-30-2023, 12:57 PM
Parent: #32
الأخ موهب
سلام ..
Quote: يا أخ بريمة
اخوك موهب برضو يفهم بطن العاصمة المثلثة القديمة وأطرافها الجديدة .
ونحنا ناس الأقاليم بتقول على الزي موهب زول عاصمي. |
ول ابا عثمان، رشحك لينا .. بالله ورينا وين اجمل المناطق السكنية في العاصمة .. بعدين ما عايزين منطقة فيها 9 طولية أو 4 طويلة في المنطقة.
ويا حبذا المنطقة تكون مناطق رملية .. أنا كردفاني ..
تسلم
بريمة
|
Post: #34
Title: Re: ماهي أجمل المناطق السكنية الجديدة بالعاص�
Author: Ahmed Yassin
Date: 01-30-2023, 03:55 PM
Parent: #33
سلام لناس الاراضي الهنا
الباشمهندس ود الشيخ ...كلام بريمة دا مهم شديد
انا مشيت حي النصر في الخريف.. وحلت ستة مرات جوة الميدان الكبير
Quote: ويا حبذا المنطقة تكون مناطق رملية .. أنا كردفاني ..
|
|
Post: #35
Title: Re: ماهي أجمل المناطق السكنية الجديدة بالعاص�
Author: Osman Musa
Date: 01-31-2023, 12:56 PM
Parent: #34
الأخ الفناناحمد
سلام
يا أحمد ليه الناس ما تمرق من دفسيبة قلب المدينة للاطراف .
انت عارف من موقف شندي الجديد ولاحدي قرية الجمارك في قري المسافة دي
بالعربية الصباح بدري قبل ساعات الزحمة بتاخد معاك 20 دقيقة بس .
ونفس الشي . بالنسبة لامدرمان من كبري الحلفاية ولاحدي قرية الشيخ الطيب في
في الريف الشمالي .
في دي المناطق ممكن تشتري 4 الف متر بربع المبلغ البيشتري ليك في الاطراف
القريبة للعاصمة المثلثة
|
Post: #36
Title: Re: ماهي أجمل المناطق السكنية الجديدة بالعاص�
Author: Ahmed Yassin
Date: 01-31-2023, 09:19 PM
Parent: #35
استاذنا وحبيبنا عثمان موسى
| Quote: ليه الناس ما تمرق من دفسيبة العاصمة للاطراف |
والله حكاية ال٤ الف متر دي بى ربع السعر دي خلتني اقكر ابيع البيت وامشي الاطراف
اهم شىء البيت مفروض يكون فيهو حديقة كبيرة
|
Post: #38
Title: Re: ماهي أجمل المناطق السكنية الجديدة بالعاص�
Author: Osman Musa
Date: 02-02-2023, 12:19 PM
Parent: #36
اخونا الفنان أحمد
بالمناسبة الريف الشمالي في امدرمان مكان جميل للسكن الجميل
ممكن في المساحة تزرع ليك حديقة الفين متر وتسكن في الباقي
|
Post: #37
Title: Re: ماهي أجمل المناطق السكنية الجديدة بالعاص�
Author: عمار بابكر
Date: 02-01-2023, 09:19 AM
Parent: #1
مدينة لؤلؤة الشرق السكنية
حوالي 20 دقيقة من شارع الستين
خدمات كهرباء ومياه وطرق داخلية مسفلته
مدارس شغاله
مجمع اسلامي كبير
مركز صحي
مغالق ومحلات
فلل وعمائر بطراز جميل
عدد من السكان
لجان خدمية هميمة
تعاون كبير بين ملاك اللؤلؤة
أسعار معقوله
هواء نقي حيث لا مصانع ولا ضوضاء
اكتب في قوقل مدينة لؤلؤة الشرق السودان / هنالك فيديوهات عديدة للتعريف بها ...
|
Post: #39
Title: Re: ماهي أجمل المناطق السكنية الجديدة بالعاص�
Author: Biraima M Adam
Date: 02-02-2023, 01:06 PM
Parent: #37
ول أبا عثمان
| Quote: اكتب في قوقل مدينة لؤلؤة الشرق السودان |
موقع جميل يا عثمان ..
لكن متخوف من أن الأرض زراعية .. وايضاً واضح أنها منطقة منخفضة ..
مع مشاكل سد النهضة تبقي المناطق المنخفضة فيها مخاطر ..
ولا شنو؟
بريمة
|
Post: #40
Title: Re: ماهي أجمل المناطق السكنية الجديدة بالعاص�
Author: Osman Musa
Date: 02-02-2023, 08:43 PM
Parent: #37
الأخ عمار
سلام
الأسعار كيف ؟
|
Post: #41
Title: Re: ماهي أجمل المناطق السكنية الجديدة بالعاص�
Author: Osman Musa
Date: 02-09-2023, 08:25 PM
Parent: #1
فوق
|
Post: #42
Title: Re: ماهي أجمل المناطق السكنية الجديدة بالعاص�
Author: نعمات عماد
Date: 02-10-2023, 03:12 PM
Parent: #41
الأخ الفاضل عثمان موسى
أجمل تحية لك و لضيوفك الكرام
بعد أن أستأذن الريس بكري ابوبكر ،اسمحلي بعرض
الآتي:
(1)
منزل غير مشطب يتحمل طابقين إضافيين ،25 دقيقة بالسيارة
من مول عفراء.في بتري بعد تفتيش سوبا.المساحة 1000 متر
جو المنطقة جميل و الجيران رائعين.
(2)
بناية 4 طوابق شقتين في كل طابق و شقة في السطوح.
يبعد 5 دقائق مشي من عفراء.
الأسعار ممتازة.التفاصيل للشاري الجاد بالواتس في الخاص
.شكراً أخي عثمان.
|
Post: #43
Title: Re: ماهي أجمل المناطق السكنية الجديدة بالعاص�
Author: Ali Alkanzi
Date: 02-10-2023, 08:03 PM
Parent: #42
بالله دا كلام يا جماعة
دا انتو من صفوة السودان
وعايزين تجو العاصمة
طيب الريف دا البنميهو وببنيهو منو ؟
مثلا الشوال دي في ولاية النيل الابيض
عيبوها لي؟
بلا خرطوم بلا قر.....
واتمم الحرف الناقص
|
Post: #44
Title: Re: ماهي أجمل المناطق السكنية الجديدة بالعاص�
Author: Osman Musa
Date: 02-11-2023, 07:24 AM
Parent: #42
بنتنا د. نعمات
سلام
في العموم منطقة بتري من المناطق الجميلة للسكن والترفيه.
وبعد ما كبسوا عليها الباشوات في العشرين سنة الفاتت
اظن أسعارها طارت السماء .
بتري تغيرت شديد واصبحت فيها كتير من عزبات الاغنياء .
والباقير برضو في الطريق.
|
|