رونق الصبح البديع..جمعتكم مباركه

10:33 AM October, 28 2022

سودانيز اون لاين
مصطفى نور-امريكا نيوجرسي
مكتبتى
رابط مختصر

في رونق الصبح البديع..
قول ياحمام حي الغمام أنا لي فيك شوق وإهتمام
أسمعني من شدوك صدي أهوده الربيع أقبل بدا
على الرياض مرت يدا وشاها بي قطر الندي
فى رونق الصبح البديع صحت الورود فى كل روض
وتبسم الزهر البديع .....
هاهي الطبيعة الكون تحلي بى منظرا
للعالمين سفرت بى احلى مناظرا
الروضة تغري لي ناظرا أطياره عاشقة أزاهرا
هى والنسيم فى مناظره تظهر حقائق جوهر
هى نزهة لى كل من يرى هى حكمة
بل هى أية من صنع البديع ....
انا يحمام .. لى فيك مرام .. اصبحنا سيان فى الغرام
كونك محب وهواك طريف .. تتعشق الزهر الوريف
انا لي حبيب ناعم ظريف .. حاذق أديب مترف عفيف
أسألني عن تصويوا كيف .. هو أية فى الجنس اللطيف
بي إختصار هو حسنوا فوق الجميع

أما النوم أبا وجافاني .. وأصبح داجّي ساهر
حتى الطيف رحل خلاني ما طيّب لي خاطر
قليل يا طيف أقيف وأرجاني .. وين فايتني عابر
شن حارس وراك أنا تاني.. ياني معاك مسافر
لا تقول لي كدي استناني.. أمشي وأجيك باكر
يبقى أنا ما ألم فيك تاني.. مين عارف المصاير
هاك اسمع رنين ألحاني .. وأبقى معاي سامر
خفف لي قليل أحزاني .. ياما أنا عشت صابر
شوف كيفن يسوي زماني .. ديمة علي جاير
آه مر العذاب وراني .. سهمو في قلبي غاير
شوف الليلة كيف بستاني .. دا الكان باشّي ناضر
من حر السموم بيعاني .. طيرو يفر يهاجر
جفّ يبس صبح صناني .. لافح حرو كافر
عدمان الضليل سواني .. مجنون قالوا شاعر
كل ما تمر تعدي ثواني .. منو اسراب تغادر
رحلوا الفيهو صار وحداني .. نازل ومرة سادر
ما عارف العلي تراني .. فوق كرعي ساير
وأسكت أسوي في أوزاني.. أشعار مالا آخر
أحوم .. أرجع .. أصد لبكاني .. مقطوع راسي حاير
وين أحبابي وين خلاني .. آه يا الله قادر
وإت ياطيف عليك أحزاني .. ليّ شوية كابر
عشان خاطر قليبي عشاني.. لحظات بس تخاطر