Post: #2
Title: Re: نسوان آخر زمن!!!
Author: ترهاقا
Date: 06-21-2022, 10:21 AM
Parent: #1
تهديد صارخ للمتزوجات
حليل زمن إجازة النصوص والاصوات
|
Post: #3
Title: Re: نسوان آخر زمن!!!
Author: Hassan Farah
Date: 06-21-2022, 11:14 AM
Parent: #1
حليل زمن إجازة النصوص والاصوات
--------------------------------------------------
الاخ ترهاقا سلام
يا اخى الحكاية عبارة عن تشويه للفن السوداني وتمثيل دون المستوى ..… ما الذي يحرك مشاعر الفرح في كلمات تحمل في طياتها الخيانة والاختلاف والنزاع… انعدمت الكلمة الجميلة والاداء واللحن … لو الامر بيدي مثل هؤلاء يمنعوا من ممارسة الفن مدى الحياة
|
Post: #4
Title: Re: نسوان آخر زمن!!!
Author: Abureesh
Date: 06-21-2022, 11:24 AM
Parent: #3
وطــه سليمـان فــرحان أوى. يا طه أتقل شويـة الكلام دا ما صاح منك
|
Post: #5
Title: Re: نسوان آخر زمن!!!
Author: امتثال عبدالله
Date: 06-21-2022, 11:40 AM
Parent: #4
اغنية هابطة ما في شك...
ويا حليل الفن السوداني..
ويا حليلك يا الكابلي..ويا حليلك يا وردي..ويا حليلك يا ود الأمين و حمد الريح وعثمان حسين واليمني ....أصحاب الفن السوداني الأصيل...
وديل فنانات آخر زمن ..وفنانين آخر زمن..ونحيا ونشوف الاعاجيب..
.كل شئ في وطني إلى تدهور مريع..
|
Post: #6
Title: Re: نسوان آخر زمن!!!
Author: Mahjob Abdalla
Date: 06-21-2022, 12:22 PM
Parent: #5
قبل فترة في زول نزل الاغنية دى هنا و كانت المغنية في مسرح عام و افتكرتها اغنية (قونات) و لكن هذه المرة تبدو في استديو و معاها مشاهير كبار.
يعنى بقت عادية في المين استريم و مقبولة.
ده كلو كوم, لكن طه سليمان و الزولة المعاها منتشين قدر ده في شنو, ما قدرت افهما!
|
Post: #7
Title: Re: نسوان آخر زمن!!!
Author: Abureesh
Date: 06-21-2022, 12:32 PM
Parent: #5
دا كله عشان القروش.. الحق على دولة الإنقاذ التى أعلت من شأن المادة وختتها فوق الأخلاق وفوق الثيم. عشان القروش يدغدغوا عواطف الشباب بأى حاجة فيها ذكر للجنس
بصورة غيرمباشرة.. أو مباشرة. بنات شابات (يكلكلن) tickle الشباب بما يسموه أغانى وما هى إلا تعابير جنسية عشان العداد.. هذه ليست المدنية العايزنها.. الحكومة تترك الحبل على الغارب
وتقول لكل محتج .. موش دى المدنية العايزنها!!! حتى يتهتك المجتمع وتكون ثورة وينقلبوا على الحكم.. هذه هى الخطة الكبيــرة.
|
Post: #8
Title: Re: نسوان آخر زمن!!!
Author: مصطفى نور
Date: 06-21-2022, 02:02 PM
Parent: #7
السلام عليكم
الاخوه فى المنتدي العام
ان معالجة ظاهرة الاغاني الهابطة تتحقق من خلال ترجمة قيم الثورة باعتبارها ثورة وعي ومفاهيم، معتبرا ان لكل عصر اغانيه وان اغاني الهابطه في الدرك الاسفل من الاغاني الهابطة .
هل يحتاجها المجتمع؟
البعض يرى ان ضغوط الـ30 عاما الماضية وبؤس حال السودانيين افرز الاغاني السهلة والهابطة ، والنكات باعتبارهما من وسائل الشعوب في الترفيه تارة وفي السخرية من واقعها المرير..
ويرى استاذ علم الاجتماع د.عبد الناصر علي الفكي في حديثة لـ(كوكتيل)الى انه من المعلوم ان الثورات تحدث تغييرا جذريا في بنية المجتمع وتصوراته ومفاهيمه بما يعني ازالة نظام قديم لصالح نظام يعبر عن طموحات وأهداف الثوار والثورة ، لذلك يحدث صراع قيمي في سياق الثقافة الاجتماعية الموجودة. واضاف: ما يسمى بالغناء الهابط يعبر عن مجموعات تستخدم اللغات البسيطة وبعضها مقبول.
|
Post: #9
Title: Re: نسوان آخر زمن!!!
Author: امتثال عبدالله
Date: 06-21-2022, 02:49 PM
Parent: #8
مصطفى نور
كلامك سمح وزين
ولكن الثورة لا يمكن لها أن تحدث تغيير في بنية المجتمع ومفاهيمه بدون إعلام
وللأسف الثورة السودانية الآن لا تملك إعلام ولا تملك صحف ولا تملك قنوات
تلفزيونية ولا إذاعة وكل الصحف ووسائل الإعلام مسيطرين عليها رجال العهد البائد،
عهد اللصوص والحرامية ....واذا لم تتم تصفية كل اجهزة الإعلام من صحف وإذاعة
وقنوات تلفزيونية فلا يمكن للثورة ان تحقق أهدافها ومراميها ...
ان وسائط الإعلام والصحف التي يسيطر عليها رجال العهد البائد هي التي تواصل في
قتل الثورة ووأدها حتى يزهج الناس ويطالبوا بإعادة العهد القديم ،عهد اللصوص
والحرامية ...
ملحوظة خارج الموضوع:
كتبت مداخلة بالأمس هنا ووجدت فيها مليون خطأ مطبعي ...نحن نكتب شئ والكيبورد
بيكتب شئ ثاني ..وما بنعرف كيف نحل المشكلة دي ...
وحافتح بوست خاص اطلب من الخبراء المساعدة ...
|
Post: #10
Title: Re: نسوان آخر زمن!!!
Author: محمد بدرالدين
Date: 06-22-2022, 02:18 PM
Parent: #9
واااا اسلاماه
ضاااع الاسلام
اين المسلمون
هكذا صرخ السودانى باعلى صوته
فى اسواق جدة
عندما كبس عليهم الدوريات و التفتيش
و هو كان بلا اقامة مخالفا للانظمة
و ف النهاية اتخارج بسلامة
لان المطوعين اتلموا عليه و هو يبكى حرقة للاسلام
و ظنوه صادق الصراخ و البكاء
و هو كالانقاذييين يبكى لشى و امر كان يقصده
..
طيب الانقاذييين عندما صدقوا لهذه القنوات
الم يضعوا لهم قوانيين و لوائح
مثلا الا يسمح بغناء اى نص لم يجاز ؟
و باقى اللوائح التى تنظم و تضبط ليقدم القناة ما يشرف كل سودانى و يجعله يفتخر
معقولة اغنية تدعو لفواحش الاخلاق تغنى و تتلفز للعالم !!!
بقوة عين و جراءة تحسد عليها تقول ساكون عشيقة زوجك؟
و حتى يا زوج لا يغرك مصاحبتى لك ..لو اعجبتك نفسك و فرفرت انا عندى اسبير !!
..
الامر يحتاج لوقفة و لحملات ممنهجة و منظمة و من منظمات المجتمع المدنى و جمعيات و روابط المراة اولا ( لانها اهانة لهن اولا .. و المراة السودانية ليست كذلك ..و نشاهد الكنداكات كل يوم ف مسيرات الاحتجاج للانقلاب و دعما لسيادة حكم القانون) للحفاظ على اخلاقياتنا و تقاليدنا
نحن فى خطر
انما الامم الاخلاق ما بقيت فان هم ذهبت اخلاقهم ذهبوا
..و تقديرى و احتراماتى للدكتور حسن
و باقى الاخوة
|
Post: #11
Title: Re: نسوان آخر زمن!!!
Author: Hassan Farah
Date: 06-22-2022, 06:29 PM
Parent: #1
شكرا لجميع الاخوة المتداخلين وبنتنا امتثال على المشاركة فى النقاش
فعلا مثل هذه الاعمال المشينة تشوه سمعة البلد وتعكس صورة معيبة عن اخلاق شعبنا وتأثر سلبيا على اخلاقيات الشباب
ليس هناك مخرج الا بالعودة لنظام مراجعة نصوص الاعمال الفنية قبل تقديمها للجمهور
نطالب بعودة لجان مراقبة النصوص كما ذكر الاخ ترهاقا
|
Post: #12
Title: Re: نسوان آخر زمن!!!
Author: Gaafar Ismail
Date: 06-23-2022, 06:18 AM
Parent: #11
يجب مراجعة النصوص والأصوات أيضا
قديما كانت توجد لجنة إجازة الأصوات ، فمثلا فنان صوته جميل
مثل احمد الجابري لم يتم قبول صوته إلا بعد عدة تجارب .
حاليا اختلط الأمر فهناك فنانون لا تشعر بأي طرب عند سماع
اصواتهم .
|
Post: #13
Title: Re: نسوان آخر زمن!!!
Author: دفع الله ود الأصيل
Date: 06-30-2022, 04:05 PM
Parent: #12
* تعظيم سلام مربع ليك أخونا الحبيب ، حسن فرح ،ايخي
تسمح لي بسؤال غير موجه ليك طبعن ، لعلمي يقينان أنه لا ناقة لك
ولا بعيرَ في ما يحدس هنا ، فمعليش عندي تنيوه بسيط: أنو بوستك
الماتع هذا لقيتو بقدرة قادر موهطنو ليك في محل بوستي كان بعنوان:
∆ حلايبُ و شلاتينَ في قبضة مومِسٍ عمياءَ£ - فما عارف الحكساة دي
من شنو ، غايتو نقول: الله يكضب الشينة و أتمناه يكون كجرد خطأ فني
غير متعمد، علماً بأنو دا تاني بوست لي خلال اليوم دا ألقاهو مهكرنو
وكابنو لي في خور المايقوما؛ يلا بعد دا ندخل البغابة إلا ننضم لعو
جقود دافنشي و نقلب خط سيرنا على الثورة بالشنقيطي!!
|
Post: #14
Title: Re: نسوان آخر زمن!!!
Author: دفع الله ود الأصيل
Date: 06-30-2022, 04:16 PM
Parent: #13
[center
*]تعيب: آسف جدن أخوي الحبيب حسن فرح ، ربنا
يفرحك و يرفحنا معاك ، نبشرك لقينا البوست الرايح.
|
Post: #15
Title: Re: نسوان آخر زمن!!!
Author: Hassan Farah
Date: 06-30-2022, 06:51 PM
Parent: #1
نبشرك لقينا البوست الرايح.
--------------------------------------
الحمد لله !!!
|
|