هل الحزب الشيوعي هو الوريث الشرعي للثورات السودانية ...؟؟؟!!!

06:17 AM June, 02 2022

سودانيز اون لاين
Salah Zubeir-UAE
مكتبتى
رابط مختصر

قيادي شيوعي يفضفض ...

Quote: لا يمكن محاسبة اليسار باحداث متفرقة الحكم اما بكليات التجربة وبالفكرة نفسها واساسها وكيفية انزالها لارض الواقع .. تاريخ السودان الحديث لم يجد فيه اليسار الفرصة الكافية لكي توضع التجربة محل تشريح ولكن بالامكان ان نضع الفكرة مقابل الفكرة ونقيس على واقع الشعب السوداني اليوم اي الافكار هي الانسب للحكم وادارة البلاد وانماءها .. اليسار هو وقود الثورة الحالية بلا منازع وهو حجر الزاوية في التغيير والفاعل الاساسي في الشارع وهو الاحق بان ينال (السلطة) جزاء مجهوده الجبار في سبيل التغيير ... للذين سعو ولازالو الي يومنا هذا صامدين على المبدأ .. اي تغيير لا يأتي بأهل الثورة الحقيقين يعتبر تطفيف وتجديف في الهواء وستظل الثورة مستمرة دون كلل او ملل الي ان تتحقق الغايات ... هذا امر بزلت له الانفس رخيصة والارواح ... وسالت من اجله الدماء وصودرت حريات وسحلت الاجساد فلا مجال لاي تراجع عن اخذ الحقوق بلا من ولا اذى ولكن استحقاق مستحق بجدارة واكتساب .. او ان تظل الثورة مستمرة ..

كلمة اليسار هنا يستخدمها الشيوعيين كنوع من التقية
لعلمهم بأثر وقع كلمة شيوعي في أذن الشعب السوداني ..
أحزاب اليسار في الساحة هي ... البعث بأنواعه (٤ أو ٥)
الناصريين، التقدميين العرب، حق، تجمع الاشتراكيين
(ديل مرافيد الشيوعي)، ...إلخ
الملفت للنظر مقاطعة الحزب الشيوعي لأحزاب اليسار
كلها ... حيث لا شريك له يقاسمه الكيكه إذا وقعت في عبه...
وفي نفس الوقت لا مانع لديه بالتحدث باسمها للوصول
للسلطة كهدف استراتيجي تبذل له أنفس وأرواح أولاد
الناس (ليس فيهم من هو عضو فاعل في الحزب) رخيصة
قتلا وسجنا وتشريدا وضرب وسحل في الشوارع ...

Quote: وهو الاحق بان ينال (السلطة)

اذا قبلنا الكلام حول من يحكم وليس حول ( قضايا تأسيسية ) او ( تحول مدني ديمقراطي ) بل ( صراع حول السلطة) ومن يحكم ،،،، الاجابة ببساطة من يستحق ان يحكم هو من تاتي به صناديق الانتخابات ،، عدا ذلك هو توافق بين جميع المكونات المدنية ،،ن مافي شرعية غيرها

لجان المقاومة وميثاق سلطة الشعب ...
يؤكد الشيوعيين بأنهم هم من أشعل ثورة سبتمبر ٢٠١٣
وهم وراء مظاهرات يناير ٢٠١٨ وكوادرهم هي التي
أشعلت ثورة ديسمبر٢٠١٨ وهي التي زودت المتظاهرين
بأكلشيهات الثورة (تسقط بس) (حرية سلام وعدالة
والثروة خيار الشعب) (الصبه وصابنها ومشتقاتها) ..الخ
ويدعي الشيوعيين بأن فكرة لجان المقاومة هم الذين
ابتكروها منذ٢٠١٣ وهم الذين أنشئت وقامت على
اكتافهم كل تنسيقيات لجان المقاومة في كل أحياء وقرى
ومدن وولايات (السودان) ... ويدعي الشيوعيين بأن
(ميثاق سلطة الشعب) هو صناعة غرفة عمليات اللجنة
المركزية للحزب الشيوعي وان كل تحرك للجان المقاومة
وكل المظاهرات التي خرجت طوال الفترة من ٢٥ أكتوبر
إلى يومنا هذا يقف خلفها كوادر الحزب الشيوعي فقط ...

متسلبطين ساي .....
حاج الطيب إزيك

ههههه والله يا جعفر طلعنا ناس مساكين ونيتنا بيضااااا ...
صناديق انتخابات شنو... هاك فهم الناس ديل :-

Quote: الثورات في السودان لم تؤتي اكلها ولم تصل لغاياتها بسبب الديمقراطية ( الجاهلة) .. والثورات يجب ان تصل لغياتها بان يتولى امر انفاذ غاياتها الثوار المؤمنين بالثورة فقط .. الديمقراطية دي ذااااتة اتضح تماما انها شهرا نفقتو ارهقت العالم الديمقراطي او انها اداة تم تركيبها في بيئة منعمة جدا ومرفهة .. الصين الشعبية دي خير دليل على انو اولى الناس بالقيادة هم اهل الثورة الحقه فقصة الديمقراطيات المرفهة دي ذاتة اضحت تشغل تفكير العالم اليوم وكلما يتراضو تنط ليهم تجربة الصين وتؤرق مضاجعهم وتديهم القناعة انو العالم دا رقد وقام وقعد وصنقع واتمردغ وطلع بنتيجة مفادها انو السلطة سلطة الشعب والشعب الثائر هو الاحق بادارة نفسو ..

Quote: متسلبطين ساي .....

ههههه ... كدي يا حاج العوض عليك الله شوف دي بس :-

Quote: السلطة سلطة الشعب والشعب الثائر هو الاحق بادارة نفسو ..

يعني اي سوداني اتظاهر وطلع الشارع ول دعم الثورة دي
بي بوست زي بوستاتك ام ٥ نجوم بي هني و٥ نجوم بي هناك
دا زول ينتمي قلبا وقالبا لي الحزب الشيوعي رضيت ام أبيت
ومن حقك يعينك السكرتير العام للحزب الشيوعي (رئيس البلد)
وزيرا للخارجية عشان تمنع عودة صاحبك دونالد طرمب للحكم
مرة أخرى وتبقى بوستاتك هنا وفي تويتر والفيس تتناقلها
وكالات الانباء والميديا العالمية ...

Quote: الثورات في السودان لم تؤتي اكلها ولم تصل لغاياتها بسبب الديمقراطية ( الجاهلة) .. والثورات يجب ان تصل لغياتها بان يتولى امر انفاذ غاياتها الثوار المؤمنين بالثورة فقط ..

حاج الطيب بطل دجل
الزول دا قال ليك هم احق بقيادة الشعب
سلموها ليهم خلاص ..... 🤣🤣🤣

هاك الفضفضه دي يا حاج العوض :-

Quote: لا يوجد شعب حقيقي يمتلك الوعي الكافي بحقوقو .. بخلاف الشعب الذي يتوافق ويلتزم مع الحزب الشيوعي بالمبادئ والقيم التي يتنادى لها هذا الشعب ... شيطنة الحزب الشيوعي بلا اسس منطقية تقف على حقائق ثابتة تعتبر حرث في البحر ... الشباب الواعي مدرك تماما انو لا وجود لكيان سياسي يتوافق مع قناعاتة غير الحزب الشيوعي ... التقليل من هؤلاء الشباب وجحدهم جريمة في حق الثورة لانهم هم الثورة ولا وجود لثورة خلافهم .

خليني اكتب السطر الاخير مرة تانية :-
التقليل من الحزب الشيوعي وجحده جريمة في حق الثورة لأنو الحزب الشيوعي
هو الثورة ولا وجود للثورة بخلاف الحزب الشيوعي ...
🤣🤣🤣🤣🤣🤣🤣🤣🤣
قال ليك في حلقة الظار لبسو علالله لونا احمر وغطوهو بالفركه ... قام
صدق إنو عندو جن كلكي ...

الاخ صلاح
لا ادرى لماذا اقتحمت الجمهوريين مع اليسار.. لا إيد لا كراع.
لا فكريا ولا منهجيا ولا تكتيكيا يمتون لليسار بصلة. بل الاستاذ محمود حين سأله احدهم مرة قال
انه يميل للإخوان المسلمين اكثر من الشيوعيين لان (الإلحاد حاجة بعيدة)
ارجو تصحيح المداخلة.

Quote: لا يوجد شعب حقيقي يمتلك الوعي الكافي بحقوقو .. بخلاف الشعب الذي يتوافق ويلتزم مع الحزب الشيوعي بالمبادئ والقيم التي يتنادى لها هذا الشعب ..

صلاح الزبير
الايام دي عاجبني شديد سايق الشيوعيين في البورد بي الخلا
اتخيل بس الزول ده ما شايف الحركة الشعبية ولا الحزب الجمهوري ولا الجبهة العريضة
بس يبارو هو الي جحر الضب الخرب بتاعو ده قحت مرة وتجمع المهنيين مرة
وهم 70 سنة قاعدين كيسار عروبي بائس فارغ ومتحول بلا رؤية سودنية
وعمليا مات الحزب الشيوعي السوداني بمقتل عبدالخالق محجوب والشفيع الله يرحمهم بواسطة المخابرات المصرية والامريكية
وحثالة القوميين العرب القاعدين في راسنا لحدي هسة
الحزب الشيوعي السوداني مسخ مشوه للمشاريع المصرية وليس له علاقة بالماركسية التي حورها الصنيين والحزب الشيوعي
الصيني يالكنفوشية الصينية عشان تتحول الصين الي الاسطور
وشيوعي السودان
النومة وسهرة قهوة وسكرة
يرفس في الختمية والانصار لحدي هسة مايو2022
الختمية هو الحليف الحقيقي للاشتراكية السودانية الحقيقية الحركة الشعبية من 1988 لحدي هسة
غايتو لقيت ليك زول تسوقو بي الخلا
ديل ما بجوني في منطقة العلميات في خور بقرة ليه
انا الوحيد الشيوعي الحوثي في السودان شفت كيف
وشيوعتي عظيمة ما دايرة بل
ومشاكلي بسيطة بي بالريدة بتحل
قايمة علي الاقلمة والمشورة الشعبية بس
وعلي المزراعين والرعاة والمعدنيين والتجار في كل اقاليم السودان وبرنامجي واااااااااااح ما فاضح يعتمد
الله والشمس والذهب والصين ويتغير وجه السودان الكالح د ه لي الابد ما عندي شغلة بي تسعة طويلة الدولية وامريكا بتاعة الشيوعيين دي
وناس خالد سلك والشيوعيين يرفسو بين شروني والقصر
محن سودانية والله
كدي نشوف اخرتا

ههههههه
لا حزب لا نقابة
كلهم غابة
الشارع بس هو الذي يمثل كل سوداني

Quote: ويدعي الشيوعيين بأن فكرة لجان المقاومة هم الذين ابتكروها منذ٢٠١٣ وهم الذين أنشئت وقامت على اكتافهم كل تنسيقيات لجان المقاومة في كل أحياء وقرى ومدن وولايات (السودان) ... ويدعي الشيوعيين بأن (ميثاق سلطة الشعب) هو صناعة غرفة عمليات اللجنة المركزية للحزب الشيوعي وان كل تحرك للجان المقاومة وكل المظاهرات التي خرجت طوال الفترة من ٢٥ أكتوبر إلى يومنا هذا يقف خلفها كوادر الحزب الشيوعي فقط .

اللجان الشعبية من ابداعات علي محمود حسنين وصمم
علم
ورؤية
ودستور انتقالي حاجة مبالغة عديل كده
شيوعيين شنو
الشباب ديل مرقتهم ظروف خاصة استغلاها الامن السوداني والدول الناهبة للسودان وعملو سلسلة من الانقلابات من 2019 بن عوف والبرهان1 والبرهان2
والشيوعيين في كلام النملة انا والفيل هذينا الكبري وعيهم قديم ما عايزين يعولمو نفسهم اطلاقا
والمسنين ديل ضيعو ثورة الشباب من اول يوم
وهسة اللجان بدت تتملل من شغلهم الانتهازي الاخرق ده
عليك يا صلاح اربط لينا كل اللجان الشعبية في السودان بي مشروع علي محمود حسنين وعلمه وخليهم يزحو من بعاعيت مايو وعلم مايو مرة واحدة
بعد داك يكون الامر ثورة سودانية 100% والشباب يخلو اختراع العجلة ويردو الاعتبار لي علي حسنين وهو قادر علي قيادة الثورة من وراء الحجب
زي اي مناضل حر الموت ليس نهاية للاحرار
https://www.0zz0.com

Quote: (ميثاق سلطة الشعب) هو صناعة غرفة عمليات اللجنة

طبعا لانهم مورتوين عايزين يصفو حسابات مش يؤسسوو وطن
ميثاقهم يسبه بينات ابو عيسي سنة 1964
طلع برضو ميثاق سلطة الشعب عمل مشوه وخديج زي الوثيقة الدستورية 2019وادني من دستور 1973 ودستور 2005 ودستور حسنين الانتقالي 2016
وايضا من دستور الحزب الجمهوري السوداني العريق اسس دستور السودان 1968\
وخلي الناس تقرا وتقارن ياتو في المسودات دي دولة محترمة علي ورق
كيف يا صلاح
انسترت معاك ولي لسه ؟؟؟
ارمي قدام بس وسمكر الشباب مع علي محمود حسنين بس رؤية لا تموت
معاك سلامة
اتفشيت خلاس

من المتحدث - البفضفض - يا قريبك وهل دا رأيه الشخصي ولا موقف الحزب المعلن؟

Quote: لا ادرى لماذا اقتحمت الجمهوريين مع اليسار.. لا إيد لا كراع. لا فكريا ولا منهجيا ولا تكتيكيا يمتون لليسار بصلة

هلا أبوالريش ...
١ :- أظن قريت بعض من صفحات كتاب للأستاذ عنوانو :-
ساوو بين السودانيين في الفقر ليتساوو في الغنى ...
هنا يتفق الأستاذ تماما مع الاشتراكية البلشفية ...
٢ :- تماهي الجمهوريين مع ثورة مايو اليسارية ...
٣ :- استغلال اليسار في قحت لضرب المنهج الإسلامي اليميني
بواسطة الجمهوري القراي والحزب الجمهوري هو أحد أحزاب
قحت التي تدعم اليسار بصفة عامة ...

Quote: من المتحدث - البفضفض - يا قريبك وهل دا رأيه الشخصي ولا موقف الحزب المعلن؟

هلا كرومبو ...
عمتي ستنا الملقبه بي ألقمتن بتقولك :-
البراءة يا يابا تحرسك وتختمك يا المبروك إن داير
ود أخوي يكلمك ويقولك المتحدث منو ...
طبعا دا رأي الحزب الغير معلن خوفا من نوعك دا
تبشتنوهو في الأسافير ... هو ناقص ...

الأخ صلاح الزبير

تحية طيبة

Quote: ١ :- أظن قريت بعض من صفحات كتاب للأستاذ عنوانو :- ساوو بين السودانيين في الفقر ليتساوو في الغنى ... هنا يتفق الأستاذ تماما مع الاشتراكية البلشفية ...

صحيح الأستاذ محمود دعا للاشتراكية ولكنها تختلف عن الاشتراكية البلشفية أو الماركسية. جاء في كتاب "الماركسية في الميزان" بالدارجي السوداني ما يلي:

Quote: الإشتراكية ليست هي الماركسية: الإشتراكية موش هي الماركسية .. لكن الماركسية مدرسة من مدارس الإشتراكية .. و دي تقال لمصلحة الأخوان الماركسيين أنفسهم ، لأنهم هم بعتقدوا ، و بكلموا الناس بأنك إذا أنت كنت عاوز تكون إشتراكي لازم تكون ماركسي .. الحقيقة التي نحن نريدها أن تكون واضحة هي أن الإشتراكية إنما هي مصير الإنسانية بكرة .. ما في ذلك أدنى ريب لكن الإشتراكية لا يمكن أن تتحقق إلا إذا إنهزمت الماركسية .. هنا أفتكر ممكن نقيف .. و بإيجاز نقول إنو من حسنات الماركسية ، الفكرة التطورية ، و من حسنات الماركسية الدراسة الإقتصادية .. من أخطاء الماركسية إنو الفكرة التطويرية أخدها من الماضي وسحبها على المستقبل ، و هو عمل غير صحيح .. من أخطاء الماركسية تشويها للديمقراطية بأن تسمي الأشياء بغير أسمائها ، وتخلي حتى الوضع الدكتاتوري يسمي ديمقراطي .. من أخطاها المفارقة الكبيرة في أنها أنكرت الوجود الأكبر من وجودنا ، لمجرد أنها عجزت عن أن تدركه .. عجز كارل ماركس عن أن يدرك الله فذهب ليجعل العجز دا ذاتو فضيلة ، فقرر إنو الله ما في .. أنا أفتكر إنو دا الخطأ اللا يمكن ، مهما عملت الماركسية ، أن يعطيها شي كبير من الوقت تعيشه .. أخطاء كثيرة ، لكن في حاجة يجب أن تكون واضحة عندنا ، هي إنو الماركسية ، كما طبقت في روسيا ، و في الصين ، مرحلة من مراحل التاريخ البشري ، و قد كانت ضرورية تماماً ، وخدمت الغرض تماماً .. إذا كان نحن عاوزنها تنسحب للمستقبل يبقى الخطأ خطأنا نحن .. لكن إذا أخذنا العبرة من تطبيقها ، في نجاحها و فشلها ، في مدى الخمسين سنة الماضية فإنها هي نشاط بشري جم الفائدة و عنده قيمته العظيمة ، و علينا أن نستفيد مما ليهو من صواب ، و أن نصحح ما عليه من أخطاء ، لنمشي لي قدام بتطبيق النظام الإشتراكي المصحوب بالنظام الديمقراطي .. و ما أعتقد أن دا بيجي إلا عن الفهم الصحيح لحقائق الوجود التي حاولنا أن نقدمها ، في الوقت الحاضر ، و هي مأخوذة من الفكر الإسلامي الجديد .. أفتكر في المرحلة دي أترككم لتشاركوا في النقاش بعدما طالت المقدمة بالصورة دي .. شكراً ..

Quote: ١ :- أظن قريت بعض من صفحات كتاب للأستاذ عنوانو :- ساوو بين السودانيين في الفقر ليتساوو في الغنى ... هنا يتفق الأستاذ تماما مع الاشتراكية البلشفية ... ٢ :- تماهي الجمهوريين مع ثورة مايو اليسارية ... ٣ :- استغلال اليسار في قحت لضرب المنهج الإسلامي اليميني بواسطة الجمهوري القراي والحزب الجمهوري هو أحد أحزاب قحت التي تدعم اليسار بصفة عامة ...

هلا صلاح..
مع الأسف كل النقاط التى أوردتها أعلاه، وأقول ليك يعنى مع الأسف.. وبصراحة.. هى قراءة من السطح فقط.. كلها.. ساووا السودانيين فى الفقر كما فى الغنى هذا مبدأ
إسلامى قبل أن يولد ماركس.. وعمر قال لو استقبلت من أمرى ما استدبرت لأخذت فضول أموال الأغنياء ورددتها على الفقراء. وموضوع مايو وتأييد الجمهوريين لها
شوهه الشيوعيون وغيرهم لأسباب سياسيـة.. وقد قتل بحثا هنا فى هذا المنبر.. موضوع قحت .. وقحت ظهرت قبل ثلاث سنين ولا يوجد الحزب الجمهورى الان كما كان
والحزب الجمهورى الموجود الان مفتوح لكل السودانيين ولا يفرض الإلتزام بالفكرة الجمهورية على أعضائه.. والأخ القراى يمثل نفسه وقد قال ذلك مرات كثيرة.. أرجو أن تنأى
بنفسك عن اسلوب الأحزاب الرخيص وتكون عادلا ومنصفا. والحياة قصيــرة.

الأخ صلاح تحية
من هو المتحدث وماهو موقعه القيادي في الحزب الشيوعي ؟ نريد توثيقا لما أوردته وإلايكون الحديث يتيما أو مختلقا بغرض التشويش وصرف الناس عن صراعهم الأساسي مع السلطة الغاشمة ومع من يقتل ويعذب ويستبدويستولي علي السلطة بقوة السلاح ويصادر حريات حقوق الشعب فليحلم من يشاء بالحكم أو وليدعي
من يشاء تمثيل الجماهير فنحن لانصادر الأحلام والأمال ولن نتفرغ لمطاردتها ـ الجماهير الان في معركة ضد من سرق ثورتها وإنقلب عسكريا علي الثورة ومن أزهق الأرواح ـ

حاج الطيب اوضتك دي فتحت فيها شباكين بجيبو ليك هوا شديد .... 🤣

شوف يا ابوالريش شغل الردع الشخصي دا ما قاعد يمشي معاي ...
فا شنو ... بلاش الحياة قصيرة وخليك عادل ومنصف وقرايتك سطحية ..الخ ...
خلينا نتناقش في الموضوع ونبعد عن الشخصي ...
لن تستطيع أن تنكر ان الاشتراكية هي تلتين العقيدة الشيوعية ...
ولن تستطيع أن تنكر بأن الجمهوريين ايدو جعفر نميري منذ أيامه الأولى إلى
مصالحته مع الاسلاميين ١٩٧٧ ...
ولن تستطيع أن تنكر استغلال الحزب الجمهوري بواسطة قحت للنيل من الاسلاميين
حتى لو انكر القراي تمثيله للحزب الجمهوري ...
دي ٣ حقائق ناصعة البياض تنفي ما قلته أدناه ...

Quote: : لا ادرى لماذا اقتحمت الجمهوريين مع اليسار.. لا إيد لا كراع. لا فكريا ولا منهجيا ولا تكتيكيا يمتون لليسار بصلة

Quote: من هو المتحدث وماهو موقعه القيادي في الحزب الشيوعي ؟ نريد توثيقا لما أوردته وإلايكون الحديث يتيما أو مختلقا بغرض التشويش

مرحب حبابك أستاذنا كمال ...
هههههههههه بي صحك يا كمال .... اصلا ما سمعتا بي سرية المصادر وقوانينها ...
هاك دي :-

Quote: المصادر أو ما تسمى أحيانًا مبدأ سرية المصادر أو كما تسمى في الولايات المتحدة امتيازات المراسل هي حق ممنوح للصحفيين بموجب قوانين العديد من البلدان وأيضًا بموجب القانون الدولي. فهذا يعني وببساطة أن السلطات، بما فيها المحاكم، لا يمكن أن تجبر الصحفي على الكشف عن الهوية المجهولة لمصدر الخبر

ياريت تناقش الافكار التي أتى بها المصدر ... ياها دي المصيبة
الناس المفروض تركز فيها ...

سلام للجميع~
الأخ صلاح ،
اى كلام تكتبه للمصداقية المفروض تجيب صرح هذا الشخص أو دا مكتوب فى هذا المكان وتجيب الكوت من المصدر المحدد. غير كدا يظل زعل منك ساكت لأنه ما هرشوهم وكيف يحيوا ويعيشوا ويصلوا كاودا ولما يرجعوا بفرش أسنانهم (الحقوق محفوظة ليك) لم "يُهرشوا"!
ثانى شئ اليسار البتقوله دا ، يا لمجلسك التشريعى(أو اى إسم آخر) المنتخب والجماعة الرصيتهم ديل كلهم قاعدين يسار القاعة!
وقت ما هرشوا ليك الشيوعين فى ذهابهم وعودتهم سالمين من كاودا جيت تدخلهم مع بعض الأحزاب الكانت فى الحكومة - دا زهج من الكهرباء القاطعة دى وياهو يكون الشيوعين قطعوا الأسلاك😀

Quote: حاج الطيب اوضتك دي فتحت فيها شباكين بجيبو ليك هوا شديد .... 🤣

سلام حاج الطيب
بعد مداخلتي دي إعتبرهم اربع شبابيك في اوضتك دي لغاية هسه.

اتوقع في مستقبل البوست إنو اوضتك دي تكون ثلاثية وشبابيكها مية.

Quote: يعني وببساطة أن السلطات، بما فيها المحاكم، لا يمكن أن تجبر الصحفي على الكشف عن الهوية المجهولة لمصدر الخبر

إنت يا صلاح زبير بتنقل ساي لا بتقرأ لا بتفكر؟
سرية المصادر تنطبق على الأخبار.
هسه وينو الخبر الإنت جبتو هنا؟

Quote: ياريت تناقش الافكار التي أتى بها المصدر ... ياها دي المصيبة الناس المفروض تركز فيها .

يا أخونا صلاح دى كثيرة شديد - أفكار ومصدر، وما عليكم إلا ان تعتبروا هذا الكلام المقطوع من الرأس "أفكار" وقالوه الشيوعين بالدس منكم!
يا أستاذ صلاح الشيوعين ديل بيعملوا ندوات ومؤتمرات عديل على الهواء ولا داسين فكرهم وشغلهم.
إنت تجيب كلام ما حاصل وبس أهرشوهم أهرشوهم - دى أفكار 😀

Quote: ياريت تناقش الافكار التي أتى بها المصدر ... ياها دي المصيبة الناس المفروض تركز فيها ...

يا حبيبنا جدا ما في مشكلة نناقض الافكار الجابها (المصدر)
يلا عشان تناقش فكرة - أي فكرة - لازم تعرف صاحبها منو عشان الفكرة ما بتقوم بروس, عندها صاحب و عنده طريقة قراية وتحليل و تفكير معروفة على اساسها تقدر تقيم هل يستحق النقاش ولا حيكون زي بوستات الاطرش داك مثلا أفضل ما تفعله ان تكتفي قراءة اسمه لتعرف المحفوظات الح يكررها فتتخطى البوست وتحافظ على مزاجك

بالضبط. كدة. يا اخ حافظ بشير
دا ما خبر
دا راي او وجهة نظر
وبعدين متين. الحزب الشيوعي طرح فكرة تحالف يسار ؟

او تحدث باسم قوي اليسار؟
نصف تختلف قحت تقريبا وشركاء كثر في حكومة حمدوك كان من اليسار. ومع هذا كان. يعارضهم الحزب الشيوعي
واكبر ضربة في تاريخ الحزب الشيوعي. وجهت قوي وتيارات يسارية -يوليو ١٩٧١

اذا. السوال من هو صاحب الراي ووجهة النظر التي وردت فى صدر البوست وماهو موقعه القيادي ؟

هههههههه والله العظيم انتو ناس حلوين خلاص ...
يا حلوين ... مولانا وكرمبو وأستاذتنا هدي ...
طبعا كل واحد فيكم قرأ البوست دا المعنون بي :-
هل الحزب الشيوعي هو الوريث الشرعي للثورات السودانية ؟؟؟!!!
وبالتأكيد في كم مداخلة عملتهن بتشرح العنوان دا ...
فا شنو ... أي واحد فيكم عندو مشكلة في الكلام المكتوب داخل
البوست يخت اصبعو في المكان وحبابو عشرة ... أي زول متظلم
ومتضرر من محتوى البوست عندو فرصة قبل ما يفتح بلاغ في
الشرطة يعمل ايميل للريس عشان يصفدني أو يحددني أو يخليني
ليكم كلوريد صوديم رافع للضغط والسكري والكلسترول ...
اب شيبه قائد الحرس الجمهوري هو العام باعتقال نميري
وابوالقاسم وزينكو يوم ١٩ يوليو وكان من اول الذين أعدمهم
نميري بعد فشل الانقلاب ...
بعدين منو القال ليكم كل حزب لازم يكشف ما عنده من خطط لي
الشمشارين بتاعين سودانيزاونلاين ...

الحته دي عايزه إعادة كتابة :-
اب شيبه قائد الحرس الجمهوري والمسؤول الأول من
أمن رئيس البلد هو الذي قام باعتقال نميري وابوالقاسم
وزينكو يوم ١٩ يوليو ... وكان من أول الناس الأعدمهم
نميري يوم ٢٥ يوليو ...

Quote: اذا. السوال من هو صاحب الراي ووجهة النظر التي وردت فى صدر البوست وماهو موقعه القيادي ؟

بالتأكيد الكلام المكتوب في البوست دا لا هو راي لا هو
وجهة نظر ... دي استراتيجية أو خارطة طريق يتم تنفيذها
الآن على الأرض ... وتسربت بي طريقة ما ... دي كل القصة ...

Quote: بالتأكيد الكلام المكتوب في البوست دا لا هو راي لا هو وجهة نظر ... دي استراتيجية أو خارطة طريق يتم تنفيذها الآن على الأرض ... وتسربت بي طريقة ما ... دي كل القصة ...

أخونا صلاح~
كدى قارن الكتابة تبعك ( أول واحدة مثالا) من "مصادرك" مع أدبيات الحزب الشيوعى السودانى ، وهم زاتهم ورق مؤتمراتهم بينشروا للناس فى الجرائد عشان التزويرات الزى دى؛
كوتاتك دى كلام كيزان (قالوا تطفيف😀).
لاحظت إنه أمن الكيزان وغيرهم بيطلع حاجات زى دى كثيرة. بس إنت ما كنت تجيبها زى قصة الڤيديو بتاع البرازيلين وترجمة للإنجليزي القلت عليهم أب وولده قبل ما تسمعه رغم إنك والحقوق محفوظة ليك بلبل فى الإنجليزى😀

كتب الاخ صلاح زبير
((بالتأكيد الكلام المكتوب في البوست دا لا هو راي لا هو
وجهة نظر ... دي استراتيجية أو خارطة طريق يتم تنفيذها
الآن على الأرض ... وتسربت بي طريقة ما ... دي كل القصة))
كيف عرفت انها خطة واستراتيجية حزبية. ؟
ماهو الدليل ؟ هات الاثبات ؟
ادعم كلامك بالتوثيق

لو ان الحزب خطة او استراتجية. هكذا - عليك اذا عب الاثبات وابراز نص الوثيقة. الحزبية التي تضمنت هذا الكلام
هات الوثيقة

انت وحدك من نسبت هذا الكلام لشيوعي وكمان قيادي
وهنا تمت مطالبتك. بايراد الاسم والصفة الحزبية القيادية
لتعود وتصنف الكلام لانو خبر
انت من قلت انه خبر مصدر قيادي شيوعي
وبعدها تحول الكلام من خبر لقيادي الحزب لخطة واستراتيجية حزبية

لو قلت ياجماعة انو انا او اي شخص اخر تستند عليه وصل من خلال الاستقرا والاستنتاج. والتحليل
لمعطي يقول بان الحزب الشيوعي ويسعي. للمضمون الذي ورد في. صدر. البوست
لكان الامر. عادي.

Quote: العالم دا رقد وقام وقعد وصنقع واتمردغ وطلع بنتيجة

ههههههههه
أخونا سلاه زوبير
قلت لي دي إستراتيجية تسربت بطريقة ما؟
هسه في ذمتك دي صنقع واتمردغ ديل بتسربن كيفن؟🙃
بتحت الباب ول بالشباك؟
وعليك الله كلمات كباااااااار قدردا ما يخجلن يجن متسربات قدام اخواتن الكلمات الصغار؟🙃🙃🙃

أستاذه هدى ...

Quote: كدى قارن الكتابة تبعك ( أول واحدة مثالا) من "مصادرك" مع أدبيات الحزب الشيوعى السودانى

مع إني ضعيف في الإنجليزي لكن غلبني افهم إنتي عايزه تقولي شنو ...

Quote: وهم زاتهم ورق مؤتمراتهم بينشروا للناس فى الجرائد عشان التزويرات الزى دى؛

تزوير شنو وورق مؤتمرات شنو يا أستاذه ... دا مصير بلد بي حاله عايزين يسرقوهو

Quote: كوتاتك دى كلام كيزان (قالوا تطفيف😀).

ههههههههههه قولي والله ... يعني العبد لله كوز ول الكتب الكلام هو الكوز 🤣🤣

Quote: لاحظت إنه أمن الكيزان وغيرهم بيطلع حاجات زى دى كثيرة.

صدقتي مادام قالو تطفيف ...

Quote: بس إنت ما كنت تجيبها

غلطان ورمدان وطالب السماح ...

Quote: زى قصة الڤيديو بتاع البرازيلين وترجمة للإنجليزي القلت عليهم أب وولده قبل ما تسمعه رغم إنك والحقوق محفوظة ليك بلبل فى الإنجليزى😀

هههههههه ... القصة دي حا تلازمك كتير ...

Quote: كيف عرفت انها خطة واستراتيجية حزبية. ؟ ماهو الدليل ؟ هات الاثبات ؟ ادعم كلامك بالتوثيق لو ان الحزب خطة او استراتجية. هكذا - عليك اذا عب الاثبات وابراز نص الوثيقة. الحزبية التي تضمنت هذا الكلام هات الوثيقة انت وحدك من نسبت هذا الكلام لشيوعي وكمان قيادي وهنا تمت مطالبتك. بايراد الاسم والصفة الحزبية القيادية لتعود وتصنف الكلام لانو خبر انت من قلت انه خبر مصدر قيادي شيوعي وبعدها تحول الكلام من خبر لقيادي الحزب لخطة واستراتيجية حزبية لو قلت ياجماعة انو انا او اي شخص اخر تستند عليه وصل من خلال الاستقرا والاستنتاج. والتحليل لمعطي يقول بان الحزب الشيوعي ويسعي. للمضمون الذي ورد في. صدر. البوست لكان الامر. عادي.

هههههههه amazing ...
يا استاذنا كمال ... الشكليات دي ملحوقه خش في الموضوع ...
وطمنونا انو الحزب الشيوعي بريء براءة الذئب من دم ابن يعقوب
من الغدر بمن في الساحه وانو الحزب ليس بي أخوة سيدنا يوسف
ترمونا في البير وتقولو اكلنا الذئب ...

Quote: ههههههههه

بلاهن

Quote: أخونا سلاه زوبير

حباب مولانا السبيلين ...

Quote: قلت لي دي إستراتيجية تسربت بطريقة ما؟ هسه في ذمتك دي صنقع واتمردغ ديل بتسربن كيفن؟🙃 بتحت الباب ول بالشباك؟

الصعيدي agent في المخابرات ادوهو الراديو وقالولي
تراقب جاسوس خواجه وحا نتابعك من غرفة العمليات
وشبكن ليك ... نعم يا فندم الخواجه طلع من الفندق
وماشي ناحية ميدان التحرير وانا وراهو ... نعم يا
فندم الخواجه ركب تكسي وانا وراهو راكب تاكسي ...
نعم يا فندم الخواجه وقف أمام محطة السكة حديد
ونزل وأنا نزلت وراهو ... نعم يا فندم الخواجه ركب
قطر الصعيد وانا ركبت قطر أسكندرية ... هههههه
داير ازعلك التصنقع والتمردغ دا كاتبو انا ولا مكوت
من (المصدر) ... غايتو إن بقى من المصدر تبقى
مداخلتك دي بعزقة باندويدث ساكت ... 😃😃😃

Quote: وعليك الله كلمات كباااااااار قدردا ما يخجلن يجن متسربات قدام اخواتن الكلمات الصغار؟

عيب عليهن... بكلمو يأدبن شويه ... 🤣🤣🤣

لجان المقاومة وتحكم الحزب الشيوعي عليها :-

طيب وقت اصلها تسريبات - ساي - كان تجيب دي



على الاقل عندها مصدر بي العولاق العليه ممكن تليس فيه بدل زرزرة مولانا دي

Quote: الشكليات دي ملحوقه خش في الموضوع ... وطمنونا انو الحزب الشيوعي بريء براءة الذئب من دم ابن يعقوب

يعني نطمنك بأن رجحون هو الذئب الذي لم يأكل إبن يعقوب؟
الذ شي في البوست دا إنك إنت يا سلاه زوبير قايل إنو في موضوع في البوست😝.
كمان بكل جدية قال خش في الموضوع قال.
😂😂😂

اخونا حاج الطيب سيرو و نحن من خلفكم ....
و لا نامت اعين اي زول .....

مولانا ... أنا عندي إعتقاد جازم بأنك لا ياي
لا مساعد ياي ... مالك عايز تشككني ...
الشمش عندكم بدري على المغيب ...

سلام يا بلبل😀 (الحقوق محفوظة للأستاذ صلاح)
مش قالوا الحزب الشيوعى ما بيملأ هايس ولا حافلة زمان!
طيب نفس الناس القالوا الكلام دا عن الشيوعين نفسهم يجوا يقولوا ناس الحافلة حيورثوا نضال الشعب السودانى.
* الشعب السودانى القتلة زات نفسهم ما قادرين عليه ولا بيأثر فيه زول والقرار فى يده .
إذا القصة عشان ما هرشوهم 😀بسبب كاودا يبقى دا موضووع تانى.

البوست ده فيهو موضوع

وهو جزء من حملة النظام الانقلابي وجهاز أمن الكيزان
لتشويه مواقف الحزب الشيوعي الداعم بقوة لمطالب الشارع
لضرب لجان المقاومة وتقسيمها
لضرب الثورة
وتمرير مشروع التشوية
وهيهات

عثمان سر الختم متحدث ـ عضو بلجنة الكلاكة الوحدة كما ذكر هو بنفسه يقول إنه حدث تكتل وشبهة خروج عن النظام الأساسي
- ثم القفز لإدعاء تمثيل كل الكلاكلات
- ثم جنوب الخرطوم
وبعدها وصف متحدث بلجان الخرطوم ـربما المدينة
- ومابعيد أنو الإنتباهة بكرة تقول ولاية الخرطوم
ثم يصفه إسحق فضل الله بعدها بزعيم لحان مقاومة عموم السودان
ـــ

أخونا صلاح المادة التي نقلتها ركيكة فاقدة المصداقية ـ يتيمة ـ بلا مصدر أو أصل مهلهلة ضعيفة السبك والنسج يفتقر كاتبها للإبداع والقدرة علي التأليف
متين الحزب الشيوعي دعا لتكتل وتحالف يسار أو إستخدم هذا المصطلح في مثل هذه السياقات ـ متي دعا لحكومة يسارية ؟لو كان الكاتب مبدع ومطلع لقال حكومة تعبر عن أصحاب المصلحة في التغيير.ـ قوي الثورة الحية بدلا عن تعبير اليسار د
ا(( نصف تحالف ل قحت تقريبا وشركاء كثر في حكومة حمدوك كان من اليسار. ومع هذا كان. يعارضهم الحزب الشيوعي واكبر ضربة في تاريخ الحزب الشيوعي. وجهت قوي وتيارات يسارية -يوليو ١٩٧١)) جاء في المقتطف (بكليات التجربة وبالفكرة )

وكانت الأخت ميادة كمال عضو المنبر ـ في عهده الوسيط
كانت قد إستصكت مقولة سار بها الركبان وهي
" مثلي لايُسأل عن مصدر "

المضحك في البوست دا ... إنو الموضوع كاتبو
بدون شك شيوعي (حالم) أيا كان وضعه التنظيمي...
مش كدا وبس ... لم أرى دفاعا عن الحزب وعن
عضويته وعن وضعه الحالي والمستقبلي بهذا المستوى
الفريد والجديد والعصف الذهني الذي بذل في تحديد
الأهداف والاتجاهات ... إذا كان ما قيل في هذا البوست
صادر عن قيادات الحزب فلا أرى ما يعيبه ... اصلا الحزب
يعزف منفردا منذ نوفمبر٢٠١٩ ومافي حزب أو جهة
في الساحة ماليه عينو ... يبقى فضفضت هذا القيادي
تصب في اتجاه نشاط وأهداف الحزب ...
بالتأكيد موضوع البوست ليس صلاح ولا الكيزان
ما لم من علقو هنا وركزو على الكيزان وصلاح لهم
تكتيك بعرفو براهم ولا يغيب عني أنا ولا عن
عزيزي قاريء هذا البوست ...

Quote: شوف يا ابوالريش شغل الردع الشخصي دا ما قاعد يمشي معاي ... فا شنو ... بلاش الحياة قصيرة وخليك عادل ومنصف وقرايتك سطحية

يا صلاح باللاى لا تذر الرماد فى العيون.. انت قلت ان الجمهوريين مع اليساريين والشيوعيين لأنهم يدعون للإشتراكية.. وهذه قراءة ليست بأى عمق للفكر الجمهورى. سميها ما شئت
الإشتراكية قلت ليك هى أصل إقتصاد الإسلام (ما رديت على دى مالك؟) وحديث سيدنا عمر.. بل حديث نبينا عليه السلام حين أخبر عن الأشعريين.. الحديث فيما معناه:
"كان الأشعريون إذا أملقوا أو كانوا على السفر وضعوا ما عندهم من زاد ثم اقتسموه بالسوية.. أولائك أنا منهم وهم منى. أو كما قال.. وهذه شيوعية وليست إشتراكية فقط.. لكنك
يبدو تعتقد ان الإشتراكية ما دام نادى بيها ماركس والماركسيون، إبان عيونا خضر معناها لم يسبقهم عليها الإسلام.
بعدين قلت ليك القراى لا يمثل الجمهوريين فى مشاركته، وهو قال ذلك.. والجمهوريون اساسا ضد المشاركة فى أى سلطة وأى انتخابات منذ نشاة الحزب عام 1945م.. والقراى تصرف
من تلقاء نفسه وضد سياسة الفكرة الراسخة من رسالة الحزب وهى التوعية وليست الحكم.. والقراى نفى انه يمثل الجمهوريين، ومن يعرف الجمهوريين يعلم انه لا يمثل خط الفكرة
الجمهورية القائمة على نشر الوعى وسط الشعب. لكنك تصر اصرار غريب انه يمثلهم وقلت حتى لو قال ذلك فإنه يمثلهم.. حاجة غريبة. لو كان الجمهوريون غير مشاركين ولكن
فى ممارستهم وفكرهم يمكن ان يشاركوا لوجدنا لك العذر.. لكن عدم مشاركة الجمهوريين نابعة من الفكرة نفسها ومن تأريخ الحزب الجمهورى. يعنى مبدأ لم يحيدوا عنه، وكل فرد
يتصرف بغير ذلك فهو المسؤول وليس الجمهوريين. هذه نفس حادثة الطالب المنتسب للحزب الشيوعى الذى اساء الى بيت الرسول، فقام الأخوان المسلمون والطائفييون وحتى القصر
الجمهورى وقالوا ان الطالب يمثل الحزب الشيوعى ثم طردوا نوابهم من البرلمان وحلوا الحزب الشيوعى.. انت تعيد التأريخ الان يا سيدى الفاضل.
طبعا لن تستطيع الرد على (مبدأ) الإشتراكية فى الإسلام رغم ان الممارسة كانت رأسمالية.

الكلام. المجهول المصدر وهوية القائل وصفته الحزبية
- علي ركاكاته وتهافته. لايعني شي ولاقيمة
لهًو
اها اليسار. المزعوم. دا. - يدعي التعبير عن الثورة وتمثيل الجماهير ويري احقيته بقيادة. الحكم
- دي احلام وامال كاتبه - فلنعتبر دا دعاية انتخابية - عليه ان يثبت. تمتعه بهذه الشعبية. عبر صناديق الاقتراع - والتي ستكون فيصلا. بينه وبين غيره
اما في الفترة الانتقالية. السابقة وربما التالية. فلليسار او اغلب تنظيماته تحالفته من قوي اليمين والوسط. في قحت

كويس انً.و كاتب المقال ما قال عاوز يعمل انقلاب او او عاوز يتحالف. مع اللجنة الامنية - والناس الما كاربة قاشة !

يبقي الكارثة وين ؟
ماهي احزاب الفكة وترك عايزين يتحكمو في الفترة الانتقالية
وماهو ناس اعتصام القصر وتحالف حركات جوبا بري انه الاحق بالحكم في فترة الانتقال وانو هو من اسقط البشير

اها من المفارقات
انو الحزب الشيوعي وكتل ثوزية اخري -
تقف ضد تحالف قحت وضد المحاصصات والتمثيل الحزبي في السلطة
ولم يطالبو بسلطة وحصة ولم يدعو او ينخرطوا في تحالف يسار

عموما. الكلام المكتوب فوق دا علي علاته وتهافته لايمثل جريمة او كارثة
يمكن مقارنتها بالانقلاب والقتل والهيمنة والقمع والدمار الماثل
اها نخلي القاتل والمدمر ونتفرغ. لمطاردة. احلام وامال الناس المشروعة والمصنوعة والمختلفة ؟

دي بقت الكارثة والاولويات هسي ؟

فيا اخونا صلاح

الناس لمًا طالبت بالمصدر وتسمية. الشخص وصفته الحزبية - طالبته حتي يستقيم الحوار ويقف. علي ارجل مش تجنبا لنقاش ما اوردته انت - منبتا ومقطوعا من شجرة

Quote: البوست ده فيهو موضوع وهو جزء من حملة النظام الانقلابي وجهاز أمن الكيزان لتشويه مواقف الحزب الشيوعي الداعم بقوة لمطالب الشارع لضرب لجان المقاومة وتقسيمها لضرب الثورة وتمرير مشروع التشوية وهيهات

الزول دا جا شايت ضفاري .....
حاج الطيب لابس شنكارات و ل سيقانك مكشوفة ... ؟؟؟ 🤣🤣🤣🤣

هسه يا سلاه زوبير بدل الزرزرة المزرزرنها ليك ناس كمال عباس وكرمبو وهدى دي، لو كان قلت

Quote: المصدر عدة صوالين في محليات مختلفة ...شرق النيل وبحري وامدرمان ...

ما كان إتحليت من الزرزرة دي؟
😝😝😝

المقتبس من بوست سابق لأخونا سلاه زوبير عن خبر عن تنحي البرهان.
البوست بتاريخ 21 اكتوبر أي قبل اربعة أيام من إنقلاب 25 اكتوبر.

سلام يا حاج العوض وحاج الطيب~
السطر الأخير دا بالذات ما كنت تعيده!

Quote: هاك الفضفضه دي يا حاج العوض :- Quote: لا يوجد شعب حقيقي يمتلك الوعي الكافي بحقوقو .. بخلاف الشعب الذي يتوافق ويلتزم مع الحزب الشيوعي بالمبادئ والقيم التي يتنادى لها هذا الشعب ... شيطنة الحزب الشيوعي بلا اسس منطقية تقف على حقائق ثابتة تعتبر حرث في البحر ... الشباب الواعي مدرك تماما انو لا وجود لكيان سياسي يتوافق مع قناعاتة غير الحزب الشيوعي ... التقليل من هؤلاء الشباب وجحدهم جريمة في حق الثورة لانهم هم الثورة ولا وجود لثورة خلافهم . خليني اكتب السطر الاخير مرة تانية :- التقليل من الحزب الشيوعي وجحده جريمة في حق الثورة لأنو الحزب الشيوعي هو الثورة ولا وجود للثورة بخلاف الحزب الشيوعي ... ...

Quote: سلام يا حاج العوض وحاج الطيب~

قدمتيني علي صاحب البوست ....؟؟؟ 🤣
و عليكم السلام و رحمة الله تعالى و بركاته ...

Quote: قدمتيني علي صاحب البوست ....؟؟؟ 🤣 و عليكم السلام و رحمة الله تعالى و بركاته ...

عارف يا حاج العوض ... وجودك في البوست مهم جدا في
ظل مناوشات مولانا وجزئيا كرومبو ... أبقى قريب النشوف
حصيلة اليوم ...

Quote: يا صلاح باللاى لا تذر الرماد فى العيون.. انت قلت ان الجمهوريين مع اليساريين والشيوعيين لأنهم يدعون للإشتراكية.. وهذه قراءة ليست بأى عمق للفكر الجمهورى. سميها ما شئت الإشتراكية قلت ليك هى أصل إقتصاد الإسلام (ما رديت على دى مالك؟) وحديث سيدنا عمر.. بل حديث نبينا عليه السلام حين أخبر عن الأشعريين.. الحديث فيما معناه: "كان الأشعريون إذا أملقوا أو كانوا على السفر وضعوا ما عندهم من زاد ثم اقتسموه بالسوية.. أولائك أنا منهم وهم منى. أو كما قال.. وهذه شيوعية وليست إشتراكية فقط.. طبعا لن تستطيع الرد على (مبدأ) الإشتراكية فى الإسلام رغم ان الممارسة كانت رأسمالية

يا ابوالريش موضوعنا هنا اشتراكية الماركسيين ومن يدور في فلكها ... الاشتراكية
والاسلام دا ما موضوع البوست ... لو عايز تناقشو في بوست جديد ما عندي مانع أشارك
وأوريك فهمي ... مبدئيا كدا الإسم (الاشتراكية) ظهر في القرن التاسع عشر وعرفت
الشيوعية في بداية القرن العشرين ... اشتراكية الشيوعيين فيها سلطة (القلع) من الغني
لإعطاء الفقير والاسلام ترك التكافل لي اخلاقك ... ما عايز تدي مافي زول بجبرك
وحتى الزكاة التي هي ركن من أركان الإسلام ترك امر تنفيذها للمسلم نفسه ليصح
إسلامه وتقربه لله عز وجل ... تعاليم الإسلام جاءت لتكمل مكارم الأخلاق وليس
لتتحكم في مصائر الناس زي الاشتراكية التي تكبل نجاح وطموحات الفرد ...
بعدين هل اسم (إشتراكية) دا ورد في القرآن ول السنة؟ عليك الله لو ورد
ادينا خبر لأنو حا يكون معلومة جديدة لي ...

Quote: لكنك يبدو تعتقد ان الإشتراكية ما دام نادى بيها ماركس والماركسيون، إبان عيونا خضر معناها لم يسبقهم عليها الإسلام.

ههههههه يا زول أنا وأعوذ بالله من كلمة أنا عندي كبير الله بس ...
تعاملت مع أبان عيون خدر ديل مهنيا فقط ... كنا اللتنين في
حته واحده ... هو مغترب وأنا زيو ... لا ملكني بي جواز سفر
لا بي إقامة لا أجبرني بي معيشة لا تناسب ما اؤمن به أو أعتقده ...

Quote: بعدين قلت ليك القراى لا يمثل الجمهوريين فى مشاركته، وهو قال ذلك.. والجمهوريون اساسا ضد المشاركة فى أى سلطة وأى انتخابات منذ نشاة الحزب عام 1945م.. والقراى تصرف من تلقاء نفسه وضد سياسة الفكرة الراسخة من رسالة الحزب وهى التوعية وليست الحكم.. والقراى نفى انه يمثل الجمهوريين، ومن يعرف الجمهوريين يعلم انه لا يمثل خط الفكرة الجمهورية القائمة على نشر الوعى وسط الشعب. لكنك تصر اصرار غريب انه يمثلهم وقلت حتى لو قال ذلك فإنه يمثلهم.. حاجة غريبة. لو كان الجمهوريون غير مشاركين ولكن فى ممارستهم وفكرهم يمكن ان يشاركوا لوجدنا لك العذر.. لكن عدم مشاركة الجمهوريين نابعة من الفكرة نفسها ومن تأريخ الحزب الجمهورى. يعنى مبدأ لم يحيدوا عنه، وكل فرد يتصرف بغير ذلك فهو المسؤول وليس الجمهوريين. هذه نفس حادثة الطالب المنتسب للحزب الشيوعى الذى اساء الى بيت الرسول، فقام الأخوان المسلمون والطائفييون وحتى القصر الجمهورى وقالوا ان الطالب يمثل الحزب الشيوعى ثم طردوا نوابهم من البرلمان وحلوا الحزب الشيوعى.. انت تعيد التأريخ الان يا سيدى الفاضل.

يعني يا محمد لو القراي دا ما كان جمهوري كان الاشتغل بيهو منو ... ياخي
في منبر بكري دا أخونا عبدالله عثمان منزل العشرات وأظنها المئات من البوستات
عن القراي كدعاية للفكر الجمهوري ... أظن الجمهورية التي تدافع عنها هنا غير
جمهورية القراي وعبدالله عثمان ...

صديقنا اللدود عبدالله حسين ...
والله العظيم إنتا الشيوعي الأصيل الفيهم ...
لكن الليله ما ياكا ... لا لا لا ... دا ما عبدالله البعرفو ...
ياخي مداخلاتي قاعد تحاسبني بالكلمة ومرات بالحرف ...
الظاهر البوست دا هبش اللحم الحي ...
مداخلتك دي شوية خلاص ...

Quote: البوست ده فيهو موضوع وهو جزء من حملة النظام الانقلابي وجهاز أمن الكيزان لتشويه مواقف الحزب الشيوعي الداعم بقوة لمطالب الشارع لضرب لجان المقاومة وتقسيمها لضرب الثورة وتمرير مشروع التشوية وهيهات

Quote: سلام يا حاج العوض وحاج الطيب~

يا هدي عارفا مناسبة الأسامي دي شنو ... مافي زول في
المنبر دا بيقدر يوريك المناسبة شنو غير حاج العوض دا ...
امسكي فيهو قوي وان شاء الله يرسلا في الخاص ...

Quote: السطر الأخير دا بالذات ما كنت تعيده!

تصدقي وتأمن بالله السطر الأخير دا والذي أعدتا
كتابته هو موضوع البوست الأساسي ... إنتي ما
قريتي عنوان البوست دا برا ... ههههههه

هاك الفضفضه دي يا حاج العوض :-

Quote: لا يوجد شعب حقيقي يمتلك الوعي الكافي بحقوقو .. بخلاف الشعب الذي يتوافق ويلتزم مع الحزب الشيوعي بالمبادئ والقيم التي يتنادى لها هذا الشعب ... شيطنة الحزب الشيوعي بلا اسس منطقية تقف على حقائق ثابتة تعتبر حرث في البحر ... الشباب الواعي مدرك تماما انو لا وجود لكيان سياسي يتوافق مع قناعاتة غير الحزب الشيوعي ... التقليل من هؤلاء الشباب وجحدهم جريمة في حق الثورة لانهم هم الثورة ولا وجود لثورة خلافهم .

Quote: خليني اكتب السطر الاخير مرة تانية :- التقليل من الحزب الشيوعي وجحده جريمة في حق الثورة لأنو الحزب الشيوعي هو الثورة ولا وجود للثورة بخلاف الحزب الشيوعي ...

Quote: مناوشات مولانا وجزئيا كرومبو .

العواليق الاتنين ديل بكونو قوقلو الكلام و ما وصلو لي شي .... 🤣
بيني و بينك دي بتحرق شديييييد ....
ف حا يقعدو ينططو كدا الما و حرقة على ما فشلو فيه ....

Go ahead

أستاذنا كمال ... جاييييك بالرد ...

صلاح الزبير جمعة مباركة
في يوم الجمعة ساعة يستجاب فيها الدعاء.....

يحلك الحلا بلة من كرومبو ومولانا حافظ وهدى
ههههههههه..
تحياتي و احترامي للجميع

Quote: أستاذنا كمال ... جاييييك بالرد ...

🤣🤣🤣🤣🤣🤣🤣🤣🤣🤣🤣
اتخيلتك زي روبيرتو كارلوس لمن يجي يشوت ليه فاول بره خط ١٨ ....
يرجع هناااااااك و يجي جاري .....
رهيب يا حاج الطيب 🤣🤣🤣

Quote: أحزاب اليسار في الساحة هي ... البعث بأنواعه (٤ أو ٥) الناصريين، التقدميين العرب، حق، تجمع الاشتراكيين (ديل مرافيد الشيوعي)، الجمهوريين، ...إلخ

سلام ... الاخ صاحب البوست الكريم.. والاخوان

يازول انت كدة منداح للاخر ... فهمنا كيف الجمهوريين .. يسار ؟
وهي عبارة يسار ذاته تعني شنو ..ويمين تعني شنو ؟ هل يمين او يسار غير اشارة الي عقيدة سماوية او شطحة ارضية
ماتقول لي يسار مناها فكر او منهج او او فلسفة او طريقة حياة او تعبير سياسي فضفاض

Quote: المضحك في البوست دا ... إنو الموضوع كاتبو بدون شك شيوعي (حالم) أيا كان وضعه التنظيمي

سلام صلاح,
كأنك تعلمت الكتابة و لم تتعلم القراءة و انصحك جادا لما تتطلع علي اى موضوع, اقراهو مرتين او ثلاثة و ح تكتشف طبقات ود ضيف الله (layers) او زى البصلة كل ما تشيل طبقة و بتلقى البعدها بخصائص مختلفة.

اهااااااا الفات دا كلو كوم و سؤال استاذ عوض عمر دا كوم براه!
نصيحة خبير - فري افو جارج- تريث تماما و راجع مصادرك, وما عايز اصعبها و اقول ليك امش موقع الفكرة ذاكر كتب الاستاذ - حتى جاوب على السؤال!

الأستاذ عوض عمر ... سلام وحبابك ...
البوست عن الحزب الشيوعي ومحاولاته المستمرة والمستميتة
في ورثة الثورات التي قام بها الشعب السوداني في اكتوبر ١٩٦٤
وفي أبريل ١٩٨٥ والآن كل تحركاته منذ ديسمبر ٢٠١٨ إلى اليوم
توحي بأنه ماشي في نفس الطريق ... البوست معني بهذا الأمر ...
موضوع يسارية أو يمينية الدين الجمهوري موضوع اخر لا
أستطيع مناقشته في هذا البوست ... فعذرا وإن شاء الله
نتلاقى في بوست اخر يعني بهذا الأمر ...

الهبيب محجوب ... شكرا على النصيحة ...

Quote: نصيحة خبير - فري افو جارج- تريث تماما و راجع مصادرك, وما عايز اصعبها و اقول ليك امش موقع الفكرة ذاكر كتب الاستاذ - حتى جاوب على السؤال!

هههههههه ... سمعتا بي جكسا ...

Quote: صلاح الزبير جمعة مباركة في يوم الجمعة ساعة يستجاب فيها الدعاء..... يحلك الحلا بلة من كرومبو ومولانا حافظ وهدى

مرحب حبابك دكتور محمد عبدالله ...
وربنا يتقبل ويبارك طاعتكم ...
مولانا وكرمبو ديل ناسي ... ومعلوم منى عينن يشوفو فيني يوم اغبر ...
عشان كدا لازم تتحسب لي أي خطوة في حوش بكري دا ...
أستاذتنا هدى عندها تكاليف لازم تقوم بيها ... ربنا يعينا ...
شكرا على المرور ...

Quote: Quote: سلام يا حاج العوض وحاج الطيب~ قدمتيني علي صاحب البوست ....؟؟؟ 🤣 و عليكم السلام و رحمة الله تعالى و بركاته ...

سلام والإحترام يا بلبل 😀 ~ حاج الطيب وحاج العوض
اها أخرتك على صاحب البوست - قصرت معاك؟ 😀
-حاج الطيب مشى لفح ليه كلام من ذاك القروب وما كلف نفسه يقرأه وجاء فتح بيه بوست زى قصة مداخلاته فى بوسته الآخر الذى يترجم إلى "تهرش يا زعيم القتلة"
مداخلة قال فيها الجماعة جوا بفرش أسنانهم وخلافه - المحامى صالح محمود ساقوه بتاعين الأمن او منو فى المليشيات والقتلة ما معروفين - وهو جاى من سفر يعنى كيف ما تكون عنده فرشة اسنان …فى عفشه لما المأجورين فتشوا محتوياته فاكرين حيلقوا استاذ عبد الواحد أو الحلو (عاشت الأسماء) مكرفسين فى الشنطة!
تانى شئ أستاذ الخطيب نفس الفكرة …
-حاج الطيب فى الرد على العزيزة إمتثال (مع ملاحظة إنها عايشة فى أمريكا) - أضاف ليها فيديو لبرنامج أمريكى ، قال ليها الأب وإبنه . مع العلم الرياضين كان بيتكلموا برازيلي ومعاهم مترجمة إنجليزى ، ما جابو سيرة أب وإبن إطلاقا وقال رسله ليه واحد زى حاج العوض وقال ليه الحركات الرياضية العملوها (الأب وإبنه😀) رغم العمر المتقدم عشان أكل لحم الخنزير! لما سألته قال ما شافه - وأضاف إنهم بلبل عديل فى الإنجليزى.
*أها لما هو فى الخيط دا شات نفسه فى الرجل (اليسار) ، إنت تجئ تولع النيران وتشوت ليه رجله (اليمين).

Quote: الكلام. المجهول المصدر وهوية القائل وصفته الحزبية - علي ركاكاته وتهافته. لايعني شي ولاقيمة لهًو

هلا كمال ... لا يعني شي ولا قيمة له ... لمن؟
طيب الكلام ليس قطعة أدبية وهو بي ركاكتو وتهافتو يعني
أن هناك فعلا يقع الآن أو في مستقبل الايام الجاية وبالتأكيد
الفعل فعل خطير جدا وهو مقصود بيهو الشعب السوداني والبلد
النحنا عايشين فيها دي ... يبقى بدل تشتيت الكورة دا ورونا
هل الحزب الشيوعي داير يخم الجمل بما حمل لأنو في دلالات
كتيرة يعلمها المراقب لسلوك الحزب منذ نوفمبر ٢٠١٩ ...

Quote: اها اليسار. المزعوم. دا. - يدعي التعبير عن الثورة وتمثيل الجماهير ويري احقيته بقيادة. الحكم - دي احلام وامال كاتبه - فلنعتبر دا دعاية انتخابية - عليه ان يثبت. تمتعه بهذه الشعبية. عبر صناديق الاقتراع - والتي ستكون فيصلا. بينه وبين غيره

عليك الله يا كمال يسار شنو ... أنا من أول مداخلة حقتي أنا شرحت
من هو اليسار الذي يتخفى من وراءه الحزب الشيوعي ... شيل كلمة
يسار دي وخت بدالها ح ش حا تظبط معاك وساعة تصل لي إثبات
جماهيرية الحزب عن طريق صناديق الإنتخابات يقول الحزب بأنه
لن يذهب للانتخابات (الجاهله) دي الا بعد ٢٠ سنة ... الحزب كما
يقول هو الذي يمتلك الشارع ويقول بأن الناس الفي الشارع ديل
هم الذين يمثلون سلطة الشعب وهم الأحق بحكم البلد ... الكلام
دا في تباشير منو في وثيقة (ميثاق سلطة الشعب) المطبوخه في
غرفة عمليات اللجنة المركزية وتتبناهو لجان المقاومة ...

Quote: عموما. الكلام المكتوب فوق دا علي علاته وتهافته لايمثل جريمة او كارثة يمكن مقارنتها بالانقلاب والقتل والهيمنة والقمع والدمار الماثل اها نخلي القاتل والمدمر ونتفرغ. لمطاردة. احلام وامال الناس المشروعة والمصنوعة والمختلفة ؟ دي بقت الكارثة والاولويات هسي ؟

لا لا لا يا كمال ... ما نخلي القاتل والمدمر ... مافي جريمة بتسقط بالتقادم ...
نحاسبهم على كل قطرة دم والناس تبقى جاهزة بالأدلة والبراهين عشان
يثبتو الجرم أمام العدالة ... وفي نفس الوقت البلد ماشى لإيجاد حلول
ترضي هذا الشعب ... فالمفروض ما ندي فرصة لحزب مغامر عايز يسرق
البلد نهارا جهارا ... وبي بجاحة رافض صندوق الإنتخابات لأمر يعلمه كل
السودانيين ...

**يا ابوالريش موضوعنا هنا اشتراكية الماركسيين ومن يدور في فلكها**
.
يعنى يا صلاح تعتقد الجمهوريون يدعون لإشتراكية الماركسيين؟

وتقول:
**مبدئيا كدا الإسم (الاشتراكية) ظهر في القرن التاسع عشر**
كلام ما صاح.. طيب الحديث الناس شركاء فى ثلاث.. شركاء معناها شنو؟ أم تعتقد التصريف اللغوى لكلمة الإشتراكية
التى اصلها من اشترك او شارك أو شرك
الحديث النبوى الناس شركاء فى ثلاث.. وهناك روايات كثيرة فيها ان الماء (القاعدين يبيعوه) والنار (اليوم تعنى الطاقة) والكلا (طعام الحيوان واليوم ممكن أن تعنى أى طعام)
النبى قال دى كلها الناس شركاء فيها ويحرم منعها . بيعها تعنى منعها .. هذه بالرغم من انها وصفها النبى بالإشتراكية من (شركاء) ولكنها أقرب للشيوعية.. بل هى الشيوعية بعينها. وليست شيوعية ماركس المعطوبة والمبنية على الإلحاد

عبدالله عثمان لم يقل ان القراى شارك فى الحكومة كجمهورى أو ان الجمهوريين وافقوا على مشاركته.. لم يقل ودا نفس الكلام اللى قلته لك. راجع موقف الجمهوريين المبدئى من المشاركة فى السلطة سواء فى عهد ديمقراطى أو دكتاتورى.. النميرى حين علم ان الجمهوريين
فى بداية ايامه يؤيدون فترة حكمه سعى بكل ما يملك لإشراكهم فى السلطة ولكنه فشل.. ولكنه قام بتعيين الصادق والترابى فى جكومته

بالله بقا عندك مخ قدر ده يا صلاح الزبير مدوور بي الجمهوريين كمان
شيوعيين شنو وثورات شنو
عليك الله ورينا الثورات دي وين
غير
الثورة بي الشنقيطي
والنص
والوادي
الحزب الشيوعي شلحتو المخابرات الامريكية والمصرية وحثالة القوميين العرب 1971
شوف منو الاعدم عبدالخالق محجوب ومنو الشلح الشفيع احمد الشيخ
الثورات في السودان
المهدية 1 طلعت الترك والمصريين ثوة مسلحة 1885
المهدية2 طلعت الانجليز 1956 بالانتخابات ثورة دستورية
والثالثة قيامة الساحة الخضراء 2005 وحررت السودانين في الاقاليم من شنو ومن خدم الصاغ صلاح سالم في المركز
الباقي ده لعبة مخابرات ما غيرات ولا ديرت حاجة في السودان
الثورة عايزة اعادة تعريف في السودان
والشيوعية ايضا
ومعاك سلامة يا كعوك

الفكرة الجمهورية لايمكن إدراجها تحت التصنيفات الطبقية وتصنيف التركيبة الإجتماعية ـ
والإشتراكية والعدالة والإجتماعية ـ نشأت وترعرت قبل ميلاد ماركس بقرون
ـ صراع الفكرة مع الأخوان والهوس والإنقاذ لايعني أن الفكرة يسارية
وشرف الصراع مع هولاء لايحتكره اليسار ـ
ثانيا ياأخ صلاح
الحزب الشيوعي ـ لايدعو لتحالف يسار ولايستخدم هذا المصطلح أصلا كواجهة أو جبهة
--- أها إذا إفترضنا إنو في شيوعي زعم إنو هم محرك الثورة وهم مركز إشعاعها وإن لهم رصيد وزخم جماهيري
نقول فليكن مقياس الجماهيرية مستقبلا الصندوق أما التمثيل في أجهزة الحكم الإنتقالي ـ فهذا أمر لفظه الحزب الشيوعي ولكن هب
أن كادرا شيوعيا نادي بتمثيل كبير لحزبه فمالغضاضة في ذلك ؟
ماهو ناس إعتصام القصر بقولو إنو الثورة ثورتهم وإن نصيب الأسد لهم
وقجت تقول بهذا
وإشراقة وأحمد بلال ومبارك الفاضل يدعون وراثة الثورة ويحلمون بالهيمنة
بل وحتي الماكارب قاشو برهان والجربندي حميدتي ـ وأبوهاجة يقولون
أن الشعب معهم والثوار تبعهم ولجان المقاومة تساندهم ويحتكرون السلطة
ويهيمنون علي مفاصل الدولة وفقا لهذا الإدعاء
أها بقت علي الحزب الشيوعي؟
ياأخي إنت خليت الإنقلابي والمهيمن علي مقاليد الأمور فعلا وجاي تطارد من يحلم ويأمل ـ من تزعم إنو شيوعي
خلينا من دا
إنت رأيك في الإنقلاب الحالي وحميدتي وبرهان والديكتاتورية شنو؟

Quote: لأستاذ عوض عمر ... سلام وحبابك ... البوست عن الحزب الشيوعي ومحاولاته المستمرة والمستميتة في ورثة الثورات التي قام بها الشعب السوداني في اكتوبر ١٩٦٤ وفي أبريل ١٩٨٥ والآن كل تحركاته منذ ديسمبر ٢٠١٨ إلى اليوم توحي بأنه ماشي في نفس الطريق ... البوست معني بهذا الأمر ... موضوع يسارية أو يمينية الدين الجمهوري موضوع اخر لا أستطيع مناقشته في هذا البوست ... فعذرا وإن شاء الله نتلاقى في بوست اخر يعني بهذا الأمر ... الهبيب محجوب ... شكرا على النصيحة ... EmailProfileEditرد على الموضوع

سلام استاذنا...الزبير

بس انت في مطلع حديثك قررت انه الحزب الجمهوري .. حزب يساري؟
وعن هذا التقرير بالظبط .. كان السؤال..

الان تقول غير ذلك ..انك لن تناقش يسارية او يمينية الجمهوريين

مرحب عوض عمر ...
مطلع حديثي مداخله جبت ليك منها اسكرين شوط ممسوح
منها الجمهوريين كجزء من اليسار ... واعتذرتا ليك بعدم
نقاش الموضوع لأنو ما عايز اشوش علي موضوع البوست
ووعدتك بأن نلتقي في بوست اخر إن شاءالله لمناقشة
هذا الأمر ...
تحياتي ...

يا صلاح زبير


وماذا قلت أنت أصلاً في هذا البوست ...
نقلت كتابات زول " لابس قناع كريستال " شيوعي، ووجهه ظاهر من تحته يتهابل، ويدس السم في العسل، ويخدم في خط النظام الانقلابي وجهاز أمنه، سواء بوعي منه أو سهواً منه، وكثير من طرحه ليس له علاقة من قريب أو بعيد بالحزب الشيوعي، وهو يقول بصريح العبارة المموهة بين السطور:
يا شعب السودان، إن لجان المقاومة هي الحزب الشيوعي، ومواثيقها هي من صناعة الحزب الشيوعي، وأن هذا الحزب يسعى إلى الاستيلاء على السلطة، وهو يقول هي حق له، لأنه يقول هو الذي قام بالثورة، والحزب يقول أن الشعب الواعي هو فقط الشعب المتفق مع الحزب الشيوعي، والبقية جاهلين، وبالتالي أعملوا حسابكم، وانفضوا من حول لجان المقاومة.
وطبعاً عندما ينفض الناس من حول لجان المقاومة، يعني فقدان أعظم أداة نضالية امتلكها شعب السودان في كل الأجيال، وبالتالي نهاية أعظم ثورة في التاريخ القديم والحديث، فمن يخدم هذا الطرح ؟، بالطبع الإجابة معروفة، لذلك فإن مداخلتي التي رأيت أنها مختصرة، فهي للتنبيه، أن ما يجري هنا ليس عفوياً كما قد يتخيل البعض، فهناك حملة منظمة ضد الحزب الشيوعي ولجان المقاومة وكل القوى الثورية الواقفة بصلابة ضد الانقلاب، وهذه الحملة من تحالف يضم نظام الانقلاب وجهاز أمنه الكيزاني الفاشل الذي يفبرك مثل الكتابات التي نقلتها هنا، والحركات المصلّحة وحلف الموز وبني كوز، وبعض جماعات الهبوط الناعم، ودول إقليمية وعالمية، ولكي لا يتصور البعض أن هذا كلام ساي لا دليل عليه، أشير فقط أن جهاز الأمن الخارجي لدولة جنوب السودان، قال لوفد الحزب الشيوعي بصريح العبارة، أن هناك دولتان أتصلت بهم بخصوص تواجد وفد الحزب الشيوعي في جنوب السودان، إحداهما دولة إقليمية والأخرى عالمية، أي أن هاتان الدولتان ألبتا حكومة جنوب السودان على الحزب، وتم اعتقال الوفد عند وصوله إلى الخرطوم من قبل جهاز الأمن الكيزاني الفاشل، يعني التنسيق على أعلى المستويات المحلية والإقليمية والدولية، ويتزامن كل ذلك مع موضوع تمرير التشوية التي يجري طبخها على نيران ملهلبة تهدد بحرقها، وأن العقبات الكأداء التي تقف أمامها هي الحزب الشيوعي ولجان المقاومة والقوى الثورية والشارع الثوري الهادر الذي لا يهدأ، لذلك يطلع بيان مفبرك من جهاز الأمن الكيزاني الفاشل، يشكر فيه الحزب الشيوعي المجرم ياسر العطا على مساعدته في إطلاق سراح وفد الحزب الشيوعي في جوبا، ويملأ الجداد الالكتروني مواقع التواصل والمواقع السودانية أكاذيب حول الحزب الشيوعي ولجان المقاومة، وذلك بتخطيط من شركات عالمية وأجهزة مخابرات إقليمية، وأحدث مثال والذي يمضي في ذات وجهة حث الناس على الانفضاض من حول لجان المقاومة هو تصريح الشغيغ عثمان سر الختم أعلاه، وهو أحد الناطقين سابقاً باسم لجان مدينة الخرطوم، الذي سمى كل من رفض خطه وخط حزبه الاتحادي الهابط الناعم داخل اللجان بأنهم شيوعيين، وهي محاولة منه لشق صف لجان المقاومة، ودق إسفين بين الحزب الشيوعي والشارع الثوري، وتوقيت تصريحه ليس بريئاً فقد جاء عقب إعلان نظام الانقلاب برفع حالة الطوارئ، في محاولة لتمرير التشوية المحروقة قبل إخراجها من فرن القطارات قامت، رغم أنه جمد نشاطه منذ 20 مايو كما قال.
بعدين إنت ما بتتوب من ترويج أكاذيب وفبركات جهاز الأمن الكيزاني الغبي
الدق الدجلة وقام يتلفت ويتنفض ويهضرب ويهرف بما لا يعرف، بعد ثورة ديسمبر، سواء بنقل هذه الفبركات بوعي تام أو بدونه
خلي أخوانك الشيوعيين يودوك الضل ...
عرفنا إنو تدينك الشكلي وهوسك الديني، وأخيراً هوسك العرقي، مثل الكيزان، صيام قيام، وقوع ركوع ولحس الكوع، لا يمنعك من الكذب والفبركة واختلاق القصص الوهمية في ليالي القصر والمنشية، للنيل من من تتخذه عدو، وهو الحزب الشيوعي.
ألا تخشى ولا تخجل ساي من أن يقول عنك أحد أحفادك عندما يمر من هنا، في أزمنة قادمة، جدو صلاح ده كان بتاع فبركات وكضااااب بششكل ...
ههههه
فشنو بل فبركاتك دي وأشرب مويته
وخليك مع شوالات العدس والكبكبي ...

هلا كمال ...
الفكرة شنو في ترديد نفس الكلام في بوست واحد مرتين و٣ و٤ ...
مرات بنفس اللغة ومرات نفس المعنى بلغة مختلفة ...؟
هل المطلوب إثبات تواجد ام أمر اخر في ظل وجود قضايا
ضخمة أثارها هذ الشيوعي الحالم والمأمل ... مثلا :-
١ :- قضية الديمقراطية الجاهلة التي خلقت في بيئة نخبوية
مرفهة وعزم الشيوعي تخطيها باسناد السلطة للشعب
الثائر الذي خرج للشارع ... ياربي الشيوعي عندو لسته بالناس
القاعد تمرق كل يوم من ٨ شهور ول الموضوع نظام
كوار زي سوق الملجا (ربطة الجرجير بي ١٠٠ و٣ ربط بي ٢٠٠) ...
٢ :- وثيقة ((ميثاق سلطة الشعب)) وتأثيرها الواضح في
مخرجات هذا الحالم (السلطة سلطة الشعب والشعب الثائر
هو الاحق بادارة نفسو ..) ... يبقى من العدل لازم يكون في
لستة بالناس البتمرق كل يوم ... يا يبقى الموضوع تتطفيف
وتمكين جديد باسم الرفاق المرة دي ...
السؤال هذه الوثيقة الشيوعية كيف تم فرضها على لجان المقاومة
ما لم تكن هذه اللجان مسيطر عليها من قبل الحزب الشيوعي ...

Quote: ياأخي إنت خليت الإنقلابي والمهيمن علي مقاليد الأمور فعلا وجاي تطارد من يحلم ويأمل ـ من تزعم إنو شيوعي إنت رأيك في الإنقلاب الحالي وحميدتي وبرهان والديكتاتورية شنو؟

طبعا ما عندك الحق دا يا كمال بالسؤال المباشر عن رأيي الشخصي
في مشكل سياسي وخاصة نوع سؤالك دا ما لم اتبرع وأكتبه بحر ارادتي
ولك الحق بعد ذلك في مناقشته... لكن ولمصلحة الحوار حا أجاوب ...
معلوم لدى الكثيرين هنا انني بريء من الشيوعية والكوزنة والحمد لله ...
لكن متهم بمساندة العسكر ... طيب بالنسبة للبرهان قناعتي بعد الإنقلاب
بأنه ضابط جيش مؤدلج ك إسلامي وصنع خصيصا لغسيل المال القذر
(البشير وبطانته) الذي أحاق بالحركة الإسلامية وارجاع ما تبقى من
مال نظيف للحركة الإسلامية ...
الآن البرهان صار هو المال القذر بالنسبة للإسلاميين ووجب التخلص منه ...
(صراحتن الرؤيا دي مسروقة من الصديق المتمكن محمد المشرف)
بالنسبة للجيش أعتبره مؤسسة الدولة الوطنية وصمام أمن البلد دي
التي يتصارع حولها ٨ جيوش بعضها عنصري الهوية وبعضها يهتف
بالدفاع عن الهامش والهامش منهم براء وهدفه المصلحة الشخصية
لقادته من الفاقد التربوي وبطانتهم ... وبعضها عقائدي يحارب من أجل
أيديولوجيا مستوردة من خارج الحدود ...
بالنسبة للدكتاتورية هذا البوست والعديد على شاكلتها تثبت مجهودي
في محاربة الديكتاتورية البلشفية العقائدية وهي أخطر أنواع الديكتاتوريات
المدنية في العالم وهي أخطر من الديكتاتوريات العسكرية وكوريا الشمالية
مثال ناصع البياض ...

سلام أخ صلاح
أولا شكرا للتعبير عن رأيك في برهان ـوإعتقد إنه يشمل اللجنة الأمنية بما فيها الجربندي حميدتي

بالبنسبة للجيش هو مؤسسة يفترض قوميتها ووطنيتها ولكنها تجتاج لإصلاح
ومافيش مشكلة مع رتب الضباط الصغيرة والوسيطة ـ المشكلة في قيادته وكبار ضباطه ـ إصلاح الجيش بما يمكنه من حماية التراب والشعب وعدم القتال بالوكالة ـوأن يتفرغ لمهامه الدستورية لا التجارة ـولا الفرجة علي المدنين والعزل يقتلون أمام بوابته
- * وأن ينهي الجيش فوضي السلاح وأن ينهي سيطرة الجربندية من مليشيا الدعم السريع علي قيادته =ـ إصلاح الجيش وتوحيده
ثانيا
بالنسبة لموضوع بوستك فهو منبت ومقطوع من شجرة ـ لامصدر ولاإسم ولاصفة حزبية لقائلها وهو بالتالي قد رسب في مضمار المصداقية والموثوقية
وأصبح مجرد مصدر سخرية وتندر
ثالثا
لجان المقاومة وقواعدها أكبر من إي حزب ومن أحزاب مجتمعة وهي حرة في خياراتها وقراراتها وهي من يقود الثورة بعد الشراكة مع العسكر ـ حرة في إرادتها وخطها وفرية السيطرة عليها من قوي معارضة ـمغرضة فمن يسعي لإحتوأ والسيطرة علي لجان المقاومة وتفتيتها هو برهان وحميدتي
- رابعا
مزاعم إحتوأ الثورة والزعم بالتفرد في تفجيرها وتسييرها سمة تلازم إي ثورة
فللثورة الف أب ـ والكل يحلم ويأمل في تحديد مسارها ـ أو إكتساب الشعبية
ولكن ما يواجه الثوار هو مؤامرة اللجنة الأمنية والفلول وقوي الردة ومن يقتل ويعذب ويصادر الجريات ويمكن لأعداء الثورة سعيا لتصفيتها

سلام باش م صلاح
زي ما قالوا المتداخلون : وين المصدر؟ وين المصداقية؟
ولا أنت شغال بنظرية العيار اللي ما يصيبش يدوش؟
غايتو حنقك وكرهك للحزب الشيوعي خلاك تفقد المنطق
و كلما يسالوك عن الشيوعي القلت عليه ،ترد بتعريف أشبه
بعبارة (أيهيي ..... شفيق يا راجل)🤣

ندمت علي الكم دقيقة القضيتم في قراية هذا البوست
لم يصعب علي ولا أظنه يعصب علي أي متناول للسياسة في السودان
أن يدرك أن هذا حديث إفك وإفتراء علي الحزب الشيوعي
كانت فاكرتك أكثر ذكاء من كدا يا راعي البوست

Quote: بالنسبة لموضوع بوستك فهو منبت ومقطوع من شجرة ـ لامصدر ولاإسم ولاصفة حزبية لقائلها وهو بالتالي قد رسب في مضمار المصداقية والموثوقية وأصبح مجرد مصدر سخرية وتندر

أهلن أستاذنا كمال ...
أنا لم أنقل هذا الكلام احتفاءا به بل البوست في مجمله
تحذيري ومافي واحد فيكم منزعج قدر انزعاجي ...
المشكلة انكم قايلنو هجوم وإشانة سمعة للحزب الشيوعي
في الوقت الفيهو ممكن هذا الكلام جاري تنفيذه على الأرض ...
يا كمال أنا لم أقل هذا الكلام ... أنا ناقل كفر وليس بكافر ...
اتمنى يكون الكلام دا مصداقيتو وموثوقيتو تكون زيرو ...
المصداقية والموثوقية سوف تثبتها الأيام الجاية يا كمال ...
فإذا كانت غير صحيحة فيا دار ما دخلك شر ... وإذا كانت
صحيحة وحينها إلا تكتحو التراب فوق رؤسكم ... البوست
ترا قاعد في الحفظ والصون والبركة في عمنا بكري ... غايتو
الكافر دا إن صدق الترابه دي في خشمنا كلنا ...

بالنسبة للسخرية والتندر مافي فوق مداخلتك سخرية وتندر
غير الأستاذة هدي وتحت مداخلتك د. نعمات ... وديل عندهم
تكاليف أنا مقدرا كويس ...
بالنسبة لي ناصر التحت منك برضو مداخلتو أكان
شالا وكرفسا ورماها في الدست بن ابرك ليهو ...

Quote: لجان المقاومة وقواعدها أكبر من إي حزب ومن أحزاب مجتمعة وهي حرة في خياراتها وقراراتها وهي من يقود الثورة بعد الشراكة مع العسكر ـ حرة في إرادتها وخطها وفرية السيطرة عليها من قوي معارضة ـمغرضة فمن يسعي لإحتوأ والسيطرة علي لجان المقاومة وتفتيتها هو برهان وحميدتي

ياريت يا كمال ما تقوله صحيح ... أتمناها كذلك لأنو قناعتي
القتها هنا كثيرآ إنو الأحزاب دي كلها عن بكرة ابيها زي الغربان
الساعية خلف الغنيمة (السلطة والثروة) وليس لها مصلحة
في وطن أو مواطن ...

سلام عليكم
سؤال مهم القوى اللى حاليا قادرة تستوعب وتستقطب القوى الشبابيه والعامله والمنتجه فى المجتمع ؟
ونجرى مقارنه على فاعليه كل واححده بقياس نجاحها فى تجربتها وتطبيقها سواء بوسيلة سلمىه ديمقراطىه او بطريقه ديكتاتوريه /عسكريه
اما الثورات
هى وينا الثورات ؟
على وجه الدقه الحصل وبكان بيحصل تغيير يتبع انتفاضات ومايكون بعمق لدرجه تسميتو ثورة
كلمة ثورة مجرد اسم دلع نقنع بيهو نفسنا انو عملنا شىءكاحزاب وكيانات ونصر على تسميتها ثورة حتى بعدالانهيارات المتتاليه للتجارب دى بعد دورات زمنيه قصيرة تثبت تماما فشل كيانات القوى الحديثه وفشل كيانات القوى التقليديه التاريخيه وبعض الكيانات بطابع ضيق جهوى /عرقى..الخ كان انفصال السودان نتيجه مبنى علعى اساس ماذكرمؤخرا
-----
بالنسبه لى القوى الحديثه استحوذت عليها الندين الشيوعى والكيزان
بخلاف القوى التاريخيه التقليديه اللى بتشكل حواضن وحواضن مضاده لبذور الصراعات الانقساميه فى السودان
-----
وراثه ثورة يعنى وجود شىء يذكر ونقله فى المجتمع حقيقيهحتى لو حصلت نكسه او تراجع
لكنلاتوجد ثورات احدثت تغييرونقله فى وعى المجتمع وسلوكو وممارستو الديمقراطيه ولو على مستوى متوسط
فاغلب الكيانات قيادات تحولت الى اوثان ولم تقدم الكيانات نموذج ممارسه ديمقراطيه قبل او خلال او بعد مايسمى ثورات حتى تستطيع ان تقود ثورة او تقدم تجربه ديمقراطيه جديرة ببعث الثقه والاحترام
---
شخثيا لو قامت انتخابات خلال الاعوام القادمه (حتى خمسه سنه من الان وشا الله ان نشارك فيها) فانى ساشارك بالتصويت بببطاقه تاالفه تحسب ضمن الكل (الممارس للحق الديمقراطى) ولاتحسب لصالح اى كيان بعينه وتدعمه

سلام يا أستاذ صلاح~

Quote: بالنسبة للسخرية والتندر مافي فوق مداخلتك سخرية وتندر غير الأستاذة هدي وتحت مداخلتك د. نعمات ... وديل عندهم تكاليف أنا مقدرا كويس ...

هل إنت مكلف من جهات "معروفة وما بتدس" لشق صف المقاومة ولا قصة تكاليف دى شنو!

Quote: هل إنت مكلف من جهات "معروفة وما بتدس" لشق صف المقاومة

هههههههه هي جهات معروفة وما (بتدسى) طيب ما تقوليها ...
أوع تكون حته ما ياها عشان كدا خجلانه ما عايزه تقوليها ...
في ناس كتيرة في البورد دا دايرا تعرف أنا شايت مع منو ..
التكاليف مقصود بيها تجي تختي ٧ أو ٨ مداخلات في
البوست دا تندرا وسخرية للتشويش لا أكثر ولا أقل ...
طبعا مفهوم ليه ما سألتي عن الجهة المكلفاك ...

أولا دى ما سخرية-دا أسلوب كتابة معروف - وقصدت أوضح فيه إنه لو قريت أدب الحزب كنت لقيت إنه لايمكن يكون بمستوى كتابة "المصدر" (الحقوق محفوظة ليك) شال كلام وبعدها دخل كلمات من نوع تطفيف وجحد (جحد دى زاتها معناها شنو)
تسآلتُ تكليف دى شنو! كررتها لى مرتين وجاءت دكتورة نعمات صرفتها ليها أيضا.
كلمنى لو سمحت بعد شرحت لى معنى التكليف وهو إنى لمًا أجئ أخت مداخلات زى وزى كل الناس الإتداخلت هنا ، انا تكون مداخلاتى تكليف!
كتبت لى طبعا مفهوم ليه ما بتسألى من الجهة المكلفاك- أها كلمنى الجهة المكلفانى منو؟. طالما إنى دون كل المتداخلين ولا بعرف أشوف ولا بعرف أقرأ.
-الجهات المعروفة وما بتدسا هى الجهات المستهدفة لجان المقاومة عشان تختلف وتتقسم وتتفرق حتى يسهل ضربها، وطبعا ممكن ترد على لو عايز إنك أنت المصدر وأنت الكتبت الموضوع ودا رأيك ومافى أى جهة.
*هام جدا جدا: انا ما بفكر ولا بشير ولا بكتب كلمات أخجل منها، و يا أستاذ صلاح كل مداخلاتى معاك لم تتعدى إحترام نفسى والآخرين .

بصراحة ما شايف في داعي للحدة في النقاش مع الاخ صلاح
طرح سؤال محدد بغض النظر عن انه منقول ومشكوك في مصداقية كاتبه .. ممكن الناس ترد على قدر السؤال المطروح من غير دمغه بالكوزنة وشق الصف وووالخ (حجة بحجة)
هذا لن يخدم الديمقراطية التي ننشدها ونسعى لتأسيسها على مستوى الوطن ناهيك عن هنا في المنبر .. بكده نكون ما خلينا للكيزان شيء
اقول قولي هذا وانا اختلف مع صلاح اختلاف طبيعي جدا لكن لا اصادر حقه في ابداء الراي

Quote: الجهات المعروفة وما بتدسا هى الجهات المستهدفة لجان المقاومة عشان تختلف وتتقسم وتتفرق حتى يسهل ضربها، وطبعا ممكن ترد على لو عايز إنك أنت المصدر وأنت الكتبت الموضوع ودا رأيك ومافى أى جهة.

اولا اذا انا كتبتا الموضوع ودا رأيي مافي قوة في الأرض حا (أهرش)
منها واكتبوا بإسم قيادي شيوعي بفضفض ... تخ بجي بختها في
البوست دا وأقول قال صلاح لب لب لب ... بعدين الكلام واضح
فيهو أفكار شيوعية عميقة جدا لا تفوت على من يعرف شيوعننا ديل ...
هسي النقولك المستهدفين لجان المقاومة عشان تختلف وتنقسم
وتتفرق وكنتا خايفك تكوني (خجلانه) تلصقيني في واحد منهم
لأنهم كلهم كوارث غير طبيعية :-
أخطرهم الحزب الشيوعي قبل البرهان وحميدتي والكيزان والاحزاب
الطائفية والحركات المسلحة ...

Quote: *هام جدا جدا: انا ما بفكر ولا بشير ولا بكتب كلمات أخجل منها، و يا أستاذ صلاح كل مداخلاتى معاك لم تتعدى إحترام نفسى والآخرين .

دا كلام صحيح وتشكري عليه ... وكلمة خجلانه دي كما ذكرت فوق دا السياق حقها ...

معلومة لمن يهمه الأمر ...
يوم ١٨/٨/٢٠١٥ الباشمهندس بكري قبلني واداني المفتاح
ودخلني الحوش ... أول حاجه عملتها عبيت البروفايل
وتحت اللون السياسي كتبتا :-

Quote: أويد التكنوقراط لحكم السودان For Ever

تاني ... كتبتا الكلام دا يوم ١٨/٨/٢٠١٥ ... ولازالت
الغالبية تمشي البروفايل وتقرأ نفس الكلام المكوت دا
وتجي تسألك إنتا شايت على وين وظنون الشك
والريبة ووهم نظرية المؤامرة تملأهم من كل جانب ...
أطير وين أنا ... ما عندي غير كلمتين الخواجه ...

حباب ومرحب حيدر ...
والله يا حيدر نحنا في منبر بكري دا مشكلتنا مقدور عليها
تعال شوف البلد هنا تتمزعها الاختلافات لطمع الجميع والساحة
السياسية تشهد بذلك ... فضل لينا سنين ضوئية عشان نقبل
بالديمقراطية ونفهم شنو الرأي والرأي الآخر ... ربنا يهدي ...

تصدق وتأمن بالله بذكر اختلفنا والحردة حصلت لكن في
شنو أقسمبلاي ما متذكر ... إذا علي القديم خلينا نكون
أولاد النهار دا ... وإذا استجد امر جديد آخر خلينا نداوس
دواس رأي ورأي اخر ... تسلم ...

Quote: ... وديل عندهم تكاليف أنا مقدرا كويس

لا طبعاً ما عندنا تكاليف
الأخت العزيزة قرأت لها عدة ردود أنها غير شيوعية.
أنا ايضاً لا أنتمي لحزب غير الوطن ،و تكليف الله
سبحانه و تعالى للبشر بالأمانة .
أنت يا باش م نفيت الكثير من الجدية عن موضوع
البوست بمجرد تجاهلك لاهمية المصداقية و الموثوقية
مع ان معظم مداخلاتك مبنية على راي مصدرك المجهول.
الجواب القصير لسؤال البوست هو :لا.
مع أن السؤال يشبه الى حدٍ ما إتهام الإنقلابيين و الكيزان
للشارع بانه يتحرك تحت قيادة الحزب الشيوعي ،و هو
بالطبع إتهام باطل القصد منه القضاء على حق الشعب
في أن يثور على الظلم و ان يطالب بالديمقراطية.

أهلن دكتوره نعمات ...
لو حسبتي مداخلتك نمرة واحد تطلعي لغاية المداخلة
نمرة ١١ بتلقي رأي حول موضوع البوست ومدى صدقيتو
وموثيقيتو ... بالنسبة للسؤال في عنوان البوست حا أجاوب
عليهو بي صورة مباشرة وموضوع البوست قال نعم بي
صورة غير مباشرة ... بلا شك طبعا الإجابة نعم في ١٩٦٤ و١٩٨٥
ومنذ نوفمبر ٢٠١٩ الحزب الشيوعي فرز عيشتو وقال لكل
من في الساحة السياسية لا شراكة لا تفاوض لا شرعية
دلاله لرغبته للوصول منفردا لما تسعى إليه الطبقة السياسية ...
من حقك تقفي في الصف البعجبك لكن الشفافية مهمة ...
بالنسبة للانقلابيين والكيزان دا موضوع تاني رأيي فيهو
المفروض يكون معروف ...

Quote: بتلقي رأي حول موضوع البوست ومدى صدقيتو وموثيقيتو

هل تقول بأنه على القارئ تصديق مصدرك لأنك تعرفه شخصياً؟
لكن القراء لا يعرفونك فلماذا يصدقونك؟
ما هو سبب إخفاءك للمصدر؟

Quote: مولانا وكرمبو ديل ناسي ... ومعلوم منى عينن يشوفو فيني يوم اغبر

قال ديل ناسي.. نبرا ونستبرا
وهو إنت متين ما كنت في يوم اغبر؟

هسه عليك الله أنا تقول علي ناسك والأستاذة هدى والدكتورة نعمات تقول عندهم تكاليف! اليست هذي قسمة ضيزى؟
أنا مالي ما بيكلفوني؟

Quote: لا ادرى لماذا اقتحمت الجمهوريين مع اليسار.. لا إيد لا كراع.

صدق الاخ ود الزبير يا محمد حين صنف الفكر الجمهوري مع اليسار ودا كلام استاذكم :
https://www.alfikra.org/chapter_view_a.php؟book_id=10andchapter_id=23andkeywordshttps://www.alfikra.org/chapter_view_a.php؟book_id=10andchapter_id=23andkeywords

Quote: ثم إنه كلما زاد الانتاج من مصادر الانتاج اتجهت عدالة التوزيع إلى الاتقان ، وتقريب الفوارق ، وذلك برفع الحد الأدنى ، وبرفع الحد الأعلى ، على السواء . ولكن رفع الحد الأدنى يكون نسبيا أكبر من رفع الحد الأعلى ، وذلك بغية تحقيق المساواة المطلقة . وعند تحقيق المساواة المطلقة بفضل الله ، ثم بفضل وفرة الانتاج ، تتحقق الشيوعية ، وهي تعني شيوع خيرات الأرض بين الناس .. فالشيوعية إنما تختلف عن الاشتراكية اختلاف مقدار .. فكأن الاشتراكية إنما هي طور مرحلي نحو الشيوعية . ولقـد عاش المعصوم الشيوعية في قمتها حيـن كانت شريعتـه في مستـوى آية الزكاة الكبرى (( يسألونك ماذا ينفقون قل العفو )) ولقد فسر العفو بما يزيد عن الحاجة الحاضرة .

زولكم دا شيوعي ويساري اكثر من ماركس ذاتو ، هو اليسار دا شنو يا ابو الريش اكتر من كدا.
تحياتي صلاح الزبير

Quote: وفي نفس الوقت لا مانع لديه بالتحدث باسمها للوصول للسلطة كهدف استراتيجي تبذل له أنفس وأرواح أولاد الناس (ليس فيهم من هو عضو فاعل في الحزب) رخيصة قتلا وسجنا وتشريدا وضرب وسحل في الشوارع

كلامك هنا إتهام الشارع بإنه منقاد الحزب الشيوعي .
و هذاه إهانة لوعي وذكاء شباب الثورة و شهدائها و إتهام لهم
بأنهم مجرد ادوات يحركها الحزب الشيوعي.

Quote: ويدعي الشيوعيين بأن (ميثاق سلطة الشعب) هو صناعة غرفة عمليات اللجنة المركزية للحزب الشيوعي وان كل تحرك للجان المقاومة وكل المظاهرات التي خرجت طوال الفترة من ٢٥ أكتوبر إلى يومنا هذا يقف خلفها كوادر الحزب الشيوعي فقط ...

لو تفضلت بمقتبسات موثقة من مصادر ذات مصداقية،لأستطعت
ان تقلب الدنيا فوق رأس الشيوعين.
و لكنك أتيت بمقتبسات لا مصداقية لها إلا عندك أنت.

Quote: هل تقول بأنه على القارئ تصديق مصدرك لأنك تعرفه شخصياً؟

يا دوك ... وين انا قتا لي عزيزنا القاريء لازم تصدق ما قاله مصدري الذي أعرفه شخصيا ...

Quote: لكن القراء لا يعرفونك فلماذا يصدقونك؟

هههههه مافي وصاية على القراء لا مني لا منك ... هم ادرى بالصاح
والغلط ... المهم إنتي واضح الكلام الوصفتو ليك ما أقنعك ... جيد ..
لا ضغينة...

Quote: ما هو سبب إخفاءك للمصدر؟

دا سؤال شمولي شديد يا دوك ... منبر بكري دا الحرية متوفرة فيهو
ومافي زول بسألك عن سبب ما كتبت إلا تتخطى قوانين المنبر ...

Quote: أنا مالي ما بيكلفوني؟

هوي بناديلك اخوي الكبير حاج العوض يصرف ليك بركاوي
ابوكديس ... ولا تلومن إلا مولانا الجواك ...

الإختلاف مع المادة المنقولة ونقدها وتفنيدها لايعني أن الناقد والمختلف
معها شيوعي
فأغلب من تداخلو لهم خلافات فكرية مع الشيوعي ـوإختلافات عديدة مع بعض مواقفه قبل وبعد الثورة ــ

ـ ـ ثانيا
لمحمد الزبير الذي ينقل بإنتقاء من الفكرة الجمهورية
كن أمينا وأنقل إختلاف الفكرة الجمهورية مع الطابع المادي للماركسية والمادية الجدلية
ـ الفكرة الجمهوري ـ تنطلق من واقع روحاني ومثالي ـ
وقد إنتقد الأستاذ محمود الرأسمالية والإشتراكية الماركسية ووصف الطرح الماركسي بأنه ينظر للواقع بعين واحدة
وبعدين خلونا من الإستاذ محمود الصادق المهدي حينما عاد من إنجلترا
عاد منبهرا ومروجا للإشتراكية السندكالية والشريف حسين الهندي والتجمع
الإتحادي ينادون بالإشتراكية
القضية هنا ـ ليست تأييد أو تعاطف مع حزب ما وإنما قضية مبدأ

Quote: زولكم دا شيوعي ويساري اكثر من ماركس ذاتو ، هو اليسار دا شنو يا ابو الريش اكتر من كدا.

النكران زاااتو وعي يساري معلوم ومفهوم ليه ...
حباب ومرحب محمد الزبير ...
قتا لي الكلام دا من كتاب للأستاذ شخصيا ... ههههههه
البيعجبني فيك قاعد تجيب الديب من ديلو ...

Quote: كلامك هنا إتهام الشارع بإنه منقاد الحزب الشيوعي

ههههههه كلامي خلي ... كلام الحزب الشيوعي دا رأيك فيهو شنو :-

Quote: لا يوجد شعب حقيقي يمتلك الوعي الكافي بحقوقو .. بخلاف الشعب الذي يتوافق ويلتزم مع الحزب الشيوعي بالمبادئ والقيم التي يتنادى لها هذا الشعب ... شيطنة الحزب الشيوعي بلا اسس منطقية تقف على حقائق ثابتة تعتبر حرث في البحر ... الشباب الواعي مدرك تماما انو لا وجود لكيان سياسي يتوافق مع قناعاتة غير الحزب الشيوعي ... التقليل من هؤلاء الشباب وجحدهم جريمة في حق الثورة لانهم هم الثورة ولا وجود لثورة خلافهم .

Quote: هوي بناديلك اخوي الكبير حاج العوض يصرف ليك بركاوي ابوكديس ... ولا تلومن إلا مولانا الجواك ...

هي لكن يا حاج الطيب زول معولق ساي شبكتو مولانا مولانا ....
و هو ما صدق مسك الوهمة و عمل فيها المنشاوي .... 🤣🤣🤣
العواليق دا و الفقر التاني داك بدخلو البوستات للشهرة
يقعدو ينططو زي حمل الخريف فرحانين بي شنو ما تعرفهم ...
المهم حقو تطنشهم و كدا ...

Quote: ـ ـ ثانيا لمحمد الزبير الذي ينقل بإنتقاء من الفكرة الجمهورية كن أمينا وأنقل إختلاف الفكرة الجمهورية مع الطابع المادي للماركسية والمادية الجدلية ـ الفكرة الجمهوري ـ تنطلق من واقع روحاني ومثالي ـ

الأخ كمال لك التحية
لا انقل بانتقائية وانما انقل موضع الشاهد من كلامهم وارفق معه رابط المادة ايضا ولا اظن ان احدا في المنبر يوثق وينقل بدقة كما افعل ، الكلام لم يكن عن روحانية الفكر الجمهوري ولا خلافه مع المادية فهذه لا ينتطح حولها عنزان ، بل الاقتباس لأثبت لاخينا ابو الريش ان الفكر الجمهوري اشتراكي وشيوعي في منحاه الاقتصادي وهذا ما يجعله مع اليسار في سلة واحدة ...
تحياتي

يامحمد الزبير
عدم الإنتقاء يتطلب
عدم الإكتفاء الكسول بتناول زاوية واحدة وإنما كان يجب أن تتحدث عن
إختلاف الأستاد محمود مع الفلسفة الماركسية ـ
ومع الطابع المادي ـ
وإنو الأستاذ محمود يدعو لإشتراكية ديموقراطية ليبرالية
ويختلف مع الطابع الثوري الماركسي ـ
هناك إختلافات عديدة تجدها مبثوثة في وثائق الفكرة ـ كتابة وصوتا
ـ إشتراكية الأستاذ أقرب لإشتراكية أبوذر الغفاري

Quote: أنا مالي ما بيكلفوني؟

تحياتى يا مولانا Hafiz Bashir ~
لو سمحت ما تلخبط علينا الرصة😀
مثلا الشابات الثائرات فى الشوارع جنبا الى جنب مع إخوانهم - ما بيمرقن شارع الثورة إلا يستلمن "التكليف".

#تحية الخلود فى كتاب تاريخ الإنسانية المشرف للشهيدة ست النفور فى عليائها - ولكل الشهيدات والشهداء الأكارم.

Quote: ههههههه كلامي خلي ... كلام الحزب الشيوعي دا رأيك فيهو شنو

اساساً ما عندك إثبات يؤكد فعلاً إنه في شيوعي قال الكلام في المقتبس دا.

Quote: : وفي نفس الوقت لا مانع لديه بالتحدث باسمها للوصول للسلطة كهدف استراتيجي تبذل له أنفس وأرواح أولاد الناس (ليس فيهم من هو عضو فاعل في الحزب) رخيصة قتلا وسجنا وتشريدا وضرب وسحل في الشوار

كلامك هنا إتهام الشارع بإنه منقاد للحزب الشيوعي .
و هذاه إهانة لوعي وذكاء شباب الثورة و شهدائها و إتهام لهم
بأنهم مجرد ادوات يحركها الحزب الشيوعي

Quote: كلامك هنا إتهام الشارع بإنه منقاد للحزب الشيوعي . و هذاه إهانة لوعي وذكاء شباب الثورة و شهدائها و إتهام لهم بأنهم مجرد ادوات يحركها الحزب الشيوعي

الشارع ما قال ولا بيقول ... الحزب الشيوعي القال إنو يمتلك
الشارع ولو لجان مقاومته لم تصل للسلطة ورجع الجيش
للثكنات سوف يظلون في الشوراع حتى لو رجعت البلد
للعصر الحجري ... دا كلام قريتو بي عيوني ديل ضمن
الفضفضه وما جبتو لأنو كلام هجايص ساي ...

Quote: ... دا كلام قريتو بي عيوني ديل ضمن الفضفضه وما جبتو لأنو كلام هجايص ساي

على الأغلب إن البوست كله وهمة و مقلب وقعت فيه حضرتك.

المصدر - كتبه الأستاذ فضيلى جماع:

Quote: لماذا لا يفهم عسكر الأخوان المسلمين ومليشياتهم ومن لف لفهم أنّ جيلأ شابا يحمل الراية الآن قد ورث ذات جينات المك نمر وعثمان ابوبكر دقنة والسلطان عجبنا وود حبوبة والسلطان تاج الدين والماظ والقرشي وبابكر عبد الحفيط؟ لماذا لا يفهم عسكر مجلس حفظ النظام ومليشياتهم أن لجان المقاومة هم إمتداد جذوة النار التي نفخ فيها علي فضل والتاية وصلاح السنهوري وهزاع وعبد السلام كشة ومطر وقصي والقائمة تطول! لماذا يحسبون أنّ ذاكرة شعبنا غربال تتسرب عبره خيوط الماء؟ لست أدري علام كلما سمعت زعيقهم وزفيرهم تذكرت قول شاعرنا الكبير محمد مفتاح الفيتوري: أمس قد مرّ طاغيةٌ من هنا نافخاً بوقَه تحْت أقواسِها وانتهى حيْثُ مَرْ !! ما كان الجنرال البرهان وزمرته – مذ جاءوا يستجدون الثوار ويقسمون لهم جوراً بأنهم مع الثورة – ما كانوا يحملون غير الحقد الدفين لثورة ديسمبر وفكرة الدولة المدنية التي ظلت حلماً تتوارثه الأجيال السودانية جيلاً بعد جيل. إنّ عسكر اليوم وفلولهم هم تربية نظام الإخوان المسلمين المباد. يختلفون وفلول النظام في المغنم لكنهم متفقون على هدف واحد لا حيدة عنه: القضاء على ثورة ديسمبر التي جاءت لتصنع سوداناً جديداً مختلفاً عما يتصورون.. سودان الحرية والعدالة والمساواة.. تلك الأقانيم الثلاثة التي تمسك بمفتاح دخول بوابة العصر. لذا فقد انقسم السودان اليوم إلى معسكرين لا ثالث لهما: العسكر الإنقلابيون (جيش وشرطة ومليشيات) من جانب وفي الجانب الآخر شعب السودان في شوارعه الهادرة التي يقودها شباب احتار القتلة كيف بأعيرتهم النارية تقف حيرى أمام صدورهم العارية والهتاف الذي ما فتيء منذ 18 ديسمبر 2019 يشق عنان السماء: (حرية ، سلام وعدالة.. مدنية خيار الشعب)!! خليق بالعسكري أن يحمي الواطن والمواطن لا أن يعطي قفاه لهذا الواجب المقدس. بل يقوم عوضاً عنه بإطلاق النار على الشباب الغض – عدة وعتاد المستقبل.. ظناً منه أن سلطة البندقية هي التي تصنع الشرعية. يقول الفيلسوف الإنجليزي جون لوك (1632-1704م): “إنّ الشرطيَّ الذي يجاوزُ حدودَ سلطاتهِ، يتحوّلُ إلى لصٍّ أو قاطعِ طريق! “ إنّ البرهان وزمرته ليسوا سوى قتلة.. ولا نحتاج لندفع بالدليل على أنهم مجرد مليشيا لا نفع يرجي من ورائهم لهذا الوطن وشعبه. كذبة ، لا يؤتمنون على موثق أو عهد. وعلى الأجاويد (الآلية الثلاثية) أن يعلموا علم اليقين أن قطار الثورة ممثلاً في الشارع الهادر منذ ثلاث سنوات قد تجاوز لعبة مشاركة العسكر في المرحلة المقبلة لبناء مجتمع مدني!

Quote: على الأغلب إن البوست كله وهمة و مقلب وقعت فيه حضرتك

ههههههه الوهم وسواقة الخلا ياها المدورة في بوستيني دا ...
في الغالب يا دوك أنا ما بالسذاجة دي ... عارف إمكانياتي كويس ...
وما باكل لحم ني ... لحمة الضلع بعد ما تاخد وقتا في النار عندي
ممنوع يحمروها في طوه ولا صاج ... بعد ما يبهروها ويصلصوها
يدخلوها الفرن لنص ساعة عشان تاكليها زي البسكويت ... هسع
الفضفضه دي ما لافقه مع المعطيات الفي الأرض ... أنا ما قاعد
معاك جوا الخرطوم دي وشايف وعارف ...

الحزب العتيق أنجز السبعة وذمتهمالحزب العتيق أنجز السبعة وذمتهم

Quote: يامحمد الزبير عدم الإنتقاء يتطلب عدم الإكتفاء الكسول بتناول زاوية واحدة وإنما كان يجب أن تتحدث عن إختلاف الأستاد محمود مع الفلسفة الماركسية ـ ومع الطابع المادي ـ وإنو الأستاذ محمود يدعو لإشتراكية ديموقراطية ليبرالية ويختلف مع الطابع الثوري الماركسي ـ هناك إختلافات عديدة تجدها مبثوثة في وثائق الفكرة ـ كتابة وصوتا

كمال كما ذكرت هذا ليس موضوع خلاف ولا يستحق الوقوف عنده ، المقارنة كانت في اوجه التشابه ، طيب محمود يؤمن بكل نظريات الصوفية ومعتقداتهم وبالرغم من ذلك كفره الصوفية واعدموه ، فهل يعني ذلك انهم لم ينظروا لذلك ؟؟

كدي خلونا نشوف ما حمله الشيوعي العتيق عبدالله حسين
من رد ناس جوا وماذا قالو ...
كلامك دا يا عبدالله عايز فلفله وحا يحصل ... بس داير أسألك ...
لزومو شنو شخصنة ما قيل في هذا البوست؟
يعني رديت بالصح ول الكضب على معظم ما ذكر في هذا البوست
بي صورة منطقية ... وبعد ذلك رجعتا لي أصلك الشيوعي الذي
يستهدف محاوره في شخصه ... نظام قتل شخصية وهو المنهج
الشيوعي المعروف لكل من انتقد الحزب ... طبعا عندي الرد زايد
ميكيالين بس الأهم سلامة البلد من نوايا الحزب الشيوعي ...
اول ما أستقر حا أرد على مقالك دا ...
كتب عبدالله حسين :-

Quote: يا صلاح زبير وماذا قلت أنت أصلاً في هذا البوست ... نقلت كتابات زول " لابس قناع كريستال " شيوعي، ووجهه ظاهر من تحته يتهابل، ويدس السم في العسل، ويخدم في خط النظام الانقلابي وجهاز أمنه، سواء بوعي منه أو سهواً منه، وكثير من طرحه ليس له علاقة من قريب أو بعيد بالحزب الشيوعي، وهو يقول بصريح العبارة المموهة بين السطور: يا شعب السودان، إن لجان المقاومة هي الحزب الشيوعي، ومواثيقها هي من صناعة الحزب الشيوعي، وأن هذا الحزب يسعى إلى الاستيلاء على السلطة، وهو يقول هي حق له، لأنه يقول هو الذي قام بالثورة، والحزب يقول أن الشعب الواعي هو فقط الشعب المتفق مع الحزب الشيوعي، والبقية جاهلين، وبالتالي أعملوا حسابكم، وانفضوا من حول لجان المقاومة. وطبعاً عندما ينفض الناس من حول لجان المقاومة، يعني فقدان أعظم أداة نضالية امتلكها شعب السودان في كل الأجيال، وبالتالي نهاية أعظم ثورة في التاريخ القديم والحديث، فمن يخدم هذا الطرح ؟، بالطبع الإجابة معروفة، لذلك فإن مداخلتي التي رأيت أنها مختصرة، فهي للتنبيه، أن ما يجري هنا ليس عفوياً كما قد يتخيل البعض، فهناك حملة منظمة ضد الحزب الشيوعي ولجان المقاومة وكل القوى الثورية الواقفة بصلابة ضد الانقلاب، وهذه الحملة من تحالف يضم نظام الانقلاب وجهاز أمنه الكيزاني الفاشل الذي يفبرك مثل الكتابات التي نقلتها هنا، والحركات المصلّحة وحلف الموز وبني كوز، وبعض جماعات الهبوط الناعم، ودول إقليمية وعالمية، ولكي لا يتصور البعض أن هذا كلام ساي لا دليل عليه، أشير فقط أن جهاز الأمن الخارجي لدولة جنوب السودان، قال لوفد الحزب الشيوعي بصريح العبارة، أن هناك دولتان أتصلت بهم بخصوص تواجد وفد الحزب الشيوعي في جنوب السودان، إحداهما دولة إقليمية والأخرى عالمية، أي أن هاتان الدولتان ألبتا حكومة جنوب السودان على الحزب، وتم اعتقال الوفد عند وصوله إلى الخرطوم من قبل جهاز الأمن الكيزاني الفاشل، يعني التنسيق على أعلى المستويات المحلية والإقليمية والدولية، ويتزامن كل ذلك مع موضوع تمرير التشوية التي يجري طبخها على نيران ملهلبة تهدد بحرقها، وأن العقبات الكأداء التي تقف أمامها هي الحزب الشيوعي ولجان المقاومة والقوى الثورية والشارع الثوري الهادر الذي لا يهدأ، لذلك يطلع بيان مفبرك من جهاز الأمن الكيزاني الفاشل، يشكر فيه الحزب الشيوعي المجرم ياسر العطا على مساعدته في إطلاق سراح وفد الحزب الشيوعي في جوبا، ويملأ الجداد الالكتروني مواقع التواصل والمواقع السودانية أكاذيب حول الحزب الشيوعي ولجان المقاومة، وذلك بتخطيط من شركات عالمية وأجهزة مخابرات إقليمية، وأحدث مثال والذي يمضي في ذات وجهة حث الناس على الانفضاض من حول لجان المقاومة هو تصريح الشغيغ عثمان سر الختم أعلاه، وهو أحد الناطقين سابقاً باسم لجان مدينة الخرطوم، الذي سمى كل من رفض خطه وخط حزبه الاتحادي الهابط الناعم داخل اللجان بأنهم شيوعيين، وهي محاولة منه لشق صف لجان المقاومة، ودق إسفين بين الحزب الشيوعي والشارع الثوري، وتوقيت تصريحه ليس بريئاً فقد جاء عقب إعلان نظام الانقلاب برفع حالة الطوارئ، في محاولة لتمرير التشوية المحروقة قبل إخراجها من فرن القطارات قامت، رغم أنه جمد نشاطه منذ 20 مايو كما قال. بعدين إنت ما بتتوب من ترويج أكاذيب وفبركات جهاز الأمن الكيزاني الغبي الدق الدجلة وقام يتلفت ويتنفض ويهضرب ويهرف بما لا يعرف، بعد ثورة ديسمبر، سواء بنقل هذه الفبركات بوعي تام أو بدونه خلي أخوانك الشيوعيين يودوك الضل ... عرفنا إنو تدينك الشكلي وهوسك الديني، وأخيراً هوسك العرقي، مثل الكيزان، صيام قيام، وقوع ركوع ولحس الكوع، لا يمنعك من الكذب والفبركة واختلاق القصص الوهمية في ليالي القصر والمنشية، للنيل من من تتخذه عدو، وهو الحزب الشيوعي. ألا تخشى ولا تخجل ساي من أن يقول عنك أحد أحفادك عندما يمر من هنا، في أزمنة قادمة، جدو صلاح ده كان بتاع فبركات وكضااااب بششكل ... ههههه فشنو بل فبركاتك دي وأشرب مويته وخليك مع شوالات العدس والكبكبي ...

Quote: إن التغيير الجذري الذي تدعو له قوى الثورة من لجان المقاومة ولجان التسيير ومنظمات المجتمع المدني والحزب الشيوعي، يستهدف إسقاط وتفكيك وتصفية مؤسسات النظام الحالي. وهذا يتطلب التنظيم الدقيق والقيادة المجربة الفاعلة لاستلام السلطة. وبناء سلطة الشعب وتنفيذ البرنامج المتفق عليه.

دا ما صدر عن الحزب الشيوعي ... منقول من بوست عبدالله حسين ...
طيب دا ما ياها فضفضة الشيوعي البتشتمو فوقو بس بي لغة مختلفة ...
وما ياها السعي لحكومة الحزب الواحد وحلفاؤه من الشيوعيين
في لجان المقاومة ولجان التسيير ومنظمات المجتمع المدني ...
على وزن العمال والصناع والزراع في ستينيات القرن الماضي ...
المركز الموحد للتغيير الجذري ... هنا كاودا وجبل مره حاضره بقوة ...

Quote: إن التغيير الجذري الذي تدعو له قوى الثورة من لجان المقاومة ولجان التسيير ومنظمات المجتمع المدني والحزب الشيوعي،

الحزب الشيوعي .. التصدي للإنقلاب واعلان العصيان المدني
والإضراب السياسي العام ... صفحة ٨ ...
هنا قوى الثورة ...
١ :- لجان المقاومة.
٢ :- لجان التسيير ... دي شنو ما عرفتها ...
٣ :- منظمات المجتمع المدني زي (راش) وتجمع المهنيين إياهو ...
٤ :- الحزب الشيوعي ... مش الكابتن بختوهو في اللول أو الأخير ...
يعني لا ٤ طويله لا طائفية لا بطيخ ... هههههه

#مركز التغيير الجذري#
قلت من قبل بأن من أحلام الشيوعي والشيوعيين التي
لا تحدها حدود هي (الوصول للسلطة منفردين) ...
في الجهة المقابلة مباشرة توجد قوى تحلم ولو بالمشاركة
الجزئية في السلطة للحفاظ على مصالحها ومكتسباتها ...
هذه الأحلام حقوق طبيعية لهذه القوى بما فيها الشيوعي ...
طيب المشكلة وووووين ... اقول ليك انا ... (كمثال) :-
نجح الحزب الشيوعي بي شغل اللف والدوران البيعمل
فيهو دا بالوصول للسلطة وشرع في تنفيذ برامج التمكين
والتطهير والتأميم وقبض بأذرعه على النشاط الاقتصادي
عن طريق القطاع العام وعدلت القوانين بفضل مجلسه
التشريع ذو اللون الواحد وتم تسريح الجيش وجابو
الحلو ونور بي جيوشهم ليحلو محل الجيش المسرح ...
هل يظن الشيوعيين بأنهم سينعمون بي راحة البال
والهدوء للبدء في إقامة دولة البلاشفة في السودان
وتنزيل مشروعهم الحضاري بشيوعية كل السودانيين
والتخلص من كل سوداني لا يدين بالشيوعية؟ ...
دي اسما أحلام ظلوط ... الحزب (السوداني) الذي ليس
له ولاء أممي أو عقائدي هو ذلك الحزب الذي يسعى
لجمع وحدة صف كل السودانيين لأنو دي هي مصلحة
الوطن والمواطن ... وهذا السعي هو الذي يؤدي
للاستقرار السياسي والاقتصادي والأمني ثم الإجتماعي...
بدون هذا الاستقرار وبدون السعي للوحدة لن
يستطيع كائن من كان ان يبدأ بناء الدولة التي
تهشمت وعلى وشك أن يذهب ريحها ...

Quote: منظمات المجتمع المدني زى (راش) وتجمع المهنيين إياهو ...

تصحيح سريع:
الأمثلة الفى الكوت ليست منظمات مجتمع مدنى…
راش= رابطة الأطباء الاشتراكيين -رابطة وليست منظمة مجتمع مدنى…
تجمع المهنيين=هم وحدة او تحالف بين أصحاب "المهن" زى المهندسين ، المعلمين ، ضباط الصحة …الخ، ولكنه ليس منظمة مجتمع مدنى.

Quote: الأمثلة الفى الكوت ليست منظمات مجتمع مدنى…

دي زاوية شوفك ... أنا عندي زاوية شوف تانية ...
اولا ديل (الرابطة) و(التجمع) ناس داخل المجتمع المدني وليس العسكري ...
وبعدين منظمة دي بالنسبة لي ما زي منظمة الأمم المتحدة ... منظمة دي
يعني ناس انتظمو في رابطة في تجمع في وحدة ... زي الأطباء والمهنيين*
والمحامين والصحفيين ... ديل قلب المجتمع المدني يبقى كلمة منظمة
ليست بالضرورة تعني الاستقلالية عن قوى المجتمع المدني ... ومنظمات
أو تنظيمات المجتمع المدني ياها مقصود بيها راش والمهنيين والمحامين
والصحفيين أيا كان اسمها لو منظمة أو رابطة أو تجمع ...
شايفك خليتيني بي غباي في لجان تسيير (النقابات) وجريتي لنفي تهمة
شيوعية راش وتجمع المهنيين ... ههههههه
بعدين تجمع المهنيين دا المفروض يضم كل أصحاب المهن ...
يعني دكاترة مهندسين محامين صحفيين... الخ بس يلعن
ابو السياسة والتحزب ...

زعلت شديد يا أستاذ من ذاك التصحيح السريع، رغما إنه ما عنده علاقة بشيوعية أو خلافها - مجرد حقائق .
وكان هم كلموك إنهم شيوعين دى بينك وبينهم ، انا لا سمعت لا شفت.
*أما منظمات المجتمع المدنى على قول الخواجات فهى "a different beast”

السلام عليكم و رحمة الله و بركاته
طولنا منكم
لكن متابعينكم كويس

Quote: خلي أخوانك الشيوعيين يودوك الضل ... عرفنا إنو تدينك الشكلي وهوسك الديني، وأخيراً هوسك العرقي، مثل الكيزان، صيام قيام، وقوع ركوع ولحس الكوع، لا يمنعك من الكذب والفبركة واختلاق القصص الوهمية في ليالي القصر والمنشية، للنيل من من تتخذه عدو، وهو الحزب الشيوعي. ألا تخشى ولا تخجل ساي من أن يقول عنك أحد أحفادك عندما يمر من هنا، في أزمنة قادمة، جدو صلاح ده كان بتاع فبركات وكضااااب بششكل ... ههههه فشنو بل فبركاتك دي وأشرب مويته وخليك مع شوالات العدس والكبكبي ...

Quote: زعلت شديد يا أستاذ من ذاك التصحيح السريع

يا أستاذه هدى في حد يزعل عشان صححو ليهو معلوماتو؟
ياخي نشكرك على المرور ورفع البوست وكمان تصحيح المعلومة ...
هسع تصحيح المعلومة ول الدراب الفوق دا ... يمين بالله ما
هز فيني شعرا ... هو زي كلام عبدالله حسين دا بفتشو ليهو
ول بشترو من السوق ... كتبت واحد زيو وكنتا بين خيارين
يا انزلو هنا وبي كدا أكون شخصنة موضوع البوست ... يا أمشي
بوست عبدالله بتاع الكوبي بيست داك وأرميهو ليهو ويكون
من ضمن المداخلات الحية النادرة مغ مداخلاتك ... نهايتو
صرفت النظر عن الخيارين واكيد حا ألاقيهو في زنقه من
جخانين المنبر دا وبكون شايل الكيلومتر* وهاك يا محط ..
* كيلومتر دي يا حاج العوض إلا يشرحا ليك صايع من الموردة ...

Quote: * كيلومتر دي يا حاج العوض إلا يشرحا ليك صايع من الموردة ...

انا ما صايع يا حاج الطيب لكن ناقش كويس ....
قالو لي امطرت لديكم بختكم خريفكم بدأ و الاجواء السمحة حا تبدأ ....

Quote: قالو لي امطرت لديكم بختكم خريفكم بدأ و الاجواء السمحة حا تبدأ

جو عجيب ياخي ... داير اقول كلام كعب ... رسل لي في الواتساب
رسالة على نفس الرقم ... أصلا رقمك ضاع مع التلفون جوا (مسجد)
وفي (الطايف) بواسطة ٩ طويله كيزانية وكنت حضور لعقد قران ولد صاحبي ...

يا صلاح زبير

أنت من يشخصن الردود على المداخلات، ديل عندهن تكاليف، مولانا الجواك، أكلت معاك بجنبة، هذا إلى جانب أكاذيب وفبركات جهاز الأمن الكيزاني الفاشل، التي تروّج لها في المنبر.

Quote: كدي خلونا نشوف ما حمله الشيوعي العتيق عبدالله حسين من رد ناس جوا وماذا قالو ...

يا زول رد ناس جوا وبرا بتاع شنو، خلينا من التضخيمات الفارغة، هذا ردي أنا شخصياً ومحصور هنا في المنبر، وليس له أي علاقة بالحزب الشيوعي من قريب أو بعيد، إنت قايل الحزب الشيوعي قاعد ما عندو شغلة ومتفرغ للرد على الأفراد، بعدين الحزب ده لو عاوز يرد ليك إنت كصلاح زبير كان قيامتك قامت، كان وداك المحكمة بتهمة نشر وترويج أكاذيب وفبركات، وخلاك تتلفت جوه المحكمة.

Quote: لزومو شنو شخصنة ما قيل في هذا البوست؟

إذا كنت تقصد بالشخصنة ما أشرت إليه " أخوانك الشيوعيين " و " شوالات العدس والكبكبي "، فهذه معلومات كتبتها أنت بنفسك في نقاشات في المنبر، وبالتالي فأنت من قرر أن تكون جزء من النقاش، وهي بالمناسبة ليس فيها أي إساءة شخصية لك من جانبي، بل بالعكس فيها احترام كبير لأخوانك الشيوعيين، وفيها أيضاً سخرية مألوفة متبعة في الكتابة، ومفادها: يا صلاح بدل تعتيل فبركات جهاز الأمن الكيزاني الفاشل، فأحسن كان كدي تعتل شولات العدس والكبكبي، وهي الأفيد والأنفع والأصدق !.
أما " الهوس الديني "، " التدين الشكلي "، " الهوس العرقي "، فهي مصطلحات موضوعية مستخدمة بكثرة في الخطاب السياسي والفكري وليس لها أي علاقة بما هو شخصي، وقد استخدمتها في مداخلتي لإثبات أن ممارسة والقيام بالعبادات الحسية من صلاة وصوم وحج وزكاة وغيرها، قد تأكد من التجربة أنه لا يمنع الكذب والفبركة والقتل والسرقة والنهب وتعذيب الخصوم والتنكيل بهم، وبما أنك تنقل فبركات وأكاذيب للتعدي والنيل من الخصوم بدون حق، فهذا معناه أن ممارسة العبادات الحسية لم يزجرك عن التعدي على الناس بالباطل، وهو ما يناقض جوهر القيّم الدينية، والإشارة لحفيد مفترض، هو دعوة للحفاظ على مصداقيتنا للأجيال القادمة، قد يكون هذا الحفيد المفترض، هو حفيدي أو حفيدك أو حفيد أي شخص آخر.

Quote: بوست عبدالله بتاع الكوبي بيست داك وأرميهو ليهو ويكون من ضمن المداخلات الحية النادرة مغ مداخلاتك

ذلك البوست يا رعاك الله ليس بوست كوبي بيست بالفهم المتداول هنا في الموقع وفي مواقع أخرى، أي أن يقوم شخص بفتح بوست بموضوع معين، وأن تكون مساهمته فيه قائمة وقاصرة على النقل الذي يقوم مقام طرح جوهر الموضوع من بنات أفكاره وكسبه المعرفي، وليس النقل للاستشهاد، وأن تكون مداخلاته في بوستات الآخرين هي عبارة عن كوبي بيست، ما عدا في حالة الاستشهاد، وبالتالي يجب تصحيح فهمك يا سيد، فذلك البوست هو نقل صوت الحزب الشيوعي وإيصاله لأكبر عدد من الناس، وهذا عمل أي حزب، كأنك تقرأ صحيفة الميدان، وأنا كعضو في ذلك الحزب أقوم بهذه المهمة، أي مهمة توصيل رأي حزبنا، أما رأيي واسهامي الشخصي المتواضع فتجده في بوستاتي وفي مداخلاتي في بوستات الآخرين، ولا أحتاج لكوبي أو بيست في كتابتي، إلا للاستشهاد، وفي الغالب أشير للمصدر فقط.

Quote: صرفت النظر عن الخيارين واكيد حا ألاقيهو في زنقه من جخانين المنبر دا وبكون شايل الكيلومتر* وهاك يا محط

أها أنا جيتك في عقر دارك، ووفرت عليك الحوامة والتلبد في زنقات وجخانين المنبر، شايل سيوف الحقيقة التي تقطع رقاب الأكاذيب والفبركات، لأقول لك يا صلاح أنت لن تستطيع أن تمحط ذبابة بهبابة، ناهيك عن الكيلومتر أو المليميتر، فالأقوى منك بدلشيارات السنوات الضوئية لم يقدروا علينا، من أنظمة مجرمة محلية ودول ومخابرات عالمية، ذهبت ريحهم جميعاً وبقى حزبنا، فشنو مد كراعك على قدر لحافك، وأحلم كما تشاء، أقول قولي هذا وأنا أدرك أنك لا تقصد بالمحط معناه الحرفي.
أخيراً، سوف أعود للتعليق على بعض ما جاء في مداخلاتك، ومعاك للنهاية راس لراس، مثل السجال الذي خضته معك في السابق، لكن في هذه الأثناء، وإلى ذلك الحين، أرجو أن تجيب على الأسئلة أدناه بشكل مباشر ومستقيم ودون لف أو دوران، وفي النهاية الخيار لك بالطبع، أن تفعل أو لا تفعل.

ـ ما هو مصدر هذه الفبركات ؟.
ـ هل تعلم أنك تنقل فبركات جهاز الأمن الكيزاني الفاشل ؟
ـ هل تنقل هذه الفبركات بوعي كامل ومع سبق الإصرار والترصد؟

كتب عبدالله حسين أن رسالة البوست على لسان صلاح هي :-

Quote: يا شعب السودان ، إن لجان المقاومة هي الحزب الشيوعي، ومواثيقها هي من صناعة الحزب الشيوعي، وأن هذا الحزب يسعى إلى الاستيلاء على السلطة، وهو يقول هي حق له، لأنه يقول هو الذي قام بالثورة، والحزب يقول أن الشعب الواعي هو فقط الشعب المتفق مع الحزب الشيوعي، والبقية جاهلين، وبالتالي أعملوا حسابكم، وانفضوا من حول لجان المقاومة

وكتبت صحيفة الميدان بتاريخ ١٠/٣/٢٠٢٢ ما يلي :-

Quote: إن التغيير الجذري الذي تدعو له قوى الثورة من لجان المقاومة ولجان التسيير ومنظمات المجتمع المدني والحزب الشيوعي، يستهدف إسقاط وتفكيك وتصفية مؤسسات النظام الحالي. وهذا يتطلب التنظيم الدقيق والقيادة المجربة الفاعلة لاستلام السلطة. وبناء سلطة الشعب وتنفيذ البرنامج البرنامج المتفق عليه

طبعا واضح خطاب البوست التحذيري للشعب السوداني بأن يفتح
عيونو كويس للحزب الشيوعي السوداني ... فهو يسعى (للتغيير
الجذري عبر (قوى الثورة) التي حددها في مقال الميدان (صوت
الحزب الرسمي) وهي قوى مخترقة من أعضاءه أو شبيبته واستطاع
أن يغيير ويحول كل انتصارات ثورة ديسمبر التي فجرها وشارك فيه
شعب السودان بكل فئاته ومشاربه إلى هذه القوى ... وسوف تظهر
هذه القوى كجزء من الحزب الشيوعي وليس كحليف حال انتصارها
وهي المعنية بقول الشيوعي فضفضته هنا :-

Quote: لا يوجد شعب حقيقي يمتلك الوعي الكافي بحقوقو .. بخلاف الشعب الذي يتوافق ويلتزم مع الحزب الشيوعي بالمبادئ والقيم التي يتنادى لها هذا الشعب ...

Quote: وطبعاً عندما ينفض الناس من حول لجان المقاومة، يعني فقدان أعظم أداة نضالية امتلكها شعب السودان في كل الأجيال، وبالتالي نهاية أعظم ثورة في التاريخ القديم والحديث،

نهاية أعظم ثورة في التاريخ القديم والحديث سوف يكون
السبب المباشر لها هو الحزب الشيوعي السوداني كما حصل
في اكتوبر ١٩٦٤ وأبريل ١٩٨٥ ... محاولات الحزب الشيوعي
الذي يعافه الشعب السوداني في سرقة وورثة كل الثورات
فشلت في السابق وسوف تفشل اليوم ... ومحاولات
الشعب السوداني للإنعتاق والانطلاق لمستقبل زاهر لابد
ان تتم بعيدا عن كل الأحزاب العقائدية التي لا تعرف
ولا تعلم ماهي مصلحة الوطن والمواطن ...

Quote: أن ما يجري هنا ليس عفوياً كما قد يتخيل البعض، فهناك حملة منظمة ضد الحزب الشيوعي ولجان المقاومة وكل القوى الثورية الواقفة بصلابة ضد الانقلاب، وهذه الحملة من تحالف يضم نظام الانقلاب وجهاز أمنه الكيزاني الفاشل الذي يفبرك مثل الكتابات التي نقلتها هنا، والحركات المصلّحة وحلف الموز وبني كوز، وبعض جماعات الهبوط الناعم، ودول إقليمية وعالمية، ولكي لا يتصور البعض أن هذا كلام ساي لا دليل عليه، أشير فقط أن جهاز الأمن الخارجي لدولة جنوب السودان، قال لوفد الحزب الشيوعي بصريح العبارة، أن هناك دولتان أتصلت بهم بخصوص تواجد وفد الحزب الشيوعي في جنوب السودان، إحداهما دولة إقليمية والأخرى عالمية، أي أن هاتان الدولتان ألبتا حكومة جنوب السودان على الحزب، وتم اعتقال الوفد عند وصوله إلى الخرطوم من قبل جهاز الأمن الكيزاني الفاشل، يعني التنسيق على أعلى المستويات المحلية والإقليمية والدولية، ويتزامن كل ذلك مع موضوع تمرير التشوية التي يجري طبخها على نيران ملهلبة تهدد بحرقها، وأن العقبات الكأداء التي تقف أمامها هي الحزب الشيوعي ولجان المقاومة والقوى الثورية والشارع الثوري الهادر الذي لا يهدأ، لذلك يطلع بيان مفبرك من جهاز الأمن الكيزاني الفاشل، يشكر فيه الحزب الشيوعي المجرم ياسر العطا على مساعدته في إطلاق سراح وفد الحزب الشيوعي في جوبا، ويملأ الجداد الالكتروني مواقع التواصل والمواقع السودانية أكاذيب حول الحزب الشيوعي ولجان المقاومة، وذلك بتخطيط من شركات عالمية وأجهزة مخابرات إقليمية،

هذا جزء من مؤامرة صناعة الفراغ ...
مع قناعتي بعدم وجود مؤامرات ضد ٤٠ مليون من الشعب السوداني ...
ومقتنع تماما بي إنو (البتسوي بي إيدك بيغلب أجاويدك) ... وحصادك
المفروض ينتجو ليك (ضرب إيدك) ...
اها امبارح سمعتا واحد بيتلكم عن صناعة الفراغ التي دبرت للسودان
من خارج الحدود ... وهي معارضة كل الاطروحات الموجودة في
الساحة بدون الاتيان بالبديل لهذه الاطروحات ... طبعا تعارض بي
شراسة كل الحلول التي يمكن تساهم في الحلحة ولو بمقدار ...
يشارك في مؤامرة صناعة الفراغ ٤٠ مليون (شعب) من شعوب
السودان ... لأنو المعارضة بدون بديل معناها الناس بعد ذلك تقعد
تعاين لي بعض ... السيء في مؤامرة صناعة الفراغ هي تعتبر
الصراط المستقيم لي جهنم الحرب الأهلية ...

هههههههه شوف هسي كمية المؤامرات التي تحاك ضد الحزب
الشيوعي وثورته (اكيد ليست ثورة ديسمبر) في هذا الجزء من
رد الرفيق عبدالله حسين ...

Quote: وأحدث مثال والذي يمضي في ذات وجهة حث الناس على الانفضاض من حول لجان المقاومة هو تصريح الشغيغ عثمان سر الختم أعلاه، وهو أحد الناطقين سابقاً باسم لجان مدينة الخرطوم، الذي سمى كل من رفض خطه وخط حزبه الاتحادي الهابط الناعم داخل اللجان بأنهم شيوعيين، وهي محاولة منه لشق صف لجان المقاومة، ودق إسفين بين الحزب الشيوعي والشارع الثوري، وتوقيت تصريحه ليس بريئاً فقد جاء عقب إعلان نظام الانقلاب برفع حالة الطوارئ، في محاولة لتمرير التشوية المحروقة قبل إخراجها من فرن القطارات قامت، رغم أنه جمد نشاطه منذ 20 مايو كما قال.

هل معارضة فرض وجهة نظر الحزب الشيوعي بواسطة كوادره
داخل هذه اللجان تعتبر شق صف لجان المقاومة؟ إذن ماذا تسمي
فعل الحزب الشيوعي لتجيير هذه اللجان على حسب ما يخطط
له ومحاولاته المستميته لجني نجاح أفعال لجان المقاومة لصالح
مشروعه ... هل قامت لجان المقاومة لخدمة أهداف الحزب الشيوعي؟
الفكرة إنو الحزب الشيوعي يتعامل مع لجان المقاومة كجزء أصيل
من الحزب زي راش وتجمع المهنيين ...الخ والأيام الجاية سوف
تحصل المزيد من الانشقاقات بسبب سلوك الحزب ...