كلام هدى ميرغني في بوست يحيى قباني يستحق بوستا منفصلا

10:31 AM July, 02 2022

سودانيز اون لاين
Yasir Elsharif-Germany
مكتبتى
رابط مختصر

Quote: تحياتى يا باشمهندس قبانى وسلام للجميع~ من الصباح أعاين لكلامك دا وما عارفة أوصل ليك الواقع جوا السودان كيف. دى محاولة: الحياة فى السودان إتغيرت كثيييير … الشباب ديل ما عندى ليهم ،غير 'التقدير إلى النهاية ومثله من الإحترام' - نحن البقينا نتبعهم ، وعندك مثال مواكب "كلنا معكم" ومواكب "الثوب الأبيض" وغيرها اليوم القبل أى مليونية - الليل كله الكبار فى البيوت يصلوا ودعوات بالسلامة لعودة الشباب ،الشابات وكل الحيشاركوا ، الحيودعوهم أو حتى حيحرسوهم فى الشوارع - أستاذ جامعى يوم مَنع منعا باتا الجنجويد وأشباههم من يحلقوا لتلاميذه شعرهم -شفت الناس الكبار بيقيفوا حواجز بين الكجر والشباب . -فى حاج كبير طلع من منزله محاولة يوقف العسكر الجارين وراء الشباب فى نص الحلة ، رموا ليه عبوة بنبان على الشجرة القدام بيته وتحتها كرسيه - حرقوها! *الصور والفيديوهات باااردة ما بتعكس كل التفاصيل الحاصلة هناك - الشباب الكانوا بيلعبوا الكورة المغربيات ويتسامروا تحت أعمدة النور ، كبروا فى الشهور أعوامًا. تشوفهم يوم المليونية قبل البداية يستعدوا ويجمعوا فى قريشاتهم عشان يشتروا الموية. -واحد سياسى "محنك" سألوه فى مناسبة عن الوضع ،قاليهم والله نحن بقينا تابعين بناتنا وأولادنا. *تانى أرجع لمسألة التفاصيل اليومية زى ما قال حميد عليه السلام: الجاتنا جاتنا من الأرض - ما جاتنا من تالا السماء السودان مصيبته ما إلهية، مصيبته جاءته من الكيزان وأياديهم ، بإختصار واقع تحت إحتلال عديل كدا، الكيزان وصنائعهم من جنجويد ولوردات حرب ومرتزقة ديل كلهم ما عندهم أى إنتماء للسودان، كأنهم بيحاربوا فى عدو وغلطان عليهم كمان ! وزى ما شفت كمية الحقد والتشفى البيضربوا ويقتلوا بيها الناس. -المرتزقة البيقتلوا فى الشعب السودانى معاهم مرتزقة الجنجويد ولوردات حروب ليبيا واليمن ومليشيات الكيزان … المخرج: واقع السودان يا هندسة إتغير شديد ، الشباب ديل عارفين إنه لو الإنقلاب الدموى دا ما سقط حتكون حياتهم مذلة أبدية ،إعتقال ، تعذيب وتقتيل يعنى الحاصل دا حيستمر حتى لو ما خرجوا مليونيات. الجنجويد، ومرتزقتهم وجماعة الحركات شايلين سلاحهم حتى فى الحياة اليومية، عادى يجئ واحد عشان بيزنس بسلاحه ويمضى ضابط فى "حركة … …" - من إستماعى للندوات البينزلوها ود البشرى وعلاء سيد أحمد مشكورين - كلمة ما بفوتها ، الشعب السودانى دا أنا آمنت بيه إيمان زيادة. المتحدثون والحضور ما خايفين ما مقلقين ، يبنوا فى مشروعهم ويحسنوا فيه وأنا بعاطفية أردد بسرى معاهم كلمات درويش لأنها بتشبهم: يا حلوُ، من صَبَّكْ فرساً من الياقوتْ! قل لي، ومن كَبَّـكْ نهرين في تابوتْ! يا ليت لي قلبكْ لأَموت حين أَموتْ حتى أصل آخر القصيدة تشجيعا فى الحياة وضد القتل والموت: بوركت الحياةُ وبورك الأحياءُ فوق الأرض لا تحت الطغاة تحيا الحياة! تحيا الحياة! إنتهت - أصبح الحزن منطبعا على ملامحنا ، هذا القتل المجانى فى حق الشعب السودانى ،فى كل مناطق السودان إجراما لا يعادله إجرام. عتاة المجرمين هؤلاء يقتلون بدم بارد وبعدها يذهب القاتل المجرم طليقا ليقتل ثانيا… معليش للإطالة ولسه حاسة إنى ما وصلت الصورة ..

المليونيات .. تواريخ في نتائج حائط ..المليونيات .. تواريخ في نتائج حائط ..

هذه دعوة لهدى وللجميع للاندياح خدمة لحالة الوطن الجريح.

Yasir Elsharif
اخى الغالي ياسر
طبعا الكلام الكتبتوا الاخت هدى ميرغني حروف من نور بحق وحقيقه الشباب بهروا العالم والسودان وواصبح كل شاب والاطفال والكبار والنساء يدا ووحداه مع بعض
لدحر الظلم والعسكر الظالمين الطاغين من وصلت بهم الغبن والحقد ان يركلوا الموتي بالبوت
ووكنت اتمنى ان يكونوا رجال فى الفشقه ويقدموا لو جزء بسيط من البساله والرجاله التى تمارس مع الاطفال والعزل من الشياب من يقفون بصدور عاريه
ومعهم ايمان وارداه للموت دون يرمش لهم جفن
والعسكر وكل العتاد ووالسلاح من كان من المفترض ان تحمى به الارض ووالوطن ولكن من خيبه العسكر وبرهانهم وجهت كل الاسلحه والعتاد لقتل الابناء والاطفال
فى حصد ارواح النساء والاطفال والعيال حتى بلغت بهم الوقاحه بان يقتل طفل لم يتعدا ال 15 عام
تبا على العسكر والشرطه وجهاز المخابرات والبرهان وحميدتي وكل من شياعهم من العسكر المرتزقه الماجورين الخونه

تسلم أخي الأكرم / مصطفى نور

وشكرا لك على الاندياح الجميل

تحياتي الأخ ياسر
التحية لك و أنت تحاول أن تعطي الناس قيمتها(ولا تبخسوا الناس أشياءهم)
والتحية للأخت هدى فعلت هي تلفت النظر بمداخلاتك الموزونة والعميقة وملاحظاتها القيمة..
وقد أعجبتني الأبيات التي استشهدت بها لمحمود درويش ..و هي غير متاحة إلا لإنسان مثقف و ذي إحساس .
ونقول لك شكرا لك أخي ياسر وأنا استعيد كلمات درويش واستغرب كيف فاتتني هذه من بين الروائع:
يا حلوُ، من صَبَّكْ
فرساً من الياقوتْ!
قل لي، ومن كَبَّـكْ
نهرين في تابوتْ!
يا ليت لي قلبكْ
لأَموت حين أَموتْ
حتى أصل آخر القصيدة تشجيعا فى الحياة وضد القتل والموت:
بوركت الحياةُ
وبورك الأحياءُ
فوق الأرض
لا تحت الطغاة
تحيا الحياة!
تحيا الحياة!

التحيات النواضر ورفع القبعات للعزيزة الحبيبة هدى ميرغني
لقد سطرت بأحرف من نور وضياء حال الواقع السوداني وعزم
وتصميم الشعب السوداني لإزالة هذا الكابوس الذي يجثم على صدره..
..و يا ريت يا ياسر تفتش عن فيديو شاهدته في الواتساب عن رجل شجاع
جاء من ولاية النيل الأزرق ويحمل معه كفنه وقال كلام رائع وجميل يعبر
عن حبه لوطنه وتراب وطنه ..وقد أشرت لهذا في بوست ابو حسين ..

توزيع صكوك الغفران والخذلان ونياشين الوطنية الزائفة هى ثمة مثقف الوسط النيلي .. أين أجداد الكثيرين في معركة شيكان الفاصلة لتحرير السودان ..
كانوا مع هكس باشا .. وحينما أنهزموا طلع هكس باشا التبلدية .. وأسقط منها بكوكاب "مرو" .. فسقط رمزهم مدوياً.


التأريخ شاهد بيننا من هو الوطني الغيور ومن خان الشعب السوداني. وأبحثوا عن أجداد الذين يتشدقون أين كانوا يقفون؟
وحدة ومصير السودان يتوقف علي وقف التخوين .. ومحاسبة نوايا الناس ..

بريمة

سلامى وإحترامى أخى دكتور ياسر ~
يا ريتنى لو أقدر اطولكم…
رغما عن قوتى المكتسبة من الظروف المرت علينا فى الدنيا دى ، لا زلت امتلك المقدرة على البكاء ، دموعى نزلوا لما شفت البوست دا |لأنه تمجيد للثوار جميعا والإعتراف بمقدراتهم وعدم دمغهم بالتابعين.
الشباب ديل زى ما معظمنا عارفين ومتابعين ، رأيهم ووعيهم تطور لدرجة مدهشة.

-مثال من مواقفهم أيام إعتصام القيادة:
سألت شاب قريبنا ، إنتوا بتعرفوا الصحاب ديل من زمان ؟قال لى لا ما هو الزول بكون ماشى لو فارق مجموعته الأولى طوالى يلاقى نفسه دخل فى مجموعة تانية ويندمج معاهم،
سألته وبتجيبوا الأهازيج والهتافات دى من وين؟ رد على والله بتجئ كدا من المواقف البنعيشها.
ومصداقية لحديثه بعد فض إعتصام القيادة الدموى إبتدعوا الهتاف المعبر:
*
ما تدى قفاك للعسكر - العسكر ما بيصونك
بس تدى قفاك للشارع - الشارع ما بيخونك

-خالص الإحترام أخى دكتور ياسر ،يا صوت الثورة للتاريخ

Quote: Yasir Elsharif اخى الغالي ياسر طبعا الكلام الكتبتوا الاخت هدى ميرغني حروف من نور بحق وحقيقه الشباب بهروا العالم والسودان وواصبح كل شاب والاطفال والكبار والنساء يدا ووحداه مع بعض لدحر الظلم والعسكر الظالمين الطاغين من وصلت بهم الغبن والحقد ان يركلوا الموتي بالبوت ووكنت اتمنى ان يكونوا رجال فى الفشقه ويقدموا لو جزء بسيط من البساله والرجاله التى تمارس مع الاطفال والعزل من الشياب من يقفون بصدور عاريه ومعهم ايمان وارداه للموت دون يرمش لهم جفن والعسكر وكل العتاد ووالسلاح من كان من المفترض ان تحمى به الارض ووالوطن ولكن من خيبه العسكر وبرهانهم وجهت كل الاسلحه والعتاد لقتل الابناء والاطفال فى حصد ارواح النساء والاطفال والعيال حتى بلغت بهم الوقاحه بان يقتل طفل لم يتعدا ال 15 عام تبا على العسكر والشرطه وجهاز المخابرات والبرهان وحميدتي وكل من شياعهم من العسكر المرتزقه الماجورين الخونه

تحياتى أخى المحترم مصطفى نور~
هؤلاء الثوار الرافعين شعار السلام لتحرير السودان إنهم معجزة - أى شخص يقلل من مقدراتهم يكون ما بيعرفهم ، فاتونا بأزمان وأصبحوا مترفعين عن كل مظاهر العنصرية والقبلية والخوف والقلق.
ما فى أى سبب للقمع الوحشى والقتل الذى تمارسه سلطة الإنقلاب المذعورة ومرتزقتها ومليشياتها، هؤلاء الثوار أينما ما كانوا ، هدفهم الحياة الكريمة - المفروض ما يموت أحد برصاص الغدر، لا يُسجن أحد ، لا يُقمع أحد …
# النصر حليف الشعوب إن قصر الزمن أو طال

Crocodile Tears

يقتلون القتيل ويمشون في جنازته ..؟



بريمة

Quote: ونقول لك شكرا لك أخي ياسر وأنا استعيد كلمات درويش واستغرب كيف فاتتني هذه من بين الروائع: يا حلوُ، من صَبَّكْ فرساً من الياقوتْ! قل لي، ومن كَبَّـكْ نهرين في تابوتْ! يا ليت لي قلبكْ لأَموت حين أَموتْ حتى أصل آخر القصيدة تشجيعا فى الحياة وضد القتل والموت: بوركت الحياةُ وبورك الأحياءُ فوق الأرض لا تحت الطغاة تحيا الحياة! تحيا الحياة!

أخى المحترم محمد عبد الله الحسين~
عجبتنى مداخلتك الصادقة فى ذاك البوست الأصلى.
* كلمات أيضا تشبه حال الثوار من قصيدة لمحمود درويش عليه السلام:
يا سَيِّدَ الجمرهْ
يا سَيِّدَ الشُّعْلَهْ
ما أوسع الثورة
ما أضيقَ الرحلة
ما أكبَرَ الفكرة
ما أصغَر الدولة!.....

Quote: التحيات النواضر ورفع القبعات للعزيزة الحبيبة هدى ميرغني لقد سطرت بأحرف من نور وضياء حال الواقع السوداني وعزم وتصميم الشعب السوداني لإزالة هذا الكابوس الذي يجثم على صدره.. ..و يا ريت يا ياسر تفتش عن فيديو شاهدته في الواتساب عن رجل شجاع جاء من ولاية النيل الأزرق ويحمل معه كفنه وقال كلام رائع وجميل يعبر عن حبه لوطنه وتراب وطنه ..وقد أشرت لهذا في بوست ابو حسين ..

إمتثال العزيزة لكى المودة الصادقة~
والله الحياة اليومية فى السودان أصبحت نضال لإسقاط هذا الأنقلاب الدموى ، أى شخص بدافعه الإنسانى والوطنى جزء أصيل فى العمل على تحرير السودان.
حتى لو قالوا نقعد فى بيوتنا صغار على كبار الذل، شظف العيش والموت والإرهاب ما حيخليهم.
كمية القروش البتُصرف على قمع المظاهرات وتأجير المرتزقة ممكن تُعمر السودان كله، لكن السلطة وسرقة موارد البلد وأرضها وترضية الدول الأخرى وتمكينها من موارد السودان ، عشان بس يلقى هؤلاء القتلة الحماية والحياة المرفهة ، كان شفتيهم عاطلين ولابسين البدل فى حر السودان، وعاملين بيجتمعوا من فندق لفندق عشان يواصلوا حياتهم أيام مفاوضات الدوحة تحتارى فى إنتهازيتهم والشعب السودانى يموت فى كل أنحاء الوطن.

الأخ العزيز بريمة

هجومك دايما لذيذ ومحفز للردود

لكن تعليقك ده داير ليه بوست

تعرف يا ول أبا تعليقاتك دي ( بس لما تكون موزونة وما فيها تخريمات) بتخلي الأفكار تتحاور وأحيانا تتصادم.

Quote: توزيع صكوك الغفران والخذلان ونياشين الوطنية الزائفة هى ثمة مثقف الوسط النيلي .. أين أجداد الكثيرين في معركة شيكان الفاصلة لتحرير السودان .. كانوا مع هكس باشا .. وحينما أنهزموا طلع هكس باشا التبلدية .. وأسقط منها بكوكاب "مرو" .. فسقط رمزهم مدوياً. التأريخ شاهد بيننا من هو الوطني الغيور ومن خان الشعب السوداني. وأبحثوا عن أجداد الذين يتشدقون أين كانوا يقفون؟ وحدة ومصير السودان يتوقف علي وقف التخوين .. ومحاسبة نوايا الناس .. بريمة

كويس إنك جيت جارى هنا بمداخلاتك التى تشابه الذبابة فى كورة اللبن
عشان ألصق موضوعك دا يا نافخ الكير ال simpleton
أعتصام القصر .. يتمدده ليشمل كل السودان .. تطور خطير!أعتصام القصر .. يتمدده ليشمل كل السودان .. تطور خطير!

Quote: كويس إنك جيت جارى هنا بمداخلاتك التى تشابه الذبابة فى كورة اللبن عشان ألصق موضوعك دا يا نافخ الكير ال simpleton أعتصام القصر .. يتمدده ليشمل كل السودان .. تطور خطير!أعتصام القصر .. يتمدده ليشمل كل السودان .. تطور خطير!

يا أخت هدى
ده العايزه بريمة
هو مرات بيكون عنده مزاج يشاغل بهنا ويطاعن بي هنا ..و يفتعل الموضوعات لكي يستثير الناس ..

ول أبا دكتور محمد عبد الله

Quote: يا أخت هدى ده العايزه بريمة هو مرات بيكون عنده مزاج يشاغل بهنا ويطاعن بي هنا ..و يفتعل الموضوعات لكي يستثير الناس

مداخلتك وقفت عندها طويلاً ..
يا ول أبا، أنا عايز الناس ينتقدونى .. أنا ليس نبي مرسل .. لكن ما شأن التنابذ بالألقاب ..؟؟ .. الناس ينبذوا فينى لزوم تخويف .. ومن يخاف وعلي ماذا أخاف؟

أشكرك يا ول أبا، وأنت تحاول وتحاول أن توقف منى هذا السلوك الشائن في حق خصومى هم أنفسهم .. التنابذ حيلة الضعيف المهزوم العاجز والمريض النفسي .. كلها صفات فيهم يجب أن يتخلصوا منها.

بريمة

ول أبا دكتور محمد عبد الله

Quote: يا أخت هدى ده العايزه بريمة هو مرات بيكون عنده مزاج يشاغل بهنا ويطاعن بي هنا ..و يفتعل الموضوعات لكي يستثير الناس

مداخلتك وقفت عندها طويلاً ..
يا ول أبا، أنا عايز الناس ينتقدونى .. أنا ليس نبي مرسل .. لكن ما شأن التنابذ بالألقاب ..؟؟ .. الناس ينبذوا فينى لزوم تخويف .. ومن يخاف وعلي ماذا أخاف؟

أشكرك يا ول أبا، وأنت تحاول وتحاول أن توقف منى هذا السلوك الشائن في حق خصومى هم أنفسهم .. التنابذ حيلة الضعيف المهزوم العاجز والمريض النفسي .. كلها صفات فيهم يجب أن يتخلصوا منها.

بريمة

هدي

Quote: كويس إنك جيت جارى هنا بمداخلاتك التى تشابه الذبابة فى كورة اللبن عشان ألصق موضوعك دا يا نافخ الكير ال simpleton

لا تنبذينى .. عارفانى لو سليت لسانى ود برلين ما يلحقنى !

بخصوص موقفي من توسيع دائرة المشاركة .. هو هو .. حتى اليوم ..

الغريبة اليوم أقف مع قحت .. من أجل إرجاعهم بنفس الحجة في البوست .. توسيع دائرة المشاركة .. عشان كده أنا بقول لا مع زيد ولا عبيد. وأعنى ذلك بحذافيره.

لا يحرقنى إلا ناس دموع التماسيح يقتلون القتيل ويمشون ف جنازته .. ويقومون بالمناحات .. والله كاشفنهم.


بريمة

هدي

Quote: كويس إنك جيت جارى هنا بمداخلاتك التى تشابه الذبابة فى كورة اللبن عشان ألصق موضوعك دا يا نافخ الكير ال simpleton

لا تنبذينى .. عارفانى لو سليت لسانى ود برلين ما يلحقنى !

بخصوص موقفي من توسيع دائرة المشاركة .. هو هو .. حتى اليوم ..

الغريبة اليوم أقف مع قحت .. من أجل إرجاعهم بنفس الحجة في البوست .. توسيع دائرة المشاركة .. عشان كده أنا بقول لا مع زيد ولا عبيد. وأعنى ذلك بحذافيره.

لا يحرقنى إلا ناس دموع التماسيح يقتلون القتيل ويمشون ف جنازته .. ويقومون بالمناحات .. والله كاشفنهم.


بريمة

لا حولا …
واك واك ورجغ ورجغ وكأنما الكاذب ، المنافق ، القاتل إتعلم يفك الحرف ويكتب ويستهبل هنا- فض الله فوه القاتل - نفس اسلوبه البيمثل فيه دور البراءة وداك كمان بالقسم ورفع الأصبع .
*سأزور خيطك بهناك…

هدئي من روعك .. ها داك الفيديو رزعته إلي أعلا .. براك أخلي بنفسك وشوفي وين دموع التماسيح ..

بريمة

هدئي من روعك .. ها داك الفيديو رزعته إلي أعلا .. براك أخلي بنفسك وشوفي وين دموع التماسيح ..

بريمة

سلام يا امتثال

وهذا هو مقطع الإنسان السوداني البسيط وهو يحمل كفنه في مظاهرة الخميس 30 يونيو وقد جاء من ولاية سنار. العظمة ليست فقط في رمزية حمل الكفن، ولكن في مستوى الوعي الذي ظهر في عباراته.

لله در الشعب السوداني.

يا هدوية في مثل معروف بقول:-
القافلة تسير و الكلاب تنبح
و انتي القافلة ..... سيري و عين الله ترعاك ...

تحياتى أخى أبو حسين~
هو فاكرنى. بشوف فيديوهات الأطفال وال simpletons ، لما كتبت ليه جاية عليك فى البوست تبعك. بفلهمة تحنن كتب لى

هدئي من روعك .. ها داك الفيديو رزعته إلي أعلا ..

هههههههها

يرقص الطير وهو مذبوح من الألم .. يسوي فر فر فر .. لما زت يفطس ..

هدئي من روعك .. لو جيتي أخشي "خفي حنين ذاتهم ما ترجعي بهم" .. ترجعي ساكت

بريمة

يرقص الطير وهو مذبوح من الألم .. يسوي فر فر فر .. لما زت يفطس ..

هدئي من روعك .. لو جيتي أخشي "خفي حنين ذاتهم ما ترجعي بهم" .. ترجعي ساكت

بريمة

شكرا للغوث ياسر و لكلماته الطيبة في حق قلم شاب ذي نظر!
نحن نأمل الأمل الكبير في شبابنا الواعي لأنه لحد كبير تخلص من بعض أمراضنا و إن شاء الله سيكون ملح أرض السودان الجديد..
بريمة هذا مثل الفسيخ a delicacy but you will have to learn to enjoy it
دا مشكار ترا ولض ابا

ياسر
سمعت من ابو حسين انك نزلت الفيديو بتاع الرجل الشجاع من سنار وشايل كفته
معاهو وقال كلام رائع وجميل يجب أن يكتب بماء الذهب ...ولكن لم أجد الفيديو هنا..
ام انك نزلته في بوست اخر

تحياتى والإحترام أخى دكتور عمر عبد الله والشكر لدكتور ياسر لفتح هذه النافذة للإندياح~

—-
هذا التعليق كان فى فبراير 2019 وأنا اشاهد مظاهرة فى خشم القربة موطن الشهيد الأستاذ أحمد الخير
*
هم يجهلوك:
للمعلمات والمعلمين رباط من الاحترام والمحبة يتجاوز الخاص ويعمهم جميعا.
إحساس لا يوصف وانا اشاهد مظاهرة خشم القربة التى شارك فيها حتى الاطفال والجميع يهتف "كلنا أحمد .. كلنا أحمد "
إمراة وطفلها تقف على جانب الطريق هتفت رفعت يدها عاليا بعدها التحمت وصغيرها مع المتظاهرين. 
يا لعظمة هذا الشعب الذى يكمن خلف اسوار الدكتاتور- يأتون بِنظمٍ يماثل شجاعتهم 
"وسع مجارى الدم — زيد السجن ترباس"

هذه الثورة المغايرة مبتهجة رغم الرصاص والتعذيب اصبحت الحياة الطبيعية وخلافها هو النشاذ-
أمل فى مستقبل وحياة افضل، ادرك تماما كيف يبحث الإنسان عن نفاج الضوء ويتبعه الى نهايته حيث ينتصرون.
هذا الفرح الثورى سيتواصل بعد إنتصار الثورة لبناء الوطن وانهم لقادرون على ذلك|
الخميس السابع من فبراير 2019

معليش يا امتثال

هذا هو مقطع الفيديو سقط مني سهوا.

Quote: بريمة هذا مثل الفسيخ a delicacy but you will have to learn to enjoy it دا مشكار ترا ولض ابا

هههاي ..!

الله هونيني !!

بريمة

ياسر الشريف
شكرا على الفيديو الروعة والكلام الاروع
شعب عظيم بحكمه قتلة ومجرمون أوغاد ..
والله حتى زعيم عصابة اللصوص والحرامية في عهد الانقاذ
السئ الذكر ، البشير ،لم يفعل ما فعله هؤلاء المجرمون القتلة ،
البرهان ،حميدتي،منى اركوي،جبريل ،مالك عقار ،قاتلهم الله
يقتلون الشعب السوداني بدم بارد بالرصاص والجوع والمرض
وينهبون ثروات البلاد ويبيعون تراب الوطن ...
تبا لهم بكل لغات العالم

التحية لهذا الجيل صانع هذه الثورة السودانية الصعبة ، المستمرة حتى النصر العظيم.
ولنعطيه حقه كاملا غير منقوص فهو القيادة وإنه ليس هوين سهل قياده:
*
من غيرنا
كلمات الشاعر محمد المكى إبراهيم:

من غيرنا يعطي لهذا الشعب معنى أن يعيش وينتصرْ
من غيرنا ليقرر التاريخ والقيم الجديدةَ والسيرْ
من غيرنا لصياغة الدنيا وتركيب الحياةِ القادمةْ
جيل العطاءِ المستجيش ضراوة ومصادمةْ
المستميتِ على المبادئ مؤمنا
المشرئب إلى السماء لينتقي صدر النجوم لشعبنا
جيلي أنا...
******
هزم المحالاتِ العتيقة وانتضى سيفَ الوثوقِ مُطاعنا
*ومشى لباحات الخلودِ عيونهُ مفتوحةٌ
*وصدوره مكشوفةٌ بجراحها متزينهْ
*متخيرا وعر الدروب.. وسائراً فوق الرصاص منافحا
جيل العطاءِ لك البطولاتُ الكبيرةُ والجراحُ الصادحهْ
ولك الحضورُ هنا بقلب العصر فوق طلوله المتناوحهْ
ولك التفرّد فوق صهوات الخيول روامحا
جيل العطاءْ...
أبداً نُزل المستحيل لعزمنا .. وسننتصرْ
*وسنبدعُ الدنيا الجديدةَ وفقَ ما نهوى
*ونحمل عبءَ أن نبني الحياة ونبتكرْ

*ملحوظة - القصيدة كُتبت لجيل أكتوبر لكنها تماثل جيل اليوم تماما!

تحية للكنداكة الميرغنابية هدي
هووي يا بريمة نتلم فيك نحن الميرغناب نخليك تدخل الغابة
ألعب بعيييد

تصحيح
هدى وليس هدي

Quote: تحية للكنداكة الميرغنابية هدي هووي يا بريمة نتلم فيك نحن الميرغناب نخليك تدخل الغابة ألعب بعيييد

تحياتى وتقديرى يا إبن عمى 😀العزيز حيدر حسن ميرغنى (عاشت الأسماء).
#ما بيهزمونا

على فكرة يا هدى صديقي بريمة زول كلس وطيب جدا وعلى سجيته
مرات عنده شطحات للإغاظة فقط .. فقاع مرارة
لكن نحن لن نساوم في الثوار والثورة ابدا

تحياتى أخى حيدر حسن ميرغنى~

Quote: لكن نحن لن نساوم في الثوار والثورة ابدا

*دى كل الفكرة !

ول أبا حيدر

Quote: تحية للكنداكة الميرغنابية هدي هووي يا بريمة نتلم فيك نحن الميرغناب نخليك تدخل الغابة ألعب بعيييد

ول أبا حيدر، أنا وهدى مثل البطل والخونة في ظهر القطار ..
الخونة مثلها يقال دق البطل دق شديد والناس في السينما حزنوا ..
(ود الفلاتة وقف و قال ليهم فيلم دا أنا شفتو في قضارف .. بطل لا يموت .. بطل لا يموت !) ..
لو مستمرة كده .. ح أوقعها .. وتحتاروا فيها حينذاك ..

أقرعوها ..

بريمة