ماذا يحدث في الخرطوم ؟؟!!

ماذا يحدث في الخرطوم ؟؟!!


09-08-2022, 08:32 PM


  » http://sudaneseonline.com/cgi-bin/sdb/2bb.cgi?seq=msg&board=510&msg=1662665533&rn=0


Post: #1
Title: ماذا يحدث في الخرطوم ؟؟!!
Author: مصطفى نور
Date: 09-08-2022, 08:32 PM

07:32 PM September, 08 2022

سودانيز اون لاين
مصطفى نور-امريكا نيوجرسي
مكتبتى
رابط مختصر



مرسل لى من مصدر موثوق به من الخرطوم ربنا يستر يارب
بالله لو فى زول عندو اى معلومه يورينا
ابلغنا مصدر قريب من السفارة الأمريكية في الخرطوم، شراء السفارة لكميات كبيرة جدا من المواد الغذائية
في سابقة لم تحدث من قبل وبالذات اللحوم (ملحمة أولاد امدرمان) وتخزينها داخل السفارة !!
بالاضافة إلى تعبئة جميع خزانات الوقود داخل السفارة عدد من شاحنات الوقود (تناكر)
دخلت السفارة وافرغت حمولتها في المستودعات المخصصة لها !!
وقدصدر تعميم للعاملين داخل السفارة بتقييد حركتهم وعدم مغادرتها الا للضرورة القصوى !!
#لايف زول شاف الحاصل ده الان عند التاسعة م.


Post: #2
Title: Re: ماذا يحدث في الخرطوم ؟؟!!
Author: امتثال عبدالله
Date: 09-08-2022, 10:09 PM
Parent: #1

الأنباء الواردة من الخرطوم بتقول ان جميع عمال ومهندسي وموظفي الكهرباء في السودان سيعلنون إضرابا مفتوحا
لان وزير المالية جبريل رفض تلبية مطالبهم ونتيجة لذلك سيعم الظلام كافة أنحاء السودان وتتوقف طلمبات البنزين
عن العمل وتتوقف المواصلات وتنعدم السلع الأساسية وتتوقف حركة نقل البضائع والسلع من العاصمة للأقاليم ومن
بورتسودان للخرطوم ...واحتمال تعم الفوضى المصالح الحكومية ....ولذلك تحتاط السفارات الأجنبية لمواجهة تلك الظروف
المحتملة ...
وكل ذلك لأن وزير مالية الحركات المسلحة يلبي مطالب تلك الحركات فورا ويرفض تلبية مطالب أساسية لعمال وموظفي
ومهندسي الكهرباء ....
والله اعلم.

Post: #3
Title: Re: ماذا يحدث في الخرطوم ؟؟!!
Author: Abureesh
Date: 09-09-2022, 01:18 AM
Parent: #2

إذا عمت الفوضى فإن اول ما يتأثر هو حركة السلع التموينية.. لذلك كل اسرة لازم تخزن الأطعمة الغير قابلة للتلف non-perishable foods زى العدس ولبن البودرة والدقيق والزيت .. برضو لو أمكن الجاز الأبيض ولمبات الفتيل..الخ.. ولحم الشرموط لمن يعتبر اللحم ضرورى.. برضو لو ناس الخرطوم يعرفون دى خبز (التندور) وهو خبز يصنع فى البيت من
دقيق الدخن أو الذرة ويشبه القراصة لكن 4 مرات ضعف وزنها وسمكها.. وهو ناشف مثل الحجر ولا يبوظ بمرور الزمن.
برضو مهم امتلاك سلاح لزوم الدفاع عن النفس والاسرة إذا لزم..

Post: #4
Title: Re: ماذا يحدث في الخرطوم ؟؟!!
Author: مصطفى نور
Date: 09-09-2022, 08:50 AM
Parent: #2

والله ربنا كريم على الشعب السودانى
طيب انتوا الزول الاسمو برهان ده ماقاعد يشيل فى الناس شمال ويمين خايف مت فكى جبرين ولا شنو
مايشليوا بره الله يشليوا بركه الدعوات يارب اليوم الجمعه يارب تشييل كل من شرد وسرق ونهب وظلم الشعب السودانى المسكين


Post: #5
Title: Re: ماذا يحدث في الخرطوم ؟؟!!
Author: Osman Musa
Date: 09-09-2022, 09:21 AM
Parent: #4

سلامات استاذ مصطفى .
زي زولك الرسل ليك الخبرية دا .
اللبنانيين بقولوا عليه فناص.
الحمد لله السفارة الأمريكية في تمام الاطمئنان وعادي في مهماتها . والناس الحمد لله بخير .
وعادة السودانيين وضيوفهم ما بيميلوا لفرزنة اللحوم وهم اهل السعية والرعية وانت الافهم مننا في شأن السعية يا ود رعية.
ربك يحفظ السودان ويعديهو زمن البرهان وفلولو المسانيح .
يا مصطفي يا اخوي والله خت في بطنك بطيخة صيفي .
البرهان حيكسح.
ومازال اسم السودان الظافر ينمو..
في ضمير الشعب إيمانا وبشرى
وما زالت الغابة . والصحراء تلمع .
الناس الماهن خابرين السودان زي ناس مناوي والبركات ديل
تراهن بيورجغوا ويخترفوا لامن يصبح الصبح ولا دبورة
ولا طرطورة ولا السجان باقي .
عرب بوادي الكبابيش الحارسين الضان الحمري
حيضحكوا شديد في حكاية فرزنة اللحوم في داخل ارض الوادي.
..
تحياتي

Post: #6
Title: Re: ماذا يحدث في الخرطوم ؟؟!!
Author: مصطفى نور
Date: 09-09-2022, 02:29 PM
Parent: #5

Osman Musa
اخى الغالى تحيه طيبه
واليوم الجمعه والدعاء مستجاب هناك ساعه اجابه
زى ماقالت حبوبتى فى الدعوات

انشاءالله ياسودانا تتعلي ما تندلي
تتبارك وما تنشارك وتبقى احسن من باريس
وكل زواله بايره فيك نجيب ليها عريس
الله لا يجيب يوم شكرك يالسودان بلد الحبان
عافى منك عفويا واديتك رضاى ياسودانى ياهناى
يعدل خطوتك وويكتر الخير فى شبابك وتعيد هيبتك
ويعدل قداميتك ويشيل عدوك بس عشان نيتتك
ويديك الفى نيتك ويحقق مراد وامنيتك
يحفظ اولادك وبناتك ويردك بين الدول لانو طالت غربتك
ويحل كربتك ويكتر الخير والمال ويرتاح شعبك وجتتك
ان شاء الله يالسودان لا تنشرم لا تنترم
ان شاء الله لا تعمى الدول يقودوكا ولا تتكسر باقى الدول يشيلوكا
ان شاء الله -السننين الفاتت تبقالك تقايي و وقايي
ربنا يالشعب السودانى يغتيكا و ينجيكا .. ويطرح البركة فيكا
ويعليكا فوق فوق كجتن لناس برهان وحميدتى ومناؤى المابيكا
ربك يرفع - وضُلّك ويكون واسع فى ارضك وواولادك يتعلموا العلم النافع
ان شاء الله ياربى يستجيب دعواتى لانو كل زول فى السودان حُلو لسان وكثير إحسان
ربي يبعد عنك ولاد الحرام وبنات الحرام يارب زى ناس العوير يرهان
وترجا داير بعد داير بركة من صلّى وقال يا الله ومحمد ولد عبد الله
حمدتو ماجحدتو وفضل مانكرتو
ياحافظ ياحفيظ تحفظ اهل السودان
ياحافظ ألمي في البير (الموية)
ياحافظ السيف في الجفير
ياحافظ البيضه في صوف الخلا لمن تفقع وتطير
تحفظ وليداتي ووليداتن وبناتنا الثوار والاحرار
من الأذي والأذية ومن الشرطه الغبييه
من الأيد القوية ياربى ناس الايد القويه يتشلوا ويموتوا ستتيه
يالله كلهم تدقشهم ويموتوا بدعسه عربيه ولادبابه قويه
والله يكفى ناس السودان حكومه فكى جبرين و هجمة الحرامية
ياربى تحفظ وليداتى وبنات السودان
فى قبة من حديد
راسا فى السمايا
وقعرا فى المايا
ياربى تحفظن من المرض الكعب والتوم هجو الجاهل زى ابولهب
يا الله اخفظ اهل السودان من المرض الصعب وتحلنا من برهان الكعب
يارب يارب يارب


Post: #7
Title: Re: ماذا يحدث في الخرطوم ؟؟!!
Author: Asim Ali
Date: 09-09-2022, 09:16 PM
Parent: #6

السلام عليكم
احيانا بسمع اخبار عن السودان بستغرب انها حاصله وين ؟
لانو المشهود ومعايش غير الموجود ومتداول من لايفات واحاديث واخبار على الاسافير
ح احاو اقول كلامى فى نقاط
- حاليا والواضح انو الحكم فى سبيل الاستبباب التام لنظام بنى كوز عبرتصدير صفوف خلفيه (والناس مشغوله مع الكروت المحروقه ومعاشات الكيزان اللى هم غالبا الان ضمن اله التخطيط التنظيميه داخليا)
-الحديث عن صراعات وخلافات بين مكونات حكم الانقلاب وحركات جوباوغيرها وملايش خلا (كلها اما صنائع بنى كوز او مخترقه على مستوياتها القياديه بعملاء بنى كوز) فى النهايه كلها مجرد قنابل دخانيه لتغطيه اعادة تمكين بنى كوز من خلال تفكيك وحده جسم الثورة من جهة ومل فراغ الساحه بماذكر سابقا من صنائع بنى كوز
-الشعب عند بنى كوز ونظامهم الانقلابى مجرد عب ء على مشروعهم الاقليمى والدولى ضمن منظومه التنظيم الدولى ولكن لامانع من الاعتراف الصورى به و استخدامه فى لعبه التوازنات الدوليه والاقليميه حتى يستتب لهم استعمار السودان كجزء من خريطه دولتهم مع وجود قبول دولى لوجودهم كمستعمر صاحب مشروع يعرفه الكبار فى اللعبه الدوليه ولكن الان اصبحو فى حاله تقديم تنازلات (الحاله الطالبانيه)
-الثورة واين هى الان ؟
حتى حراك الشارع اللى بيتم المراهنه عليه فى تراجع تدريجى بل حتى مواجهات فى مناطق محدودة تحول لنمط حياتى يومى تطبع عليه اهل المناطق المحيطه على مضض
-اين هو جسم الثورة الموحد -لاغلب- مكونات الثورة ؟
-التصعيد اصبح مجرد كلمه تزين البيانات لاوجود لها على ارض الواقع فالتصعيدنهاياته عصيان مدنى والان استدار العام والحرك فى تراجع مع تزايد الخسائروالضربات الامنيه المستمره لفصائل وحركيى الثورة
-الثورة انتهت وبداءت رحله اجهاضها من 6 ابريل 2019 و11 ابريل 2019
-لذلك توقع اى صراع بين مكونات الانقلاب او اى مكون من الطرف الاخر بعيد عن التصديق لان القصه عميقه على مستوى العمل الاستخبارى ومعد ليها من قبل الثورة (بعد القناعه انها طوفان لابد من منه) فصنعو احصنه طروادة وجبالا تعصمهم من الطوفان (بالمناسبه وين تجمع المهنيين ورموزو ؟؟).
للاسف للان لا اجد اى قراءة صحيحه لما يحدث وابعاده الحقيقه بل هى قراءات سقطت فى فخ الواقع المصنوع بواسطه بنى كوز

Post: #8
Title: Re: ماذا يحدث في الخرطوم ؟؟!!
Author: Hasheem Karouri
Date: 09-11-2022, 08:32 PM
Parent: #7

السلام عليكم .

قبل ٢٤ ساعه لم يكن هناك شى . ( حيث كنت هناك ) .
اللهم الا الحفر ، ومياه الامطار التي تملاء الشوارع .
الناس في سعيها اليومي ( في الحقيقه هم في سباق مع الزمن ) . للرزق .
فالعمال جزء كبير منهم في اماكنهم ( المناطق الصناعيه مثلا ) .
الموظفين في دوامهم ، واغلبهم يخرج قبل ساعات الدوام .
الذباب والبعوض ، اضافة لحرارة الجو ( رغم الخريف ) . توجد رطوبه عاليه ، وكتمه .
انقطاع الكهرباء المبرمجه ( مزاجيا ) . يمكن ان تقطع الساعه العاشرة ليلا . ويمكن لاتقطع لمده يومين متتالين .
المليونيات ، ولجان المقاومة ، مازالو يشكلوا صداعا مزمنا للامن والشرطة .
قاده حركات الكفاح المسلح ، يسرحوا ويمرحوا في الخرطوم ، ( خصوصا الاحياء التي نشأت حديثا ، جبره وغيرها ) .
الوجبه الرئيسية لمعظم سكان الخرطوم ( الطعمية ) .
ماعدا ذلك لايوجد شئ .
انه السودان ياناس ، الجديد شنو ؟
هو كذلك منذ الاستقلال ، وسيظل كذلك ( شد وجذب ، عسكر ، ومدنيين كل يلعب لصالح نفسه ) .
اجيال جديدة تبدأ في الهجره ، والاغتراب طويل المدي . وهكذا .



تحياتي ،،،،،

Post: #9
Title: Re: ماذا يحدث في الخرطوم ؟؟!!
Author: Hafiz Bashir
Date: 09-11-2022, 11:03 PM
Parent: #8



Quote: السلام عليكم
احيانا بسمع اخبار عن السودان بستغرب انها حاصله وين ؟
لانو المشهود ومعايش غير الموجود ومتداول من لايفات واحاديث واخبار على الاسافير
ح احاو اقول كلامى فى نقاط
- حاليا والواضح انو الحكم فى سبيل الاستبباب التام لنظام بنى كوز عبرتصدير صفوف خلفيه (والناس مشغوله مع الكروت المحروقه ومعاشات الكيزان اللى هم غالبا الان ضمن اله التخطيط التنظيميه داخليا)
-الحديث عن صراعات وخلافات بين مكونات حكم الانقلاب وحركات جوباوغيرها وملايش خلا (كلها اما صنائع بنى كوز او مخترقه على مستوياتها القياديه بعملاء بنى كوز) فى النهايه كلها مجرد قنابل دخانيه لتغطيه اعادة تمكين بنى كوز من خلال تفكيك وحده جسم الثورة من جهة ومل فراغ الساحه بماذكر سابقا من صنائع بنى كوز
-الشعب عند بنى كوز ونظامهم الانقلابى مجرد عب ء على مشروعهم الاقليمى والدولى ضمن منظومه التنظيم الدولى ولكن لامانع من الاعتراف الصورى به و استخدامه فى لعبه التوازنات الدوليه والاقليميه حتى يستتب لهم استعمار السودان كجزء من خريطه دولتهم مع وجود قبول دولى لوجودهم كمستعمر صاحب مشروع يعرفه الكبار فى اللعبه الدوليه ولكن الان اصبحو فى حاله تقديم تنازلات (الحاله الطالبانيه)
-الثورة واين هى الان ؟
حتى حراك الشارع اللى بيتم المراهنه عليه فى تراجع تدريجى بل حتى مواجهات فى مناطق محدودة تحول لنمط حياتى يومى تطبع عليه اهل المناطق المحيطه على مضض
-اين هو جسم الثورة الموحد -لاغلب- مكونات الثورة ؟
-التصعيد اصبح مجرد كلمه تزين البيانات لاوجود لها على ارض الواقع فالتصعيدنهاياته عصيان مدنى والان استدار العام والحرك فى تراجع مع تزايد الخسائروالضربات الامنيه المستمره لفصائل وحركيى الثورة
-الثورة انتهت وبداءت رحله اجهاضها من 6 ابريل 2019 و11 ابريل 2019
-لذلك توقع اى صراع بين مكونات الانقلاب او اى مكون من الطرف الاخر بعيد عن التصديق لان القصه عميقه على مستوى العمل الاستخبارى ومعد ليها من قبل الثورة (بعد القناعه انها طوفان لابد من منه) فصنعو احصنه طروادة وجبالا تعصمهم من الطوفان (بالمناسبه وين تجمع المهنيين ورموزو ؟؟).
للاسف للان لا اجد اى قراءة صحيحه لما يحدث وابعاده الحقيقه بل هى قراءات سقطت فى فخ الواقع المصنوع بواسطه بنى كوز
يا عاصم كلامك قرييب شديد من الواقع
نحتاج نقراهو اكتر من مرة
ونحتاج نصطحبو معانا في قرايتنا وتحليلنا لباقي الاخبار (صادقها وكاذبها).


Post: #10
Title: Re: ماذا يحدث في الخرطوم ؟؟!!
Author: امتثال عبدالله
Date: 09-11-2022, 11:19 PM
Parent: #9

يعني يا عاصم وهاشم كاروري ما في اي امل !!؟؟؟؟
ما في اي امل لسودان ديمقراطي ،لسودان يعمه السلام
والأمن والرخاء ...لوطن يسع جميع السودانيين وليس لفئات قلة فقط!!؟؟؟
ما في اي نور في نهاية هذا النفق المظلم !!؟؟
اصبتونا بالإحباط الشديد ...
خلاص نقتنع بي جبريل واركو والبرهان وحميدتي و مليشيات الحركات المصلحة( اسفة المسلحة)
وتتوقف عن الحلم الجميل الذي يداعبنا من فترة لأخرى بحكومة مدنية
السودان خال من اللصوص والحرامية ...!!!!!

Post: #11
Title: Re: ماذا يحدث في الخرطوم ؟؟!!
Author: Hasheem Karouri
Date: 09-12-2022, 07:53 AM
Parent: #10

Quote: يعني يا عاصم وهاشم كاروري ما في اي امل !!؟؟؟؟
ما في اي امل لسودان ديمقراطي ،لسودان يعمه السلام
والأمن والرخاء ...لوطن يسع جميع السودانيين وليس لفئات قلة فقط!!؟؟؟
ما في اي نور في نهاية هذا النفق المظلم !!؟؟
اصبتونا بالإحباط الشديد ...
خلاص نقتنع بي جبريل واركو والبرهان وحميدتي و مليشيات الحركات المصلحة( اسفة المسلحة)
وتتوقف عن الحلم الجميل الذي يداعبنا من فترة لأخرى بحكومة مدنية
السودان خال من اللصوص والحرامية ...!!!!!

ابدا . في امل . بس للاسف لن تكون حضور ، وقت ذلك .
المتتبع لتاريخ السودان ، يعرف جيدا ان ذلك هو ديدننا منذ امد طويل . لنقل منذ الاستقلال المبكر " الكارثة التي نعيش تداعياته حتي الان " .
بعد عشرين سنه اعتقد ان وضع السودان سيكون افضل من الان . وذلك بعد ان ينتشر الوعي ، ويفهم السودانيين ان لديهم وطن ، ويجب ان يعملوا كلهم لرفعته وتقدمه بين الامم . اسوة بباقي البشر الذين يفتخر كل واحد فيهم بوطنه ومسقط راسه .
جبريل ومناوي وووو هم سودانيين ( شئنأ او ابينا ) . كذلك التوم هجو ..
هذه" بضاعتنا " ، وهذا شعبنا الباحث في وطن عن هويه .
نحن اكثر شعوب الدنيا تناقضا . وخلال العشرين سنه القادمة . ستتم الفلترة . هناك من سيظل وينتج . وهناك من سيختفي لاسباب مختلفه ( اغتراب ، موت وغيره ) .
نعيش حاليا في فترة ( مخاض ) . تجاذبات واختلافات عميقة ، سيستمر طويلا .
الامل الوحيد يا امتثال هو الاجيال القادمة " الذين في الداخل ، والذين نشأو وترعرعو خارج السودان " . رغم التباين والبون الواسع بينهم . الا انهم سيفهموا بعضهم جيدا ، وسيستطعون التعايش مع بعضهم . وتكون لهم دولتهم السودان .

Post: #12
Title: Re: ماذا يحدث في الخرطوم ؟؟!!
Author: مصطفى نور
Date: 09-17-2022, 05:07 PM
Parent: #1

طمنونا عن البلد


Post: #13
Title: Re: ماذا يحدث في الخرطوم ؟؟!!
Author: Asim Ali
Date: 09-18-2022, 09:34 PM
Parent: #12

سلام عليكم
الان انا من يتساءل ماذا يحدث ؟
مساء اليوم حاله سكون والحركه عموما اقل ربما احد الاسباب مباراة الهلال
لكن ايضا يبدو ان هناك حاله استعداد لدى بعض القوى النظاميه