كف العدو!! .. بجاوي قشط بجاوي كف وهو يتحدث في لقاء جماهيري!

كف العدو!! .. بجاوي قشط بجاوي كف وهو يتحدث في لقاء جماهيري!


07-20-2022, 07:46 PM


  » http://sudaneseonline.com/cgi-bin/sdb/2bb.cgi?seq=msg&board=510&msg=1658342787&rn=27


Post: #1
Title: كف العدو!! .. بجاوي قشط بجاوي كف وهو يتحدث في لقاء جماهيري!
Author: Biraima M Adam
Date: 07-20-2022, 07:46 PM
Parent: #0

06:46 PM July, 20 2022

سودانيز اون لاين
Biraima M Adam-أمريكا الشمالية
مكتبتى
رابط مختصر



والله كف زي الكف!!

من يتحدثون لغات البجا .. ماذا تم من تناغم وأدي إلي الكف .. بالله نورونا.





بريمة

Post: #2
Title: Re: كف العدو!! .. بجاوي قشط بجاوي كف وهو يتحدث ف�
Author: حيدر حسن ميرغني
Date: 07-20-2022, 08:42 PM
Parent: #1

سلام بريمة
للأسف الشديد دي مظاهر سالبة جدا في تقبل الرأي الآخر
العنف لا يولد إلا العنف
-
تحب الأكشن زي عيونك

Post: #3
Title: Re: كف العدو!! .. بجاوي قشط بجاوي كف وهو يتحدث ف�
Author: علاء سيداحمد
Date: 07-20-2022, 09:09 PM
Parent: #2

Quote: من يتحدثون لغات البجا .. ماذا تم من تناغم وأدي إلي الكف .. بالله نورونا.


مظهر يدل على اننا لازلنا نعيش فى القرون الماضية
المتحدث الذى تلقّى الكف هو من اعوان الناظر ترك
والمعتدى من المعارضين لى ترك .

غايتو مستحيل السودان يمشى لى قدام بمثل هذه السلوكيات المرفوضة جملة وتفصيلا
والمرفوض اكثر هو : الادارات الاهلية والتى لم تجلب للسودان سوى الهشاشة والتشظى .

لعنة الله على الادارات الاهلية .

Post: #4
Title: Re: كف العدو!! .. بجاوي قشط بجاوي كف وهو يتحدث ف�
Author: علاء سيداحمد
Date: 07-20-2022, 09:31 PM
Parent: #3

الادارة الاهلية ادارة سقيمة ادارة بائسة تم توظيفها فى عهد المستعمر
ثم وظفها حزب الامة فى الانتخابات ثم الكيزان خلال ثلاثين سنة لديمومة الحكم لصالحهم
كما قال احدهم سنحكم لمدة مائة عام .
والآن يحاول البرهان وحميدتي توظيف ذات الادارة الاهلية للبقاء فى السلطة .

لابد من الرجوع الى النظام الاداري المعروف عالمياً حتى نخرج من عنق الزجاجة ونواكب التطور
والذى اقعدنا عنه الادارات الاهلية .

لابد من محاربة هذه الادارارت الاهلية بكل قوة .

Post: #5
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-21-2022, 02:08 AM
Parent: #4

ول أبا حيدر
سلام ..
Quote: تحب الأكشن زي عيونك
أنا أتبع تراث بقاري .. الفضول البقاري Baggara curiousity .. تراث رعوي في معرفة الصحيح من الأخبار.
شايف ول أبا علاء سيد أحمد في مداخلاته جاب الزيت .. قال بتاع الناظر ترك قشطوه .. وهذا يعنى تسيس شعب البجا ..
هذه مرحلة مهمة في العمل العام .. فضل الشغل أن يرتقي المثقف في شرق السودان بمنهج الأختلاف السياسي ..

بعدين حاجة تانية .. بالله يا ول حيدر هل شفت الفارس البجاوي الذي قشط الأخر .. هل لاحظت كيف حمي نفسه؟
والله قفزته إلي الخلف بسرعة وخفة رغم نصاحة حجمه .. فيها لمحة بجاوي رهيبة .. هذا أسلوب بجاوي في الدواس، الواحد يضرب مثل ثعبان الكوبر، ثم يسحب نفسه للخلف لجعل مساحه بينه والخصم ..

يا أخي دي لحظة عايزة قصيدة الخواجة في ال "فزي وزي" ..

في مداخلة أخري .. سوف أقرأ لمحات عن تفاعل الناس حول المعتدي عليه ..

أمشوا الدقيقة 3:00 ثم تابعوا ..



بريمة

Post: #6
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-21-2022, 02:50 AM
Parent: #5

ول أبا علاء سيد أحمد
سلام .. شكراً علي المعلومة ..

لكن نقدك وأستعداعك للأدارات الأهلية ليس في محله .. أنت عايز غضبة الحليم .. عمك في الفيديو عجوز والجماعة أستهونوا بيه ..
ضربهم بعضاة البيز بوول لكن شوف البرود في التفاعل معه وفي النهاية قدر يزعل واحد منهم.

الأدارة الأهلية في ظرفنا الحالي شر لابد منه .. مثل عمك دا .. إلي أن يقضي الله أمراً كان مفعولا .. ولا شنو؟




بريمة

Post: #7
Title: Re: كف العدو!! .. بجاوي قشط بجاوي كف وهو يتحدث ف�
Author: علاء سيداحمد
Date: 07-21-2022, 07:13 AM
Parent: #6

Quote: لكن نقدك وأستعداعك للأدارات الأهلية ليس في محله


يا ول ابا بريمة الادارات الاهلية والقبلية شر مستطير ويفتت عضد الدولة
ياخ اسمع لفطاحلة شعراء السودان والذين حاربوا القبلية والجهوية دون هوادة ورسموا معالم السودان الحديث
مثال :

- يوسف مصطفى التني :

نحن للقومية النبيــــــــــــــــــلة
ما بندور عصبية القبيـــــــــلة
تربي فينا ضغائن وبيــــــــــلة
تزيد مصائب الوطن العزيز

في الفؤاد ترعاه العناية
بين ضلوعي الوطن العزيز
لي عداه بسوي النكاية
وان هزمت بلملم قواي
غير سلامتك ما عندى غاية
إن شاء الله تسلم وطني العزيز

ومثال آخر شاعر كردفان الضخم محمد سعيد العباسي
فى قصيدة يوم التعليم

إن الشعوب بنور العلم مؤتلقا**سارت وتحت لواء العلم خفاقا..

وطوفوا ببقاع الجو فامتلكوا**عصيها وبقاع البحر أعماقا..

وكل بحر أحالوا موجه سفنا**لم تشكو أينا ولا وخدا وإعناقا..

في الشرق والغرب تلقاهم وقد بسطوا**ظل الحضارة نقابين طراقا..

يا حسنها لو حوت أمنا وعافية**ولكنها قد حوت فتحا وإحداقا..

فلو درى القوم بالسودان أين هم**من الشعوب قضوا حزنا وإشفاقا..

جهل وفقر وأحزاب تعيث به**هدت قوى الصبر إرعادا وإبراقا..

إن التحزب سم فاجعلوا أبدا**يا قوم منكم لهذا السم ترياقا..

لا تعجزوا أن تكونوا للهدى قبسا**فكلكم قد زكا غرسا وأعراقا.


Post: #8
Title: Re: كف العدو!! .. بجاوي قشط بجاوي كف وهو يتحدث ف�
Author: علاء سيداحمد
Date: 07-21-2022, 07:22 AM
Parent: #7

Quote: الأدارة الأهلية في ظرفنا الحالي شر لابد منه


السؤال المهم يا ول ابابريمة

من الذى حرّك نعرات القبلية والادارات الاهلية اليس هو :

حميدتي
البرهان
ومن خلفهم الكيزان

للسيطرة على مقاليد الحكم ؟؟؟

حميدتي والبرهان هما السبب الاول فى اشعال نار القبلية والادارات الاهلية فى السودان .
ولكن
لو جلسوا عمرهم لن يحكموا السودان بالقبلية والادارات الاهلية والله على ما اقول شهيد .

Post: #9
Title: Re: كف العدو!! .. بجاوي قشط بجاوي كف وهو يتحدث ف�
Author: Osman Musa
Date: 07-21-2022, 08:06 AM
Parent: #8



يا أخ بريمة
اكيد بكون كان بيتكلم في موضوع خارج بارم .
واكيد الزول المقشوط كف دا اتكلم عن رأس زوجة ويل اسميس الحليق
وما ادراك ما مرض الثعلبة.
..
ربك يلطف بالسودان .

Post: #16
Title: Re: كف العدو!! .. بجاوي قشط بجاوي كف وهو يتحدث ف�
Author: Hassan Farah
Date: 07-22-2022, 07:14 AM
Parent: #5

يا cowboy عجبتك فنون اهلنا العبابدة؟؟ شفتهم بهزوا الارض كيف؟؟
شعرة جلدك ما كلبت؟؟

Post: #10
Title: Re: كف العدو!! .. بجاوي قشط بجاوي كف وهو يتحدث ف�
Author: Hassan Farah
Date: 07-21-2022, 08:27 AM
Parent: #1

ما بندور عصبية القبيـــــــــلة
-----------------------------------------
علاء سيداحمد سلام
يا اخى بريمة دا ما ينفع معاهو الكلام دا زول قبلى متعصب ومتخلف
لا تقول لى عايش فى امريكا والله حتى ولو طار القمر عقليتو لن تتغير



Post: #11
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-21-2022, 11:57 AM
Parent: #10

أها يا جدو أستاذ حسن فرخ

شفت عمك في الفيديو الفوق بتاع عصاة البيزبول .. دا أنت .. !

ههههاي

بريمة

Post: #12
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-21-2022, 12:01 PM
Parent: #11

ول أبا عثمان موسي
Quote: ربك يلطف بالسودان .

"قناة شارعنا" مدوره في الدناقلة عنصرية .. أنقل لينا التفاصيل ..

الدمازين مدوره .. والشرق فاير .. والدناقلة الأن دمهم يغلي مع "قناة شارعنا".

بريمة

Post: #13
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-21-2022, 12:04 PM
Parent: #12

ول أبا علاء
أستلم ..
السودانيون (السودانيين بلغتنا نحن ..في كل حالات الاسم) يمشوا وين من بلدهم ..


بريمة

Post: #14
Title: Re: كف العدو!! .. بجاوي قشط بجاوي كف وهو يتحدث ف�
Author: Abureesh
Date: 07-22-2022, 02:33 AM
Parent: #13

سلام يا هندسـة
أتفق معك كلام الزول اللى فى الفيديو الفوق دا أنا أتفق معه.. كلام البنت دى وفى هذا التوقيت بالذات.. وبهذه الصورة الواضحة فى التهكم على قبيلة
وترك الناس يستهزئون بها.. هذا عمل مخابرات مصرية أو مصمم فى المخابرات المصريـة.. مخابراتنا وحدهم لا يفكرون فى مثل هذه الفتنة على الهواء
وهو عمل مخابراتى غبى سيئ الإخراج، لأنه واضح وضوح الشمس.. وأرجو الماس لا يعطوهم الفرصة فى نشر هذا الغثاء.. خصوصا أهلنا الدناقلة، وأن
يضعوا إثمه على باب هذه البنت الضحية.. أعتقد هى نفسها لا تعرف من جندت من أجله.. يجب الذهاب الى الفيديو فى يوتيوب والرد المستحق عليها هماك

Post: #15
Title: Re: كف العدو!! .. بجاوي قشط بجاوي كف وهو يتحدث ف�
Author: Abureesh
Date: 07-22-2022, 02:42 AM
Parent: #14

يا ريت يا هندسة الرابط للفيديو الكامل بتاع قناة البت هذه.. ضرورى لو سمحت.

Post: #17
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-22-2022, 10:08 AM
Parent: #15

الباشمهندس أبو الريش
سلام ..




بريمة

Post: #18
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-22-2022, 10:19 AM
Parent: #17

جدو حسن فرح
Quote: يا cowboy عجبتك فنون اهلنا العبابدة؟؟ شفتهم بهزوا الارض كيف؟؟
شعرة جلدك ما كلبت؟؟
أنت ما عندك أي إرث في تراث البادية السودانية ..
عرفك شنو بالعبابدة في بواديهم؟ .. أتفرج بس في رقصة التربال ..

بريمة

Post: #19
Title: Re: كف العدو!! .. بجاوي قشط بجاوي كف وهو يتحدث ف�
Author: Hassan Farah
Date: 07-22-2022, 10:45 AM
Parent: #1

أنت ما عندك أي إرث في تراث البادية السودانية ..
عرفك شنو بالعبابدة في بواديهم؟ .. أتفرج بس في رقصة التربال ..

بريمة
-----------------------------------------------------
هههههه يا مسكين انت شن عرفك بالحسن القريرابى اصلو وفصلو؟
اذكرك بس انا طفولتى كلها قضيتا رعاوى متابع الجمال فى الصحراء فى وادى الملك ووادى جورا
جدى فرح ود عمر تاجر جمال عندو شراكة مع العبابدة كانوا يصدروا الجمال لمصر....وزوجته ام والدى حبوبة الحرم بنت الفكى العبادية الله يرحمها لها دور كبير فى تربيتى

Post: #20
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-22-2022, 12:31 PM
Parent: #19

يا جدو، أستاذنا حسن فرح
Quote: هههههه يا مسكين انت شن عرفك بالحسن القريرابى اصلو وفصلو؟
اذكرك بس انا طفولتى كلها قضيتا رعاوى متابع الجمال فى الصحراء فى وادى الملك ووادى جورا
جدى فرح ود عمر تاجر جمال عندو شراكة مع العبابدة كانوا يصدروا الجمال لمصر....وزوجته ام والدى حبوبة الحرم بنت الفكى العبادية الله يرحمها لها دور كبير فى تربيتى

الفتي مش من يقول كان أبي وجدتي .. إنما الفتي من يقول هانذا ...أبناء العبابدة أصدقاء لي منذ أكثر من 23 عام .. تقول شنو؟

أنت عارف يا أستاذنا حسن فرح، هناك فرق ما بين التعلم والهواية .. هوايتي هى التعرف علي القبائل وتراثها وزعمائها ..
دا موضوع طويل جداً .. الحكي فيه يطول ..
لكن أعرف أنا واحد من الناس أجد تصالح نفسي مع من حولي ..
حاجة واحدة لو حيكيتها ليكم تضحوا لما تفتروا ... في الجبال، النوبة عندهم دواس العصا سابقاً .. ودواس العصا فيه ميزو غريبة أن كل الفريق الخصم هم خصومكم .. وحتى نحن الجايين "أفراري" ساكت برضو داخلين في الخصومة ..
أها لو نحن هزمنا الطرف الأخر .. تتوقع نحن نسكوهم إلي الجبل الذي أتوا منه .. العكس تماماً، نحن مفروض نهرب هروب الذي ترتعب فرائصه من كارثة ألمت به .. وأنا كغير طبيعة البقارة، بكون جاري في أول القوم الذي يسكنوهم ..
وحينما يتعبوا من طردنا ويقيفوا، أها نحن مع أخواتنا من بنات النوبة نرقصوا جوارهم بالنصر .. أصلاً ما بندوهم أي فرصة لتحويل النصر إلي هزيمة ..
لو لاحظت في السرد دا .. النصر عندهم لحظة هزيمة فارسنا لفارسهم .. كل ما عدا ذلك لا يغير في النصر أو الهزيمة .. فنحن جاريين بفرح نصرنا .. وهم ساكننا بسبب غضب هزيمتهم ! .. لو الواحد أستوعب معادلة النصر والهزيمة لديهم يكون عايش معهم تلك اللحظات الجميلة ..

حسي أنا لما أتذكر تلك اللحظات .. أجد نفسي كنت متماهى مع تلك اللحظة بكل زخمها ..
وعندما تصل لمرحلة القبول للأخر بهذه الصورة تشوف الحياة بصورة مختلفة تماماً .. فأنت يا أستاذ حسن فرح ما عندك صدر رهب لمثل هذا القبول .. بدليل تكتب لي كاوبوي وكأنها مسبة لي .... وأنا أقول ليك بكل فخر أنا الكاوبوي البقاري!

بريمة

Post: #21
Title: Re: كف العدو!! .. بجاوي قشط بجاوي كف وهو يتحدث ف�
Author: Hassan Farah
Date: 07-22-2022, 04:14 PM
Parent: #1

بدليل تكتب لي كاوبوي وكأنها مسبة لي .... وأنا أقول ليك بكل فخر أنا الكاوبوي البقاري!
----------------------------------------------------------------------------------------
هههههههههه مسبة شنو يا بريمة؟ بقارى راح يعيش فى امريكا يسموهو منو غير cowboy ؟
مشكلتكم يا بريمة حتى فى لعبكم رافعين شعار القبلية : بقارى ونوباوى....هزيمة ونصر ما قادرين تخرجوا من زريبة القبلية ابدا وتتوجهوا الى رحاب الوطن الواسعة
فى منطقتنا ابوحمد لمئات السنين تعيش عدة قبائل فى سلام ووئام
رباطاب , مناصير, دناقلة , شايقية , محس, بشاريين, عبابدة وغيرهم
هؤلاء الناس تربط بينهم اواصر النسب والاخوة والمحبة لا تستعلى مجموعة على اخرى اخوان فى الافراح والاتراح
اسأل بعض اهلك قد يكون بينهم من ذهب الى هناك لينقب عن الذهب

Post: #22
Title: Re: كف العدو!! .. بجاوي قشط بجاوي كف وهو يتحدث ف�
Author: Abureesh
Date: 07-22-2022, 06:45 PM
Parent: #21

Quote: مظهر يدل على اننا لازلنا نعيش فى القرون الماضية


الأخ علاء
نعم المظهر يدل على ذلك.. ولكن السبب ليسوا هم.. بل حكومات الوسط التى حبستهم فى بوتقة المرض والفقر والجهل.. زمن الإنجليز الوضع لم يكن هكذا..
شوف مظاهر الفقر من قمصان الدموريـة المغبرة المغبرة ولا تنظر فقط للكف. الكف بسيطـة.

Post: #23
Title: Re: كف العدو!! .. بجاوي قشط بجاوي كف وهو يتحدث ف�
Author: muntasir
Date: 07-22-2022, 08:12 PM
Parent: #22

تعرف بريمة بيحتفي بالحاجات دي لمن تكون بعيدة من أهله قبل كم سنة في واحد جاب صورة أولاد شباب من العرب لسبب ما كتلوا ليهم جماعة أخرى من العرب ومثلوا بالجثث ومتصورين وهم متوطين الجثث بي أحذيتهم بريمة كان من المنادين بعدم نشر الصور والڤيديوهات لأنها تثير الكراهية والقتل لكن إي حادث عنف بعيد منه بمنظوره القبلي الضيق بيحتفي بيه ويجده مسلياً

Post: #24
Title: Re: كف العدو!! .. بجاوي قشط بجاوي كف وهو يتحدث ف�
Author: حيدر حسن ميرغني
Date: 07-22-2022, 09:00 PM
Parent: #23

Quote: فى منطقتنا ابوحمد لمئات السنين تعيش عدة قبائل فى سلام ووئام
رباطاب , مناصير, دناقلة , شايقية , محس, بشاريين, عبابدة وغيرهم
هؤلاء الناس تربط بينهم اواصر النسب والاخوة والمحبة لا تستعلى مجموعة على اخرى اخوان فى الافراح والاتراح

دي الحاجة الوحيدة التي تفتقدها مناطق التوترات القبلية
ياخي لو واحد بس طلب يد واحدة من قبيلة تانية بالحلال ممكن تقوم حرب يقتل فيها العشرات .. والدين نفسه يدعو للتعارف والتمازج والتصاهر
زول يقتل بشر مثله لاتفه الاسباب ما ترجى منه شيء ابدا

Post: #25
Title: Re: كف العدو!! .. بجاوي قشط بجاوي كف وهو يتحدث ف�
Author: Hassan Farah
Date: 07-23-2022, 06:32 AM
Parent: #1

زول يقتل بشر مثله لاتفه الاسباب ما ترجى منه شيء ابدا
-------------------------------------------------------
دكتور حيدر سلام
للاسف دا الحاصل عندهم لو بهيمة اكلت من زرع الجار تشتعل الحرب بين الجيران
الكارثة الكبرى ان هناك متعلمين بينهم تخرجوا من الجامعات لكنهم لازالوا متمسكين بهذه التقاليد والعادات المتوحشة

Post: #26
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-23-2022, 06:49 AM
Parent: #25

جدو، أستاذ حسن فرح

أنت في وادي و ول أبا حيدر في وادي أخر ..

يبدو عليك أنت في وادي عبقر .. وادي عبقر تقول عنه العرب أنه وادي الجن الذي تقول فيه الأشعار .. وكل زول يذهب وادي عبقر يكون له نصيب من الخيال الواسع والشطح بمزاج .. هههاي .. دحين أنت ما كنت في اليمن السعيد .. واليمن فيه بئر برهوت .. ووادي برهوت .. نفس وادي عبقر ..
ربما ذهبت إلي هناك ..

الزول القشطوه كف تلكم في فيديو عن الصقعه التى أنصقع ليها .. وجدت الفيديو ولكن ضاع منى ..
فتش معاي نشوفوه رد قال شنو ..

بريمة

Post: #27
Title: Re: كف العدو!! .. بجاوي قشط بجاوي كف وهو يتحدث ف�
Author: Hassan Farah
Date: 07-23-2022, 09:29 AM
Parent: #1

وكل زول يذهب وادي عبقر يكون له نصيب من الخيال الواسع والشطح بمزاج
-----------------------------------------------------------------------
عفارم عليك يا بريمة نطقت بالحق وكشفت نفسك كواحد من رواد وادى عبقر بس للاسف ما جيتنا راجع شاعرا عبقريا نفتخر به بين الامم بل عددت ملفوفا بثوب الجن الحاقد طالقا لسانك بالنباح يا بشير الحقنى يا حميدتى يا بطل الحقنى ويا الهجانة ابريش الحقونى وانقذونى من شباب اليوم الداعين للديمقراطية والمدنية المعارضين لتسلط العسكريةالواقفين ضد الصراعات القبلية
بالمناسبة بئر برهوت ان زرتها فى حضرموت قبل ان تولد انت يا مسكين


Our frightening adventure in the Barhout Well بئر برهوت




start at 5..40

Post: #28
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-23-2022, 12:52 PM


Quote: بالمناسبة بئر برهوت ان زرتها فى حضرموت قبل ان تولد انت يا مسكين
أنت أجبن من أن تقترب من بئر الجن ..! تلقاك منطط عيونك مثل زولك الذي في الفيديو ..

دا لو كان أنا، كان وقعت في البئر جلبغ من فوق بدون أي حبل .. واليحصل يحصل مع الجن تحت .. ما يفرزونا إلا باللباسات ..

----------------
أنا مطالب أبناء الشرق من لجان مقاومة الشرق بأجراء عقد مناظرة بين الشاب الخلوق الذي تم صفعه .. والشاب الأخر، أيضاً قالوا شاب خلوق وغيور علي قضية الشرق .. وهذه المناظرة هى بمثابة رفع قدرات الشباب في العمل الشعبي والعام ..

أها، يا أستاذنا أدفع معى نحو رفع قدرات الشباب ..

بريمة

Post: #29
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 07-23-2022, 12:59 PM
Parent: #28

أستاذنا حسن فرح

تعال شوف الرئيس ترامب .. قشط مستر ماكمينMr McMahon .. كف قدر شنو؟

مستر ماكمين لديه أكبر شركة و قناة في المصارعة الحرة .. وبعدين هو وولده Shane عاملين فيها فتوات ..



بريمة

Post: #30
Title: Re: كف العدو!! .. بجاوي قشط بجاوي كف وهو يتحدث ف�
Author: Biraima M Adam
Date: 09-21-2022, 05:39 AM
Parent: #29

البوست دا .. فيه إستدارك ..

أنا قلت أننى لا أحتفي بالكف .. هذا شيئ مشين في حق الأنسان الذي صفع الأخر .. أما المصفوع فقد فاز باحترام الجميع لضبط النفس الذي مارسه .. بل الذين يقفون معه .. جميعهم مارسوا ضبط نفس غير عادي.
لكن نقطة الأحتفاء هى بعد الكف وقع، أنسحب الرجل إلي الخلف بطريقة تراثية .. أبعد نفسه من خصمه ومن معه ..
هذه الخطة الضرب مثل الكوبرا .. ثم الأنسحاب إلي الخلف لا يفعله بقية الشعب السوداني.. دا تراث في الدواس والمواجهات خاص بشرق السودان ..
في خلال نهاية الأسبوع الماضي، شاهدت فيديوهات كثيرة عن الحماية الشخصية .. وجدت أن الأنسان البجاوي يمارس حماية أشبه بتدريب الحماية الشخصية في أمريكا ..

أتمنى من الجهات المعنية بالشباب والرياضة والشرطة وقوات الدرك وغيرها.. أن يستلهموا الفنون القتالية من تراثنا السوداني .. نحن البقارة لدينا أنواع كثيرة من فنون الدواس .. منها "عجال لمن" .. وهذه تعنى مداهمة العدوة بصورة مباغته بحيث لا تدع له أي فرصة للأستعداد .. أشبه ب "أم بوش" الكمين ..
وعندنا "كوزي أم بتر" .. وهى أن تقع في خصمك لطم أو ضرب بعنف مفرط للسيطرة عليه .. في الأعتداء الشخصي، لدينا 5 مواطن فقط في جسم الأنسان نستهدفها .. أول تفكير هو أن تضرب خسمك في الأنكل لتوقعه .. ضربة الأنكل لا يتوقعها إنسان أنت شايل له سيف أو عكاز .. فنحن البقارة نرفع العاكز تمويهاً للضرب في الرأس لكن ح أضربك في الأنكل .. الموقع الثانى الكوع .. وضرب الكوع عايز الضارب يكون في موقع محدد .. محتاج تدور نصف دائرة من الخصم تضربه وراء .. وهذه تسى "عجوز سدت البيت" .. الثالثة الضرب تحت الأذن (الضرب في عرق الشيطان) .. الرابع الضرب في الركبة من الداخل .. والأخير الساق .. (ضرب الأنسان في قنقراية الساق) هل تصدقوا هذه أكثر ضربة مؤلمة ...

عمنا ذات مرة لموا فيه حرامية .. ضربوا حتي كاد يفقد الوعي .. واحد قال ليهم الزول مات .. الأخر قال ليه ما زال حي .. ثم ضربه في ساقه .. عمنا صنقر وقال: "حيي ييا كسرت ساقي ولد الكلب؟" ..


بريمة