حملة قوية على مافيا اقاشي الحمير

09:31 AM September, 21 2022

سودانيز اون لاين
Osman Musa-
مكتبتى
رابط مختصر

الحملة عملت مسح شامل يشمل امبده ودارالسلامات
للحد من ظاهرة سرقة الحمير واستقلالها في مشاوي الاقاشي بالشطة .
ههههها
في لمة الناس لحظة القبض على متهم .
وفي النقاشات واحد قاليم السرقة حرام ولحم الحمير حرام .
نطة واحد قالو : أنت متفلسف ساكت . منو القاليك خرامممممم.

انا ما بعرفزالشبكنا فى الاقاشى ده منو اكله سخيفة …..استغفر الله

الاكلة جات من نيجيريا وانتشرت في الأول في منطقة سنار .
وبعدها أصبحت في عموم السودان .
لكن حكاية التلاعب في نوعية اللحوم دي جديدة . وكتير من الناس الآن
ابتعدوا عن الاقاشي.

قالوا والعهدة علي الراوي بان هناك
ظاهرة نهيق ورفسي انتشرت بين الناس
يكون ده من اكل الاقاشي.
😂😂😂

اخونا عارف
سلام
كنت قايل حكاية يقبضوليهم متهمين ومعاهم في المكان كم ضنب حمار وكم رأس دحش.
كنت قايل عشاق الاقاشي حيقوموا بحملة مقاطعة الاقاشي.
لكن يا أخ عارف حصل العكس. يعني زي في طلب زيادة على البتاع.

شخصيا حاولت كم تجربة اكل الاقاشي ولكن لم اوفق بسبب رفض مرافقي في الغالب وبيقول لي دي اكلها ما نافعة ..
في السعودية في اكلة شبيه ليها اسمها سيريه.. بكسر السين ..
سالت منها مرة واحد من اولاد ام روابة قال لي دي نفس الاقاشي ..
قلت ليه انت قايلني انا حصل جربت اقاشي،،
.
..
مشكلة السودان انه حتى الفول المصري دا بقى ما عنده طعم بسبب استيراده من الهند..
فول لا طعم ولا لون ولا رائحة له ..
تقول داير فول ب ٢٠٠ يملا ليك الجك لي عينو ..
في منتصف التمانينات كان في فول في معهد المواصلات السلكية واللاسلكية فول لا حصل لا بقى ..