Post: #1
Title: رحيل الصحافي الجنوبي وليم ايزاكيال له الخلاص بالامجاد السموية
Author: زهير ابو الزهراء
Date: 10-23-2022, 07:55 AM
07:55 AM October, 23 2022 سودانيز اون لاين
زهير ابو الزهراء-السودان
مكتبتى
رابط مختصر
(adsbygoogle = window.adsbygoogle || []).push({}); انعي لكم بكل اسى رحيل الصحافي القدير وليم ايزاكيال رئيس تحرير سودان تربيون الورقية ، والصحافي بوكالة السودان للانباء تسعينات القرن الماضي
والذي حدثت وفاته اليوم بالعاصمة المصرية القاهرة .
احر التعازي لاسرته وللزملاء في جنوب السودان
|
Post: #2
Title: Re: رحيل الصحافي الجنوبي وليم ايزاكيال له الخ
Author: حيدر حسن ميرغني
Date: 10-23-2022, 09:15 AM
Parent: #1
كتب وميل الدراسة الصديق العزيز Deng Goc في الفيس بوك ناعيا الراحل وليم :
بعد إعلان نتيجة الاستفتاء ،الكيزان كانوا سعرنانين ودايرين يدفعوا الجنوبيين ثمن قرارهم ...
قوم يا عمر البشير كلم بدرية انوا يقفلوا الصحف الجنوبية البتصدر من الخرطوم ...طبعا هى ترزية محنكة ....طوالى كتبت لمجلس الصحافة والمطبوعات وقالت ليهم حسب قانون الصحافة ممنوع الأجانب يمتلكوا او يشاركوا فى إصدار صحيفة سودانية ...وبما انو الرئيس نزع الجنسية السودانية من الآتية أسماءهم، يجب وقف صحفهم والقائمة كانت:-
١-دينق قوج ...صحيفة أجراس الحرية
٢- الفرد تعبان ... صحيفة خرطوم مونتور
٣ - نيال بول ... صحيفة سيتزن
٤- وليم اذيكيل ..سودان تربيون
٥- د.وانى تومبى ...صحيفة ادفوكيت
تقدروا تتخيلوا انو الخمسة ديل نزعوا جناسيتهم وكمرد سلفا كيير لسع النائب الأول لرئيس الجمهورية؟ والدولة الجديدة زاتها ما رفعت علمها ؟
المهم .......
الليلة يا شباب رحل واحد من اعظم الناشرين الصحفيين من جنوب السودان
زول خلوق
ومهذب
وهادى
حتى واذا اختلفت معه ،غصبا عنك ح تحترموا
زول مجتهد ومخلص لعمله
صحفى محترف ومحترم وملتزم
رحل عنا صباح اليوم بالقاهرة
ارقد بسلام الزميل وليم اذيكيل
الرحمة والمغفرة يارب
والعزاء للاسرة والأهل والزملاء
|
Post: #3
Title: Re: رحيل الصحافي الجنوبي وليم ايزاكيال له الخ
Author: حيدر حسن ميرغني
Date: 10-23-2022, 09:35 AM
Parent: #2
|
|