لا أمل في بناء وطن اسمه السودان ، افرنقعوا

07:10 AM December, 05 2022

سودانيز اون لاين
Ali Alkanzi-Sudan
مكتبتى
رابط مختصر

؟

سلامات حبيبنا الكنزي...
اتفق مع عنوانك أعلاه
على الاقل في الظرف الحالي وحالة الرفض وخطاب الكراهية الماثل ..
ولكن هل فكرت معي في كيفية ان نعيش متفرقين؟
بمعنى اخر هل يمكن أن نكون سعداء ومنتجين اذا اتلمت كل ثلاثة بيوت أو قبائل
أو اتفقت كل منطقة على أن تحكم نفسها بنفسها وتتوجه نحو تنمية دولتها الصغيرة
بلا حكومة بلا دستور بلا بطيخ

الف مرحب بيك الحبيب التاج اي عمر وعليه تاج
دا الكلام والحل:

Quote: اذا اتلمت كل ثلاثة بيوت أو قبائل أو اتفقت كل منطقة على أن تحكم نفسها بنفسها وتتوجه نحو تنمية دولتها الصغيرة بلا حكومة بلا دستور بلا بطيخ

كنفدرالية والانضمام للسودان الموحد خيار كل مقاطعة
حتى جنوب السودان إن اراد

هل الاتفاق الاطارئ سينش السودان من وهدته؟

ليه كدا يا كنزي!!!!
نحن عايشين على هذا الأمل
تحياتي

يا الف مرحب بيك استاذة تسنيم
اراك تقولين:

Quote: ليه كدا يا كنزي!!!! نحن عايشين على هذا الأمل تحياتي

يبدو ان الاسم له تأثير في نفسيات صاحبه،
وكذا حالك
(ومزاجه من تسنيم)
عفوا للسؤال ادناه
انت يا استاذة كلامك دا كاتباهو وانت مقيمة في السودان
ولا بلاد (برة)
اسأل الله لك طول العمر وداوم العافية
بس خلي كلامي دا في بالك

Quote: لا أمل في بناء وطن اسمه السودان ، افرنقعوا

سلام شيخ على..
قبل مائة سنة ود دوليب فى قصيدته المشهورة عن المهدى قال "لا خير فى السودان بعد الآن"

خت فى قوقل:
ود دوليب لا خير فى السودان بعد الان

.
..
.
انا قبل ما استقر في السودان الناس كانت بتقول اوعا تستقر والسودان دا جحيم وا وا ..
مستقر الان من خمسة سنة والله في نعمة كبيرة و الحمد لله .
اي زول يقول ليك السودان دا ما نافع تكون العلة فيه هو وحتى لو طلع برة السودان حا تلقى الفشل ملازمه ..
مشكلة السودانيين استعجال النجاح وفي اول تجربة تعثر يقول ليك شوف لينا طريقة مخارجة ومفتكر انه بمجرد ما يطلع من السودان جميع مشاكله حا تتحل وما عارف المسكين انه في جبال من المشاكل في انتظاره..
والله مشيت السوق المركزي قبل يومين .. الخضار رخيص جدا جدا ويكاد يكون مجاني .
.
..
نصيحة للناس المتخوفة من السودان والله البلد بخيرها والبتشوفوا في الميديا دا ما بعكس الواقع ..
بالاضافة للراحة النفسية التي لا تقدر بثمن ..

Quote: مستقر الان من خمسة سنة والله في نعمة كبيرة و الحمد لله .

سلامات أخانا قســم الفضيل..

الواحد لو بقى داب نفسه ما بتكون عنده عوجة تب.. ومن كلامك نستنتج إحتمالين..
1. تكون داب نفسك ما دام قلت (أنا)..
2. إنك لا تصدق الحروب المستعرة فى كل انحاء السودان ومئات القتلى فى كل أقاليمه والجرائم التى لا حد لها
فى الخرطوم.. وقتل المتظاهرين السلميين والأسعار المستعرة التى تزيد يوميا بدون هوادة.

إن شاء الله تكون ضاقت لفرج

الله كريم وحنين على السودان وناسو

اولا سلام ابوالريش
وما كسرت تلج لمن قلتا ليك
انت من اعمدة المنبر حسب تقديري
عملت بنصيحتك التي تقول:"

Quote: سلام شيخ على.. قبل مائة سنة ود دوليب فى قصيدته المشهورة عن المهدى قال "لا خير فى السودان بعد الآن" خت فى قوقل: ود دوليب لا خير فى السودان بعد الان

وفعلا لقيت ما ينسب لود دوليب
الف شكر على حضورك

يا الف مرحب بيك اخ قسم
وجميل نسمع منك القول:"

Quote: انا قبل ما استقر في السودان الناس كانت بتقول اوعا تستقر والسودان دا جحيم وا وا .. مستقر الان من خمسة سنة والله في نعمة كبيرة و الحمد لله . اي زول يقول ليك السودان دا ما نافع تكون العلة فيه هو وحتى لو طلع برة السودان حا تلقى الفشل ملازمه .. مشكلة السودانيين استعجال النجاح وفي اول تجربة تعثر يقول ليك شوف لينا طريقة مخارجة ومفتكر انه بمجرد ما يطلع من السودان جميع مشاكله حا تتحل وما عارف المسكين انه في جبال من المشاكل في انتظاره.. والله مشيت السوق المركزي قبل يومين .. الخضار رخيص جدا جدا ويكاد يكون مجاني . . نصيحة للناس المتخوفة من السودان والله البلد بخيرها والبتشوفوا في الميديا دا ما بعكس الواقع .. بالاضافة للراحة النفسية التي لا تقدر بثمن ..

وارجع لكلام ابو الريش
ففيه اجابة شافية كافية
الطرح ما فردي والله انا مرتاح مية قيراط
ولكن هل هو حال من حولي؟
انا عدت من المهجر منذ اغسطس٢٠١٥ ولم اخرج الا لاجراء عملية
واكرر
هل حال الناس مثل حالي
حتى ولو كان
فهذا لن يغير شيئا
لان الناس في السودان مازالوا مختلفين
لهذا
بكل اسف
(إن يوم الشتات لآتِ)

اهلا بيك دكتور ياسر
واراك تقول:

Quote: إن شاء الله تكون ضاقت لفرج الله كريم وحنين على السودان وناسو

ونعم بالله وكرمه
ولكن الله يعطي العبد قدر سعيه وان شاء زاده من فضله
وهو القائل:

(وَأَن لَّيْسَ لِلإِنسَانِ إِلاَّ مَا سَعَى
وَأَنَّ سَعْيَهُ سَوْفَ يُرَى)

والسؤال :
هل سعينا كأمة لبناء هذا الوطن؟

السلام عليكم ورحمة الله وبركاته علي الكندي ومن دخل عليه في بوسته موضحا رأيه علينا ان نحسن الظن في الله وفي انفسنا ونسعى جميعا لحل مشكل السودان فعلا السودان على حافة الهاوية بل يجب ان نفهم ان السودان مستهدف

كلامك عسل يا صديق الانصاري وانت تقول::

Quote: السلام عليكم ورحمة الله وبركاته علي الكندي ومن دخل عليه في بوسته موضحا رأيه علينا ان نحسن الظن في الله وفي انفسنا ونسعى جميعا لحل مشكل السودان فعلا السودان على حافة الهاوية بل يجب ان نفهم ان السودان مستهدف

بس عارف كلامك دا مطابق
لذلك المجنون الذي ذهب به اهله لطبيب الامراض النفسية
لانه بخاف من الديك ظنا منه انه اصبح حبة ذرة والديك لو شافو ح يبلعو
وبعد عدة جلسات ادوية تحسنت حالته
واعترف للطبيب في آخر جلسة انه ليس حبة ذرة
ففرح الطبيب بانجازه وشفاء مريضه وهنأ مرافيقة
وقبل الوداع قال للدكتور عايز اقول حاجة ممكن لكني محرج
فشجعه الطبيب بان يقول أي شئ بدون تحفظ
فعاود قوله:
يا دكتور انت متأكد انو انا ممكن اقول اي حاجة بدون حرج؟
يا زول قول ولا يهك
فقال المريض.؟
يا دكتور انا اقتنعت انو انا ما حبة

بس البقنع الديك منو؟

اها البقنعنا انحنا شنو؟

Quote: وما كسرت تلج لمن قلتا ليك انت من اعمدة المنبر حسب تقديري عملت بنصيحتك التي تقول:"

الأخ الفاضل شيخ على الكنزى..
الله يكرمك، ودا لطف منك.. وانا أتذكر حكمة الصوفية تقول ما ترك من الجهل شيئاً من ترك يقين ما عنده لظن ما عند الناس (إبن عطاء
الله السكندرى).. لذلك وكما قد تلاحظ أرد على المتقدين أكثر .. وسعيد ان اراك إعتربت النصيحة ..

تحياتى

السادة الجميـع.. صباحاتكم بخير.. وشرح سريع لحكمة الشيخ إبن عطاء الله السكندرى.
"ما ترك من الجهل شيئاً من ترك يقين ما عنده لظن ما عند الناس".. وهو يقصد الزول يعرف
نفسه مقصر فى العبادة وفى معاملة الناس وتحمل أذاهم.. ولكن حسب ما يظهـر منه الناس
تعتبره ولى من اولياء الصالحين.. وبدل أن يعتبر ما هو متأكد منه وهو يعرف نفسـه أكتر
من الناس، ويبذل المجهود لإصلاح نفسه ويلحق ما فاته.. يقوم يخت ما هو متأكد منه جانباً وينتشى
بما يظنه الناس عنه من تقوى وورع.. هذا الذى وصفه الشيخ بأنه لم يترك شيئاً من الجهل.. لأن
العمر قصير وهو يضيع وقتاً ثمينـاً فى (مباراة) الناس الذين لن يراهم بعد موته ويضيع أعظم
فرصة لصيانة نفسه وإصلاحها.

يا هلا يا ابو الريش
فانت تعبر بمفردة غفل عنها الناس
كما قلتَ نحن في جدل دام لاكثر من ستة عقود
ولم يفض بنا لبر الامان وما زلنا نجادل
ونسينا ما تقول..

Quote: العمر قصير وهو يضيع وقتاً ثمينـاً فى (مباراة) الناس الذين لن يراهم بعد موته ويضيع أعظم فرصة لصيانة نفسه وإصلاحها.

فهل نعود لذواتنا ونصلح حال انفسنا
فنحن على الرصيف واقفون ننتظر وصول القطار في اي لحظة
لنغادر سطح الاض لتحت الارض
مو=تي

Quote: انا قبل ما استقر في السودان الناس كانت بتقول اوعا تستقر والسودان دا جحيم وا وا .. مستقر الان من خمسة سنة والله في نعمة كبيرة و الحمد لله . اي زول يقول ليك السودان دا ما نافع تكون العلة فيه هو وحتى لو طلع برة السودان حا تلقى الفشل ملازمه .. مشكلة السودانيين استعجال النجاح وفي اول تجربة تعثر يقول ليك شوف لينا طريقة مخارجة ومفتكر انه بمجرد ما يطلع من السودان جميع مشاكله حا تتحل وما عارف المسكين انه في جبال من المشاكل في انتظاره.. والله مشيت السوق المركزي قبل يومين .. الخضار رخيص جدا جدا ويكاد يكون مجاني . . .. نصيحة للناس المتخوفة من السودان والله البلد بخيرها والبتشوفوا في الميديا دا ما بعكس الواقع .. بالاضافة للراحة النفسية التي لا تقدر بثمن ..

ينصر دينك ووطنيتك محل ما تقبل...
بلد شاقيها نيل من جنوبها لشمالها تغذيه مجموعة انهار كما الأوردة والشرايين
الناس تغرف في الدهب من الارض ويمكنك أن تأكل من زراعة بيتك
أراضي شاسعة وبكر وثروة سمكية وغنمية وبقرية وابلية وصمغ عربي
شجره قايم بروس كيف يكون لا أمل فيه؟؟؟؟؟؟
لم يصدقني من حدثته بأننا نستحم بماء حلو ويمكننا ان نشرب مباشرة من النهر ومياه النبع موية حلوة.
هل تعلمون أن اغلب اهل السودان يأكلون خضارا وفاكهة اورغانيك دون ان يعرفوا كم قيمتها في الاسواق العالمية؟؟؟ ابحثوا في الاسواق الكبيرة في
وول مارت وبنده وكارفور عن اسعار الاورفانيك....تمشي سوق الخضار والفاكهة في اي بقعة في السودان وحاسة الشم يمكن ان تقودك
الي مكان بيع المانجو والليمون والبرتقال حتي الجرجير له رائحة يمكن ان تميزها....وروني بلد ممكن تشم فيه ريحة مانجو او ليمون؟؟؟

الخلاف الحاصل والمانع لأهل السودان من اكتشاف خيراتهم والتنعم بها هو خلاف سياسي متعلق بالحكم
لا غيره وحال ما توفر للسودان حكم رشيد فلن يسأل في أعتي دولة في هذا العالم ..

ما حدثتكم عن السمك في الجبل وكوستي واطنان الفسيخ وجبنة الدويم ولا عن فول السليم
ولا حدثتكم عن بطيخ ابوجبيهة