ﺑﺎﺳﻢ ﺍﻟﻠﻪ ﻳﺎ ﻛﻴﺰﺍﻥ *.. ﺷﻌﺮ / ‏( ﺑﺮﻭﻓﺴﻴﺮ‏) ﺍﻟﻤﻌﺰ ﻋﻤﺮ ﺑﺨﻴﺖ

07:47 AM July, 01 2022

سودانيز اون لاين
مصطفى نور-امريكا نيوجرسي
مكتبتى
رابط مختصر

مواكب 30 يونيو الحاسمه
انشروها في كل القروبات
* ﺇﺳﻢ ﺍﻟﻘﺼﻴﺪﺓ: ﺑﺎﺳﻢ ﺍﻟﻠﻪ ﻳﺎ ﻛﻴﺰﺍﻥ *
.. ﺷﻌﺮ / ﺃ. ﺩ. ‏( ﺑﺮﻭﻓﺴﻴﺮ‏) ﺍﻟﻤﻌﺰ ﻋﻤﺮ
ﺑﺨﻴﺖ

* ﺑﺎﺳﻢ ﺍﻟﻠﻪ ﻳﺎ ﻛﻴﺰﺍﻥ *
* ﺑﺎﺳﻢ ﺍﻟﺸﻌﺐ ﻧﺘﺤﺪّﻯ *
*ﻭﺍﻧﺘﻮ ﺭﺑﻴﺒﻜﻢ ﺍﻟﺸﻴﻄﺎﻥ *
* ﻗﻠﻮﺏ ﻣﺴﻤﻮﻣﺔ ﻣﺮﺗﺪﺓ *
* ﻟﻬﻴﺐ ﺍﻟﺜﻮﺭﺓ ﻭﺍﻟﻌﺼﻴﺎﻥ *
* ﺳﺎﻛﻦ ﻓﻴﻨﺎ ﻣﻦ ﻣﺪﺓ *
* ﻃﻠﻌﻨﺎ ﺍﻟﻠﻴﻠﺔ ﻣﺘﺤﺪﻳﻦ*
* ﻭﻣﺘﻜﺎﺗﻔﻴﻦ ﻋﺸﺎﻥ ﻧﺒﺪﺍ *
* ﻧﺰﻳﻞ ﻃﻐﻴﺎﻧﻜﻢ ﺍﻟﻈﺎﻟﻢ *
* ﻭﻧﻌﻠﻦ ﺛﻮﺭﺓ ﻣﻤﺘﺪﺓ*
* ﻵﺧﺮ ﺍﻟﻜﻮﻥ ﺡ ﻧﻤﺸﻴﻬﺎ *
* ﺟﻤﻴﻊ ﺍﻃﻴﺎﻓﻨﺎ ﻧﻠﻐﻴﻬﺎ *
* ﻭﻧﺘﺠﻤﻊ ﻋﻠﻰ ﺍﻟﻮﺣﺪﺓ *
* ﻋﺸﺎﻥ ﻧﺒﻨﻲ ﺍﻟﻮﻃﻦ ﺟﻨﺔ *
* ﻭﺻﻮﺕ ﺍﻟﺤﻖ ﺇﺫﺍ ﺭﻥ *
* ﻳﻔﺠﺮ ﺻﺤﻮﺓ ﺍﻟﻤﺒﺪﺍ*
* ﺃﺫﻳﺘﻮﻧﺎ *
* ﻭﺃﺫﻳﺘﻮﺍ ﺍﻟﺪﻧﻴﺎ ﺑﻲ ﺣﺎﻻ*
* ﻓﻀﺤﺘﻮﻧﺎ *
* ﻭﻓﻀﺤﺘﻮﺍ ﺑﻠﺪﻧﺎ ﻭﺃﺣﻮﺍﻻ *
* ﻗﻬﺮﺗﻮﺍ ﺍﻟﻄﻔﻞ ﻓﻲ ﺍﻟﺮﻭﺿﺔ *
* ﺧﻨﻘﺘﻮﻧﺎ *
ﻭﺧﻨﻘﺘﻮﺍ ﺍﻟﺰﻫﺮﺓ ﻭﺍﻟﻮﺭﺩﺓ
* ﺣﺮﻣﻮﺗﻮﻧﺎ*
* ﺣﻼﻭﺓ ﺍﻟﻌﻴﺸﺔ ﻭﺍﻟﻘﻌﺪﺓ *
* ﺑﻀﻞ ﺷﻤﺲ ﺍﻟﻀﺤﻰ ﺍﻟﺤﺎﺭﻕ *
* ﻭﺟﺮﺡ ﺍﻟﻮﺟﻌﺔ ﺍﺣﺘﺪ*
* ﻣﻨﻮ ﺍﻟﻔﻴﻜﻢ ﻫﻮ ﻣﺎ ﺳﺎﺭﻕ *
* ﻭﻋﺎﻳﺸﻴﻦ ﻧﺤﻦ ﺑﺎﻟﺸﺤﺪﺓ *
* ﻭﻛﻞ ﺷﺒﺎﺑﻨﺎ ﻗﺎﻡ ﻣﺎﺭﻕ *
* ﻳﻔﺘﺶ ﻟﻲ ﻭﻃﻦ ﺃﺟﺪﻯ *
* ﺑﺪﻝ ﺍﻟﺬﻝ ﻭﺻﺪﺭ ﺍﻟﺴﻞ *
* ﺩﻳﻞ ﻣﻴﺘﻴﻦ ﻭﺩﻳﻞ ﻣﺮﺿﻰ *
* ﺗﺠﺎﺭﺓ ﺍﻟﺪﻳﻦ ﻭﺣﻠﻒ ﻳﻤﻴﻦ *
* ﻛﺬﺏ ﺑﻬﺘﺎﻥ ﻭﺩﺟﺎﻟﻴﻦ *
* ﻻ ﻗﺮﺁﻥ ﻭﻻ ﻳﺎﺳﻴﻦ *
* ﻻ ﺭﻛﻌﺎﺕ ﻭﻻ ﺳﺠﺪﺓ *
* ﻻ ﺇﻧﻘﺎﺫ ﻭﻻ ﺇﻧﺠﺎﺯ *
* ﺣﻜﻢ ﻣﻔﻄﻮﻡ ﻋﻠﻰ ﺍﻟﻔﻮﺿﻰ *
* ﺑﻘﺪﺭﺓ ﺭﺑﻨﺎ ﺍﻟﺴﺎﻣﻊ *
* ﻭﺣﻠﻢ ﻧﺒﻴﻨﺎ ﺍﻟﺸﺎﻓﻊ *
* ﻭﻗﺒﻀﺔ ﻛﻔﻨﺎ ﺍﻟﺒﻀﺔ *
* ﺩﺍﻫﻴﺔ ﺗﺸﻴﻞ ﻭﺗﺴﻌﺎﻛﻢ *
* ﻭﺗﻠﺤﺴﻮﺍ ﺍﻧﺘﻮ ﻛﻴﻌﺎﻧﻜﻢ*
* ﻭﺗﺤﺖ ﺍﻟﺠﺰﻣﺔ ﺗﺘﻤﺪﻯ *
* ﺣﺮﺍﻣﻴﺔ ﻭﻟﺼﻮﺹ ﺳﺎﺭﻗﻴﻦ*
* ﻭﺭﺑﺎﻃﻴﻦ ﻭﻧﺸﺎﻟﻴﻦ *
* ﻣﺮﺍﻓﻌﻴﻦ ﺧﺎﻳﻔﺔ ﻣﺮﺗﻌﺪﺓ *
* ﻓﺼﻠﺘﻮ ﺟﻨﻮﺑﻨﺎ ﺃﺭﺽ ﺍﻟﺨﻴﺮ *
* ﺑﻴﻬﻮ ﺣﻴﺎﺗﻨﺎ ﻛﺎﻧﺖ ﻏﻴﺮ *
* ﻋﻈﻴﻤﺔ ﻛﺮﻳﻤﺔ ﻣﻌﺘﺪّﺓ *
* ﻭﻓﻲ ﺩﺍﺭﻓﻮﺭ ﻛﺘﻠﺘﻮﺍ ﺍﻟﻨﺎﺱ*
* ﻣﻴﺖ ﻓﻴﻜﻢ ﺍﻻﺣﺴﺎﺱ *
* ﺟﺸﻌﻜﻢ ﺃﺻﻠﻮ ﻣﺎ ﺑﻬﺪَﻯ *
* ﺣﺘﻰ ﺍﻟﻨﻴﻞ ﺻﺒﺢ ﻋﺮﻳﺎﻥ *
* ﻭﻣﺎﺗﺖ ﺩﻭﻣﺔ ﺍﻣﺪﺭﻣﺎﻥ *
* ﻭﻛﻞ ﺍﻟﻜﺎﻥ ﺟﻤﻴﻞ ﻋﺪّﺍ*
* ﺭﺍﺣﺔ ﺍﻟﺒﺎﻝ ﻭﻃﻴﺒﺔ ﺍﻟﻔﺎﻝ*
* ﺑﻘﺖ ﻓﻲ ﻟﺤﻈﺔ ﺑﻴﻜﻢ ﺣﺎﻝ *
* ﻧﻔﺲ ﻣﻘﻔﻮﻟﺔ ﻣﻨﺴﺪّﻩ *
* ﻭﺃﻱ ﻓﺮﺡ ﺑﺴﻴﻂ ﻫﺎﺟﺮ*
* ﻭﺿﺎﻉ ﺳﻮﺩﺍﻧﺎ ﻓﻲ ﻏﻤﻀﺔ *
* ﺣﻖ ﺃﻃﻔﺎﻟﻨﺎ ﻣﺎ ﺑﺮﻭﺡ ﺳﺎﻱ*
* ﻛﻞ ﻭﻟﻴﺪ ﺡ ﻳﺘﺴﺪﺍ *
* ﺷﻘﻰ ﺍﻟﺤﺮﻣﺎﻥ*
*ﻭﻗﻬﺮ ﺣﻴﺎﺗﻮ ﻓﻲ ﺍﻟﺴﻮﺩﺍﻥ *
* ﻭﻗﺼﺮﺍﻟﻈﻠﻢ ﺑﺘﻬﺪّﺍ *
* ﺑﻠﺪ ﻧﺒﺪﺍﻫﻮ ﻣﻦ ﺃﻭﻝ*
* ﺟﺪﻳﺪ ﻭﻓﺮﻳﺪ ﻭﻟﻮ ﻃﻮّﻝ*
* ﻃﺮﻳﻖ ﺍﻟﺨﻴﺮ ﺇﺫﺍ ﺍﻧﺴﺪّ *
*ﺑﻨﻔﺘﺢ ﻟﻴﻮ ﻣﺴﺎﻣﺎﺗﻨﺎ *
* ﻭﻧﻌﺒﺮ ﺑﻴﻮ ﻣﺤﻄﺎﺗﻨﺎ *
* ﻋﻠﻴﻬﻮ ﻧﻘﻴﻒ ﻭﻧﺴﺘﻬﺪﻯَ*
* ﻭﻧﻔﺘﺢ ﺻﻔﺤﺔ ﻭﺭﺩﻳﺔ*
* ﻃﺮﻳﻖ ﻧﻤﺸﻴﻪ ﺣﺮﻳﺔ*
* ﺑﺪﻝ ﻗﺼﺮ ﺍﻟﻈﻼﻡ ﻧﺒﻨﻲ*
* ﻟﻺﺷﺮﺍﻗﺔ ﻗﻄﻴﺔ *
* ﻓﻴﻬﺎ ﺣﻴﺎﺗﻨﺎ ﺑﻴﻮ ﺭﻏﺪﺓ *
* ﺩﻩ ﻓﻲ ﺟﻮﺍﻧﺎ ﻫﻮ ﺍﻟﺴﻮﺩﺍﻥ *
* ﺑﻠﺪ ﻧﺤﻤﻴﻪ ﻣﻦ ﺃﺣﺰﺍﻥ *
* ﻭﻳﻨﻬﺾ ﺗﺎﻧﻲ ﻓﻲ ﻏﻤﻀﺔ *
* ﻭﻣﻦ ﺳﺮﻃﺎﻥ ﻭﻣﻦ ﻛﻴﺰﺍﻥ *
* ﻭﻛﻞ ﻋﻤﺎﻳﻞ ﺍﻷﺧﻮﺍﻥ *
* ﻋﺸﺎﻥ ﻧﺮﺿﻴﻪ ﻟﻮ ﻳﺮﺿﻰ .*