Post: #1 Title: بورداب الرياض؛ في وداع واستقبال!صور؛صور!! Author: عبدالمنعم الطيب حسن Date: 01-02-2023, 06:36 AM
في وداع عبدالله ود البوش لمناسبة عودته النهائية لوطن النجوم؛ رغم انف التتار والقتلة.. ... ويستقبلون الفنان ناذر خليفة لمناسبة عودته لمقر عمله بعد فترة طويلة قضاها بالوطن؛ الوطن السليب...
Post: #2 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-02-2023, 06:45 AM Parent: #1
Post: #8 Title: Re: بورداب الرياض؛ في وداع واستقبال!!! Author: أيمن مبارك أبو الحسن Date: 01-02-2023, 02:02 PM Parent: #2
إنت الألطف والأجمل حبيبنا منعم ... كانت ليلة جميلة ، وحضور جميل ... نتمنى للأخ عبد الله ود البوش عودة حميدة سالماً غانماً بين أهله وأحبابه... بس ما تنسانا ...
Post: #3 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-02-2023, 06:47 AM Parent: #1
Post: #4 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-02-2023, 06:54 AM Parent: #3
Post: #5 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-02-2023, 07:11 AM Parent: #4
Post: #6 Title: Re: بورداب الرياض؛ في وداع واستقبال!!! Author: حمد عبد الغفار عمر Date: 01-02-2023, 10:31 AM Parent: #1
كانت ليلة جميلة جدا رغم ظروف المطر
Post: #7 Title: Re: بورداب الرياض؛ في وداع واستقبال!!! Author: ابو جهينة Date: 01-02-2023, 11:53 AM Parent: #6
تحياتي اخي منعم ( واوسي ) نتمنى للاخ عبدالله ود البوش كل توفيق في ارض الوطن بين اهله واحبابه وهذا بالطبع قرار يراود كثير من المغتربين ، ولكن كلما حان تنفيذ القرار، يتراجع الكثيرون لما يشاهدونه من تدهور ملحوظ في كل نواحي الوطن ، وخاصة في مجال الامن، وها هى دارفور الحبيبة ارض الخير تحترق بايدي ابناءها كانت الاحتفالية خطوة موفقة، وهي ديدن البورداب منذ تكوين هذا الجسم العملاق في أرض الاغتراب رغم الاجواء الخريفية ، فقد تنادى الحضور بالرياض عبر الواتساب ، وقدم البعض المساعدة في الوصول لمكان الاحتفالية
ود البوش نتمنى لك التوفيق والسداد
Post: #9 Title: Re: بورداب الرياض؛ في وداع واستقبال!!! Author: Osman Musa Date: 01-02-2023, 03:07 PM Parent: #7
الأخ الكريم عبدالمنعم سلامات والف مرحب بود البوش بين أهله السمحين مهما داقشتهم الظروف . السودان مليان مستثمرين من دول كتيرة. واكيد ود البوش صاحب الخبرة الكبيرة في السعودية . اكيد ما حيروح عليه رأس الخيت. واكيد حيتعلم بسرعة في بلدو . بس يا ود البوش وصية من زول مجرب وخايف عليك اوعك تنهي اقامتك في السعودية. شوف طريقة يكون عندك إقامة في جوازك ضروري مهما كلفتك. وجيتك للسودان لا تضيع ولا يوم . طوالي تفتش نقاطة. شغل لازم حار حار وتلفونك في جيبك كان اتصل ابوك ما تطلع التلفون في الأسواق. تتكلم بالتلفون في البيت. وحتي اوكات الصلاة تلفونك يكون في جيب العراقي تحت الجلابية. تخلي التلفون في العراقي لاحدي ما تتشكل حكومة بت حلال . واوعك تظهر انك مغترب ولابس عمة توتال. بالمناسبة العودة بعد طولة ما هينة. على كل حال اعتبر نفسك لاعب ضد البرازيل في دور الأربعة.
.. موفق انشاءالله
Post: #10 Title: Re: بورداب الرياض؛ في وداع واستقبال!!! Author: محمد نجيب عبدا لرحيم Date: 01-02-2023, 05:16 PM Parent: #9
Quote: (عدل بواسطة عبدالمنعم الطيب حسن on 01-02-2023, 06:09 AM)
يا حبيب عدلت شنو كل سنة وأنت طيب
Post: #11 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-02-2023, 06:42 PM Parent: #10
لا بد ان نشكر لجنة البورداب التنفيذية لما قامت وتقوم به من جهد خارق؛ في ظروف غاية الصعوبة؛ وبتموا الناقصة من جيبم بقيادة الربان الماهر المستشار احمد الشايقي والاستاذ عباس الدسيس الشريف ووزير المياه الامير ادريس علم الهدى ود الناظر والاخ الاستاذ يوسف عبدالرحيم ابوسنينة والاخ الصحفي المخضرم نجيب عبدالرحيم والاخ الفنان طارق نقد والحبيب ارباب الارابيب خالد سعيد الارباب والاسد الهصور فتحي الصديق؛ واللجنة دي ياها زاتا من سنة دو كل سنة او سنتين يعاد انتخابهم اصلا غيرم ما بتبقى وبراهم سوداء وناقصة لا جاء يوم شكرهم ... وساعود حاولت انزل الصور ما ظبطت معاي ساعاود
Post: #12 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-02-2023, 06:48 PM Parent: #11
ايمنوف حبيبنا ... السستم داخل المنبر غلبنا؛ لكنا سنناضل هذا المكان حميم جمعنا بالطف واطيب الناس ...
Post: #13 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-02-2023, 08:03 PM Parent: #12
... حبيبنا الفنان مصدق، وو الناظر
Post: #14 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-02-2023, 08:07 PM Parent: #12
... حبيبنا الفنان مصدق، وو الناظر
Post: #15 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-02-2023, 08:13 PM Parent: #14
...
الباشمهندس ايمن محمود الذي جاء خصيصا من القصيم يا قلبي؛ لحضور الاحتفال؛
البورداب عالم جميل
Post: #16 Title: Re: بورداب الرياض؛ في وداع واستقبال!!! Author: Khalid Saeed Date: 01-03-2023, 07:56 AM Parent: #15
الزمان : لسه رضي والناس ظروفها مقدر ( الجمعة واي جمعة ) جمعة حوت أحباب لهم في القلب منازل المكان : فرح كل الأماكن وعطر في مسام الروح ساكن كنا على الوعد وكان المطر اكثرا شوقا ، ظلت السماء تمطر من بعد صلاة الجمعة ، لا ادرى دموع فرح ام دموع وداع ؟ المهم كانت مطره جد . بورداب الرياض كعادتهم ، ينثرون المحبة على الدروب ، فيستدل بها من طمست عنه المياه ملامح الطريق . رغم انه الإستراحة قريبة والشارع مابخون ، بس تقول شنو ؟ في ناس طشت تخيلوا ، اما حبيبنا البوردابي نجيب واهل الحافلة ديل بحكي ليكم قصتهم بعدين ( غرقوا ) فإستغاث نجيب كاستغاثة ود البيه لي صحبه العمدة ، فهتزت القبب ، وفجأة لقيت نجيب في الإستراحة ، اما الحافلة فلها رب يحميها . كانت لمة ابدع واجاد حبيبنا منعم ( صاحب البوست ) عندما وصفها قائلا ( بورداب الرياض ديل لو اتلاقوا اتنين بخلقوا فرح ) وانا أقول فمابالكم بي لمة حوت اتنين وثلاث ورباع واكثر واكثر واكثر ، قادرين تتخيلوا كمية الفرح الملت المكان والضحكة والبسمة ، وكيف تجلت عبقرية الإبداع السوداني ، التي حولت طقوس الوداع الى احتفالية أمل وفرح بي عودة اخ عزيز الى دياره بعد غربة سنين . هاكم دي صورة ونواصل ،
Post: #17 Title: Re: بورداب الرياض؛ في وداع واستقبال!!! Author: Khalid Saeed Date: 01-03-2023, 08:03 AM Parent: #16
https://www.0zz0.com حبيبنا عباس الدسيس ، وحبيبنا ود البوش وحبيبنا يوسف ابوسنينه ومن الخلف يظهر حبيبنا مصدق ، ( بالمناسبة يامصدق دايرين ابداعاتك ورسم للحفل ذي رسمت المنبر زمان لمن عملت بوست لأعضاء المنبر ) كما يظهر مولانا أحمد الشايقي رئيس بورداب الرياض في الخلف ( شوف الرئيس تقول لي بشه ) ههههههههههههههه
Post: #18 Title: Re: بورداب الرياض؛ في وداع واستقبال!!! Author: Khalid Saeed Date: 01-03-2023, 08:21 AM Parent: #17
https://www.0zz0.com من اليمين ( حمد عبد الغفار ، عباس الدسيس ، ادريس علم الهدى ، مصدق ، يوسف ابوسنينه ، ناذر الخليفة المحتفى به عبد الله ود البوش ، مولانا الرئيس أحمد الشايقي ، طارق عبد اللطيف ( نقد)
Post: #19 Title: Re: بورداب الرياض؛ في وداع واستقبال!!! Author: Khalid Saeed Date: 01-03-2023, 08:27 AM Parent: #18
https://www.0zz0.com
اوووو يمين ( حبيبنا الفنان الجميل خالد سيكا) خالد ده من شباب الكلاكلة الجميلين ، فنان مبدع حد الإبداع ( المشكلة غبنا وجينا لقينا المنبر ولا رابط زابط هههههههههههه ماقادرين ننزل الفيدوهات والهجيج البورداب طلوا بتاعين هجيج بي الريس زاطووو ههههههه)
خالد سيكا غنى اجمل الأغاني ، غايتو كان الخضره والماء ، الوجه الحسن ده ، بعد تشوفوا الصور قرروا براكم ) هههههههههههههههههه
الجنب خالد سيكا ده حبيبنا ايمن الحلاوي الرجل الجميل ، منوووووور يازعيم
Post: #20 Title: Re: بورداب الرياض؛ في وداع واستقبال!!! Author: Khalid Saeed Date: 01-03-2023, 09:26 AM Parent: #19
https://www.0zz0.com
حيبنا الزعيم منعم وحبيبنا الفنان الجميل خلف ود الشيخ
https://www.0zz0.com ود البوش والهجيج https://www.0zz0.com ابدع ود الشيخ ايما ابداع
https://www.0zz0.com كع هجيج لمن بي هناك ههههههههههههههههههههه
Post: #21 Title: Re: بورداب الرياض؛ في وداع واستقبال!!! Author: Khalid Saeed Date: 01-03-2023, 09:42 AM Parent: #20
https://www.0zz0.com
https://www.0zz0.com
تعرفوا لو ادريس شد حيله معاي شوية ، مطره مطرتين لمه لمتين بورداب ( انا وادريس حنبقى فنانيين ونعمل ثنائي ) يوم الحفلة كنا بنشيل مع خلف ود الشيخ في غنية الطير الخداري ، ادريس كان بقول ، ( قول لي ياطير الخداري ) ( وانا كنت بقول وراهو ( وين رسايلك مننا ) وفي تلك للحظة اكتشفنا انو نحن فنانيين بس الغربة ماخدانا ساكت هههههههههههههههه
Post: #22 Title: Re: بورداب الرياض؛ في وداع واستقبال!!! Author: Yousif A Abusinina Date: 01-03-2023, 10:45 AM Parent: #21
كان يوما مميزا بتميز الحضور ابداع من الكل بدون فرز حرارة اللقاء طقت على برودة الاجواء وشدة الامطار الا ان عزيمة الحضور كانت الاقوى رقم كل الظروف ملموميين فى الخير وعلى خير والشكر اجزلة لكل الحضور خاضة اخونا المنهدس ايمن محمود ( ايمنوف اليهودى ) كما يحلو لنا والفنان القامة القادم من الدمام بحرارة اللقاء ود الشيخ اضافة حقيقية بعد طول غياب مع كل الامنيات الطيبة للاخ عبد الله ود البوش باقامة طيبة وسط الاهل واخونا متعدد المواهب ناذر خليفة الذى ابدع واضافة الى الاحتفال طعم خاص ............. يارب دائما كامليين وتاميين وعزاونا لاخوة كرام كانوا بيينا بالامس القريب تحلو بهم اللقاء والان بين يدى الحمن الرحيم نسال الله لهم المغفرة والعتق من النار صديق الموج اسماعيل عباس والمهندس طارق مرغنى والذين سبقونا الى الدار الدائمة
Post: #23 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-03-2023, 12:19 PM Parent: #22
Post: #24 Title: Re: بورداب الرياض؛ في وداع واستقبال!!! Author: عباس الدسيس Date: 01-03-2023, 01:52 PM Parent: #23
يوم كان رائع بكل المقاييس رغم سؤ الاحوال الجوية و كعادة ىبورداب الرياض شكلو لوحة جميلة من الود والمحبة والاخاء ,,,, التحية للجنة البورداب على راسها الرجل الهميم الجميل مولانا احمد الشايقي وبقية العقد الفريد والتحية للاخ ايمن محمود لتكبده مشاق القدوم من ىمدينة القصيم والتحية للاخ ناذر الخلفية والتحية والامنيات الطيبة لاخونا الرجل الرائع عبد الله ود البوش مع خالص تمنياتي له بالتوفيق في مقبل ايامه في السودان ,,, وتحية خاصة لاخي المبدع الفنان خلف ود الشيخ لتكبده مشاق السفر والحضور من مدينة الدمام للمشاركه في هذا الحفل البهيج فله مني كل تحية وتقدير .
مع خالص ىشكري وتقديري للجميع ..
تحياتي : ياسر العيلفون ....
Post: #27 Title: Re: بورداب الرياض؛ في وداع واستقبال!!! Author: عبدالمنعم الطيب حسن Date: 01-03-2023, 05:08 PM Parent: #26
Post: #28 Title: Re: بورداب الرياض؛ في وداع واستقبال!!! Author: عباس الدسيس Date: 01-04-2023, 10:50 AM Parent: #25
حبيبنا انور اخبارك يا وجيه السفة مهمة هههههههههههههه رسل جوالك نضيفك للبورداب بالقروب
Post: #29 Title: Re: بورداب الرياض؛ في وداع واستقبال!!! Author: ANWAR SAYED IBRAHIM Date: 01-04-2023, 01:05 PM Parent: #28
ونحن من هذا المنبر نتمنى لصاحب الأيادي البيضاء عبد الله ود البوش عودا حميدا للوطن الحبيب ..وود البوش من الذين وصفتهم الأستاذة اميرة أنه من الناس السمحين في المنبر العام وذلك في بوست رائع افترعته قبل أن تغادر المنبر نسبة لمشغولياتها العديدة وأسباب أخرى .. وكل أعضاء المنبر يعرفون اياديه البيضاء ... ونتمنى له إقامة طيبة في سودان يعمه الأمن والأمان والله يديه الصحة والعافية ،،،
Post: #31 Title: Re: بورداب الرياض؛ في وداع واستقبال!!! Author: Khalid Saeed Date: 01-05-2023, 09:09 AM Parent: #30
حبيبنا الفنان الجميل ياسر العيلفون يبدع ايما ابداع في رائعة الراحل المقيم سيد خليفة ( على الجمال تغار منا ) ويشاركه في الأداء الفنان الجميل عدي العيلفون ، والجميل صديق حقيقة ابداع حد الإمتاع
Post: #32 Title: Re: بورداب الرياض؛ في وداع واستقبال!!! Author: Khalid Saeed Date: 01-05-2023, 09:11 AM Parent: #31
Post: #33 Title: Re: بورداب الرياض؛ في وداع واستقبال!!! Author: Osman Musa Date: 01-05-2023, 11:46 AM Parent: #32
يا عيلفون يا فنان كانت مجاملة جميلة مافي كلام نقلتونا معاكم فيها لجو الرياض. والله انتم أهلها يا بورداب الرياض. ودي الخوة الحقيقية .
الجميل الأصيل عثمان موسى لك وافر التحايا علها تصلك وتجدك على ما اتمناه ,,, اشكرك كتير على كلماتك الطيبات وفعلا بورداب الرياض اخوة كما تفضلت .. ويا ريت تشرفنا في الرياض لنحتفي بك ولنلتقيك ..
كامل اعتزاري للجميع لضعف الاداء ولكن الجو كان ماطر والمطر كان ينزل في تلك الاثناء ورطوبة الجو اثرت على الصوت وايضا البرد كان حاد جدا وبرضو اثر على الصوت ,, لذا وجب التوضيح للجميع فارجو المعذرة .. مع خالص شكري للاخ عباس الدسيس على التوثيق لهذه اللحظات الجميلة ..
لك وافر شكري الحبيب خالد الارباب فقد كنتم دافع اساسي لهذا الابداع والتحية عبرك لكل بورداب الرياض الاعزاء فقد كنتم نجوما تلألات في تلك الليلة البهية .. عاطر شكري وتقديري ..
...
