الاخ الغالى عبدالمنعم الطيب احسن من غنى اغانى وردى رايكم شنو فيديوهات

الاخ الغالى عبدالمنعم الطيب احسن من غنى اغانى وردى رايكم شنو فيديوهات


01-11-2023, 02:58 PM


  » http://sudaneseonline.com/cgi-bin/sdb/2bb.cgi?seq=msg&board=510&msg=1673445512&rn=0


Post: #1
Title: الاخ الغالى عبدالمنعم الطيب احسن من غنى اغانى وردى رايكم شنو فيديوهات
Author: مصطفى نور
Date: 01-11-2023, 02:58 PM

01:58 PM January, 11 2023

سودانيز اون لاين
مصطفى نور-امريكا نيوجرسي
مكتبتى
رابط مختصر



الاخوه الافاضل
تحيه طيبه
اليوم عايز اقدم ليكم الاخ الصديق الغالى عبدالمنعم الطيب من اولاد رفاعه دلوت البحر
كان يقيم معانا فى البيت فى السودان حب وردى واغانى وردى دخلتو فى شى من الجنون
والزول ده حافظ كل اغانى وردى لدرجه انو استتطاع انو يغنى الطير المهاجر التى تعتتبر من اصعب اغانى وردى
بالله رايكم فيهو شنو المشكله لم يجد الشخص الممكن يتبناه وهو بغنى اغانى اكثر من 20 سنه
والله اتمنى انو ينال اعجابكم


Post: #2
Title: Re: الاخ الغالى عبدالمنعم الطيب احسن من غنى ا�
Author: مصطفى نور
Date: 01-11-2023, 03:01 PM
Parent: #1


Post: #3
Title: Re: الاخ الغالى عبدالمنعم الطيب احسن من غنى ا�
Author: Ali Alkanzi
Date: 01-11-2023, 06:49 PM
Parent: #1

عارف يا حبيب
الراجل مقلد ولا غبار عليه
بس ووردي ما بتقلد
احببت وردي منذ طفولتي حتى هرمي
وكذا حالي مع المريخ
عشق اقتسمه مع الكثير من اهل بلادي
لكن غايتو في بنية اسمها شذى محمد عبدالله غنت الطير المهاجر بصورة قربت تنافس بيها وردي

Post: #4
Title: Re: الاخ الغالى عبدالمنعم الطيب احسن من غنى ا�
Author: Ahmed Osman
Date: 01-12-2023, 04:45 AM
Parent: #3

االبنية والقروب المصاحب والموسيقى تستحق الاشادة
ابدعت فعلا ي الطير المهاجر

Post: #5
Title: Re: الاخ الغالى عبدالمنعم الطيب احسن من غنى ا�
Author: مصطفى نور
Date: 01-12-2023, 09:05 AM
Parent: #4

السلام عليكم
تحيه طيبه
كنت قد ارسلت الفيديوهات الى الاخ الغالى مظفر وردى فى قطر واستمع اليه وكنت معه فى محادثه ماسنجر
وقال الزول ده صوتو جميل وكتب الى العبارات التاليه
الله يديهو العافية ظاهر والله محبته للوالد رحمة الله عليه ده كلام الاخ الغالى الصديق مظفر وردى

Post: #6
Title: Re: الاخ الغالى عبدالمنعم الطيب احسن من غنى ا�
Author: Ahmed Yassin
Date: 01-12-2023, 09:57 AM
Parent: #5

Quote: عبدالمنعم الطيب(ا)حسن

دا عضو معانا وزميل المنبر .. ومن اشهر ناس ال،ياض
من متين بقى يغني ؟!!!

Post: #7
Title: Re: الاخ الغالى عبدالمنعم الطيب احسن من غنى ا�
Author: مصطفى نور
Date: 01-12-2023, 10:36 AM
Parent: #6

Ahmed Yassin
اخى الغالى
تحيه طيبه اخبارك
ووين ياخى طولنا منك
اظن تشابه فى الاسماء

Post: #8
Title: Re: الاخ الغالى عبدالمنعم الطيب احسن من غنى ا�
Author: ياسر السر
Date: 01-14-2023, 08:35 AM
Parent: #7

اولا التحية لك اخي مصطفى نور على هذا البوست الجميل والتحية عبرك للاستاذ عبد المنعم الطيب وصراحة اول مرة اسمعه وقد اجاد فعلا وكان اداءه رائعا وجميلا ولكن حسب وجهة نظري المتواضعة فان اعظم من قلد العملاق وردي هو الجيلي الشيخ والجيلي ترك الغناء واتجه للمديح وايضا الاخت المبدعة شذى عبد الله غنت الطير المهاجر بصورة رائعه رغم صعوبة هذه الاغنية التي استعصت على المقلدين وعلى المؤدين لغناء وردي وحتى العازفين اغلبهم لا يحفظون كل لزماتها وموسيقاها كامله ...
اما عن زميل البورد الاخ عبد المنعم الطيب الموجود معنا في الرياض فهو تشابه اسماء فقط لان عبد المنعم الطيب الموجود بالرياض لا يغني ..

ومرة اخرى لكم جميعا عاطر التحايا ..

تحياتي : ياسر العيلفون ...

Post: #9
Title: Re: الاخ الغالى عبدالمنعم الطيب احسن من غنى ا�
Author: عبدالمنعم الطيب حسن
Date: 01-14-2023, 01:40 PM
Parent: #8

Quote:
Quote: عبدالمنعم الطيب(ا)حسن

دا عضو معانا وزميل المنبر .. ومن اشهر ناس ال،ياض
من متين بقى يغني ؟!!!


من زمان يصحبي الفنان احمد يسن
بس البلد واسعة
😂😂😂😂
...
اسم عبدالمنعم الطيب
منتشر انتشار النار في القويش::
في منطقتنا بس في ٤ عبدالمنعم الطيب
وناس كتار يتصلوا على على اساس اني صديقهم الفلاني
الضابط اورفيق الدراسة او الطبيب او المحامي او المدرس
وفي الفيس هنالك تلاتة من اصدقائي بنفس الاسم
بل ان هنالك اعتقادا ان كل الطيب اب
لا بد ان يسمى احد اولاده عبدالمنعم..
...
بل فكرنا نعمل رابطة تجمع كل من اسمه عبدالمنعم الطيب
تسلم حبيبنا
هو تشابه واضح
وان كنت تمنيت ان اكون بغني
فانا احب الغنا جدا
وحافظ صم كثيرمن عيون الغناء السوداني
ومعطم اغاني مصطفي ووردي ومحمد الامين
وعركي..واضاني نضيفة ههههها؛
وقد ظل شريطا لعركي يدور في سيارتي لمدة سنوات
حتى ان اطفالي حفظوا اغاني الشريط صم؛
وكذلك كان هنالك شريط حقيبة لفنان محمود عبدالعزيز
ظل يدور ايضا في مسجل سيارتي لسنين ودنين
...
تسلم حبيب الكل الفنان احمد يست؛

Post: #10
Title: Re: الاخ الغالى عبدالمنعم الطيب احسن من غنى ا�
Author: فرحات عباس
Date: 01-15-2023, 07:04 AM
Parent: #6

يا أخوي .. عبد المنعم الطيب المعاك في المنبر دا ، واحد تاني .. ما بغني لكن نضام .. يعني نصميهو قريب للغني .. وهو من أولاد واوسي .. واظنو بحب محمد وردي وبكره صلاح مصطفى وصلاح بن البادية

Post: #11
Title: Re: الاخ الغالى عبدالمنعم الطيب احسن من غنى ا�
Author: Ahmed Yassin
Date: 01-15-2023, 01:11 PM
Parent: #10

Quote: فانا احب الغنا جدا
وحافظ صم كثيرمن عيون الغناء السوداني
ومعطم اغاني مصطفي ووردي ومحمد الامين
وعركي..واضاني نضيفة ههههها؛
وقد ظل شريطا لعركي يدور في سيارتي لمدة سنوات
حتى ان اطفالي حفظوا اغاني الشريط صم

كيف ما تكون اضانك نضبفة وانت بتسمع للكبار ديل
عارف يا عبدالمنغم... انا مافي شىء حيرني في الموسيقى دي لا
متتاليات بتهوفن لا شتراوس لا موزارت لا بحيرة البجع ....
حيرتني ( قلت ارحل) ......

Post: #12
Title: Re: الاخ الغالى عبدالمنعم الطيب احسن من غنى ا�
Author: Ahmed Yassin
Date: 01-15-2023, 01:22 PM
Parent: #11

فرحات ودعباس
Quote: يا أخوي .. عبد المنعم الطيب المعاك في المنبر دا ، واحد تاني .. ما بغني لكن نضام
،يعني نصميهو قريب للغني ..
وهو من أولاد واوسي .. واظنو بحب محمد وردي وبكره صلاح مصطفى وصلاح بن البادية

اهههههه.اي زول اسمه عبدالمنعم بكون فيهو فن ... عبدالمنعم حسيب من نواحي الحصاحيصا صاحب"عيونك كانوا في عيوني"
المولود سنة ١٩٣٨ والمتوفي سنة ٢٠٠٣م .قضى فترة طويلة في الامارات. اولاده محمد ومهند ومازن واسراء...
بعدين عندك الزول الغناي جدا جدا عبدالمنعم الخالدي.... و برضو الشاعر عبدالمتعم عبدالحي
بس زي ما قلت .. نضميهو حلو وكإنه لغني بتاع واوسي دا .. لكن معقول في زول بكره الصلاحين !!!!!@!؟
في ظول ما بحب صلاح مصطفى الشهير باسم (اللحان) ؟ !!
وصلاح بن البادية الرهيب

Post: #13
Title: Re: الاخ الغالى عبدالمنعم الطيب احسن من غنى ا�
Author: عبدالمنعم الطيب حسن
Date: 01-16-2023, 06:32 PM
Parent: #12

خ
Quote:
يا أخوي .. عبد المنعم الطيب المعاك في المنبر دا ، واحد تاني .. ما بغني لكن نضام .. يعني نصميهو قريب للغني .. وهو من أولاد واوسي ..
واظنو بحب محمد وردي وبكره صلاح مصطفى وصلاح بن البادية

Quote:
بس زي ما قلت .. نضميهو حلو وكإنه لغني بتاع واوسي دا .. لكن معقول في زول بكره الصلاحين !!!!!@!؟
في ظول ما بحب صلاح مصطفى الشهير باسم (اللحان) ؟ !!
وصلاح بن البادية الرهيب

هلا حبيبنا الفنان احمد يسن؛
كيفك يا صديقي
تصدق صلاح بن البادية دا كان فناني المفضل؛
عندما كنت صبيا؛ ايام مناي يا هدفي تحقق وارجع للوطن ظافر
الظاهر كنت بتفاعل على اعتبار ما سيكون
وها انذا احلم بالرجوع
كل المغتربين يحلمون بالرجوع لوطن القماري
غض النظر عن تحقيق اي اهداف
العودة للوطن في حد ذاتها هدف.
وليلة السبت
فيك موهبة وطبع الملوك..
صلاح بن البادية غناي شديد
وظل صوته الطروب بذات العذوبة حتى غيابه الفاجع؛
صلاح مصطفى صراحة ليست لي معه تقاطعات
ولكن لا احمل عنه مشاعر سالبة...
....
فرحات عباس
الزول دا يا جماعة صديق العمر ومشيت بيتم في رفاعة
على حافة الاستاد وقابلت والده العظيم عمنا الباسمهندس عباس فضل المولى
الذي سمى ولده فرحات تيمنا بالرئيس الجزائري فرحات عباس؛
لتاخذ الايام دورتها ويذهب ذات الفرحات ليدرس القانون الدولي في الجزائر
ولقبته الدفعة بالرئيس...
شفتو الزول دا واصل كيف؟
لروح عمنا عباس فضل المولى الهناء والراحة في الاعالي...
...
بالنسبة للفن فرحات دا حافظني من زمن وردي وعركي وطغيان حضور مصطفى الطاغي
لكني قديم من زمن الحان الخميس مع معتصم فضل
وانت السماء بدات لنا
وزيدان ياخ
والشفيع
وووو
...
عيييك عوالم باذخة



Post: #14
Title: Re: الاخ الغالى عبدالمنعم الطيب احسن من غنى ا�
Author: عبدالمنعم الطيب حسن
Date: 01-16-2023, 09:08 PM
Parent: #13

Quote: عارف يا عبدالمنغم... انا مافي شىء حيرني في الموسيقى دي لا
متتاليات بتهوفن لا شتراوس لا موزارت لا بحيرة البجع ....
حيرتني ( قلت ارحل) ......

...
هلا بالفنان
من دربي النقوم افتش قلت ارحل
واسمع الموسيقى واللحن
بتركيز اعلى واشوف الفرق
بعد الوصية من زول موسيقى
...
قبل يومين سمعت السمفونية السابعة لبتهوفن
وقبل دقائق سمعت مقطوعة لعمار الشريعي
على العود..
وسمعت قبيل برضو
لامتين يلارمك في هواك مر الشجن
وتعود مراكب ريدنا
للثنائي بازعة وعثمان حسين
وسمعت هنا الطير المهاجر بصوت شذى عبدالله
وسمعت كم غنوة للفنان عبدالمنعم الطيب هنا
لنه يوم مترع بالموسيقى
يوم استثنائي؛