للراغبين في المعرفة بشكل جاد. الشعب يسأل والحزب يجيب.

05:29 AM September, 27 2022

سودانيز اون لاين
حزب البعث السوداني-السودان
مكتبتى
رابط مختصر

حملة يطلقها حزب البعث السوداني لكل من يرغب في المعرفة بما يختص بحزب البعث السوداني فكراً وتاريخاً وممارساته في السياسة. مرحبا بكم :-

لا نرغب في معرفة أي شيء عن هذا الخواء الغبي ... أي بعث .. وأي عرب ...
هذا السخف و" العوارة" لا تحدث إلا في السودان .. حرام عليكم ... جعلتونا مضحكة العالم

Quote: لا نرغب في معرفة أي شيء عن هذا الخواء الغبي ... أي بعث .. وأي عرب ... هذا السخف و" العوارة" لا تحدث إلا في السودان .. حرام عليكم ... جعلتونا مضحكة العالم

شكرا أظنك لم تنتبه للدعوة. قلنا :للراغبين في المعرفة بشكل جاد. وقطعا هذا العنوان لايشملك.
نظرة يا ريس.

لماذا البعث العربي فهل في حزبكم ستتجاهلون من ليس عربيا ولن يبعث معكم؟؟
هل السودان بجغرافيته وتاريخه واثنياته محتاج لفكرة حزب مستجلبة من الخارج؟؟؟

لماذا لا تحلوا هذا الحزب وتشكلوا حزبا سودانيا باجندة سودانية تستوعب الكل؟؟؟

Quote: حملة يطلقها حزب البعث السوداني لكل من يرغب في المعرفة بما يختص بحزب البعث السوداني فكراً وتاريخاً وممارساته في السياسة. مرحبا بكم :-

يا شباب نحن سالناكم ولم نلقى سوى التجاهل.. والان تدعون الناس ليقدموا لكم اسئلة..
حسنا.
١. ما هو موقفكم من احتلال المصريين لمنطقة حلايب وشلاتين؟ وما هى استراتيجية الحزب
لتحريرها لو فزتم وصرتم الحكام؟
٢. ما هو دستور حزبكم للسودان واعلان تاسبسكم؟ (منفستو الحزب)

عندي سؤال أو طلب بسيط:
يا ريت تنزلوا لينا صورة تضم بعض من عضوية حزب البعث العربي السوداني؟! نشوف أشكالهم عاملين كيف؟!
وهل يوجد عرب في السودان؟
وإن وجدوا كم عددهم؟!

كسرة: واحد يصحي السلطان دينق، شكلو بقى ما شايف شغلو في المنبر دا

ـ كم عدد أحزاب البعث ؟
كم منها كان أو لايزال في نداء السودان وكم منها كان أولايزال في قوي الأجماع؟
ماهي أبرزقيادات كل حزب أوجناح؟
وهل الحزب الذي يخاطبنا جزء من قحت الان ؟إن كانت الإجابة لا متي خرج منها ولماذا؟
هل كان هذه الحزب في المراحل الأولي جزءمن تحالف قحت جناح قاعة الصداقةوجماعة الموز؟

الاخوة والزملاء الأعزاء تحايانا
جميع الاسئلة بغاية الأهمية وسنرد عليها جميعا وبتوسع.
لن نتجاهل اي شخص طالما اتي للمعرفة والحقيقة.

https://www.0zz0.com

شعاركم ما زال بالسودان القديم ما الفهم في ذلك؟
ما تقول بانكم تأملون في وحدة القطرين لان ذلك من المستحيلات.
ماهي شروطكم للحصول علي العضوية؟

يا الهي يا الهي!

يا جماعة الزول ده جادي؟

أي بعث الذين تريدون بعثه في أراضي السود هذا؟

بعدين دع بعث العراق الصدامي أم الاسد السوري|، علشان نعرف نفرز؟

عزيزي النذير حجازي

معقولة مولد زي ده يفوتني أنا !

نحمد لكم أنكم غيرتم الأسم من البعث العربي للبعث السوداني
وهذا لعمري تغيير كبير وخطير
وهذه مناسبة أتمني أن تغتنموها للتعريف في الفروق الفكرية والبرامجية بينكم
وبين البعث العربي (بجناحيه السوري والعراقي ) واللذان ما زال لها بقية أتباع في بر السودان

الحاجة العملتوها دي كويسة
ليت باقي الاحزاب --حادثها وتليدها-- حذت حذوكم

بعدشفت الشعار بتاعكم فانا الان اعفيكم من الاجوبة على اسئلتى اعلاه
فانتم نفس حزب البعث العربى وغيرتم الاسم فقط تضليلا للسودانيين.
السودان عندكم ولاية او محافظة فقط فى الخريطة العربية المرسومة عل شعاركم وايراد
كلمة افريقيا تضليل فقط.. حتى انكم لم تضموا تشاد وارتريا واثيوبيا.. الدول التى هى
اقرب الينا من دول واق الواق التى رسمتوها.. حتى من ناحية الثقافة والتاريخ.

امركم عجيب

احزاب صغيرة لاتملك ثقل سياسي قومية عربية مثل البعث السودانى ولو قلت البعاتى السودانى ل غضب السادة خلف الكيبورد فهم لايملكون سعه بال السياسي المحترف وهذا من تأثير الجين السودانى العجيب
اها الناس ديل ب قلتهم سوا بعث او ناصري طالعين فى الكفر ويرسمون سياسية الدوله القادمه
يجب ان ندرس سر تأثيرهم وتحكمهم فى مرحله بعد الانقاذ
ملاحظه ب الجنبه يا ناس الحزب طالما بتتكتبوا ب اسم حزب سياسي اضبطوا لغتكم وإنفعلاتكم ولو ما قادرين تعالوا ك افراد هنا وتعافروا مع القوم فذلك اخف ضررا على الحزب
لو لقيت زمن سأكتب قصه حقيقة حصلت فى حلتنا فى ماضى بعيد لها علاقه ب مقدم الحزب السعيد الى ساحه المنبر:)
يا اصحاب الرسالة الخالدة...

عفو مكرر

Quote: نحمد لكم أنكم غيرتم الأسم من البعث العربي للبعث السوداني وهذا لعمري تغيير كبير وخطير

يا أخ نصر أنا أيضا إتغشيت فى الإسـم ورحبت بيه فى بوست اخر..لكن من شفت خريطة عبدالناصر وعفلق تأكدت أن هذا الحزب هو نفسه حزب العربى العربى وليس سودانى ولاؤه ومرجعيته
النهائية هى الســودان وليس عنده أى إرتباطات خارجيـة..هذه الأحزاب الأجنبية ما كان لها أن تمارس أى نشاط سياسى فى أى مستوى لولا غياب الدولة الوطنية القومية.. ولو رب البيت عميل لمصر
فماذا تقول بأهل البيت..
هم ذكروا وتحدثوا عن البعد العربى الأفريقى فى بوست سابق.. طيب لما صممتم الشعار لماذا تبنيتم خريطة البعث العربى الإشتراكى.. حتى إرتريـا فطيتوها. شوف الصورة أدناه..

ما هو الجاذب للإتحاد مع العرب؟!
ماذا قدم العرب للسودان وللبشرية؟! غير الجهل المقدس
من عنصرية وإرهاب، وإنتهاك لحقوق الإنسان؟!
ومن جهلهم شايفين نفسهم شعب الله المختار!
لو عملنا جرد حساب منذ دخول السخافة العربية للسودان، كنا ح نكون أسعد شعب دون الحضارة العروبوإسلامية، شوف جيرانا الأثيوبيين سعداء كيف؟!
العرب حرموا كل شيء جميل من فنون ورقص وغناء وأزياء، وصدروا إلينا التخلف البدوي الصحراوي الجلف!
كم أحتقر الثقافة البدوية العروبوإسلامية.

يا النذير العرب لم تكن لهم أى قيمة سواء حضارية او ثقافية قبل الإسلام.. الإسلام هو الذى سواهم بشـر. والان هذه الأحزاب
البعثية تريد ان "تقيس قامتها كعرب" اعمل قوقل كيف كان الزواج قبل الإسلام عند العرب..

سلام يا حبيبنا الجميل أبو الريش،
تأكيداً لكلامك حضرت لقاء مع مشيل عفلق
مؤسس حزب البعث، وهو مسيحي معروف للجميع،
قال بالحرف الواحد تمنى أن يكون مسلم وفي المسلمين مسلم سني،
حتى يؤمن العرب بفكرته!
المستفاد من كلام مشيل ما بتقدر تفصل العرب من الإسلام
وحكاية حزب البعث العربي السوداني حزب تقدمي علماني هو ضحك
على الدقون.
تحياتي واحتراماتي

شنو المشكلة يا دينق، لو دايرين يفرضوا ثقافة عربية في أرض سود؟!
ما هداك انتو في جنوب السودان تتكلمون بكلام الإنجليز وتدينون بالمسيحية وتذهبون للكنائس!!
حلال على الغرب التبشير بثقافته وحرام على العرب؟

Quote: ما هداك انتو في جنوب السودان تتكلمون بكلام الإنجليز وتدينون بالمسيحية وتذهبون للكنائس!! حلال على الغرب التبشير بثقافته وحرام على العرب؟

أحسبك تمزح يا كمال.. وإلا فإن الجنوبيين ما قالوا نحن إنجليز.. أو أسسوا حزب العمال البريطانى القطـر الجنوبسودانى.. ما أهو انت وأنا برضنا نتكلم عربى ماشى بعيد ليه.. ودينق زاتو

أنت ودينق يا أبو الريش، ما عرب، لكن أنا عربي

Quote: أنت ودينق يا أبو الريش، ما عرب، لكن أنا عربي

ما تضيع حقك.. هسى لو بحت تلقى نفسك شريفى او جدك العباس. تانى تقال شنو لناس البعث

الاخوة البعث السودانى.. اعذرونا وزى ما شايفين حصل تفريع شوية.. لكن
ما بعيد من الموضوع النقدى..

Quote: أحسبك تمزح يا كمال.

ههههه دا ما كمال عباس يا أبو الريش، دا أبو بكر عباس الشهير بأبو لمبة

شكرا النذير..
وقاعد الخبط بين كمال وابوبكر (عباس) ارجو ان يكونا عاذربن
لاخيهما العجوز.

.

.

طولتوا الغيبة يا رفاق
تعالو ردوا علي الإسئلة دي
وبعد داك الحوار بدور

أسبوعين و ما ظهرتوا يا ناس البعث السوداني !!!!!!
إنتو ما جادين ولا شنو؟؟؟؟؟؟؟؟؟؟؟؟؟ظظ

Quote: سبوعين و ما ظهرتوا يا ناس البعث السوداني !!!!!! إنتو ما جادين ولا شنو؟؟؟؟؟؟؟؟؟؟؟

الشعب يسأل والحزب يحرد
يا نصر انت جاد.. الحزب دا لو ما قدر أسئلة الشعب فاتح البوست لشنو؟ الحزب كان يتوقع الهتاف وليس اسئلة جادة.. ولا فرق بينه وبين الطائفيين.. ناس انت تكره سيدى كلما قدمت نقدا لزعمائهم.. نفس الخمج.. نفس الطين.

ماشة للأسبوع الثالث وناس البعث السوداني ما بردوا بطن

هدفهم ليس حتى وحدة عربية.. وإنما سوق الدول العربية فى فلك القيادة (القومية) فى العرباق أو سوريا.. والناصريين زمان تحت قيادة عبدالناصر.. أما السودان فهو له القيادة (القطرية)
فقط.. أما القيادة القومية التى تخطط مصائر الدول العربية فهى من نصيب العراق وسوريـا. وبذلك تكون كل تضحياتهم وكفاحهم يصب فى مصلحة دولة أجنبيـة.

Quote: العرب حرموا كل شيء جميل من فنون ورقص وغناء وأزياء

يعني بس دي المشكلة ، هم الناس بس تأكل وترقص وتلبس قصير ؟؟؟
هم قاصر ان نركن للقاع !!!!!!

كتب الاستاذ النذير حجازي :

Quote: ماذا قدم العرب للسودان وللبشرية؟! غير الجهل المقدس من عنصرية وإرهاب، وإنتهاك لحقوق الإنسان؟! ومن جهلهم شايفين نفسهم شعب الله المختار! لو عملنا جرد حساب منذ دخول السخافة العربية للسودان، كنا ح نكون أسعد شعب دون الحضارة العروبوإسلامية، شوف جيرانا الأثيوبيين سعداء كيف؟! العرب حرموا كل شيء جميل من فنون ورقص وغناء وأزياء، وصدروا إلينا التخلف البدوي الصحراوي الجلف! كم أحتقر الثقافة البدوية العروبوإسلامية.

خليك عملي واترك كل ما اتى به العرب للسودان :
كدا اول حاجة غير اسمك دا ، فأنت الوحيد في المتداخلين الذي يحمل في اسمه مضمون أقدس بقاع الأرض العربية ، الحجاز ، انت تنشر الثقافة العربية اكثر منا جميعا ، لوحة اعلامية عربية متحركة!!!!!!

Quote: ماذا قدم العرب للسودان وللبشرية؟! غير الجهل المقدس

قدموا الاسلام ، ممكن عادي تتركه !!!!
قدموا اللغة العربية ، ممكن عادي تكتب في البورد الغير عربي وما تتكلم عربي نهاااااااااااااائي !!!!!!!!

Quote: كم أحتقر الثقافة البدوية العروبوإسلامية.

عاااااادي جدا ان تحتقرها في نفسك وتكتب ذلك في المنبر ولكنك لن تستطيع انزال ذلك عمليا على ارض الواقع ، كدا امشي اي مكان يعجبك في السودان وقول كلامك دا وتعال شوف الناس حتحترم ام تحتقر رأيك !!!
الاسلام والعروبة متجذرة في السودان ولن تستطيع ان تفعل شيئا ، كل ما تملكه هو ان تتعايش معهما او تذهب ان الى حيث يطيب لك العيش ، لكن برضو حتلاقي عرب وحتلاقي مسلمين ويومها سيتمدد غيظك ، راحت عليكم !!!!
لا نريد بعثا مثل بعث عفلق ولكن نريد وطنا يلتحم فيه الجميع من عربي الي غير عربي تجمعهم اواصر المحبة والعقيدة والوطن الواحد ..
جمال السودان في تعدد لغاته والوانه وثقافاته ومناخه وتضاريسه ، فلنجعل منها عوامل وحدة وقوة ......

Quote: شوف جيرانا الأثيوبيين سعداء كيف

خليك منصف شوية وبرضو قارنهم بعرب الخليج حيث ينتشرون كعمال منازل وعمال يومية ونازحين بالآلاف بحثا عن لقمة عيش كريمة ، كدا امشي لي اي واحد منهم في الخليج وقول ليهو بدل جنسيتك باخرى عربية وتعال اشنقني لو واحد رفض !!!!!!
وليه طيب نازحين عندنا بالملايين ومنذ قرون لو حالهم احسن من حالنا !!!!!

أين أنتم يا ناس حزب البعث السوداني؟؟؟؟؟
أختفيتم مرة واحدة
فلعل المانع خير

انظر لقولهم
لتضحك حتى تبين نواجزك
في زمن عز فيه الابتسام
دع عنك الضحك


محال ان تموت وانت حــي
فكيف يموت ميلاد وجيل
فبعث الموت أمر مستــطاع
وموت البعث شيئ مستحيل.

هي مهزلة وطن يتسرب بين ايدينا
في كل ساعة وحين